الفصل 9
عالم القصص والروايات 📚:
*ـــــــــــــــــــــــــــــــــــــــــــــــــ*
*((, #عشق_بدوي_يابنت_تفهمينة💙))*
*(( #البارت_التاسع))*
*ــــــــــــــــــــــــــــــــــ*
ﻓﻲ ﺍﻟﻘﺮﻳﻪ ..
ﺃﺑﻜﻲ ﻗﺼﻴﺪﺓ ﻭﺃﺷﺒﻚ ﺍﻟﺒﻴﺖ ﺑﺎﻟﺒﻴﺖ
ﻭﺃﺷﻜﻲ ﻗﻮﺍﻓﻲ ﺍﻟﻠﻴﻞ ﻣﻦ ﻛﻞ ﺿﻴﻘﻪ
ﻭﺃﺩﺧﻞ ﺑﺤﻮﺭ ﺍﻟﺸﻌﺮ ﻻ ﻣﻦ ﺗﺠﻠﻴﺖ
ﻭﺃﻏﻮﺹ ﻓﻲ ﻭﺳﻂ ﺍﻟﺒﺤﻮﺭ ﺍﻟﻌﻤﻴﻘﺔ
ﻓﻲ ﺣﺒﻜﻢ ﻻﻧﻲ ﺑﺤﻲ ﻭﻻ ﻣﻴﺖ
ﻛﻨﻲ ﻛﺴﻴﺮ ﺍﻟﻄﻴﺮ ﻣﺎﻟﻪ ﻃﺮﻳﻘﻪ
ﻣﺤﻤﺪ: ﻭﺵ ﻋﻠﻤﻚ ﻳﺎﻣﺴﺎﻋﺪ ﻣﺎ ﺃﻧﺖ ﻋﻠﻰ ﺑﻌﻀﻚ ﻣﻦ ﻳﻮﻡ ﺭﺟﻌﻨﺎ ﻣﻦ ﺍﻟﺒﺮ؟
ﻣﺴﺎﻋﺪ ﻭﺑﻀﺠﺮ: ﺃﻗﻮﻝ ﻭﺵ ﺩﺧﻠﻚ ﺑﺎﻟﻄﺎﻟﻌﻪ ﻭﺍﻟﻨﺎﺯﻟﻪ ﺑﺲ ﺗﺴﺄﻝ ﺃﺣﺪ ﻣﻮﺻﻴﻚ ﺗﻨﺸﺐ
ﻟﻲ؟
ﻣﺤﻤﺪ: ﺍﻟﺸﺮﻫﻪ ﻣﻮﺏ ﻋﻠﻴﻚ ﺍﻟﺸﺮﻫﻪ ﻋﻠﻰ ﺍﻟﻠﻲ ﻳﺴﺄﻝ ﻋﻨﻚ .
ﻣﺴﺎﻋﺪ: ﻭﻓﻴﻪ ﺃﺣﺪ ﻃﻠﺐ ﻣﻨﻚ ﺗﺴﺄﻝ ﺇﻧﺜﺒﺮ ﻭﻻﺗﻬﺬﺭ ﻓﻮﻕ ﺭﺃﺳﻲ .
ﻣﺤﻤﺪ: ﻟﻌﻨﺒﻮ ﺩﺍﺭﻙ ﻭﺵ ﺑﻼﻩ ﻋﻘﻠﻚ ﻣﺴﺘﻠﺞ؟
ﻣﺴﺎﻋﺪ: ﻭﺵ ﺗﺒﻴﻨﻲ ﺃﺳﻮﻱ ﻃﻔﺸﺖ ﻣﻦ ﻛﻞ ﺷﻲ .
ﻣﺤﻤﺪ ﻭﺑﻨﺨﻮﻩ : ﻭﺃﻧﺎ ﺃﺧﻮﻙ ﻻ ﻳﻬﻤﻚ ﻗﻠﺒﻚ ﻭﺩﺱ ﻋﻠﻴﻪ ﻳﺎﺧﻮﻙ ﻳﻤﻮﺕ ﻗﻠﺐ ﻭﻻ ﺗﻤﻮﺕ
ﺍﻟﻜﺮﺍﻣﻪ .
ﻣﺴﺎﻋﺪ : ﻭﺭﺑﻲ ﻳﺎﻣﺤﻤﺪ ﻟﻮ ﺑﻴﺪﻱ ﺣﻴﻠﻪ ﻛﺎﻥ ﻣﺎﺷﻔﺘﻨﻲ ﻛﺬﺍ ﺑﺲ ﻳﺎﺭﻓﻴﻘﻲ ﺍﻟﺤﺐ ﻻﺩﺧﻞ
ﻗﻠﺐ ﻃﻠﻊ ﺍﻟﻌﻘﻞ ﻣﻦ ﻃﺮﻳﻖ .
