الفصل 14
*– ࢪواية :«تكفى لاتعلم ابوي اللي فيه يكفيه.».*
*عداد ألباࢪت: «14».*
*– الڪَاتبه :مجهوله».*
*▭𝅼▬࣪▭𝅼▬ׄ▭𝅼▬࣪▭𝅼▬࣪▭𝅼▬ׄ*
*قناه : روايــات سعوديــه 🎀🎀.*
*____________*
> *الروايه لاتلهيڪم عن الصلاھ اللهم بلغت اللهم فأشهد .*
*_________*
كنت بالسيارة وطول الطريق كان حديثنا .......... الصمت ........... وصلنا البيت ونزلت
من السيارة حاولت في ابوي يدخل بس قال ان عنده شغل ابتسمت له وشكرته ..
جات الخدامه ونزلت الأاغراض من السيارة ومشى بعدها ابوي ..
دخلت وشلت عباتي ياربي شالجو الحار اوووف من جد ..
توجهت للمطبخ وقلت للخدامه ترتب الأغراض وتقولة للي طبخ عندهم تسوي اكل
حلو يناسب المكان ..
تذكرت وقلت ليه مااخليها تكون جمعة بنات اكلم نوير وغزل وغزيل وزوجة عمي لولوه ..
وجنى وفرح وتصير وناسة جلست اتصل عليهم وحدة وحدة غزل وغزيل في قطر الله يهديهم لطريق الصواب بس خخخ
ونوير اخوها ماخذها معه بيشتري لها ساعه هدية تخرجها ولولوه ماخذها عمي معه لدبي
وجنى طالعه مع خطيبها وفرح بارتي صديقتها ولاتقدر تجي ..
يعني محد رح يجيني .. لفيت وناظرت الساعه باقي ساعة الا ربع وتجي خل اصعد اتروش بسرعه
صعدت بسرعه وتروشت كنت محتارة ماادري وش البس ضحكت على نفسي اللي يسمع الحين الدولاب
مليان ملابس تقديني .. هههههههههههههههههههه لبست كالعادة جينز وقميص ابيض فيه مثل قوس قزح
بالأحمر والأصفر والأخضر ومرسوم عليه ميوزيكال ويوم ناظرت نفسي لقيت ان شكلي صاير عادي اكثر من الازم
رحت وغيرت القميص ولبست قميص واسع شوي موديله يكون من الأكمام وسيعه ومرسوم عليه
برج ايفل بالفوش والرمادي استشورت شعري لكني انصدمت لم شفت خصل كثير تطيح مع الأستشوار
بس تجاهلت الوضع وقلت يمكن يكون دورة نمو الشعر ...
جى على بالي اقص من اطرافه شوي يغير شكله .. مسكت المقص وقربته جنب الشعر الي ورى اذني بس طاح من يدي وعور اذني
من خوفي لم انفتح الباب رفعت راسي وناظرت اللي فتح الباب كان غسان كتف يدينة واسند ظهره على الجدار اللي جنب الباب ..
وقال بكل برود ونظراته الباردة رجعت مثل اول :يلا تجرأي وقصية انا انتظر ..
تأففت وقلت بعصبية وصراخ :مالك دخل اطلع برى ..
غسان ابتسم بسخرية وتجاهل صراخي وتوجه ناحية سريري ورمى نفسه عليه وغمض عيونه ..
مادري ليه بس عصبت وغضت اكثر :قلت لك اطلع برى انت ليه كذا كان ودي ارمي كل شي عليه
سمعت صوته وفيه نوم فرغي عصبيتك بعدين الحين انا فيني نوم ..
كنت بتهور وبرمي عليه علبة العطر بس ربي رحمه ورن جوالي ..
رديت كانت ناريز وقالت لي انها عند الباب .. ناديت الخدامة تفتح لها الباب
خذيت علبة العطر وجلست اتعطر واتعطر واتعطر الى ان سمعت صوت كحاته المتواصله اللي
تطلب الرحمه رحت بسرعه وخذيت جوالي وحطيته بجيبي وانا متجاهله صوت كحته المكتومة
ونزلت لقيتها ترتب شعرها اللي كانت فاتحته وصابغة خصل منه باللون الكحلي الغامق المندرج لونه للبنفسجي
مع فستانها الأورنجي القصير كان سادة وكمه يكون فوق الذراع مع حزم اسود على البطن كان شكلها كيوت
احلى مني تراجعت وكنت برجع غرفتي اغير ملابسي
لكن فات الأوان ناظرتني وعشان مااحسسها اني زعلت
ابتسمت لها ورحت وضميتها :اخبارك ..
بادلتني ضمتها :انا تمام دامك تمام ..
قلت لها بأحراج مادري وش اسوي بالظبط :تفضلي نجلس هناك ..
ابتسمت لي ومشت وراي وجلسنا في الصالة اللي تطل على الحديقة ..
كان الوضع بالبداية هدوء بس سرعان مااندمجنا مع بعضنا وجلسنا نسولف .. في شتى المواضيع ..
عند فهد
لقيت بوابة بيتهم مفتوحة .. بغيت ارن الجرس بعدين تذكرت الشايب الطيب اللي داخل وش ذنبة
بالله فتحت جوالي واتصلت على نارا تقول للذكية فجر تطلع وقفل باب بيتهم
انتظرت وبعد خمس دقايق طلعت بنت لابسة عبايتها .. وتلثمت يوم شافتني انتبهت لوجهها من بعيد
بس ماكان باين منه حيل ..
جات وهمت بتسكر باب البيت ناديت فجر اهي اخترعت وفتحت عيونها بقوة وبعدها سوت الوضع طبيعي
ونعمت صوتها وكأنه صوت ارنب او فار تقريبا :هلا فهد شخبارك ..
تبسمت :هلا فجر الحمد الله وانتي كيفك
قالت :انا الحمد الله .. انتي وش هالحركة البايخه اللي مسويتها استحي على وجهك وش كبرك تقومين تهربين وتسوين شي
خيالي اكبر من سنك ..
قلت وانا اتصنع اني مسكينه :لاتلومني يافهد والله موبيدي قلت لها لاتروحين لاتروحين بس اهي اصرت لا لازم اروح
فهد تكتف وضحك فجأة :يعني بتفهميني انك موفجر ..
فجر وكأن خطتها بدت تنجح :ايه .. بس يافهد انا طالبتك تروح تجيب السيارة الهبلة اللي داخل نست حتى وين ودتها
وان عرف ابوي وقتها بنروح في مبتدأ كان
فهد ضحكت فجأة :ههههههههههههههههههههههه اجل مبتدأ كان .. هاا ..
فجر :لاتعلق روح وانا بنتظر لا مارح اتظر خذ عطته جهاز تحكم صغير لونه اسود وحباته باللون الأبيض خذ اذا جبتها دخلها بمكانها ..
واذا سكرتها خل جهاز التحكم في العلبة اللي يحطون فيها الجريدة ..
فهد ناظرتها وهزيت راسي :لاحول ولاقوة الا بالله .. طيب ادخلي يلا
دخلت وانا طايرة من الفرح .. يعني ماكشفني ..
عند تولين
تولين كنت جالسة اسولف في الوتس اب في قروب خاص لعشاق كوريا
طلعت وشفت ان زياد جالس يكلمني جاني شي يقول اتركي عنك هاللعب والخبال لي متى شفتي الحلم
اللي حلمتي به اليوم بكرة يمكن يتحقق وانتي ماتركتي هالهبال .. تنهدت ..
بس قلبي ماطاوعني اشوفه يكلم نفسه رديت عليه
هلا فيك
زياد :مابغيت ترد ياشيخ وش حالك
تولين :حالي طيب وانت
زياد :وانا حالي طيب .. انا والشباب بنروح قطر كم يوم تجي معنا
تولين :لا والله مشغول عليكم بالعافية ..
زياد :ليه مارح نطول
تولين :لا معليش بس انا مشغول رح اكون ..
زياد :اهاا
تولين :زياد ابغى اقولك شي ..
زياد :وشوو تفضل ..
تولين :اناا .. انا
زياد :انت وشو حمستني ..
تولين :انا بصراحة بنت ..
زياد :نعم
تولين :...........
زياد :انت تمزح صح لأنك انت طلعت معي هذيك المرة يوم رحنا القهوة مستحيل اي اهل هذيلا اللي يتركون بناتهم هايتين كذا
تولين :كنت امزح وش فيك ..
زياد :محمد لاتمزح معي مزح ماله داعي بعدين انت صج شككتني فيك ترى لأن ملامحك ماتدل على انك ولد ...وصوتك مومرة
تولين :وش فيك زياد كنت امزح معك
زياد :بلا مزح بلا غيره ترى من جد بديت اشك فيك
تولين :زياد الله يهديك وش فيك اقول عن اذنك ثواني وارجع اكلمك
قمت بخوف بسرعه ورميت جسمي على سريري يالله اخاف يعرف منو انا خصوصا من رقمي وش اسوي الحين انا ابغى انهي الموضوع
بس كيف .. حظنت مخدتي بقلق ... وخوف ..
فجر
كنت بغرفتي ومنبطحة وارمي كرتي على السقف وترتد وترجع لي وكذا الحال ..
