الفصل 11
*– ࢪواية :«تكفى لاتعلم ابوي اللي فيه يكفيه.».*
*عداد ألباࢪت: «11».*
*– الڪَاتبه :مجهوله».*
*▭𝅼▬࣪▭𝅼▬ׄ▭𝅼▬࣪▭𝅼▬࣪▭𝅼▬ׄ*
*قناه : روايــات مستندات سعوديــه 🎀🎀.*
*____________*
> *الروايه لاتلهيڪم عن الصلاھ اللهم بلغت اللهم فأشهد .*
*_________*
https://whatsapp.com/channel/0029VbAu5FOAO7RGEWcQex2m
جلست اسولف معهم وكنا مندمجين في السوالف سمعت صوت :احم احم احم كان غسان وقف قلبي ووقفت بسرعه وقلت خاللاتي تغطو نوير غزل
تغطو غسان بيدخل .. تغطو بسرعه ..
ودخل كان شكله يجنن وسيم بشطل موطبيعني كان لابس ثوب ابيض مخصر جسمه مع غترة بيضة بوضع انيق
والقلم الماسي في جيبة وريحة عطرة الخفيفة .. وابتسامته المنحوته على وجهه .. توجه لأمي وباس راسها ..
صراحه ماشفتو وجه امي \كانت منصدم ان هالملاك هذا لبنتها الشيفة .. خخخخ
ناظرت غزل ونوير كيف ينادسون بعضهم من جماله .. سلم على خاللاتي بعد ماعرفته بهم .. جلس جنب امي ناظرني بمعنى اني اجلس جنبه بس انا رحت
وجلست جنب نوير وغزل .. اصدمتني كلمتهم لما قالو ياربي شلون هالملاك هذا ياخذك انتي الشيفه مدري ..
طبعا هذا كلام منو تبون تنصدمون اكثر كلام صديقة حياتي نوير .. صج ربي يعطي على الضعف قوة ..
ناظرتها وابتسمت ابتسامه باردة وباهته .. وانا احس اني اغلي على نار هادية .. اووف ...
جات الخدامة وخبرتنا ان الغدا جاهز قمت وخليتهم يتفضلون ... ويوم كنت ابغى امشي وراهم حسيت بيد تمسك معصم يدي بقووة وكأنها تقولي لاتمشين
لحظة .. كلهم جلسو على طاولة الطعام وانا رحت معه في الصالة الثانية ناظرني كالعادة ببرود .. بس هالمرة فيها ذرة اهتمام
لحظة مو اهتمام اهتمام .. لا لا ذرة اهتمام ..
غسان كنت اسولف مع امها بس عيوني ماراحت عنها بس فجأة شفت ملامح وجهها تغيرت وكأنها كاتمه شي داخلها موقادرة
تتحرك .. مسكتها كنت ابغى اسئلها وش فيها مو حبا فيها بس كذا جا على بلي مدري ليه ..
مسكتها من معصمها قبل لاتروح وتتجاهلني .....>>> يشوف الناس انها رح تسوي مثل ماااهو يسوي خخخ
رحت معها للصالة الثانية وقلت :وش فيك .. ليه فمك شوي ويطلع من التكشيرة ...
غسق كنت يدووب قادرة امسك نفسي : انت شتبغى قلت لك مافيني شي
غسان عقدت حواجبي مستغرب :لأول مرة تكلمني بدون ادب .. فعرفت ان انا لي دخل بالسالفة اللي اهي فيها
غسان ماتكلمت ولا شي ولا حتى قلت لها شي تجاهلتها ومشيت .. مما سبب لها صدمه كبيرة وحست اهي وش قالت ..
غسق ناظرت في الفراغ وتوني حسيت وش\ قلت اوووف .. تجاهلت الموضوع ورحت لأمي وخالتي وجلست معهم ..
وخلصو اكل كل هذا كنت في سكووت ولا تكلمت ولا كلمه ...
انا بالعادة دايم مبتسمه واسولف لكن الحين ______________________________________ فراغ
امي بعد الغدا بشوي وقفت وقالت يلا نمشي تأخرنا عليك سوسو حبيبتي .. تدرون انا جلست اتلفت يمين ويسار
مافي شي وراي كنت مستغربه ليه مدلعتني سوسو بالعادة غسق من انولدت ماتغير ابد .. ابتسمت لأمي مجاملة
حاولت فيهم يجلسون عشان الشاي لكن كالوحدة تعذرت .. جاتني نوير وقالت .. يالخايسة خلينا نشوفك هاا ومبروك
ماجاك والله يهنيك فيه ..
كنت موطايقة اشوفها في ذيك اللحظة مدري اهو قهر ولا غيرة من الأشياء اللي تملكها وانا مااملكها ..
رحت لأمي اللي ضمتني وقالت لي انتبه لنفسي ولزوجي ولا اكثر طلبات الخ الخ الخ الخ ام تقول لبنتها ..
قلت :يوما اذا ماعليك امر بس جهازي تعطينه للسايق يجيبة او جهزي ورح امر اخذه ..
امي ابتسمت :خلاص انا اخلي راكان يجيبة تغيرت ملامحي من ذكر راكان ..
غسق :اوووف طيب طيب .. بنتظره قولي له لا يتأخر
امي :لاجلسين عليه وتنسين نفسك وتهملين زوجك ..
ابتسمت ببرود من كثر ماتعلمت منه :ايه ابشري ابشري ..
فضى البيت فجأة وصرت جالسة لحالي مع صوت الخدم وهم يشيلون الأكل من على الطاولة ..
مادري حسيت اني ابغى انفس عن غضبي وعصبيتي في الأكل .. بس شلت هالفكرة من راسي ..
شلت الأكسسوارات اللي بيديني ماعدا الأسوارة اللي جابتها امه لي مدري ماحبيت اني اشيله ... وفصخت
الله يكرمكم الجزمة حقتي لأنها كانت شوي كعب .. وبصراحه مدري وش لون تحملتها ..
