الفصل 17
*– ࢪواية :«تكفى لاتعلم ابوي اللي فيه يكفيه.».*
*عداد ألباࢪت: «17».*
*– الڪَاتبه :مجهوله».*
*▭𝅼▬࣪▭𝅼▬ׄ▭𝅼▬࣪▭𝅼▬࣪▭𝅼▬ׄ*
*قناه : روايــات سعوديــه 🎀🎀.*
*____________*
> *الروايه لاتلهيڪم عن الصلاھ اللهم بلغت اللهم فأشهد .*
*_________*
غسان صحيت على صوت الموية ..ولفيت للتجاه الحمام الله يكرمكم وانتبهت للزجاج اللي تغطي البانيو ..
وشفت ظل جسمها المليان .. واللي ماتوقع ان في انحنائة وحدة من عرضة .. لفتني منظر يدها اللي كانت
تتسارع عشان تغسل شعرها الطويل وترفعه لتغسل رقبتها متوسطة الطول ..
وانتهت بأنها سكرت صنبور الموية .. وطلعت وهي تلف منشفة حمره توصل لركبته وشعرها مرفوع بمشبك
وكاشف عن اكتافها ورقبتها .. ابتسمت يوم شفتها تناظر السرير وجالسه تحاول تنتبه لعيوني ان كانت مفتوحه او مغمضة
وجلست اناظرها والظاهر انها ظنت اني مغمض ..
انصدمت لماشفتها تجي ناحيتي .. وكأنها تتأكد مرة ثانية من اني صاحي ولا نايم ..
تنهدت لما شافتني مغمض عيوني .. وراحت جنب التسريحة وجلست تحط لها لوشن .. وهي تختلس النظر كل دقيقة
تتأكد اني نايم ..
فجر
كانت جالسة تلعب بلاي ستيشن .. على شريط مصارعه قدييييم .. كان عندها ..
وفي وسط حماسها وظربها للبنت اللي كانت تسميها ام كشه خضره .. انفتح الباب ودخلت
جود ووراها ناريز .. اللي سكرت الباب ...
فجر وقفت وهي تحط ستوب :ياهلا بالطش والرش والماي المزركش شخبارك ياعسل
ناريز ابتسمت وهي تحتضنها :بخير وانتي وش اخبارك . ياحلوة ..
فجر :الحمد الله ..
جود ترمي الأكياس على سريرها .. :فجر بسرعه خذي هالفستان وروحي قيسية بنتأكد من شي ..
فجر بدت تقلب بعيونها بمللل :وييييييع من جدك انتي وياها ماابغى فستان مهوب غصب
ناريز بنذاله :ترى مافيه روحه لتشاينا ..
فجر فتحت عيونها بصدمه :جويدووو ليه قلتي لها ..
جود ابتسمت بملل :لأنها سألتتني وش جايها الأخت فجر عشان تلبس فستان ..
فجر بدون اي كلمه وبملل خذت كيسة الفستان بدون ماتشوف كيف شكل الفستان ..
فتحت بوابة الدولاب اللي كانت كأنها غرفة وبعدها الملابس معلقة .. وسكرت البوابة وفصخت ملابسها وبعدها طلعت الفستان ..
عند تولين .. ورشا
اليوم رح يجوون ام زياد وزياد عشان يسوون الشوفه الشرعيه ..
كان الوضع مكركب .. وموعارفين بالظبط .. مين رح تخطب .. ام زياد لزياد كنت خايفة وقلقانه موحابة اني
اكره اختي بسبب .. انها بتاخذ حبيبي ..
الفكرة موراكبة راسي من الأساس .. ولكن الصدمه لما اتصلت خالتي وقالت ان ام زياد تبغى تخطبني انا
تولين لزياد .. انصدمت لاتفاجأت .. كيف معقولة اهو راضي ..
طرت من الفرح ورشوش حياتي فرحت لي كثير بس حسيت في ظل حزن بداخلها ..
يمكن لأنها بتفارقني ..
طبعا ابوي لاتعليق كان كلامنا معه قليل بس تبون شي .. سوي الغدا .. الغدا جاهز ..
وطبعا اهو اللي فاتحنا بموضوع ان ام زياد جايتنا وبتخطبنا وكان ردنا ولا شي ..
المهم اني رديت بالموافقه بعد يومين واستخرت .. ماحسيت بأي شي مارتحت ولا رتحت يعني كأنه شي عادي ..
..
صحيت الساعه 2ونص على صراخ رشا اللي كانت خالتي معها يبخرون ويرتبون البيت ..
خالتي :تولين بيجيك شي والله من كثر النوم قومي ساعدينا ناظري الساعه كم ..
لفيت للساعه وانا كلي نوم وانصدمت لماشفتها الساعه 2ونص .. يالله نمت كثير لأني نايمه الساعه 12ونص امس ..
شوفي كم صلاه فاتتني قمت وتوضيت وصليت .. احس بجووع فضيييييييييع من عرفت ان ابوي متزوج وانا شهيتي مفتوحه بشكل
موطبيعي ..
نزلت للصاله ولقيت خالتي جالسة تكلم بالتلفون زوجها ورشا جالسة تعلم الخدامه طريقة ترتيب الصوفات ..
دخلت المطبخ ولا كأن اليوم رح اشوف حناني .. يالله احس بشوية خوووف وشوية حماس ..
خوف انه يرفضني وقدام ابوي اذا عرف انه انا تولين .. وحماس وش بيصير بعدين
فتحت الثلاجه وشفت كرتون كبيير من محل كب كييك يالله كأنهم يدرون اني مشتهيه كب كيييك طلت الكرتون الكبير
وفتحته وحطيت لي بصحن بسرعه وسكرته ورجتعته الثلاجه وانا اضحك بخبث خالتي بتذبحني ان عرفت .. هع هع
عند فجر
كانو جالسين يناظرون بعض بقلق وهم عارفين ان فجر مستحيل ترضى تلبس مثل هالملابس
بس الصدمه لما طلعت وهي ترمي الكيس بوجيهم :كلو تبن ياشيخات وش رايكم البس بكيني واطلع للرجال كذا بيقول
هذي مفشوحه ماصدقت خبر تلبس كذا .. وععع
ناريز وقفت وضربتها على راسها :بلا كلام ماله داعي وشوو تبن ماتبن .. وبعدين عادي هذي الموضه هالأيام
ومنو قالك بيقول عنك مفشوحه .. بعدين انتي من وين جايبة هالمصطلح
فجر ونست السالفه وضحكت بخبث :مصطلح حلللو صح ..
جود هزت راسها بيأس :انتي حدك فاصلة مافي غير هالفستان وانقلعي .. اي والله الناس بيجون بعد يومين وانتي موهامك شي ..
جالسه على موبارياتك اللي ماتخلص .. ولاجالسة تلعبين كورة اللهم ياكافي ..
فجر وقفت ومسكت الكورة وشاتتها بقوة وارتدت واضربت رجل جوود ..
جود بعصبية :يالخايسة آآآآآآآآآآآآي
فجر ترفع حواجبها بغيض :محد قالك قولي كلام ماله داعي
ناريز تفرق بينهم لايتخارشون :بس انتي معها .. الشرهه موعليك انتي وياها علي انا اللي اجلس مع بزارين
وقفت وعدلت شيلتها على شعرها ووقفت متجهه للباب :يلا باي اشوفكم بعد يومين .. ههههههههههههههههههههههه
عند غسق ...
احس بملل فضيع يليت نرجع للرياض احلى اووف .. ملييت ..
وقفت وتوجهت عند سريره وقلت بهمس :غسان غسااان غسان
غسان فتح عيونه وناظرني :هممم وش تبين ...
غسق ناظرته وانا اسوي نفسي مسكينه :متى نرجع الرياض مليت طلعات مانطلع ودايم بالفندق وش نسوي
غسان ناظرني وهو يعدل جلسته :يعني انتي عاجبك تطلعين بهالجو .. الواحد يموت من البرد .. وينتهي بعد
غسق ناظرته برجا :طيب خلاص انت قلت بنمشي اليوم قوم :نتمشى ونصور كم صورة ونشتري كم شي لخواتك وخالتي وامي ونرجع ..
تكفى يعني تخيل ارجع الرياض واذا سألوني وش شريتي وين صورتي ماعندي اي شي اثبت لهم فيه .. اني حتى طلعت برى المملكة .. يلا
غسان وقفت لأنها كسرت خاطري معها حق من وصلنا واحنا ماطلعنا الا قليل حتى ماشرينا ولا شي .. على الأقل لأمها وامي ..
غيرت ملابسي بعد ماصلينا العصر وطلعنا ...
تولين
واخير اللحظه الحاسمه ..
الحين اهم يتكلمون تحت مع ابوي وخالتي اسمع صوته اي صوته اللي مسبب لي رعب كبير .. قلق وخوف ..
ياربي انا بسلم امري لك .. لاتحرمني منه .. رجوتك يارب ..
لفيت لقيت رشا كانت جالسه ترول الكم خصله اللباقيه من شعرها عشان تنزل جنب خالتي وكذا
ناظرتني :مارح تغيرين بسرعه ..
قربت منها بخوف وحظنتها من وراها وقلت :رشوي خايفه.. وقسم خايفه
رشا بتعجب :من شنو خايفه ؟؟
تولين برتباك :مدري مدري خايفه وبس ..
رشا ناظرتني :اقول مدامك ماتدرين غيري بسرعه عشان ننزل ولا ابنزل قبلك ..
تولين قلت بسرعه :لاتكفين ابنزل معك يلا بلبس بسرعه ...
لبست ميني دريس لونه احمر اكمامه حايرة ومتمسك اليدين .. ولبست سلسال من لولو طويل ... وكعب احمر
وماكثرت مكياج حطيت بلاشر احمر وقلوس احمر فاتح .. ورفعت شعري على جنب بطريقة مبعثرة ..
ونزلت لما سمعت خالتي تقول :تولين يما تعالي ..
طلعت وانصدمت من الخاينه رشا .. اتركتني .. وراحت .. اوووف ..
سميت بداخلي ونزلت ماكنت عارفة اوزن طولي عدل .. من كثرت ارتباكي وخوفي اطرافي كانت ترجف ..
وقسم شعور غريب مدري كيف .. لميت يدي على شكل قبضة وحاولت اتماسك فيهم ..