اوووف مليت ياربي وش هالحالة .. لوارجع جامعتي احلى ييييع وقفت شعرات جسمي من هالطاري مستحيل مارح افكر في هالموضوع
مرة ثانية اوف اوف جاني راسي لا يما بطني عورني اووف يليتني ماجبت طاريها اح عيوني ...
دخلت جود :وش فيك ..
فجر احححح :بس جبت طريا الجامعه واني افكر ارجع لها على طول جاني بطني الم موطبيعي اوف اوف عيوني .. راسي
جود ضحكت بسخرية :ههه اللي يسمع الحين غرفتك مليانه كتب ومن كثر المذاكره ماتبين تجيبين طاري المدرسة .. خلك ساكته بس
فجر :هوهو بدت خالتي نورة توو يلا بس انا اللي عاطيتك وجه ولا انتي ابد ماتنعطين وجه يلا اقلبي وجهك
جود تستهبل :يمين ولا يسار هههههه
فجر :سخيفة وسامجه وحدك مالك داعي
جود :داعي ولا مدعو هههه
فجر عصبت ووقفت وخذت الكرة ولاحتها عليها بس الحمد الله ان جود الحقت على نفسها وطلعت ..
عند غسق وناريز
كانت سوالفنا حيل حلوة ..بس وقفنا عند سالفة بس مادري وش لون دخلنا عليها ..
الوزن وماادراك مالوزن ..
غسق :انا في سؤال محيرني انتي شلون صرتي كذا رشيقة عكس جسمك اول علميني ابغى اصير مثلك ..
ناريز ابتسمت وخذت يدي وحظنتها بيدينها :شوفي سوسو ترى انا ماتعبت وانا اسوي جسمي كذا انا كل اللي سويته اني
حطيت املي بربي كبير وصرت اكل كل اللي ابغى بس اقلل الكمية كنت مااهتم لكلام اي احد انا واثقه من نفسي اني
جميلة وجسمي حلو بالنسبة للباقي على ان الباقي يكون عيبهم سمان قصار سمان طوال ولا العكس انا وحتى انتي ترى موباين علينا
ان وزنا اكبر من عمرنا ماكنتي تتخيلين شكثر كنت اتعب وانا اجيب لي ملابس كانت اذا جات تجينا مناسبات
كنت غير عن الباقي لازم قبل بأربعه شهور او خمس ادور لي على ملابس على ان الكل كان ينصدم جسمي حلو شلون مااحصل بسرعه
بس لأني اطرافي كانت مليانه المهم ان ينتهي الحال فيني يا ان اكون لابس عباتي الكتف ينقالي كاشخه او اني افصل لي او كنت ماروح الزواج مرة وحدة
بس لم كنت اناظر مرايتي واحفز نفسي اني ضعيفة وبالعكس جميلة ومافي احد مثلي وكل ماوثقت بنفسي زياده لقيت جسمي
ينقص وينقص وينقص الى ان وصلت لجسمي المثال واجمل بعد .. انتي لاتفكرين ولاغيره بعدين غسان عاجبة انتي ليه موعاجبك
غسق :ناريز منو اللي بيلبس ويكشخ انا ولا اهو
ناريز ابتسمت :الله يساعدك بس لاتشدين على نفسك اكثر من الازم لأن رح تجيك لحظة انفجار ورح تاكلين كل اللي تبغينه وتزيدين ضعف اللي خسرتيه ..
هزيت راسي بمعنى ادري ..
قطع حديثنا صوت غسان يقول انه بينزل وقفت ناريز ولبست عباتها وتحجبت ..
ناظرته كان لابس ثوبة وناسف غترته وريحة عطره الخفيفة الرجولية وربي ريحتها تعطيك شعور يجنن ..
ابتسم وقال :هلا بزوزو شخبارك
ناريز :هلا فيك انا تمام وانت وش حالك ..
غسان بشخصية اول مرة اشوفها :iam good
لفيت اناظره مستغربة متأكدين ان اللي يتكلم اهو غسان اوه ماي قود ..
تصدقون انهم نسوني وبدو يتكلمون في سوالف اول مرة اسمعها وذكرياتهم ايام طفولتهم حسيت نفسي مالي داعي بينهم ابدا ..
وقفت يمكن يعطوني اهتمام لكن للأسف مااثرت عليهم رحت للمطبخ وقلت للخدامه تجهز العشاء ..
تنهدت :ايييه اهم عيال خاله وعلى قولتها اخوان يعني وشو له الغيرة ...
لحظة
لحظة انا اغار على غسان يوووه لا مستحيل منو قال اساسا انا جالسة امزح مع نفسي وشو له احب انسان بارد بدون احساس
اي والله لا واللي يسمع بيبادلني الشعور وبيموت علي ... نفضت هالأفكار من راسي وجلست ارتب الأكل وانسقه ..
على طاولة الطعام ...
عند رشا وتولين
كانت رشا مندمجه مع الفيلم اللي ماتدري وش اسم امه ويدها تنغرس في علبة الفيشار وتاكل بدون وعي ..
دخلت تولين :اوني .. اوني ..يا اوني ..
طبعا رشا كانت في عالم من الأحلام مع البطل وكيف انه كان يصرخ لازم ينقذ حبيبته .. طبعا رشا مستغربة من شي
اللغه مش انجليزية ولا كورية وصينيه ولايابانيه لغه غير غير اول مرة تسمع فيها ..
تولين فجأة بدت تصفق :ههههههههههههههههههههههههههههههههههه وش عندها الأخت تطالع فيلم اسباني ..
رشا لفت فجأة احلفي اسباني .. خلاص انا خقيت على صاحبنا خلاص خطيبي من اليوم ورايح ..
تولين جلست جنبها وجلست تاكل معها بدون الأندماج مع الفيلم تخاف تندمج وتحبهم وبالنهاية تسحب على الكوري والصيني والتايلندي وتشوف اسباني ..
وفجأة البطل طلب الزواج من البطلة .. والمفاجآة الثانية لم
رشا :يما قلبي قلبي وش فيني قلبي
تولين لفت لها منفجعه :وش فيك وش فيه قلبك
رشا :مادري فجأة قام قلبي يعورني ليكون بيجيني شي موزين
تولين :يا بيتشاسو تشينتشا بيتشاسو >>>> هي انتي مجنونه صج مجنونه
رشا حطت يدها على رقبتها :يما هذي اللي بتذبحني تكلمي عربي يما قلبي
تولين كان باين عليها تتألم معقوله تمثل .. قربت منها وضميتها
تغيرت معالم وجهها وكأن كل شي يألمها وقفت وراحت غرفتها وتجاهلتني وانا اناديها ..
عند غسق
الكل كان مجتمع على طاولة العشاء طبعا بدون غسان انا وناريز بس .. جلسنا ناكل
براحه مع سوالف بسيطة .. وفجأة جى على بالي .
غسق :تصدقين اختك ماتشبهلك ابدا .. انتي غير واهي غير
ناظرتني وقالت :اعذريها ترى اهي ماتربت عند امي تربت عند عمتي وعماتي اهم كذا شوي يعني .. مدري كيف
انتي تعرفين رهف حماتك ..
غسق :اي شفت صورتها .. وش فيها ..
ناريز بدت تندمج بسوالف :انتي ماتدرين ان رهف ولمى اختي نسخ من بعض يعني تخيلي انهم اذا شافو وحدة موكاشخه
وكذا شوفي ايش يسوون لها ..
عكس نارا اللي متهتم بالشكل كثر ماتهتم بشخصية الوحدة ..
غسق بقلق :يعني رهف مثل اختك
ناريز :شوفي بصراحه اهم مثل بعض شخصياتهم لكن رهف اخف شوي ..
غسق :اهاا ..
ناريز ":بس اذا تجاهلتي رهف وماعطيتيها وجه تنقلب نفسيتها فوق تحت وتعصب ومدري ايش تسوي اشياء تنصدمين ان وحدة عاقله مثلها
تسويها ..
غسق :الله يكون بالعون
حسيت بخوف وقلق وارتباك معقولة يعني لو جات هذي رهف وش ممكن تسوي لي . يالله ..
غمضت عيوني وانا اتمنى ان ربي يكتب لي اللي فيه صالح لي
رشا ..
كنت احس بألم في قلبي من جد اول مرة احس فيه
حاولت انه يروح مني لكن مافي امل .. قررت اني رح انام .. وان ماتحسن
ابروح الصبح المستشفى ..
غمضت عيوني ونمت وانا ماااحس براحه في نومتي ..
عند غسق
توها من شوي مشت ناريز احس بتعب موطبيعي غيرت ملابسي ولبست قميصه الأسود والشورت حقه ...
ياربي على البيجامات اللي عندي لكن مااحب انام الا فيها ..
تذكرت جوالي اللي نسيته تحت ليكون يشوفه بالغلط وياخذه مني ..
ركضت بسسرعه اباخذه تركت شعري مفتوح لأني كنت ناوية انزل بسرعه وارجع ..
خذيته من على الصوفا لقيت فيه مكالمه وارده وكانت من امي ..
ناظرت الساعه كان الوقت متأخر اكيد امي نامت الحين لأن الساعه كان رح تجي عند 12 ..
لفيت لصوت الباب اللي انفتح ودخل منه غسان .. بس كان غير عن العاده كانت في ابتسامه على شفاته اختفت بالكاد يوم ناظرني ...