رجعت جسمي على الصوفا وانا احس بتعب ..
حسيت بأحد يجلس جنبي .. لفيت وشفته كان مسوي نفسي ونفس حركتي ..
وكنت مستغربة ابتسمت ولفيت ...
غسان فيني فضول موطبيعي ابغى اعرف وش فيها كنت متوقع شي بس كنت ابي اعرف منها اهي ..
ماابغاها تخبي عني شي وبصراحه انا نفسي موعاجبني اني اخبي عليها شي .. وكان بودي اقول لها عن قلبي ..
غسان غمضت عيوني وقلت :موناوية تعلميني وش فيك
غسق ناظرت بالفراغ قبالي وقلت :لم تعلمني انت وش فيك وشنهي سالفتك ساعتها افكر اقول لك ..
غسان ابتسمت بسخرية وقلت :يعني لازم مقابل
غسق ولأني كنت متوقعه نسبة انه يقول لي 1% فقلت ان اكيد اكيد مارح يعرف وش فيني
غسان بس انتي اكيد شي تافه انا موتافه ..
غسق عصبت وكتمت غيضي لأني لو بقول شي يمكن يكون مايصلح الوحدة تقوله لزوجها ..
غسان استغربت انها ماتكلمت ..
غسق :اسمع انت قول سالفتك وانا رح اقول سالفتي واللي تطلع سالفته اهم رح يحمل الثاني على ظهره
ابتسمت مجرد اني تخيلتها تشيلني على ظهرها ياربي من زمان عن هالحركات ولأني كنت متأكد اني انا اللي رح افوز
قلت :طيب بس لاتحاولين تتهربين ..
غسق :لا مارح اتهرب ..
غسان :ابدئي انتي اول .. لأني انا اول من سئلت ..
غسق :نوير بنت خالتي يوم شافتك قالت وش لون هذا الملاك يصير زوج هالشيفة .. صج ربي يعطي على الضعف قوة ..
غسان تنرفزت من بنت خالتها الغبيه انا كنت اظن انها تبغى توعيها لكن لاجيت توعي انسان وتخليه يدرك خطأه
مو بهالطريقة الهمجية .. في اسلوب ارقى من كذا وشنو ربي يعطي على الضعف قوة .. لاحول ولا قوة الا بالله ..
غسق بحماس وانا احاول اكتم المشاعر المتلخبطه داخلي ابغى اصيح ولا ابغى اصيح على كتفه .. تعوذت من ابليس :طيب قولي انت وشهي سالفتك
غسان فجأة :ههههههههههههههههههههههههههههههههههههههههههههههههه ههههههههههه لا لا تبغيني اتفشل قدامك
لا خلاص سالفك انتي اهم يلا قومي ابغى اصعد ارتاح ..
غسق تنرفزت وشو يمزح معي :لا مايصير لازم تقول لي ..
غسان حسيت انه مش الوقت المناسب عشان اقول لها زوجك مريض بالقلب :لا اقولك شي يفشل وانتي شيك طامه كبرى لامعليه مايصير
وقف وقال :يلا تعالي
غسق استغربت سالفتي موطامة كبرى لهدرجة ..
اول مرة يسولف معي اول مرة يعطيني وجه صراحه بس حسيت ان كل هذا مارح يدوم لم
يدخل غرفته ويغمض عيونه وينام رح يختفي كل شي كل شي ولا كأن اي شي صاير
وقفت برتباك واتجهت عند الدرج وانا احس بكآآآبه :خلاص ماله داعي .. انت ماعلمتني انت وش فيك عشان انا اخليك تشيلني التحدي
تحدي مااا فيه ..
غسان سحبتها وقلت :ليكون خايفه اني مااتحملك ولا شي هنا ولاهناك
غسق بصراحة شي واحد كنت خايفة منه انه لم يشيلني يحس بثقل واتفشل ساعتها ابتسمت بفشيلة :لا مو على كذا بس خلاص
مليت وابغى اصعد انام ..
غسان ببرود وحسيتها مختلطه بضجر لأني مااسمع كلامه :طيب كيف يعني بتجين ولا ..
غسق اهي صج فرصة حلوة واذا كان على الظهر ماتحسين بثقل اللي تشيلينه بس .. ماابغى كذا اولا انا لابسه قصير ومايصلح :لا مارح اجي صعدت لغرفتي بسرعه
وانا احس بملل غريب وشي يألمني داخل قلبي ..
وكالعادة صعد ت غرفتي وغيرت ملابسي لبيجامتي المريحة .. ورميت نفسي على سريري ونمت ..
غسان بالبداية كانت متحمسة للسالفة لكن الحين .. تنهدت وقفت واستغربت ان الخدم يناظروني ..ويتهامسون في مابينهم
عرفت وش فيهم اكيد مستغربين اني ليه اسولف كذا بالعادة انا مو كذا ..
انا نفسي استغربت وش فيني طلعت وانا مقرر اروح للمكتب ابغى اتأكد ان كل الموظفين استلمو رواتبهم ..
غسق :تظنون اني غبية يوم رفضته انه يحملني .. تصدقون يوم جيت ابغى انام توني حسيت اني غبية يوم رفضت انتو
تحسون بهالشي ولا عادي مالي انا بكبري داعي ..
تولين ورشــــــــــــــــــــا
كنت جالسة اكلم زياد على الوتساب تذكرون حلمي الجميل الله يسلمكم .. ابقولكم كل شي وش لون شفت غسان الى
الحين طيب ..
اول شي يوم كنت بصف الثاني متوسط صارت امي توها متوفيه في ذاك الوقت ..
وكنت دووم ابكي ليل ونهار وابوي ماكنا نشوفه كثير وكان دايم مسافر وبعد مرور كم شهر من وفاة الوالدة
انتو تدرون ان البنت في هذي المرحلة تحتاج حب امها وابوها المهم ان حنا ماكان ابوي موجود لنا وامي توفت
كنا جالسين عند جدتي .. وفي يوم من الأيام ..
