الفصل 10
*– ࢪواية :«تكفى لاتعلم ابوي اللي فيه يكفيه.».*
*عداد ألباࢪت: «10».*
*– الڪَاتبه :مجهوله».*
*▭𝅼▬࣪▭𝅼▬ׄ▭𝅼▬࣪▭𝅼▬࣪▭𝅼▬ׄ*
*قناه : روايــات مستندات سعوديــه 🎀🎀.*
https://whatsapp.com/channel/0029VbAu5FOAO7RGEWcQex2m
*____________*
> *الروايه لاتلهيڪم عن الصلاھ اللهم بلغت اللهم فأشهد .*
*_________*
طلعت بسرعه من المحل وانا وجهي احمر من الأحراج طلع محل للملابس النسائيه طريقة نظر زياد لي مستغرب وكان يفكرني
متعمد ادخل هناا ..
ناظرني :وش فيك الله يهديك ؟؟
بأحراج مرة لدرجة اني موقادرة اظبط صوتي فيها :هااا لا بس نسيت نفسي ودخلت ..
هز راسه وكان شكله معصب بالمرة :لاحول ولا قوة الا بالله خلنا نطلع من هنا ..
مشى عني وانا رحت اركض وراااااه ..
بس فجأة فتحت عيوني على صوت رشا :تولين تولينووه وصمخ ماتسمعين قومي ..
فتحت عيوني وانا اناظر المكان اللي حولي :كانت غرفتي والحوسه اللي فيها وكانت رشا واقفه وهي بقميص احمر
قصير للفوق الركبة :يدووبة تو الناس قومي بنتأخر على روحة بيت عمي
توني استوعب عدلت جلستي وقلت :اي بيت عم ؟؟
رشا :وش فيك نسيتي ان اليوم بيت عمي مسويت جمعه عشان رجعة عمي من السفر ..
تولين جلست عدل :لحظة احنا موكنا بكوريا ..
رشا رفعت حاجب :اي كوريا شفيك انتي الظاهر ان نومة يوم ونص اثرت فيه قومي قومي
تولين لحظة :احنا موكنا بكوريا مع زياد ومرة ابوي وشايني الا شفت شايني وركضت لجوالي وفتحته شوفي الصورة لحظة
لكن الصدمة ماكان فيه ولا صورة ولاشي ...
يالله التوقيع لحظة حست بالأدراج مالقيت شي
رشا وهي تصغر عيونها :منو زياد هااا ؟؟
تولين جلست على سرير وتوني استوعب ان كل اللي كنت فيه حلم وزياد بعدني على مكالماتي معه على المسنجر
وقصتي مابعد تكتمل وخيالي طار لبعيد على طول ..اوووف صج اني خياليه بزيادة ..
رشا :تولين تولين هي هي ..
تولين :بوويااا >>>ماذا او نعم
رشا :قومي تروشي وصلي يلا عشان نروح
تولين :طيب
وقفت وانا كلي خيبة امل ودخلت اتروش بعد حلمي الجميل ..
الحين الشعب السعودي عساكم رضيتو بس مافي خيال الحين بطلنا طيب رح اكتب كل شي واقعي
وربي انه كان حلم بس انتو الله يعديكم ماتخلون الواحد يكمل يالله خلوني اكمل البارت ..
صحيت على صوت ضرب الباب قمت بسرعه وفتحت الباب شفت غسان واقف :رفع عيونه وطالعني بعدين خذى نضرة سريعه
على انا وشو لابسه وحسيت في يوم عقد حواجبة لأني كنت لابسه قميصه الأسود مع شورته ..
ابتسم ابتسامة سخرية ولف :انزلي عشان الفطور وانا رح امشي بعد شوي فأنتي انزلي واجلسي مع
رنيم لاتبقى لحالها ..
هزيت راسي وانا فيني نوووم مرة وقلت :طيب صباح الخير
غسان عطاني ظهره بدون اي كلمه ..
كشر وجهي وحسيت بأحراج على برودة خصوصا ان الخدامة كانت واقفه واسمعت وش اللي صار
رحت وتوضيت وصليت الفجر ولبست فستاني التركوازي اخاف انه يشك ليه دايم البسه ..
ورفعت شعري بطريقة مبعثرة وثبتها بالمساكات صغار وحطيت لي قلوس وتعطرت نزلت
بس ماشفت رنيم فجلست على طاولة الفطور واستغربت ان ماكان جنبه الا كوب عصير برتقال ..
كان جالس ويناظر في الفراغ قباله ... لف علي ورفع حاجبه يوم شافني لابسه الفستان التركوازي
تكتف وحط رجل على رجل : في شي ابقوله قبل لاتنزل رنيم .. وش سالفة لبسك لملابسي ولبستك يوميا لهالفستان
هنا حسيت ان انعقد لساني وش اقول :هــاه ..... آآآآ لا بس الملابس ماحبيتها مرة
غسان فتحت عيوني بعدم تصديق :لاجد يعني بتفهميني ان كل اللملابس الموجودة ماعجبك منهم شي ابد ابد
حاولت ابرر لكن كان يجيني من كل طريق ... وفجأة وقفت وانا معصبة :ارتحت الملابس صغيرة علي انت حتى ماخذيت مقاسي
وعلى طول شريت لي ملابس من مزاجك ارتحت الحين الملابس مومقاسي ..
