الفصل 7
عالم القصص والروايات 📚:
*ـــــــــــــــــــــــــــــــــــــــــــــــــ*
*((, #عشق_بدوي_يابنت_تفهمينة💙))*
*(( #البارت_السابع))*
*ــــــــــــــــــــــــــــــــــ*
ﻟﻤﻰ: ﻣﺴﺎﻋﺪ،ﻣﺴﺎﻋﺪ،ﻣﺴﺎﻋﺪ
ﻣﺴﺎﻋﺪ ﻭﻫﻮ ﻣﺸﻮﺵ ﺍﻟﺬﻫﻦ: ﻫﻼ،
ﻟﻤﻰ: ﻭﺵ ﻓﻴﻚ ﻭﻳﻦ ﻭﺻﻠﺖ؟؟
ﻣﺴﺎﻋﺪ: ﻻﺗﻮﻧﺎ ﻣﺎﻭﺻﻠﻨﺎ ﺍﻟﻤﺨﻴﻢ،
ﻟﻤﻰ : ﺍﻟﻠﻲ ﻣﺄﺧﺬ ﻋﻘﻠﻚ ﻳﺘﻬﻨﻰ ﻓﻴﻪ،
( ﺃﻧﺎ ﻛﻨﺖ ﻃﻮﻝ ﺍﻟﻄﺮﻳﻖ ﺳﺎﻛﺖ،،ﻭﻛﺎﻥ ﻭﺩﻱ ﺃﻗﻮﻝ ﻟﻬﺎ ﺇﻧﻲ ﺃﺣﺒﻬﺎ ﻭﺃﻋﺸﻖ ﺗﺮﺍﺑﻬﺎ ﻣﻦ
ﺳﻨﻴﻦ،،ﺑﺲ ﻳﺎﺗﺮﻯ ﻟﻴﻪ ﻳﺎﻣﺴﺎﻋﺪ ﻣﺎﺗﻌﺘﺮﻑ ﻫﺬﻱ ﺃﺣﺴﻦ ﻓﺮﺻﻪ ﻭﻣﺴﺘﺤﻴﻞ ﺗﺘﻜﺮﺭ ﻣﺮﻩ
ﺛﺎﻧﻴﻪ !!
ﻟﻜﻦ ﻟﺤﻈﺘﻬﺎ ﻣﺖ ﻣﻦ ﺍﻟﺘﺮﺩﺩ،، ﻭﺍﻟﻠﻲ ﺯﺍﺩ ﻣﻦ ﺗﺮﺩﺩﻱ ﻛﺮﺍﻣﺘﻲ،،ﺇﻳﻪ ﻛﺮﺍﻣﺘﻲ ﻭﺵ ﻟﻮﻥ
ﻳﺎﻣﺴﺎﻋﺪ ﻟﻮﺻﺮﺣﺖ ﺑﺤﺒﻚ !! ﻛﻴﻒ ﺑﺘﻜﻮﻥ ﺭﺩﺓ ﻓﻌﻠﻬﺎ،،ﻣﻌﻘﻮﻟﻪ ﻟﻤﻰ ﺭﺍﺡ ﺗﺮﺿﻰ ﺑﻮﺍﺣﺪ
ﻣﺜﻠﻲ ﺣﺘﻰ ﻣﺎﻛﻤﻞ ﺍﻟﺠﺎﻣﻌﻪ ،، )
ﺁﻩ ﻟﻲ ﻋﻠﺔ ﺑﻴﻦ ﺍﻟﻀﻠﻮﻉ ﺍﻟﻤﻬﺎﺩﻳﻒ ..
ﻳﺘﻌﺐ ﺧﺒﻴﺮ ﺍﻟﻄﺐ ﻻ ﻳﻜﺘﺸﻔﻬﺎ ..
ﺍﻟﻌﻴﻦ ﺗﺪﻣﻊ ﻛﺄﻧﻬﺎ ﻭﺍﺑﻞ ﺍﻟﺼﻴﻒ ..
ﻭﺍﻟﻜﺒﺪ ﻋﺎﺻﻮﻑ ﺍﻟﻤﺼﺎﻳﺐ ﻋﺼﻔﻬﺎ ..
ﺃﺳﺒﺎﺑﻬﺎ ﻓﺮﻗﺎ ﺍﻟﻘﻠﻮﺏ ﺍﻟﻤﻮﺍﻟﻴﻒ ..
ﻟﻤﻰ: ﻳﺎﻣﺴﺎﻋﺪ ﺧﻼﺹ ﺗﺮﺍﻧﻲ ﺗﻌﺒﺖ ﺧﻠﻨﺎ ﻧﻘﻌﺪ ﺷﻮﻱ،
ﻣﺴﺎﻋﺪ: ﻃﻴﺐ ﺇﺭﺗﺎﺣﻲ .
ﻟﻤﻰ: ﻟﻴﺶ ﻭﺍﻗﻒ ﺇﻗﻌﺪ .
( ﻣﺴﺎﻋﺪ ﻣﺎ ﺭﺩ ﻋﻠﻴﻬﺎ ﻭﻻﻛﻠﻤﻪ )
ﻟﻤﻰ: ﻣﺴﺎﻋﺪ ﻟﻴﺶ ﻃﻔﻴﺖ ﻗﺒﻞ ﺷﻮﻱ ﻛﻨﺖ ﺃﺣﺴﻚ ﺣﻴﻞ ﻣﺘﺤﻤﺲ .
( ﻣﺴﺎﻋﺪ ﻳﻄﺎﻟﻊ ﻟﻤﻰ ﺑﻨﻈﺮﺍﺕ ﺻﺎﻣﺘﻪ )
<=== ﻓﺪﻳﺘﻪ ﻣﻮﺏ ﻗﺎﺩﺭ ﻳﻘﻮﻝ ﻭﻻﻛﻠﻤﻪ ﻣﻦ ﻫﻮﻝ ﺍﻟﺼﺪﻣﻪ .
ﻟﻤﻰ: ﻋﻠﻰ ﻓﻜﺮﻩ ﻣﺴﺎﻋﺪ ﺗﺮﺍﻙ ﺗﻌﺠﺒﻨﻲ .
ﻣﺴﺎﻋﺪ ﻭﺃﺧﻴﺮﻥ ﺗﺤﺮﺭ ﻣﻦ ﺻﻤﺘﻪ :
ﻭﺵ ﺑﻌﺪ ﻫﺎﻹﻋﺠﺎﺏ ﻳﺎﻟﻤﻰ .
