الفصل 8
عالم القصص والروايات 📚:
*ـــــــــــــــــــــــــــــــــــــــــــــــــ*
*((, #عشق_بدوي_يابنت_تفهمينة💙))*
*(( #البارت_الثامن))*
*ــــــــــــــــــــــــــــــــــ*
ﻓﻲ ﺍﻟﺮﻳﺎﺽ ..
ﻟﻤﻰ :ﺁﻩ ﻳﺎﺑﻨﺎﺕ ﻭﺭﺑﻲ ﻛﺎﻥ ﻭﻧﺎﺳﻪ ﺧﺎﺻﻪ ﻃﻠﻌﺔ ﺍﻟﺒﺮ .
ﺃﻣﻞ :ﺇﻳﻪ ﻣﻦ ﻗﺪﻙ ﺇﻧﺘﻲ ﻭﻣﺴﺎﻋﺪ ﻓﺎﺭﺱ ﺍﻷﺣﻼﻡ .
ﻟﻤﻰ: ﻭﺵ ﺩﻋﻮﻩ ﻣﺴﺎﻋﺪ ﻓﺎﺭﺱ ﺃﺣﻼﻣﻲ .
ﺭﻳﻢ:ﺇﻳﻪ ﻟﻴﺶ ﻻ .. ﺃﺣﺲ ﺇﻧﻪ ﻳﺠﺴﺪ ﺍﻟﺮﺟﻮﻟﻪ ﺑﻤﻌﻨﻰ ﺍﻟﻜﻠﻤﻪ .
ﺃﻣﻞ: ﺇﻳﻪ ﻭﺍﻟﻠﻪ ﺻﺪﻗﺘﻲ ﻭﺃﻻ ﺃﺣﺪ ﺑﻬﺎﻟﻮﻗﺖ ﺗﺼﻴﺮ ﻟﻪ ﻓﺮﺻﻪ ﻗﻮﻳﻪ ﻣﺜﻞ ﺍﻟﻠﻲ ﺻﺎﺭﺕ
ﻟﻤﺴﺎﻋﺪ ﻣﺎﻳﺴﺘﻐﻠﻬﺎ .
ﺭﻳﻢ:ﻫﺬﺍ ﺇﻥ ﺩﻝ ﻋﻠﻰ ﺷﻲ ﻳﺪﻝ ﻋﻠﻰ ﺍﻟﺸﻬﺎﻣﻪ ﻭﺍﻟﻤﺮﺅﻩ .
ﻟﻤﻰ: ﻻ ﺑﺎﻟﻠﻪ ﻋﻠﻴﻜﻢ ﺃﺷﻮﻓﻜﻢ ﻃﻴﺤﺘﻮﺍ ﻣﻊ ﻣﺴﺎﻋﺪ .
ﺭﻳﻢ: ﻻ ﻟﻤﻮﻱ ﺍﻟﻤﺴﺄﻟﻪ ﻣﻮﺏ ﻛﺬﺍ .. ﺑﺲ ﺍﻟﻤﻮﺿﻮﻉ ﻫﻮ ﺇﻋﺠﺎﺏ ﺑﺸﺨﺼﻴﻪ ﻧﺎﺩﺭﻩ .
ﻟﻤﻰ: ﺩﺧﻴﻞ ﻋﻴﻮﻧﻚ ﺭﻭﺣﻲ ﺗﺰﻭﺟﻴﻪ ﺇﺫﺍ ﻫﻮ ﻋﺎﺟﺒﻚ .
ﺭﻳﻢ: ﻭﺵ ﺗﻘﺼﺪﻳﻦ !
ﻟﻤﻰ: ﻣﺎﺃﻗﺼﺪ ﺷﻲ ﺑﺲ ﻓﻌﻼ ﺃﻧﺎ ﻣﻌﺠﺒﻪ ﺑﻤﺴﺎﻋﺪ ﻻﻭ ﻏﻴﺮ ﻛﺬﺍ ﺃﺣﺲ ﺑﺈﻧﺠﺬﺍﺏ ﻟﻪ .
ﺃﻣﻞ: ﻃﻴﺐ ﻭﺵ ﺍﻟﻤﺸﻜﻠﻪ ! ﻗﺼﺔ ﺍﻟﺤﺐ ﻭﺇﻛﺘﻤﻠﺖ،
ﻟﻤﻰ ﻭﺑﻤﺮﺍﺭﻩ: ﻟﻴﺶ ﺇﻧﺘﻢ ﻣﺎﺗﻔﻬﻤﻮﻥ ﺍﻟﻮﺿﻊ؟
ﺃﻣﻞ : ﺃﻱ ﻭﺿﻊ ﻃﻴﺮﻱ ﺑﺲ ﻳﺎﺷﻴﺨﻪ ،،ﺩﺍﻳﻢ ﻛﺬﺍ ﻣﻌﻘﺪﻩ ﺍﻷﻣﻮﺭ .