من القهر اللي فيني حسيت دموعي بتطلع مودموع حزن او احراج لا اهو شي تعودت عليه لكن دموعي دموع قهر دموع
مادري وش لون اوصفها صعدت غرفتي وضميت المخدة :ياربي الله يلعن الساعه اللي وافقت فيها على هالزواج
انا وش جاني وخلاني اوافق ياربي هئ اهئ ابي اضعف ابي اصير وحدة جسمها حلو ياربي كلما حاولت
ماانجح ويزيد وزني اكثر من الازم هئ اهئ اهئ قررت امسح دموعي ولا اهتم واللي فيها فيها
وانا وش دخلني فيه طيب كيف اروح اجيب لي ملابس من بيتنا المشكله ان احراج اتخيل شكلي عند امي
راجعه اخذ لي ملابس لأن الملابس اللي شرالي اياهم زوجي وشاد ظهره بيشتري لي صغار مومقاسي
اوووووووووف ولا اقدر اقول لنوير تروح لأن نوير صج صديقتي كثير لكن مولدرجة اني احرج نفسي بهالطريقة
قدامها واقول لها جيبي لي ملابس يالله ..
تجاهلت كل شي واللي فيها فيها ..
تغطيت وغمضت عيوني ونمت ..
غسان انصدمت يوم قالت انهم مومقاسها وصغار عليها تنهدت تنهيدة طويلة ..
جاتني الخدامة ومعها كوب موية مع الدواء حقي ...
يمكن مابعد تعرفون انا مريض بالقلب ومن ثلاث سنوات سويت لي زراعة قلب بس محد يدري فيها
الا فهد ونارا ولا حتى امي ماتدري ورهف هم ماتدري لأنها رح تعصب وتغلي
الخدامة :مستر غسان اليوم لاشوغل كتيير لأن انت واجيد تعبان اثنين يوم اللي روح
وقفت وتجاهلتها ...
دايم تقولي هالكلام بس انا مااهتم لكلامها ..
عنـــــــــــــــــــــــــد تولين ورشـــــا
تصدقون لحد الحين انا فيني احباط موطبيعي احس بتعب نفسي مدري ليه يمكن لأن الشي اللي كنت اتمنى انه يتحقق
شفته حلم وبس مو واقع لكني حسيت اني عشته بواقع بواقع حقيقي عشت حلوه وعشت مره .. اوووف
تنهدت خلصت من لورات شعري سويته على شكل كيرلي بسيط مع طوق موجود عليه ريش طاووس مع كرستاله
لبست ميني دريس لونه اسود سيوره عريضه وحطيت لي بلشر بلون المشمش وقلوس بينك فاتح ..
احترت شني الجزمة اللي البسها فلبست فلات اسود ينلف على الرجل وفيه ريشة طاووس صغيرة بشكل انيق
ددخلت رشا وهي لابسه شورت جينز فوق الركبة ولابسة تحته ماسك بنفسجي وقميص ابيض كان فيه كرستال باللون
البنفسجي والأزرق الفاتح ... ورافعه شعرها على جنب مع مكياج خفيف صاير قميلة اجمل مني
ماهتميت ولأول مرة عطيتها الفرصة انها تبرز لأن اليوم احس منسدة نفسي ومالي خلق شي ..
فتح ابوي باب الغرفة :يلا خلصتو ..
رشا وهي تتعطر :اي يبه يلا ..
رحت لبوي قبل لايطلع :ابونيم
ابوي لف لها :هلا
تولين :يبا بس بسألك انت مافي امل تجيب زوجتك هنا ..
كان عندي بصيص امل شوي بس ان حنا نروح
ابوي عصب وبان من ملامحه :وش جاب لك طاريها الحين انا طلقتها وخلاص انتهى امرها
تولين وبعدها تحاول :طيب وعيالك
لف علي وهو مستغرب: قلت لك اخوك كبير ويقدر يعتمد على نفسه وللمعلومية تراه فاهم وعنده شغله
ولو بغى يجي هنا انا قايلة يجي وقت مايبغي .. فتطمني
لويت فمي :يوووه يعني مافي امل
ابوي ناظر الساعه :يلا تأخرنا
خذيت عباتي :ايوه يلا ..
يعني مافي امل للروحه هناك ابد .. صج اني غبية مادري ليه مادخلت طب ولا هندسة عشان اروح هناك ..
بس جلست بالبيت الغبي اووووف ..
اوووف يربي شالأزعاج صرخت :منووووووووووووووووو ؟؟
للأسف محد رد وكان الشي الوحيد المسموع صوت ضربات الباب وبس ..
قمت وانا اتأفف وفتحت الباب وقف قلبي يوم شفت غسان واقف وساند نفسه عند الجدار وناظرني بنظراته الباردة وعيونه
اللي من برودة صايره ناعسة وكأنه مومهتم في احد بالدنيا ابد ..
عدلت شعري وقلت :نعم .. بغيت شي ..
غسان تنهد :هــــ غيري ملابسك وتعالي بنروح السوق امك وخالاتك بيجون بكرة مااتتمنين انها تجي وانتي بهالملابس
ولا بفستانك نفسة صح ..
هزيت راسي بمعنى ايه :طيب بس ثواني
رفع عينه وناظرني :5دقايق ولا مافي روحة ..