لكني وبدون شعور لقيت نفسي متدحرجة من بداية الدرج لنهايته ....
غسق
سرعان ماتلاشى شعور الرغبة بالخروج مع هالجو ..
يالله برد وقسم بالله برد والله مابعد ننزل من السيارة ..
لميت جسمي بيديني .. وانا لفيت اناظره وطبعا كالمعتاد .. كان لاف الأسكارف على رقبته
وبعده يلتف على وجهه وخشمه وفمه .. وعيونه مغمضها .. وقسم احسه ساعات
الله يكرمه طبعا حيوان الكوالا بأي مكان يغمض عيونه وينام .. ويييع استغفر الله ياربي ..
غسان ابتسم ولف يناظرني :بسك اكل في لحمي اذني قامت تعورني ..
غسق انصدمت :كيف عرف اني اتكلم عنه ياربي .. ذابحني هالأنسان وش يحس فيه .. قلت برتباك :ومنو قالك اكل في لحمك
وبعدين مع منو بتكلم عنك ..
ابتسم وقرب مني وانا ابعد عنه من الربكة لقيت نفسي مسنودة عند باب السيارة المغطى نافذته بالثلج ..
ناظرته بخوف الخايس يعرف تأثيره علي قال وعلى فمه طيف ابتسامه :لا تكلمتي فيني مع نفسك موزين ترى بعدين يصير بهذا شي حط
صبعه على قلبي بالظبط وقف شعر جسمي كله من كلامه علموني ياناس وش اسوي فيه اذبحه صح احسن اذبحه
قلبي زادت دقاته .. ووجهي تحول في هالبرد لحرارة طاغيه .. احس بحرارة داخليه غير عن اللي بخارج جسمي ..
اوووف ..
انصدمت لما شفته بعد عني وتلت وجهه ابتسامه وبعدها ضحكه صاخبه مسك يدي وحطها على وجهه ..
اي زين كذا ..خلينا نمشي .. كان ماسك يدي بيده ويحتظنها بقوة ويقلب فيها على كيفه ..
فجر ..
استسلمت للأمر الواقع ..
ابلبسة وامري لربي .. كان الفستان ساري هندي .. بس بطريقة اول مرة اشوفها .. كان ينلف على الرقبة ويكشف الظهر من بدايته الى اخر فقرة بالعموج الفقري ..
وبعدها تنوره قصيرة تكون فوق الركبة .. ويغطيها قطعة شيفون كبيرة مزينه بالخرز .. كان يكون شكل قصير وطويل بنفس الوقت
والصدر كان ممسوك بشكل مدري كيف .. وفوقها شال يغطي الراس ..
امي اجبرتني البسه عشان تشوف شكله علي .. ياربي كنت طول الوقت وانا اعدل اطرافه احس بشي غريب وكأني عارية
اهو صح ابلبسة جنب زوجي المستقبلي بس مو من اول لقاء يلبسوني كذا صج تفكيرهم منحرف ..
بكرة رح اكون لشخص ثاني .. احساس غريب والله ..
قطع تفكيري صوت جوالي .. برنه تايوانيه كنت حاطتها لنارا وبس .. جلست اغني معها وانا بطريقي لجوالي ..
يوشيهو وجنادا جادا هاوشيوا سيراني شانا داومي شاو جيشينتشادوناشا .. :ياهلا .. وغلا بأحلى بنات الرياض والمملكه العربية السعودية ..
غريبة ليه متصله برقمك السعودي ..
نارا :طيب خليني اتكلم شوي ياهلا فيك ممكن تفتحين لي الباب ..
فجر منصدمه :افتح لك الباب ليه جايبة لي هديه وانا مدري ..
نارا بغير المعتاد يعني تبغيني اكسر الباب وادخل ترى فهودي في السيارة مابيقول لا ..
فجر :لايرحم امك .. تبين تفضحينا .. لا اصبري الحين افتح .. لك ..
نارا :ههههههههههههههههههههه طيب يلا ..
تولين
فتحت عيوني بصعوبة من الصدمه حسيت بيد خالتي تحتظني بسم الله عليك حبيبتي
قلت لك لاتلبسين هالكعوب اللي مافي من وراها
الا الهم .. حسيت بأحراج كبييييييييييييير قامت ام زياد وقربت مني وانحنت قومي حبيبتي ..
وساعدتني مافيك الا الخير انشاء الله ..
جلست وانا موقادر اتكلم من الأحراج فتحت عيوني لقيت نفسي بالأرض كيف
.. ياهي فشلة وقسم ماانصحكم تجربونها هع ..
غسق
مشينا ودخلننا محلات مدري من وين جايبينهم يجيبون الألم ..
احترت وش اشتري بالظبط شرينا اكسسوار لرهف وسماعات من الفرو تشبك بالأيبود وتشي .. لنارا ..
وخالتي شرينا لها جزمة من الفرو للشتاء وامي شريت لها ساعه من الجلد ..
وبس .. ماكثرنا اشياء لأن صراحه اشيائهم فاشلة ..
صورت صورة معه جنب الثلج وباين انه متضجر شوي ويلوحني بأقرب شي عنده وصورنا المناظر الطبيعيه اكثر
\شي وانتهى اليوم المتعب على خير ..
فجر
حظنتها بقوة :وحشتيني يالباردة ..
نارا جلست تضحك بشكل هستيري :ههههههههههههههههههههههههههههههههههههههههههههههههه ه طيب اتركيني ..
فجر تركتها :حمد ىالله والشكر نسيت انك تضحكين وكأن حد يدغدغك اذا حظناك ..
نارا وتأثير الضحك عليها :هههههههههههههههههههههههههههههههههههههه لاتنسين المرة الجايه ..
فجر وهي تسحبها لداخل البيت :طيب يلا .. يلا .. خلينا ندخل خست من هالجو ..
نارا :طيب ..
دخلو غرفة فجر بعد ماسلمت على ام ريان وجود ..
غسق
وقفنا عند كوفي .. لن الجو زادت برودته والسامج غسان كنا واقفين جنب محل للأكسسوارات وتشذي ..
قرب مني وقال بهمس:غسق ..
ناظرته بسرعه وقلت :نعم
قرب اكثر وقال :احببك ..
انصدمت ودقات قلبي زادت واحس بقشعريرة وكأن ريح مرت علي ... وناظرته وانا مسبله بعيوني منصدمه معقولة ..
وفجأة :ههههههههههههههههههههههههههههههههههههههههههههههههه هههه
ناظرته منفجعه وش فيه :انصدمت بيدينه تنحط على وجهي :مفعولك سريع ...
مافهمت بالبداية لكن لما شفته يحط يده بيديني .. ويحظنهم عرفت انه قال هالشي عشان يدفي عمره وبس
يعني ماهمه شعوري ماهمه احساسي ليه هالأنسان اناني لهدرجة ..
يالله اكره هالشعور اكره ضحكته الي لما اسمعها قلبي تدق اجراسه اكره .. حنانه بعض الساعات لأنه يأثر فيني ..
معقولة مايحبني صج ولا حتى لو اشكل له مكانه بقلبه لو شوي بس ..
لفيت وانا كلمته اذكرها احس بالأحراج ليتني ماسبلت عيوني منصدمه زين اني مابتسمت ولا كان صارت مصيبة اكثر ...
اوووف ...
غسان قلتها عن مزحه بس بعدها حسيت بمفعولها عليها نسيت انها تجرح انا وش فيني ..
لاحول ولا قوة الا بالله الحين انا اقول الناس اذا جرحتها قاسية كيف انا ..
شفت مزاجها اعتفس وقلت ابلطف الجو :وش رايك نروح كوفي تراني جايع ..
ناظرته وهزيت راسي بمعنى :طيب ..
دخلنا الكوفي وجلسنا .. على طاولات تقابل حوض كبير من السمك .. وكانوا البطاريق يسبحون وبعدها يطلعون من الموية
حتى الفقمه منضر مرريييح ومن كثر اندماجي فيه ..شربت الهوت شوكليت وهو حار بدون ماانتبه وحرقت لساني اححح
شعور مؤلم ... وبدون شعور طلعت الساني من الحرارة .. ناظرني .. بسرعه ومد لي منديل :بشويش الله يهديك
موكذا الناس يشربون .. خذيت المنديل بأحراج كأني بزره حتى شي حار مااعرف اشرب ..
كانت الحرارة تزيد اذا دخلت الساني بس اذا طلعته تخف طلعت لساني بشكل لا ارادي وجلست احرك يديني ابغى اخلي الهوى يجيه
غسان تفاجأت بلسانها اللي طلعته وبدت تحرك يدينها تهوي عليه .. عقدت حواجبي :خير عسى ماشر ..
غسق ناظرته ببؤس والم :حار يألم ...
غمضت عيوني بقوة لااعصب :الناس تطالعنا وش تبغيها تقول ..هذي حركه موزينه دخليه
غسق تفاجأت من رده بس حسيت شكلي صج غلط خصوصا اني محجبة ومطلعه الساني كذا ..
نزلت راسي وسويت نفسي مومهتمه .. من الأحراج
تولين ..
جلست جنبها وجنب خالتي ..
ولما قامت خالتي وتركتني مع ام زياد تفاجأت لما لفت ناحيتي وقالت ..
يابنتي انا ابغيك زوجه لزياد .. لكن زياد يبغى اختك وانا مقنعته بك انتي .. بس اهو رافض ..
الظاهر لأنه شافك قبل لايخطبك واهو تفكيره دايم كذا وانا مصره ابغيك انتي له ..
الكذا مابيك تتحسسين .. وابيك توقفين معي ..
انصدمت انصدمت انصدمت .. يعني معقوله قال لأمه مايبيني .. ليييه طيب لييييييييييييه ..
يعني وكأني راميه نفسي عليه وكأني انا اللي اترجاه يخطبني .. بلعت غصتي اهي كرامتي راحت راحت
من يوم اللي فشلني في بيتهم يعني الوضع عادي لو تحملت شوي .. انا راضيه لو يتزوج علي بس انا احبه
مااتخيل حياتي بدونه وجنب امه بدت عيوني تعلن لمعانها وسقوط شلالات منها .. وقفت وقلت :طيب خالتي انا معك عن اذنك شوي ..
ام زياد وقفت :تولين يما ليكون زعلتي اذا كنتي رافضه قولي مارح ازعل ترى عادي ..الوحدة موكل يوم تتزوج ..