قال بصوت جهوري غير عن كل مرة :تعالي بغيتك شوي ..
غسق استغربت ومشيت وراه ..
غسان فجأة ابتسم وقال :دووم اتركي شعرك كذا ..
انحرجت بس اخفيت احراجي ولميته على جنب .. وقلت :طيب شنو تبغى ..
غسان ابتسم اكثر ومشى لمكتبه وجلس على الكرسي اللي يتوسط المكتب ..
جلست بدوري على الكرسي اللي يقابلة وقال :انا اسبوع الجاي ابغى اسافر .. مارح اطول الكذا لازم تروحين بيت اهلك
غسق قلت بسرعه :لا وين رايح ولييه وكم بتجلس
غسان شفت اللهفه بصوتها وكأنها ماتبغى تفارقني او ماتبغى ترجع بيت اهلها ..
قلت وانا اتكتف :اعصابك لايصير فيك شي ..
غسق وتغيرت ملامح وجهي كلها للبرائة وعيوني تفتحت بشكل لاارادي وصوتي صارت في بحت بكا ورجى :وتتركني لحالي ليه
انا وش سويت خلاص من اليوم ورايح ابسمع كلامك ..
غسان ضحكت بسخرية :كل هذا بتسوية عشان اني بسافر .. :ابروح لأمي .. انتي تدرين انها لازم اذا جات بتسوي عمليتها الكبيرة
لازم يكون بوجودي وثانيا انا ابغى افتح فرع جديد .. للشركة فلازم انا بنفسي اروح عشان اشوف الموقع والتصميم وكل شي
اما بالنسبة لكم بجلس مارح اطول مرة يمكن 7 او 8او 6 شهور ..
غسق فتحت عيوني بصدمه :لا مستحيل كل هذا ومارح تطول ..
غسان قلت ببرود :وش المطلوب مني يعني ..
غسق قلت برجى وانا اشوي واقوم من الكرسي وابوس راسة :خذني معك تكفى ..
غسان تنهدت تنهيده طويلة :بعد اسوبعين رح تبدأ المدارس كيف اخذك معي ولا ان كنتي تبغين تفوتين عليك سنه ..
غسق قلت بسرعه وبدون تفكير :اي عادي وش فيها ..
غسان انصدمت صراحه ماتوقعتها لهدرجة موطايقه بيت اهلها :نعم ليكون صدقتي اني اباخذك وافوت عليك سنه
دراسة ...
غسق شوي واصيح من القهر ولأنه فشلني :طيب روح بس اتركني هنا ماابغى ارجع بيت اهلي ..
غسان :نعم لاتحلمين اتركك هنا فهد يمكن يرجع والخدم ماظمنهم عليك ..
غسق اللي يسمعك الحين بتموت من الخوف علي :لا تخاف مارح يسوون فيني شي ..
غسان :لاتناقشيني غسق
غسق قلت برجا :طيب انا ابغى اسافر بعد وش ذنبي بالله ..
غسان :طيب يوم الأثنين الجاي اباخذك معي لجدة ..
غسق قلت بسرعه وبتهور :ياشيخ انت بتروح دوله تجنن وبعيدة وانا اروح لجدة ليه ..
غسان قلت اجاريها :ليه وش فيها جده ..
غسق :ابد مافيها شي بس رطوبة وحر يعني ولا كأني طلعت من الرياض ..
غسان قلت ببتسامه بارده :طيب ابعد من الواحد للثلاثة واختاري اي بلدة تبينها .. 1.2.3
غسق فكرت بسرعه وجى في بالي :روسيا ..
غسان رفعت حاجبي باستنكار :روسيا ..
غسق ابتسمت بفخر :ايه روسيا ..
غسان غمضت عيوني وفتحتها ورفعت رجلي فوق الطاوله وفكرت بقلبي والجو هناك .. قلت :طيب بس لاتحاولين تغيرين رايك
غسق :لا مارح اغير رايي ولا شي ..
غسان لحظة طلعت جوالي وفتجت على نسجيل الصوت وقلت :عيديها مرة ثانية وين تبغين تروحين
غسق قلت بشموخ ومحد يهزني :روسيا ..
غسان سكرت تسجيل الصوت ووقفت :اوكي روسيا روسيا ..
غسق بفرح والدنيا موشايلتني واخيرا مابغيت .. :شكرا غساني
غسان ضحكت بسخرية ولفيت وجهي .. اجل غساني .. بنشوف ..
من الحماس اللي فيني صعدت غرفتي وجلست اكتب وابحث في قوقل عن اجمل الأمكان فر روما .. والبحر والفنادق وكذا وكل شي كنت مسجلته
بدون ماانسى ولا شي متى يجي يوم الأثنين ياربي ..
نمت وانا بطير من الفرح صح مو اول مرة اسافر برى بس هالمرة دوله كنت دايم اقول لأبوي يوديني اياها لكنه كان يقول لا
بس ماكنت اعرف شنو اهو السبب ...
رشا
صحيت الصبح وقلبي بعده يعورني وهالمرة زادت الضيقة واحس بعدم ارتياح من جد ..
اووف كنت متضايقه لدرجة اني موعارفة حتى كيف اغسل وجهي ..
قمت ورحت لأبوي اللي كان جالس يقرأ الجريدة .. ومتحمس معها قلت :باباتي ..
ابوي :هلا هلا هلا برشوشي .. تعالي حبيبتي اجلسي
قلت بتعب :يبا تكفى خلني اروح المستشفى ..
ابوي بخوف :ليه وش فيك
رشا حسيت شوي ويغمى علي :مادري يوبا قلبي يعورني موقادرة اتنفس كويس ..
ابوي وقف :طيب قومي البسي عباتك ..
ساعدني اقوم ونادى رشا تجيب عباتي ..
عند فجر ..
صحيت على صوت سيارتنا المكسرة وجرسها المزعج اووف .. وش فيهم صرخت بأقوى ماعندي :شفيكم ماتعرفون تخلوني انام .. اووووف
رجعت وغمضت عيوني ونمت .. فجأة سمعت صوت اغنية جوالي المزعجه اللي كانت لبيق بانق جي دراجون ..
اي يو فاينلي الخ الخ الخ يور ماهارت هارت هارت بريكانق نيقي مان .. اوووف
حطيت يدي على اذاني :جي دراغون ووجع اسكت .. اوووف ..
سحبت جوالي وقلت بصراخ :بوووووو
.....:وجع يكسر بعارين شارعكم كله سواق ابوك انا اجلسي ووجع
فجر حسيت على عمري وعدلت جلستي ورتبت شعري وكأنه واقف جنبي وقلت بنعومة مدري من وين بالظبط جبتها :هلا صباح الخير
فهد ضحكت بسخرية :هههههههه توك بوووو والحين هلا صباح الخير .. انزلي ووجع خذي سيارتك وتراني صلحتها احمدي ربك لايجلس ابوك تراني ابقوله السالفة كلها ..
قمت بسرعه وقلت لا لا تكفى يلا هذاني جايتك ..
قمت ولبست عباتي ونزلت بسرعه ونسيت ان امي بالمطبخ تسوي الفطور وطلعت بسرعه ..
فتحت الباب وخذيت منه مفتاح السيارة مع جهاز التحكم للباب وجوالي اللي انصهر نصه وتحول من اللون الأبيض والكحلي الى
البني والسماوي .. النصر العزيز راح علي ... اهئ اهئ ..
قلت له :شيشي ..>>>شكرا
طالعني بستصغار وقال :يصير خير ومشى ..
ليكون ظن اني سبيته تعال ياولد الناس مشى وتجاهلني ..
رشا بالمستشفى
دخلت على الدكتورنيشان اللي بسبته انذلفت ساعه وانا انتظر مليت واخير صار دوري الحين تقولين كأنه حنا واقفين بمطعم استغفر الله
لا واسمه نيشان احسه مصدق عمره اكثر من الازم ..
دخلت بس شفته كان الدكتور خققتيشن .. جلست رفع راسه وناظرني .. وناظر ملفي قال : ايوه يارشا وش فيك
رشا قلت بألم :قلبي يعورني واحس اني مومرتاحه
الدكتور نيشان :طيب كيف قلبك يعورك يعين فيه خفقان سريع او مفاجأ او كيف يعني
رشا استغربت وحطيت ايدي على قلبي وقلت :كيف يعني مافهمت
نيشان بدينا الحين للتبليمه العدله :ممكن اشوف نبظات قلبك
مسكت يدها اليسار من جهت المعصم وناظرت ساعتي ..
رشا تبلمت اول مرة رجال يمسك يدي يربي وش هالأحراج .. نزلت راسي ينقالي منحرجة ..
نيشان كنت متفاجأ يدها دافيه بشكل موطبيعي اللي يده دافيه معناته ان قلبها وروحها صافيه ودافيه ابعدت الأفكر اللي مالها داعي
عن بالي وركزت بنبضات قلبها .. كان في عندها ضعف في ضربات القلب .. بدل ماتكون ثلاث دقات بالثانية اهي عندها دقتين بالثانيه
سألتها :عندك حرارة ..
حطت يدها على رقبتها تحت غطوتها وقالت شوي ..
امرت الممرضة تفحص لها حرارتها كانت درجة حرارتها 39
نيشان :باين عندك فقر دم لازم تتغذين عدل ووصفت لها كالسيوم المكملات الغذائية
قالت :ماارجع مرة ثانية ..