غسق يربي ولا كأنه توه قاهرني اووف
رحت بسرعه ولأن ماعندي ملابس عدلة لبست شراب طويل اسوود شفته في الأدراج ولبست عباتي الكتف ينقالي ابكشخ
وتوني متزوجة وخذيت شنطة لونها بنفسجي جلد تمساح تتدرج الوانها .. للوردي
ونزلت مالقيت رنيم يوم سألت الخادمة قالت :مسس رنيم روه
استغربت طلعت وشفته واقف في السيارة وهو لابس ثوب وغتره بيضة وكان جالس يطالع
ساعة يده والظاهر جالس يظبط شي .. ركبت السيارة وانا احس بدقات قلبي سريعة لالالا
لاتظنون حبا فيه لا تعب من نزول الدرج ومن ركوبي للسيارة حط حزامة الأمان ولا اهتم حتى انه يقولي ومشينا ..
تكلم :انتي بالعادة من وين تشترين ملابسك ..
فكرت :امممم سنتر بوينت ايفانز نكست على حسب يعني ..
غسان وشكله انزعج :طيب طيب
وصلنا لمجمع ال....... ودخلنا وانا ماادري اشلون رح اختار ملابس وهو معي ..
دخلنا سنتر بوينت وعجبني حيل بنطلون جينز لكن مالقيت المقاس اللي ابيه فكنت اتلفت وادور على العامل اللي كان يوقف
جنب الملابس .. فقلت :وين راح هذا الغبي ..
غسان خزني بمعنى قصري صوتك تلفت وشفت العامل واشرت له بيجي وجا العامل وقال :yes
غسان رفع يدي وهي فيها الجينز جيب هذا اكبر مقاس هنا حسيت بقلبي بيوقف من القهر ..
العامل ابتسم وقال :هذا اخِر مقاس كلوو خلص
غسان ابتسم بسخريه على جنب :طيب وين المقاسات الكبيرة
العامل :man or womn
غسان :womn
العامل اشر له :ماقدر اتحمل ماكنت ابي اصيح لا كنت ابي اتوطى ببطن اللي جنبي وارتاح شوي
غسان فجأة وبدون مااحس بدت ساعتي ترن بسرعه وبصوت عالي كتمته بسرعه وقلت :ابطلع شوي اذا خلصتي كلميني ..
غسق :بس
مشى قبل لا تكلم كلامها .. بس ماعندي رقم جوالك
لكن للأسف مشى قبل لاتكمل كلمتها تمشت وشرت لها تيشرت مع جينز وملابس ####### مع بنطلون بيجاما اسود وقميص احمر
كل اللي شفته وعجبني حاولت قدر استطاعتي اشتريه جيت ابحاسب وقفت سنه وانا انتظر بالصف الحريم من زحمتهم
طبعا انا بحاسب بمهري لأني ماصرفت منه ولا شي فيعتبر اني اجهز للعرسي ضحكت في نفسي قال ايش تجهز لعرسها قال يلا بس
غسان طلعت من الكتمه لأن مرينا جنب حريم وكانت ريحت عطرهم مره قوية فماقدرت اتنفس فطلعت والله يهديها الساعه
فضحتني اوووف اسندت نفسي عند السور برى المحل وجلست انتظرها لكني استغربت انها ماتصلت علي اروح احاسب لها
ليكون مابعد تخلص اكره شي عندي اني انتظر احد
شفتها تقرب مني وهي شايله كيس معها استغربت وقلت :حاسبتي ..؟
غسق :ايه يلاابي اروح محل ثاني
غمضت عيوني وخذيت نفس ولفيت من عندها لو بتكلم وبعصب بيجيني شي اليوم .. تجاهلتها ومشيت صج بزره
غسق :غسان غسان
كان يسرع ولا اقدر امشي بسرعته وخصوصا اني شايله اكياس معي ..
ووقف عند محل نيكست واشر لي بمعنى دخلي :..........
غسق :غسان ترى انا ماعندي رقم جوالك
غسان ببرود موطبيعي طلع جواله وفجأة رن جوالي ورديت وسكره: هذا رقمي ..
هزيت راسي بمعنى اها : طيب توني بدخل قال :شوفي لك فستان مايصير يجون اهلك بكرة وانتي بجينز وتيشرت
قلت طيب شفت فستان قصير كان لونه رمادي مايل للزيتي ويوصل للركبة وكان كم حاير والثاني بدون صج مديلة شوي قديم
لكن اهم شي يكون مقاسي متوفر وجزمة فكرت ا فيه جزم كثيرة مايحتاج اشتري له
كان تنفسي صعب حيل وانا امشي والهث شوي لدرجة انه سمعنى وقال :اجلسي شوي ..
جلسنا في ستار بوكس ناظرني "تبين شي ؟؟
قلت :ابغى قهوة باردة
طلب لي لكن اهو ماطلب شي .. جاب الويتر الكوفي وقال :تفضلي ياخاليه بالعافية
وربي وصلت فيوزاتي مليون وانا اناظره خير شنو خاله تخلخت عيونه نشاء الله اهو المفروض اللي اقوله ياخال
تنهدت وقلت :لوسمحت انا موخالتـاك انا مدام ..