جااو ضيوف لجدتي .. هذاك اليوم كان منقلب فوق تحت بسبب هالضيوف المهميمن ..
المهم اني انا ورشا كنا دفارة كتب بالأحرى دوود كتب كنا مانفارق كتب المدرسة ولا دقيقة ..
كنا نشغل نفسنا بكتبنا ونتجاهل كلمات غيرنا وتجريحهم لنا .. معلماتنا من جهه .. واهل ابوي من جهه
السبب ((وي مساكين امهم توفت وهم في امس حاجة لهم ..))
كنت رايحة للمطبخ ابجيب كوبة موية لرشا ... وفجأة دق قلبي من كلمات كنت احلم اسمعها من ابوي او من امي ..
من شخص يكون قريب مني ..
كان واقف على جنب وجالس يكلم :ياحبيبتي يالوتس قلت لك ابشتريها لك بس ارجع .. مايصير اترك امي وابوي واجي
اشتريها لك .. ابشري من عيوني الثنتين .. ياحياتي انتي .. خلاص وعد مني اول مااجع البيت لك hugh ...>>حضنه او ضمة
كبير مني وش تبين بعد .. طيب .. يلا حبيبتي باي ..
اهي صح كلمات بسيطة ويمكن ماتكون تأثر لأي شخص يقرى كلامي لكن صدقوني الشخص المحروم منها يحس فيها ..
لأني ولا مرة بحياتي سمعت هالكلمات كنت اشوفها بالمسلسلات والأفلام الأجنبية وبس وكأن الشعب السعودي
ابد مافيه حنااان ..
المهم انا من وقتها ذبحني الفضول اعرف منو هذا ومني لوتس اهي مرته ولا وحدة من ربعه يلعب معها ...
الفضول بدأ ياكلني شوي شوي .. الى ان انفجرت وقررت اسأل جدتي جلست جنب جدتي وسالفة تجر سالفة ..
وسألتها الا يما هذي الخالة ام زياد .. مزوجه عيالها ..
جدتي ناظرتني بنص عين :وبلاك تسألين ..
تكلمت برتباك :عادي اسأل فيها شي ياجدة لا سألت ...
جدتي :لا مهيب مزوجة ..
وانا اكمل اسأله بحذر :وكم ولد عندها .. ياجدة
جدتي وهي تناظرني مرة ثانية وكأنها تقرى ملامحي : ماعندها الا ولد وبنتين ..
انا :اهااا اهي عندها بنت اسمها لوتس .. ولا يتهيأ لي
جدتي :اي عندها .. وش عرفك فيها ..
انا :لا بس معاي وحدة بالمدرسة توقعت .. انها اهي ..
جدتي :وش لون تكون معك بالمدرسة وهي اصغر منك .. بسنتين .
انا :يووه جده نسيتي ان مدرستنا ابتدائي ومتوسط كلهم مع بعض ..
جدتي :ارتاتحت شوي :ايه نسيت ..
وقفت من الفرح وجلست ادور في شجرة عيلتهم مين اقرب مين اقرب مين ..اقرب ..
واستمرت رحلت بحثي الى ان دخلت ثاني ثنوي وعرفت بالصدفة وحدة بالفيس بوك
وطلعت تعرفهم سألتها تعرفين لوتس ال ..
قالت لي ليوه .. على طول دخلت حسابها بالفيس ودورت في اصدقائها على زياد زياد واخيرا .. شفته
كان حاط صورته .. وهو لابس ثوب وغتره وجالس يبتسم ..
دخلت حسابه وطرت من الفرح يوم شفت ايميله وقتها قررت انا وش رح اسوي ..
سويت لي ايميل جديد بأسم saraneألخ الخ الخ .. المهم وضفته في يومها وقف قلبي مئة مرة من الخوف ..
لأني انا موقد اللي اسويه ... وخايفة من نهاية امري ...
وفي يوم 10 من رمضان .. كنت داخله على هالأيميل بالغلط .. وهنا قام يدق قلبي بقوة يوم شفته داخل ..
دخلت وفجأة جاني مسج منه ..
hi
رديت وانا قلبي يرقع من الخوف .. صح ماكان فيه رقيب علينا وجدتي توفت العام اللي راح .. بمرض القلب وابوي
رجع لكن ماكان مرة يهتم فينا ..
رديت اهلين ..
وبدينا نتكلم سألني انت وش اسمك ..
قلت بعد مارتبكت واول اسم طرى على بالي محمد وقلت له اسمي محمد ..
وبدينا نسولف في كل شي .. وسنة ورى سنه علاقتي صارت اقوى .. بيني وبينه ..
وفي لحظة حاسمة سألته اذا اهو يحب احد ولا لا ..
لكنه قال انه مايحب احد وارتحت ..
وسألته سؤال حاسم بعد انت رح تتزوج من العيله ولا بر العيلة وكانت كلامته صدمتي يوم قال
طبعا من برى العيله مابي لها صله بعيلتنا ابد ..
سألته عن السبب .. قال انه يشوف المشاكل اللي تصير بين ربعه وزوجاتهم وكيف تكون النهاية وتخترب علاقة
الأهل بسبب هالشي ... في ذاك اليوم حسيت بيأس بحزن تصدقون انا للحين مادري اهو حب تملك ولا حب
طفولة جى في لحظة ضعف ونقص حنان ..
تنهدت .. وانا اذكر ذيك اللحظات وفي يوم قلت له عن مزح وش رايك نروح كوريا ..
قال يلا ناويها نروح ليه مانروح ..
بس انا ارتبكت لأني اعتبر قاصر للحين .. ومابعد اوصل للسن القانوني اللي يسمح لي اطلع برى الممكلة ولحالي ..
قلت .. هههههههههههههههه شكلك تبيها من الله خلاص انا علي تذاكر الطيارة ..
رد اهو وقال وانا علي الفندق خلاص .. نروح ..