ابتسمت وقلت :اذا رجعت لك الحالة مرة ثانية تعالي
قالت بخوف :دكتور انا مااحس ان بس هذا اللي عندي لأن احس بشي يعورني داخلي
قلت لها :طيب شنو اللي يعورك بالظبط ..
رشا :مادري
نيشان :ادخلك جراحة على طول
رشا بخوف :لا ويه بسم الله علي جراحة شنو
نيشان :شفتي الله يهديك .. توكلي على الله واذكرية ولابيصر لك الا الخير ..
شكرته وطلعت ياربي بس والله انه جميل .. هيهيهيهيهيه لازم اسبوع الجاي ارجع له ..
عند غسق
صباح جديد اشرق عليها ياربي ليه اليوم السبت ... اوف خل اقوله يعجلها شوي لأن بصراحه كذا رح يضيع من اليوم المقرر لي ..
لبست قميص كحلي مرسوم عليه علامات موسيقية طويل لتحت الركبة واكمامه توصل فوق الذراع
... ورفعت شعري على شكل فيونكه وتعطرت وحطيت قلوس وردي ..
رحت عند غرفته وفتحت الباب بشويش ..بس مالقيت احد كانت غرفته نظيفة ..
نزلت لمكتبه وهم ماشفت احد .. لقيت الخدامه اللي كانت ترتب الفطور على الطاولة ..سألتها وين غسان
اشرت لي على الغرفة حقت الرياضة يالله اكره هالغرفة على اخر موقف صار فيها ..
فتحت الباب وشفته جالس يجري وحاط سماعات بأذانه بس هالمرة غير كان لابس قميص داخلي ابيض حفر وبنطلون رياضه كحلي
كانت عضلاته بارزة مو مرة بس يعني اول مرة اشوفهم كذا ..
تنهدت ياربي ليش زوجي وسيم وانا شيفه اوووف ...
انتبه لي وشال السماعات من اذنه وقصر على سرعة الجهاز وقال :تعالي
تحمحمت وعدلت نبرة صوتي وقلت بنعومة :صباح الخير
غسان رفع حواجبة وابتسم ولف وجهه وقال يقلدني :صباح النور
ابتسمت وقلت :ممكن اطلب طلب ..
غسان نزل عن الجهاز وقال :اطلبي وش تبين ..
غسق قلت بأسلوب الحنه طبعا معروفين البنات السعوديات بهالأسلوب اذا بغو شي :انت حددت اسبوع لروحتنا حتى مارح نكمل الأسبوع
غسان يبغى يختصر :المطلوب ..
غسق ابتسمت :نروح بكرة صراحه مافيني صبر ..
غسان رفع حواجبة :لهدرجة الحماس ماكل قلبك
غسق ابتسمت :ايه تكفى
غسان ناظر ساعته :اجل السفرة رح تكون اليوم في الليل لأن بكرة مافي مجال .. ولا اللي بعده ..
غسق فتحت عيوني من الحماس ونطيت فجأة :صج اليوم اليوم اليوم
غسان :ايه يعني على الساعه 10 احنا ماشين اجهزي من الحين وجيبي لك ملابس تدفي عدل طيب وابتسم بخبث ومشى ...
غسق مشيت ابتسامته اللي مالها داعي .. ورحت وركضت له لأني ذكرت شي .. /لحظة
لف وناظرني وهو يجفف شعره من العرق :نعم
غسق ابتسمت :ماعندي ملابس شتوية ..
غسان :يعني
غسق قلت بأحراج :ابغى اروح السوق واشتري لي ملابس ..
غسان :طيب بس قبل لاتروحين تعالي لي ..
غسق مافهمت كيف يعني قبل لا اروح امر عليه .. ليه مارح يجي معي .. طيب اسيرعليه اسير عليه
عند تولين ورشا
دخلت البيت وانا احس اني طبت والله مدري ليه .. ناظرت تولين اللي كانت مندمجة بمسلسلها الكوري rooft prince
ياربي صج هالأنسانه سخيفة لا واللي قاهرني انها كانت تضحك وانا احس انه ماله داعي ضحكها ..
وقفت وراها وجلست اطالع معها بس اللي خلاني اضحك من جد يوم كان البطل مع اصحابه دخلو المصعد ولفو كلهم وقالو :تشوها تفضل وغير ملابسك اولا
طبعا اهو اندمج وجلس يغير ملابسة والصدمه انه وقف عند طابق معين وكان مليان بنات جلسو يصورونه لأنه جميل واهم جلسو يصارخون
ضحكت على خبالهم من جد يجيبون مواقف مدري من وين ..
تولين حطت المسلسل ستوب وقال :اوني كينتشانا يو وجات وضمتني >>> اختي انتي بخير
رشا بعدتها عني : ساميدا كدري وش تقولين ..
تولين ناظرتها :وش فيك بالعادة تجامليني وتمشين كم كلمه ليكون بسبب علتك نسيتيتهم ..
رشا :ايه نسيتهم وخري بس ..
تولين جلست :جنبها وش قالولك عسى بس موب شي خطير
رشا ابتسمت وقلت :كالعادة فقر دم ..
تولين :ايه الحمد الله مهوب جديد عليك اللهم ياكافي مغير تطرين من الناس دم .. كم جرعه ركبو لك
رشا :ياااا بابويا ..>>>يمجنونه
تولين ابتسمت بفرح :قوليها مرة ثانية
رشا :انقلعي بس وقفت ورحت لغرفتي وانا اتذكر محبوبي الدكتور .. ضحكت على نفسي انا من النوع الي اذا جبرت نفسي على احد خلاص
احبه ابعدت هالأفكار عن بالي وشغلت نفسي بقراية رواية ..
عند غسق ..
كنت قاعده اكتب وش ناقصني من اغراض .. للسفرة ..
اممم اهم شي فرشاة اسناني وملابسي الداخلية واممممم شنو بعد وايه شباصات لشعري لأنه ينرفز ساعات ولحظة تذكرت
بروايات اللي كنت اقراها كان اذا الوحدة جات بتسافر واهي متزوجه لازم تجيب لها ملابس واكسسواريز وميك اب واشياء كذا
خذيت اللي اقدر عليه واللي يكفي شنطتي وخذيت لي ثلاثة عطور مالي خلق اكثر اشياء على اسبوع بس .. بقى الملابس
انا مااحتاج ملابس شتوية وشو له اطلع واشتري لي ملابس ماله داعي ..
خذيت لي الملابس المريحة لي واللي تريحني شفت بالطو طويل كان لونه احمر وكله فروو لبسته ولحسن الحض
كان مقاسه جاي علي بس اهو بالأساس موديلة يكون واسع ابتسمت وقلت :ابتسمي غسق على الأقل في شي صار مقاسك ..
وخذيت شال وقفازات تبع الملابس الموجودة .. وبس .. سكرت شنطتي وتذكرت ماعندي جزمة الله يكرمكم عدله ..
يعني لازم اطلع اووف مالي خلق ..
لبست عباتي وخذيت شنطتتي ... طلعت ورحت لغرفته ضربت الباب وسمعت صوته يقول :ادخلي ..
دخلت شفته كان واقف وجنبه الخدامه وكان يتكلم معاها كلام بالأنجليزي مافهمت منه الا كلمة ملابس ..
لأنه كان يتكلم بسرعه .. واشر لها على اشياء وكذا والخدامه ابتسمت وهزت راسها بمعنى انها فاهمه
لف علي وقال لحظة لقيته مشى للتيبل الموجودة في غرفة الملابس واخذ جازدانه اللي كان بجلد التمساح الأخضر الزيتي ..
وطلع كرت الفيزا وقال :اشتري اللي تبغينه وتحتاجينه ومعك اشتري لي قفاز جلد ابغاه اسود ..
ناظرت البطاقة وقلت :من وين تبغيني اشتريه
غسان قرب مني اكثر :اللي يكون اقرب Guuciاو chanel
قلت :طيب بس ماله داعي عندي فلوس ..
غسان رفع حاجبة :وبالله من وين لك الفلوس
غسق :نسيت مهري ..
ضحك بسخرية وقال :انتي كل كلمة والثانية قلتي مهري لاتنسين ان وراك عرس للفستان وكذا .. وبعدين انتي منو سمح لك تستخدمينه
في اشياء تافهه مثل هذي وين جازدانك اشوفه استغربت بس طلعته سحبه مني بدون اذني وفتحته
وسحب كرتين البنك اللي كانو عندي وحدة كان ابوي فاتح لي حساب منها ووحدة اللي كان فيها مهري . .
البطاقات هذيلا مارح تستخدمينهم استخدمي هذي وحطها بجازداني
غسق لأن ماكان لي خلق اجادل احد خذيتها ومشيت ..
فجر ..
ماكنت عارفة كيف ادخل البيت امي بتذبحني وبتسوي لي عرس اول ماادخل .. شلت عباتي ونشرتها تبع الغسيل اللي كانت حاطته الخدامه .. وخيت شعري يكش
وخذيت من الموية الموجودة برى وغسلت وجهي فيه وحطيت عند رقبتي واذني وبللت شوي من شعري ينقالي مسوية رياضة ..
ودخلت وانا يدوب كنت جالسة اخذ نفس .. ينقال لي ..