ﻣﺤﻤﺪ: ﺃﻗﻮﻝ ﻳﺎﻟﻄﻴﺐ ﺑﻼ ﻫﻢ ﻭﻻ ﻫﻢ ﻳﺤﺰﻧﻮﻥ ﺧﻠﻨﺎ ﻧﺮﻭﺡ ﻟﺴﺘﺮﺍﺣﺔ ﺧﻮﻳﻠﺪ ﻓﻠﺔ ﺣﺠﺎﺝ
ﻭﻭﻧﺎﺳﻪ .
ﻣﺴﺎﻋﺪ ﻭﺑﺪﻭﻥ ﻧﻔﺲ: ﻳﻠﻪ ﺳﺮﻳﻨﺎ ﻟﻬﻢ ﺑﺲ ﺩﻕ ﻋﻠﻴﻪ ﻟﻮ ﺃﺷﻮﻑ ﺷﻴﺸﻪ ﺃﻭ ﺃﺷﻢ ﺭﻳﺤﺔ
ﺩﺧﺎﻥ ﻭﺍﻟﻠﻪ ﻷﻛﺴﺮ ﺍﻟﺪﻧﻴﺎ ﻋﻠﻴﻬﻢ ﻭﺃﻗﻠﺐ ﺍﻹﺳﺘﺮﺍﺣﻪ ﻟﻤﺴﺘﺸﻔﻰ .
ﻣﺤﻤﺪ : ﻫﻬﻪ ﻣﺎﻳﺤﺘﺎﺝ ﻋﻘﺐ ﺍﻟﻠﻲ ﺳﻮﻳﺘﻪ ﺫﻳﻚ ﺍﻟﻠﻴﻠﻪ ﻓﻴﻬﻢ ﻭﺍﻟﻠﻪ ﺍﻟﻈﺎﻫﺮ ﻳﺤﺮﻣﻮﻥ
ﻳﺸﺮﺑﻮﻧﻪ ﻣﺮﻩ ﺛﺎﻧﻴﻪ .
ﺭﺣﺖ ﺃﻧﺎ ﻭﻣﺤﻤﺪ ﻟﻺﺳﺘﺮﺍﺣﻪ ﻭﺃﻧﺎ ﺿﺎﻳﻘﻪ ﻓﻴﻨﻲ ﺍﻟﺪﻧﻴﺎ،،ﻭﺃﺑﻲ ﺃﻧﺴﻰ ﻟﻤﻰ ﺑﺄﻱ
ﻃﺮﻳﻘﻪ،،ﺧﻼﺹ ﺗﻌﺒﺖ،،ﺁﻩ ﻳﺎﻟﺤﺐ ﻳﺎﺷﻴﻨﻪ ﺷﻴﻨﺎﻩ،،
ﺩﺧﻠﻨﺎ ﺇﺳﺘﺮﺍﺣﺔ ﺧﻮﻳﻠﺪ ﺃﺑﻮ ﺍﻟﻀﺒﺎﻥ )) ﺍﻟﻀﺒﺎﻥ ﺟﻤﻊ ﺿﺐ،،ﻭﻫﺬﺍ ﺧﻮﻳﻠﺪ ﻳﻤﻮﺕ ﻋﻠﻰ ﺃﻛﻞ
ﺍﻟﻀﺒﺎﻥ ﻟﺪﺭﺟﺔ ﺇﻧﻪ ﻗﺮﺭ ﺇﺫﺍ ﺟﺎﻩ ﻭﻟﺪ ﻳﺒﻲ ﻳﺴﻤﻴﻪ ﺿﺒﻀﻮﺏ ((
( ﺃﺗﺤﺪﻯ ﺃﺣﺪ ﻳﻠﻘﻰ ﺃﺳﻢ ﺃﺣﺴﻦ ﻣﻦ ﻫﺎﻹﺳﻢ ﻟﻮﻟﺪﻩ ((
ﺧﺎﻟﺪ: ﻫﻼ ﻭﺍﻟﻠﻪ ﺑﺎﻟﻐﺎﻟﻲ،،ﻳﺎﻋﻞ ﻋﻴﻮﻧﻲ ﻣﺎﺗﻔﻘﺪ ﻫﺎﻟﺰﻭﻝ .
ﻣﺴﺎﻋﺪ: ﺃﻗﻮﻝ ﺇﺭﻛﺪ ﻭﻻ ﺗﻬﺎﻳﻂ ﻭﺍﺟﺪ .
ﺧﺎﻟﺪ : ﺃﻓﺎ ﻳﺎﺃﺑﻮﺟﺮﺡ ﺃﻧﺎ ﺃﻫﺎﻳﻂ ﻋﻠﻰ ﻣﻤﻠﻮﺡ ﺍﻟﻘﺮﻳﻪ .
