الفصل 21
*– ࢪواية :«تكفى لاتعلم ابوي اللي فيه يكفيه.».*
*عداد ألباࢪت: «21».*
*– الڪَاتبه :مجهوله».*
*▭𝅼▬࣪▭𝅼▬ׄ▭𝅼▬࣪▭𝅼▬࣪▭𝅼▬ׄ*
*قناه : روايــات سعوديــه 🎀🎀.*
*____________*
> *الروايه لاتلهيڪم عن الصلاھ اللهم بلغت اللهم فأشهد .*
*_________*
شربت كوب الحليب اللي يصيب جسمي بالقشعريره لما اشربه ..
وخذت حبة البندول وصعدت لغرفتي بسرعه وتروشت ولبست جينز ازرق مع قميص وردي فاتح ربع كم
ورفعت شعري بطريقه عادية .. كنت متعمده عشان لما اكشخ بعدين يكون تغير كبير في شكلي ..
تعطرت من عطر جفنشي ونزلت له ..
كان ودي اسأله شخبار قلبك او اانبه لأنه ماعلمني عن مرضه وقلبه بس قلبي ماطاوعني خفت اقول له ويحرجني
كالعاده بجوابة اللي اكيد له سبب مقنع ..
لقيته يرتب اغراضه .. بعناية ..
قربت وقلت وانا اجلس على الصوفا الجلد البنيه الغامقه :شخبار قلبك ..
غسان طاحت الأوراق من يده من كثر ماهو متفاجئ ورفع عيونه وناظرني وقال بشك :قلبي بخير مافيه شي ..
غسق كنت عاقده يديني بخوف وانا افركهم بين لحظه ولحظة :بس على حسب علمي قلبك موبخير ..
غسان كتف يدينه وقال :لا تطمني قلبي بخير مابه شي ..
غسق ناظرت يدينه لكني ماشفت ساعته المزعجه كالعاده ..
لكنه رفع راسه وقاطع نظراتي المشتته له وقال :يلا خلينا نطلع عندك من الحين الساعه 10 الى الساعه 5 الصبح بكرة
ابمشيك واكافئك على عملك الجاد .. وبعدها تروحين بيت اهلك ..
غسق عقدت حواجبها وقالت بملل :مابي ابغى اروح معك ومع نارا لسويسرا ..
غسان وقف وقال :انتي تفكرين انها رح تروح تلعب ولا رح تروح تسوي سياحه وانا مدري ترى امها اللي اهي امي هناك
تتعالج وحالتها ربي اعلم فيها .. تعرفين كيف احتمال كبير انها اذا ارجعت ماتمشي ..
وتحتاج بهالوقت تشوف بنتها جنبها وانتي كل كلمه والثانيه قلتي بتروحين معي وبتروحين معها ..
غسق انحرجت من كلامه لأنه صح ولأني غلطت يوم حنيت وقلت ابرر :وانت تظن اني رايحه اسوي سياحه
ابروح اززورها اطمن عليها خالتي اللي اهي امك وامها ..
غسان نهد تنهيده طويلة :هــ اخلصي تبين تطلعين ولا تروحين من الحين بيت هلك وامشي مع نارا ..
غسق اهي فرصه وجاتني لعندي ابقى معه ليه احرم نفسي منها ..
لويت فمي ووقفت وقربت منه وقلت وانا احتظن ذراعه فجأة :
عند فجر وفهد
دخلها الغرفة بعد ماعطى المضيفات المفتاح عشان يفتحون الباب لها
وغطيت فجر بعدج مافصختها جزمتها وانا الهث من ثقل جسمها تفاجأت فيها
لما وقفت وقالت وهي تترنح بتعب :اووف حرررر ماتفهم
فتحت ازرار قميصها وبدت تفصخ القميص اللي كان تحته بدي احمر وحطت يدها بملل
على ازارير جينزها وهي تقوول بعدم وعي :ياالخايس ليش ماتف هاء هاء تح كانت الحازوقه اللي جايتها قويه
خصوصا انها خلتها تطيح على السرير وتقول :ياا ساعدني وقفت مرة ثانيه ..و
فهد مكنت منصدم من الي جالسه تسويه حاولت امنعها لكني موعارف كيف
وقفت مرة ثانيه وشفتها ترفع البدي وتكشف عن بطنها وتقول الحين بيصير بررررررررررررررد
ههههههههههههههههههههههههههههههههههه شفيك تطالعني ههههههههههههههههه انت موحران ..
فهد مسكتها من خصرها وحظنتها برجولي وقلت وانا انزل البدي حقها بقسوه :فجيير لو ماتتعدلين الحين ابعطيك كف
يخمس وجهك يعلمك كيف ..
هدأت فجأة وناظرتني وقالت وهي تسحبني من ياقة قميصي :تخمسه ولا تسدسه ههههههههههههههههههههههههههههه
موقلت لك انت تحب الرياضياااات هههههههههههههههههههههههههههههههه
فهد شعور غريب يجتاحني وكأني مقيد باللي جالسه تسوي احساس جدا غريب
وكأن في شي بارد على قلبي فرحان باي جاسه تسوي حواسي كلها تخدرت وش فيني انا ليه خاق من قربها ..
عطرها ولأول مرة يجذبني تفاجات بنفسي وانا اقرب منها واطبع XXXXXXXXXXXXXXXXXXXXXXXXXX
حسيت بيدينها تطوق رقبتي وفجأة شفتها بين يديني نايمه .....
دخت رهف وقالت بقرف :هييي انت ويااها ماتعرفون تقفلون الباب عليكم مالت عليكم ياقرف ..
فهد بطحها على سريرها وغطاها ويدينه ترتجف من المشاعر المختلطه اللي صابته بدون اي كلمه طلع وترك رهف
بعصبيتها وشكواها ..
عند تولين ..