امي طالعتني بستغراب :وش فيك
دلست ينقالي تعبانه :اووه كنت جالسة اسوي رياضة .. تعبت ..
امي :من وين طالعه الشمس اليوم وش عندك تسوين رياضة ..
فجر :افا امي من عمري وانا اسوي رياضة بس ماتشوفيني
امي رفعت حاجبها :ليكون قصدك رياضتك هالرقص اللي ماله داعي
ابتسمت وقالت :دييييه >>>اييه
امي :روحي الله يهديك بس وصحي اختك ..
دخلت المجمع ولحالي اول مرة اكون لحالي بالسوق بالعادة ابوي مايرضى لي اروح الا معه ..
دخلت وانا امشي لفت انتباهي محل guuci وتذكرت القفاز اللي قال غسان عليه ..
دخلت المحل طبعا اخترت له قفاز بس كنت مومتأكدة من قياس يدينه بس شلون ..
اتصل عليه لست اتذكر اذا اهو مرة بالغلط مسك يدي لا .. حاولت وحاولت ..
جبت له مقاس يديني .. ان طلع مومقاس يدينه اباخذهم انا ..
جذبتني ساعه جلدية لونه بني .. وزجاجية .. اطارها مصنوع من المرايا .. وداخلها علامة guuciالمشهورة
كنت محتارها اخذها اهي ولا البيضة ولا السودة .. قررت اني اخذ البيضة لأنها حيل عاجبتني ..
حاسبت وطلعت من المحل ورحت لمحل جزم كان اسمه طويل وصعب وبالأنجليش ماهتميت اقراه حتى المهم ان لون لوحته اورنجيه
شريت لي جزمتين الله يكرمكم وحدة سبورت ووحدة شحاطة .. لأن من جد فكرت لو بشتري جزمة شتوية مارح استفيد منها ..
تمشيت شوي وقطع على صوت جوالي .. كانت امي متصلة .. رديت عليها ..
غسق :هلا يما ..
امي :هلا غسق شخبارك ؟
غسق :الحمد الله وانتي
امي :الحمد الله مارح تجين اليوم
غسق رفعت حاجبي باستغراب :وين ؟؟
امي :اليوم جنى بنت عمك بتملك ..
غسق انصدمت :يما جنى جنى ماغيرها ..
امي وشكلها مستعجلة :ايه المهم زوجة عمك تقول لازم تجين .. تعالي طيب ..
غسق :ايه بس انا اليوم بسافر ..
امي بستغراب :وين بتسافرين وليه ماقلتي لي ..
غسق :امس فكرت في سفرة وقلت له والمفروض نسافر يوم الأثنين بس تأجلت وصارت بكرة ..
امي :اها طيب وين بتروحين ..
غسق ببتسامه :بنروح روما ..
امي :وش فيك انتي على روما هاا ..
غسق :يوه يما كان خاطري اسافرها من متى وانتي دايم تقولين لأبوي ماله داعي دولة مافيها ناس تصلي وتشكر الله مانروحها ..
امي :طيب طيب اخلصي يلا تعالي لو خمس دقايق سلمي عليها وامشي ..
غسق :طيب .. وين مكانهم
امي بسرعه :في استراحة ال.......
غسق :طيب .. اومي مع السلامه
امي :مع السلامه ..
غسق جلست اضحك بداخلي كانت جنى دايم تقول مستحيل املك الا اذا خلصت ثالث ثنوي والحين املكت ياحياتي .. ههههه
اتصلت على السايق يجيني .. كان في شي داخلي يقول اشتري لك شي للشتاء اشتري .. وانا اقول انا اساسا ماابرد بسرعه فلأيش
مالي خلق ...
((اتمنى انك ماتندمي بعدين ياغسق ))
عند فجر
جلست جنب صورة ياسر حبيب قلبي .. ايه ياسر القحطاني ..
ياحظ زوجتك بس وعيالك يناظرون فيك الى ان يشبعون .. ايه وانا ماعندي الا هالصورة ..
ياربي من زمان عن الخبال والرجة الله يهديها نارا بس لو انها ترجع ..
جى في بالي شي .. وقمت على طول ابطبقة ...
عند غسق
دخلت البيت بسرعه وعطيت الأكياس الخدامه تصعدهم غرفتي رحت للمكتب وشفت غسان جالس يكلم وهو مبتسم ..
غسان :لا يالغالية ابشري ابجيك الأسبوع الجاي لا مافيها شي
غسق :مين اللي بيجيها اسبوع الجاي انا قلت مايبغى يتركني ولا ياخذني معه الا لسبب ..
غسان :ههههههههه لا والله انا قلت لها اختاري واختارت واليوم رايحين حنا ..
غسق قربت ودخلت بشويش ..
لكنه على طول رفع راسة وناظرني واشر علي وحط يده على فمه بمعنى انكتمي ..
غسان ضحك ضحكة ترن بأذني ليومكم :ههههههههههههههههههههههههههههههههههههههههههههههه ابشري ابشري ..
في حفظ الله .. اي خلاص ابخليها ترجع اول مااجيك .. ايه انتي تدرين انا مااظمن رهيف اخليها معك لحالك
غسق ارتحت ايه طلعت امه الله ياخذ الشيطان بس ..
غسان :في حفظ الله مع السلامة .. ناظرني واسند نفسه على الكرسي .. شريتي كل شي تبغينه ..
غسق ابتسمت مدري ليه :ايه وشريت لك القفازات ..
غسان ابتسم :شكرا .. عساك اطلعتي على الجو ودرجة البرودة وكل شي
غسق وانا شاقة حلقي من الفرح:ايه الحمد الله كل شي حتى الأماكن السياحية ..
غسان ابتسم بخبث : لا والله .. زين اجل توفرين علي التعب والروحة والجية ..
غسق :ايه لله الحمد .. الحين الساعه 7ونص ابروح ملكة بنت عمي وابرجع .. طيب مارح اتأخر ..
غسان وقف :طيب روحي اجهزي وانا باخذك لعندهم .. عشان عندي مشوار وفي رجعتي ارجعك معي ..
غسق وقفت :طيب .. يلا ..
غسق تروشت بسرعه واستشورت شعري ودقات قلبي شوي وتطيح من الخوف على شعري اللي تساقطه صار اكثر من اول ..
يالله تعوذت من الشيطان وانا اقول . اكيد يتهيأ لي ..
لبست قميص لونه اسود فتحتة الصدر كانت وسيعه بس صايرة على شكل نص دائرة ..
حفر في سلاسل ذهبية تنزل منه مع ماسك ذهبي .. رولت اطراف شعري وتركته مفتوح
حطيت لي ميك اب ناعم كثير كحل اسود وحددت جفني باللون الذهبي مع قلوس لونه على اللون البينك المايل للبني الفاتح
وتعطرت لبست الساعه الجديدة اللي شريتها مع اكسسوار بسيط
يالله الحين وش البس جزمة الكعب مستحيل البسة توكلت على ربي ولبسط جزمة كعب بس مش مرة يمكن طول كعبها 4سم
وخذيت عباتي وطلعت .. وانا اقول بسم الله .. خرعني هالأنسان ليه يسوي كذا
كان واقف قبال باب غرفتي وساند نفسه قبال الباب ومكتف يدينه ينتظرني .. اول ماشافني ابتسم .. ومشى ..
تنهدت بخوف :ههه ياربي منه وقسم بالله بيجيب لي سكته قلبية .. اووف ..
فجر
كانت امي تلف سمبوسة .. عشان بتوديها لوحدة طالبتها ..
قربت من امي وقلت :يوما ...
امي بدون ماتناظرني :همممم
فجر :يما نارا امس مكلمتني ..
امي رفعت راسها بهتمام من طاري نارا: ايه وش فيها
فجر نزلت راسي وقلت :تقول امها تعبانة بزيادة هاليومين وتدرين رهف اختها مالها داعي عنيدة وعصبية وماتسمع الكلام
واهي تبغى وحدة تساعدها وطلبتني طلبة طلبة .. اني اروح .. لها ..
امي ناظرتني والشك بعيونها :يعني الحين من الأوادم كلهم .. والناس والعالم وزوجة اخوهم ماطلبتك الا انتي
فجر وانا مجهزة اللي بقولة :ايه طلبتني طلبة وخالتي هناك مسيكينة تعبانة وعلى قولتها محتاجة احد يجيها ..
امي وكأنها اكتشفت وش انوي عليه :خلاص اخلي ود تروح لها انتي رجه وتفشلين الواحد .. مايصلح ..
فجر نطيت بسرعه :لا لا لا يما تكفين انا بروح والله مااصير رجه .. واصير مؤدبة تكفين يما ..
امي :لا مافي لاتحاولين ..
فجر برجا :طيب ابروح مع جود ..
امي رفعت راسها :ومنو قالك ابخلي جود تروح اثنيناتكم مافي روحه لكم ..
فجر قلت بقهر :ويه شما >>> ليه بس بالصيني ..
امي ناظرتني بانزعاج :لاترطنين فوق راسي لغة ماافهمها وقلت لا يعني
فجر قلت برجا للمرة الأخيرة :يما تكفين ..
امي :قلت لك لا .. مافي ياتساعديني ياروحي عن وجهي ..