ﻣﺴﺎﻋﺪ: ﺗﺪﺭﻱ ﻋﺎﺩ ﺣﺴﺒﻲ ﺍﻟﻠﻪ ﻋﻠﻰ ﻣﺰﺍﺭﻉ ﺍﻟﺼﺎﻓﻲ .
ﺧﺎﻟﺪ:ﻟﻴﺶ؟
ﻣﺴﺎﻋﺪ : ﻷﻧﻬﻢ ﺟﻤﻌﻮﺍ ﺛﻴﺮﺍﻥ ﺍﻟﻌﺎﻟﻢ ﻭﻧﺴﻮﻙ .
ﺧﺎﻟﺪ: ﻳﺎﺑﻌﺪﻫﻢ ﻳﺎﺃﺑﻮ ﺟﺮﺡ ﺗﻤﻮﻥ .
ﻣﺴﺎﻋﺪ: ﻳﺎﻟﻴﻞ ﻣﺎﺃﻃﻮﻟﻚ .. ﻟﻮ ﻣﺎ ﺳﻜﺖ ﻭﻫﺠﺪﺕ ﻭﺍﻟﻠﻪ ﻻﺗﺼﻴﺮ ﻋﻠﻮﻡ ﺛﺎﻧﻴﻪ .
ﺧﺎﻟﺪ: ﻫﻬﻪ ﻋﻠﻮﻡ ﻭﺃﻻ ﺟﻐﺮﺍﻓﻴﺎ .
ﻣﺴﺎﻋﺪ ﻭﻗﺪ ﻫﺎﺝ ﻛﺎﻟﺜﻮﺭ: ﺗﺴﺘﺨﻒ ﺩﻣﻚ ﺇﻧﺖ ﻭﺟﻬﻚ ﺍﻟﻈﺎﻫﺮ ﺗﺒﻴﻨﻲ ﺃﺳﻮﻱ ﺧﺮﻳﻄﺔ
ﺍﻟﻤﻤﻠﻜﻪ ﺑﻮﺟﻬﻚ .
)) ﺃﺩﺭﻱ ﺇﻧﻪ ﻛﺬﺍﺏ ﻛﻞ ﻫﺎﻟﻬﻴﺎﻁ ﻳﺘﻤﺼﻠﺢ ﻋﻠﺸﺎﻥ ﺃﺧﺘﻲ ﻧﻮﻑ ﻣﻮﺏ ﻟﺴﻮﺍﺩ ﻋﻴﻮﻧﻲ ((
ﻣﺤﻤﺪ: ﺳﻼﻣﺎﺕ ﻳﺎﺃﺑﻮ ﺍﻟﺸﺒﺎﺏ ﻭﺵ ﺳﺎﻟﻔﺔ ﻫﺬﺍ ﻳﺤﺒﺤﺐ ( ﻳﺒﻮﺱ ) ﻫﺎﻟﺠﻮﺍﻝ ﻣﻦ
ﺍﻟﺼﺒﺢ؟؟
ﺧﺎﻟﺪ : ﻫﻬﻪ ﻣﺎﻋﻠﻴﻚ ﻣﻨﻪ ﻭﺣﺪﻩ ﻻﻋﺒﻪ ﻋﻠﻴﻪ ﺍﻟﻐﺒﻲ ﻭﻣﺮﺳﻠﻪ ﻟﻪ ﺻﻮﺭﺓ ﻧﺎﻧﺴﻲ ﻭﺗﻘﻮﻝ
ﻫﺬﻱ ﺻﻮﺭﺗﻬﺎ .
ﻣﺤﻤﺪ ﻭﻫﻮ ﻓﺎﻃﺲ ﻣﻦ ﺍﻟﻀﺤﻚ:
ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ
ﻣﺤﻤﺪ ﺧﻼﺹ ﻣﺎﻋﺎﺩ ﻳﺘﺤﻤﻞ:ﺁﻩ ﻳﺎﺑﻄﻨﻲ ﻣﺖ ﺧﻼﺹ ﻫﻮ ﻣﻦ ﺟﺪﻩ ﻣﺼﺪﻕ؟
ﺧﺎﻟﺪ: ﻭﺭﺑﻲ ﺣﺎﻭﻟﻨﺎ ﻧﻘﻮﻟﻪ ﺇﻧﻬﺎ ﺗﻜﺬﺏ ﻣﻮﺏ ﻣﺼﺪﻕ ﺍﻟﺪﻟﺦ ﻳﻘﻮﻝ ﺣﻨﺎ ﺃﻛﻴﺪ ﻣﻨﻘﻬﺮﻳﻦ .