ﻟﻤﻰ: ﺻﺤﻴﺢ ﻣﺴﺎﻋﺪ ﺷﻘﺮﺩﻱ ﻟﻜﻦ ﻻﺯﻡ ﺃﺭﺍﻋﻲ ﺍﻹﺧﺘﻼﻓﺎﺕ ﺑﻴﻨﻨﺎ ﺍﻟﻠﻲ ﺍﻟﻈﺮﻭﻑ
ﻓﺮﺿﺘﻬﺎ .. ﻭﺃﺑﺴﻄﻬﺎ ﺍﻟﻤﺴﺘﻮﻯ ﺍﻹﺟﺘﻤﺎﻋﻲ ﻭﺍﻟﺜﻘﺎﻓﻲ .
ﺭﻳﻢ: ﻣﻮ ﻣﻌﻘﻮﻟﻪ ﻟﻤﻰ ﺇﻧﺘﻲ ﺗﻔﻜﺮﻳﻦ ﺑﻬﺎﻟﺴﻄﺤﻴﻪ .
ﻟﻤﻰ: ﻻ ﺃﺑﺪﺍ ﻳﺎﺭﻳﻢ ﺑﺲ ﺧﻠﻴﻚ ﺷﻮﻱ ﻣﻨﻄﻘﻴﻪ .. ﺃﻧﺎ ﻭﺿﻌﻲ ﻳﺨﺘﻠﻒ ﻋﻨﻪ ﺗﻤﺎﻡ ﺣﺘﻰ ﻣﻦ
ﻧﺎﺣﻴﺔ ﺍﻟﺘﻌﻠﻴﻢ .
ﺃﻣﻞ : ﺑﺲ ﻫﺬﺍ ﻣﻮﺏ ﻣﻘﻴﺎﺱ .
ﻟﻤﻰ: ﻟﻴﺶ ﺃﻇﻠﻢ ﻧﻔﺴﻲ ﻣﻊ ﻭﺍﺣﺪ ﺣﺘﻰ ﻟﻬﺠﺘﻪ ﺍﻟﺜﻘﺎﻓﻴﻪ ﻻﻳﻤﻜﻦ ﺗﺘﻔﻖ ﻣﻊ ﻃﺮﻳﻘﺘﻲ
ﺍﻟﻔﻜﺮﻳﻪ .
ﺭﻳﻢ : ﻫﺎﻟﺤﻴﻦ ﺗﻀﺤﻴﻦ ﺑﻜﻞ ﻫﺎﻟﺤﺐ ﻋﻠﺸﺎﻥ ﺇﻧﻪ ﻣﻮﺏ ﻣﺘﻌﻠﻢ .. ﻳﺎﻟﻤﻰ ﻣﺴﺎﻋﺪ ﻣﺎﺗﻮﻓﺮﺕ
ﻟﻪ ﺍﻟﻔﺮﺻﻪ ﻣﺜﻞ ﺍﻟﻠﻲ ﺻﺎﺭﺕ ﻟﻚ .
ﻟﻤﻰ : ﺇﺳﻤﻌﻮﺍ ﺃﻧﺎ ﺇﻧﺴﺎﻧﻪ ﻋﻨﺪﻱ ﻃﻤﻮﺣﺎﺕ ﻭﺍﺟﺪ ﻭﻣﺴﺎﻋﺪ ﺭﺟﻞ ﻗﺮﻭﻱ ﻳﻌﻨﻲ ﻣﺘﻤﺴﻚ
ﺑﺮﺃﻳﻪ ﻭﺑﺼﺮﺍﺣﻪ ﺃﻛﺜﺮ ﺟﺎﻫﻞ ﻣﻤﻜﻦ ﻟﻮ ﺗﺰﻭﺟﺘﻪ ﻳﺤﻄﻢ ﻛﻞ ﺃﺣﻼﻣﻲ .
ﺭﻳﻢ: ﻟﻤﻰ ﻟﻴﺶ ﺗﻨﻈﺮﻳﻦ ﻟﻤﺴﺎﻋﺪ ﻣﻦ ﻣﻨﻈﻮﺭ ﻭﺍﺣﺪ .
ﺃﻣﻞ: ﺭﻳﻢ ﻛﻼﻣﻬﺎ ﺻﺢ .. ﻭﻋﻠﻰ ﻗﻮﻟﺘﻚ ﻫﻮ ﺑﺪﻭﻱ ﻟﻜﻦ ﻻﺗﻨﺴﻴﻦ ﺇﻥ ﺍﻹﻧﺴﺎﻥ ﺍﻟﺒﺪﻭﻱ ﺭﻏﻢ
ﺍﻟﺒﺪﺍﻭﻩ ﺇﻻ ﺇﻧﻪ ﻓﻲ ﺣﻴﺎﺗﻪ ﺃﺻﻮﻝ ..ﺭﺟﻞ ﺍﻟﺼﻌﺎﺏ ﺍﻟﻠﻲ ﻣﻤﻜﻦ ﻳﻜﻮﻥ ﺳﻨﺪﻙ ﻓﻲ ﺍﻟﺤﻴﺎﻩ .
ﺭﻳﻢ : ﺃﻧﺎ ﻣﻊ ﺃﻣﻞ .. ﻭﻏﻴﺮ ﻛﺬﺍ ﻣﻮﺍﻗﻒ ﻣﺴﺎﻋﺪ ﻛﻠﻬﺎ ﺗﺪﻝ ﻋﻠﻰ ﺇﻧﻪ ﻣﺘﻤﺴﻚ ﻓﻴﻚ ﺑﻘﻮﻩ
ﻭﻳﺤﺒﻚ .