فجر قلت بنفجار :مدامك موراضية ليه اجل ماتزوجيني .. اول مايجيني اي خاطب مارح اقول لا وتشوفين
مو كل مرة تقصين علي ولاتقولين لي لا هالمرة بالتزوج واللي فيها فيها .. وتشوفين ..
امي رفعت حاجبها :لا يكون الخطاطيب جايين لك بس تراهعم جايين لجود مولك بعدين تطمني اول مايجيك خاطب ابوديك لها ابفتك من خشتك حتى
لومارضيتي ابخليك تروحين غصبن عليك وتشوفين ..
فجر فتحت عيوني :اومي تقولينها من جدك خلاص اجل لاتسألين عني ابد ولاتعرفيني ولا اعرفك طيب
امي لاحت علي علبة المناديل :بنت روحي عن وجهي .. يلا ...
فجر وقفت ورحت لغرفتي وانا اهز راسي :وقسم بالله اهل فاشلين مايحبون التطور ولا حتى مماشاة العالم .. اي والله تلف سمبوسة ..
انبطحت على سريرها وغمضت عيونها تضيع وقتها باللنوم ..
عند غسق
طول طريقنا كنا ساكتين ولا واحد منا تكلم ..
واخيرا وصلنا للأستراحه وفجأة قام بطني يعورني ماادري ليه مابي اقابل ملكات جمال العيلة اللي اهم خوات جنى .. وحريم اخوانها ..
بالموت بلعت غصتي اللي وقفت في نص بلعومي .. وتقدمت ومن سوء حظي ان النا لاجات بتعدل زينتها .. لازم تدخل داخل القاعه وتمر على المعازيم كلهم على ماتوصل .
سلمت امري لرببي خل اتعدل عند المراية الخارجية فتحت عباتي وعدلت مكياجي وشعري اللي انتفش من الغطوة ..
وانا في طريقي عشان ادخل مسكتني اللي تفتش على الجوال وخذت جوالي وانا ودي اذبحها مالي خلقها وجلست سنة تفتش فيني وبعدها
بالموت دخلت .. كنت اتلفت ابغى الاقي اي وحدة من بنات عمي .. وانفتحت ابواب الدنيا بوجهي لما لقيت فطامي بنت عمي تصير اخت سارة ..
اشرت لها وجاتني بميني دريس فوشي مغطى بمقاش بس مااعرف وش اسمه لونه بالأسود .. وكانت قاصة شعرها وصابغته طالعه شكل ثاني ..
ضمتني وجلست تسلم علي وتسأل عن حالي عن نفسي كنت مرتاحه .. للأنها تقريبا من سني تكبرني بكم شهر بس ..
سلمت على عمتي قابلتني بالأحظان وكيف حالك والخ الخ الخ .. لقيت بنتها اللي ماابلعها ابدا فرح كانت لابسه ميني دريس اسود
مع جسمها المثالي وكعبها الأحمر الملتف على سيقانها بشكل جذاب .. وسلمت على زوجة عمي يالله وش كثر اشتقت لها ..
طبعا هذي زوجة عمي ثانيه .. زوجة عمي الثاني اللي اسمه جاسم .. طبعا بعدين رح تعرفون ليه انا انقطعت علاقتي معه ومع زوجته ..
جلست جنب فطامي وجلست اسولف معها ناظرت الساعه لازم امشي الحين قلت لفطوم تجي معاي اسلم على جني وامشي ..
طبعا طول ماانا جالسة كنت ميته من القهر وانا اشوف كل حرمة تجي وتسلم على عمتي وتسألها على بنتها المخطوبة .. فريح
وطانت تبتسم وتقول البنت محجوزة الواحد من اولاد عمها وانا كنت اعدهم للحين الحرمه الرابعه ولمى شفت حرمة خامسة بتجي
وقفت ومشيت انا وفطوم ..
دخلت الغرفة انصدمت بالملكان الجالسة كانت جنى ولابسة فستان لونه سكري .. ناعم كان بدون سيور وماسك عند الخصر ومن بدايته
الى الخر كان شيفون ويزينه حبات لؤلؤية وتحت الخصر كانت نفشة نعومة تزينها ورود بنفس القماش بطريقة انيقه مهما وصفت اعجز عن وصفها ..
مع تاج كرستالي يزين تسريحتها النعومة ومكياج انيق فرنسي وروج بلون المشمش الفاتح .. انا عن نفسي خقيت عليها
ضميتها وباركت لها وكانت تبتسم لي وحسيتها مالها خلقي ابد .. اهم شي باركت لها دخلت اختها ملكة جمال نمبر 4 في العيلة
ابتسمت وسلمت علي وسألت عن حالي وكيف بعد الزواج الخ الخ .. ؟؟؟
طلعت وواجهتني ملكة جمال نمبر 1 اللي اهي زوجة اخوهم الكبير كانت جميلة بشكل مجنون مع جسم خيالي موباين عليها حتى انها ام
لبنتين وولد .. ابتسمت لي ابتسماتها المغرورة وسلمت علي وقالت بكل نعومة :كيف حالك ..
غسق كنت احاول اجاريها :انا بخير وانتي كيف حالك ؟.
اهي ابتسمت ابتسامه جانبية :انا تمام حبيبتي عن اذنك ..
تنهدت مومصدقه ابغى اطلع تلفت بعيوني المرتبكة الاحظ امي وينها لكني للأسف مالقيتها ياربي موعدله اني اروح بدون مااسلم على امي
تفاجأة بالصوت اللي كان وراي كانت زوجة عمي تقول :هلا غسق شخبارك .. زين انك جيتي ولاكان زعلت عليك بنت عمك وماتجين ..
قلت لها ببتسامه :والله بسافر وجيتك مستعجة اهم شي اني جيت وشفتها يالبى قلبها ..
ابتسمت لي :هههههههههه يعني .. تسلمين حبيبتي ..
ابتسمت اجاملها :عن اذنك لازم امشي ..الحين اذا لقيتي امي قولي لها اني جيت ..
زوجة عمي :حاظر ..
سلمت عليها وبعد كلام الحريك الكبار قدرت اطلع .. خذيت جوالي .. وطلعت لقيت غسان جالس يسولف مع ولد عمي حمد
ركبت السيارة وسلم علي :هلا بنت عمي شخبارك
انا قلت بصوت عالي :بخير وانت شخبارك
حمد :بخير دامك بخير .. يلا استأذنك وسلم على غسان ومشينا ..
غسان كان يسرق نظرات لي من فترة لفترة .. وكان ساكت وفجأة لم وقفنا للأشارة مد لي منديل وقال :تحتاجينه ولا ماله داعي
لفيت ناظرته بستغراب وكأني فهمت قصده :لا ماله داعي شكرا ..
ناظرت الساعه بخوف معقولة الطيارة رح تمشي عنا لا .. كانت الساعه 9ونص ..
ناظرني بالستغراب :وش فيك ..
قلت بقلق :الطيارة لاتمشي ...
ناظر الساعه وابتسم بخبث ومشى ..
ياربي مادري ليه احس ورى ابتسامته مصيبة ماادري ليه ...
عند تولين ورشا
تولين كنت جالسة اناظر جوالي واحس بقلق وخوف ..
مادري ليه وفجأة كتب في حالته :اليوم امي رايحة تخطبها .. واخيرا ..
تولين انصدمت يوم قريت حالته معقوله بيخطب وخلاص مارح يكون لي ..
قلت بسرعه :اكشخ بو الشباب بيخطبون لك ..
زياد :مع فيس مستحي ايه والله اليوم امي بتدور لي وحدة
تولين جلست افكر بأي شي يخلي امه تشوفني لاتحطني ببالها كخيار تبع البنات اللي بتخطبهم :وش لون بتخطب لك
واهي موشايفه البنات وكذا انا اقول احسن شي خل امك تسوي جمعة بنات .. وتختار لك من بينهم احسن عشان لاتقول
فلانه غير وش معنى هذي وليه ما خليتي عينكم على هذي والخ الخ الخ ..
زياد :لا ابشرك امي مجهزة جمعة بمزرعتنا للعيلة كلها وبيجون ناس من هنا ومن هنا .. يعني كذا ..
تولين ارتحت :اها ومتى رح تسويها ...
زياد :بكرة بس لحظة انت ليه احسك واحد من اللي بيحظرون بكرة تس|أل اسأله اكثر من الازم ..
تولين يوووه خليته يشك فيني :هههههههههههههههههههههههههه لا بس فضول ..
زياد :اها ..
تولين مدامه بكرة ليه ماقالو لنا ليكون امه مبعدة العيون عني ياربي تكفى تكفى خل امه تتصل وتعزمنا ياربي والله اني احبه
انا فقدت الحنان من صغري احسه اهو الوحيد اللي بيعطيني الحنان تكفى ياربي ان كان الموضوع فيه صالح لي
خلها تكلمني ياربي حط الحنان بقلبها وخل سهام قلبها تنحط علي وتحبني حب جنوني الا تبغيني الولدها يارب....
قطع علي رشا وهي تقول :شتسوين ..
تولين ارتبكت ونزلت يديني :لا ولاشي وش تبين
رشا اتصلت زوجة عمي وتقول ان بكرة حنا مدعوين لجمعة ام زياد ..
تولين ابتسمت فجأة ورحت وضميتها ودرت فيها وانا اقول :تشومال يو ماسي ماسي .. >>صج وناسة وناسة ..