ضيعت السالفة وقتها وجبت الف طاري وسالفة .. سألته كل انواع الأسئلة .. وكان اهو يجاوب
واللي كان يجيب الشك انه في كل مرة يسألني عن رقم جوالي كنت اتهرب لأن في ذاك الوقت ماكان عندي جوال
ولا شي .. ابوي كان شايل هالفكرة من راسه ..
كان كل مرة يطلب رقمي كنت اقوله رقمي انسرق جوالي اخترب جوالي انسرق جوالي انكسر .. رقمي ضاع الخ الخ ..
وفي يوم قال لي انت وين بيتكم امر اخذك واشتري لك جوال ونتمشى مرة وحدة ..
وصفت ووصفت لبيتنا اصل ووين مكانه الصدمة يوم قال مااعرف هالمنطقة واول مرة اسمع فيها ..
يالله .. شكله مايدري ان ابوي عنده بنات اصلا مااتوقع انه يعرف ابوي من الأصل .. اوووف ..
وهكذا الى ان تخرجت من ثنوي ودخلت اول سنه جامعه ولا كملتها من فشلي بدراسة ..
من كنت دودة كتب الى فاشلة مصطح اطلق علي من بديت احبه واكلمه وضيعت كل شي ..
بهالشي اذا لاحظتوو اني ضيعت من عمري 7سنوات كلها راحت .. له وفشل يزيد على هالشي ..
مااطول عليكم ... وبيوم من كثر ماكنت ابكي من القهر يوم قال لي ان امه تفكر تخطب .. له ..
جلست في ذاك اليوم اصيح وادعي ان امه تخطبني له بأي طريقة حد يجيب اسمي عندها اي شي ..
ويوم نمت حلمت الحلم الجميل اللي الشعب السعودي كله مارضى فيه |... اوووف ..
ادعو معي زياد لتولين وتولين لزياد ..
عند غســــــــــــــــــــــــــــــــــــق
جلست على صوت الباب فتحته شفت الخدامة ... قالت .. :في واهد يبي انتي برى ادخل ولا لا ..
استغربت واحد ومنو .. ذكرت راكان وقلت :ايه خليه يدخل ..
غيرت ملابسي ولبست جينز اسود مع قميص ابيض .. عليه صورة ايبود مع علامة موسيقى
رفعت شعري بطريقة مبعثرة وتعطرت وحطيت لي روح احمر فاتح ..
نزلت ... ودورت بالصالة .. وينه وينه راكان وينه .. انصدمت برجال جالس وكان يناظرني بطريقة مقرفة
واسووود والعرق باين على وجهه .. وقميصه الأحمر المخطط بالي .. وريحة العطر مدري من وين جايبها
كان كل شي قرف قرف .. وكان ماسك جهازي بيده ..
ج جميل ...
وقف وقرب ناحيتي .. اي ماما مبروك ماما زواج ..
بعدت وجلست ارقى الدرج بشوي .. طيب طيب اترك الجهاز واطلع خلاص ..
لا ماما بس شوي سوي كلام مع انا .. لاتخوفي ماما ..
بديت اصارخ .. جميل يحقير اطلع برى
انفتح الباب وانصدمت اكثر بدخلت غسان وكان يناظرني ببرود وشكله تعبان :وش فيك تصارخين ..
اشرت له على جميل .. عقد حواجبة وجلس يصارخ .. عليه ..
خاف جميل وطلع برى ..
فجأة شفت غسان جلس على جنب .. وبدى يتنفس بصعوبة ..
ركضت له وقلت :غسان فيك شي .. غسان غسان ..
ماناظرني ولا كلمني .. كل اللي سواه انه طلع جواله واتصل على حد وبعدين سكر ..
لفيت وشفت الخدامه تركض وعطته كوب موية مع حبة دواء اول مرة اشوف شكلها ..
ناظرته شرب كوب الموية مع الدواء وبعدين حط في فمه مثل الدواء اللي يصير بالرش واسند راسه وهنو يتنفس ..
بصعوبة .. وجلست اهوي عليه بالمخده
يالله وربي انا مش زوجته زوجته هالخدامه الغبية كل مرة يحتاج شي يكلمها وانا .. هنا .. مدري وش وضيفتي ..
بالظبط .. بعد ربع ساعه تقريبا وانا اتأمل في وسامته الجميلة بدى ... يفتح عيونه ويجلس عدل ...
وقف وقال :منو هذا اللي توه داخل ..
تكلمت بصعوبة :هذا سواقنا امي عاطيته اغراض يجيبها لي ..
تكتف :ومنو قاله يدخل ليكون امك موصيته يدخل ويوصل لك اغراضك بنفسه ..
غسق خفت يفهم غلط وارجع اليوم بيتنا ...:لالالا انت اسمع امي قالت لي ان راكان اهو اللي بيجيب لي الأغراض
وانا قلت لها طيب .. جاتني الخدامه وقالت ان في واحد يبغيني برى توقعته راكان وقلت لها .. تدخله ..
ويوم نزلت شفته جميل سواقنا ..
عقد حواجبة منقرف :اسمه جميل ...
هزيت راسي:ايه ..
وقف وقال :اي خدامه اللي قالت لك هالكللام ...
جلست افكر :ماعرف اسمها ..
لف لخدامته وقال :شوفي منو اللي قالت لها عنه وقولي لهها تلم اغراضها بسرعه ..
نور هزت راسها بمعنى :اوكي..
نور:Sir, Do not you want to eat >>>مستر الا تريد ان تأكل
غسان تنهد :Do not leave it in the oven will eat when hungry>>> لا اتركيه في الفرن حينما اجوع ساكل
وكأن نور حركاتها مستنسخه من غسان مشت بدون اي رد وتوجهت للمطبخ .. يالله شالبيت البارد
المفروض نسمي بيتهم بيت الثلج .. وقسم على اللي يصير ..
تلفت ادوره شفته يصعد الدرج .. انتظرته يصعد ويوصل غرفته ولم وصل ركضت لجهازي الجميل وضميته وصعدت بسرعه لغرفتي ..