ﻟﻤﻰ: ﺇﻧﺘﻢ ﻭﺵ ﻓﻴﻜﻢ ﻋﻠﻲ .. ﻣﺴﺘﺤﻴﻞ ﺃﺣﺪ ﻳﻔﻬﻤﻨﻲ .. ﻫﻮ ﺻﺤﻴﺢ ﻳﺤﺒﻨﻲ ﻭﺑﺼﺮﺍﺣﻪ
ﺣﺘﻰ ﺃﻧﺎ ﺇﻳﻪ ﺃﺣﺒﻪ ﺑﺲ ﻛﺎﻥ ﻫﺬﺍ ﻣﻦ ﺯﻣﺎﻥ ﻟﻜﻦ ﻫﺎﻟﺤﻴﻦ ﺃﺑﻲ ﺃﺷﻮﻑ ﻣﺴﺘﻘﺒﻠﻲ .. ﻭﻋﻠﻰ
ﻗﻮﻟﺘﻬﻢ ﻣﺸﻜﻠﻪ ﻻﺻﺮﺕ ﺑﻴﻦ ﻣﺴﺘﻘﺒﻠﻚ ﻭﺑﻴﻦ ﺣﺒﻴﺐ ﺗﻮﺩﻩ .
ﺭﻳﻢ (ﻭﺍﻟﻠﻪ ﻻ ﺃﺗﺮﻙ ﻣﺴﺘﻘﺒﻠﻲ ﻭﺃﻟﺤﻖ ﺣﺒﻴﺒﻲ ﻟﻴﻦ ﺍﻟﻠﻪ ﻳﺮﺩﻩ ((.
ﻟﻤﻰ: ﺃﻧﺎ ﻟﻮ ﺑﺘﺰﻭﺝ ﻣﺴﺎﻋﺪ ﺭﺍﺡ ﺃﻗﻀﻲ ﻋﻠﻰ ﻛﻞ ﺃﺣﻼﻣﻲ .. ﻳﺎﺑﻨﺎﺕ ﻭﺍﺣﺪ ﻣﻦ ﺇﺛﻨﻴﻦ ﺭﺍﺡ
ﻳﺼﻴﺮ ﻳﺎ ﺃﺻﻴﺮ ﻗﺮﻭﻳﻪ ﻣﺜﻞ ﻣﺴﺎﻋﺪ .. ﺃﻭ ﻫﻮ ﻳﺼﻴﺮ ﻣﺜﻞ ﺍﻟﻠﻲ ﺃﻧﺎ ﻭﺻﻠﺖ ﻟﻪ .. ﻭﻣﺎﺃﺗﻮﻗﻊ
ﺇﻥ ﻣﺴﺎﻋﺪ ﻳﺮﺿﻰ ﺇﻧﻪ ﻳﺘﺮﻙ ﺍﻟﻘﺮﻳﻪ ﻣﻬﻤﺎ ﺻﺎﺭ .
ﺃﻣﻞ : ﺇﻧﺘﻲ ﺟﺮﺑﺘﻲ ﺗﻌﺮﻓﻴﻦ ﻭﺵ ﻭﺭﻯ ﺍﻟﺮﺟﺎﻝ ﻋﻠﺸﺎﻥ ﺗﺤﻜﻤﻴﻦ ﻋﻠﻴﻪ !
ﻟﻤﻰ:ﺧﻼﺍﺍﺍﺹ ﺃﻧﺎ ﻭﻣﺴﺎﻋﺪ ﻣﺎﺃﺗﻮﻗﻊ ﻓﻴﻪ ﺷﻲ ﻳﺠﻤﻌﻨﺎ ﻭﻻ ﻳﻜﺜﺮ .
ﺭﻳﻢ: ﻭﺍﻟﺤﺐ ﺍﻟﻠﻲ ﺑﻘﻠﺒﻚ .
ﻟﻤﻰ ﻭﺑﻌﺪ ﺻﻤﺖ :ﻣﺪﺭﻱ ﺑﺲ ﺃﻧﺎ ﺇﻧﺴﺎﻧﻪ ﻋﻤﻠﻴﻪ ﻭﻣﻤﻜﻦ ﺃﻧﺴﻰ ﻫﺎﻟﺤﺐ ..ﻭﻣﺴﺘﻌﺪﻩ ﺇﻥ
ﻗﻠﺒﻲ ﻣﺎﺃﻣﻠﻜﻪ ﺃﻱ ﺃﺣﺪ .
ﺭﻳﻢ : ﻫﻬﻬﻪ ﻗﺎﺑﻠﻴﻨﻲ ﻷﻥ ﻭﺍﺣﺪ ﻣﺜﻞ ﻣﺴﺎﻋﺪ ﻣﺎﻳﻨﺴﻰ ﺑﺴﻬﻮﻟﻪ .
ﻟﻤﻰ:ﺧﻼﺍﺍﺍﺍﺹ ﺻﻜﻮﺍ ﺍﻟﻤﻮﺿﻮﻉ .