رشا ابعدتني عنها :مع نفسك حبيبتي انا منيب رايحة
قطعت علي فرحتي : ليه
رشا انبطحت :احس بتعب وقلبي يعورني ابغى اروح المستشفى
تولين شكيت :انتي وش فيك على المستشفى هااا احس وراك شي ..
رشا عدلت جلستها وقالت :ياتولين اه من المستشفى اعشق المستشفى
تولين عدلت جلستي وقلت :وش فيها المستشفى ....
رشا قالت بحالمية :الدكتور واه من الدكتور تعرفين شلون يجنن وسيم بشكل مجنون . ..
تولين رفعت حواجبي وزميت فمي :بالله ..
رشا :ايه وتحمست رشا وبدأت تقول لها عن الدكتور وكيف شكله واسمه
تولين لم قالت اسم نيشان كان الأسم مألوف بالنسبة لي .. لكني تذكرت المذيع اللبناني .. نيشان فقلت
يمكن هذا الشخص اللي مشبهه عليه المهم اني بالنهاية اقنعتها انها لازم تجي .. واخيرا اقتنعت وقررت تجي
واليوم اللي بعده رح تروح المستشفى تشوف دكتورها ... لا وقررت اروح معها بعد ..
عند غسق
دخلنا البيت كانت الخدامه منزلة شنطتين شنطة بيضة مرسوم عليها ظل قطوة او شي زي كذا كانت لي وشنطة ثانية حمرة كانت
لغسان .. صعدت غرفتي وتأكدت من بعض الأغراض ومشينا ياربي ليه الحماس ماخذ قلبي كذا
كنت حاطة في الجلكسي حقي اغلب الأماكن السياحية بروما ووالفندق اللي كنا بنسكن فيه ..
يالله متى نوصل .. واشوف برج بيزا المائل ..
غمضت عيوني وجلست اتخيل الأشياء الموجودة هناك وفجأة :انفتح الباب اللي كنت حاطة ثقلي عليه بغيت اطيح بالأرض لكن
مسكتني رجله اللي حطها عند فخذي يمسكني بها .. كنت مخترعه ولفيت وقلت :بسم الله ماتعرف كيف تنبهني قبل لا تفتح الباب ..
غسان ناظرني رفع عيونة وتجاهلني واشر للسواق ينزل اغراضنا ...
دخلنا للمطار وبعد عفسة التفتيش وختم الجوازات بقى دخولنا للطائرة وبس ...
مشينا وكان في شنطة كبيرة تحملها المظيفة في الطائرة وكانت تمشي قدامنا بخطوات انيقة وسريعه ..
ياربي جاني الفضول اعرف وش في شنطتها .. ياربي انا وش دخلني خخخ
دخلنا للطائرة وكان الناس الموجودين فيها قلة اقل من القليل ..
لأنها كانت للطبقة الvip
جلسنا في مكان متقارب كنت انا جنب النافذة وغسان في الطرف كانت الكراسبي مريحة اكثر من لازم بحيث ان احنا نقدر ننبطح فيها
وننام اول مرة اجرب هذي الطبقة بالعادة احنا مانجرب الا الطبقة العادية مو vip خخخخ
سرعان مااعلن الكابتن ان الطيارة رح تقلع وجلس يقول كلام مافهمته وانتهى يوم قال وشكرا .. بالأنقلش ..
لبسنا حزام الأمان وانا كل دقيقة ماالف واناظر غسان لكن الأخ من اول ماوصلنا اسند راسه وغمض عيونه ونام ..
اوف ساعات احس ان هالأنسان حنون وساعات احسه بارد ومافيه ذره من الحنان حتى ..
خذيت المجلة اللي كانت موجودة على التيبل جلست اتصفحها بس استغربت من شي في المجلة انها كانت
كلها عن بطاريق وحيوان الرنه ودببة قطبية خلتني استغرب منها بالعادة بالطيارة يحطون لك
اشياء موجودة بالبلد اللي رح تروح له جلست اتصفحها اكثر بس لقيت مناظر جميلة ومثل القصر كبير بس كان فيه ناس واجد
الظاهر انها مدرسة او جامعه شي مثل كذا ..
ياالله متى نوصل مليت مرت ساعه وعلى حسب علمي من الرياض لروما 16 ساعة ياربي ..
خل انام احسن لي .. غمضت عيوني واسندت راسي على النافذه ونمت ...
يوم جديد يطل على رشا وتولين
تولين كنت جالسة من الصبح ولأول مرة اصحى الصباح قبل رشا طبعا اقصد اصحى مبكر الساعه 7
جهزت الفطور لأبوي وسويت لي كوب قهوة وجلست اشربة انا مومتعودة اشرب القهوة المرة .. بس احاول اعود نفسي
عشان اكون انسانه ثقيله طبعا انا سامعه هالكلام من الأنترنت والله العالم اذا كان صج ولا ..
نظفت البيت لأني من زمان مانظفته بجدية بالعادة انظفة عن لعب وبس ..
وبعدها غسلت دورات المياه الله يكرمكم وغسلت الملابس الخ الخ الخ الى ان صارت الساعه 10 وصحيت ابوي
عشان يفطر ... .
ابوي :اوووه وش صاير بالدنيا انتي اللي مسوية الفطور في هالوقت .. خبري اخر مرة سويتي لي فيها الفطور من شهر
تولين ابتسمت بأحراج :يوووه يبا لاتحرجني رشا تقول انها تعبانه فسويته عنها اليوم .. اي صج يبا ترى
احنا اليوم معزومين في مزرعة بيت ابو زياد ..
ابوي ترك كوب الحليب من يده وقال :ومنو قالكم انتو ..
تولين بقلق :خالتي كلمتنا وقالت ..
ابوي :طيب بس هااا لاتتأخرين طيب
تولين :طيب يبا ..
ابوي :واي وقت بتروحون ..
تولين :عالساعه 5ونص العصر كذا ..
ابوي :قصدك المغرب طيب بس ها الثقل واتركي عنك حركات ساميدا وابونيم وماغيره
تولين قلت بأحراج :طيب ...
ابوي وقف وقال :تسلم اياديك .. انا بطلع الحين
تولين سألت بفضول :وين بتروح يبا
ابوي :عندي شغل
مشى وتركني بحيرة صار له اسبوع يطلع مبكر ومايرجع الا متأخر وكل مرة اسأله يقول شغل الله يستر ..
جلست ارجع الفطور للمطبخ عشان اغسل واخلص ويصير شغل الغدا والهم على رشا بعدين ..
وانا اجهز لعزومة اليوم .. ياربي مدري ليه الحماس ماكل قلبي كذا ..
عند غسق
حسيت بألم في رقبتي وبرد وقف منه شعر جسمي فتحت عيوني بصعوبة .. وتلفت حولي لقيت غسان جالس ويقرأ
في كتاب كان جايبه معه .. ناظرته .. وقلت :انت صحيت من متى ..
غسان بدون اي كلمه سحب منديل ومدة لي وبدون مايناظرني حتى ...
قلت له :وش فيك منو قايل لك اني احتاج منديل ..
ابتسم بنزعاج ولف وناظرني واهو تقريبا جاحظ بعيونة واشر على زاوية فمه ..
مسكت المنديل وقلت له :طيب ماتقدر انت تمسحه لنفسك ..
غسان ضحك بسخرية وقال :والله مو انا اللي نمت وفاتح فمي ..
عضيت على شفايفي ومسحت بالمنديل زاوية فمي يالله هالعادة سخيفه عندي اذا نمت بوضح مو مريح دائما افتح فمي ..
لفيت من الأحراج وفتحت شنطتي وطلعت عطر ورشيت على يديني .. يمكن اضيع السالفة شوي .. يالله صج احراج ..
بس فجأة جات المضيفه بقوامها المتناسق وبشعرها اللي مسويته كعكه تعرفون الحركات اللي يسوونهم المضيفات وانحنت على غسان
تهمس له بأذنه هنا فتحت عيوني من هول الصدمه وش تبي هذي ليكون .. موشايفه ان حرمته جنبه ليكون تفكرني طوفة هبيطة ..
غسان بدون مايناظرها رفع ساعته وناظرها .. وقال :بـدچدي, پـچالستا ...>>انتظري من فضلك بالروسي ..
عقدة حواجبي من سمعة هاللغة معقولة يتكلم بالروماني اكشخ والله عنده لغات
لف وناظرني :دقايق وبرجع
مانتظر يسمع ردي حتى مشى ولا تكلم طبعا انا لحقتة بعيوني وشفته وين رايح لقيته راح مع المضيفه
عوجة فمه بحزن معقولة بينهم شي لا ياربي انا جاسة اونس عمري موجاية اغث عمري طيب ليه مالقى الا المضيفه
صحيت على عمري غسان يحب له مضيفه مستحيل تعوذي من الشيطان بس هذا الشي اللي من سابع المستحيلات يصير اعوذ بالله
منك اابليس .. غمضت عيوني وانا اضم نفسي ياربي ليه برد الجو فجأة وصارت اذاني متسكرة موقادرة اخذ راحتي حطيت يديني على اذني
وانا احاول ارجعهم لوضعم الطبيعي سمعي صار مو واضح .. يالله البرد جى فجأة وبطني قام يعورني معقولة من الحماس ..