ﻟﻤﻰ: ﻻ ﻭﻻﺷﻲ ﺑﺲ ﻣﺠﺮﺩ ﺇﻋﺠﺎﺏ .
ﻣﺴﺎﻋﺪ: ﺇﺣﺘﻔﻈﻲ ﻓﻴﻪ ﻟﻨﻔﺴﻚ .
ﻟﻤﻰ: ﻭﺵ ﻫﺎﻟﺠﻼﻓﻪ؟
ﻣﺴﺎﻋﺪ:ﻋﻠﺸﺎﻥ ﻛﻨﺖ ﺻﺮﻳﺢ؟
ﻟﻤﻰ: ﻣﺴﺎﻋﺪ ﺑﻐﻴﺖ ﺃﻗﻮﻟﻚ ﺷﻲ .
ﻣﺴﺎﻋﺪ ﻭﻗﻠﺒﻪ ﻋﻠﻰ ﻧﺎﺭ: ﺳﻤﻲ ﻭﺵ ﺑﻐﻴﺘﻲ؟
ﻟﻤﻰ: ﻣﺴﺎﻋﺪ ﺇﻧﺖ ﻛﻞ ﻭﺣﺪﻩ ﺗﺘﻤﻨﻰ ﺗﻜﻮﻥ ﻣﻦ ﻧﺼﻴﺒﻚ .
ﻣﺴﺎﻋﺪ ﻭﺑﻨﻈﺮﺍﺕ ﻣﺘﺮﻗﺒﻪ: ﻫﺬﺍ ﻣﻦ ﻃﻴﺐ ﺃﺻﻠﺘﺲ ﻳﺎﻟﻐﺎﻟﻴﻪ .
ﻟﻤﻰ: ﻟﻜﻦ ﻳﺎﻣﺴﺎﻋﺪ ﺃﻧﺎ ﻭﺇﻧﺖ ﻣﺎﺃﺗﻮﻗﻊ ﻳﺠﻤﻌﻨﺎ ﺑﻴﺖ ﻭﺍﺣﺪ .
ﻣﺴﺎﻋﺪ ﻭﻫﻮﻣﺼﺪﻭﻡ : ﻭﺵ ﻋﻠﻤﺘﺲ ﺗﻘﻮﻟﻴﻦ ﻫﺎﻟﺤﻜﻲ؟
ﻟﻤﻰ: ﻣﺴﺎﻋﺪ ﺇﻧﺖ ﻣﺴﺘﺤﻴﻞ ﺗﻨﺎﺳﺒﻨﻲ ﻷﻥ ﺃﻧﺎ ﻏﻴﺮ ﻭﺇﻧﺖ ﻏﻴﺮ .
ﻣﺴﺎﻋﺪ:ﺇﻳﻪ ﺃﻛﻴﺪ ﺑﻜﻮﻥ ﻏﻴﺮ ﻷﻧﻲ ﺇﻧﺴﺎﻥ ﺑﺪﻭﻥ ﺷﻬﺎﺩﻩ ﻭﻻﻧﻴﺐ ﻣﺎﺟﺴﺘﻴﺮ .
ﻟﻤﻰ: ﻻ ﻻ ﻣﻮﺏ ﻛﺬﺍ؟
ﻣﺴﺎﻋﺪ : ﻻ ﺗﻘﻮﻟﻴﻦ ﺷﻲ ... ﺍﻷﻣﻮﺭ ﻭﺍﺿﺤﻪ .. ﺃﻛﻴﺪ ﻣﺎﻧﻴﺐ ﻓﺎﺭﺱ ﺃﺣﻼﻣﻚ .
ﻟﻤﻰ: ﺃﻭﻑ ﻻﺗﺄﺧﺪ ﺍﻟﻤﻮﺿﻮﻉ ﺑﻬﺎﻟﺤﺴﺎﺳﻴﻪ .
ﻣﺴﺎﻋﺪ ﻭﺑﻨﺮﻓﺰﻩ: ﻟﻤﻰ ﺍﻟﻠﻪ ﻳﺮﺣﻢ ﻭﺍﻟﺪﻳﻚ ﺍﻟﻤﻮﺿﻊ ﺑﻘﻮﻩ ﻭﺍﺿﺢ .. ﺃﻧﺎ ﺑﺪﻭﻱ ﻭﺇﻧﺘﻲ
ﺣﻀﺮﻳﻪ .. ﺃﻧﺎ ﺑﻴﻦ ﺍﻟﻐﻨﻢ ﻭﺍﻟﺒﻌﺎﺭﻳﻦ ﻭﺇﻧﺘﻲ ﻣﻦ ﺳﻴﺎﺭﻩ ﻟﺴﻴﺎﺭﻩ .
ﻟﻤﻰ: ﻣﺴﺎﻋﺪ ﺇﺳﻤﻌﻨﻲ ...