ﺃﻣﻞ : ﺗﺪﺭﻳﻦ ﻳﺎﻟﻤﻰ ﻓﻲ ﻳﻮﻡ ﻣﻦ ﺍﻷﻳﺎﻡ ﺇﻧﻜﺘﺐ ﻋﻠﻲ ﺇﻧﻪ ﻳﻜﻮﻥ ﺇﺳﻤﻲ ﻣﻄﻠﻘﻪ ﻭﻻ ﻣﻄﻠﻘﻪ
ﻓﻲ ﺍﻟﻌﺸﺮﻳﻦ ﻭﻏﻴﺮﻛﺬﺍ ﻧﻈﺮﺓ ﺍﻟﻨﺎﺱ ﻗﺎﻋﺪﻩ ﺗﻼﺣﻘﻨﻲ ﻭﻳﻦ ﻣﺎﺭﺣﺖ ﻭﺍﻟﻜﻞ ﺣﺎﻁ ﻓﻲ ﺑﺎﻟﻪ
ﺇﻧﻲ ﺃﻧﺎ ﺍﻟﻠﻲ ﻓﻴﻨﻲ ﺍﻟﻌﻴﺐ .. ﻭﻣﺴﺘﺤﻴﻞ ﺃﺣﺪ ﻳﻠﻘﻲ ﺍﻟﻠﻮﻡ ﻋﻠﻴﻪ ﻋﺎﺭﻓﻪ ﻟﻴﻪ ﻷﻧﻪ ﺍﻟﻤﺠﺘﻤﻊ
ﻣﺎﻳﺮﺣﻢ .. ﻟﻜﻦ ﺃﻧﺎ ﺍﻟﻐﺒﻴﻪ ﺍﻟﻠﻲ ﺃﺳﺘﺎﻫﻞ ﻓﻀﻠﺖ ﻭﺍﺣﺪ ﺑﺲ ﻋﻠﺸﺎﻥ ﻣﻌﺎﻩ ﺇﺳﻢ
ﻣﻬﻨﺪﺱ .. ﻭﻋﻴﺸﻨﻲ ﺑﺠﺤﻴﻢ ﺑﺲ ﺗﺼﺪﻗﻮﻥ ﻋﺎﺩ ﻣﺎﺭﺍﺡ ﺃﻧﺴﻰ ﻓﻀﻠﻪ ﻋﻠﻲ ..ﻫﻨﺪﺳﻨﻲ ﻣﻦ
ﺟﺪﻳﺪ ﻭﺃﻋﺎﺩ ﺻﻴﺎﻏﺔ ﺃﻓﻜﺎﺭﻱ ﻣﻦ ﺃﻭﻝ ﻭﺧﻼﻧﻲ ﺃﻋﺮﻑ ﻭﺷﻠﻮﻥ ﺃﺷﻮﻑ ﺍﻟﺤﻴﺎﻩ
ﺑﻌﻘﻞ .. ﻋﻠﺸﺎﻥ ﻛﺬﺍ ﺃﻗﻮﻟﻚ ﻣﺴﺎﻋﺪ ﻣﻮﺍﺻﻔﺎﺗﻪ ﺗﺨﻠﻲ ﺃﻱ ﺑﻨﺖ ﻓﺎﻫﻤﻪ ﺗﺘﻤﻨﺎﻩ .
ﻟﻤﻰ ﻭﺑﺜﻘﻪ: ﺃﻧﺎ ﻏﻴﺮ ﻋﻨﻚ .. ﺇﻧﺘﻲ ﺃﺳﺄﺗﻲ ﺍﻹﺧﺘﻴﺎﺭ ﻣﻦ ﺍﻟﺒﺪﺍﻳﻪ ﺑﺲ ﺃﻧﺎ ﺭﻓﻀﺖ ﻫﺎﻟﺤﺐ
ﺍﻟﻠﻲ ﻣﺎﻭﺭﺍﻩ ﺃﻱ ﻧﺘﻴﺠﻪ .
ﺭﻳﻢ ﻭﺑﺘﻌﺠﺐ: ﻭﺵ ﺗﺒﻴﻦ ﻧﺘﻴﺠﻪ ﺃﻛﺜﺮﻣﻦ ﺍﻟﻠﻲ ﻗﺎﻋﺪﻩ ﺗﺸﻮﻓﻴﻦ ﻣﻦ ﺣﺒﻪ ﻭﺇﻫﺘﻤﺎﻣﻪ .
ﻟﻤﻰ ﻭﺑﻼ ﻣﺒﺎﻻﻩ: ﻫﻮ ﻣﺎﺻﺮﺡ ﻭﻻ ﺑﻜﻠﻤﻪ ﺣﺘﻰ ﺃﺣﺒﻚ ﻣﺎﻗﺎﻟﻬﺎ .
ﺭﻳﻢ: ﻳﺎﻟﻤﻰ ﺍﻟﻠﻪ ﻣﺎﺷﻔﻨﺎﻩ ﺑﺲ ﻋﺮﻓﻨﺎﻩ ﺑﺎﻟﻌﻘﻞ ﻭﻣﺴﺎﻋﺪ ﺗﺼﺮﻓﺎﺗﻪ ﺗﺘﺮﺟﻢ ﺍﻟﻠﻲ ﺑﻘﻠﺒﻪ .