غيرت ملابسي ولبست ملابسي المريحة اللي البسها لم اجلس على الاب توب .. شورته الأسود ..>>حسيت اني حللت قيمته خخخ
مع بدي وردي .. مرسوم عليه ورود باللون الأحمر كان ترقيع بس انا مااهتم اذا كنت لحالي اهم شي راحتي وقفت وسكرت الستارة
اللي بين غرفتنا ... عشان لايشوف الجاهز وياخذه وجلست اشوف فلم cenderela story ..
وخلصت اول فلم وشفت بعدها مسلسل اجنبي بس مااعرف اسمه .. واندمجت معه وخلصت ثلاث حلقات من المسلسل ومليت
ورحت شفت فلم اسمه beby mama ماكان مرة حلو بس مشيت حالي فيه لفيت للساعه وشهقت يوم شفت انها الساعه 2ونص
الله مر الوقت بسرعه ..وقفت وتمغطت حسيت بجوع ولأني كنت متأكدة انه كل اللي بالبيت نايم قررت انزل اكل لي شي ...
طلعت من الغرفة وشفت .. انوار البيت مطفيه ماعدا نور صغير بالصالة بالزاوية .. حطيت اذني عند باب غرفة غسان ماسمعت صوت عرفت
انه نايم .. توجهت للصاله وكانت فاضية او تقريبا انا شفتها فاضية
غسان سمعت صوت باب غرفتها توقعتها نامت .. من زمان لكني انصدمت من شكلها كانت لابسه بدي واول مرة اشوفها بلبس
يعتبر عاري بالنسبة لها .. توني الاحظ انها بيضه خخخخخ ..
استغربت انها مانتبهت لي لأني جالس بزاوية بعيده عن النور مكاني المفضل على كرسي يصير نظامه كأنه ملكي وجالس اقرى
في كتاب عن مرض للمعلومية انا كنت بتخصص طب لكن وفاة ابوي انصدمت منها ولاكان في حد يمسكها غيري لأن
فهد مايحب يكون مسؤل عن شي ..
رحت وراها امشي بشويش ابغى اشوف وش تسوي اهي ..
شفتها تدخل المطبخ .. فتحت الثلاجة وعفست وجهها الظاهر مو عاجبها شي فيها ..
راحت للدولاب اللي نحفظ فيه الأكل وشفتها فرحانه مع ابتسامه كبيرة على وجهها ..
طلعت صحن متوسط الحجم عقدت حواجبي لأن الصحن هذا مخصص للأكل الخاص فيني .. قليل الدهون السكريات .. والنشويات
عشان قلبي ..
حطت الصحن على الطاولة وركضت تاخذ لها ملعقة من الدولاب ..
وجلست تاكل بنهم موطبيعي كأنها بزرة ..
كشرت من طعم الأكل اللي كان عبارة عن ستيك لحم مع خضرة وصلصة خاصة ..
لأن الزيت قليل والملح قليل وكل شي اقل من الازم
ابعدت الصحن عنها وكانت تبغى تمسح فمها وماكان في اي منديل قبالها انصدمت من حركتها راحت للمنشفه المعلقة
على جنب .. للتنشيف الكاسات ..
مسحت فمها .. فيها صراحه انصدمت منها فتحت الفريز .. وشافت ايسكريم من باسكن كنت جايبة البارح بالليل
بنكهت التوفي .. كان الحجم الكبير بس مااكلت منه الا ملعقة وحدة شفتها تطلعه وتقول >> ذاتس ديليشز ..
ضحكت :حتى نطقها خطأ خذت ملعقة وقالت :اكل هنا ولا فوق لا باكله بغرفتي على الفيلم احسن ..
يوم شفتها بتطلع مشيت ورحت للمكتب حقي لأنه اقرب للمطبخ ..
غسق مادري ليه بس لم اشوف الأكل وشي لذيذ اناا احبه احس بسعادة موطبيعية وانا اكله .. امممم
صعدت وجلست اكمل فلمي الجميل ..
ـــــــــــــــــــــــــــــــــــــــــــ
كنت مندمجة بالفلم واكل من الأيسكريم الجميل .. وفجأة جابو مقطع انه البطل قدام الناس كلها بالملعب يسحب البطله
ويبوسها هنا غصيت وانا اكل غصة موطبيعية يمكن لأني مومتعودة اطالع مقاطع مثل كذا
بديت اتلفت ابغى موية لكن كاسة الموية الموجودة خلصت ومافيني اطلع للممر واجيب لي موية جديدة ..
ماكنت قادرة حتى اتنفس ماكنت حتى قادرة اعدل جلستي لأني كنت منبطحة .. جلست ادعي في داخلي ماابغى اموت واخر شي
في حياتي شفته هالمقطع وربي اني ماكنت ادري ويوم شهقت ابغى اطفيه غصيت ...
غسان كنت صاعد ابغى انام وسمعت صوت كحاتها .. فكرتها كحة عادية لكن كبين انها تعاني ... فتحت الباب وكانت
منبطحة وتكح وشكلها تبغى تعدل جلستها بس موقادرة ركضت بسرعه وجبت كاسة موية من غرفتي ودخلت لها .. وعدلتها تجلس
وشربتها الموية .. كنت جالس اناظر اهي ليه غصت شفتها حاطة ستوب عند المقطع .. اللي غصت بسببه ..
اساسا استغربت من وين لها الجهاز ومن وين طلع
قدرت تتنفسئ شوي وخفت كحتها .. اكيد رح تغص ورح يصعب تنفسها لأن اللي كانت تاكله حليب ممزوج بتوفي ..
مادة سكرية قوية .. وقفت وركضت للحمام تغسل وجهها ..
ظليت جالس على سريرها .. طلعت وهي مغسلة وجهها كله .. وشكلها ارتاحت شوي بس كحتها بدت تخف بشويش ..
قالت وهي منحرجة :شكرا ..
رفعت راسي وناظرتها .. ماتوقعتك من البنات اللي ماينعطون ثقة ..