تولين حاولت ظبط صوتي وقلت :لا خالتي انا موافقة ..
ام زياد ابتسمت بفرح وبان بصوتها :طيب اجلسي جنبي شوي ..
تولين بوهقه تصنعت الحياء :يو خالتي شوي وانزلك ..
ام زياد ابتسمت تلتها ضحكه صاخبه :هههههههههههههههههه ياحليلك طيب لاطولين ..
تولين .. ماعرفت كيف وصلت لغرفتي دخلت على طول لدورة المياه الله يكرمكم وقفلت على نفسي الباب وجلست اصيح
يالله .. شعور مؤلم انك تعرف ان في شخص مجبور عليك ... موعارفة وش اسوي بس قلبي يبيه يبيه بأي طريقة ..
ابي اكون بيوم من الأيام شي مهم بالنسبة له مثل مااهو شي مهم بالنسبة لي ..
عقلي يقول اني اذا تركته بلاقي احسن منه بس انا ابغيه ابغيه بأي طريقة ...
ياربي ساعدني ساعدني مليت والله مليت ...
فجر
احلفي انا شفتها هذاك اليوم بس ماجلست معها كثير .. اهي دبدوبة بس جميله .. ملامحها هادية ..
وطيوبة بس شكلها تستحي .. اذكر الي عرفتني عليها ناريز .. وجلست اسولف معها رؤس اقلام مو مرة ..
بس مو انتي رحتي بيتكم غريبة ماشفتيها
نارا وهي تلعب بخصلات شعرها :لا انا مارحت للبيت رحت مع فهد شقته لانه غسان ومرته مسافرين الا صج وش اسمه
فجر تفكر :غسن او غصن او يمكن غسق كذا شي من هذيلا نسيت اصلا ..
نارا بعدم اهتمام :اها ..
فجر :اي قولي لي وشو له جاييه .. الرياض .. وتاركه امك
نارا ابتسمت بخبث :ليه ماقلت لك ان خطبنا لفهود
فجر بفرح :صجج منو ..
نارا تكمل خبثها :وحده ماتعرفينها تقرب لأمي .. امي قالت له عنها ووافقت ..
فجر بصدق :ياحياتي باركي له .. ومتى بيملك
نارا :بكرة المغرب
فجر بصدمه :يعني نفس الوقتا للي بملك فيه يعني مارح تحظرين .. جنبي
نارا :لا منو قالك ابحظر ..
فجر بفرح :صج .. بس موكأن فشيلة .. تتركينه واهو لحاله ..
نارا هزت راسها من غباء فجر :لا عادي لافشلة ولاشي .. اهم شي انتي صديقتي الغالية اهو خلي يروح زين ..
فجر :ايه زين طمنتيني .. متى قالك بيمرك ..
نارا :منو
فجر :فهد
نارا ابتسمت وهي تغمض وتفتح بسرعه :مارح يمرني ابنام عندك اليوم ..
فجر بفرح :صججج حياتي وضمتها بقوووة .. وناسة .. اجل خلينا نطلب من المطعم تراني جايعه ..
نارا عقدت حواجبها :لا وع ماابغى مليت من اكل المطاعم هناك .. ابي اكل شي مصنوع من البيت لو على الأقل بيضه ..
فجر وطرت ببالها فكره :اقول نارا وش رايك بمغامره بهالليل ..
نارا ناظرتها بتساؤل :مغامرة وشوو هالوقت ..
فجر قربت منها :نروح بيتكم وانخلي الطباخ حقكم يطبخ لنا ناكل وبعدها نروح نسبح بمسبحكم وبعدها نرجع البيت ..
نارا فكرت فكرت :بس كيف بنروح ؟؟
فجر طلعت مفتاح ابوها وجلست ترقي وتنزل بحواجبها :وش رايك
نارا ناظرتها بصدمه :لا ماضحي بحياتي اسمحي لي ..
فجر :يوووه نويير بلا نحاسه ..
نارا :اسمحي لي .. تبين اكلم سايقنا ويجي ياخذنا والا اقولك فهود ..
فجر :اذا فهود انا موافقه ..
نارا بصدمه :من جدك اذا فهود عادي
فجر :اي عادي عشان ابارك له ..
نارا :اوكي ..
اتصلت نارا على فهد وفي البداية عارض بعدها وافق لما قالت تبغى تاخذ كم غرض من البيت ..
غسق
رجعنا للشقة بعد ماجاه اتصال من امه وكانت تقوله اذا يقدر يرجع ابكر عشان خطبت فهد اخوه ومايصير يروح لحاله ..
فرجعنا البيت ابكر عشان نلم قشنا ونرجع للوطن العربي ..
حسيت احسن ان بنرجه للجو الطبيعي الحر والرطوبة .. بس حسيت بحزن لما عرفت انه بيبقى يومين او ثلاث وبعدها بيسافر
من جينا لروسيا الحين هذا اليوم الرابع لنا ومواقفنا تصير محرجة اكثر واكثر ..
لميت ملابسي كلهم وكريماتي والأشياء الخاصه فيني .. لقيته جالس وبكل اريحيه لفيت عليه وقلت :مارح تلم اغراضك
رفع راسه وناظرني بعيونه الباردة اللي تقتلني من القهر :لميتهم من زمان ..
عقدت حواجبي :متى ؟
غسان غمض عيونه وكتف يدينه مسند راسه على المخده :انا من الأساس ماطلعت اغراض من شنطتي غير الملابس وموس الحلاقه والجل والفرشاة والعجون
والمنشفه وكلهم رجعتهم قبل مانطلع لأني انسان منظم ..
احرجتني كلمته وقسم لأني من اول ماوصلنا هنا وانا اطلع اغراضي وارميهم بكل مكان ومااهتم ارجعهم ... مكانهم ..
غسان فتحت عيوني وناظرت الساعه باقي ربع ساعه ولازم نكون بالمطار ..
وقفت بسرعه .. ورحت قبالها و
تولين
سممعت صوت رشا وهي تنادي :تولين وينك تولين ...
وقفت بسرعه ورحت اغسل وجهي .. بالصابون ومسحت وجهي بالمنشفه وفتحت الدولاب الصغير اللي بوسط الحمام الله يكرمكم
وطلعت كريم مخفي العيوب ومليت جفني به وخشمي ومسحته بسرعه بيدييني وحطيت لي روج وردي .. وعدلت شعري
وطلعت بعد ماعدلت بحت صوتي :هلا
رشا ناظرتني بشك :فيك شي ..
ناظرتها وانا ابتسم :وش بيكون فيني مثلا ..
رشا قربت مني وحطت يدعا على خدي :وش فيها عيونك حمرا ..
تولين ابتسمت :العدسات الغبيه بغيت البسهم .. واحرقو عيوني .. ورحت اغسل عيني منهم ..
رشا :متأكده ..
تولين :يوووه ياملقك ياشيخه خلاص قلت لك مافيني شي .. والله مافيني شي ..
رشا :هووووووب هوب هوب ماقلنا شي بسم الله كلتيني ..
تولين :يلا خليني انزل بسرعه
خذيت عطري جفينشي وتعطرت بسرعه ونزلت .. لقيتها جالسه تقول ..ايه والله ان امهم كانت طيبه وانا اشهد والله
مسكينه المرض كلاها اكل .. ماتستاهل ..
الخاله بحزن بان بصوتها:اي والله مسكينه ليومك اتذكرها يوم انها توصيني على بناتها كانت عارفة انها مارح تشوفهم مره ثانيه وكأنها حاسه
انها مابتشوفهم مره ثانيه الله يرحمها ..
ام زياد :والله اني من كثر مااني احبها لو عندي ولد ثاني خذيت رشا له بس تدرين .. الله ماكتب لي الا هالولد .. وانا عاارفه
انهم تربو زين التربية ..
الخاله :هذا من طيب اصلك يام زياد عاد تولين طيبه وعلى نياتها وصدقيني بتعاملك حسبت امها واكثر ..
ام زياد :ايه طبعا وانا بعتبرها مثل بنتي هذي الغاليه زوجة الغالي ..
تولين حسيت بتأنيب الضمير كيف لو عرف زياد بأني تولين .. وقتها مارح يسامحني ابد .. ولا وقتها
بيفضحني وبيشوه صورتي ارفض عشان لاتصغر صورتي بعينهم ..
ولا ابقى ووقتها يحلها الف حلال ..
فجر ونارا
ركبنا السيارة والأخت بغت تتهور وتركب قدام لو اني ماغصبتها كان رحنا فيها ..
فهد :وعليكم السلام
فجر بصبيانيتها المعتاده :يالحبيب حركات صرنا نخطب وهيك
فهد منصدم ولف يناظر نارا اللي اشرت له بيدهها وحطت صبعها على فمها بمعنى :اشششششش مارد عليها .. وكمل طريقة
فجر تواصل :الظاهر انك صرت تستحي .. من جابو لك طاري الزواج ..
نارا لفت وهي متنرفزة واشرت لها :اسكتي اسكتي
فجر تتأفف :اووووف اوووف اوووف طيب طيب طيب فكينا ياشيخه ..
غسق
انصدمت فيه لما بدى يعدل ملابسي بكل ترتيب بالشنطة ... انحرجت لا تمر عينه على ملابس ثانية وقلت :لا لا انا ارتبهم بسرعه ..
غسان ناظرني واشر على ملابسي :لاتخافين مارح اطالع شي مايصلح اطالعه خلصيني جيبي باقي اغراضك عشان لاتروح علينا الطيارة
غسق حسيت صج مالي داعي الطيارة بطير وانا وش جالسه افكر فيه رحت بسرعه وجبت باقي اغراضي .. وعطيتهم له ..
وجلست اساعده .. وخلصنا في ثلاث دقايق كل شي .. ومشينا للمطار بعد ماودعت ايام مرة وبعضها حلوة ..
تولين
غمضت عيوني بعد مااعلنت جفوني الأستسلام للنوم ..
بعد تفكييير عميق .. خلاني اخطط وش بسوي ليوم الخميس الجاي ..
قلبي بدى يعورني .. يوم تذكرته تخيلته بجنبي ... لكن كره قاتل يجيني اذا ذكرت كيف احرجني وقتها احس ان ودي اكرهه ..
لا بس للأسف قلبي مايقدر .. لأنه ضعيف .. ورهيف ..
