الفصل 26
*– ࢪواية :«تكفى لاتعلم ابوي اللي فيه يكفيه.».*
*عداد ألباࢪت: «26».*
*– الڪَاتبه :مجهوله».*
*▭𝅼▬࣪▭𝅼▬ׄ▭𝅼▬࣪▭𝅼▬࣪▭𝅼▬ׄ*
*قناه : روايــات سعوديــه 🎀🎀.*
*____________*
> *الروايه لاتلهيڪم عن الصلاھ اللهم بلغت اللهم فأشهد .*
*_________*
كنت اخذ انفاسي اللي موقادره تطلع ثقل الفستان من جهه وتسارع دقات قلبي وخوفي من المستقبل من جهه ثانيه ودموعي اللي خانقتني من جهه
لبست عباتي وشيلتي وانا اتذكر ايام طفولتي اني كنت احلم واتخيل هاليوم وش بيصير
لكن كل اللي تخيلته ماصار منه ولا شي ..
رقصة على ضو الشموع وبين همسات وغيرة الناس مني ..
وبين صوت دقات قلبي المتراقصه من شغفها وحماسها .. لكن ولا شي من الي تخيلته تحقق ..
طلعت وساعدتني وحده من تبع عاملات الفندق وانا انزل بفستاني الثقيل ..
تفاجأت بأبوي وراكان وغسان اللي كان يتكلم معاهم وكان يبتسم لهم مجامله لكني عارفه ومن نظره وحده
على ملامحه المتوترة انه تعبااان وبيموت من التعب ..
قربت منهم ابوي احتظني وسلم علي وباسني على راسي وقال :مبروك حبيبتي وعساها زواجة الدهر انشاء الله
والله يهنيكم ويوفقك انشاء الله ..
ابوي لما قال زواجة الدهر لفت عيني لغسان اللي ناظرني نظره سريعه وبعد عينه عني بسرعه .
ابتسمت :تسلم يبا ..
راكان هم قرب مني وقال :مبروك ياغسق ..
غسق ابتسمت اجامله وانا ماني طايقه اشوفه حتى :الله يبارك فيك وعقبالك ..
وكلها ثواني وامي جات وضمتني لها لكن هالمره كنت اقدر احس بلمعة دموعها معقوله امي بتفقدني بالبيت
اتذكر الشهر اللي جلست فيه بالبيت كانت كل يوم تقول لي :انتي متأكده ان زوجك مسافر وبيرجع ياخذك
حسستني وقتها انها ماتبغيني لكن الحين وش تغير يايوما ..
حظنتها وانا اقول :انتبهي لنفسك ..
امي ابتسمت :وانتي حبيبتي وطيعي زوجك ترى طاعة الزوج واجبه .. وتذكري كل اللي نصحتك فيه ..
وعلمتك اياااه خليهم كلهم يقولون هذي تربية امها وابوها ..
غسق ابتسمت بحزن :حاضر يوما ..
ابوي وتوصياته الأخيره :ياغسان تراها امانه برقبتك لين ربي ياخذ امانتها ..
غسان وفتح اول ازرار ثوبه :هي بالحفظ ياعم لاتوصيني على قلبي ..
بهاللحظة لفيت وناظرته وابتسمت بسخرية :قلبك يعني مااعني لك ولا شي لأن قلبك رميته بكل سهولة ..
ابتعدوا عنا بعد ماوصلونا للسيارة اللي كانت ليموزين لكنها موكبيرة مرة .. فتح لي الباب واشر لي اركب بسرعه ..
ركبت وبمجرد ركوبي تفاجأت بالشخص اللي موجود داخل السيارة وممرضة جنبه شسالفه ..
غسان رمى نفسى على الكرسي بتعب وقرب منه الدكتور بسرعه مع الممرضة واول شي سواه ..
عند فجر
عند فهد وفجر
ركبت السيارة بتعب من الكعب الأسود العالي نهايتها لبست جزمة الفندق اللي يحطونها بالغرفة هدية ..
وكانت ماسكه جزمتها الكعب الله يكرمكم بيدها .. وركبت السيارة ..
فهد كان فاتح عيونه ومنصدم :الفندق راقي كيف تطلع بهالشكل سكرت باب السيارة بأقوى ماعندها وتنهدت
هــ يلا حرك ..
فهد رفع حاجبه :عفوا لكن انتي موزوجتي زوجتي انسانه رقيقه ماعندها هالسوالف ..
فجر تأففت :اوووف غيرت بحت صوتها انعم من بحتها الحالية :فهووودي لاتسوي كذا ..
فهد خق عليها لكنه كتم ابتسامته وهز راسه : احم .. لاحول ولاقوة الا بالله ..
فجر وبدى حماسها بالكلام :تصدق الزواج كان يجنن يجنن بشكل موطبيعي تعرف كيف يجنن ..
خصوصا غسق الله يحفظها طاله تجنن .. تصدق تحمست حتى انا ابغى اسوي لي عرس ..
فهد لف وناظرها وهم عند الأشارة :لا خلاص انتي قلتي ماتبغين ..
فجر بحسافه :أي والله صج خلاص طيب بس ابلبس فستان ابيض خاطري فيه ..
فهد ابتسم :من عيوني كم فجورة عندي فستان ابيض وكوشة بعد ..
فجر بفررح :صج !!
فهد ابتسم بخبث : اي صج ونجيب لك مصنع تسالي بعد ..
فجر كشرت :رجعنا لسالفة تسالي .. ..
انصدم لما سحبت يده وباستها :مشكوووور ..
فهد سحب بريك ووقف على جنب الطريق وكأن حنا بالبر .. ناظرته بخوف :وش فيك وقفت هنا ..
فهد فتح حزامه الأمان وقرب منها ..
وسط نظراتها الخايفه من المكان اللي وقف منه .. قرب منها و *****************************
عند تولين ..ونيشان ..
كانت تبغى تبعد من وسط يدينه اللي محاوطتها وهو غارق بنومه لكنها موعارفه ليه موقادره تتحرك من جنبه ..
تولين وهي منحرجة من البدي اللي كانت سيورة تطيح عن اكتافها وموعارفه تعدلها .. :غبي غبي غبي اتركني اهـ اتركنييي
نيشان بنفس الحاله اللي اهو فيها :لاتخليني اصحى واكمل اللي بديته من شوي ..
تولين بخوف :اوووف
نيشان وهم بنفس حاله :تدرين لو فتحت عيوني وشفتك صاحيه عارفه وش بيصير .. 1.2.3
فتح عيونه وابتسم لما شافها مغمضه عيونها وتتصنع النوم .. مسح على شعرها وباس جبينها
وحظنها اكثر بعد ماا طفى نور الأبجورة .. وغرقوا بأحلامهم ..
عند غسان
كان ساند راسه على مخدة الكرسي اللي بسيارة ... والدكتور مزع ثوبة من النص وحتى قميصه الداخلي وكشف عن صدرة
وفتحت عيني بصدمه من الخط اللي موجود بنص صدرة وللحين ماالتئم جرحة .. رحت وجلست جنبه بخووف
لما شفته يتنفس بسرعه ومغمض عيونه ودقات قلبه الصارخه وتسارعها الدكتور سحب جهاز اسود وركب اشياء قريبة
من قلبة وهو يأمر الممرضة تعطيه بعض الأدوات ..
ولاشعوري دموعي طاحت من الموقف اللي اشوفه كان ضيقة نفسه طاغيه على تصرفاته وصل لدرجة انه قام يتأوه
وهو يبعدني بيده عشان مااشوف وضعه بهاللحاله ..