ﻣﺴﺎﻋﺪ:ﻻﺗﻘﻮﻟﻴﻦ ﺷﻲ ﻳﺎﻟﻤﻰ ﻭﻳﻦ ﺣﺒﻨﺎ ﺍﻷﻭﻝ .. ﻭﻳﻦ ﺃﻳﺎﻡ ﺍﻟﻄﻔﻮﻟﻪ .. ﺗﺬﻛﺮﻳﻦ ﻳﻮﻡ ﻛﻨﺎ
ﻧﺸﺨﺒﻂ ﻋﻠﻰ ﺍﻟﺠﺪﺭﺍﻥ .. ﻭﻛﻨﺎ ﻧﻜﺘﺐ
ﺣﺐ l + m = ... ﻭﺗﺬﻛﺮﻳﻦ ﻳﻮﻡ ﻛﻨﺖ ﺃﺷﺘﺮﻱ ﺇﻳﺲ ﻛﺮﻳﻢ ﻟﻚ ﻭﻛﻨﺖ ﺃﺧﻠﻲ ﻛﻞ ﻋﻴﺎﻝ
ﺍﻟﻘﺮﻳﻪ ﻭﻻ ﻭﺍﺣﺪ ﻳﺮﺩ ﻟﻚ ﻃﻠﺐ .. ﻭﺃﺣﻠﻰ ﻳﻮﻡ ﺫﺍﻙ ﺍﻟﻴﻮﻡ ﻳﻮﻡ ﻛﻨﺘﻲ ﺑﺨﺎﻣﺲ ﺇﺑﺘﺪﺍﺋﻲ
ﻭﺑﻌﻔﻮﻳﻪ ﻗﻠﺘﻲ ﻟﻲ ﻳﺎﻣﺴﺎﻋﺪ ﻭﺵ ﻣﻌﻨﻰ ﻛﻠﻤﺔ ﺃﺣﺒﻚ .. ﻗﻠﺖ ﻟﻚ ﻣﺪﺭﻱ ﺑﺲ ﻳﻤﻜﻦ ﻗﻠﺐ
ﻭﻓﻴﻪ ﺳﻬﻢ ﻣﻘﺴﻮﻡ ﺑﻴﻦ ﺇﺛﻨﻴﻦ .. ﺭﺣﺘﻲ ﺿﺤﻜﺘﻲ ﺑﺼﻮﺕ ﻋﺎﻟﻲ .. ﻭﻗﻠﺘﻲ ﺇﻳﻪ ﺧﻼﺹ
ﻧﺺ ﻟﻲ ﻭﻧﺺ ﻟﻚ .. ﻟﻤﻰ ﺗﺬﻛﺮﻳﻦ ﺫﻳﻚ ﺍﻷﻳﺎﻡ .. ﻭﻛﻴﻒ ﻛﻨﺎ ﺑﻌﺰ ﺍﻟﻘﻮﺍﻳﻞ ﻧﻬﺮﺏ ﺑﺪﻭﻥ
ﻣﺤﺪ ﻳﺪﺭﻱ ﻭﻧﺮﺳﻢ ﻓﻲ ﺍﻟﺘﺮﺍﺏ ﻗﻠﻮﺏ ﻭﻣﺎﻛﻨﺎ ﻧﻌﺮﻑ ﻭﺵ ﻣﻌﻨﺎﻫﺎ .. ﺑﺲ ﻛﻨﺎ ﻧﻌﺮﻑ ﺇﻥ
ﻟﻤﻰ ﻭﻣﺴﺎﻋﺪ ﻣﺴﺘﺤﻴﻞ ﻳﻔﺮﻗﻬﻢ ﺷﻲ .
))) ﻣﺎ ﻗﺘﻞ ﻗﻠﺒﻲ ﺳﻬﺎﻡ
ﻭﻻﻃﻌﻦ ﺟﻮﻓﻲ ﺭﻣﺎﺡ
ﻣﺎﺫﺑﺤﻨﻲ ﻏﻴﺮ ﻭﺍﺣﺪ
ﻗﺎﻝ ﺃﺣﺒﻚ ﻭﺭﺍﺡ (((..
ﻟﻤﻰ ﻭﺑﺼﻤﺖ ﺭﻫﻴﺐ: ﻣﺴﺎﻋﺪ ﻣﺴﺘﺤﻴﻞ ﺫﻳﻚ ﺍﻷﻳﺎﻡ ﺃﻧﺴﺎﻫﺎ .
ﻣﺴﺎﻋﺪ: ﻟﺤﻈﻪ ﻳﺎﻟﻤﻰ ﻻﺗﻘﻮﻟﻴﻦ ﺷﻲ .. ﺗﺬﻛﺮﻳﻦ ﻳﺎﻟﻤﻰ ﺭﺳﺎﻳﻠﻚ ﻟﻲ .. ﺭﺳﺎﻳﻞ ﺍﻟﺸﻮﻕ
ﻭﺍﻟﺤﺐ .. ﻭﺃﺣﻠﻰ ﻟﺤﻈﻪ ﻋﻨﺪﻱ ﻳﻮﻡ ﺑﺪﻭﺭ ﺑﻨﺖ ﺟﻴﺮﺍﻧﻨﺎ ﺗﻀﺮﺑﻚ ﻭﺭﺣﺖ ﻗﻄﻌﺖ ﺷﻌﺮﻫﺎ
ﻋﻠﺸﺎﻧﻚ .. ﻭﺑﻌﺪﻳﻦ ﺇﻧﺤﺸﻨﺎ ﻟﺒﻴﺖ ﺍﻟﺸﻌﺮ ﺍﻟﻠﻲ ﺑﺤﻮﺷﻨﺎ ﻭﺭﺣﺘﻲ ﻗﻠﺘﻲ ﻟﻲ ﺃﺣﺒﻚ
ﻳﺎﻣﺴﺎﻋﺪ .. ﺗﺬﻛﺮﻳﻦ ﻳﺎﻟﻤﻰ ..
ﻟﻤﻰ: ﻣﺴﺎﻋﺪ ﻛﻨﺎ ﺃﻃﻔﺎﻝ ﻭﻣﺤﺪ ﻋﺎﺭﻓﻪ ﻣﺴﺘﻘﺒﻠﻪ .
ﻣﺴﺎﻋﺪ ﻭﺑﻀﺤﻜﻪ ﺳﺎﺧﺮﻩ: ﺇﻻ ﻗﻮﻟﻲ ﻣﺎﻛﻨﺎ ﻧﻌﺮﻑ ﺍﻟﻔﻠﻮﺱ ﺑﺤﻴﺎﺗﻨﺎ .
ﻟﻤﻰ: ﻭﺵ ﻓﻴﻚ ﻣﻮﺏ ﺭﺍﺿﻲ ﺗﻔﻬﻤﻨﻲ .. ﺃﻳﺎﻡ ﺃﻭﻝ ﻏﻴﺮ ﻭﻫﺎﻟﺤﻴﻦ ﺗﻐﻴﺮ ﺍﻟﻮﻗﺖ .
ﻣﺴﺎﻋﺪ : ﺇﻧﺘﻲ ﺍﻟﻠﻲ ﺗﻐﻴﺮﺗﻲ ﻭﻣﺎﻋﺎﺩ ﻳﻌﺠﺒﺘﺲ ﺷﻲ ﻫﻨﻴﺎ .
ﻟﻤﻰ: ﺃﻧﺎ ﻣﺎﺗﻐﻴﺮﺕ ﺑﺲ ﺍﻟﻤﺠﺘﻤﻊ ﻓﺮﺽ ﻋﻠﻲ ﺇﻧﻲ ﺃﺭﺗﻘﻲ ﺑﻨﻔﺴﻲ .