حظنت مخدتي وغمضت عيوني وانا انطق بشتى الدعوات ... اللي تطرى ببالي ..
(اكرهه . يتزوجني .يمتلي بحبك ياربي .قلبي .مادري .يمكن .احبه )
نارا وفجر
نزلنا عند البوابة ودخلنا بعد مارحب البواب فيني وفي فهد يعبر عن شوقه لنا .. وان البيت فاضي بدونا
تذكرت ابوي .. كنت دايم اوقف له عند الباب انتظره .. ولما يجي .. اخليه يوقف ويركبني معه السيارة وناخذ دورة عند البيت وندخل ..
يالله الله يرحمك يابوي .. واتذكر اذا اتأخر ابوي كنت اتخبى ولا اطلع الا لما اسمع صوته يناديني ..
صحيت على صوت فجر وهي تقول :يلا ..
دخلنا وناديت .. الخدامه نور .. تقول للخدم يجهزون لنا شي ناكل .. غيرنا ملابسنا وعلى طول نزلنا نسبح بالبركة الماي كان دافي
من حرارة الجو .. لكن الجو كان حلو موحار ولا بارد .. سبحنا لمدة ربع ساعه وبعدها طلعنا ..
وجلسنا ناكل من ستيك اللحم مع صلصة الروست بيف .. وعصير فراولة .. لي وكولا لفجر ..
نارا تركت الشوكة وناظرتها :اقوول فجر وش احساسك انك بكرة بتكونين على ذمة شخص ثاني
فجر وهي تاكل الستيك وكأنه قطعت شوكولاته بدون تقطيع كله بالشوكة وتاكل منه :ولا شي ..
نارا تحرك فمها :اللي يشوفك ولا كأنك وحدة بكرة بتملكين .. وبتصيرين على ذمة رجال بذمتك كم مرة قلت لك اتركي
طريقة الأكل بهالطريقة بس انتي ابد يدخل من اذنك هذي وبعدها اذنك هذي ..
فجر تتأفف :ييووه نوري لاتصيرين جود الثانيه خليني على راحتي ...
نارا وقفت :براحتك .. انا بصعد ..
فجر وقفت وراها :لاحول زعلتي ...
نارا ناظرتها :لا منو قال يلا خلينا نرجع بيتكم امك قالت لانطول كلها نص ونرجع والحين طالعي الساعه كم
فجر بملل :يووه من جدك انتي طيب خلينا نسهر على فلم بغرفة السنيما فوق وبعدها نمشي ..
نارا بستغراب :فجر انتي تدرين ان غسان وفهد مايرضون لنا نستخدمها الا بوجود واحد منهم تبينهم يذبحوني ..
فجر بهمس :محد بيدري واذا على الخدامات تراهم مهم بحولك اعطيك مثال .. سحبتني لغرفة الخدم برى فتحت الباب
لقيتهم كلهم مجتمعين وحدة تلعب اونو سبحان الله من متى الخدم يعرفون يلعبون اونو وحدة تناظر بالتلفزيون ..ووحدة تصلي
والثانيه جالسه تعد فلوسها .. ماحسو حتى اني فتحت الباب ناظرتها بخوف ..
فجر ربتت على كتفي :تطمني حبيبت البي .. مابيصير شي ..
نارا بقلق :فلم واحد بس .. واحد وبقتلك لو قلتي تبين ثاني ..
فجر بفرح :ايه مارح اقول
كانت الغرفة كبيره وفيها صوفات موديل حاير .. متوزعين بالغرفة وبعدها شاشه كبيره اللي تشتغل بالبروجيكتر ولاب توب
صغير عشان ندخل السي دي فيه ..
لكن للأسف فجر ماكانت عند كلمتها كان فلم يتلوه فلم ويتلوه فلم الى ان صرنا خلصنا 4 افلام ...
وصارت الساعه 2ونص واحنا وصلنا البيت 10 خالتي بتذبحني انا .. فجير .. فجير قومي
الأخت غفت في نهاية الفلم لأنه بدى يبيخ ..
سحبتها بسرعه ووقفتها .. ورحت نازله ولبست عباتي ومثل ماتوقعت كان فهد جالس ينتظرنا برى ومعصب حده ..
لأنه دورنا بالبيت كله وعرف بعدين ان حنا بغرفة الأفلام ..
فهد يصفق :برافو شبعتوا افلام انشاء الله ..
نارا تهديه :خلاص فهد نتفاهم بكرة رجعنا البيت تكفى خالتي بتعصب ..
فهد هز راسه بعصبية :اي ناس ترجع البيت الساعه 3 بذمتك هاذا رد لو بتسمعين للمجنونه هذي مارح تعقلين ابد
حمدت ربي ان فجر نايمه على كتفي ومو حاسه بالدنيا ولا كان اليوم اهم مطلقين قبل لايتزوجون بعد ..
غسق ..
واخيرا حطينا على ارض الرياض ... وبدت الحرارة تتسلل للطيارة .. وبدت ريحتها تدخل ياالله الرياض يالبيييه وقسم
نزلنا بعد مااستقبلنا السواق .. واتجهنا للبيت ...
يوم جديد على فجر
وكأنه يوم موحلو بالنسبة لها مزاجها منقلب فوق تحت وصارت تصارخ على كل اللي بالبيت وموهامها احد
حتى امها مانجت منها ...
واخيرا اللحظة الحاسمه والوقت الحاسم .. البست فستانها الفوشي .. وسوت شعرها مسيح بطريقة انيقه
بالموت رضت فيها .. والمكياج يدوب رضت بالكحل الأسود والروج الفوشي الصارخ ..
كانت ناوية تدخل بجزمة سوبرت بس لعيون الصين كل شي يصير .. البست كعب فوشي جلدي .. خلاها انيقه رغم
مشيتها المتناقضه ..
نارا
كانت لابسه فستان اسود ماسك على الجسم لبداية الركبه مع اكسسوار انيق من الدو . وشدو كستنائي مع قلوس احمر
وكانت رافعه شعرها بطريقة فرنسية ناعمه ..
نارا :فجر ماخلصتي
فجر بصراخ :وش تبيني اسوي .. وعع قرفتوني وش اسوي بقى شي ماحطيتو بوجهي وععععععع ...
نارا :بسم الله طيب طيب جلست تقرى عليها :ليكون مسك الجني اللي امس بالفيلم
فجر خزتها :كملي استهبالك ... طيب
جود بعدم رضى :المفروض تحطين لك شدو اغمق مو كذا
نارا تهمس لها :احمدي ربك رضت اني انا اللي احط لها ولا كان من الأساس ماحطت شي بوجهها ابد ..
جود :اي والله .. حمد لله والشكر الظاهر ان امي متنسية فيها برجال موبشي طبيعي .. استغفر الله ..
.
ــــــــــــــــــــــــــــــــــــــــــــــــــ
نارا :فجر ماخلصتي
فجر بصراخ :وش تبيني اسوي .. وعع قرفتوني وش اسوي بقى شي ماحطيتو بوجهي وععععععع ...
نارا :بسم الله طيب طيب جلست تقرى عليها :ليكون مسك الجني اللي امس بالفيلم
فجر خزتها :كملي استهبالك ... طيب
جود بعدم رضى :المفروض تحطين لك شدو اغمق مو كذا
نارا تهمس لها :احمدي ربك رضت اني انا اللي احط لها ولا كان من الأساس ماحطت شي بوجهها ابد ..
جود :اي والله .. حمد لله والشكر الظاهر ان امي متنسية فيها برجال موبشي طبيعي .. استغفر الله ..
نارا تأشر لها :اششش تكفين لاتجي تاكلك ..الحين ..
جود تناظرها بقهر :طيب..
فجر ماكنت حاسة بشي مخيف لكن احس بعصبية مفاجأة ..
سمعت صوت ابوي يقول:فجر يلا تعالي الشيخ يبغى يكلمك ..
طلعت فيوزاتي ومابي بمزاجي مابي اروح لفيت لجود اللي كانت ترتب خصلات شعر نارا :جويد انزلي وقولي للشيخ بدالي اني موافقه
جود بصدمه :نعم وليه ماتروحين انتي ..
فجر خزيتها :انقلعي وسوي اللي قلت لك وانتي ساكته ..
جود ناظرت نارا :شوفي هالخبلة متعيجزة تنزل تقول ايه موافقه موافقه موافقه ..
فجر لاحت عليها علبة كريم الجسم :بتشوفين عطرك مارينا لو تموتي مايرجع لك ..
جود بصدمه فتحت عيونها على اخرها :انتي كيف شفتيه ..ومتى خذتيه .. اذكر اني مخبيته ..
فجر ضحكة بسخرية :ههههههههههههههههههههههههه مخبيته في دولاب الجزم مرة مكان ختيييييييييير عشان تخبي اغراضك فيه
نارا مسكت يد جود وقالت وهي ترفع حواجبها بغيض :جودي حبيبتي خليها تروح زين انا اشتري لك مو الحجم العادي اشتري لك
الحجم اللي يعرضون بالدعايت BIG SAIZ
جود بدهشه شهقت :صج ..
نارا ابتسمت :ايه بس روحي ردي بدالها اعرفها عنيدة مارح ترضى
فجر غمزت لنارا وقالت :يابعد حيي والله تسلمين ..
جود وقفت بتأفف وملل :واذا ابوي رفض
فجر بدون تفكير :قولي له فجر بطنها يعورها من الخوف وارسلت الموافقه معي
نارا :ولو تقولين حاله مستعصية احسن
طلعت جود منقهره على اصوات ضحكاتهم اللي كل مالها وتعلى .. وتعلى .. منصدمه ب.........
غسق
كنت مرتبكة وخايفه احس بعدم ثقة كالعادة لأني بشوف اخته وغير كذا اشخاص جديدة يمكن تتقبلني ويمكن لا ..
سلمت على ام ريان اللي رحبت فيني وماظلت كلمه بالدنيا حلوه ماقالتها لي
وبعدها اشرت لي اصعد عند نارا وفجر وجود فوق .. وبطريقي انادي فجر معي ..
واخيرا ابشوف نارا .. قلبي زادت دقاته يمكن لأنها اذا اخذت فكرة عني مرة وحدة رح تنرسخ الفكرة في بالها ومارح
تتغير الكذا كنت مرتكبة بين اني ادخل او اتراجع واسوي نفسي عاجلة وفاهمه واني متزوجة الكذا مارح اجلس جنب العازبات
حسيته تفكير سامج للبزارين .. وكنت اسمع كلامهم وهم يتخانقون ويضحكون ..