الدكتور لف كمامة الأكسجين حول وجهه وقال :غسان تسمعني غسااان
غسان هز راسه بشويش ...
الدكتور وهو يحرك يدينه بسرعه ويشغل الجهاز الأسود :لاتحط ببالك انك تعبان حاول بأرادتك تنظم دقات قلبك الصناعي
قبل لايصير تلف كامل للجهااز ..
حطيت يديني على وجهي وجلست اصيح من الخوف معقوله يموت بهالليوم معقولة اليوم بيتركني ...
عند فجر وفهد
كانت مرتبكه من اللي يسوية بعد عنها وهو قريب من وجهها وهمس:قلت لك لاتسوين اشياء تحركين مشاعري فيها ..
فجر نزلت عيونها منحرجه :اسفه ماكان قصدي ..
فهد رجع يكمل طريقة وهو يتجاهل مشاعره الهايجه ناحيتها بدى يحس نفسه مراهق بعد ماتزوج هالمطفوقة هذي ..
وبدل لايتوجه لشقته اتجه لبيت اهله ... مايبغى يقعد معها بمكان مافيه الا اهو معها يخاف يوس وس له الشيطان
ويسوي شي المفروض مايسويه بهالوقت ..
اما فجر كانت تحاول تهدي دقات قلبها من الهلع اللي جاها ..
عند غسان وغسق
كلها ثواني وهدأت دقات قلبه وحتى تنفسه صار منتظم ..
الدكتور تنهد براحه :هـ الظاهر اني مارح اسمع كلامك وببلغ اهلك عن العله فيك ..
غسان ابتسم بتعب ورتب على كتفه :عارف انك ماتسويها يعطيك العافيه ..
غسق موعارفه وش تقوله بالظبط كيف تحلل شخصية غسان حنون بارد جباااان او قلق موعارفه وش اسميها
الممرضة بدت ترتب الأدوات وترجعها مكانها ..
والدكتور اللي بدى يظغط على معصم غسان من اللي فهمته انه يمسجه له ..
غسان لف وناظرني ورفع يده لي يأشر لي امسكها .. وقربت منه وحظنت يديه بخوف بين يديني ... :آسف لأني كنت بنهي ليلة عمرنا
بوفاتي ..
غسق بهمس وهي منزله راسها وعيونها تدمع :بسم الله عليك..
غسان رفع يده من يدينها ومسح دموعها ... :تكفين لاتبكين ..
زاد بكاها من كلماته تحس بخووف من المستقبل وعدم استقراربمشاعرها ..
غسان حظنها بذراعه ...
وبعدها نزل الدكتور والممرضة بعد ماقاله :اي شي تحس فيه اتصل علي على طول ومبروك ياعروس والسموحه على
خرعتك من اول يوم ..
غسق عدلت صوتها :الله يبارك فيك ماصار الا اللي ربي كاتبه وانت مشكور على وقفتك معه ..
الدكتور :العفو ماسويت اللا واجبي قدام غسان ..
عند فهد وفجر
وقف قدام الفيلا ووقفها بموقف سيارته ونزل وفتح لها الباب قالت بستغراب :ليه بنبقى هنا اليوم ..
فهد ناظرها من على جنب :تراه لمصلحتك نبقى هنااا اليوم ..
قفل السيارة بريموتها ومشى قدامها وهي تتبعه .. وموعارفه وش قصده باللي يقوله ..
دخل للبيت وشاف امه ونارا ورهف جالسين بالصاله والظاهر انهم توهم واصلين لأن الخدامه
جالسه تشيل اكياس الأغراض والهدايااا اللي وصلت تهنئة لغسان وغسق ...
امي ابتسمت لما شافت فجر ... :توني بتصل عليك تجيبها تنام عندنا الليوم
ناظرت امي بأحراج لأني فهمت وش تقصد له بالكلام .. :ماله داعي هذاني جبتها ...
عقد حواجبي وانا اشوف ملابس نارا :من متى صرتي تلبسين كذا ...
نارا ناظرته بنظرتها البارده وصدت على جنب ....
رهف وبدت فكرة خبيثه تلمع براسها :فهود شفت فستان فجر ..
فجر لفت بصدمه على رهف وخزتها بمعنى اسكتي ..
فهد لف وناظر فجر :وريني وش لابسه ..
فجر ابتسمت بخوف :لحظة ارتب نفسي واجيك ..
فهد مسكها قبل لاتمشي :لا حبيبتي وريني وبعدها روحي وسوي اللي تبين ..
ام غسان :حبيبتي خلي رجلك يشوف فستانك عادي مافيها شي ..
فجر جلس تدعي على نارا بداخلها :ياجعلك تنقرضين يارهف وش يخليني اسمع كلام وحده هبلة ونفسيه مثلك ..
فصخت عبايتها وهي تناظر ملامح وجه فهد ...
فهد منصدم لدرجة انه جلس يصفق وهو يدور حولها :شاطره حبيبتي كان لبستي منشفتك ورحتي لهم فيها وش بقى من طول الفستان
من متى انتي تلبسين فساتين كذا اصلا ..
فجر تكتفت وهي تناظر رهف بنظرات حقد ....
ام غسان ترقع الوضع :روحي حبيبتي فجر غيري ملابسك ..
فجر ناظرت فهد بعيون راجيه يتركها اليوم ففي حالها مالها خلق تهزيئ ...
فهد تنهد وعطاها ظهره ومشى لمكتب غساان ...
بهاللحظة انفتح الباب الخلفي للمطبخ ودخلت غسق ومعها غسان وهي ساندته وتمشي معه بشويش عشان لايسمعون صوتهم وهو يدخلون
فتحت باب المصعد الموجود بالمطبخ ودخلت معه فيه وسكرته بسرعه .. قبل لايجي اي احد ..
عند فجر
رمت عبايتها بغيض على سرير نارا :اختك الغبيه الخاينه انا عارفه انها تبغى تمشكلني لكن ماتوصل انها تخوني كذا
اهي اللي ملبستني هالفستان وتجي وتخلي اخوك يعصب علي ..
نارا ابتسمت براحه وهي تمسح مكياجها بعد ماغيرت فستانها ولبست بيجامتها الناعمه .. :قلت لك خلك معي انا وغسق وناريز
فكرتيني باكلك ..
فجر :الغلط مني رئفت بحالها مسكينه لحالها الا مالت عليها الغبيه ..
نارا شوي وتنفجر ضحك عليها :هههه طيب اعصابك قومي غيري ملابسك وتعالي ننام ..
فجر وقفت وهي تهدي من اعصابها :طيب ...
عند غسق وغسان
فتحت باب الجناح اللي اشر لها عليه كانت موغرفته ولا غرفتها ... جناح ثاني بأخر الطابق الثاني .. عشان يكون لهم بس ..
وبدون ماتناظر في اي شي بالجناااح ساعدته يجلس على السرير بعد ماجابت له ملابس وساعدته يلبسهم .. وهي منحرجه ..
لكنها ماعطت اي احراجها اهميه لأنها خايفه عليه ...
واخيرا ساعدته ينبطح بعد ماخذ دواه .. وقال بهمس :تروشي وغيري ملابسك وتعالي بسرعه بنتظرك ..
غسق ضغطت على يده :لاتجبر نفسك انت تعبان غمض عيونك ونااام وبكرة نتفاهم على كل شي ..
غسان سحب يدها وباسها ... :بنتظرك ..