ابتسم بأحراج وحط الكوب ومشى
اما غسان كنت احاول اني مااضحك لأن حسيت فيها مقهوره شغلت نفسي بجوالي
عشان ماتنحرج لأني اعرف شعور الشخص لم ينحرج
شربتها بسرعه وواضح عليها من الحره فمشينا لأني حسيت اني لومارح امشي رح اطيح بالمجمع من كثر الأجواء
الغريبة والروايح الي ماتحتمل
عنــــــــــــــــــــــــــد تولين ورشـــــــــــــا
كنت عارفة انه رح يجي خصوصا يوم شفت اخته لوتس كانت نعومة مرة وجميله حاولت اني اسولف معها لكنها متتقبل اي شخص
امه يوم شافتني حسيتها مستانسة كثير وتاخذ وتعطي معاي وسألتني كم عمري واذا ادرس ولا لا ...
استانست كثير قلت يمكن تخطط تخطب لي زيوود ...
كان الكل مجتمع من بنات عمي فطوم وسارة ورنا وجواهر والبندري وجوري وهديل ومنار وملاذ
جلسنا كلنا في الغرفة وجلست كل وحدة تسولف عن الجامعه وانا ورشا على جنب احنا موكثير نحتك معهم .. الكذا كان شكلنا
شوي غلط ارتبكت من سؤال لتوس لي يوم قالت ؟ انتي مخطوبة ولا لا ؟
انا رديت بأحراج :لا مش مخطوبة بس ليه تسألين
لوتس بمزح :بس كنت ابي اشوف عشان اخطبك لخالي
حاتني خيبة امل اوووف وجاملتها وابتسمت :اهاااا .
جلسو البنات ينكتون وتعرفون جلسات البنات لاتخلو من الحش والهبال والفلسفة والموضة والفوضى الخ الخ الخ
سمعت صوت جوالي وكان المتصل ابوي :هلا يوبا
ابوي :خذي اختك واطلعي يلا انا برى ..
تولين :بس يبا سكر بوجهي استغربت لأن تو الناس كانت الساعه توها 10 ليه بنمشي
وقفت واستأذنت منهم ومرة عمي جلست تسأل ليه بنمشي ومدري ايش بنهايتها قالت :الظاهر ان ابوك وعمك تخانقو كالعادة
ابوي مزاجي درجة اولى كان ديام يتخانق مع عمي وهذي رابع مرة يسويها فينا لكن اليوم اللي بعده ولا كأن شي صار وهذا
اللي محيرنا .. ايبتسمت :لظاهر يلا بكرة يتراضون ولا كأن شي صاير ..
طلعت وبدت دقات قلبي تدق بسرعه دوك دوك دوك دوك دوك دوك >>>صوت دقات قلبي
شفت زياد واقف وجنبه ابوي وهو يسلم عليه وكان شكله يبارك له هنا استغليت الفرصة وناظرت جزمته وساعته يالله
نفس اللي بالحلم اكيد فيني شي اكيد فيني شي .. حتى جواله اللي كان ماسكه بيده نفسه والله نفسه ..
اشر لي ابوي اركب السيارة وركبت وركبت وراي رشا اللي كانت مزاجية مثل ابوي وهي تقول :ياربي حتى ماتهنينا ولا استانسنا
دووم كذا ابوي يسوي مدري ليه .. اوووف ..
مشيـــنا والله استغربت ان ابوي كان ساكت طول الطريق .. بكذا ذبحني الفضول اعرف وش السالفة بس
مارح اعرف الا بكرة لم يروق ابوي ...
غســــــــــــــــــــــــــــــــــــــــــــق ..
اول مادخلنا البيت نادى الخدامة وصعد غرفته بسرعه صعدت وراه ودخلت الغرفة وتخبيت عند حوض السمك اطل على غرفته كان فاتح ياقة ثوبة واكمامه
وجات الخدامة ومعها مثل جهاز الظغط بس لونه غير ووكانت حاطته على يده استغربت وشفتها تعطيه
دواء مع كوب حليب وتكلم معاها كلام بس الله يهدي الفلتر حق الموية ماقدرت اسمع شي منه
شفته ناظرني وانا جالسة اسمع وكشر بوجهه وخذى مثل الريموت وتسكرت الستاير كشرت بوجهي يوووه صج نذل يعني مايبيني اعرف عنه شي
اووووووف ..
تروشت قبل لا انام عشان الصبح اسوي شعري على طول والبس الفستان ..
رميت نفسي على سريري ونمت وانا مستانسة ومرتاحه لأني لابسه ملابس لي تكون مقاسي
مااخاف انها تخترب ولا يصير فيها شي >>> لاتقولون شعور سخيف لأن انتو جربو مرة تلبسون ملابس مهيب لكم ونامو فيها وعلموني بحساسكم هاا
انتظر تراني .. ^_^
نكمل ولا .. طيب بس اوعدوني تعطوني لايك حلو اوكي .. =)
في صباح جميل ومشرق على بيت احد المنازل .. المتوسطة في احد الأحياء ..
هي هي انتي وين رايحة ..
......: هي انا موب اصغر عيالك تناديني كذا بعدين تكلمي عدل
.............:طيب طيب جيبي لي البايسن الموجود في الثلاجة اوكي قبل لايجي ابوك ويشيلة مالي خلق تهزيئة ..
.......:يصير خير
............:جودي لاتسوين كذا بتجيبينه ولا ..
جود :فكينا بجيبية بجيبة اووووف ..
تبسمت فجر :دايم اهي كذا لها السلطه على اختها جود ..