دخل الجناح ولا كأني موجوده بدل ملابسه وفرش اسنانه وتعطر بعد ماحط اللوشن
وانبطح جنبي وانا ماسكه الجالكسي حقي اتابع مسلسل اسمه rofft prince
قلت وانا ابعد عنه :آآ بويااا .>>وش فيك
عطاني ظهره لما شافني منزعجه وغمض عيونه ونااام ..
قلت وانا اتمنى مايكون نام ابغى اناقشه بموضوع :اوبا اوبااا اوبااا
لكن للأسف ماتحرك ولا عطاني اي وجه
حسيت دموعي بتطيح من القهر خاطري اشوف رشا .. وخالتي وبناتها ..
وفوق كذا ابوي قاهرني من يوم رماني هالرميه ماسأل فيني .. وش هالكره له فيني ..
معقوله اكون بحلم مثل احلامي المعتاده يمكن اذا صحيت الاقي نفسي بالبيت وجالسه وبعدني اكلم زياد
وماخطب رشا ولا صار كل هذا ..
نزلت عيوني بيأس وقلت :بسك احلام اصحي خلاص .. واقعك المرير اهو هذا اشرت على نيشان اللى بدى صوت نفسه يعلى
يدل على انه غرق بنومته ...
كنت اظن اني اذا تزوجت بستغني عن ضم المخده لكن للأسف احتجت لها اكثر من اول ..
عند غسق
احتظنت الذراعه فجأة وقلت بحنه كنت بأيام المدرسة مشهورة فيها :ليكون زعلت بس ترى والله من الملل اللي انا فيه
بعدين لاتزعل ماصدقت على الله اشوفك تقوم تزعل ...
غسان اخفيت ابتسامتي وقلت :لهدرجة فاقدتني
نزلت راسي من الواقع الأليم .. اييه ..
غسان مسح بيده على راسي وقال :يلا خلينا نطلع ..
غسق بأقتراح :وش رايك نروح جده ولا قطر بس هالكم ساعه وبعدها نرجع ..
غسان ناظرني بتعب :لا مافي روحه لمكان لازم نركب له طيارة ..
غسق عقدت حواجبها بملل :ليييش ؟؟
غسان ماكنت ابغى اقول لها قلبي مايتحمل كثرة الظغط يكفي روحتي اليوم ورجعتي اليوم
يدوب اتحمل الظغط اللي يصير .. لي بالجو كيف لو سافرت اكثر من مرة باليوم ..
تنهدت وقلت :لا غيره اختاري اي شي غير الأماكن اللي تحتاج طيارة ..
غسق فكرت فكرت وقلت :طيب وش رايك نروح شاليه خاطري اروح شاليه ..
غسان جلس يفكر فجأة وقال :في مكان احلى من كذا .. رفع جواله واتصل على :هلا محمد الله يعافيك ياليت
تجهز لي المزرعه .. ايه نص ساعه وبكون عندك ..
رجع جواله بجيبه وناظرني وهو يبتسم :يلا روحي جهزي نفسك عشان مانتأخر ...
غسق بفضول :ونارا ..
غسان ابتسم :نارا تبقى هنا وش عليها تنتظر ..
حسيت بفرح فجأة بطلع معه من زمان ماصرت معه ..
غمرتني الفرحه فجأة وبكل حماس رحت اجهز نفسي للمزرعه اللي ماكنت مهتمه اذا كانت جميله ولا لا ..
عند فهد وفجر
بعيد عن تلك الغرفة الخالية من المشاعر المليئة بالشحنات السالبة
وارتفاع مستوىظغط الدم وبعيدعن ذلك السرير الذي يحوي جثة لفتاه تشخر كالفقمه
ولاتهتم بشكلها الأنثوي الطاغي ..
في غرفة مؤججه بالمشاعر الغير معروف اصلها كان جالس .. وشاغل نفسه بالتقرير
اللي كلفه غسان فيه عن المواد اللي تحتاجها الشركه اللي رح تنبني قريب ببرن عاصمة سويسرا ..
ماكنت متأكد من شعوري بس كل اللي فكرت فيه في هاللحظة خل تروح زين وش علي منها
مستحيل انا اساسا ابتزوج عليها انثى بمعنى الكلمه ابيها تتعلم منها شوي كيف تقول حبيبي كيف
تحط الروج بطريقة انثى موبطريقتها عند بوابة المستشفى بدون مرايا بدون ملمع اهم شي تحطه وتنتهي السالفه ..
جلست اطلع حجج واهيه مالها داعي عشان اتجاهل مشاعري الهايجه ..
عند تولين ..
ماغفت عيني طول الليل وانا اتامل فيه من زينه اهو صح وسيم بس انا احلى شي طبيعي ..
وقفت وخذت جوالي ودخلت على الوتساب لقيت اخر ظهور رشا الساعه 12ونص بالليل اكيد الحين
اهي نايمه بالعسل لأن اليوم زواجها على زيااد وانا مالت على حظي الخايس ..
موشاطر الا بالنومه ..
وقفت بتعب من الصوفا البيجيه وتوجهت للحمام الله يكرمكم عشان اخذ شور بعد هاليوم المتعب ..
وانا احاول اتناسى تعبي بتذكري لكم موقف من الدراما الكوريه اللي اشوفها وابتسم بين لحظه ولحظة ..
عند غسق وغسان
ركبت سيارته البي ام دبليو البيضاء وانا اناظر لملامح وجهه ووقفته وهيبته الباردة ..
وهو لابس قميص ابيض ورافع اكمامه .. وجينز ازرق باهت .. وتارك شعره بأهمال تلاعبه نسمات الهوى ..
غير نظارته اللي مغطيه عيونه وحاجبه المعقود وكأنه منزعج من المكالمه ..
ركب السيارة وبدون اي كلمه وبأنزعاج مشى بعد ماركبت الخدامه شنطتي وشنطته ..
وكان طول الطريق الصمت ذابحني ابيه يسولف معي لو شوية .. بس واخيرا قطع الصمت لما قال ...؟؟
عند فجر
كنت ابصرخ من الم راسي يالله شالصداع الفضيع بعدين كيف جيت هنااا ..