غسق يدوب قدرت اسحب نفسي من جنبه وبدون ماافكر اتأمل بالجناااح خذت المنشفه وفصخت فستاني بغرفة الملابس وجلست اتروش ..
بسرعه لأني خايفه من تركي له ...
عند فهد
تنهد لما عرف باللي صار مع اخوه من الدكتور الله يهديك ياغسان ..
لازم حد يجبرك تسوي العمليه .. ابتسم لما شاف باب المكتب ينفتح وتطل منه فجر ..
دخلت وهي لابسه بيجاما اورنجيه مرسوم عليها بطه .. وبرمودا ابيض .. ورافعه شعرها ...
ببكلات ..
فهد ابتسم :ارحبو ارحبو ...
فجر تفاجأت بترحيبه لها على انها لساتها خايفه من انه يهزئها مره ثانيه على الفستان .. :ياهلا ياهلا ..
فهد :يالله انك تحييهم ..
فجر اندمجت :خشمك خشمك ..
فهد ناظرها بستصغار :اقول عقلي جاملتك شوي لاتزودينها ..
فجر ولييييييه :طيب طيب لاتعصب خلاص ..
فهد بتحذير :اتمنى اني ماشوفك تلبسين مثل هالفستان مرة ثانيه غير لي انا وبس ..
فجر ابتسمت :ترى اختك اللي خلتني البسه بس حاظر من عيوني ياقلبي مارح البس مرة ثانيه كذا ..
فهد وبليس بدى يوس وس له قرب منها وقال :اقول وش رايك نصعد غرفتي ..
فجر ببرائتها:لا نارا تنتظرني لازم اصعد لها بسرعه
فهد رفع حاجبه :الحين مين اولى فيك نارا ولا انا ؟؟؟
فجر :لاطبعا انت ياقلبي بدون تفكير حتى ..
فهد ابتسم :ياااوييل حاللي منك ياويل حالي ..
فجر اندمجت :اويلي ويلاااه ..
فهد ضربها على راسها وهو يكمل تبسم :نعومه لوسمحتي ..
فجر رمشت بعيونها :حاااضر ..
انفتح الباب ودخلت ام غسان :وش تسووون ليه مانمتو للحين ..
فهد مسك يد نارا :الحين بنصعد ننام ..يلا فجر
ام غسان مسكت يد فجر :معليش حبيبي فهد خل فجر تنام عند نارا لأنها قلقانه شوي .. وماتقدر تنااام
فهد تنهد :هـ طيب روحي يافجر نامي مع نارا ..
فجر ابتسمت وشدة على يده وقالت :تصبح على خير ..
فهد بادلها الأبتسامه :وانتي من اهله .. تصبحين على خير يوما ..
ام غسان ابتسمت وهزت راسها بمعنى تحمل :وانت من اهله حبيبي ..
عند غسق
جففت شعرها بمنشفتها ولبست بيجاما بللوون الموف اكمامها طوييلة .. وحريرية وحطت لها كريم وتعمدت ماتحط اي
عطر عشان لايضايقه .. وقربت من السرير وابتسمت لما شافته مغمض عيونه ونااايم ..
غساان بهمس وهو مغمض عيونه:تأخرتي ..
غسق انبطحت بعييد عنه على السرير :خلصت وجيييت ..
غسان ماكمل كلااامه لأنه غرق بنومته ...
وتصبحون على خير كلكم
ـــــــــــــــــــــــــــــــــــــــــــــــــــــــــــــــــ
صباح جديد على اشخاص يمكن يكون عليهم يوم مليئ بالفرح ويمكن يكون يوم مليئ بالتعاسه ..
عند تولين
صحت وهي تحس يدها متخدره .. لكنها مالقته نايم جنبها تمغطت بعتب ..
وعدلت ملابسها وراحت تتروش عشان تصلي الفجر ..
اما نيشان اللي كان جالس من الصبح وطالع يشتري لها باقة ورد ..
يصبحها فيهم .. عشان يراضيها لأنه ضن انها زعلانه من اللي صار امس ..
عند رهف ..
جلست من الصباح على الساعه 9ونص بعد ماخذت شور طوييييييل تريح فيه اعصابها اللي انهلكت من
احداث امس والحوسه بالعرس وتجهزت عشان موعدها مع فيصل اللي تحس بدت ترتاح له وتتغير نفسيتها بس تروح عنده ..
كانت جالسه وتحط لها كريم الBB عشان ينشط بشرتها .. من المكياج ..
ولبست جينز ازرق مع تيشيرت مرسوم عليه علامة شنييل ورفعت شعرها العسلي بأهمال ونزلت عشان تفطر وتروح
للعياده عند فيصل ..
عند غسق وغسان ..
للأسف ان عينها ماغمضت ولانامت .. وبقت طول الليل تتأمل فيه موقادره تتخيل حياتها بدونه ..
وللأسف ان عينها ماوقفت بكى وهي تدعي ربها انه يقتنع ويسوي العمليه ..
كانت ترتجف اذا شافت ان دقات قلبه مومنتظمه من الصوت ..
كان الصوت اللي تسمعه كونق كونق كونق كونق كونق كونق ..
وبدون لاتحس قربت من جبينه وباسته عليه وبرحكتها هذي فتح عيونه وناظرها ..
غسان ابتسم من حنانها على هالصبح :لاتقولين لي انك لساتك مانمتي ..
غسق انحرجت ونزلت عيونها وماقدرت ترد عليه كل اللي سوته عدلت جلسستها ومددت اطرافها ..
غسان مسك يدها :آسف لوقاحتي بطلب المزيد لكن ممكن تساعدين العجوز المريض يقوم يتروش ويتوضا للصلاة ..
غسق وقفت بسرعه وركضت له :لاتقول هالكلام بنهاية حنا نحتاج بعض وانت ساعدتني بمافيه الكفايه خلني ارد لك المعروف
شوية .. مسكت يدينه ووقفته قبالها .. رخى بثقل جسمه بدون مايحس على جسمها اللي بات خفيفه لكنها قدرت تسنده
كانت حاظنته من بطنه وهي تحاول تسنده ..
بهاللحظة هذي وقدام عيونها شافت مؤشر ضربات قلبه يرتفع ويرتفع ويرتفع ..
رفعت عينها وناظرته بخووف :وش فيك
غسان لف وناظر جهازه وابتسم بسخرية تعبانه :قلت لك انه تعبان ومافيه حيييل حتى لقربك ..
بعدت عنه بخوف وقلت :آآسفه ترى وربي ماكان قصدي كنت بساعدك بس ..
ابتسم ورفع يده اللي كانت متمسكه بيدينها ومسح بها على خدها الأبيض المحمر من كثر ماحط يدها على وجهها وهي
تتأمل فيه وقرب منها بنعومه وطبع قبله عليه وبعدها راح لخشمها وطبع قبله ثانيه عليه وبعدها راح لجبينها وطبع اخر قبله عليه
وقال بهمس يدوب تقدر تسمعه بسبب ضربات قلبه اللي صارت اعلى .. . :اتمنى لو تسحبيني قبل لا اخلي قلبي ينفجر ..
غسق حسيت اني منومه مغناطيسي بسبب لمست يده شعور يجذب يطلب بالمزييييد والمزيييد والمزيييد ..
استوعبت وش انا فيه بالظبط ووش جالس يصير .. وبعدت عنه بأحراج وقلت :طيب
كان محاوط كتفي بذراعه ومستند علي ومشيت معه لدورة المياه الله يكرمكم وساعدته يفصخ قميصه ويشيل الجهاز الأسود ..