بعرفكم على خطيبة فهد بس محد يدري بهالشي الا شخصين ام فجر وام غسان ...
القميلة اللي فوق موجود لا فجر اهي خطيبة فهد ...
طبعااا مصرقعه بشكل موطبيعي هبله هبله درجة اولى نسخه اصلية من ولد كان موجود بعيلتهم لكنه .. >>>تعرفون بعدين ذكروني ترى انسى
عمرها 19 سنة لكن على كذا عقل بالشرق واهي بالغرب ودايم تحب تسوي نفسها ولد لسبب هم بعدين تعرفونه
وطبعا محد يقدر يردج لها طلب وجرئتها تتعدى الواقع تحاول تتصنع انها تكون ولد لكن ماكو امل
جمالها عادي لكن احلى شي فيها عيونها الوسيعه الناعسة .. هذا الشي اللي خذته من الولد الموجود بعيلتهم خخخ
بقت لها اخر سنه جامعه لكنها ماكملتها .. بمزاجها كذا وتصير بنت عم بنت خالة غسان .. بعيد ادري ..
جود :انا مارح اقول انها انثوية لأبعد حد ولا رح اقول مافيها انوثه عادية جدا ونعومه ازيد من الازم
ودايم تتخانق مع فجر لكن بنهاية مالهم الا بعض ..
تحب فجر بجنون وتحسها امها الثانية بسبب حنانها لكن طبعا موكل الأوقات فجر حنونه تجيها طفرات جينيه ساعات
ويكون الحنان نازل عليها من السمااا ..
ملاحظة ((فهد مايدري بان امه حاجزة له وحد .. نارا تدري بهالسالفة لكن ماحبت تقوله ))
لأن مالها دخل .. بتسألون وش معنى نارا لأنها صديقة فجر من الطفولة وبتلاحظون انهم يتشابهون في اشياء كثير
الشخص اللي تحب تتشبه فيه وفي ستايله آآآمبر من f(x
وش رايكم نكتفي ترى تعبت .. طيب طيب اخر شي عن غسق وخلاص
من حماسي لشوفت امي وخالاتي ماقدرت انام صحيت من الساعه 7ونص الصباح وسويت الفطور ينقال زوجة
صالحة ومفيدة .. بيض توست ومربى وفواكهه وعصير طازج ..
صعدت عشان اصحيه ضربت الباب بشويش عشان لايقول ازعجته ..
سمعت صوته النعسان :ادخل ..
كان نايم بدون قميص لف يناظرني وعدل جلسته :همممم
غسق ماكنت عارفة اتكلم تلعثمت وبديت اربط يديني ببعضها وقلت بأحراج وانا عاطيته ظهري :بس بس هاا بس
غسان وقف بضجر وقال :وش بس شتبين ..
غسق :الفطور جاهز وطلعت من الغرفة .. وانا احس بدقات قلبي سريعه اول مرة اشوف رجال من دون قميص
يعني اهي مو اول مرة لكن يعني اول مرة اشوف شخص جميل اقصد فهمتوو .. لحظة لاتفهمون غلط جميل اقصد وجهه جميل هااا
غسان هز راسه :صج بزره اوووف .. دخلت اتروش ولبست قميص ابيض مع بنطلون رياضة لأني ابسوي رياضة اليوم
قلبي تعب البارحه كثير بسبب اني يومين ماسويت راياضه ..
نزلت وانصدمت يوم شفت الفطور .. اول ماجلست حطت جنبي صحن وفيه بيضه مقليه وكان من شكلها مشبعه بالزيت
مع زيتون وجبن سائل .. خذيتت نفس عميق وناديت :ياانور نور نور
جات الخدامة تركض :يس مستر غسان
كان شكله معصب :منو مسوي الفطور ..
استغربت وناظرته والصدمة كانت لم ؟؟؟؟؟؟؟؟؟؟؟؟
ــــــــــــــــــــــــــــــ
اول ماجلست حطت جنبي صحن وفيه بيضه مقليه وكان من شكلها مشبعه بالزيت
مع زيتون وجبن سائل .. خذيتت نفس عميق وناديت :ياانور نور نور
جات الخدامة تركض :يس مستر غسان
كان شكله معصب :منو مسوي الفطور .. ؟؟
الخدامة :مدام غسق سوي فطور
غسان غمض عيونة وشكله مومتحمل ريحة الأكل .. دفع الصحن وطاح في الأرض
استغربت الا انصدمت من حركته ..
صرخ شيليه وقف وراح للصالة الثانية استغربت يعني وش صاير اوكي وبعدين يعني
الخدامة كان طريقة تصرفها في الوضع وكأن هالشي مألوف عندها وطبيعي ..
جلست تلملم الأكل على جنب
وقفت ورحت له كان ساند راسة على المخدة ومغمض عيونه .. ((ياربي هالأنسان وراه شي وربي وراه شي ))
جلست وقلت :ممكن اعرف انت وش فيك بالضبط ؟
غسان ولا كأني موجوده وقف وتوجه للباب الخارجي ..
تدرون السالفة كلها استغربت منه لأنه اول مرة بالحياة يعصب ..
مو الحياة الحياة لا اقصد جنبي ولا دايم بارد ومايهتم ..
تأفف ورحت للخدامة وجلست احوس وادور في مخي على كلمة مالمشكلة بالأنقلش الله يهديه جنن بنات المملكة ..
what proplem ?