كنت رح انزل وخلاص بس انصدمت بالبنت الي طلعت وناظرتني وابتسمت فجأة
انتي غسق صح ؟؟
غسق ابتسمت مرتبكة :ايه
جود جات وسلمت علي :اهلين ..انا جود ادخلي شوفي نارا ..
دخلت قبلي وقالت :نارا جات زوجة اخوك ..
نارا لفت تناظر الباب ونفس نظرت غسان الباردة اللي ساعات تحسسني وكأنه شخص بلا حياة .. ابتسمت ابتسامه طفيفة :هلا وقفت
وصدمني سلامها الحار لما احتظنتني وقالت :واخيرا شفتك .. شخبارك ؟
ابتسمت لأني تفاجأت من اسلوبها الكذا :قلت الحمد الله تمام مع وجه ملامحه معتفسه وموعارفة كيف امشي نفسي ..
دخلت وسلمت على فجر وقلت لها :امك تقول انزلي تبغيك ..
وقفت بملل وهي ترمي شعرها لورى :خلاص بتنزل جود ..
كنت اناظر تقاسيم جسمها على الفستان ومكياجها اللي كان معطيها حلاه غير وكأنها شخص ثاني تختلف
عن اخر مرة شفتها فيها ... وغير شعرها اللي كان واصل لنص ظهرها بس باين انه باروكة لأنها كانت بتطيح لكنها ثبتتها مرة ثانية
نارا ..
جلست اناظر في نارا ودلعها البارد الممزوج بحللاة ناعمه بارده قلبي كان يرقع اذا ابتسمت لأني اشوف غسان فيها ..
صعدت جود بعد مدة دامت 10 دقايق .. وقالت ودموعها تلمع بعيونها :فجوري
وحظنت اختها وقالت :مبروك ..
فجر ناظرتها مومستوعبه يعني ابوها وافق انها اهي تقول الموافقه بدالها استغربت وابتسمت بفهاوهه وركضت للباب ..
نارا نادتها :وين رايحة ..
فجر تعدل الشيفون اللي نازل من الفستان :ابنزل لرجلي ..
غسق انصدمت من جرأتها انا خبري الوحدة هالوقت مالها وجه حتى ترفع وجهها يعني على الأقل تكون منحرجة ..
بس اهي ابد ماعندها .. ابتسمت ..
نارا راحت لها :فجور اصحي لازم تتصنعين الحياء شوي على الأقل سوي نفسك مستحيه
فجر بنية خبيثة :أنشاء الله افا عليك بس اوريك يعني كيف مثلا نزلت عيونها وجلست ترمش اكثر من مرة وقالت بنعومة :السلام عليكم
نارا ابتسمت متفاجأة :من وين جايبة هالصوت ..
فجر تأشر لها عند الترقوة :من هنا الله يسلمك
نارا كتمت ضحكتها :اهاا . اوكي يلا ..
جود وقفت قبالها وقالت :لآخر مرة ابقولك ترى اذا ماسويتي اللي قلت لك عنه مافي تشاينا ابدا ولاتحلمين ..
فجر ناظرتها من فوق لتحت بغرور ومشت ..
جود استغربت من نظراتها اول مرة اختها تناظرها بهالنظرات ..
كنت امشي ورى جود اللي كانت بفستان كستنائي يدخل عليه اللون الكريمي وقصته من تحت حايره وبدون اكمام ... يالله
من شفت سيقانها جلست اقارنها بساقي ياالله حتى ماتتقارن ابد ..
ناظرت للبسي اللي كان عبارة عن قميص لؤلؤي بلمعه حفر وبنطلون جينز اسود وسلاسل ذهبية تزين رقبتي
وكنت حاطة قلوس احمر وكحل سايل بطريقة انيقة .. وبلشر برونزي فاتح ..
توجهت فجر بعد ماسلمت على امها وخاللاتها وسيل من الحريم .. والتبريكات .. اللي ماخلصت .. واخيرا
وصلت عند باب المجلس وارتجفت فجأة لم انتبهت ان كل اللي جاو اهل نارا اغلبهم .. ليكون
لا لا مستحيل جاني شعور وقلت فيه وناسة عشان مايحتاج ابدأ اسحب منه كلام يكون ماضيه كله عندي ..
بس فتحت الباب بدون ماانتظر امي او نارا اللي وعدتني بتوقف عند الباب جنبي
وكان قلبي بيوقف لما تأكد الخبر وكان اللي جالس قبالي فهد ..
ناظرني وابتسم ابتسامه جذابه ووقف :
كنت ابروح واسلم عليه سلامي المعتاد لكن تذكرت ان جود موجودة لما سمعت صوت خطواتها وراي اهي مع نارا
اللي وقفت جنب فهد وغسق اللي كانت بنهاية الغرفة تراقب الوضع ..
نارا بهمس :وش فيك قول لها مبروك ..
فهد ماعطيتها وجه وجلست اناظر فيها معقوله هذي تكون فجر الي من سنين كانت مرجوجة وماتحب الا اللعب والخبال ..
كانت جميلة في عيوني على اني ماكنت متأكد ان كانت اهي صج واللي انصدمت منه انها منزله عيونها بالأرض وينقال مستحيه ..
قربت منها وقلت بهمس يسمعه انا وهي بس :مبروك عليك انا ..
تفاجأت من كلمته رفعت راسي وقلت :ومبروك عليك انا اكيد امك داعية لك ..
فهد ابتسمت بسخرية :مثل ماتوقعت انتي فجر ماتغيرتي ...
جود انكزتني بقوة وقالت :اسكتي قلت لك لاتفضحينا ..
فجر تأففت ونزلت راسي اكمل حيا ..
غسق مليت من الوضع والجو اللي ماله داعي وقلت بصوت مسموع :مبروك فهد وعساها زواجة الدهر ..
فهد ابتسمت من كلمة زواجت الدهر يصير خير :/ الله يبارك فيك تسلمين
طلعت وسلمت على ام ريان الله قالت تو الناس لكني قلت :لا والله ياخالتي بس تونا راجعين من السفر امس وابي اسلم على امي .. تدرين
ام ريان ابتسمت بحنان :اي حبيبتي مدام عشان امك الله يسهل لك .. وسلمي لي عليها ...
غسق ابتسمت بمجامله وطلعت بعد مااتصل علي غسان ...
تولين ..
ياحناني ياحناني .. ابييييييييييييييييك ..
مسحت دمعتي قريب بتكون الملكة .. مابقى شي وانا احس اني لو ماوافقت احسن لي لأني من هذاك اليوم وانا احس بعدم ارتياح ..
لو امي موجودة بهالدنيا كان ماحتجت حنان غيرها ابوي من يوم كنا صغار كان يبغى يرتاح منا بأي طريقة واولهم لمى توفت امي
تركنا عند جدتي ولمى توفت جدتي تركنا عند عمتي كم شهر وخذانا لما ملت عمتي واتصلت عليه ..
مسحت دميعاتي ووقفت قبال النافذه وانا اناظر حديقتنا اللي صارت مهجورة وشجرها مات وصار اصفر وكأن حتى اهو
تأثر من وفاة امي ضحكتها مزحها كل شي فيها كان فطورنا الصبح للمدرسة .. اه يايمه الله يرحمك ..
ارتجف جسمي من ذكراها وكأن روحها جنبي تحس فيني .. ابتسمت بألم .. واحتضنت مخدتي بعد ليله طويلة ..
فجر
ام ريان :الله يبارك فيك .. تسلم ..
فهد جلس قريب مني نزل راسه فالأرض وكأنه سرحان بشي ..
ام ريان اشرت لفجر انها بتتركمهم لحالهم يتكلمون ان سويتي شي هنا ولا هنا ابذبحك ..
فجر ابتسمت بخبث لأمي وهزيت راسي.. على الشي الي بسوية ..
ناظرت للمكان اللي حطيت فيه قميصي وتطمنت انه لساته موجود ...
ابتسمت لما امي سكرت الباب وقفت ورميت جزمة الكعب على جنب وبان طولي الحقيقي ..
وركضت للباب وقفلته وبعدها ابتسمت ابتسامه خبيثة ..
فهد تفاجأت لما شفتها رمت جزمتها لا وبعدها .. قفلت الباب تكتفت وجلست اناظر بصمت لأن اللي سوته بعدها
كان
غسق وغسان
طبعا مارحنا لبيت اهلي لأن امي يوم كلمتها قالت انهم رايحين البحر مع بيت خالتي ..
تذكرت روحاتنا للبحر مع بيت خالتي يالله كانت طلعات موحلوة والسبب الرئيسي ان جهاد كان موجود ..
لفيت لغسان وقلت :مابي ارجع البيت خلنا نتمشى شوي ..
غسان غير وجهته وجلسنا نتمشى مرينا على الحدايق والأسواق والمطاعم .. قال :تبين تتعشين بمطعم ولا بالبيت ..
غسق كانه حس فيني :اي خلنا نتعشى بمطعم ..
غسان وبدون مايناظرني :وش تبين اي مطعم ..
غسق امممممم :ابغى فنلييييييز ....
غسان وقف قدام اول مجمع شافه بوجهه :ونزلنا فيه كان يتقدم عني بكثير وانا اكون وراه ...
وجلسنا بالجلسات في المجمع وقال :وش تبين باستا بأيش ..
غسق فكرت من زمان عنها الباستا وقسم اشتقت للأكل هنا :ابغى باستا بالخضار والدجاج ..
غسان وقف :انتظري هنا ورجاء عينك بالطاولة لاتروح لأي مكان ثاني ..
قلت بملل :طيب نفس كلام ابوي اول كان يقول عينك لاتروح اي مكان غير الطاولة ..
فجر وفهد
كنت اناظرها لما قفلت الباب وتوجهت للصوفات اللي كان واضح ان مخبى وراهم شي
.. طلعت قميص كان لونه ابيض وعليه علم لندن او امريكا ماكان واضح
وانصدمت فيها لما قالت :ممكن تلف هناك شوي ...
عقدت حواجبي من اللي بتسوية وقلت :ليييه ؟؟
وبدون اي نقاش فتحت التول اللي نازل على التنور الهندية وفتحت سحاب التنورة ونزلتها ..