ﻣﺴﺎﻋﺪ: ﺗﺮﺗﻘﻴﻦ ﻫﻬﻬﺎﻱ ﻟﻴﺶ ﻭﺣﺒﻚ ﻣﻌﻲ ﺧﻼﻙ ﺗﻨﺰﻟﻴﻦ ..ﻃﺒﻌﺎ ﻳﺤﻖ ﻟﻚ ﻳﺎﻟﻤﻰ ﺑﻨﺖ
ﻋﺒﺪﺍﻟﻠﻪ .. ﻫﻬﻪ ﻭﺃﻻ ﻭﺵ ﻓﻴﻨﻲ ﺯﻭﺩ .. ﻛﺸﻪ ﻣﻨﻜﻮﺷﻪ .. ﻭﺿﺮﻭﺱ ﻣﻜﺴﻮﺭﻩ .. ﻭﺑﺪﺍﻭﻩ
ﻭﺩﻓﺎﺷﻪ ..ﻫﺬﺍ ﺃﻧﺎ ﺑﻨﻈﺮﻙ .
ﻟﻤﻰ:ﺁﻩ ﻣﺴﺎﻋﺪ ﻭﺭﺑﻲ ﻣﺤﺪ ﻓﺎﻫﻤﻨﻲ ﻫﻲ ﻣﻮﺏ ﻛﺬﺍ .
ﻣﺴﺎﻋﺪ : ﻳﺎﻟﻤﻰ ﺗﻜﺬﺑﻴﻦ ﻋﻠﻲ ﻭﺃﻻ ﻋﻠﻰ ﻧﻔﺴﻚ .. ﻛﻠﻨﺎ ﻋﺎﺭﻓﻴﻦ ﺍﻟﻮﺿﻊ ﺑﺲ ﺗﺪﺭﻳﻦ ﻋﺎﺩ
ﺧﻮﺫﻳﻬﺎ ﻣﻨﻲ ﻛﻠﻤﺔ ﺭﺟﻞ ﻳﺎﺑﻨﺖ ﺍﻷﺟﻮﺍﺩ ﺗﺮﻯ ﺍﻟﺒﺪﻭﻱ ﻻﻋﺸﻖ ﻳﻤﻮﺕ ﻭﻻﻳﻤﻮﺕ ﺍﻟﻌﺸﻖ
ﻓﻲ ﻗﻠﺒﻪ .
ﻟﻤﻰ: ﻣﺴﺎﻋﺪ ﻻﺯﻡ ﺗﺸﻮﻑ ﻣﺼﺎﻟﺤﻚ ﻭﺗﺪﻭﺭ ﻋﻠﻰ ﺍﻟﺒﻨﺖ ﺍﻟﻠﻲ ﺗﺴﻌﺪﻙ .
ﻣﺴﺎﻋﺪ: ﺇﻧﺘﻲ ﺟﺎﻳﻪ ﺑﻌﺪ ﻫﺎﻟﺴﻨﻴﻦ ﻛﻠﻬﺎ ﺗﺒﻴﻦ ﺗﻌﻠﻤﻴﻨﻲ ﻭﻳﻦ ﺃﻟﻘﻰ ﺳﻌﺎﺩﺗﻲ .
ﻟﻤﻰ: ﻻ ﺃﻧﺎ ﺃﺗﻤﻨﻰ ﻟﻚ ﺍﻟﺨﻴﺮ ﻟﺬﻟﻚ ﻣﺎﺑﻐﻴﺘﻚ ﺗﺘﻌﻠﻖ ﺑﺴﺮﺍﺏ ﻭﺗﺸﻮﻑ ﺑﻨﺖ ﺍﻟﺤﻼﻝ ﺍﻟﻠﻲ
ﺗﺴﻌﺪﻙ .
ﻣﺴﺎﻋﺪ ﻭﻫﻮﺑﻘﻤﺔﺍﻟﺘﺤﻄﻢ : ﺃﺗﻌﻠﻖ ﺑﺴﺮﺍﺏ .. ﻳﺎﻟﻌﻨﺒﻮﻙ ﺩﻧﻴﺎ ﺁﺧﺮﺗﻬﺎ ﻟﻤﻰ ﺑﻌﺪ ﻫﺎﻟﺴﻨﻴﻦ
ﺟﺎﻳﻪ ﺗﻘﻮﻝ ﻟﻲ ﺇﻥ ﺣﺒﻨﺎ ﺳﺮﺍﺏ .. ﺃﺥ ﻟﻬﺪﺭﺟﻪ ﻳﺎﻟﻤﻰ ﺃﻧﺎ ﺃﻋﻤﻰ .
ﻟﻤﻰ : ﻭﺵ ﺗﺒﻴﻨﻲ ﺃﺳﻮﻱ ﻓﻴﻚ !
ﻣﺴﺎﻋﺪ ﻭﺑﺈﺳﺘﻬﺰﺍﺀ: ﻛﺎﻥ ﻗﻠﺘﻲ ﻟﻲ ﺃﻟﺒﺲ ﻧﻈﺎﺭﻩ؟
ﻟﻤﻰ ﻭﺑﺤﺰﻡ: ﻛﺎﻥ ﻟﺒﺴﺖ ﺃﺑﺮﻙ ﻟﻚ .
ﻣﺴﺎﻋﺪ: ﺑﺲ ﺇﻧﺘﻲ ﻋﺎﺭﻓﻪ ﺍﻟﺒﺌﺮ ﻭﻏﻄﺎﻩ ﻭﺇﻥ ﺍﻟﻨﻈﺎﺭﻩ ﻏﺎﻟﻴﻪ ﻭﻣﺎﻛﻨﺖ ﺃﺩﺭﻱ ﺇﻥ ﺍﻟﻮﺍﺣﺪ
ﻻﺑﻐﻰ ﻳﺤﺐ ﻻﺯﻡ ﻳﺸﺘﺮﻱ ﻧﻈﺎﺭﻩ ﻭﻳﺨﺘﺎﺭ ﻣﻦ ﻳﺤﺐ .
ﻟﻤﻰ: ﻭﺵ ﻗﺼﺪﻙ؟
ﻣﺴﺎﻋﺪ: ﻋﻠﻰ ﺑﺎﻟﻚ ﺇﻥ ﺍﻟﺤﺐ ﻣﺎﺩﻳﺎﺕ ﺷﻲ ﺗﺄﺧﺬﻳﻨﻪ ﻣﻦ ﺍﻟﺴﻮﻕ ﻭﻟﻮﻣﺎﺑﻐﻴﺘﻴﻪ ﺭﺟﻌﺘﻴﻪ
ﻟﻠﺴﻮﻕ .
ﻟﻤﻰ: ﺇﻧﺖ ﻋﺎﺭﻓﻨﻲ ﻣﺎ ﺃﻓﻜﺮ ﺑﻬﺎﻟﻄﺮﻳﻘﻪ ﻭ ﻣﻮﺏ ﻗﺼﺪﻱ ﻛﺬﺍ !