الخدامة وكأنها فهمت :no thing >>> مافي شي .. احم
ناظرت الساعه الله ممداها تصير الساعه 9وربع اوووف صعدت وجلست على الأيباد اووف ابغى نت موجودة عندي شبكة بس شلون اخذ
الرقم السري حق النت اوووف ... نزلت وطلعت برى عشان اسئلة بس ماشفته دورت دورت ماشفته
شفت خدامته الجميلة ومسكتها :امممم wher are wher are gssan
الخدامة اشرت لي على الجهه الثانية من الفيلا استغربت ..
بس جاني الفضول اكثر ورحت .. اول مافتحت الباب شفت غسان يمشي على جهاز المشي حق الرياضة بامختصر
الغرفة كانت فيها اجهزه رياضة كثيرة ..
كان يمشي على سرعة 60 وكان شكله تعبان .. بس شلون تقدمت شوي ويوم شافني قلل السرعه الى ان وقف
وراح جلس عند الكراسي يشرب موية ..
جلست جنبة وقلت :ممكن اطلب منك طلب ..
سكر علبة الموية ولف يناظرني بنظراته المعتاده :.........
ابتسمت ببرود وقلت :ابغى الرقم السري لشبكة الأنترنت ..
رفعت حاجبي وقلت :مافي رقم سري ولا غيرة اهتمي بأشياء ثانية ولالك شغل بالنت
ليكون جايبة معاك جهاز الكتروني وانا مدري ..
قلت ولأول مرة بالحياة ادرك واستيقن اني اغبى وحدة بالكون :ايه جايبة الأيباد حقي سكرت فمي بسرعه وقال ..
قال وهو يوقف مرة ثانية ويتمدد :الأيباد اشوفة بغرفتي مفهوم ..
غسق :لايشيخ ..
قرب مني كثير كثير كثير وقال :اهي كلمة وحدة ومارح اعيدها مرة ثانية الأيباد اشوفه في غرفتي مفهوم ..
ارتبكت دقات قلبي بدت تتسارع السالفة موسالفة حب اواعجاب لا سالفة ان رجال مومتعودة عليه يكون قريب منك هالقرب
هذا كله ..:ط ط طيب ..
بعد عني وجلس يكمل رياضة ..
غسان ماكانت غلاضة مني او عناد لها اني مابي اعطيها الرقم السري بس كنت ابيها تهتم في اشياء ثانية مثل جسمها
شكلها وزنها لكن للأسف مافي امل من هالشي ..
غسق
صعدت لغرفتي وذكرت شي واحد اقدر اسوية فيه هالحالة في الاب توب حقي انا محملة افلام ومسلسلات وبرامج مالي الا اقول
لأمي تجيبة واجلس عليه ولا من شاف ولا من درى النحيس .. اخذت الأيباد حقي ودخلت غرفته وحطيته على المكتب الصغير الموجود
في الزاوية .. شفت انوار خضراء ترمش .. قربت شفته المودم الا اللون البنفسجي الامع الجميل ..
ياربي ابغى اجلس ثواني بس على الاب بس شوي
شفت لابه الأبيض ماركة ماكنتوش .. فتحت فمي يمكن يكون حاط رقم سري
لا اللي بشخصية غسان مااتوقع يحط رقم سري على جهازه فتحته وانا ادعي واسمي ان يكون مافيه رقم سري
فتحته وكانت فرحة حياتي ان مافيه رقم سري كان الحساب مسمية my hert barker ...>>قلبي مكسور
استغربت من الأسم لكن بسرعه بسرعه فتحته ودخلت على الفيس بوك وشفت الرسايل والأضافات والتعليقات اللي جايتني
كتب تعليق اخير .. ((my worled beute Imiss you )) ((عالمي الجميل اشتاق لك ))
سمعت صوته يكلم الخدامة وكان يقولها على تجهيز غداء شي زي كيذا ذكائي الخارق اللي انا اقول انه
دايم يتعدى الواقع سكرت الجهاز بدون مااسكر صفحة الفيس وماكنت ادري اتخبى وين فأقرب مكان موجود بالغرفة كان ورى
الصــــــــــــــــــــــــــــــــــــــــــــوفا البيضاء الكبيرة ..
كنت اتنفس بصعوبة لأني يعتبر قطعة مسافة كتمت نفسي يوم سمعت صوته يدخل الغرفة ..
عنــــــــــــــــــــــــــــــــد جـــــــــــــــود وفجر
فجر :ههههههههههههههههه يابعد قلبي والله اي تامرين امر انتي .. لك اللي تبينه فمان الله .. لا قلت ابشري فمان الله
جود دخلت وهي :انتي كم مرة قلنا لك لاتسوين كذا انتي سمعتي صوت ضحكك كأنك ولد ..
فجر تحولت معالم وجهها للجدية :وانتي وش دخل مخك هاا وش دخل مخك .. اي والله لقافة تقلعي ليجيك خماس يعدل وجهك
جود :فجر ترى ماامزح معك وشو خماس انتي بعد شالمصطلحات الولادية
فجر يقالها تستهبل |:ولادية ولا بناتيه هههههه
جود وقفت :لو بقعد معك بتطلع لي قرون .. وقفت وراحت لدولاب ملابسها
فجر :افا وين بتروحين ..