ﺃﻣﻞ :ﺇﻳﻪ ﻫﻮ ﻭﺵ ﺫﻧﺒﻪ ﻟﻮ ﻣﺎﻋﻨﺪﻩ ﺇﺳﻠﻮﺏ ﺑﺎﻟﺘﻌﺒﻴﺮ .
ﻟﻤﻰ: ﻻﺣﻮﻝ ﻭﺵ ﺗﺒﻮﻧﻲ ﺃﺳﻮﻱ ﺑﻮﺍﺣﺪ ﺣﺘﻰ ﺃﺑﺴﻂ ﺷﻲ ﻣﺎﻳﻌﺒﺮ .
ﺭﻳﻢ ﻭﻫﻲ ﻣﻴﺘﻪ ﻣﻦ ﺍﻟﻘﻬﺮ: ﻟﻤﻰ ﺍﻟﻜﻼﻡ ﻣﻮﺏ ﻛﻞ ﺷﻲ ﺑﺎﻟﺤﻴﺎﻩ ﻳﺎﻣﺎ ﻭﻳﺎﻣﺎ ﻧﺎﺱ ﺃﻋﻄﻮﻧﺎ
ﻣﻦ ﻣﻌﺴﻮﻝ ﺍﻟﻜﻼﻡ ﺑﺲ ﻣﺎﺷﻔﻨﺎ ﻣﻨﻬﻢ ﺷﻲ .
ﺃﻣﻞ: ﺃﻭﻩ ﻫﺬﻱ ﻋﺎﺩ ﺇﻣﺸﻲ ﻭﻋﺪﻱ .. ﺃﺣﺲ ﺇﻧﺼﺪﻣﺖ ﻛﺜﻴﺮ ﺑﺤﻴﺎﺗﻲ ..
ﺭﻳﻢ: ﻳﺎﻟﻤﻰ ﻻﺗﺼﻴﺮﻳﻦ ﻣﻦ ﻧﻮﻋﻴﺔﺍﻟﻨﺎﺱ ﺍﻟﻠﻲ ﻣﺎﻳﺮﺿﻲ ﻏﺮﻭﺭﻫﺎ ﺇﻻ ﺍﻟﻜﻼﻡ ﺍﻟﺤﻠﻮ .
ﻟﻤﻰ ﻭﺷﻜﻠﻬﺎ ﻃﻨﻘﺮﺕ ﻋﻠﻴﻬﻢ:ﻭﺍﻟﻠﻪ ﺇﻧﻜﻢ ﺗﺮﻓﻌﻮﻥ ﺿﻐﻂ ﺍﻟﻮﺍﺣﺪ .. ﻭﺗﻐﺜﻮﻥ ﺑﻘﻮﻩ .. ﺯﻭﺍﺝ
ﻭﻣﺎﻧﻴﺐ ﻣﺘﺰﻭﺟﻪ ﻭﻗﻠﺐ ﺑﺼﻜﺮ ﻋﻠﻴﻪ ﻃﻮﻝ ﺣﻴﺎﺗﻲ .. ﺧﻼﺹ ﻳﺎﻧﺎﺱ ﺃﻧﺎ ﻋﻨﺪﻱ ﺃﺷﻴﺎﺀ
ﺃﻫﻢ ﻣﻦ ﻫﺎﻟﺨﺮﺍﺑﻴﻂ ﺍﻟﻠﻲ ﺗﻬﺬﺭﻭﻥ ﻓﻴﻬﺎ .
ﺭﻳﻢ ﻭﺃﻣﻞ ﺑﺼﻮﺕ ﻭﺍﺣﺪ:
ﺧﺮﺍﺑﻴﻂ
ﺭﻳﻢ: ﻃﻴﺐ ﻳﺎﻟﻤﻰ ﺁﺧﺮﺗﻬﺎ ﻛﻼﻣﻨﺎ ﺻﺎﺭ ﺧﺮﺍﺑﻴﻂ .. ﺭﻭﺣﻲ ﻳﺎﺷﻴﺨﻪ ﻟﻠﻲ ﺗﺒﻴﻨﻪ ﻭﺧﻠﻴﻪ
ﻳﻨﻔﻌﻚ .
ﺃﻣﻞ: ﺃﻗﻮﻝ ﺗﺮﻯ ﻣﺎﺭﺍﺡ ﻳﺒﻘﻰ ﻟﻚ ﺇﻻ ﺍﻟﻨﺎﺱ ﺍﻟﻠﻲ ﻳﺤﺒﻮﻧﻚ .
ﻟﻤﻰ:ﻭﺍﻟﻠﻪ ﺍﻟﻠﻲ ﻳﺤﺒﻮﻧﻲ ﻭﺍﺟﺪ ..ﻭﺍﻟﻠﻲ ﻳﺘﻤﻨﻮﻥ ﻗﺮﺑﻲ ﻳﺎﻛﺜﺮﻫﻢ .
ﺭﻳﻢ: ﻭﺵ ﻫﺎﻟﻐﺮﻭﺭ ﻳﺎﻟﻤﻰ .. ﺇﻧﺘﺒﻬﻲ ﻟﻤﻮﻱ ﺗﺮﻯ ﺍﻟﺪﻧﻴﺎ ﻣﺎﻫﻴﺐ ﻋﻠﻰ ﺍﻟﻜﻴﻒ .