موقادره اتذكر ولا شي من اللي صار البارح لفيت ولقيت رهف حاطه رجل على رجل ومقابله
تسريحتها وتوزع اللشون بطريقة انيقه وهي مركزه ومعقده حواجبها ماعطيتها وجه ووقفت وانا يدوب قادره
اوازن خطواتي ..
توجهت لغرفته على طول وفتحتها بدون مااضرب الباب استأذنه عشان ادخل ..
دخلت وشفته نايم بسريره وكان مولابس قميص بحكم دفا الغرفة ..
قربت وقلت بهمس متعمدته :فهد .فهدان .. لكن للأسف الم راسي مايساعدني ..
تبعت من كثر مااناديه لكنه مايعطيني وجه ولايرد علي حتى الكذا استسلمت بنووم جنبه ..
على المخده المقاربة لمخدته ..
عند غسق وغسان
تفاجأت من منظر المزرعه كانت بسيطه لكنها تدل على رقي اصحابها ..
كان اول ماتدخل المزرعه كان فيه دوار الصغيره عشان يوجهك للفله الموجوده فيها ..
بوسط الدوار مزروع ورود برية بألوان انيقه غير الحشيش اللي يحتظنها ..
وبعدها درج رخامي يوجهك للفله .. وبعدها فيه مثل الجسر طويل تحت شلال ونهر بسيط يمشي فيه سمك نيمو ..
يوصلك لحوض السباحه وبلكونه كبييره تدخلك على الفله ..
وفيه جلسه كبيره للباربكيو وحديقة صغيره فيها العاب اطفال ..
وفيه مساحه كبيره فاضيه بس للأسف ماعرفت لأي اهي ..
تفاجأت بصوت بوري او هرن او جرس السيارة .. وتطلع فجأة ..
عند تولين ..
طلعت من دورة المياه الله يكرمكم وانا جالسه اجفف شعري لكني ماشفته نايم .. مشطت شعري ..
ونزلت ابشوفه يمكن يكون تحت جالس يفطر لكن للأسف قالت رنسا انه مشى ..
تنهدت بضيقه لقيت نفسي اصعد غرفتي واغرق بنومتي .. الأليمه ..
بدون مااحس بعمري الا على الساعه ..؟؟؟؟؟؟؟؟؟؟؟؟؟؟؟؟
عند فهد **فجر
كنت اشم ريحتها قريبه مني حتى وانا نايم ياربي لهدرجه صرت خاق عليها ..
حاولت افكر بأشياء ثانيه مثلا اليوم كيف ابكلم المستثمر للشركه اللي مابعد نبدأ فيها وابقنعه بأن الشركه رح تكون ناجحه ..
او كيف ابتفاهم مع المهندس عشان يصمم غرفة الأجتماعات بالطريقة اللي قالها غسان او كيف ابفاتح بامي بموضوع
رهف وحالتها النفسيه .. لكن كل هذا ماكان ينفع لأن دقات قلبي كل مالها وتزيد غير ريحة عطرها
اللي موقادر ابعدها عن بالي كنت ابنقلب للجهه الثانيه لعل وعسى اغير المخده اللي امتلت بفكاري عنها تفاجأت
بالجسم الصغير المنبطح جنبي لما فتحت عيوني بفزع تفاجأت بوجدها جنبي ونايمه بكل اريحيه وغير
كذا رافعه ساقها وحاطتها فوق ساقي وانا ماحسيت فيها .. عدلت جلستي وكنت بصرخ فيها واقول ..
فجير اصحي لكني بكل تهور ملت عليها واحتضنت خصرها وقلت بهمس :فجر فجر فجر
كنت اتأمل فيها بقرب وافصل كل شي فيها عيونها غمازتها اللي بخدها اليمين .. اللي صاير شكلها هادئ
وبمجرد انفعالها وضحكها يبدأ خدها يحفر حفره عميقه لها .. وشفتها المرسومه بشكل غريب
وبروزها خصوصا اذ جات تنام ..
فتحت عيونها بشويش وهي مستغربه وكأنها جالسه تبغى تستوعب وش جالس يصير ..
تتوقعون وش ردة فعلها ..؟؟؟؟؟؟؟ظ
عند غسق
تفاجأت بالحرمه المصرية اللي طلعت ولافه الغطوة بطريقة صعيديه على راسها وغير اكمامها اللي مشمرتهم
وقالت :انت وصلت يا بييه
غسان نزل وكأنه ماله خلقها :ايه هلا يافتحيه .. كيف حالك ؟؟
فتحيه :بخيير يابيه انت اخبارك اييه واخبار المدام ..
غسان كان عاقد حواجبه وانا موعارفه هو من الشمس على ان النظارات تغطي عيونه او ان الوضع موعاجبة ..
فتحيه تقدمت وشالت الشنطتين بكل سهوله .. وسكرت بساقها باب السيارة على ان جسمها مايسمح لها
لكن فيها نشاط موطبيعي .. تقدمت للفيلا لكن كل اللي كان قاهرني انها ماعبرتني ولو مجامله سلمت علي ..
قفل السيارة ووقف يناظرني لأني واقفه بحيره وقال بمزاجيه حاده :منتي ناوية تدخلين ؟؟
غسق صحيت من سرحاني وقلت :ابدخل معك .. يلا تقدم يابييه قلتها وانا اقلد الأخت اللي دخلت توها ..
تفاجأت ببسمته اللي كانت واضحه على شفته وانعكاف حواجبه لكن اللي قاهرني نظارته كانت تغطي عيونه ليييه ...
ابتسمت ودخلت معه .. عشان نجهز لليوم الجميل بالمزرعه ..
عند تولين
تفاجأت لما صحيت على الساعه 7ونص المغرب كيف مر الوقت بسرعه اليوم زواج رشا مومعقوله انا اختها
مااكون معها بهاليوم كيف ماصحاني الغبي وقفت بسرعه وسحبت جوالي ومثل ماتوقعت 60 مكالمه من رشا فوق
كذا راسلت لي فوق ال5 رسايل تعاتبني فيهم وتتوعدني ..