جود ماتكلمت ولاعطتها وجه :وخذت ملابسها ودخلت للغرفة الثانية تغير ملابسها ..
فجر من دون ماتدري وش السالفة قامت وغيرت ملابسها ولبست بنطلون ضيق اسود قميص واسع كاروهات وباللون
الأبيض والرمادي والأسود ولبست اسوارة على شكل حلقة ماسكة جوانبها ثعبان مع ساعة سودة ولادية
واساور مرسوم عليهم علامة الشيطان . .
كان شعرها قصير يوصل لنهاية رقبتها مع طبقات كثيرة لكنه ناعم كثير كثير لكذا ماتقدر تسوي فيه حركات كثير
تركته مفتوح ولبست على رقبتها ايشارب صغير لونه اسود ..
دخلت جود بنعومتها لابسه ميني دريس باللون الموف مع كعب عالي لونه مايل للموف والوردي اكثر ..
مع شعرها الطويل اللي تركته مفتوح ..
مع عقد ناعم موجود على رقبتها ..
جود ناظرتها باستغراب :على وين رايحه .. ؟؟
فجر وهي تلبس جزمتها الله يكرمكم :معك بعد وين رايحه ..
جود ناظرتها :انتي تدرين وين انا رايحة ..
فجر هزت راسها ببرائة :ميــو ميو >>>بالصيني لالا
جود تأففت :بدت الحين الكلابة والقطاوة تتكلم ..
فجر :انكتمي احسن لك وين رايحة انتي ..
جود :بروح زواج صديقتي نوف ..
فجر :وييييييع خلاص بتروحين بكيفك انا ببقى ..
جود :ومنو قالك انك بتجين اصلا انتي مع هاللبس ..
فجر :عناد لك انا رح اروح وش تبين قمت وتعطرت .. يلا خلينا نمشي ..
جود مافي ابروح لبوي واقوله ..
فجر مديت لها يدي :تفضلي روحي ..
جود :لا والله بتشوفين
تدرون كنت واثقه ان ابوي بيقول روحي ومالك دخل فيها .. لكن راحت له جود في وقت غلط كان معصب ...
معصب معصب معصب معصب من جد ابتعب وانا اقولها ..
جود :يوبا قول لفجر رح تجي معاي زواج الهنوف وهي بهالملابس ..
ابوي لف لها وناظرها .. :فجر مافي روحه .. مع هالملابس انتي كم مرة اقولك لاعاد تلبسين هاللبس هاا
صيري انثى انا ماطلبت منك تكونين بدل لريان الله يرحمه ماطلبت صح توأمك لكن مومعناته انك تكونين بدل
له بستايلك هذا يافجر لاتخليني اسوي شي رح تندمين عليه طول عمرك ..
وريان مات والله يرحمه وكلن هذا طريقه ورح نمشي فيه اهو بقبرة موراضي على اللي يصير
اربع سنين من توفى انسي انسي خلاص انسي ..
فجر عضيت على شفايفي من القهر من الحرة اللي بقلبي من طاري ريان .. ريان قلبي .. ريان حبي ..
ريان دمي ولحمي وروحي وكل شي في حياتي ..
رفعت عيني وناظرته :يبا لاتحاول ريان مارح انساه وبلاها روحت عرس .. زفت ولفيت لجود ..
انقلعي لعرس صاحبتك .. وبكيفك
صعدت غرفتي واول شي سويته قفلت الباب وطلعت الصندوق اللي كنت احتفظ فيه بغراضي انا وريان ..
ابعرفكم على ريان ..
توأمي المخلص والوفي .. انا معاه شخص واحد كنا نستهبل بشكل موطبيعي ..
وكنا نروح ونجي على مزاجنا ولاناخذ لكلام حد ..
لدرجة ان يوم كنا بالصف السادس بدلت معه ورحت مدرسته وراح مدرستي الفرق بينا ان اهو ولد وانا بنت
ولا كل شي فينا كان مثل بعض .. والصوت نفس البحة لكن مع نعومه اكثر لي وخشونه اكثر له ..
كنا نقول لبعض كل شي كل شي .. اشياء حتى ماتطرى على بال الواحد ..
وفي يوم تخانقت معاه خناق بسيييط والله بسيييط وكان عن مزح ..
عاندني وطلع برى البيت ولم طلع وصارت الساعه 2ونص الفجر وهو مارجع وقتها جلست اصيح من خوفي
ولأني كنت حاسة ان صار فيه شي ..
جاتني امي واللي كانت تظن ان ريان عند خالي .. لكن الصدمة لما رن تلفون البيت وجاتنا الطامة انه
صار له حادث سيارة وظل اخوي شهر كامل بالعناية المركزة بغيبوبة ...
ولأني كنت متأكدة انه مارح يقوم كنت اروح له يوميا .. كنت انام بالمستشفى اصلا ...
وفي يوم السبت توفى .. .. .. .. .. .. .. .. .. ..