ركضت له لا والله لاتظلمني حرام عليك انا كنت مندمجة الفلم وفجأة هالمقطع طلع منيب متعمدة وربي
\سحبت الجهاز وسكرته وقفت وقلت بصرامه :من اليوم ورايح جهازك مارح يرجع لأني قلت لك
من البداية اهتمي بأشياء ثانية وجلسه لحالك على التلفزيون مافي بعد اليوم مفهوم ..
طلعت وتركتها تغلي من القهر .. صدقوني اهي موسالفة عناد لكن لو انها مع جلستها على جهازها تهتم بالشي الثاني وقتها انا
ماعندي اي مشكله ..
غسق صراحه حيل مقهورة .. يعني مو سامح لي بولا شي .. باخذه كل يوم يطلع لشغله اباخذه ..
ولا له شغل فيني ..
انبطحت وغمضت عيوني مردي انام انتبهت لأنا وش لابسه ضربت راسي على غبائي ..
ملابسي كانت تطلع اشياء اكثر من ماتخفيها اوووف ..
تولين ورشـــا
اليوم اتصل علي زياد الأغلب ماكنت ارد عليه وكنت ارسله رساله ..
طلب مني اقابلة عند قهوة وبكل تهور وافقت .. الحين انا وش لون لو ابوي عرف اني طلعت بدونه
ومع ولد بعد .. قلت لرشا وبالموت بالموت بالموت اقتنعت .. ابي اشوفه وجها لوجه
ابي قلبي مايتحمل ويدق بقوة ابي احس اني سويت شي في حياتي غير فشلي في الحياة الدراسية .. اللي كانت بسببه
كنت مادري البس ثوب ولا بدله قررت البس بدله لأن الثوب يصير مخصر على جسمي
لبست قميص بنفسجي مع جكيت رمادي فاتح وبنطلون جينز اسود رفعت شعري ولبست قبعه ..
يليت الباروكه اللي كانت عندي بالحلم تجيني لبست جزمتي الله يكرمكم .. ورن جوالي وكان اهو يقول انه وصل ...
عند بيتنا .. انا عطيته بيت جيراننا وقلت له انه بيتنا .. طلعت وانا اسمي داخلي من الخوف والله انها لحظة تهور مو سهله
مشيت ومشيت الى ان شفت سيارته السوودة كانت صغيرة مرة .. يكون فيها راكب واحد بس
طلع من السيارة ووقف يناظر يمين ويسار .. طلع جواله واتصل علي ..
عطيته مشغول وتقدمت وانا اقول :انت زياد .. >>.ينقاللي اول مرة اشوفه ..
ابتسم وتقدم مني ولأن كان الشارع ظلام ماكان باين من وجهي شي .. سلم علي وركبت السيارة
كان الوضع احراج شوي هدوء مافي اي حد يتكلم ويوم بغيت اتكلم تكلمت انا معه نع بعض في نفس الوقت
وبديت اقوله اهو يبدى قبل وبعدين قال لا انا ابدى قبل
انتهينا بأن انا اتكلم وكانت سوالفنا عادية ومتى وانت وين ودك تروح الخ الخ الخ
وقفنا عند قهوة ال .. سألني ؟انت تعسل
جاوبت وانا ابلع ريقي :لا ابوي مانعني عن هالأشياء
ابتسم :طيب اجل ننزل وانا بعسل وبعرفك على ربعي بعد ..
ابتسمت برتباك :ط طيب
نزلنا اول مرة بحياتي ادخل قهوة .. كانت كبيرة وعلى شكل جلسات .. وكانت كل جلسة اقرف من الثانية
لعب ورق واللي يعسل واللي يكلم ومدري ايش
تقدمت بخوف جنبه على اني متنكرة بشكل ولد لكن اخاف على نفسي صراحه
سألت :انت من جدك تجي في هالمكان
زياد ابتسم :انت ماعليك من اللي هنا خل نمشي مشينا مشينا مشينا الى نهاية القهوة ووقفنا عند غرفة دخلنا فيها
كان فيها الصوفات لونها اسود ومصبغوة باللون الكحلي كان كل شي فيها يكتم وانوارها اصفر كاتمه ..
وكانت النوافذ مفتوحه على بعضها .. وكان في شباب يمكن اربعه كذا
جلسنا بعد ماسلمنا عليهم كان الكل يناظرني بنظرات غريبة ..
واحد كان اسمه علي :اقول زياد ممكن اكلمك شوي
زياد وقف :طيب
طلع زياد وانا اناظره وين راح .. وقف قلبي يوم شفت واحد من ربعه وشكله موطبيعي ..
وقف وقرب مني ... ناظرته وانا ابلع ريقي .. عدلت قبعتي .. وجلست عدل ..
وقال وهو يمسح خشمه :اقوول يالأخو انت وغمز خكري ..
تلفت يمين ويسار وشفته يناظرني : انا ..
قرب اكثر مني :اي انت .. شكلك مزه ياحلو ..
بلعت ريقي ووقفت :الله يهديك وش مزته .. رحت للباب الخارجي وشفته مقفول الباب اللي دخلنا منه ليه مقفول وبدت الدموع
تتجمع في عيني ليكون متعمد يسويها فيني ..
ناديت بصوت عالي وفيه بحة نعومة :زياااد زياد زياد
ماكان فيه اي صوت ولا اي احد كان هذا صديقة يقرب مني وبس ..
جلست ادعي بداخلي ياربي انا وش جابني لهالمصيبة ..
وفجأة انفتح الباب ووو
عنــــــــــــــــــــــــــــد غــــســــق وغـــســـــان
جلست على صوت ضرب الباب :ميييين
الخدامة :مستر غسان يقول انزل تهت .. يبي انتا دروري
جلست وانا اتأفف يالله من هالأنسان الحين الساعه توها 10 شيبي هذا اوووف .. وقفت وتوجهت للحمام وفرشت اسناني
وتوضيت وصليت الفجر اللي راحت علي ..