كيف اساسا صار كل هذا مريت غرفة رنسا لقيتها جالسه تستشور شعرها قلت لها بعتب :ليه ماصحيتيني بدري تدرين اني
لازم اروح عند رشا ..
رنسا وقفت وقالت بستغراب :نيشان يوم سألته عنك قال انك تجهزين .. فقلت موحلوة اجيك وازعجك ..
وربي ماكان قصدي ..
مشيت عنها اوانا اتوعد بنيشان الغبي وش هالنذاله اللي فيه وش اللي حاره من الأساس ..
رحت لغرفتي وبديت استشور شعري والور اطرافه .. بطريقة تعلمتها من النت ..
وبعدها رسمت الكحلة بعيوني وحددت عيوني بالكحله بطريقة فرنسيه انيقه .. عكست لون الأضائه بالفضي والأسود
عشان يبان لون الفستان بشكل فاتن اكثر .. حطيت لي قلوس لامع .. وبلشر بينكي ..
لأول مرة احس اني راضيه عن شكلي واخيرا بعد مامرت ثلاث ساعات من تضبيط نفسي ..
لبست الفستان كنت متردده بلبسه لأنه كان قصير فوق الركبة بكثير لكني لبسته .. ولبست كعب جلدي فضي .. يعكس لون
الفستان الأخضر المدموج بالبنفسجي والأسود ..الراقي .. يصعب علي وصفه .. من جماله ..
وتعطرت واهم خطوه سويتها لبست عباتي وطلعت من الغرفة وانا ادور رنسا عشان نمشي بسرعه ..
عند فجر ..
فتحت عيونها ببطأ وتتفاجأ بوجه فهد قبالها قالت بنعاس يغمرها :وش فيك كذا مقرب مني ..
فهد غمضت عيوني من هول ريحة نفسها من الأساس يالله صدقو اذ قالو ريحة الكحول .. رفعتها من كشتها
وتناسيت الرومنسيه اللي كنت بدخل فيها وقلت انتي وجهك فول وبصل قبال مياه الصرف الصحي وواجد عليك
قومي بس قومي تروشي واستغفري ربك ..
فجر وكأنها مومستووعبه يدها على كشتها اللي شدها لها .. والمتها وغير عيونها اللي تغمض وتفتح بين لحظة ولحظه ..
فهد ضربها على راسها بشويش :وش فيك ماتحسين قومي يلا ..
لفت عيونها بطريقة باااارده ذكرتني ببرودة اعصاب غسان :طيب لاتمد يدك على كشتي ..
وقفت بتعب ودخلت الحمام تتروش .. بعد ليله متعبه ..
عند غسق وغسان ..
لبست لقنز كحلي مع قميص سماوي ربع كم وقصة صدره واسعه .. ورفعت شعري ذيل حصان هالمرة شكلي متغير
وصايره انيقه اهم شي كشتي لاتطير وانا ابخير ..
حطيت قلوس وردي وبلشر خوخي .. من بدي شوب ..
وصرت امشي بمستواه ونفس خطواته ..
وقلبي يتراقص من الرجفه ومن الفرح .. اني جنبه ..
كنت اتمناه يتكلم يسولف معي اي سالفه موحلو شكلنا نمشي وحديثنا الصمت ...
غسان ؟
ـــــــــــــــــــــــــــــــ
وصرت امشي بمستواه ونفس خطواته ..
وقلبي يتراقص من الرجفه ومن الفرح .. اني جنبه ..
كنت اتمناه يتكلم يسولف معي اي سالفه موحلو شكلنا نمشي وحديثنا الصمت ...
غسان لف يناظرني وهو عاقد حواجبه ووقف فجأة :غي سؤال محيرني .. وودي اسألك اياه ... ولك حرية الأجابة ..
غسق حسيت بحماس غير الخفقه اللي جات بقلبي من رنة صوته :امم اوكي قول وعلى حسب السؤال ..
غسان كان عاقد يدينه خلف ظهره .. وقال :وش سالفة.. المناشف اللي تغطي فيهم المرايا اللي بغرفتك ؟؟
غسق توقفت فجأة كنت منصدمه من سؤاله كيف انتبه لهالشي ..؟؟ كملت مشيي وانا ابتسم ابتسامة على الماضي ..
كنت اكره شكلي بالمرايا وجهي مقبول فيه لكن جسمي مافي احد بالحياة يتمنى يطالعه ..
الكذا عشان مااشوف تدويرة وجهي وجسمي المقرف كنت اغطيهم .. في اي سؤال ثاني قلته ..
عشان مااحسسهه اني متأثر انا اعتبرها اشياء من الماضي وبس ..
غسان ابتسمت على شجاعتها وهي تقول لكن كل هذا رح يساعدها كأنها ترمي كومة غبار ملت قلبها قلت :وش اسوأ موقف بالحياه صار لك ..
غسق جلست افكر :الله مواقف كثيييرة واسوئها بدبي يوم بالمصعد وبعدها موقف البانيو ..
لكن من المواقف اللي جد حسيت فيها بالأحراج ..
اول سنه لي بثنوي كنا بحصة الفيزياء والأبلة كذا فجأة وبنص الدرس كانت جالسه تناظرني ..
وانا ابتسم لها بحسن نيه .. وكنت اساعدها وكذا بس فجأة قالت لي :غسق كم وزنك ؟؟
انا استغربت وانحرجت حيل لدرجة اني صرت ابتسم لأني موعارفه ارقع وقلت لها :ليه وش تبين بوزني ..
قالت بس كذا عشام نطبق المسأله فيك ..
قلت لها :لا شوفي وحده غيري ..
المهم انها اصرت تعرف لدرجة ان وجهي احمر من القهر ..