ﻣﺴﺎﻋﺪ ﻭﺑﺸﻤﻮﺥ: ﺃﺟﻞ ﻭﺵ ﻗﺼﺪﺗﺲ ﻳﺎﻟﺠﺎﻣﻌﻴﻪ .
ﻟﻤﻰ:ﻟﻮﺳﻤﺤﺖ ﺑﺪﻭﻥ ﻣﺼﺨﺮﻩ .
ﻣﺴﺎﻋﺪ : ﻟﻴﺶ ﺗﺒﻴﻨﻲ
ﺃﺻﻔﻖ ﻟﻚ ﻋﻠﻰ ﻫﺎﻟﻮﻓﺎﺀ ﺍﻟﻠﻲ ﻋﻨﺪﺗﺲ ﻭﺍﻟﺘﻀﺤﻴﻪ !
ﻟﻤﻰ: ﻣﺴﺎﻋﺪ ﺭﺟﺎﺀﻥ ﺧﺎﺹ ﺇﺣﺘﺮﻡ ﻧﻔﺴﻚ .
ﻣﺴﺎﻋﺪ ﻭﺑﻌﺼﺒﻴﻪ: ﺃﻧﺎ ﻣﺤﺘﺮﻡ ﻧﻔﺴﻲ ﻣﻦ ﻗﺒﻞ ﻷﻋﺮﻓﻚ ﻭﺍﻟﺪﻟﻴﻞ ﺑﻬﺎﻟﻠﺤﻈﻪ ﻫﺬﻱ ﻣﻤﻜﻦ
ﺃﺑﺮﺩ ﺣﺮﺗﻲ ﻓﻴﻚ ﻋﻠﻰ ﺍﻟﺴﻨﻴﻦ ﺍﻟﻠﻲ ﺭﺍﺣﺖ ﻭﻣﺴﺘﺤﻴﻞ ﺗﻘﺪﺭﻳﻦ ﺗﺴﻮﻳﻦ ﺷﻲ ﺃﻭ ﺃﺣﺪ
ﻳﺴﻮﻱ ﺷﻲ .
ﻟﻤﻰ ﻭﻫﻲ ﻣﺴﺘﻐﺮﺑﻪ: ﻟﻴﺶ ﺃﺳﻠﻮﺑﻚ ﻭﻗﺢ ﻛﺬﺍ !
ﻣﺴﺎﻋﺪ: ﺧﻠﻴﺖ ﺍﻷﺩﺏ ﻟﻚ ﻭﺧﻠﻴﺖ ﻛﻞ ﺍﻟﻤﺒﺎﺩﺋﻲ ﻟﻠﻨﺎﺱ ﺍﻟﻤﺘﻌﻠﻤﻪ ﻣﺜﻠﻚ .
ﻟﻤﻰ: ﻣﺴﺎﻋﺪ ﻭﺵ ﻓﻴﻚ ﺇﺳﺘﺨﻔﻴﺖ .
))ﻭﺍﻟﻠﻪ ﻭﻟﻚ ﻭﺟﻪ ﺗﺴﺄﻟﻴﻦ ((
ﻣﺴﺎﻋﺪ ﻓﻘﺪ ﺍﻟﺴﻴﻄﺮﻩ : ﻟﻴﺶ ﺗﺒﻴﻨﻲ ﻋﻘﺐ ﻛﻼﻣﻚ ﺃﺿﺤﻚ .. ﻳﺎﻟﻤﻰ ﺟﺮﺣﺘﻲ ﻗﻠﺒﻲ
ﻭﻃﻌﻨﺘﻴﻪ .. ﻭﺗﺒﻴﻨﻲ ﺃﺿﺤﻚ !
ﻟﻤﻰ: ﻳﺎﺃﺧﻲ ﻭﻣﻦ ﻗﺎﻟﻚ ﺣﺒﻨﻲ !
ﻣﺴﺎﻋﺪ ﻃﻨﻘﺮﻋﻠﻴﻬﺎ : ﻟﻌﻨﺒﻮ ﺩﺍﺭﻙ ﻭﻫﻮ ﺑﻜﻴﻔﻲ !
ﻟﻤﻰ : ﺧﻼﺹ ﺣﺎﻭﻝ ﺗﻨﺴﻰ ﻭﺇﻓﺘﺢ ﺻﻔﺤﻪ ﺟﺪﻳﺪﻩ ﻣﻦ ﺣﻴﺎﺗﻚ .. ﻭﺇﺭﺳﻢ ﻣﺴﺘﻘﺒﻠﻚ .
(ﻫﻨﺎ ﺃﻧﺎ ﺑﻐﻴﺖ ﺃﺑﻜﻲ ﻭﺃﺣﻀﻨﻬﺎ ﻭﺃﺻﻴﺢ ﻭﺃﻗﻮﻝ ﺣﺮﺍﻡ ﻋﻠﻴﻚ ﻳﺎﻟﻤﻰ ... ﺑﺲ ﻻ ﺷﻤﻮﺧﻲ
ﻭﻋﺰﺓ ﻧﻔﺴﻲ ﻓﻮﻕ ﻛﻞ ﺷﻲ .. ﺃﺩﻭﺱ ﻋﻠﻰ ﻗﻠﺐ ﻣﻦ ﻭﺭﺍﻩ ﺇﻫﺎﻧﻪ )
ﻣﺴﺎﻋﺪ: ﺇﻳﻪ ﻟﻴﺶ ﻋﻠﻰ ﺑﺎﻟﻚ ﺑﻤﻮﺕ ﻋﻠﺸﺎﻧﻚ .
ﻟﻤﻰ: ﺃﻧﺎ ﻣﺎﻗﻠﺖ ﻛﺬﺍ .
ﻣﺴﺎﻋﺪ ﻭﺑﻜﺒﺮﻳﺎﺀ: ﻭﺵ ﺍﻟﻠﻲ ﺧﻼﻙ ﺗﺤﺴﻴﻦ ﺇﻥ ﺣﺒﻨﺎ ﺳﺮﺍﺏ ﻟﻴﻪ ﻣﺎﺧﻠﻴﺘﻴﻨﻲ ﺃﻛﻤﻞ
ﻫﺎﻟﺤﻠﻢ؟
ﻟﻤﻰ:ﻫﺬﺍ ﺇﻧﺖ ﻗﻠﺘﻬﺎ ﺣﻠﻢ .. ﻭﻣﻮﺏ ﺣﻠﻮﺇﻧﻚ ﺗﺤﻠﻢ ﻟﺤﺎﻟﻚ .