كنت منصدم +منصدم +منصدم O0 O0 O0 خييير وش تحس فيه ..
غسق
سمعت صوته يجلس ويطلع جواله ومندمج فيه ..
كنت طفشانه يليته يسولف معي ...
غسان رفع راسه وقال :الحين انا موفاضي عشان اسولف معك ابخلص كم شغله قبل اسافر ...
ياالله كيف يعرف وش افكر فيه :منو قالك سولف معي مشغول خلك بشغلك ..
غسان ابتسم ابتسامة سخرية ورجع يكمل شغله بجواله .. ثواني وواحد واقف بوجهي
يقدم الباستا وجنبها قهوه وعصير برتقال وقال :اي خدمه تانيه يافنديم ..
غسان مد له فلوس ومشى سحب كوب القهوه وجلس يشرب منه بدون مايناظرني ...
جلست اطالع مستغربة قال وهو مارفع عينه :فيه شي
غسق هزيت راسي بسرعه :لا لا بس مستغربة
غسان غمض عيونه بشكل لا ارادي وفتحها يكمل شغله ...
غسق قربت وقلت بهمس :طيب ابغى اكل وماا اعرف ابغى افتح وجهي ..
رفع راسه وناظر عن يمينه وشماله وقال وهو يتنهد :افتحيه بس عجلي شوي ..
غسق هزيت راسي بمعنى طيب وجلست اكل الذ اكله اعششقه ونسيت انه يطالعني ..
فجر وفهد
افتحت ازارير التنور لتسقطها وتكشف عن شورت جينز اسود فوق الركبة ..
فهد غمضت عيوني براحه :انتي وش تحسين فيه اتركي الفستان بحاله تعالي نسولف مالحقت انتبه لموديل الفستان حقه ..
فجر وخذت راحتها واختفت معالم الأنوثه منها :طيب لحظة حاولت تفتح السحاب اللي علق بالنص وموعارفه كيف تفصخ هالبدي
اللي كان للفستان بدى الوضع ينرفزها خصوصا انها مو متعودة تلبس فستان بالمزركشات اللي مالها داعي جود وخطط جود .. اوووف
فجر بدت تتنفس بتعب :هها هها هها مالت عليك من فستان وععع لفيت عليه لقيته متكتف ويناظر الوضع ولا هامه .. شي لكن
اللي متأكده منه انه منصدم ونادم بعد ..
فجر قربت منه وقلت :افتح لي السحاب ..
ناظرتها منصدم يمكن لابسه مثل القطعه السفليه وجالسة تتمصخر علي لكن
انتبهت الظهرها اللي كان مكشوف من بدايته لنهاية فقره
في ظهرها .. غمضت عيوني بنرفزة وقلت :انتي وش تحسين فيه
فجر ناظرتني وقربت مني اكثر وصار فيسي قبال فيسها وقالت :يووه ماتبغينا نسولف
على راحتنا ما اعرف اسولف على راحتي بهالملابس
فهد وبدى مايتحمل الوضع :طيب رحتي غرفتك وغيرتي ملابسك ..
فجر رفعت يدها وجلست تمسح على خصلات شعرها اللي سرعان ماطاحت في يدها وخلت فهد يشهق :بعد باروكه ..
فجر ابتسمت :يب يب قلت لهم بس الله يهديهم مارضو الا البسها ..
فهد :لا حول ولا قوة الا بالله
كلها ثواني واخير فجر غيرت ملابسها والحين بدى المكياج ..
فجر خذت المناديل المعطرة اللي ماخذتهم من غرفة جود وهمت تحطها على عينها ..
صرخ فهد :لو تمسحين شي ثاني وانصدم ابقوم وامشي ..
فجر ابتسمت :طيب بس الرموش ابشيلهم عيوني تحكني ..
فهد ضحك بسخرية :موحاطين لك بعد شفايف صناعيه ..
فجر ابتسمت :لا للأسف ..
فهد يعقد حواجبه بتعب :ياسمجك ياشيخه .. وقف :يلا خلينا نمشي ...
فجر نطت :طيب ابجيب جوالي وعباتي واجيك ..
فهد هز راسه بمعنى :طيب ... وطلع ينتظرها بالسيارة ..
غسق
احس بشبع مجنون ...
اتكيت على النافذه وجى بخاطري غرفتي ابغى اروحها ناظر الساعه وكانت الساعه 12ونص قلت :خلينا نروح لبيت اهلي الحين
اكيد امي وابوي رجعوا .. للبيت
غسان ناظرت الساعه وقلت :مو كأن الوقت متأخر ..
غسق هزيت راسي وتحججت : لا مومتأخر ابغى اخذ كم غرض ضروري من غرفتي ..
غسان :وشو هالغرض المهم اللي مومتوفر الا بغرفتك ..
غسق توهقت ولأنه مومقصر علي بشي ماعرفت وش اقول :يوووه شي خاص
غسان :في صيدليه قريبه ترى عادي مافيها شي
غسق انحرجت وقلت :مو الشي البايخ الي في بالك ..
غسان ابتسم :طيب بنشوف نهاية الوضع معك ...
غسق قلت بربكه :غسان بعدك على رايك اذا سافرت اروح بيت اهلي ..
غسان :ايه ومارح اغيره
غسق برجاء :تكفى مابي اروح
غسان بنزعاج :البيت مارح يبقى فيه احد بس الخدم مايصير تجلسن معهم لحالك
ورجاء لاتفتحين الموضع هذا مرة ثانيه لأن مهما يصير مارح اتراجع عن قراري .. مهما يصير ..
غسق تأففت ولفيت عند النافذه وانا اهز رجولي من توتري وعصبيتي .. من هالقرار اللي متخذه ..
فهد وفجر
فجر :وين رايحين ؟؟
فهد :بنتمشى .. هالكم يومين عشان بعد بكرة بنمشي لسويسرا ..
فجر جلست تفكر والصين متى بنروحها لحظة ليكون الخاينه
استغلتني وكانت عارفة اني بسافر على طول يعني مافيه سفرة ولا غيره ..
خليني ارجع البيت اوريك يام كشه وش بسوي فيك ..
فجر بعصبية :وانت خلصني وين بنروح
فهد قصري صوتك لوسمحتي ورايحين اخليك تبلعين ماتبين نرجع البيت ..
فجر بوناسة من سمعت طاري الأكل تحس بجوع بسبب ان اخر مرة كلت امس مع نارا ايه ابغى بس وين بنتعشى
فهد ضحك بسخرية على اللي سوته عشان الأكل كل شي يصير :مطعم IlTerrazzo اللي بفندق الفيصلية
فجر تسندت وحطت رجل على رجل وقالت :اي اهم شي انه اكل ..
غسان وغسق
وصلنا البيت ودخلت على طول ولقيت الخدامه جالسة ترتب الأغراض سألتها عن امي وابوي
وقالت انهم من شوي صعدوا نامو ..
وقررت اني ...
ـــــــــــــــــــــــــــــــــــــ
قررت اني اصعد واخليه ينتظر بالصاله ..
وقفت وتوجهت للدرج وقلت :ابصعد واجيب الشي وبرجع .. بسرعه
وقف وقرب مني وقال بنظرته الباردة :ابصعد معك
غسق قلت برتباك :ليييييييه
قال بملل ككذا يلا بسرعه لايحس احد من اهلك ..
غسق قلت بخوف :بس اخاف امي تصحى وتشوفك وقتها بتصير سالفه ..
غسان بستغراب :وليه تصير سالفه انا زوجك يعني وش فيها ..
غسق :لا مو على كذا بس امي بتقول ماتستحين تصعدينه غرفتك وانتي مومنظفتها على الأقل عطيتيني خبر
انظف انا الصاله اللي فوق ..
غسان ابتسم :تطمني مارح اناظر شي بعدين ترى مومطولين ... شويات بس تاخذين شيك ونمشي ..
غسق تذكرت :ايه صح طيب يلا ..
صعدت الدرج وانا احس موعارفه امشي على الدرج لأنه وراي .. بس فجأة لقيت نفسي ..
عند فجر ..
غمضت عيوني من التعب .. لأن طولنا واحنا بطريقنا للمطعم بس فجأة رن الجوال بأغنية صاخبه ..
تدل ان راعيها اكيد فجر .. :الو هلا جوجو
جواهر :هلا فيك مبروك فوز الهلال ..
فجر بستغراب :الله يبارك فيك بس من زمان فازوا ليه توك تباركين ..
جواهر بصدمه :فجير معقوله ماتدرين انه اليوم ومن ساعه كانت مباراة الهلال مع النصر ..
فجر بشهقه :احلفي قولي قسم
جواهر بسخرية :والله مدري وش شاغلك المهيم انا بروح الحين اخوي عازمني بمطعم
فجر بصدمه :اخوك البخيل احمدوو عازمك بمطعم ..
جواهر :يووه فجير لا الله يسلمك تراهنت معه قال النصر بتفوز قلت له الهلال لكنه ماصدقني وقال بيعشيني بمطعم وفازت الهلال
والحين بروح معه
فجر بسرعه :طيب طيب انقلعي الحين خليني اشوف لي حل عشان اشوف المباراة ..
فجر رمت الجوال بعصبية :تدري ان اليوم مباراة الهلال ولا ماتدري ..
فهد عقد حواجبه :لا تمزحين ..
فجر وهي تحط ايدها بعصبية على ذراعه :الا اليوم تأكد ..
فتح جواله على الرسايل عشان يتأكد من خدمات الجوال لأنهم ينبهونه قبل المباراة بيوم وطلع صج ..
فهد بعصبية صفط على جنب الطريق وكلم واحد من اصدقائة :ماهر صج اليوم مباراة الهلال
ماهر وكان جنبه ازعاج :ايه تونا من شوي طالعين من المعلب انا ومحمد ..
فهد عصب وقال :وليه بالله ماقلت لي ..
ماهر بصدمه :ليه اقولك واليوم بتكون مشغول بوحدة ثانية
فهد وهو وده يطلع ويكفخ ماهر :طيب انت وش عليك المفروض انك بلغتني ..
ماهر :هذا اللي صار اخليك الحين ..
فجر تتذمر :شفت اليوم المبارة وراحت علينا يالله شالقهر ..
فهد وغير اتجاهه ..