ﻟﻤﻰ ﻭﺑﺰﻋﻞ:ﻭﺍﻟﻠﻪ ﻣﻮﺏ ﻏﺮﻭﺭ ﻭﺇﺫﺍ ﺇﻧﺘﻢ ﻳﺎﺻﺪﻳﻘﺎﺗﻲ ﺃﻗﺮﺏ ﺍﻟﻨﺎﺱ ﻟﻲ ﻗﻠﺘﻮﺍ ﻛﺬﺍ ﺃﺟﻞ
ﺍﻟﻠﻲ ﻣﺎﻳﻌﺮﻓﻮﻥ ﻟﻤﻰ ﻭﺵ ﻳﻘﻮﻟﻮﻥ .
ﺃﻣﻞ ﻭﺑﺤﻨﺎﻥ : ﻟﻤﻰ ﺣﺒﻴﺒ
ﺘﻲ ﻭﺭﺑﻲ ﻧﺒﻲ ﻣﺼﻠﺤﺘﻚ .
ﻟﻤﻰ ﻭﻫﻲ ﻭﺩﻫﺎ ﺗﺼﻴﺢ: ﺑﻨﺎﺕ ﻭﺍﻟﻠﻲ ﻳﺮﺣﻢ ﻭﺍﻟﺪﻳﻜﻢ ﻟﻴﺶ ﻣﺎﻓﻴﻪ ﺃﺣﺪ ﺭﺍﺿﻲ ﻳﻔﻬﻤﻨﻲ
ﻭﻓﻠﺴﻔﺘﻜﻢ ﻫﺬﻩ ﻣﻤﻜﻦ ﺃﺭﺿﻰ ﻓﻴﻬﺎ ﻗﺒﻞ ﺧﻤﺲ ﺳﻨﻮﺍﺕ ﻟﻜﻦ ﻣﻮﺏ ﻫﺎﻟﺤﻴﻦ ﻋﻘﺐ
ﻣﺎﻗﺮﺑﺖ ﺃﺗﺨﺮﺝ .. ﻭﺣﻠﻤﺖ ﺃﺣﻼﻡ ﻭﺍﺟﺪ .. ﻭﻭﺍﺣﺪ ﻣﻦ ﺃﺣﻼﻣﻲ ﺍﻟﻠﻲ ﺑﺴﻮﻳﻪ ﺃﺗﻮﻗﻊ
ﺑﻴﺨﻠﻲ ﻋﺎﺋﻠﺘﻲ ﻭﺟﻤﺎﻋﺘﻲ ﻛﻠﻬﻢ ﻳﺴﺘﺨﻔﻮﻥ ﻭﺃﻧﺎ ﻣﺘﺄﻛﺪﻩ ﺇﻧﻬﻢ ﺑﻴﻮﻗﻔﻮﻥ ﻓﻲ ﻭﺟﻬﻲ
ﻭﺃﺑﺼﻢ ﻋﻠﻰ ﺍﻟﻤﻠﻴﻮﻥ ﺇﻥ ﻣﺴﺎﻋﺪ ﺑﻴﻜﻮﻥ ﺃﻭﻟﻬﻢ ﻭﺑﻴﻜﺮﻩ ﺍﻟﺴﺎﻋﻪ ﺍﻟﻠﻲ ﻋﺮﻓﻨﻲ
ﻓﻴﻬﺎ .. ﻭﻳﻤﻜﻦ ﻣﺎﻳﻌﺘﺮﻑ ﺣﺘﻰ ﻓﻴﻨﻲ .
ﺃﻣﻞ: ﻃﻴﺐ ﻭﺵ ﻫﺎﻟﺤﻠﻢ ﺍﻟﻠﻲ ﺑﻴﺠﻨﻦ ﺍﻟﻌﺎﻟﻢ ﻭﻳﺨﻠﻴﻬﻢ ﻳﻮﻗﻔﻮﻥ ﺑﻮﺟﻬﻚ؟
ﺭﻳﻢ: ﻻ ﻭﺑﻌﺪ ﻳﻜﻮﻥ ﻣﺴﺎﻋﺪ ﺃﻭﻟﻬﻢ .
ﻟﻤﻰ ﻭﺑﺜﻘﻪ: ﺑﻨﺎﺕ ﺃﻧﺎ ﻗﺮﺭﺕ ﺃﺩﺧﻞ ﻣﺠﺎﻝ ﺍﻟﺼﺤﺎﻓﻪ .
ﺃﻣﻞ ﻭﺭﻳﻢ ﺑﺼﻮﺕ ﻭﺍﺣﺪ: ﺃﻭﻑ ﺻﺤﺎﻓﻪ ﻣﺮﻩ ﻭﺣﺪﻩ .
ﻟﻤﻰ:ﺇﻳﻪ ﻟﻴﺶ ﻣﺴﻮﻳﻪ ﺷﻲ ﻏﻠﻂ .
ﺭﻳﻢ: ﻻ ﻳﺎﻟﻤﻰ ﺃﻧﺎ ﺑﺪﻳﺖ ﺃﺷﻚ ﺇﻧﻚ ﺇﺳﺘﺨﻔﻴﺘﻲ .