ﻣﺴﺎﻋﺪ: ﻃﻴﺐ ﻟﻴﺶ ﻣﺎﺗﺸﺎﺭﻛﻴﻨﻲ ﻫﺎﻟﺤﻠﻢ؟
ﻟﻤﻰ :ﻷﻥ ﻃﺮﻳﻖ ﺃﺣﻼﻣﻲ ﻣﺴﺘﺤﻴﻞ ﻳﺘﻔﻖ ﻣﻊ ﺃﺣﻼﻣﻚ .
ﻣﺴﺎﻋﺪ ﻭﺑﻌﻴﻮﻧﻪ ﺍﻟﻌﺒﺮﻩ ﻭﻟﻜﻦ ﺑﻌﺰﺓﻧﻔﺲ: ﺃﻫﺎ ﻫﺎﻟﺤﻴﻦ ﻭﺑﻬﺎﻟﻮﻗﺖ ﺟﺎﻳﻪ ﺗﻘﻮﻟﻴﻦ ﻃﺮﻳﻘﻨﺎ
ﻏﻴﺮ ﻳﺎﺑﻨﺖ ﺍﻷﺟﻮﺍﺩ .. ﻟﻴﺶ ﻗﺎﻋﺪﻳﻦ ﻧﻠﻌﺐ؟
ﻟﻤﻰ ﺑﺰﻋﻞ: ﻭﻣﻦ ﻗﺎﻟﻚ ﺃﻟﻌﺐ؟
ﻣﺴﺎﻋﺪ ﻭﺑﺘﻬﻜﻢ:ﻭﺍﻟﻬﺮﺝ ﺍﻟﻠﻲ ﺗﻘﻮﻟﻴﻨﻪ ﻋﻘﺐ ﻣﺎﻣﺮﺕ ﺳﻨﻴﻦ .. ﻭﺃﻻ ﻳﻮﻡ ﻗﺮﺏ ﺗﺨﺮﺟﻚ
ﺇﺭﺗﻔﻊ ﺭﺃﺳﻚ ﻋﻠﻴﻨﺎ .
ﻟﻤﻰ ﻭﻓﻲ ﻋﻴﻮﻧﻬﺎ ﺩﻣﻮﻉ: ﻣﺴﺎﻋﺪ ﺧﻼﺹ ﺇﻧﺖ ﻣﺴﺘﺤﻴﻞ ﻓﻲ ﻳﻮﻡ ﻣﻦ ﺍﻷﻳﺎﻡ
ﺗﻔﻬﻤﻨﻲ .. ﻳﺎﻣﺴﺎﻋﺪ ﺃﻧﺎ ﺃﺣﺐ ﺍﻟﺘﻤﻴﺰﻭﺃﺣﺐ ﺗﻜﻮﻥ ﻟﻲ ﺑﺼﻤﻪ ﺑﺎﻟﺤﻴﺎﻩ .
ﻣﺴﺎﻋﺪ ﻭﻫﻮ ﺭﺍﻓﻊ ﺭﺃﺳﻪ: ﺃﻧﺎ ﺃﺷﻬﺪ ﺑﺎﻟﻠﻪ ﺇﻧﻪ ﻟﻚ ﺑﺼﻤﻪ ﻗﻮﻳﻪ ﻭﺃﻛﺒﺮ ﺑﺼﻤﺎﺗﻚ ﺟﺮﺣﻚ
ﻟﻘﻠﺒﻲ .
ﻟﻤﻰ: ﻻﺗﺨﻠﻴﻨﻲ ﺃﺣﺲ ﺑﺘﺄﻧﻴﺐ ﺍﻟﻀﻤﻴﺮ ﺇﻧﻲ ﻛﻨﺖ ﺻﺮﻳﺤﻪ .
ﻣﺴﺎﻋﺪ: ﺷﻜﺮﺍ ﺇﻧﻚ ﺗﺼﺪﻗﺘﻲ ﻋﻠﻲ ﺑﺼﺮﺍﺣﺘﻚ .
ﻟﻤﻰ : ﻣﺴﺎﻋﺪ ﺇﻧﺖ ﻣﺎﺭﺍﺡ ﺗﺮﺿﻰ ﺑﻮﺣﺪﻩ ﺗﺤﺐ ﺍﻟﺸﻐﻞ ﺑﺸﻜﻞ ﺟﻨﻮﻧﻲ .
ﻣﺴﺎﻋﺪ ﻭﺑﻌﺰﻡ: ﺗﺤﺒﻴﻦ ﺍﻟﺸﻐﻞ ﺑﺸﻜﻞ ﺟﻨﻮﻧﻲ ..ﺁﻩ ﺻﺪﻗﻴﻨﻲ ﻣﺎﺭﺍﺡ ﻳﻨﻔﻌﻚ ﻻﺧﺴﺮﺗﻴﻨﻲ .
ﻟﻤﻰ ﻭﺑﺈﺻﺮﺍﺭ:ﺇﺣﻨﺎ ﻣﺎﺭﺍﺡ ﻧﺨﺴﺮ ﺑﻌﺾ ﻭﺭﺍﺡ ﺗﺒﻘﻰ ﺑﻨﻈﺮﻱ ﺍﻟﺮﺟﻞ ﺍﻟﻌﺼﺎﻣﻲ ﻭﺍﻟﻠﻲ
ﺃﺛﺒﺖ ﻧﻔﺴﻪ ﺑﻨﻔﺴﻪ ﻭﺃﺛﺒﺖ ﺭﺟﻮﻟﺘﻪ ﻭﺗﺒﻘﻰ ﻣﺴﺎﻋﺪ ﻭﻟﺪﻋﻤﻲ ﻭﺑﺲ .
ﻣﺴﺎﻋﺪ: ﺯﻳﻦ ﻭﺍﻟﻠﻪ ﻳﺎﻟﻤﻰ ﺗﻌﺮﻓﻴﻦ ﺇﻧﻲ ﺭﺟﻞ ﻭﻣﺎﻋﻨﺪﻱ ﺧﺮﺍﺑﻴﻂ .
ﻟﻤﻰ ﻭﺑﻴﺄﺱ: ﺩﺧﻴﻞ ﻋﻴﻮﻧﻚ ﺇﺭﺣﻤﻨﻲ ﻭﻻﺗﺤﺎﻭﻝ ﺗﻌﻘﺪ ﺍﻟﻤﺴﺄﻟﻪ .