ﻣﺴﺎﻋﺪ: ﻭﺵ ﺩﻋﻮﻩ ﻓﻴﻪ ﺃﺣﺪ ﻣﺎﻳﻌﺮﻑ ﻫﺎﻟﺒﺴﻪ .
ﺧﺎﻟﺪ: ﻣﺴﻜﻴﻦ ﻣﻦ ﻭﻳﻦ ﻳﻌﺮﻓﻬﺎ ﺣﺘﻰ ﺗﻴﻠﻔﺰﻳﻮﻥ ﻣﻮﺏ ﻋﻨﺪﻩ .
ﻣﺤﻤﺪ ﻭﺑﺴﺨﺮﻳﻪ: ﻫﻬﻬﺎﻱ ﻫﺬﺍ ﺇﺫﺍ ﻳﻌﺮﻑ ﻭﺵ ﻟﻮﻥ ﺷﻜﻠﻪ ﺃﺻﻼ ..ﻭﺍﻟﻠﻪ ﻛﺴﺮ ﺧﺎﻃﺮﻱ ..
ﻣﺴﺎﻋﺪ ﻭﺑﻨﺬﺍﻟﻪ:ﺃﺳﻤﻌﻮﺍ ﻭﺵ ﺭﺃﻳﻜﻢ ﻧﺴﻮﻱ ﻓﻴﻪ ﻣﻘﻠﺐ ﻋﻠﺸﺎﻥ ﻣﺎﻳﻌﻮﺩ ﻫﺎﻟﺴﻮﺍﻟﻒ ﻣﺮﻩ
ﺛﺎﻧﻴﻪ .
ﺧﺎﻟﺪ : ﺳﻤﻌﻦ ﻭﻃﺎﻋﻪ .
ﻣﺴﺎﻋﺪ: ﺃﻗﻮﻝ ﺃﻫﺠﺪ ﻏﺼﺒﻦ ﻋﻦ ﺧﺸﻤﻚ ﺍﻟﻠﻲ ﻛﺄﻧﻪ ﻛﻮﺳﻪ ﻣﺤﻔﻮﺭﻩ ﺗﺴﻤﻊ ﻭﺗﻄﻴﻊ .
ﻣﺤﻤﺪ: ﻣﺴﺎﻋﺪ ﻭﺵ ﺗﺒﻲ ﺗﺴﻮﻱ ﺃﻋﺮﻓﻚ ﻣﻘﺎﻟﺒﻚ ﺗﺨﺮﻉ .
ﻣﺴﺎﻋﺪ: ﻓﻴﻪ ﺃﺣﺪ ﻣﻌﻪ ﺻﻮﺭﺓ ﻧﺎﻧﺴﻲ؟
ﺧﺎﻟﺪ: ﺇﻳﻪ ﻣﺎﻫﻲ ﻣﻌﻲ .
( ﻫﻬﻬﻪ ﺍﻟﻈﺎﻫﺮ ﺇﻥ ﺧﺎﻟﺪ ﺇﺑﺘﻠﺶ ﺧﺎﻳﻒ ﺇﻧﻪ ﻳﻄﻴﺢ ﻣﻦ ﻋﻴﻦ ﻣﺴﺎﻋﺪ )
ﻣﺴﺎﻋﺪ ﻭﻫﻮ ﺷﻜﻠﻪ ﻧﺎﻭﻳﻪ ﻧﻴﻪ ﺷﻴﻨﻪ : ﺧﻮﻳﻠﺪ ﻻﺗﺨﺎﻑ ﺇﺫﺍ ﺍﻟﺼﻮﺭﻩ ﻣﻌﻚ ﺃﻋﻄﻦ ﺇﻳﺎﻩ .
ﺧﺎﻟﺪ ﻭﺑﺘﺮﺩﺩ ﺷﺪﻳﺪ: ﺃﻧﺎ ﻣﺎﺣﻄﻴﺖ ﺍﻟﺼﻮﺭﺓ ﺇﻻ ﻟﻺﺣﺘﻴﺎﻁ .
ﻣﺴﺎﻋﺪ :ﺇﻧﻨﺜﺒﺮ ﻣﺎﻋﺎﺩ ﺇﻻ ﻫﺬﻱ .. ﺃﻓﺎ ﻳﺎﺧﻮﻳﻠﺪ ﺭﺍﺣﺖ ﺍﻟﻤﺮﺍﺟﻞ ﻭﺭﺍﺡ ﺍﻟﺪﻳﻦ .. ﺗﺸﻴﻞ
ﻫﺎﻟﺼﻮﺭﻩ ﻣﻌﻚ .. ﻃﻴﺐ ﻳﺎﺧﺎﻟﺪ ﻣﻌﺼﻲ ﺃﺯﻭﺟﻚ ﻧﻮﻑ .