ﻟﻤﻰ:ﻟﻴﺶ؟
ﺭﻳﻢ: ﺇﻧﺘﻲ ﻋﺎﺭﻓﻪ ﻭﺵ ﻣﻌﻨﻰ ﺻﺤﺎﻓﻪ !
ﻟﻤﻰ:ﺇﻳﻪ ﻃﺒﻌﺎ ﺃﻋﺮﻑ ﻳﺎﺣﺒﻴﺒﺘﻲ ﻣﻌﻨﺎﻩ ﺇﻧﻚ ﺗﻜﺘﺒﻴﻦ ﺍﻟﺤﻘﻴﻘﻪ ﺑﻘﻠﻢ ﺻﺎﺩﻕ ﺑﺪﻭﻥ ﺗﺤﻴﺰ .
ﺭﻳﻢ: ﻻ ﻳﺎ ﻟﻤﻰ ﺍﻟﺼﺤﺎﻓﻪ ﺗﺤﺪﻱ ﻟﻠﻤﺠﺘﻤﻊ ﺧﺎﺻﻪ ﺇﻧﻚ ﺑﻨﺖ .. ﻳﻌﻨﻲ ﻛﺴﺮ ﻟﻠﻌﺎﺩﺍﺕ
ﻭﺍﻟﺘﻘﺎﻟﻴﺪ .
ﺃﻣﻞ: ﺇﻳﻪ ﻛﺄﻧﻚ ﺗﻘﻮﻟﻴﻦ ﻟﻠﻨﺎﺱ ﺗﺮﺍﻧﻲ ﺃﺗﺤﺪﺍﻛﻢ .
ﻟﻤﻰ : ﻫﻬﻬﻪ ﺣﻠﻮﻩ ﻣﻦ ﺟﺪ ﺿﺤﻜﺘﻮﻧﻲ ﺑﺲ ﺑﺴﺄﻟﻜﻢ ﺳﺆﺍﻝ ﻭﻫﻮ ﺍﻟﻤﻬﻢ .. ﺑﺸﻐﻠﺘﻲ ﻫﺬﻱ
ﺳﻮﻳﺖ ﺷﻲ ﺣﺮﺍﻡ؟
ﺃﻣﻞ: ﻻ ﺑﺲ ﺍﻟﻮﺍﺣﺪ ﻻﺯﻡ ﻳﺮﺍﻋﻲ ﺍﻟﻤﺠﺘﻤﻊ ﺍﻟﻠﻲ ﻫﻮ ﻋﺎﻳﺶ ﻓﻴﻪ .
ﻟﻤﻰ: ﺃﻣﻞ ﺭﺟﺎﺀﻥ ﺧﺎﺹ ﺇﻧﺘﻲ ﺁﺧﺮ ﺇﻧﺴﺎﻧﻪ ﺗﺘﻜﻠﻢ ﻓﻲ ﻫﺎﻟﻤﻮﺿﻮﻉ ﻃﻴﺐ .
ﺃﻣﻞ:ﻟﻴﺶ؟
ﻟﻤﻰ: ﻭﺵ ﻧﻔﻌﻚ ﻓﻴﻪ ﺍﻟﻤﺠﺘﻤﻊ ﻳﻮﻡ ﺗﻄﻠﻘﺘﻲ .. ﺑﺎﻟﻌﻜﺲ ﺃﻭﻝ ﻣﻦ ﺃﻫﺎﻧﻚ ﻫﺎﻟﻤﺠﺘﻤﻊ ﺍﻟﻠﻲ
ﺇﻧﺘﻲ ﻣﺴﺘﺄﻧﺴﻪ ﻓﻴﻪ .
ﺃﻣﻞ : ﻭﺵ ﺩﺧﻞ ﺳﺎﻟﻔﺘﻲ ﺑﺸﻐﻠﺘﻚ؟
ﻟﻤﻰ ﻭﺑﺈﺻﺮﺍﺭ: ﻳﺎﻟﺤﺒﻴﺒﻪ ﺍﻟﺼﺤﺎﻓﻪ ﻫﻲ ﺇﻇﻬﺎﺭ ﻣﺸﺎﻛﻞ ﺍﻟﻨﺎﺱ ﺍﻟﻠﻲ ﻣﺤﺪ ﺩﺍﺭﻱ
ﻋﻨﻬﺎ ..ﺃﻣﻞ ﺃﻧﺎ ﺑﻜﺘﺐ ﺑﺼﻔﺤﺎﺕ ﺑﻴﻀﺎﺀ ﻭﺑﻘﻠﻢ ﺃﺣﻤﺮ ﻣﺠﺮﻭﺡ ﻭﻳﻌﺒﺮ ﻋﻦ ﻣﺸﺎﻛﻞ ﺍﻟﺒﻨﺎﺕ
ﺍﻟﻠﻲ ﻣﺜﻠﻚ ﺇﻧﻈﻠﻤﻮﺍ ﻭﻣﻮﺏ ﻻﻗﻴﻦ ﻣﻦ ﻳﻮﺻﻞ ﺻﻮﺗﻬﻢ ﺃﻭ ﺻﺮﺧﺘﻬﻢ ﺍﻟﻤﻜﺒﻮﺗﻪ ..ﺃﻣﻞ
ﺷﻮﻓﻲ ﺍﻟﻠﻲ ﻭﺻﻠﺘﻲ ﻟﻪ ﻟﻮ ﻛﻨﺘﻲ ﻃﺎﺭﺣﻪ ﻣﺸﻜﻠﺘﻚ ﻛﺎﻥ ﻏﻴﺮﻙ ﺇﺳﺘﻔﺎﺩ ﻣﻦ ﺗﺠﺮﺑﺘﻚ .