من صدره ..
تدرون وش اللي مألم قلبي صدره اللي به ندبه طويل ومخيطه وخيوطها سوده وباينه بشكل واضح ..
بدون شعور لقيت نفسي المسها بحنيه وعلامات وجهي بدت تتحول لشي ثاني :يألم صح ..
غسان نزل نظره لمستوى يدي ومسكها وقال :عساك ماتذوقين شي من اللي انا ذقته قولي آمين ..
غسق رفعت عيوني لعيونه والتقت للثواني معدوده نزلتها على طول وقلت بشفقه :آميين وعسى ربي يشفيك ويقومك بالسلامه
غسان ابتسم وتلتها ضحكه بسيطه وحرك يده على شعرها ودخل لدورة المياه يتروش ..
اما غسق رتبت سريرهم وغيرت ملابسها بعد ماتوضت ..وصلت ولبست ميني درسس
ابيض قصير يوصل للركبة وتحت الصدر قصه باللون الذهبي وسيورة من ورى نازلة اكثر من اللازم
وقصة صدرة شوي وسيعه وفيه ذيييل طويييل يمسك من الظهر بشكل ناعم ..
تركت شعرها مفتوح على انها تحس طوله ماله داعي .. لورته من فوق لورات خفيفه عشان يقصر طول شعرها شوي ..
واكتفت بكحلة وفونديشن ذهبي تحت العين وروج احمر وبلاشر برونزي ..
تعطرت بعطر خفيف لأن الوقت تحسه تأخر ولازم تنزل جنب خالتها فشيلة وش بتقول عنها ..
انتظرت على الصوفا بغرفة الملابس بجنب دورة المياه الله يكرمكم توها تنتبه لتصميم الجناااح ..
كان اللون الأسود والرمادي يطغي على كل شي بفخامه ورونق جميييل ..
كانت ترتب اطراف ملابس غسان بيدها واخيرا طلع ونزلت عيونها بالأرض لما شافته بس لاف المنشفه على خصره ..
مدت له الملابس واستأذنت منه ..
وتوجهت للمطبخ التحظيري بتسوي له اي شي ياكله عن تعب البارح ...
عند نيشان ..
ناظر الساعه اكيد صحت الحين ناظر بوكيت الورد اللي كانت تحتظن 22ورده بالظبط على عمرها اللي بتكمله هالسنه هذي ..
توجه للباب الخلفي اللي يدخلون منه الخدم ودخل بالمصعد الخاص فيهم لأنه عارف لو دخل من الباب الأمامي
بتكون رنسا جالسه تترقب الداخل والطالع ورح تنشب فيه وبتقول حركات علم حمودي شوي .. وبتصدع راسي ..
ابتسم لما فتح باب المصعد وتوجه لجاحهم ..
عند تولين
بعد ماتروشت وصلت لبست فستان اسود يوصل لنهاية ركبتها بأكمام طويلة وكان ظهرها تقريبا اغلبه ظاهر
لكنها غطته بشعرها اللي تركته مفتوح واطرافه مبلله بشكل ناعم اكتفت بقلوس بينكي وتعطرت ورتبت جناحها على السرييع
وجلست على الصوفا وبيدها الجالكسي نوت تكمل مسلسلها الكوري flawer boy next door
وهي تاكل بوب كورن بالكراميل وتكمل حماسها ..
بدون ماتحس بالباب اللي انفتح و دخل منه نيشان ..
عند فجر ..
صحت بكسل كالعاده بس هالمره على صوت جوالها والمتصل طبعا فهد طنشته وانقلبت للجهه الثانيه قبال نارا سمعت صوت
الرساله اللي انفتحت بجوالها ولفت بسرعه والفضول ذابحها تعرف وش كاتب لها {ابغديك اليوم بمطعم البلورة .. وابمشيك
ماتبغين لاتعطيني رنه *_*}
عدلت جلستها بسرعه اكل بمطعم البلورة يافديته وكلها ثواني وعطته رنه ..
وركضت تتروش قبل لايغير رايه وابتسمت وهي تناظر في نارا اللي نايمه بسلام بالعاده ماتكون نارا نايمه بسرير اذا صحت الصباح
تكون نايمه بمكان ثاني .. خخخخخخخخخخ من حوستها ..
عند رهف ..
ماكان لها خلق امها اللي بتجبرها تفطر الكذا طلعت بشويس مع السايق وتوجهت لعيادته اللي فتحها خصيصا لها
طبعا بدون علمها .. خذت نفسها وخطت خطواتها الواثقه المعتاده بصوت كعبها الصاخب ..
وبدون لاتهتم للممرضة اللي تسجل مواعيدها مخصوص فتحت باب العياده ودخلت ..
لكنها انصدمت لما شافت فيصل مغمض عيونه ونايم وهو حاضن يدينه حول وجهه على الطاولة لوت فمها
وجلست على الكرسي وطلعت جوالها وجلست تكمل سوالفها مع صديقاتها بالبيبي ..
عند غسق وغسان
كان في اشياء كثيره بالمطبخ التحضيري لكن لأنها عارفه انه ماياكل اي شي اكتفت بصحن كبير مشكل من الفواكهه
وخذت لها كم حبة مالتيزر وكوب عصير وجلست تاكل فيهم بنعومه تعلمتها من نارا ..
انفتح الباب وطلع غسان وهو لابس ثوب ابيض ولابس غترته ومتعطر بعطره الصارخ المعتاااد
قرب مني وقال :اذا ماعليك امر جيبي الجهاز عشان اركبه ..
ناظرته بأعجاب من شكله لكنه نحف مررررة من العمليه .. خذت الجهاز وقربت منه على الصوفا اللي تقابل السرير الرخامي الأسود
وجلست على يد الصوفا جنبه وجلست اساعده عشان يركب الجهاز واخيرا تكلمت وقلت :متى ناوي تسوي العملية ..
ترك الجهاز فجأة ولف ناظرني :ومين قال اني بسوي العمليه .. ؟؟
غسق بخوف وهي تجبر نفسها تتحداه وتغصبه :انا اللي قلت بتسويها عشان مستقبلنا ...
غسان ركب اخر اسلاك الجهاز ودخل الجهاز بثوبة وقال :لاتحاولين تناقشيني بالموضوع اللي ربي كاتبه بيصير
وربي كاتب اني يمكن مااعيش وش تبغيني اسوي اخذ حياة انسان ليه انا استحق الحياه وهو لا ..
غسق دموعي على وشك السقووط ليه مايفهم اني ماابغى اعيش بالدنيا بدونه ليه مايفهم اني احبه ليييه .. : ربي قال
اتخذو الأسباب اللي تساعدكم على الحياه لكنك كذا تقطع جذور الأمل فيني وفيك ..
ومين قالك انك انت بس الي تستحق الحياة لا في ناس كثيره تستحقها لكن شوف شخص الأمل من عيشه ضعييف
ويبغى يأمن مستقبل اهله مافيها شي ..
وقف وتوجه للباب وهو يتجاهل كلامي :انتظرك تحت لاتطولين عشان امي ماتسأل عنك ..
ضربت الأرض برجلي بقوووة لكني مااستوعبت اني لابسه الكعب وطحت بقوة ..