ﺧﺎﻟﺪ ﻣﺴﻜﻴﻦ ﺗﺤﻄﻢ ﻭﻗﻌﺪ ﻳﺘﺮﺟﻰ ﻣﺴﺎﻋﺪ : ﻻ ﺗﻜﻔﻰ ﻭﺍﻟﻠﻪ ﻻ ﺃﻛﺴﺮ ﺟﻮﺍﻟﻲ ﻭﻣﺎﺃﻋﻮﺩ
ﻫﺎﻟﺤﺮﻛﺎﺕ ..ﻭﺍﻟﻠﻪ ﻳﺎﻣﺴﺎﻋﺪ ﺍﻟﺸﻴﻄﺎﻥ ﻫﻮ ﺍﻟﻠﻲ ﻟﻌﺐ ﻋﻠﻲ ..ﻭﺍﻟﻠﻪ ﺧﻼﺹ ﻣﺎﺃﺣﻂ ﺻﻮﺭﺓ
ﺃﻱ ﺑﻨﺖ ﺗﻮﺑﻪ .
ﻣﺴﺎﻋﺪ: ﺧﻼﺹ ﺇﻗﻠﺐ ﻭﺟﻬﻚ ﺃﻓﻜﺮ ﻓﻲ ﺍﻟﻤﻮﺿﻮﻉ .
ﻣﺤﻤﺪ ﻣﺮﻩ ﻣﺘﺤﻤﺲ: ﻃﻴﺐ ﻭﺵ ﺗﺒﻲ ﺇﻧﺖ ﻭﺧﺸﺘﻚ ﺑﺎﻟﺼﻮﺭﻩ .
ﻣﺴﺎﻋﺪ : ﺧﺎﻟﺪ ﺃﺭﺳﻞ ﺍﻟﺼﻮﺭﻩ ﻋﻠﻰ ﺟﻮﺍﻟﻲ ﺃﻧﺎ ﻭﻣﺤﻤﺪ .
ﺧﺎﻟﺪ: ﺃﺑﺸﺮ ﻳﺎﻋﻤﻲ ﻣﺴﺎﻋﺪ .
ﻣﺴﺎﻋﺪ : ﺃﻗﻮﻝ ﺇﻧﻄﻖ ﻋﻤﺖ ﻋﻴﻦ ﺍﻟﻌﺪﻭ .
ﺧﺎﻟﺪ ﻭﻗﺪ ﺃﺭﺳﻞ ﺍﻟﺼﻮﺭﻩ ﻭﻫﻮ ﻣﻴﺖ ﻣﻦ ﺍﻟﻨﺪﻡ .
( ﻭﺃﻧﺎ ﻭﻣﺤﻤﺪ ﺧﺬﻳﻨﺎ ﺟﻮﺍﻻﺗﻨﺎ ﻭﻗﻌﺪﻧﺎ ﺟﻨﺐ ﺍﻟﻤﺴﺒﻚ ( ﺍﻟﻤﺘﻨﺢ )ﻓﻴﺼﻞ )
ﻣﺴﺎﻋﺪ: ﻓﺼﻮﻝ ﺃﺑﻲ ﺃﻭﺭﻳﻚ ﺻﻮﺭﺓ ﺍﻟﻐﺎﻟﻴﻪ ﺣﺒﻴﺒﺔ ﺍﻟﻘﻠﺐ .
ﻓﻴﺼﻞ : ﻻ ﻻ ﺣﺮﺍﻡ ﻫﻲ ﻭﺍﺛﻘﻪ ﻓﻴﻚ ﻟﻴﻪ ﺗﻮﺭﻳﻨﻲ ﺻﻮﺭﺗﻬﺎ؟
))ﻭﺍﻟﻠﻪ ﻳﺎﻓﻴﺼﻞ ﺇﻧﻚ ﻣﻘﺮﻭﺩ ﻃﺤﺖ ﺑﻴﻦ ﻳﺪﻳﻦ ﻣﺴﺎﻋﺪ ((
ﻣﺤﻤﺪ: ﺣﺘﻰ ﺃﻧﺎ ﺑﻮﺭﻳﻚ ﺻﻮﺭﺓ ﺑﺴﺘﻲ ﻗﺼﺪﻱ ﺣﺒﻴﺒﺘﻲ .
ﻓﻴﺼﻞ : ﻟﻜﻦ ﺃﻧﺎ ﻣﺴﺘﺤﻴﻞ ﺃﻭﺭﻳﻜﻢ ﺻﻮﺭﺓ ﺭﻭﺍﻥ .
( ﻣﺴﻜﻴﻦ ﻋﻠﻰ ﺑﺎﻟﻪ ﻧﺎﻧﺴﻲ ﻋﺠﺮﻡ ﻫﻲ ﺣﺒﻴﺒﺘﻪ ﺭﻭﺍﻥ ﻫﻬﻬﻪ )
ﻣﺴﺎﻋﺪ: ﻻ ﻣﺎﻟﻪ ﺩﺍﻋﻲ ﺗﻮﺭﻳﻨﺎ .