( ﺃﻣﻞ ﻭﺭﻳﻢ ﻭﺑﺪﻭﻥ ﻭﻻﻫﻤﺲ )
( ﺇﺧﺲ ﻳﺎﻟﻤﻰ ﻭﺍﻟﻠﻪ ﻃﻠﻌﺘﻲ ﻋﻨﻴﺪﻩ ﻭﺭﺃﺳﻚ ﻳﺎﺑﺲ )
ﻟﻤﻰ ﻭﺑﻨﺒﺮﺓﻭﺍﺛﻘﻪ: ﻟﻴﻪ ﻣﺎﻟﻜﻦ ﺣﺲ؟ﺑﺲ ﻣﺎﻓﻴﻪ ﺷﻲ ﺗﻘﻮﻟﻮﻧﻪ؟
ﺭﻳﻢ:ﺃﻗﺴﻢ ﺑﺎﻟﻠﻪ ﻣﺄﺧﺬﻩ ﻣﻘﻠﺐ ﻓﻲ ﺍﻟﺼﺤﺎﻓﻪ ﻳﺎﻟﻤﻰ .. ﺗﺮﻯ ﻣﻮﺏ ﺩﺍﻳﻢ ﻛﻞ ﺍﻷﻗﻼﻡ ﺗﻜﺘﺐ
ﺍﻟﺤﻘﺎﻳﻖ ﻳﺎﻟﻤﻰ ﻓﻴﻪ ﻧﺎﺱ ﺗﻠﻔﻖ ﺍﻟﺤﻘﻴﻘﻪ .. ﻳﻜﺘﺒﻮﻥ ﺑﺄﻗﻼﻡ ﺫﻫﺒﻴﻪ ﻭﺑﺎﻟﻨﻬﺎﻳﻪ ﺗﻌﺎﻟﻲ
ﺷﻮﻓﻴﻬﻢ .
ﻟﻤﻰ: ﻳﺎﺑﻨﺎﺕ ﺃﻧﺎ ﻟﻤﻰ ﻫﺬﺍ ﻫﻮ ﺍﻟﻤﻬﻢ ﻭﺭﺍﺡ ﺃﺗﺤﺪﻯ ﺍﻟﻜﻞ ﻭﺃﺛﺒﺖ ﻧﻔﺴﻲ .
ﺃﻣﻞ:ﺁﻩ ﺗﺪﺭﻳﻦ ﻋﺎﺩ ﻭﺭﺑﻲ ﺧﺎﻳﻔﻪ ﺇﻧﻪ ﻧﺨﺴﺮﻙ ﺑﻴﻮﻡ ﻣﻦ ﺍﻷﻳﺎﻡ؟
ﻟﻤﻰ: ﻟﻴﺶ ﺗﻘﻮﻟﻴﻦ ﻛﺬﺍ؟
ﺃﻣﻞ: ﻷﻥ ﺍﻷﺿﻮﺍﺀ ﺩﺍﻳﻢ ﺗﺨﻠﻲ ﺍﻹﻧﺴﺎﻥ ﻳﻌﻴﺶ ﺷﺨﺺ ﺛﺎﻧﻲ ﻣﺎﻫﻮﺏ ﻫﻮ .
ﺭﻳﻢ:ﺻﺢ ﻭﻏﻴﺮ ﻛﺬﺍ ﻣﺸﻮﺍﺭﻙ ﻛﻠﻪ ﺷﻮﻙ ﻭﺭﺍﺡ ﻳﻜﺜﺮﻭﻥ ﺍﻟﻠﻲ ﻳﻐﺎﺭﻭﻥ ﻣﻦ ﻧﺠﺎﺣﻚ
ﻭﻳﻮﻗﻔﻮﻥ ﻟﻚ ﺑﺎﻟﻤﺮﺻﺎﺩ .
ﻟﻤﻰ ﻭﺑﻄﻔﺶ: ﻻ ﺣﻮﻝ ﻣﻦ ﺃﻭﻟﻬﺎ ﺗﺤﻄﻴﻢ ..ﻻﺗﺨﺎﻓﻮﻥ ﺩﺍﻡ ﺇﻧﻲ ﻣﻘﺘﻨﻌﻪ ﺇﻥ ﻃﺮﻳﻘﻲ ﺻﺢ
ﻣﺎﻳﻬﻤﻨﻲ ﺃﺣﺪ ﻭﻋﻨﺪﻱ ﺭﺏ ﺍﻟﻌﺎﻟﻤﻴﻦ ﻫﻮ ﺳﻨﺪﻱ .
ﺭﻳﻢ ﻭﺃﻣﻞ: ﺍﻟﻠﻪ ﻳﻮﻓﻘﻚ ....
*ـــــــ((( @ahgeel )))ـــــــ*
*, #نههههاية_البارت*
*📚 #يتبع👇🏻💜*