والمتني ركبتي وجلست بالأرض وخذتها فرصة بكوتي باللي قاله اطلعها فيها جلست اصيييح
ولف وناظرني وكالعاده غسان البارد تحول للأنسان الحنون بهاللحظة وجاني يركض :تعورتي .. وجلس يمسح على ركبتي بشويش
وهو يساعدني اوقف .. انحرجت من فستاني اللي تقريبا بديت اندم اني لبست لما طحت صار قصير اكثر من اللازم
وشعري اللي خاني وعلق بطرف جهاازه لكن لأنه طويل شوي تحملت الى ان يحس اهو ويفكها ..
جلسني على طرف السرير وقال وهو يمسح دمعتي بكم ثوبه :ياغسق ياحبيبتي انا قلت لك البارح لا مو البارح
انتي كنتي تدرين من قبل باللي فيني وقبلتي فيني وش تغير الحين
دموعي امتلت مره ثانيه :اللي تغير انك يمكن هالمره تتركني وماعاد ترجع ..
اللي تغير اني الحين صرت ادمن وجودك معي لما تركتني 7شهور وقتها تمنيت ان ربي ياخذني كل يوم لك حتى لو بالحلم ..
موحرام تترك بنت توها ب18 يقولون عنها ارمله موحرام تخلي الناس كلها تقول تزوجت وماتهنت انا سويت كل اللي
تبيه انت وضعفت وصرت تقريبا باللي تبيه والحين تقول وش تغير ..
غسان انحنى على ركبتها ونزع الكعب من رجلي اللي كان ملفوف عليها اسواره رقيقه من الذهب .. جلس يمسح على رجلي
وقال بصوت هادي وحاني :يعني لو ماقلت لك ياغسق نزلي وزنك كنت برجع وانتي على حالك ..
يعني لو ماقلت لك ياغسق ابغى الناس لشافتك تقول ايوه هذي حرم غسان ال.... ماكنتي بتضعفين ترى كله كان
لصحتك مولصحتي .. وتطمني ربي يمكن يعوضك بشخص احسن مني ..
حطيت يديني على وجهي وصوت نحيبي بدى يعلى :مابي احد غيرك ماابغى ربي يعوضني بأحد غيرك ماابغى ماابغى ..
سحبت رجلها ولمت رجلينها على بطنها وجلست تصييح ..
غسان تنهدت بتعب :ماحسبت حساب انك بتتعلقين فيني ياغسق ..
وقف وتركها بدموعها لأنه بهالوقت موعارف كيف يواسيها ...
عند تولين
تفاجأت ببوكيه الورد اللي صار قبال وجهها وبدت دقات قلبها تتراقص من الفرح لفت وناظرته وابتسمت
ونزلت راسها بخجل .. وهي تمسك البوكيه :كوماوا تشاقيي >>شكرا عزيزي ..
نيشان ابتسم وحظن خصرها :صباحك ورد جوري ياقطرة ندى ..
تولين ابتسمت بخجل :صباح النور ..
نيشان يناظر لبسها بأعجاب :كل هالحلا لي من الصبح ..
تولين انحرجت وقالت :لاطبعا ابنزل جنب رنسا واتفقت معها اني بلبس هالفستان ..
نيشان يقرص خدها :طيب جامليني شوي ..
تولين هزت راسها :اي لبسته لك ..
نيشان سحبها من يدها :تعالي خلينا نفطر تراني جايع ..
تولين بستغراب وهي تناظر الساعه :ماعندك دوام اليوم ..
نيشان ابتسم وهو يرفع حاجبه بخبث ويغمز:ماخذ اجازه لعيونك ..
تولين تتصنع عدمة المعرفه :آآهااا طيب يلا خلنا ننزل نفطر لأني حتى انا جايعه ..
وبدى يعابثها وهم على الدرج مره اصابعه تدخل بخصرها ومره ببطنها ومره يحظنها من وراها
وهي تخاف رنسا تشوفهم او عمها وقتها يكمل احراجها معهم ..
عند فجر ..
اجمل شي ان رهف موموجوده لبست قميص بولو اخضر وبرمودا بيجي ورفعت شعرها ببكله ..
وتعطرت من عطر MISS Dior وهي تسكر خشمها من الريحه اللي للحين موداخله مزاجها قويه بشكل صاخب
وموحلوة مررة ..
لبست عبايتها وتلثمت .. وصادفت بوجهها غسان وكان شكله مومروق عشان تفكر انها تسلم عليه ..
توجهت لغرفة فهد وضربت الباب بشويش وبدون ماتسمع الرد دخلت وانصدمت لما شافته جالس يلبس قميصه
ولما شافه بسرعه دخل القميص بجسمه ونزله .. وقال :وش فيك ماتنتظرين حد يعطيك الأذن تدخلين ولا لا ..
دخلت مدهوشه وبكل جرأة قالت بأعجاب :واااااااااه فيك عضلات من متى .. وبدت تقرص بكتفه ونااااسه
فهد مسك يدها وقال :فجور ترانا لحالنا بالغرفة والشيطان معنا .. اقول بعدي عني احسن لك ..
فجر ابتسمت وهي للحين مومستوعبه وش يلمح له :وش يعني طيب بعلي وكيفي ابقرصك قول حرام بعد قووول ..
فهد مسكها من ذقنها بيأس من حالتها:اذا الناس كلها غير اهلي واهلك جاهم خبر ان حنا تزوجنا وقتها اصير بعلك صجج ..
يلا قدامي لا نتأخر وراي اكثر من مشوار ..
فجر بوزت :طيب
عند رهف
ملت من الأنتظار وقررت تصحيه بس موعارفه كيف تصحيه عدلت نبرت صوتها وقالت بصوت رسمي :احمم دكتور فيصل
فييصل دكتور فيييصل .. طقطقت بشويش على الطاولة لكنه هم ماصحى ..
تأففت بطفش ودخلت الممرضه وانحرجت لما شافت كيف رهف بدت تفلت اعصابها ركضت لفيصل وقالت :dr.fessal wek up pleass
فيصل رفع راسه وتفاجأ برهف اللي كانت متلثمه ومتكتفه وعاقده حواجبها وهذا يدل على انقلاب مزاجها ابتسم وكأنه مروق
::اوووه صباح الخير انسه رهف
رهف لفت بعيونها بملل :هلا صباح الخير ..
فيصل يأشر للممرضة :2كوفي وذ شوققر ...
رهف ناظرته بملل :يلا ابدأ بالجلسه مليييت ابغى ارجع البييت . ..
فيصل برواقه :اوب اوب اوب تو الناس وليه مستعجله
ناظرت ساعتها الكرستاليه بملل ترى صار لي ساعتين وانا انتظرك تصحى ..
فيصل بأحراج :العفو يا انسه رهف.. طيب خليني ابدأ معك ..
تفضلي على الكرسي هنااك عشان نبدأ .. انبطحت على الكرسي الأسود الجلدي ..
وبدت تاخذ نفسها مثل مااعلمها اول مره .. وتحاول تنسى كل الضغوطات وتفكر باللي يقووله بس ..
وش اكثر شي تكرهينه بالناس لدرجة انه يخليك تتصرفين معهم بهالشكل ؟؟
رهف :تصرفاتهم كلامهم عني من ورى ظهري او حتى طريقة نظراتهم لي شفقتهم الواضحه اكرهها ..
فيصل وهو يناظر بدفتره :طيب اتمنى ماتنفعلين خذي نفسك وهدي ..
فيه شي يزعجك بالبيت ؟؟
رهف تنهدت :هـ صوت نارا وغسان البارد تصرفات غسان الغير مباليه عصبيته المفاجأة واللي تركها فجأة ..
تغير شخصية فهد عصبية امي على اتفهه الأشياء هذا اللي يزعجني ..