ﻣﺴﺎﻋﺪ ﻭﻛﻞ ﺫﺭﻩ ﻣﻦ ﻗﻠﺒﻪ ﺇﻧﻄﻌﻨﺖ : ﺇﻧﺘﻲ ﺍﻟﻠﻲ ﺩﺧﻴﻞ ﻋﻴﻮﻧﻚ ﺍﻟﺬﺑﺎﺣﻪ ﻻﻋﺎﺩ ﺗﻔﺘﺤﻴﻦ
ﻣﻌﻲ ﻫﺎﻟﻤﻮﺿﻮﻉ .
ﻟﻤﻰ : ﻋﻠﻰ ﺍﻷﻗﻞ ﺧﻞ ﻧﺘﻔﺎﻫﻢ ﻗﺒﻞ ﻣﺎﻳﻨﺘﻬﻲ ﺍﻟﻤﻮﺿﻮﻉ .
ﻣﺴﺎﻋﺪ ﻭﺑﻌﺰﺓ:
ﻣﺤﺪﺟﺒﺮﻙ ﻭﻟﻜﻞ ﺷﺨﺺ ﻣﻴﻮﻟﻪ ..
ﻭﺗﺮﻯ ﺍﻟﺼﺮﺍﺣﻪ ﺭﺍﺣﺔ ﺑﻴﻦ ﺍﻹﺛﻨﻴﻦ ..
ﺍﻟﺤﺐ ﺃﻛﺒﺮﻣﻦ ﻛﻼﻡ ﻧﻘﻮﻟﻪ ..
ﻭﺃﻛﺒﺮ ﻣﻦ ﺍﻟﻠﻲ ﻳﻨﻜﺘﺐ ﺑﺎﻟﺪﻭﺍﻭﻳﻦ ..
ﺗﻮﻙ ﺻﻐﻴﺮﺓ ﺗﻌﻴﺸﻲ ﺳﻦ ﺍﻟﻄﻔﻮﻟﻪ ..
ﻭﻳﻦ ﺍﻟﻤﺤﺒﻪ ﻭﺇﻧﺘﻲ ﻳﺎﻣﻌﺬﺑﻲ ﻭﻳﻦ ..
ﻟﻤﻰ ﻣﺼﻌﻮﻗﻪ : ﻻﺗﺘﻮﻗﻊ ﺇﻧﻲ ﺑﻠﺤﻈﺔ ﻛﻨﺖ ﺃﻛﺬﺏ ﻋﻠﻴﻚ .
( ﻣﺴﺎﻋﺪ ﻭﻫﻮ ﻳﺤﺎﻭﻝ ﻳﻠﻄﻒ ﺍﻟﺠﻮ ﻋﻠﺸﺎﻥ ﻳﺤﺎﻓﻆ ﻋﻠﻰ ﻛﺮﺍﻣﺘﻪ :
ﻟﻤﻮﻱ ﺧﻼﺹ ﺇﻧﺴﻲ ﺣﺮﻛﺎﺕ ﺍﻟﻤﺒﺰﺭﻩ ﻛﻨﺎ ﻧﻠﻌﺐ ﻋﻠﻰ ﺑﻌﺾ ﺻﺢ .
ﻟﻤﻰ: ﺃﻣﺎﻧﻪ ﻳﺎﻣﺴﺎﻋﺪ ﻻﺗﺰﻋﻞ .
ﻣﺴﺎﻋﺪ ﻭﻫﻮ ﻳﻜﺎﻓﺢ ﻷﻥ ﺗﻌﺪﻱ ﺍﻟﻠﻴﻠﻪ ﻋﻠﻰ ﺧﻴﺮ: ﻟﻤﻰ ﺇﻻ ﻭﺵ ﺍﻟﻠﻲ ﺧﻼﻙ ﺗﺴﺮﻗﻴﻦ
ﺳﻴﺎﺭﺓﻋﻤﻲ ﻟﻬﺪﺭﺟﻪ ﻭﺩﻙ ﺑﺎﻟﺴﻮﺍﻗﻪ؟
ﻟﻤﻰ: ﺃﻧﺎ ﺃﺣﺐ ﺍﻟﻤﻐﺎﻣﺮﺍﺕ ﺧﺎﺻﻪ ﺍﻟﺠﻨﻮﻧﻴﻪ .
ﻣﺴﺎﻋﺪ: ﺍﻟﻠﻪ ﻻﻳﺠﻨﻨﺎ ﺗﺮﻯ ﻣﻮﺏ ﻛﻞ ﻣﺮﻩ ﺗﺴﻠﻢ ﺍﻟﺠﺮﻩ ... ﻟﻮ ﻭﺍﺣﺪ ﻣﻦ ﻋﻤﺎﻣﻲ ﻣﺎﺳﻜﻚ
ﻛﺎﻥ ﻣﻘﻄﻊ ﺍﻟﻌﻘﺎﻝ ﻋﻠﻰ ﻇﻬﺮﻙ .
ﻟﻤﻰ : ﻭﻫﻢ ﻭﺵ ﺩﺧﻠﻬﻢ ﻓﻴﻨﻲ .
ﻣﺴﺎﻋﺪ ﻭﺑﻨﻈﺮﺓ ﺧﺰ: ﺃﻓﺎ ﺇﺫﺍ ﻋﻤﺎﻣﻚ ﻭﺵ ﺩﺧﻠﻬﻢ ﻓﻴﻚ ﺃﺟﻞ ﻣﻦ ﺍﻟﻠﻲ ﻟﻪ ﺩﺧﻞ .. ﺗﺮﻯ
ﻋﻴﺐ ﺗﻘﻮﻟﻴﻦ ﻫﺎﻟﻬﺮﺝ .
ﻟﻤﻰ ﻋﺼﺒﺖ: ﻻ ﺣﻮﻝ ﻭﺇﻧﺘﻢ ﻛﺬﺍ
ﻣﺎﻳﻌﺠﺒﻜﻢ ﺷﻲ .
ﻣﺴﺎﻋﺪ : ﺇﻧﺘﻢ ﻭﺍﻟﻠﻪ ﺍﻟﺒﻨﺎﺕ ﻓﻴﻜﻢ ﻋﻮﺍﺑﻪ ﺗﺮﻓﻊ ﺍﻟﻀﻐﻂ .
ﻟﻤﻰ: ﻫﺎﻟﺤﻴﻦ ﺃﻧﺎ ﺻﺮﺕ ﻋﻮﺑﺎ .