ﻭﺧﺬﻳﺖ ﺟﻮﺍﻟﻲ ﻭﺟﻮﺍﻝ ﻣﺤﻤﺪ ﻭﺣﻄﻴﺘﻬﺎ ﻗﺪﺍﻡ ﺍﻟﻤﻔﻬﻲ ﻓﻴﺼﻞ،، ﺃﻭﻑ ﺑﺲ ﻟﻮ ﺇﻧﻜﻢ
ﺷﺎﻳﻔﻴﻦ ﻭﺟﻬﻪ ﺑﻐﺖ ﺗﺠﻴﻪ ﺳﻜﺘﻪ ﻗﻠﺒﻴﻪ .
ﻓﻴﺼﻞ ﻣﻨﺼﺪﻡ: ﺃﻭﻳﻼﻩ ﻫﺬﻱ ﺣﺒﻴﺒﺘﻲ ﺭﻭﺍﻥ .
ﻣﺤﻤﺪ: ﺣﺘﻰ ﺃﻧﺎ ﺣﺒﻴﺒﺘﻲ .
ﻣﺴﺎﻋﺪ: ﻭﺃﻧﺎ ﺑﻌﺪ .
ﻓﻴﺼﻞ ﺑﻐﻰ ﻳﻨﺠﻠﻂ ﻣﻦ ﻫﻮﻝ ﺍﻟﻄﺎﻣﻪ: ﻻ ﻣﺴﺘﺤﻴﻞ ﺭﻭﺍ ﻥ ﺗﺨﻮﻧﻨﻲ .
ﻣﺴﺎﻋﺪ :ﺇﻳﻪ ﻫﺎﻟﺪﺍﺷﺮﻩ ﺧﺎﻧﺘﻚ ﻭﺵ ﺗﺒﻲ ﻓﻴﻬﺎ .
ﻣﺤﻤﺪ ﻭﻫﻮﻛﺎﺗﻢ ﺍﻟﻀﺤﻜﻪ:ﺃﺑﻲ ﺃﺷﻖ ﻫﺪﻭﻣﻲ ﺭﻭﺍﻥ ﺧﺎﻧﺘﻨﻲ ﺃﻧﺎ ﺑﻌﺪ .
ﻓﻴﺼﻞ : ﻟﻴﺶ ﻛﺬﺍ ﺣﻈﻲ ﺃﻭﻝ ﻣﺮﻩ ﺃﺟﺮﺏ ﺍﻟﺤﺐ ﻭﺁﺧﺮ ﺷﻲ ﺗﻄﻠﻊ ﺧﺎﻳﻨﻪ ﺁﻩ ﻻ ﻭﺣﺴﺎﻓﺔ
ﻫﺎﻟﺰﻳﻦ .
)) ﻳﺎﺣﺮﺍﻡ ﺍﻟﻈﺎﻫﺮ ﺃﻣﻪ
ﺩﺍﻋﻴﻪ ﻋﻠﻴﻪ ((
ﻃﺒﻌﺎ ﻓﻴﺼﻞ ﺿﺎﻕ ﺻﺪﺭﻩ ﻭﻣﺴﻜﻴﻦ ﺑﻐﺖ ﺗﺠﻴﻪ ﺣﺎﻟﺔ ﺇﻛﺘﺌﺎﺏ .
ﻣﺤﻤﺪ ﻳﺤﺎﻭﻝ ﻳﺨﻔﻒ ﺍﻟﺼﺪﻣﻪ ﻋﻦ ﻓﻴﺼﻞ: ﻋﺎﺩﻱ ﻛﻠﻨﺎ ﻳﺎﻓﻴﺼﻞ ﻣﺮﻳﻨﺎ ﺑﻬﺎﻟﺴﻮﺍﻟﻒ ﻭﺧﺬ
ﺍﻟﺪﻧﻴﺎ ﺗﺴﺎﻫﻴﻞ .