فيصل ابتسم :طيب وش تبغين تغيرين في نفسك ؟؟
رهف فتحت عينها ورفعت حاجبها وناظرته بنص عين :وانت وش دخللك ..
فيصل حاول يتصنع الجديه على انها كلها اسأله اهو فضولي يبغى يعرفها عنها :لأنها مهمه بعلاجك ..
رهف وقفت :لايشيخ اقول ماله داعي تعالجني رووح زين سحبت شنطتها وطلعت وهي متجاهله صوته اللي يناديها
يطالبها بالرجوع ولا تتحمل العقاب اللي بيجيها ..
تنهدت بتعب :اوكي يارهف ابكسر هالعصبيه والمزاجيه هذي كلها وتشوفين ...
عند غسق
مسحت دموعها وركضت ترتب نفسها وتعدل مكياجها وتخفي بقايا دموعها لأن خالتها نادت لها الخدم اكثر من مرة ..
غمقت الكحل الأسود بعيونها وكثفت المسكرا وغمقت الروج الأحمر وتعطرت ونزلت .. لهم بعد ماكملت زينتها
وبداخلها تتوعد بغسان وانها بتنتقم بأي طريقة ..
دخلت على ترحيبهم الحار فيها كانت امها وخالتها وغسان ونارا اللي باين انها توها صاحيه من النوم ..
وخاللاتي وبناتهم موجودين بعد ..
ام غسان حضنتها :صباحك مبارك ياعروسة ..
لفيت بعيني وناظرت بغسان اللي كان يناظرني بنتباه وتصنعت الخجل قباله :الله يبارك فيك ياخالتي ..
حظنتني امي وباركتني وبدت تنحز لي بأشياء اذا كبرتوا اعلمكم اياها خخخ ..
وخالتي بدت تمدح فيني وبجمالي وتسمي علي وهي تقول :ماشاء الله لااله الاالله ممداك حلويتي اكثر من امس ..
ابتسمت اجاملها :تسلمين خالتي
من يصدق ان غسق بتصير بهالشكل لو ادري خطبتك لأحمد قبل لاتتزوجين ..
غسان لف وناظر خالتي بطرف عينه وكل اللي سواه انه تحمحم يذكرها بوجوده ...
لفيت لغزل وغزيل اللي كانت الغيره تقريبا واضحه بعيونهم ونوير اللي موعارفه بالظبط وش شعورها غيره او فرحه لي ..
ارسلتني خالتي اجلس جنبه شوي ويجلسوني بحظنه من كثر ماهم ينحزون لي ونارا كل اللي تسويه تبتسم عارفه وش يرمون له ..
وفجأة
ــــــــــــــــــــــــــــــــــــــــــــــــــــــــــــــــــــــــــــــ
ابتسمت تجامل اللي حولها وهي تحاول تخفي دمعتها من مسكة يده لها ..
غسان ابتسم لما شافها تجاملهم وقال بهمس :وش فيك تبتسمين كأن حد غاصبك تبتسمين ..
غسق لفت وناظرته بوجه جدي :صدقني بردها لك . ..
غسان ابتسم بسخرية ووقف وقال بصوته الجهوري البارد :عن اذنك ياخاله اباخذ غسق كم دقيقه ..
غزل وغزيل كانت الغيره واضحه من نظراتهم وغير حركة يدينهم اللي تكون من تحت لتحت حتى خاللاتي ماكانت
نظراتهم مومصدقه اني انا اللي دايم على ناتي وبطيبتي اخذ شخص مثل اللي واقف قبالهم ..
غزل بهمس :اجل هالدبه هذي تستاهل تاخذ هالملاك هذا ..
غزيل ابتسمت وهمست :تذكري انها صارت الحين اجمل مني ومنك حتى ..
غزل عضت على شفتها بقهر :مو هذا اللي قاهرني تجاهلت كلامي لما قلت لها انها بتكون اجمل اذا بقت دبدوبه
بس مدري مين الللي غير رايها ..
غزيل تناظر بأعجاب بشخصية غسان همست من جديد :تتوقعين حتى لو كانت متينه بيلتفت ويفكر انه ياخذ وحده فينا ..
غزل بغرور :ايوه تكلمي عن نفسك حبيبتي انا عن نفسي لو يشوفني بس مااتوقع انه بيتردد دقيقه وحده انه ماياخذني ..
غزيل ابتسمت بسخرية :وكأن في فرق بين شكلي وشكلك .. ههههه .. اقول اسكتي بس اسكتي ..
غسق لفت وناظرته بنظرات حزييينه فيها لمعة حزن غريبه وكأنها تبدأ حدادها من الحين ..
غسان قرب منها ومد يده لها وهمس :تراهم يناظرون ..
وقفت وصدت يدها وكأنها كانت موتعمده عدلت اطراف فستانها الأبيض ..
وتوجهت لمكتبه ..مثل ماامرها بصوته الهامس ..
وبمجرد دخولها المكتب انصاعت ليدينه اللي حاصرت وجهها عند الباب ..
ابتسم وكان باين الفضول بعينه :تصدقين الفضول ذابحني ودي اعرف وش بتسوين ..
غسق سكتت للحظات كانت تناظر في عيونه بكل صدق تبيه يشوف شوي من محبتها له ..
وبوجود الصمت والهدوء بدت دقات غسان يوضح صوتها لأن بشكل عااام القلب الصناعي اذا نبض يبان نبضه
للكل خصوصا اذا جاء بينام ..
بكل هدوء رفعت يدها لصدره وثبتتها على مكان قلبه وقالت بهمس وهي تقرب اكثر من وجهه :تدري وش كنت اتوقع من هذا
غسان ناظر يدها وبعد عن وجهها شوي برتباك واضح .....ورفع عيننه لعينها ..
غسق بصوت حاني :كنت اتوقع منه انه مارح يتركني مهما صار لأنه عوضني بحنااان عمري ماافكرت فيه ..
لأنه عطاني امل جديد بتفكير جديد وشكل جديد .. كنت اتوقع منه انه لما يرجع لي يكون بصحه انا نفسي مااتوقعها
يكون بعافيته عشان نستعد للمستقبل ..
لكن للأسف هذا اناني مافكر الا بنفسه لما حكم على نفسه بالأعدام الأجباري وبغير وجودي ..
غسان مسح طرف دمعتها وبعد يدها عن قلبه وقال :هذا اسف لأنه خيب ظنك وعلى قولتك خانك ..
لكني مهما صار مقدر اسرق حياة انسان مقابل كم فلس عشان اعيش بداله وهو يروح بدالي ..
تقدم من الطاولة مسك الكيس الأرجواني اللي متعلق بطرفه نوته صغيره مكتوب عليها بخط انيق :Mr. Ghassan's wife
قدم الكيسه لها :اخاف اترك اثر بمشاعرك لو تركت لمستي عليك .. وتركها ومشى ..
جلست على الصوفا بتعب من مشاعرها اللي موعارفه تصيطر عليها .. تجاهلت الكيس اللي انغصب بيدها ..
وصعدت غرفتها تحاول تخفف عن نفسها شوي ..
عند فهد ..وفجر
كان الفضول ذابحها موعارفه وين بيروحون غير مطعم البلورة ..
لقتها طول الطريق يتصل على رهف وهو يتوعد فيها بعد ماجاه اتصال من فيصل ..
وخللاه يعصب ..
تفاجأت لما شافت قبالها بيت اهلها ولفت بصدمه وقالت :شنوو
فهد تنهد وهو بدى يهدى :وشو الي شنوو بيت اهلك ..