انفعلت وقتها وقلت :ماابغى اقول وزني استاذه موغصب
المهم الأبله انحرجت ولا تكلمت بعدها .. بس لما انتهت الحصة تجمعوا البنات علي وقالو غسق جد كم وزنك
هنا وقتها ماعرفت وش اقول شخصيتي القوية راحت من عدد البنات الفضولي ..
وقلت :وش تبغون بوزني يعني بينفعكم لو قلت كم ولا بتساعدوني عشان انزل وزني ..
وحده منهم قالت :غسق اتحداك اذا كان وزنك تحت الميه انا كنت دوبة واعرف كم الوزن ياخذ ..
قلت لها وبدون وعي ومن عيون البنات اللي كانت منصدمه وتناظرني :والله وزني موفوق المية وانتي شعرفك كتلتي تختلف
عن كتلتك .. اي والله .. المهم انتهى بي الحال اصوم ثلاث ايام كفاره لحلفي ..
غسان هزيت راسي بعدم الرضى البنات دائما فضوليين اكثر من الازم مايهتمون بمشاعر الغير اهم شي يرضون انفسهم ..
ابتسمت وقالت :المهم الحين السالفة صارت من الماضي .. وانا بديت اتغير ..
غسان ابتسمت وقلت اشجعها :شي اكييد كانت من الماضي والماضي البعيد بعد ..
عند جود
جود بملل :يما تكفين والله ماطول والله مليت .. مليت يما بدت تصيح بجديه ..
ام ريان ناظرتها :ياجود ياحبيبتي مايصلح تروحين هناك وشو له تروحين كلها كم شهر وترجع
اختك مايصير تروحين لها عند زوجها واهله هنااك وش بيقولون عنك ..
جود :يعني اهم مايقربون لنا .. مابي ابروح يما تكفييين اهئ اهئ اهئ تكفين ..
ام ريان بحنان :طيب خلاص روحي غسلي وجهك .. واذا جاء ابوك .. اكلمه بالموضوع ..
جود مسحت دموعها ووقفت بحماس صج طيب ..
ام ريان وهي تتنهد :لاحول ولاقوة الا بالله الله يهديك يافجر على الأقل كلمتيها وطمنتيها عليك ..
عند فجر وفهد ..
ولا كأن شي صاير بالنسبه لها تدندن وهي تجفف شعرها من الموية اهمم اممم هااها مممم
ويكفي انها مومعبره رهف اللي كانت تتصفح مجلة الأزياء الموجوده قبالها ..
تعطرت بعطر boss القوي واتعمدت تكثر منه عشان تخلي رهف تكح
ليه لا وهي امس مخربة طلعتها وقفت فجأة على صوت كحة رهف وهي تقول وجع يالدبه بسك
ذبحتيني ..
فجر جلست تفكر :الا صج وش صار امس .. حاولت تتذكر وتتذكر لكن للأسف الصداع مومخليها
تفكر بشي غير كوب قهوه امريكيه حار صح مومن ذوقها لكن فجأة اشتهته ...
اتصلت على الروم سيرفس وقالت وهي مومتأكده من اللي تقوله :pless giv me on amerekan coffe
وسكرت بدون ماتعرف الرد حتى ..
تلفتت بأنحاء الغرفة وانتبهت لريموت التيفي وشغلته وبعد مدة زاد صداع راسها بسبب الهذره اللي موقادرة تفهم منها
ولا كلمه .. وفجأة تنهدت :اه يمباراة الهلال اه وربي وحشتيني ..
دخل على هالكلمة فهد وقال :وهذا اللي هامك مباراة الهلال اقول قومي واتوضي وصلي واطلبي من ربك المغفرة
والسماح على اللي سويتيه البارح ..
فجر بتفكير :ليه وش سويت البارح انا ..؟؟
فهد منصدم ابتسم بسخرية وتكتف :انا كم مرة قلت لك لاتشربين اي شي هناا حتى مويتهم مشكوك فيها تقومين
بكل بروود تشربين كوب ويسكي ابيض على بالك موية ..
فجر فتحت عيونها بصدمه وقالت :انت ليه تتبلى علي انا مستحيل اسوي هالشي ..
فهد هز راسه بملل :اوكي براحتك لاتستغفرين وخلي صلاتك 40 يوم ماتقبل براحتك حبيبتي سوي اللي تبغينه
بهاللحظة طرق الباب بخفه :روم سيرفس ..
فهد هز راسه وفتح الباب وخذى القهوة من العربة وقربها من فجر اللي كانت منمدجة بأفكارها وش الي صار البارح ؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
تولين ورنسا
كانت بفستان ابيض فضي منفوش بطريقة انيقه غير الكرستال اللي يزين اطراف طرحتها ومكياجها الدخاني
الكثيف .. كان قلبي يرقع بقووه لأني اشوف نفسي واقفه على الكوشة فصخت عباتي وعدلت شعري وكثفت مكياجي
وركضت لها وضميتها بالموت قدرت اداري دمعاتي ..
بيوم كنا سوى مايفرقنا احد لكن فجأة ومن دخل زياد بحياتنا تفرقنا الله يوفقك ويهنيك ويسعدك يا رشا ..
رشا كانت حطه المنديه فوق الكحل المرسوم بعيونها عشان تجفف دمعاتها قبل لاتنزل على المكياج وقالت
اشتقت لك يالدوبة واشتقت لهبالك ..
تولين ابتسمت :وانا اكثر والله كنت احتضنها بين فتره وفتره لأني مومستوعبه فراقها عني
سلمت على خالاتي اللي عاتبتني على الطريقة الي تزوجت فيها وكيف رضيت لكن ماكان بيدي اي شي اقدر
اسوية خلاص صرت من نصيبه كتبت ربي ..