ﻣﺴﺎﻋﺪ ﻭﺑﻨﺮﻓﺰﻩ:ﺗﺴﺘﺎﻫﻞ ﻭﺃﻻ ﻭﺵ ﺧﻼﻙ ﺗﺘﻌﺮﻑ ﻋﻠﻰ ﺑﻨﺖ ﺍﻟﻨﺎﺱ ﻭﺭﻯ ﻣﺎﺗﺤﺘﺮﻡ
ﻧﻔﺴﻚ؟
ﻓﻴﺼﻞ ﻭﻋﻦ ﺣﺴﻦ ﻧﻴﻪ: ﻃﻴﺐ ﻭﻟﻴﺶ ﺇﻧﺖ ﻣﺎﺗﺤﺘﺮﻡ ﻧﻔﺴﻚ ﻣﻮﺏ ﺻﻮﺭﺓ ﺭﻭﺍﻥ ﺑﻌﺪ
ﻋﻨﺪﻙ؟
ﻣﺴﺎﻋﺪ ﻭﻗﺪ ﺷﻤﺮ ﻋﻦ ﺳﺎﻋﺪﻳﻪ: ﻭﺃﻧﺎ ﻭﻟﺪ ﺍﻟﻨﺸﺎﻣﺎ ﻭﺵ ﺗﻘﻮﻝ .
ﻓﻴﺼﻞ: ﻻ ﻻ ﺗﻜﻔﻰ ﺧﻼﺹ ﻭﺍﻟﻠﻪ ﻣﺎﻗﻠﺖ ﺷﻲ ﻭﻣﺎﻋﺎﺩ ﺃﺗﻌﺮﻑ ﻋﻠﻰ ﺃﺣﺪ .
)) ﻓﺪﻳﺘﻚ ﻳﺎﻣﺴﺎﻋﺪ ﻭﺍﻟﻠﻪ ﺇﻧﻚ ﻧﺸﻤﻲ ﻭﺭﺟﻞ ((
ﺑﻌﺪﻫﺎ ﻗﻌﺪﻧﺎ ﻧﺴﻮﻟﻒ ﻭﺍﻟﺸﺒﺎﺏ ﻛﻠﻬﻢ ﻳﻬﺬﺭﻭﻥ ﻋﻦ ﺍﻟﻤﺸﺎﻛﻞ ﻭﺧﺮﺍﺑﻴﻂ ﻣﺎﻝ ﺃﻣﻪ ﺩﺍﻋﻲ .
ﺧﺎﻟﺪ ﻣﺴﻮﻱ ﻓﻴﻬﺎ ﺣﺒﺘﻴﻦ :ﻭﺍﻟﻠﻪ ﻳﺎﺷﺒﺎﺏ ﺇﻧﻲ ﻣﺴﻜﺖ ﺗﺮﻛﻲ ﻭﻣﺴﺤﺖ ﻓﻴﻪ ﺍﻟﺒﻼﻁ .
ﻣﺤﻤﺪ: ﺇﺧﺲ ﻣﺮﻩ ﻭﺣﺪﻩ ﺗﺮﻛﻲ . ﻭﺵ ﺻﺎﻳﺮ؟
ﺧﺎﻟﺪ: ﺇﻳﻪ ﻫﻮ ﻣﻦ ﻳﻮﻡ ﺣﻄﻮﻩ ﻣﺪﺭﺱ ﻋﻨﺪﻧﺎ ﻭﻫﻮ ﺭﺍﻓﻊ ﺧﺸﻤﻪ ﻋﻠﻴﻨﺎ ﻣﺎ ﻛﺄﻧﻪ ﻗﺒﻞ ﺳﻨﻴﻦ
ﻛﺎﻥ ﻣﺜﻠﻨﺎ ﻳﺮﻋﻰ ﺍﻟﻐﻨﻢ .
ﻣﺴﺎﻋﺪ ﻭﺑﻬﺪﺅ: ﻃﻴﺐ ﻭﺵ ﺳﺒﺔ ﺍﻟﻬﻮﺷﻪ؟
ﺧﺎﻟﺪ : ﻛﻨﺖ ﺃﻧﺎ ﻭﺃﺑﻮ ﻃﺨﻄﻴﺦ ﻧﺴﻮﻱ ﻣﺴﺢ ﺷﺎﻣﻞ ﻋﻠﻰ ﺍﻟﻘﺮﻳﻪ ﺗﻌﺮﻑ ﻧﺸﻴﻚ ﻋﻠﻰ
ﺍﻟﻮﺿﻊ ..ﺍﻟﻤﻬﻢ ﺃﻧﺎﻇﺮ ﺃﻻ ﻫﺬﺍ ﻫﻮ ﻣﺎﺳﻚ ﺃﺧﻮﻱ ﻳﺨﺎﻧﻘﻪ ( ﻳﻬﺎﻭﺷﻪ ) ﻗﺪﺍﻡ ﺍﻟﻄﻼﺏ ..ﻫﻨﺎ
ﺷﻴﺎﻃﻴﻨﻲ ﻃﻠﻌﺖ ﻣﺎﻋﺎﺩ ﺇﻻ ﺗﺮﻛﻲ ﻳﻔﺸﻞ ﺃﺧﻮﻱ ﻗﺪﺍﻡ ﺃﺧﻮﻳﺎﻩ .