فجر بسخرية :ومطعم البلورة ..
فهد تكتف :هنا مطعم البلورة ..
فجر بقهر :يعني كنت تكذب علي ...
فهد ومومصدق اللي يشوفه منها :يعني ماودك تزورين امك .. اللي من رجعنا من سويسرا مازرتيها حتى بالعرس
ياللي ماتستحين مارحتي شفتي حالها ..
اقول انزلي لا يجيك شي ماتحبينه ..
فجرانحرجت بهالكلام صدق وماكذب المفروض زارت امها بدون محد يأمرها او يغصبها حتى ...
فتحت الباب ونزلت بدون ماتكلمه حتى وفتحت الباب اللي كان من الأساس مفتوح
وجرت نفسها للداخل للعتاب امها لها ..
عند تولين
ضربت كفه بشويش وقالت :بس والله ان عمي لمحني وانت تسوي لي كذا وقتها يحرم علي اجلس جنبه ..
ابتسم وتركها بحالها لأنه سمع صوت خطوات ابوه وهو ينزل من الدرج وراهم ..
تولين انحرجت وخافت انه انتبه لكلامها لكنه بان انه ماانتبه لها .. قالت بنشاطها المعتاد :صباح الخير العمي
ابو نيشان بفرح :ياهلا ياهلا صباحك سرور وخير انشاء الله ..
نيشان قرب من ابوه وباس راسه :صباح النور يبااا ..
ابو نيشان بلكنه عاديه تختلف عن لكنت ترحيبه بتولين :هلا صباح الخير
تولين ابتسمت على وجه نيشان اللي انحرج من ترحيب ابوه فيه ..
واستأذنت منهم وراحت لرنسا تساعدها في تحضير الفطور مع الخدم ..
عند غسق
صعب لما تدخل بنوبة بكا من شي يقهر انك توقف بكاك وانا متأكده ان الكل مر بهالتجربه
وعساكم ماتمرون فيها من جديد ..
حاولت وحاولت تمسح دموعها لكنها ترجع وتطيح من جديد جلست تحاول تاخذ اكبر كمية هوى تقدر فيها تمنع
دموعها من السقوط لكن للأسف مافي جدوى ..
المشكله ان المرأه كائن حسااااس ويتأثر بحركه اي رجل يدخل حياتها بعد طووول حرمان من الحنان
يعني يقدر بأي حركه تجي منه بدون قصد او كانت بقصد المساعده وهي شافتها بقصد الأعجاب فيها او بقصد الحنان لها
او انه يكن مشاعر خاصه لها .. طحت مرة بشباك جهاااد لما سافرنا مع اهله وكم مرة لجيت اشتري اي شي
مايكون مناسب لسني كان يسحبه مني ويقووول :موزين لك توك صغيره ماوصلتي ال17 ..
ومن وقتها بديت اطيح بهواه بشويش .. لكن لما دخل غسان حياتي للأسف مرة ثانيه
علقني فيه وصعبه اقدر افكر بنسيانه حتى ..
الحل الوحيد لها نارا اتصلت على جوالها لكنها للأسف ماردت عليها مماصعب عليها الجو اكثر واكثر ..
عند رهف ..
بعد مارمت جوالها على السيارة اللي قبالها من عصبيتها واتصال فهد الي ماكان بوقته واللي كانت بتسبب حادث سيارة
لأشخاص ابرياء كانو يمشون جنبها بالطريق وبعد ماصبت جام غضبها على السايق المسكين
دخلت البيت بدون ماتنتبه للضيوف الموجودين رمت عبايتها بقرف على الخدامه ولاحت جزمتها الكعب على اول فازا
للورد كانت قبالها وقالت :غبي غبي غبي
نفضت شعرها بقرف وكأنها وحده مجنونه .. يخسي اروح له مره ثانيه .. وصعدت الدرج بقرف وهي تشتم بين لحظة ولحظة
كل الضيووف التفتو لأم غسان اللي انحرجت وقالت :العذر والسموحه مانتبهت لكم الظاهر انها معصبه من السايق ..
نارا خذتها فرصه تشوف غسق :عن اذنكم انا بطمن عليها ...
الكل كان مستنكر من حالها عدا نور اللي ماكانت متفاجئه وكأنها كانت تعرف ..
عند فجر
دخلت بأحراج ونادت :اومي اوومممممي ..
ام ريان انتبهت لصوتها وجاتها :هلا هلا هلا بالعروس اللي نست اهلها هلا ..
فجر انحرجت وحضنت امها بشويش :عذريني يمااا .. بس انشغلت مع غسق شوي ..
ام ريان تمسح على راسها :معذورة يبنتي معذورة بس لاتعيدينها قلب اميمتك مايتحمل مايشوفك .. بعد غيبه طويييلة ..
فجر حست بالأحراج لأنها نست ريان وكيف فقدته امها وكيف انها للحين مثل مااهي مانسته امها بعد مانسته ..
خذت نفسها وقالت :هونيها علييك يايما ..
تركتني امي اشوف جود اللي صارت تتضايق من اقل شي بسبب عدم وجودي معها ..
جلست افكر وانا بطريقي للغرفة ليه ريان ماطرى على بالي ولا مرة من تزوجت فهد معقوله يكون ربي عوضني فيه ..
عشان انسى جزء من الهم والذنب اللي احس فيه .. الحمد الله على كل شيء ربي عطاني ايااه ..
كملت طريقي وانا فيني حماس اشوف جوود على ان توني البارح لمحتها بالعرس لكن ماحسيت انها زعلانه ..
وجات معي انا ورهف لما كنا نختار الفستان وش تغير عليها الحين ..
عند غسق
انضرب الباب ضرب خفيف وطبعا معروف مين اللي يضرب الباب هذي نارا فتحت الباب وعطيتها ظهري بعد
اجهاد مني عشان اوقف دموعي واخيرا نجحت طبعا ..
نارا عقدت حواجبها :وش فيك كذا ..
غسق تتجه للتسريحتها عشان تعدل مكياجها وتنزل قالت :لا ولاشي لكني تضايقت شوي من حركات غسان انتي
تعرفينها وروقت الحين .. بس ليه تأخرتي ..
نارا جلست على الصوفا الجلدية :الله يهديها رهف دخلت وهي معصبه وطبعا انتي عارفه تصرفاتها كل هالتصرفات سوتها
جنب امك وخالاتك اللي ظنو انها مجنونه ..
غسق وهي تكثر الفاونديشن عشان تخفي احمرار خشمها .. وجفونها اللي انتفخت تقريبا .. :تطمني بينسوون
لكن خالاتي اطمنك .. مارح ينسون ..
نارا :اللي اهو عاااد اهي بنفسها .. تسببت بهالشي يعني بكيفها ..
غسق تنهدت وهي تتعطر من j'adore..
غسق وقفت قبال نارا وقالت :ممكن اطلب منك طلب ..
قطع كلامها صوت ضرب الباب وكانت الخدامه تستأذن انها تدخل ..
غسق تنهدت :هـ ادخلي يانور ..
نور تقدمت والكيس الأرجواني بيدها ..خذته منها واشرت لها انها تقدر تروح ..
نارا وماكانت في عيونها اي نظرت فضول تجاه الكيس الأرجواني .. :امريني غسق وش بغيتي ..
غسق تركت الكيس على التيبل الصغير الموجود بنوسط الجناح وقلت :ابغاك تطلعين تشترين لي شي ..