سلمت على ام زياد اللي انقلبت 360 درجة ماكانت تعطيني وجه كثير وكانت تبتسم غصب عنها وهي تناظرني
حمدت ربي ان ماتسرعت وسويت اللي كانت تبغيني اسوية واللي كانت نفسي تحرضني له ماله ذنب
زياد ينظلم معي .. كنت امشي وبجنبي رنسا اللي كنت احسها شاذه من كل اللي بالحفل
كانت لابسه فستان كستنائي قصير فوق الركبة ولام الصدر بطريقة غريبة وفي فتحتات على شكل مثلثات
بالجوانب وشعرها الأشقر القصير اللي ملورته وخلاه اقصر غير الروج البينكي اللي كانت حاطته والكعب
البني المطرز بالكرستال الكستنائي الفضي .. ..
كانت تتمخطر بكل ثقه عكسي انا اللي كنت منحرجة من قصر فستاني ..
عند غسق
حول المائده مستطيلة الشكل صغيره تكفي لأربعة اشخاص ..
يزينها بالوسط شمعدان سلفر انيق فضي .. تزينه شموع بيضاء ..
وطبق ابيض اطرافه مزينه بزخرفه بسيطه راقيه ...
وكوب كرستالي انيق بجانب الطبق .. مع منديل ورقي ..
حسيت نفسي بمطعم راقي من الأجواء خصوصا المدفأة اللي استغربت انها مشتغله على ان حنا بأبواب
الشتاء يعني الجو ربيعي موبرد مرة ..
كان يجلس قبالي وهو يناظر بالفراغ وبصمت وبدون اي كله قطع هالجو كله .. دخول فتحيه
اللي كان شكلها مايناسب المكان ابدا .. وكانت ترشد الخدامه تضع الطبق بالقرب من غسان ..
وتفاجأت لما تركت الأطباق اللي بيدها كلها بجانبي .. عقدت حواجبي كان الأكل كثيير
وغير كذا يشهي ولأني من زمان عنه .. غمضت عيوني وقلت بهمس :مشكورة بس ممكن تشيلينهم عني
لأني مسوية دايت ..
فتحيه لمت يدينها على بطنها وقالت :ياختي كولي الست ملهاش غير جسمها تعطيه لجوزها ..
مفيش حد بفيدك الوقت اللي بتحتجيهوش ..
غسق عقدت حواجبي من طريقة كلامها وش تقول ذي ..
ابتسم غسان بحنيه وقال :كليه بس اليوم ..
غسق رفعت حواجبي مستنكرة :وليه بالله ماتاكل انت منه ..
غسان ابتسم ونزل راسه يداعب بمعلقته طرف الطبق .. :تعودت على طعم اكلي ..
غسق لفيت لها وقلت للخدامه اتجاهل وجود فتحيه :عطيني مثل اكله ..
وزحت الأكل اللي جابته لي وقلت بأحراج :مشكورة فتحيه بس معليش انا احاول قد مااقدر مااكل اكل مثل كذا ..
فتحيه شالت اطباقها وكأنها مستنكرة مني ومنقهره .. :على راحتك ياختي ..
عند فجر ..
مليت من كثر التفكير وقفت وتوجهت لغرفتي وانا ناوية اغير ملابسي
واروح لخالتي المسكينه للحين موراضين يسوون لها العمليه قبل ماتخلص فحوصاتها ..
مالقيت فهد بس رهف اللي كانت نايمه .. اتصلت عليه اكثر من مرة لكن ماكان يرد على جواله
رسلت له رساله (تراني رحت لخالتي بالمستشفى *_*)
ولبست البالطو اللي باللون اللحمي والأيشارب المشجر بالببني والوردي ..
وضعي كله ترقيع واكثر من مره الخانم رهف تهزئني بس وربي اعاندها ولا علي منها من بيطالعني يعني
ويييع ... بس وربي جيعانه .. حطيت يدي على بطني وانا بالمصعد ..
ومشيت وانا امشي شدتني ريحة الخبز اللي يخبزونه بهالوقت .. دخلت المخبز ..
واشتهيته اكثر .. جى ببالي ليه مااشتري لي ولخالتي مسيكينه ..
اخترت اكثر من نوع خبز فرنسي مع كوروسان بالزبدة والسكر ..
وغير الأشياء الثانيه اللي اخترتها .. هميت اطلع جازداني وانا بكل ثقه
تفاجأت وين الجازدان .. لا مستحيييييييييل ابقى بالمحل كذا والمحل مليان زباين
يافشيلتي ياربيييييييه مااتخيل .. لو برجع الفندق الحين بيفكرني لعابه وبعدين كيف بفهمه اني ابروح
الفندق وبرجع .. اتصلت على فهد ومارد اتصلت على السواق اللي يوصلني معه هم مارد ..
جى ببالي رهف وقررت اني اذل نفسي لها بس هالمره ..
اتصلت عليها ومن حسين حظي ...نومها خفيف ردت علي من ثالث رنه .. :آآلوو
فجر وجات ببالها فكرة وقالت وهي تسارع بنفسها :رهف انقذيني موعارفه وش اسوي لا بعدوا عني لا .. ((كل اللي بالمخبز لفو يناظرونها بستغراب ))
غطت التلفون بيدها وقالت :سوري سوري .. سوري
رهف بخوف :وش فيك يالخبله ..
فجر وهي تكمل تمثيلها قامت تهمس :في ناس يبون يخطفوني وقالو مارح يتركوني الا اذا عطيتهم فلوس
تكفين رهف مالي غير بعد ربي .. اتصلت على فهد مايرد وجازداني بالبيت جيبيه لي وخلصيني منهم انا قريب من المخبز
اللي جنب الفندق .. وصرخت صرخه اخير لاااااااااااااااااااااااااااااااااااااااااااا وسكرت بوجهها
وهي تفجر ضحكاتها الخبيثه :ههههههههههههههههههههههههههههههههههههههههههههههه ههههههه
الكل كان يفكرها مجنونه لدرجة ان الأطفال كانو يبعدون عنها تبعا لما يأمرهم اهاليهم ..