ﻣﺤﻤﺪ: ﻭﺵ ﺍﻟﻠﻲ ﺑﺮﺃﺳﻪ؟
ﺧﺎﻟﺪ: ﻭﺵ ﺩﺭﺍﻧﻲ ﺑﺲ ﺍﻟﻤﻬﻢ ﺃﻧﺎ ﺗﻮﻋﺪﺕ ﻓﻴﻪ ﺑﺎﻟﻄﻠﻌﻪ،، ﻭﺃﻭﻝ ﻣﺎﻃﻠﻊ ﻣﺴﻜﻨﺎﻩ ﻭﺗﻮﺩﺳﻨﺎ
ﻓﻲ ﺑﻄﻨﻪ ﻭﺧﻠﻴﻨﺎﻩ ﻣﺎﻳﺴﻮﻯ ﻗﺮﺵ ﻗﺪﺍﻡ ﺍﻟﻄﻼﺏ،
ﻣﺴﺎﻋﺪ: ﻣﺎﻟﻪ ﺩﺍﻋﻲ ﺗﺤﺮﺟﻮﻧﻪ ﻛﺬﺍ ﻗﺪﺍﻡ ﺍﻟﺨﻼﻳﻖ،
ﻓﻴﺼﻞ : ﻻ ﻭﺍﻟﻠﻪ ﺃﺣﺴﻦ ﺷﻲ ﺳﻮﻳﺘﻮﻩ ﻛﺎﻥ ﻛﺴﺮﺗﻮ ﺿﻠﻮﻋﻪ ﻋﻠﺸﺎﻥ ﻣﺎﻳﺸﻮﻑ ﻧﻔﺴﻪ ﻋﻠﻰ
ﺍﻟﻌﺎﻟﻢ .
ﻣﺤﻤﺪ :ﻫﻬﻬﻬﻪ ﻳﺴﺘﺎﻫﻞ .. ﺫﻛﺮﺗﻮﻧﻲ ﻣﺮﻩ ﻛﻨﺖ ﺑﺎﻟﻔﺼﻞ ﻭﺇﺳﺘﺎﺫ ﺣﻤﺰﻩ ﻫﺎﻭﺷﻨﻲ ﻗﺪﺍﻡ
ﺍﻟﻄﻼﺏ ﻻ ﻭﻏﻴﺮ ﻛﺬﺍ ﻣﺪ ﻳﺪﻩ ﻋﻠﻲ .. ﻗﻠﺖ ﻃﻴﺐ ﻭﺍﻟﻠﻪ ﻷﻭﺭﻳﻚ ﻭﻋﻘﺐ ﺍﻟﺴﺎﻟﻔﻪ ﺃﺭﺳﻠﺖ
ﺃﺑﻮ ﻋﺰﻭﺯ ﺫﺭﺍﻋﻲ ﺍﻟﻴﻤﻴﻦ ﻳﻔﺶ ﻛﻔﺮﺍﺕ ﺍﻷﺳﺘﺎﺫ ﻭﻣﺴﻜﻴﻦ ﻛﻞ ﻇﻬﺮ ﻳﺎﻣﺒﺪﻝ ﺍﻟﻜﻔﺮ ﺃﻭ
ﺃﺣﺪ ﻣﻮﺻﻠﻪ ﻟﻠﺒﻴﺖ .. ﺁﺧﺮ ﺷﻲ ﻃﻠﺐ ﻧﻘﻞ ﻣﻦ ﺍﻟﻘﺮﻳﻪ ﻭﻣﺪﺭﻱ ﻭﻳﻦ ﻃﺲ؟
ﻣﺴﺎﻋﺪ: ﺃﻧﺎ ﺍﻟﺤﻤﺪﺍﻟﻠﻪ ﻣﺎﻋﻤﺮﻱ ﺳﻮﻳﺖ ﻣﺸﺎﻛﻞ ﻣﻊ ﺃﺣﺪ .
(ﺍﻟﺸﺒﺎﺏ ﻭﺑﺼﻮﺕ ﻭﺍﺣﺪ ): ﻣﺴﺎﻋﺪ ﻭﻣﺎﻋﻤﺮﻩ ﺳﻮﻯ ﻣﺸﺎﻛﻞ ﻭﺍﻟﻠﻪ ﻟﻮ ﻣﺎﻧﻌﺮﻓﻚ ﻛﺎﻥ
ﺻﺪﻗﻨﺎ .
ﺇﻧﺘﻬﺖ ﺍﻟﺴﻬﺮﻩ ﻣﻊ ﺍﻟﺸﺒﺎﺏ ﻭﺭﺟﻌﺖ ﻟﻠﺒﻴﺖ ....
*ـــــــ((( @ahgeel )))ـــــــ*
*, #نههههاية_البارت*
*📚 #يتبع👇🏻💜*