)) ﻳﺎﻋﻤﺮﻱ ﻳﺎﻣﺴﺎﻋﺪ ﻭﺭﺑﻲ ﺇﻥ ﻧﻔﺴﻪ ﻋﺰﻳﺰﻩ ﻳﺤﺎﻭﻝ ﻳﺮﻗﻊ ﺍﻟﺪﻧﻴﺎ ((
ﻣﺴﺎﻋﺪ :ﻣﻮﺏ ﻋﻮﺑﺎ ﻭﺑﺲ ﺇﻻ ﺩﻟﻮﻋﻪ ﺑﻌﺪ .
ﻟﻤﻰ : ﺇﻧﺘﻢ ﺩﺍﻳﻢ ﻇﺎﻟﻤﻴﻨﻨﺎ .
ﻣﺴﺎﻋﺪ: ﺃﻗﻮﻝ ﺧﻠﻴﻨﺎ ﻧﻜﻤﻞ ﺍﻟﻤﺴﺮﻯ ﺃﺑﺮﻙ ﻗﺒﻞ ﻣﺎﻳﻄﻠﻊ ﺍﻟﺼﺒﺢ .
ﻭﻓﻌﻼ ﻭﺻﻠﻨﺎ ﺍﻟﻤﺨﻴﻢ ﻋﻠﻰ ﻃﻠﻌﺔ ﺍﻟﻔﺠﺮ .. ﺭﺍﺣﺖ ﻟﻤﻰ ﻟﻠﻤﺨﻴﻢ ﻭﺃﻧﺎ ﻋﻠﻰ ﻃﻮﻝ ﻗﻌﺪﺕ
ﺍﻟﺸﺒﺎﺏ ﻋﻠﺸﺎﻥ ﻧﺠﻴﺐ ﺳﻴﺎﺭﺓ ﻋﻤﻲ ﺃﺑﻮ ﻧﻮﺍﻑ ﻗﺒﻞ ﻣﺎﺗﺠﻴﻪ ﺟﻠﻄﻪ .. ﺃﻏﻠﻰ ﺷﻲ ﻋﻨﺪﻩ
ﺑﻬﺎﻟﺪﻧﻴﺎ ﻫﺎﻟﺪﺗﺴﻦ ﺍﻟﺨﺮﺑﺎﻧﻪ ..
ﺃﺧﻴﺮﻥ ﺭﺟﻌﻨﺎ ﺍﻟﺴﻴﺎﺭﻩ ﻭﺧﻼﺍﺍﺍﺹ ﺃﺣﺲ ﺑﺎﻟﺘﻌﺐ ﻭﺍﻷﺭﻫﺎﻕ ﻣﻦ ﻛﻞ ﺷﻲ ...
ﻭﻗﻌﺪﺕ ﺃﺣﺴﺐ ﺍﻷﻳﺎﻡ ﻣﺘﻰ ﻧﺮﺟﻊ ﻟﻠﻘﺮﻳﻪ ... ﻷﻧﻪ ﻣﻦ ﺟﺪ ﺷﻌﻮﺭ ﻗﺎﺳﻲ ﺇﻧﻚ ﺗﻔﻜﺮ
ﻭﺗﺘﻌﻠﻖ ﺑﺸﻲ ﺑﺎﻟﻨﻬﺎﻳﻪ ﻣﺴﺘﺤﻴﻞ ﻳﻜﻮﻥ ﻣﻦ ﻧﺼﻴﺒﻚ .. ﺍﻟﻤﻬﻢ ﻗﻌﺪﺕ ﺃﺣﻦ ﻋﻠﻴﻬﻢ ﺑﺲ ﻧﺒﻲ
ﻧﺮﺟﻊ ..
ﻋﻤﻲ ﻋﺒﺪﺍﻟﻠﻪ ﻗﺎﻝ ﺃﻧﺎ ﻣﺎﻧﻴﺐ ﺭﺍﺟﻊ ﻟﻠﻘﺮﻳﻪ ﻭﺩﻱ ﺃﻛﻤﻞ ﻟﻠﺮﻳﺎﺽ .. ﻷﻧﻪ ﺍﻹﺟﺎﺯﻩ ﻗﺮﺑﺖ
ﺗﺨﻠﺺ ﻭﻋﻠﻰ ﻗﻮﻟﺘﻪ ﻭﺩﻩ ﻳﺨﺘﺼﺮ ﺍﻟﻄﺮﻳﻖ ..
( ﺗﻮﺍﺩﻋﻨﺎ ﺃﻧﺎ ﻭﺇﻳﺎﻩ ﻟﻜﻦ ﻣﺎﺗﻮﺍﺩﻋﻨﺎ .. ﺭﻓﺾ ﻗﻠﺒﻲ ﺭﻓﺾ ﻗﻠﺒﻪ ﺳﻮﻯ ﻫﻠﺖ ﻣﺪﺍﻣﻌﻨﺎ .. )
ﻫﻨﺎﻙ ﺣﻴﺚ ﺇﻟﺘﻘﻴﻨﺎ ﻭﻫﻨﺎﻙ ﺳﻮﻑ ﻳﻜﻮﻥ ﺍﻟﻮﺩﺍﻉ ..
ﺁﻩ ﻣﻦ ﺟﺪ ﻛﻨﺖ ﻣﺮﻩ ﻣﺘﺤﻄﻢ ﻭﺩﻱ ﺃﺻﺮﺥ ﻭﺃﻗﻮﻝ ﺣﺮﺍﻡ ﻭﺍﻟﻠﻪ ﻋﺬﺑﺘﻴﻨﻲ ..
ﻋﻤﻲ ﻭﺃﻫﻠﻪ ﺭﺍﺣﻮﺍ ﻭﺃﻧﺎ ﻃﻮﻝ ﺍﻟﻮﻗﺖ ﻛﻨﺖ ﺳﺎﻛﺖ ﻣﻮﺏ ﻃﺎﻳﻖ ﺣﺘﻰ ﻧﻔﺴﻲ ﻟﺪﺭﺟﺔ
ﺍﻟﺤﻴﻮﻳﻪ ﻭﺍﻟﻤﺮﺡ ﺍﻟﻠﻲ ﻓﻴﻨﻲ ﺃﺣﺲ ﻛﻠﻪ ﺭﺍﺡ ...
*ـــــــ((( @ahgeel )))ـــــــ*
*, #نههههاية_البارت*
*📚 #يتبع👇🏻💜*