رشا ... وتولين
صحيت على صوت صراخ رشا .. وهي تقول :يالشيفه قومي بقى ساعه ونروح ليه طار الحماس منك ..
تولين قمت بسرعه :صج يالله ..
قمت وتروشت وصليت العصر .. واحترت في شنو بلبس .. لازم ابين لبسي اني وحدة جميلة بشكل مجنون واني عاقل وفاهم
لبست ميني دريس بينك فاتح مزموم عند البطن مع نفشة بسيطة والأكمام نازلة عند الأكتاف ..
رفعت شعري بشكل مبعثر ولبست اكسسوار نعووم وحطيت لي قلوس شفاف مع كحل اسود .. لبست اسوارة نعومة برجلي مع
كعب اسود .. ومنكير اسود .. كان شكلي نعوم وجمييييل .. اما بالنسبة لرشا اقنعتها ماتكشخ اكثر من الازم عشان ماتاخذ مكاني
لبستها سكيني اسود مع قميص ابيض رسمي وفوقه كرفته وقميص خفيف يلتف على بطنها وصدرها تارك ظهرها مكشوف ..
هع حسيت اني انانية بالمرة .. حتى مكياج ماخليتها تكثر قلوس احمر ونهيتها عن اظافة اي شي .. شعرها خليتها تربطة ذيل حصان
حسيتها موظفة بالبنك مورايحة عزومة .. بس اقنعتها ان لبسها جميل ومايحتاج له اي اضافة ..
عند غسق
حسيت بشي دافي يلمس اكتافي والذراعي كنت احسه شي فروو او مخمل المهم انه شي ناعم .. ودافي بس فجأة هالشي الدافي ابتعد عني
قربت وقربت بس مافي امل فتحت عيوني انصدمت بالللي اشوفه كان غسان لابس اكثر من قميص وجاكيت ومغطي اذاني بقبعة فرو
وحتى جزمته الله يكرمكم تغيرت كل شي تغير كل شي .. ملابسة قفازاته الجلدية وصار لابس وكأن حنا رايحين للقطب الجنوبي ..
استغربت وانا اناظره حسيت نفسي بحلم مومعقولة .. بس اللي فاجأني اكثر ان كابتن الطيارة اعلن ان الطائرة رح تحط في مطار روسيا الأتحادية ..
مادققت بالأسم ... بس اللي فاجأني موجة البرد اللي دخلت فجأة .. شفت الكل غير ملابسة ولبس ملابس تدفيه والكل تغطى وصارو
كل اللي بالطائرة حتى المضيفات لابسين ملابس تدفيهم وكأني انسانه شاذه مابينهم ناظرت من النافذه وكانت الصاعقة بالنسبة لي ان الأرض كلها ثلج
احنا موجايين روما والحين بروما يتبر ربيع ليه في ثلج قلت اهااا صح صح اهم كانو كاتبين ان من منطقة المطار الى العاصمه تتغير الأجواء يمكن الحين
عندهم برد .. هزيت راسي ياربي ليه احس ببرد قارس جلست امسح على كتفيني بشكل لاارادي من البرد ..
غسان لف وناظرني :وين البالطو حقك ..
ناظرته وانا شفايفي ترتجف كيف ماادري كنت موقادرة اسيط على وضعي من البرد :ماجبت لي ..
ضحك بسخرية وقال :ليه انتي ماقريتي عن احوال الطقس ..
قلت بثقة وانا ارتجف :الا قريت لاتخاف كل شي تمااام .. سحب الشال الصوفي الكحلي من على رقبته ولفه على رقبتي بحنان ..
بس فجأة ومدري كيف سويت هالحركة .. لم كان يلف الشال على كان تقريبا شكله كأنه حاظني خذيت يديني وحظنته من البرد
وكأني ماابغى اتركه .. صحيت على نفسي بس موقادرة اتحرك لأني دفيت .. موقادرة .. ابتعدت عنه .. واهو ناظرني
وقال ببرود مختلط مع برودة الجو :لو كنت اقدر عطيتك البالطو حقي بس صدقيني انه يأثر على صحتي الكذا اسف
ماكنت حوله كانت متمسكة بالشال وحاطته على يديني واكتافي احاول فيه يدفيني صج اني خبله كنت لابسة قميص حفر وخفيف وعباتي
خفيفه يعني انا بموت من البرد اليوم ..
واللي زاد حالتي لم اهبطت الطائرة اهتزت الطيارة هزة مجنونه .. وبدا الهوى الخارجي يدخل داخل الطيارة ..
يياربي وينك يالرياض وحرها ارسلي لنا شوي .. ياللله ..
طبعا واخيرا وقفت الطيارة ... وانفتحت ابوابها والكل بدى ينزل غسان وقف وشال شنطته .. وناظرني ..
رفعت عيني وانا اناظره وقفت بصعوبة احس بجسمي متصلب من البرد احس بعروقي ماقام يسري فيها الدم ..
تدرون انصدمت بشنو انصدمت بيده اللي اسحبتني وحظنتني على جنب ومشت فيني بعد ماشالت شنطتتي ..
مارفضت ولاعارضت لأن حالي مايسمح ابد والمصيبة الأكبر لم طلعنا من الطيارة ونزلنا على ارض المطار .. حسيت بيغمى علي
من البرد صج اني غبية وماافهم لو جايبة بالطو واحد بس او السكارف واحد مثل الأوادم .. ركبنا سيارة .. وارتحت لم لقيتها }}}}}}}
تولين ورشا
نزلنا من السيارة بعد توصيات ابوي اللي ماتخلص ونصايحة اللي ماتنتهي .. الثقل يابنات الثقل
قلت بملل :يبا ليكون شايفنا خبلان نمشي ونهايط على كيفنا ..
ابوي :يلا بس انا ماقلت كذا بس تذكروا انكم تمثلون تربيت امكم ولاتنسون بعد ماتخلصون ..
تتصلون علي عشان آخذكم .. طيب
تولين :حاظر يبا انتبه لنفسك طيب ..
رشا :يبا لاتسرع طيب واذا اتصلت عليك رد علي اوكي يبا ..
ابوي :طيب انتبهو لبعظكم .. و
تولين :ارسو ارسو ابونيم .. ابونيم انيهاسيو ...>>>طيب طيب يبا مع السلامه ..
ابوي :لاحول ولاقوة الا بالله
انتظرنا ندخل للمزرعه وبعدها مشى ..
طبعا انا من حماسي بغيت اصفع صفعة محترمة معنى كلمة اصفع يعني بغيت اطيح طيحة محترمة ..
لكني بحمد الله وفضله سلمت بمسكة يد رشا لي ..
دخلنا طبعا كان فيه اكوام بنات مووحدة ولاثنتين وكل وحدة تقول للثانية انا اجمل .. بس طبعا مايوصلون جمالي
انا لزياد وزياد لي وانا قدها ..
تعطرت بعطري المعتاد فيرزاتشي ... وعدلت مكياجي ومشيت بأناقة تاركة وراي رشا .. اللي ماهي حولي ابد ..
واخيرا لقيت نقطتي المهمه كانت خالتي مع ام زياد تسولف معها وبيدخلون للغرفة الخارجية اللي كان الكل متجمع فيها ..
رحت وتقدمت بنعومة وقلت :هلا خالتي ..
حظنتني وسلمت علي لفيت على ام زياد وابتسمت بأناقة وخجل :هلا خاله شخبارك ...
ام زياد بأعجاب :هلا حبيبتي الحمد الله وانتي شخبارك ..
تولين :انا بخير دامك بخير ..
جلست تسألني عن كم عمري واذا خلصت دراسة ولا حسيت بأحراج ولكني قلت لها باقي لي سنتين جامعه لكن ماكملت
عشان ابوي بس ناوية ارجع في الكورس الجاي ..
ام زياد :ايه الله يوفقك حبيبتي تفضلي ادخلي ..
دخلت وسحبت رشا بسرعه عشان ماتنتبه لها .. كان المجلس كبير وفخم اكثر من الازم مبالغ بتحفه وتماثيله
والوانه الراقيه جلسنا على اول صوفا توسطة المجلس .. وبديت اسولف مع بنات خالتي اللي جاو حولنا ..
غسق ..
كان احلى شي بالسيارة .. الدفى اللي فيها كان كل شي من حولنا ضباب بسبب برودة الجو الخارجية ...
غسان تكلم كلام متواصل ومافهمت منه ولا كلمه :براشو براشينيةيا خَتشو داموي إيتي...>>>معذرة اود الذهاب الى المنزل اولا ..
السائق :دا ...>>>حسننا ..
غسق لفيت اناظره :الحين وين رح نروح ..
غسان ابتسم وقال: الفندق .. ولاحابة تروحين مكان ثاني بوضعك هذا ..
غسق :لا طبعا بغيت اتأكد ..
طلعت الجلكسي حقي وفتحت على صور انا محملتها عشان اوريه اياها كانت صور للفندق جميل يطل على النهر والجسر وكل شي جميل
بروما ..
غسان ناظر فيه وعرفة من اول نظرة :كيف اوديك له واهو بروما واحنا بروسيا ..
*____________*
*يتبــ؏ . .*
*اتفاعلو لنڪَمل نشر الروايه .*
*باشراف : ذاتي .*
*____________*
#روايات_سعوديه .
*`تقييمك للبارت من` 🔟 ! ! !*