ظليت بالشورت والقميص الأسود ملابسة عادي الوضع صار شافني فيهم اكثر من مرة ..
لبست جزمة البيت ونزلت تحت وانا كلش مالي خلقه السخيف كل شي خذاه مني مدري شنو هالشي الثاني اللي يبيني اهتم فيه
نزلت وماشفت احد في الصالة شفت خدامته زوجته الثانية تدخل وفي يدها كوب موية ..
دخلت وراها شفته جالس يوقع على اوراق ..
تقدمت وقلت :صباح الخير
كالعادة لا رد ... رفع راسة وناظرني :واخيرا صحيتي
لويت فمي :ليه وش تبغي فيني الساعه توها 10 ارحمونا ياناس ارحمونا ..
رفع لي يده يوريني الساعه كان شكل الساعه غريب ... يدوب عرفت وين اناظر الوقت وكانت الصدمة ان الساعه وحد ونص
غسان :هذي ساعت غرفتك اللي مخبطة .. واللبنت الي عندها زوج المفروض من الساعه 9 اهي جالسة مو توها الحين
لويت فمي مدري وينه هالزوج .. رجع
يدقق في ملفاته وتكلم :اليوم زواج بنت عمتي وابغيك تجهزين عشان تروحين
ناظرته
بصدمه :انا ا روح والحين
رفع راسة بعيونه الحادة الباردة :انا ماقلت لك روحي الحين بتروحين الباب مفتوح
قلت :لا احلف عاد
رفع حاجبة وقال :بلا طوالة اللسان واحترميني .. لايجيك شي مايعجبك
لفيت راسي :يالله صج معقد اووف
وقفت ... :على وين
غسق :بروح اتروش واجهز نفسي ..
غسان طلع اوراق من الدرج :وقعي هنا
استغربت :على وشو اوقع ..
غسان اسندت نفسي على الكرسي براحه :على تغغير اسمك
غسق بصدمه :نعم ..
غسان :الله ينعم بحالك
وفجأة انفتح الباب ودخل زياد مع صديقة علي ..
ركضت بتجاه زياد وتخبيت وراه كانت حركه لاارادية ..
حسيت بعمري يوم كان الكل ينظارني حركتي مالها داعي ..
بعدت عنه واسندت نفسي على الجدار ..
زياد :الله يهديك .. ياعساف عساف ..
عساف كان يضحك بشكل هستيري .. خفت شكله يخوف وعيونه تتقلب ..
علي :خله خله نص ساعه ويهدى ..
زياد ناظرني :وش رايك نمشي ..
ناظرته :ايه يلا ي يكون يكون احسن
رجعنا للسيارة وانا احس اني مهزوزه داخلي احس بخوف برعب
ناظرني :وش رايك نروح ... مجمع
ناظرت الساعه وداخلي ودي انفجر الحين الساعه 11ونص يعني وقت رجعة ابوي .. وقلت :لا الله يخليك رجعني البيت صدعت
زياد ماستغربت هالشي باين عليه اساسا فتوجهت لبيتهم بدون اي نقاش
غسق :نعم
غسان :الله ينعم بحالك
غسق :ليه شكيت لك قلت لك موعاجبني اسمي
غسان :لا بس اسمك مرة طويل ويضايقني اذا ناديتك فيه
غسق :لا قل قسم بس
غسان :اقول بلا هرج فاضي وقعي وخلاص
غسق :مارح اوقع وش تبي انا موفاضية لك بعدين اذا ماكن عاجبك اسمي من البداية المفروض ماتزوجتني
انا عثرة في حياتك من تزوجتني علمني وش اللي لقيته مني ولا منك هااا اجيك اسألك وش فيك تطنشني وتعاملني
مثلي مثل الخدم وكأني خدامة بس بدرجة ارقى
غسان وقفت وتوجهت لها وبحركة لا ارادية ضميتها .. كنت ابي احسسها شي واحد انها مومنبوذه مني ..
ولا فيها اي شي لدرجة اني اقرف منها .. اهو صح الشي اللي قالته سالفة وضمتي لها سالفة ثانية ..
حطيت فمي عند اذنها وقلت :شي واحد في هالدنيا ابيه تحطينه حلق بذونك اني انا موكارهك ولا مستقرفك ولا
قايل عنك شينه كل اللي في السالفة اني ساعات احب اجننك ونفخت في اذنها ... اووووف
بعدت عني وقالت وهي تمسح دموعها اللي تجمعت بعيونها :مرة ثانية لاتسوي لي كذا لأني اكره هالجنان سخيف
طلعت والشي اللي كان فيني يدق قلبي .. اول مرة احد يضمني بهالطريقة الجميلة كنت اقراها دايم بالروايات
وتطلع جنوني وش احساسهم في ذيك اللحظة .. هـــ تنهدت يما يقلبي ..
نسيت كل شي كل شي كل شي كل شي .. كنت مبتسمة وكل اللي سويته اني ..
صعدت غرفتي .. اجهز لي شي البسه في الزواج اللي بروحة بعد شوي
نزلت من السيارة وقلبي يدق بقوة ماهتميت حتى اقوله باي ..
توجهت لباب البيت على طول ولمحت سيارة ابوي من بعيد والصدمة اللي بغى يغمى علي يوم سمعته يسلم على ابوي
يما وش يبي هذا جاي يسلم ليكون انتبه انا وين نزلت ..
يويلي يويلي اليوم بقبري ابندفن ... يما وينك يما اهئ توني احس اني لازم ادخل بسرعه
دخلت بسرعه وانا اركض وفتحت باب الغرفة وشفت رشا نايمه ..