فجر بستغراب :وين بنروح هالمرة ...
فهد ابتسم :نشوف المباراة ...
تولين ورشا
كنا نتمشى بالمجمع عشان اشتري لي فستان ..
بس فجأة احظنت يدي رشا وهمست بحماس :تولين ناظري مو هذا نيشان
تولين تناظر المكان اللي تأشر عليه : اي نيشان ؟؟
رشا قابلتني :اللي بالمستشفى دكتور القلب .. هذاك اللي قلت له احبك ..
تولين قالت :ايه ايه طيب يعني ..
رشا بقهر لما شافت بنت ضعيفه وكانت عباتها متناسقه وبشكل ناعم وماسكه شنطة جلدية اورنج وماسكة يده
وجالس يضحك معها قلت بصدمه :معقوله يكون متزوج ..
تولين بعدم اهتمام :وطيب متزوج وش تبغين فيه تعالي هنا ياشيخه مالي خلق نكد فوق اللي فيني ..
رشا مشت بيأس ونظراتها للبنت ونيشان وبس ...
في بيت ام زياد
زياد بعصبيه :يما انا قلت لك ابغي رشا ماابغى تولين المسأله موغصب
ام زياد :ياولدي استهدي بالله وبعدين والله ان البنت حلوة مزيونه ومربيه بعد وش تغى اكثر من كذا
زياد :ليه اختها مومربية ..
ام زياد بعصبية ملت منها :الا متربية بس اهي احسن من اختها خلاص عاد لاتصير كذا بتتزوجها بتتزوجها وبعدها خذ فوقها
وحدة وش فيها ..
لوتس باستغراب من كلام امها :يما انتي ترضينها لي اذا تزوجت زوجي ياخذ فوقي وحدة ولا انتي انتي تبين ابوي يتزوج عليك ..
ام زياد :بسم الله عليك وعلي لا انا مقلت كذا بس اخوك وعناده وش اسوي له يعني ..
غسان وغسق ..
صعدت الدرج وانا احس موعارفه امشي على الدرج لأنه وراي .. بس فجأة لقيت نفسي ..
مستنده على الجدار واهو مقابلني ومستند علي .. وذراعه على كتفي تطوق رقبتي وكف على كتفي ..
كنت ببعج بس قال فجأة :اششش اسمع صوت امك تمشي الظاهر انها تدور شي ..
غسق بلعت غصتي وقلت :ط طيب ..
دقات قلبي بتعلن الفضيحه ياربي تكفى استرني يارب العالمين ..
يوم اني اسندتها وكنت قريب منها لهدرجة اهو صح ضميتها مره اومرتين بس هالمره غير الشعور غير ..
تفاجأة بدقات قلبي اللي خلتني انصدم واناظر بعيونها اللي كانت تتلاشى النظر فيهم لي ..
اوووه نسيت انها لو تمشي خطوتين دقات قلبها تتسارع من التعب مالومها وقسم الشحوم تسوي بلاوي ..
بعدت عنها وقلت تفضلي امك شكلها راحت ..
مشيت معه وانا احس قلبي كان بيطلع من مكانه من كثر مادق
تعرفون شعور انك تحب شي حييييييل وتفقده فجأة وتلاقيه مرة ثانية تعرفون كيف شعور الفرح
وتسارع دقات القلب وكيف بحماس معتاد تضم الشي الي تحبه ومن كثر الحماس ساعات تبوسة ..
يالله شعور مؤلم وربي ..
فتحت باب الغرفة بشويش وشغلت النور الخفيف الموجود عند الباب وقلت بدون مااناظره :ادخل بسرعه وقفل الباب ..
بدون ولاكلمه دخلت ولااهتميت بالباب المفتوح كنت متفاجأ من غرفتها توقعتها اشياء خفيفه وبسيطه على تواضعها بالمكياج والأكسسواريز
والخرز اللي يشترونها البنات ماكنت اظنها تهتم لكني شفت شي ثاني كانت تسريحتها مليانه مكياج لدرجة انها مخليه قسم الأكسسواريز
لحاله والمكياج لحالة غير العطور اللي كانت ماليه التسريحة .. وكأن الشخص اللي عنده هالغرفة يتبع اخر صيحات الموضى
والفاشيون والخ الخ الخ ..
لفيت اناظرها لقيتها منشغله بالدريسر الصغير الموجود جنب السرير وكانت تدور بهتمام بالغ ..
بس شدني منظر المنشفه اللي كانت تغطي المرايات اللي بالغرفة كلهم حتى اللي بدورة المياه الله يكرمكم ..
طيب ليييييه .؟؟؟؟؟؟؟؟؟؟؟؟؟؟؟؟؟؟
تجاهلت الموضوع وقلت لم ارجع البيت ابتأكد من شي ..
لقيتها منشغله بأغراضها وكنت ابرمي نفسي على سريرها وارتاح شوي بس جذبني الدفتر المخملي الأسود
وكان محفور عليه حروف بالذهبي khassak قلت من كاتب اسمك بهالطريقة ..
غسق وبدون لاتنتبه :نوير بنت خالتي جابته لي هديه يوم راحت البحرين ..بس وفجأة وقفت بصدمه وكأنها توها تستوعب
البلاوي الموجودة بهالدفتر وقفت بصعوبة من جلوسي وكل ثقلي على رجليني وكنت ابسحب الدفتر بس
للأسف عرفت اليوم اني مارح اطلع من بيت ابوي .. ..
فجر وفهد
وقف عند بوابة بيتهم وفتح الباب ولا اهتم حتى يطفي السيارة ونزل يركض للجهة المجلس الخارجي لبيتهم ..
وانا لحقته بعد ماطفيت السيارة ودخلت على صوته وهو ينادي الخدامه :جيبي شيبس ومكسرات وعصير اثنين بسرعه ..
فجر رميت عباتي بسرعه ورفعت شعري بطريقتي المعتاده بس كان يطيح لأنه كان مستشور خذيت الطاقيه حقته اللي يلبسونها تحت
الشماغ ولبستها ولفيت شماغه مثل الأماراتيين وجلست اطالع معه المباراة اللي ابتدت بحمااااااااااااس
بالغ ... وانقلبت غرفة المعيشة الى غرفة ..
غسان ..
شفتها تبغى توقف بسرعه وفتحت الدفتر وتناثرت منه صور ملفوفين بفيونكه حمره ..
شلت الصور بين يديني وجلست اقلب فيهم وابدا ماتوقعت انها تكون مراهقه مثلها ومثل
غيرها كانت صور لجهاد الظاهر انه ولد خالتها على حسب علمي ..
كانت صور متعدده له في كم رحله ..
بس انصدمت لما شفت صورة من الصور كان اهو واقف وجنبه بنت بس مقصوص راسها ومبدل براس غسق ..
لفيت اناظرها بستصغار ..
غسق يلعن غبائي اللي مدري كيف هالصور من متى وانا ااقول بحرقهم وانسى والحين ماطاحوا الابيدك انت ..
اتربكت وقلت :ا آآآ هذيلا الصور نستهم بنت خالتي في بيتنا وكل مرة تقول بتاخذهم وتنسى الى ان قررت احطهم هنا عشان اذا
جت اعطيها اياهم ..
غسان رفع الصورة اللي كنت قاصتها وحاطه صورتي بدل صورت نوير .. :وهذي بعد نوير اهي اللي مسويتها لك كذا ..
غسق انحرجت وقسم بالله حسيت اني طحت من عينه طيحه مستحيل اصعد منها .. قلت بأحراج :وربي كنت بزرة لما سويتهم ..
غسان مزع الصور وشال صورتي وحطها بجيبه وقال :اتمنى هالتصرف ماينعاد مرة ثانيه لاتخليني اقول عنك كلام ماتحبينه ...
نزلت راسي مالي وجه اطالعه وربي .. من الفشيللة ...
غسان بدون ماتحس خذي الدفتر المخملي .. وخبيته .. بوسط اغراضها عشان اخذه واقراه ...
غسان رميت نفسي بتعب على سريرها اللي مجرد اني رميت نفسي عليه فاحت ريحتها الناعمه وكأنها فواحه عطرية مؤقته ..
ابتسمت بشكل لا ارادي وقلت بتعب :اذا خلصتي صحيني ولو سمحتي بأدب ..
غسق ناظرته بحقد :يالله انا متأكده ان عنده انفصام في الشخصية متقلب المزاج بشكل لميت اغراضي وخذيت الأشياء اللي فقدتها
واهمها الأم بي 3 والأيبود تاش عشان اسلي نفسي فيهم واخيرا الهاردسك اللي كنت حاطته للأحتياط عشان اذا سرق راكان هاردسكي
للأفلام يكون عندي نسخ ثانيه ... واخيرا رحت وتقدمت من سريري وجلست على طرفه وانا امسح عليه اشتقت لك بس ماشتقت للحزن اللي فيك ..
قربت منه وقلت :غسان غسان غسان ..
غسان فتحت عيوني وجلست اناظرها .. :خلصتي ..
غسق هزت راسها :ايه خلصت يلا نمشي ..
غسان وقف :يلا ..
ومثل مادخلنا بشيش طلعنا بشويش .. ورجعنا للبيت بعد يوم طويل وحااااااااااااااافل ..
تولين ورشا
ركبت السيارة انا ورشا ورى تدرون ليه كان ابوي جايبها معنا بالسيارة ..
ذبحتني ريحة عطرها الصاخبه وغير عبايتها المزركشه ولثمتها اللي مالها داعي مع عيونها الخضرة ..
تكلمت بصوتها اللي وكأن احد مانعها تتنفس:كيفك ياعروس .. ؟؟
تولين طلعت جوالي وحطيت سماعاتي بأذني وعليت على اغنية dear.mom لسنسد وتجاهلت صوت ابوي
اللي يجبرني على الرد ودموعي نزلت بلا شعور من كلمات الأغنيه ياربي اشتقت لك يااوما ..
فجر وفهد
تحول المكان من مكان يصلح للعيش الأدمي الى مزبله علب الصودا مرمية بكل مكان والمكسرات والحب اللي مرمي بكل مكان
بس هذا مايمنع الحماس الموجود بالغرفة ..
واخيرا صرخت فجر :قوووووووووووووووووووووووووووووووووووووووووووووووو ووول
ومن حماسها الزايد احتظنت فهد واهو حظنها وجلست تصارخ من الوناسة ..