رهف بخوووف :ياربي لا وقفت بسرعه وكل اللي سوته البست جاكيتها الطويل الصوفي وربطته بأحكام تحت بنطلون وتيشيرت البيجاما
ولبست القبعه المتصله بالجاكيت بعد مالفت الأيشارب على رقبتها وتناست جزمة الله يكرمكم البينك المليانه فرو
وسحبت جازدانها الجلدي الأحمر وركضت بسرعه جنب المخبز تنقذ فجر من اللي اهي متجاهله نظرات الناس لها ..
عند تولين
كان الكل يسألني منهي البنت اللي جنبك..؟؟ ..مخطوبة ولا لسى .. ؟؟
احلفي حماتك ليه انتي متى تزوجتي ؟؟؟ الخ الخ الخ
اسأله مالها بداية ولا نهايه .. انتهى اليوم في اللحظة اللي قالو فيها بيدخل ياخذها معه
سبحت رنسا ومشينا .. ودعتها ووعدتها اني ابزورها بعد ماترجع من تايلند اهي وعريس الغفله ..
ركبنا مع السواق كالعاده ورنسا ماوقفت كلام عن وش صار ومنهي فلانه ونظرات فلانه موحلوة سوالف الحريم كالعاده
كنت ابرجع اللبيت وانا ناوية انفجر فيه وش معنى الناس كلها يصير لها زواج وانا لا ..
يعني صراحه موحلوة .. وش بيقولون الناس عني بس تدرون وش اللي قهرني اكثر شي
بالزواج نظرات زوجة ابوي اللي انتفخت كرشها عشرة متر وجالسه بفستانها النيلي على الكرسي ومادة كرشتها
الله ينتقم لي منها ولا كان انا الحين ببيت ابوي جالسه على مسلسلاتي واكمل هبالي ...
واللي قاهرني زياده هذاك اليوم رحت وانا احس نفسي بموت من الم جسمي ولما صارت المصيبه
وملكنا وخلاص .. راح كل التعب .. اييه ربي كاتبني له وش اسوي الحمد الله على كل حال.. شي احسن من شي ...
عند غسق ..
كنت جالسه اكل بصمت وهدووء وكانت نظراتنا تلتقي بين لحظة والثانيه ..
خفق قلبي لما ذكرت انه بعد كم ساعه رح يمشي ..
وقف وقال وهو يمسح فمه :الحمد الله .. انا رايح انام ساعه بس .. لأني تعبان ..اوكي ..
غسق ناظرته بنظات مابي اتركك بس تذكرت حوض السباحه خاطري اسبح :قلت اوكي براحتك
انسدت نفسي على غير العاده عن الأكل لما قام وقفت واشرت للخدامه تجي تشيلهم ..
وخذيت شنطتي .. وتوجهت الحوض السباحه بحماس ..
كان الحوض مكشوووف وحوولة .. شلال كبيييير يصب في حوض السباحه غير الشمس المتركزه على الحوض وصاير شكله
خوقاقي ..خصوصا المنظر .. وبدون اي تردد فتحت شنطتي وخذت البرمودا والبدي وغيرت ملابسي ..
وجهز منشفتي قريبه ورميت نفسي بالماي وتفاجأت من برودة الماي لكن كل هذا ولا شي بالنسبه للوناسه اللي انا فيها ..
عند فجر ..
كنت مكتفه يديني واناظر بباقي انواع الخبز انتبهت لجوالي وكانت رهف تتصل القيت نظره على بره وابتسمت
بخبث وانا اشوف وحده حاطه قبعه الجاكيت البينكي على راسها وتتراكض قريب من المخبز
وتتلفت بخوف .. وربكة ويدينها ترتجف والجوال بيدها ..
طلعت لها وقلت رهف ...
لفت ناظرتني وانصدمت من رواقة اعصابي وقلت لها وين الجازدان ..
رهف كانت تناظرني بصدمه مومستوعبه اني كنت اكذب عليها ..
انتبهت للجازدان الأحمر الجلدي .. بيدها وسحبته وقلت الظاهر انك كنتي مستعجله ونسيتي
جازداني الكذا ابتسلفهم منك واذا رجعت البيت ابرجعهم لك ..
خذت منها 5000 فرنك .. ورجعت الجازدان بيدها تفاجأت بيدها اللي سحبت الفلوس فجأة ومزعتهم ورمتهم بالأرض
وفوق كذا داست عليهم بعصببية وقالت :مالت عليك يالخايسه انا تسوين فيني كذا شوفي كيف طلعت من الفندق لأنك
خوفتيني عليك وبنهايه تبين تشترين خبز وماعندك فلوس ..
مسكتها من ياقة البالطو حقها .. وبعصبيه قالت :انتي كيف تسوين شي مثل كذا ياتافهه تخليني اجيك كذا خايفه عليك
عرض اخوي لايروح فيها وتسوين كذا فيني ليييييييييييييييه .. بدت حالة رهف العصبية وعطتها كف قوي على وجهها
غير انها شدت حجابها عشان تشيل كشتها تجمعوا الناس عليهم وسط استغراب الناس بنتين يتخانقون وحده عربيه والثانيه
مومعروفه جنسيتها بسبب قبعتها
عند ام ريان وجود ..
جود فتحت عيونها مومصدقه :صدق يماا اروح متى ..
ام ريان ابتسمت لفرح بنتها :بس ترى كلها يومين وبترجعين لاتنسين ان وراك مدرسة ..
جود لوت فمها :اوكي يلا متى اروح ..
ام ريان بتساؤل طلعت تذكرة الطائرة وقالت :والله مدري شوفي التاريخ المكتوب عليها .. جود شوي
وتطير بالهوى من الفرح كانت الطيارة على الساعه 3 الفجر ..
ناظرت الساعه بقهر كانت الساعه توها 2ونص الظهر اووف مر ياوقت بسرعه
اومي ابروح اجهز اغراضي اوكي .. وبدون مااسمع ردها طرت لغرفتي اجهز اغراضي ..
عند تولين ..
دخلت بتعب ورميت عباتي على الصوفا المخمليه بالغرفة وانبطحت على السرير بتعب ..