دخلت وسكرت الباب وفتحت الدولاب ولبست تيشيرت للركبة اسود مرسوم عليه فراشات بالوردي والفوشي
وفتحت شعري وفصخت اكسسواراتي وكل شي ولبست الحلق اللي دوم البسهم على شكل الماسة فضية
تعطرت عن ريحة العطر الرجالي ولأن ابوي دوم يجي غرفتنا ويفتح الباب يطمن علينا اذا كنت انا ورشا نايمين ولا
ويغطينا >>>يقاله يعوضنا عن حنان امي خخخخ
وانا اخبي الملابس انفتح الباب وكان ابوي
وبعيونه شرار وهو يخزني :انتي اللي توك جايه من زياد علميني
انا بدون احساس جلست في الأرض وقلت :ابا تشالميتشسو >>>يبا انا غلطانه اعترف
احم طبعا هذا كان كله مايدور في خيالي انا تولين قلت لكم خيالي واسع اللي سواه ابوي ابتسم :انتي مانمتي للحين
تولين ابتسمت :لا يبا ماجاني نوم وقلت ارتب حوسة رشا وبعدها انام
ابتسم ابوي :طيب خلصي وانزلي حطي لي شي اكله
تولين :افا ماتعشيت يوبا من عيوني هذي قبل هذي خمس دقايق واجيك وتشوف احلى عشاا
ابوي :الله يقويك يبنيتي ..
وطلع تدرون كنت احس بتأنيب الضمير لأن ابوي بريء وعلى نياته بالنسبة لي طبعا لكن بالنسبة لرشا لا
روحو سألوها انا مادري وش تفكر فيه
غسق ياربي فيني نوم الحين انا مستانسة اني بتخلص من معاناة بيتنا وكيف مايخلوني انام على راحتي ايدخلون
فيني فوشوله اتعب نفسي ..
ناظرت الساعه اللي فيها فيها بنام ماهتمين وش ابلبس اساسا مل اللي في الدولاب او عفوا ثلاثة ارباعه واقل من الربع
رحت وقفلت باب الغرفة وسكرت الأنوار كلهم ورميت نفسي على السرير ونمت على طول بدون سابق انذار
عند فجــــــــــــــــــــــــر
وش فيها هالغبية ماترد ناقصها آنا .. احم >> تكلم نفسها بصيغة ولد واهي بنت
وفجأة صوت خشن : نعم
فجر :الله ينعم بحالك منو معي
فهد :الحين منو متصل انا ولا انتي
فجر :ايه صح لحظه انت فهد
فهد :خير بغيتي شي
فجر :افا فهود ماتذكرني انا فجور صديق الطفولة
فهد : فهود بعينك واي صديق طفوله اقول تشب وخذي نارا
فجر |:هههههههههههههه ياحياتي بعده يستحي >>قلت لكم وجهها مغسول بغسيل تايد
غسق
ياربي وش هالأزعاج كان الجوال يرن وصوت النغمه حيل عالي والمصيبة الأكبر ان الجوال على الدريسر حق المكياج يعني
ام المشاوير وقفت وبدل مااتوجه واخذ الجوال فتحت الباب وكانت الصدمة ان غسان ساند نفسه قبال الباب وجالس
يناظرني والظاهر انه اهو اللي كان يتصل :هاا وش فيك
غسان رفع لي يده :الساعه كم الحين
غسق :يوووه من جدك تصحيني عشان تسألني الساعه كم
غسان :ماوراك روحة لزواج بنت عمتي ولا ماتبغين تروحين
غسق :هااا اي والله صج نسيت المصيبة ان الحين الساعه 10 وربع .. يعني المفروض الحين اروح
قلت طيب طيب ثواني وانا جاهزه ..
دخلت وتوضيت وصليت المغرب والعشاء واستشورت شعري تعبت كثير لأن شعري طويل ...
احترت وش البس .. فقررت البس قميص كان موجود تبع الملابس اللي اهو شاريهم طبعا كان موديلها واسع اساسا لكن علي كانت
تقريبا جايه مقاسي كان لونها مدرج بين الأورنج والأحمر مع بنطلون جنز كحلي اول مرة احس ان في شي حلو علي
رجعت شعري لورى ورفعته بكرستاله بسيطة ولبست معه .. كعب لونه احمر جلد كعبه صغير يمكن يجي طوله
نص صبعي الخنصر حطيت لي اي لاير خفيف مع شدو بلون المشمش
وقلوس احمر فاتح وفاشيون ذهبي مع كحل اسود كان شكلي نعوم بصراحه ولا تقولون ابالغ اول مرة اشوف نفسي جميلة من جد
لبست حلق بسيط بس يوم ناظرت مفسي بالمرايا حسيت ان مو هذا المفروض يكون شكل وحدة توها ماكملت اسبوع من تزوجت
ابتعدت عن المرايا لأنها تحطمني دايم وتعطرت وخذيت لي شنطة حمرا جلد طقم على الجزمة وطلعت ..
شفته كاشخ وهالمرة ريحة عطره قوية ..
وثوبة مطرز بشكل انيق وطريقة نسفه للغتره حيل حلوة .. فرحة من داخلي واخيرا في شخص يحق لي افتخر فيه
هههههههههههههههههههههههههههههههه ضحكت داخلي من الفرح >>>حدك سخيفة ومالك داعي ادري
ناظرني .. وابتسمابتسامة حنونه و .. قرب مني وحط يدينه على كتفي حسيته طيح الميانه معاي بزيادة صار عادي عنده يمسكني ..
وحط عينه بعيني وقال :ابذكرك بشي انتي بعيني اجمل انسانه ومافي اي شي يعيبك .. ابيك اذا رحتي راسك يبقى مرفوع
ولا تنصدمين من الناس اللي تشوفينهم .. وحطي لنفسك قدر مثل ماهم لهم قدر وتكلمي وراسك مرفوع وقولي انا زوجة غسان
حط صبعه على قلبي وقال :والله وربي واللي خلقني اني ماني منحرج منك ولامن شكلك بالعمس انتي بعيني اكبر ملاك
*____________*
*يتبــ؏ . .*
*اتفاعلو لنڪَمل نشر الروايه .*
*باشراف : ذاتي .*
*____________*
#روايات_سعوديه .
*`تقييمك للبارت من` 🔟 ! ! !*