نارا :شنوو ؟؟
غسق جلست بتعب :ابغى تشترين لي من باسكن روبنز اكبر حجم ايسكريم توووفي وخليه يكثر الصوص الحار والبارد فيه
ولاتنسين جميع انواع المكسرات فيه ..
نارا بصدمه :لييييه خلاص بتوقفين رجييييم ..
غسق عقدت يدينها :لا بس لازم اخليه يندم مثل ماخلاني اندم اخليه يفكر تقريبا يتراجع عن قراره
انتي تدرين انه مارح يسوي عملية زراعه للقلب طبيعي ..
نارا وبانت على وجهها معالم الأندهاش :شنوو انتي من صجك ..
غسق تنهدت بتعب :ايييه لكذا تكفيين ساعديني يانارا ..
نارا ربتت على كتفها :انا معك ياغسق ...
مسكت يدها ونزلت معها جنب خالاتها وامها ..
عند غسان
كان جالس بمكتبه ويفكر بكلامها عارف انه بيظلمها لكن موعارف وش يسوي
بالنهاية الموت حق وواجب على الكل ... يعني اهو بيموت الحين او بعد مرور سنين ..
يموت الحين احسن من ان تكون بينا عشره وعياااال وشوق وغيره ..
انفتح الباب ودخل سالم اللي كان جاي وشكله بيرتب المكتب ..
سالم اخترع :طال عمرك وش اللي يخليك تجي بثاني يوم زواج لك للشغل ..
غسان رفع راسه وناظره :وايش اللي يمنعني اني اكمل شغلي ..
سالم انحرج :عفوا موقصدي بس ..
غسان يحد النقاش :لا بس ولاغيره شوف وش صار بفرع سويسرا خلصو الديكور المطلوب ولا لسى ..
سالم نزل راسه :حاضر طال عمرك ..
غسان دفع كرسيه بجسمه للخلف وحاول يرخي نفسه .. قدر يسمع صوت نبضات قلبه
المهتريه والضعيفه بالنسبه للشخص بعمره .. لكن هذا اللي ربي كاتبه .. ومابيصير غيره ..
انضرب الباب مرة ثانية ودخل سالم وقال برتباك :طال عمرك في حرمه كبيرة تبغى تدخل عندك ..
غسان استغرب :حرمه كبيره ماعرفت منهي ؟؟!!
سالم :لا والله كل اللي عرفته منها انها تبغى تقابلك ..
تنهد بتعب :خلني اسوي اخر عمل خييير لي بهالحيااه خلها تتفضل ..
عند فهد وفيصل ..
فهد وقف :نعم فيصل انت من جدك تتزوج اختي عشان تعالجها وبعدها تنفصلووون
فيصل يهدي فيه :شفيك الله يهديك فضحتنا اسمعني بالأول ..
اختك موباين عليها انها تبغى تتعالج كلما سألتها شي قالت وش دخلك ..
كيف وش دخلني وانا الدكتور اللي بعالجها ..
فهد :ايه يمكن سألتها شي تنحرج منه او شي خاص ..
فيصل رفع حاجبه :تستهبل علي انت ولا وش اقولك اسألها اسأله عاديه بعدين
انا افضل ان يكون بيني وبينها صلة قرابه انت عارف صار لي خمس سنين وانا اعالج بهالغرب
ومتعود اني اكون عادي معهم يعني اي تلامس جسدي يكون بالصدفه عادي لكن هنااا حرام ..
وانت تدري اني مارح اسوي فيها شي ماترضاه ولك مني لو اهي بنفسها بعد ماتنتهي فترة العلاج و
قالت ماابغاااه وقتها رح يكون كل واحد بطريقة .. وقف وقال :فكر ورد علي .. انا بنتظارك ..
ترك فهد بحيرته مع رهف اللي موراضيه تترك حد بحاله ..
عند غسق ونارا وام غسان
واخيرا مابغت امي وخالتي يمشوون بعد الغدااا ..
كأني بغيتها من الله طول الوقت نظراتهم ماكانت تريحي لكذا شي طبيعي مااكون مرتاحه ..
ام غسان ببتسامه :الله يعطيك العافيه حبيبتي اعذريني اليوم المفروض تقضينه انتي وزوجك بس .. والله اني
ابي اشوف وجهك كل دقيقه ..
غسق ابتسمت :لاخالتي بالعكس والله انك ونستيني بعدين غسان بيبقى معي طول العمر (حسيت نفسي بغص بهالكلمه)
وش بيأثر لو جلست معكم شويه ..
خالتي ابتسمت :الله يكملك بعقلك يابنتي ..
وفجأة تغي وجهها ولفت لنارا وقالت :يانارا روحي وناديلي رهف قولي لها امي تبغاك تنزلين الحين ..
نارا نفذت اوامر امها بكل طاعه وراحت تنفذ اللي قالت لها ..
غسق ساعدت خالتها تمشي للصوفات بجنب تماثيل الفيلة اللي للأسف موقادره اتقبل وجودهم الى اللآن ..
عند فجر ..
فتحت الباب بشويش ولقت جود ماسك رواية وتقرى فيها وللأسف انها ماحست حتى بصوت
الباب وهو ينفتح ..
فجر تقرى اسم الرواية لأنها لوكانت الشفق رح تلفعها بأقرب جزمة لأنها عادت الكتاب 10 مرات بدون
ملل او كلل .. (hunger geams) عقدت خشمي من الأسم اللي مايجذب الواحد ابدا ..
وقلت :يااادبة ماتبين تسلمين علي ..
جود تكش بيدها وباين عليها الحماس :بعدين بعدين
فجر صارخت :ياللدددددددددددددددبة اختك جات تزورك مارح تقومين تسلمين علي ..
جود رفعت راسها تجامل وقالت :هاي ماي سستر هو ار يوم .. ثنكيووو ..
ونزلت راسها وكملت كتابها ..
فجر بأحباط :اوكي ان طلعت لاتقولين زوريني ..
جود تهز راسها :اممممممم
فجر طلعت وقررت تجلس جنب امها عارفه انه مامنها امل ..
عند فهد
وصل البيت وانتبه لأمه اللي كانت معصبه هي تقول :قولي لها اني بعاقبها مثل البزران على اللي سوته اليوم
يكفي انها ماتمسك نفسها اذا كنا مسافرين كيف الحين وفيه بالبيت ضيووف ..
فهد يحاول يهديها :افا افا ام غسان علامك معصبه ...
غسق من يوم سمعت صوته على طول ركضت للمكتب غسان اللي كان اقرب شي بالنسبة لها ..
ام غسان بكل تهور قالت ./؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
عند غسان
دخلت الحرمه الكبيره وكانت تمشي بعكازها اللي كانت تستند عليه لكن ماكان شكلها يوحي بأنها قد تعدت ال50 حتى ..
جلست بدون اي اذن مني كنت افكرها محتاجه لكني لما انتبه للشنطة قوتشي السوداء بيدها عرفت انها جايه لموضوع ثاني ..
غسان :ياهلا ياخاله وش حابه تشربين ..
الجده وهي تفتح وجهها وتبقى بحجابها :ولا شي انا جايه لموضوع وعارفه انك مارح تردني فيه
غسان يأشر على خشمه :ابشري على هالخشم ان كنت قادر اسوي ..
الجده :بغيييييتك ؟؟
*____________*
*يتبــ؏ . .*
*اتفاعلو لنڪَمل نشر الروايه .*
*باشراف : ذاتي .*
*____________*
#روايات_سعوديه .
*`تقييمك للبارت من` 🔟 ! ! !*