فهد حس باللي سواه وكان منصدم اما اهي بعدت ولاكأن شي صاير وكملت حماسها واخيرا ..
فزناااااااااااااااااااااااااااااا هيييييييييييييي .. قطع حماسهم صوت جوال فجر وردت :هلا ييما ..
ام ريان بخوف :وينكم ..
فجر بلاحساب :احنا بالبيت ..
ام ريان بصدمه :اي بيت ؟
فجر وهي تناظر فهد اللي يخزها ويقول لها تقول ان حنا قريب من البيت :ترقع اقصد احنا قريبين من البيت الحين بوصل يلا فمان الله
ام ريان بستغراب :طيب يلا ..
فهد يناظر الوقت :كيف ماحسينا بالوقت الحين الساعه 1ونص .. متى مر الوقت هذا كله ..
فجر وقفت وهي تترنح بسبب جلستها الطويله :اه ياويح قلبي ..
فهد وقف وقابلها :يلا هاتي شماغي وسحبه منها وقال :يلا خلينا نمشي قبل لايجي اخوي ومرته ..
فجر لبست عبايتها وقالت :طيب يلا ..
غسان وغسق
دخلنا البيت ولقينا سيارة فهد موجودة ...
غسان بدون مايناظرني :تغطي وانزلي يلا ..
غسق :والأغراض ..
غسان تذكر الدفتر :طيب انتي انزل وانا اجيبهم يلا بسرعه ..
غسق نزلت وتوني ابسكر باب السيارة الا طلع فهد ومعه فجر وكان جالس يضربها على راسها بمزح واهو يضحك ..
ابتسمت بشكل لا ارادي وقرب فهد وحظن غسان فجأة كذا وقال كلمات بهمس ومومسموعه ..
فجر عدلت حجابها وقربت مني وسلمت علي وقالت :هلاااع وهذاني شفتك مرة قانيه هع ..
غسق ابتسمت لها وقلت :تعالي كل يوم تراني امل لحالي هنا ...
فجر عبست فجأة وضربتني على ظهري ينقال بمزح بس من جد المتني الضربة :مااقدر بنسافر بعد بكرة ..
غسق ابتسمت ومن داخلي قلت بحزن حظها :اهااا الله يوفقك ويهنيك ومرة ثانيه عساها زواجة الدهر ..
فجر حطت طرف اصبعها على سنها وعضته وجلست تهز نفسها بطريقة لا ارادية :مشكورة
غسق ضحكت :ههههههههههههههههههههههههههههههههههههههههههههههههه ههههههههههههههههههههه بشويش على عمرك ..
غسان قطع كلامنا كان منزل راسه وقال :مبروك يازوجة اخوي وهاا بشويش على اخوي ..
فجر بمزح :لاتوصي حريص اخوك بعيوني مارح اكله ..
غسق ابتسم :تبقى فجر وهبالها مثل مااهو ..
مشت فجر بعد ماناداها فهد ودخلت مع غسان للبييت ..
غسان يصعد الدرج ببدايته وقلت :تصبح على خير
غسان وقف فجأة وبدون مايناظرني رفع يده وكأنه يقولي طيب .. ومشى ..
ابتسمت بسخرية مدري وش اتوقع منه مثلا خلاص تعودت .. هههههه
تلفت فجأة وقلت خل اروح واتروش واخلص بسرعه وبعدها اناااااااااااااااااااااااااام ..
عند تولين ورشا
نزلت من السيارة بعد ماصفعت الباب بأقوى ماعندي اطلع حرتي فيه ..
واشرت لرشا تجيب الأكياس وفتحت الباب ودخلت وصعدت على طول لغرفتي ..
امي بهالوقت المفروض اهي اللي تجهز معي تقولي رايها بكل شي حلو موحلو .. وش يصلح وش مايصلح
يكفي اني خايفه من بعد بكرة وابوي يكملها علي ..
مسحت دموعي ولما سمعت صوت رشا تتكلم مع ابوي وكأنه كان بيهزأني
لأني سمعته يقول :يعني لو طاح اللي ببطنها وش بتسوين انتي معها هاا ترى اخوكم هذا مهما صار
رشا ومدري كيف ماسكه اعصابها :بس اللي سويته يبا غلط المفروض بهالوقت انت اللي تساعدنا بتجهيزها تقوم
على الهم اللي فيها تزيد همها صج يبا مايحتمل الوضع ..
ابوي يلوح علي كيسة الأكسسوار اللي طاح وانا حامله الأكياس مماضربني جنب جفني وانجرحت شوي ..
ابتسمت بسخرية وقلت :مشكور يبا .. احلى هدية مرت علي بحياتي ..
دخلت الغرفة وسكرت الباب وقفلته ..
فجر وفهد
وقفت عند باب بيتهم قلت لها بملل :يلا اخلصي انزلي ابغى انام ..
فجر بخبث :وش رايك تنام عندنا اليوم ..
فتحت عيوني من الصدمه وضربتها على راسها :ووجع ووجع بشويش لاتصيرين مخفه
فجر تحط يدها على راسها :آآي طيب .. هذا جزاتي ابغاك ترتاح خلاص براحتك
تلفتت وكأن احد يسمعهم او يناظرهم وقالت بهمس :نروح غرفتي ونشوف مباريات الهلال القديمه .. وعضت على شفتها وابتسمت
ورفعت حواجبها وكأنها جايبه فكرة جهنميه ..
فهد انصدمت من قربها لي لهدرجة ماكان يفصل بيني وبينها غير كم سم كنت ابغى اشوف ردت فعلها ..
يمكن تستحي شوي قربت منها لدرجة خشمي صار بخشمها ..
بس كانت صدمتي لما شفتها بعدها تناظرني وابتسمت :يعني موافق ..
فهد ابتسمت بسخرية :ههه .. لاطبعا .. بستها على خدها وقلت :تصبحين على خير ..
فجر بالبداية نزلت راسي شعور غريب اجتاحني وكأن شي غريب صاير منت متعودة على بوسة نارا وجويد لي
اذا جينا نمزح او نستهبل بس ماكان يجيني هالشعور حسيت وكأن الدم توه بدى يدفق في جسمي حرارته احس فيها ..
قويت نفسي ورفعت راسي وكنت اشوف نظراته اللي تترقب ردة فعلي .. قربت من خده وبسته نفس الشي ونزلت
من السيارة بسرعه متجاهله صرخاته علي تأنبني وتقول :المفروض تستحين شوي مو كذا موكذا موكذا ..
سكرت الباب بوجهه لما شفته نزل من السيارة وطلعت مني فجأة ضحكه صاخبه :هههههههههههههههههههههههههههههههههههههههههههه
غسق ..
واخيرا شور بعد يوم طويل ..
ناظرت المشط الموجود على التسريحة وقلت :يالله من زمان ماجلست ومشطت شعري .. وجدلته ..
ابتسمت وشلت المنشفة وطح شعري على ظهري .. ابتسمت ساعات احس شكلي جذاب اذا تركت شعري مفتوح وفيه موية .ز
مسكت المولم سحبته عشان اكمله لنهاية الشعر انصدمت بخصلات الشعر السوده اللي اكثرت وصارت لاتقارن بقبل ..
بلعت غصتي وبخوف مسكت المشط مكانه بشعري ورحت امشي بخوف مومهتمه للشورت الكحلي والبدي الأبيض المخطط بالكحلي
انادية واوريه اللي فيني تعودت على اني اذا خفت اقرب شخص في وجهي اقوله اللي فيني ..
غسان
تروشت وغيرت ملابسي وكنت جالس اراجع بعض الملفات عشان انهيهم ويكون الشغل البسيط على سالم ..
واكدت الحجز لسويسرا بعد ثلاث ايام ...
انتبهت لطقة الباب :ادخلي ..
غسق قربت مني .. وقالت وكأن دمعتها على وشك السقوط ..
غسان انصدمت من شكلها اول مره اشوفها لابسه كذا بهالشكل الخالع يعني ... بياضها واضح اكثر من الازم ..
بلعت ريقي وقلت :وش فيك ..
غسق توريني شي اسود بيدها استغربت ووقفت قبالها :شنو هذا ..
غسق بخوف :شعري ..
غسان عقدت حواجبي :وش اسوي فيه بعدين كيف طاح بهالطريقة
غسق وكأنها خايفه ان فيها مرض معدي او مخيف بيهلكها :مدري من قبل شهر بدى يطيح وكل ماله ويزيد ..
غسان انا نفسي ارتعت كيف اهي سحبت الكرسي وجلستها عليه وسحبت المنشفه وجففت فيها اطراف شعرها المبتله ..
ريحة شعرها ياالله وش فيني انا اول مرة ادقق بروايح كذا جميييييييييييله ..
سحبت المشط من يدها المرتجفه وجلست امشط بأطرافه وبعدها مشطته من الفروة كان الوضع من جد مايحتمل
الشعر اللي يطيح مو شوي كاااااان كثير ...
قلت بهتمام :انتي عندك تكسر ؟؟
غسق تناظر فيه وكأن الأمر بيدينه :لا
غسان بتساؤل ثاني بعد تفكير :انتي مغيره الشامبو حق شعرك ..
غسق تتذكر :لا ماغيرته ..
غسان وعينه في عيني :تبلعين اسبرين اللي يأخر العادة الشهرية ..
غسق انصدمت من سؤاله ونزلت عيني بالأرض اساسا توني ادري ان فيه حبوب من هالنوع :لا
غسان تكتف واسند نفسه قبالي على الجدار :غسق بسألك سؤال وبأمانه تجاوبيني
غسق بخوف :شنووو .؟؟
غسان وهو يناظر بعيوني بتمعن وكأنه خايف اكذب عليه :كم وزنك ؟؟
غسق ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟
رشا
كنت ادورها بعيوني بس حمدت ربي اني ماشفتها ركضت لدولابي وغيرت ملابسي ورفعت شعري المبعثر وتركت الأكياس
على سريرها وتغطيت وتصنعت النوم
وتفاجأت لم انفتح الباب وقالت :انت؟؟؟؟؟؟
.
*____________*
*يتبــ؏ . .*
*اتفاعلو لنڪَمل نشر الروايه .*
*باشراف : ذاتي .*
*____________*
#روايات_سعوديه .
*`تقييمك للبارت من` 🔟 ! !