وانا اتذكر كل ششي صار بالعرس مرة ثانيه ابتسمت فجأة قمت عشان اغير ملابسي ..
قبل لايجي نيشان ويشوفني اليوم عليه مناوبه بالمستشفى .. الكذا بيتأخر .. وقفت وصرخت بخووف
من شكله كان واقف قبال ويناظرني بتعجب على اللي لابسته ... !!!!!!!!
قلت وانا انزل الفستان بيديني قد مااقدر :بسم الله انت موعليك اليوم مناوبه ..
كان يناظرني بنظرات غريبه موقادره افسرها اهي اعجاب او صدمه ..
تركته بمشي لكنه خلى يده على ظهري وصار مثل اللي حاظني وقاال وهو رافع حاجبه بنظرة اعجاب ..:اكيد ومستحيل
تكونين رحتي العرس بهالملابس .. صح ..
ناظرته بخووف رهبه من ملامح وجهه الي تغيرت وبقيت ساكته ...
نيشان يكمل وهو يبعد خصلات شعري عن وجهي وقال :اكيد هذا لابسته لي صح ..
تولين عقدت حاجبي بستنكار مع تعبير مستحييل ولا افكر وقلت :هههه وش هالثقه .. طبعا لا ..
سحب شعري من ورى وقرب وجهي من وجهه وقال :يعني كنتي لابسه هذا بزواج اختك ..؟؟؟
تولين كنت افكر بحل يطلعني من اللي انا فيه وفجأة حطيت يديني على وجهي :اهئ اهئ اهئ آآآآآآآآآآآآآآآآآآآآآآآآآآآآآآآآآآآآآآآهئ
ابي امي اهئئ اهئ ..
تركني فجأة بخوف وقال :وش فيك .. بسم الله ممداك طلعت دموعك ..
تولين لقيت تمثيلي تحول لحقيقه وكأني كنت ابغيها من ربي تجيني فرصه ابكي فيها ..
ليه تعاملني كذا لو كنت ماتبغيي خليتني اتحمل الهم اللي انا فيه وابقى ببيت ابوي احسن لي انا مااتحمل ..
كذا اختي تتزوج وتنزف لبيت زوجها مثلها مثل الخلق وانا كأني متزوجه مسيار محد
تفاجأت بصفعه اللي جاتني منه حطيت يدي على خدي صدمه +صدمه +صدمه
عند فجر
كنت احاول ابعدها عني لكن مافي امل حالتها خلاص فقدت طورها عصبيه مجنونه ..
رسمي كان الكل يحاول يبعدها لكن مافي امل كانت تشد شعري وفوق كذا ترفسني برجولها ..
ماكنت عارفه ابعد يدها او رجلينها وغير كذا الصداع اللي براسي واحس نفسي مو متوازنه ..
تفاجأت باليد اللي طوقت ذراعينها بشال اسود قاتم .. وغير كذا احتظنتها من وراها بأقوى ماعندها تحاول
تهدي من عصبيتها ..
عند فهد ..
كنت امشي مع فيصل صديقي .. اللي رجعت للفندق معه عشان اخذ العقد لتوقيع الطرف الثاني ..
تفاجأت بالتجمع اللي صاير قبال المخبز القريب من الفندق تجاهلته ومشيت لكن ؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟
عند غسق ..
خذيت نفس عميق بعد المدة اللي ابقيت راسي فيها تحت الموية ..
واحاول ابعد خصلات الشعر المبلولة اللي التصقت بوجهي .. تفاجأت بصوت .. اشششششششششششششششش
لفيت ولقيت جسمه يعوم بالماي .. وقميصه مرمي على طرف الكرسي .. ورفع جسمه .. عشان ياخذ نفس عميق
وشفتها لما كان يمسح عيونه من الموية .. شفتها الندبه اللي قالت عنها نارا كانت بالجهه اليسرى يمين القلب ندبه خط
ضعيف لكنه مموه بالجلد لكن اثر الندبه موجود للحين ..
غسان صحيت بعد ساعه ودورتها ومالقيتها .. توقعتها تكون بحوض السباحه وصح ظني ..
اشتهيت اسبح لما شفتها تلعب ومهيب عارفه تكون حركه عدله بسبب كتلة جسمها ..
لقيت نفسي تفاعلت وطبقت اللي ببالي لما فصخت قميصي ..و
ناظرته بحزن وشفقه وقلت بحزن داخلي :ياحياتي وربي انك ماتستاهل ..
الله يشفيك ويساعدك .. تفاجأت بكومة الماي اللي انرمت علي .. شهقت بقووة من هول الصدمه وقلت :لااااااااااااااااااااااااااااا
ابتسم ابتسامه صادقه :ههههههههههههههههههههههههه ههههههههههههههههههههههههههههه وشو لا ورش الموية علي مرة
ثانيه وانا اصرخ وارتجيه يبتعد عني .. لأني موقادرة اشوف بسبب كشتي اللي طاحت على وجهي ..
غسان قربت منها وقلت بصدق نيه :وش ودك فيه بهاللحظة ابسوي لك اللي تبين ..
غسق ابعدت خصلات شعري وقلت وانا مومستوعبه شي :مثلا ايش .. اطلب يعني ..
غسان بتفكير :مدري ابعد من الواحد للثلاثه اذا ماقلتي طلبك .. خلاص مارح انفذ لك شي ..
غسق كان بأمكاني بهاللحظة اطلب روحتي معه لسويسرا اواطلب اني ابقى ببيتهم .. اللي اهو قفص الزوجيه على قولتهم ..
بس بدون احساس ووعي مني ومن نظراته المبتسمه ونيته البريئة وهيبته البارده وندبته البارزه وخوفي علي
اني افقده ومااشوفه وبأحساس لاشعوري .. قربت منه وحظنته ... ؟
*____________*
*يتبــ؏ . .*
*اتفاعلو لنڪَمل نشر الروايه .*
*باشراف : ذاتي .*
*____________*
#روايات_سعوديه .
*`تقييمك للبارت من` 🔟 ! !