كان الكل يلومني لكن بصمت نظراتهم كانت تقول لي كذا |.. ليه ماعلمتهم انه مش معى خالي
ليه ماقلت اني متخانقه معاااه .. تصدقون امي كانت تلومني وتقول انه اهو ولدها الوحيد ومات
منو لها الحين ولد ولأن امي اول ماولدت اختي جود سوت عمليه قطع للأنجاب يعني مافي امل من الأنجاب
ابدا .. قررت قرار وحيد وهو اني اكون انا الولد .. تخيلو بنت بعمر 15 سنة ماكانت تهتم لحمرتها ولا لعطرها
ولا تسريحة شعرها كنت اهتم اني اسوي واجبي كولد وبس .. تغيرت طريقة لبسي واكلي وكلامي وكل شي كل شي
حتى طريقة مشيتي امشي وانا فاتحة رجليني على الأخير وماخذه راحتي .. ويديني تروح يمين ويسار ولا تهدأ ابدا
ونبرة صوتي صارة حادة وخشنه طلعت من الجامعه بسبب تعليقات البنات وبسبب اعجاب البنات المنحرفات فيني ..
وهذي قصة الشخص اللي بالعيلة اشبهه ..
انا مابكيت لأن من توفى ريان مانزلت لي دمعة ولامرة ولوكان السبب وش كان .. لأني قلت اخر شخص يبكيني ريان
ومحد يبكيني غيرة رحت للمخدة الكبيرة اللي كنت معلقتها بالجدار اطلع حرتي فيها ((تعرفون اللي يستخدمونها في المصارعه .. احم احم هذهي بس مادري وش اسمها U_U
جلست من التعب واحس اني ارتحت شوي غيرت ملابسي لشورت للركبة مع قميص واسع وتركت شعري مفتوح وفتحت السكايبي
ابغى اكلم نارا لكن كالعادة she sleeping
جلست اتابع كرة القدم اللي كانت بين الهلال والنصر ..
عنــــــــــــــــــــــــــــــــــــــــــــد غــــــــســــــــــــــــــان
تخبيت ورى الصوفا وانا احاول اني اكتم صوت نفسي العالي .. من تعبي لقطعي لهلمسافه ..
اول مادخل توجه عند المكتب واستغرب ان نور الاب توب شغال ..
تجاهل الموضوع ولا كأن شي صاير شاف الأيباد .. واخذه وافتحه .. ذكائي ماحطيت عليه رقم سري ..
وجلس يتصفح فيه وهم لأول مرة في الحياة اشوفه يضحك .. مادري بس الظاهر شاف الأشيائ السخيفة
اللي كنت احفظها عندي خفت يشوف الصور لا الا الصور كنت حافظة صور كثيرة لبنات وعليهم فساتين
الوان واشكال قصير طويل تعرفون اشياء بنات كنت ابي اقوم اخذه لكن الظاهر اني حتى لو قمت مارح الحق عليه ..
اووووووف ..
تركه وقام وتوجه لدورة المياه بس قبل لايدخل فصخ قميصه وباقي ملابسه ودخل يتروش
انا اول ماشفته بدى يشيل ملابسة غمضت عيوني وصديت على جنب وانا ارجف من الخوف مدري كذا ..
واول ماتسكر باب الحمام الله يكرمكم ركضت للباب ابطلع لكني سمعت مرة ثانية باب الحمام ينفتح ..
وركضت بسرعه عند السرير وتخبيت في جنبه ودخل مرة ثانية ..
ياربي وش لون اطلع .. المشكله اني لو بطلع رح يسمع صوت فتحت الباب ..
ورح اتوهق وقتها ..
اوووف رح اطلع واللي فيها فيها ..
ركضت للباب وفتحته بشويش واول ماسكرته اهو فتح الباب طلع ..
وانا طلعت بسرعه .. وركضت لغرفتي ...
غسان كنت عارف انها موجودة ومتخبيه بعد من صوت نفسها ...
حاولت اغيضها بأني افتش في اغراضها .. ورحت ابي اتروش لكنها كانت مسوية الشي طبيعي ..
فتناسيت انها موجودة وخليت الأمر عادي وكأني جالس اتروش لحالي ومافي احد جنبي ..
دخلت غرفتي وسندت نفسي عند الباب اوووف واخيرا ..
ناظرت الساعه كانت الساعه 10 يووه الوقت جد يمشي بسرعه قررت انزل واسوي حلى ..
عشان اذا جاو خالاتي مو اكون مومسوية شي ..
نزلت المطبخ بعد مالبست الشورت الأسود والقميص الأسود من ملابسه ورفعت شعري
فتحت الثلاجة ماكنت لاقيه فيها اي شي من ادوات الحلا اللي ابغى اسويه ..
سألت الخدامة منو يشتري الأغراض بالعادة في البيت وقالت ان الخدامة تروح مع فهد نارا وتشتري كل اللي يحتاجون
طلع للصالة وانا حيل ملانه ((طفشانه زهقانه )) وباقي وقت على مايجون امي وخالاتي ..
شفته نازل وكان لابس بنطلون جينز كحلي مع قميص رمادي وجاكيت لبدله سموكن لونه اسود ..
وكانت ريحة عطره خفيفه بس جميلة خخخخ وكان شعره مرفعه لفووق بطريقة انيقه يربي كان يجنن
مومصدقة هذا زوجي .. احم احم ..
ناظرني .. :انا خبرت الخدم انهم يجهزون الأكل ماله داعي تسوين شي انتي بس اهتمي بشكلك واناقتك انا كلمت رهف
اختي وقلت لها تكلم الكوافيرة اللي تتعامل معاها تظبطك عشان لاجو اهلك ..
اذا احتجتي شي هنا ولا هنا كلميني .. طيب ..
صراحه اول مرة يطول معي بالكلام .. :طيب انا ابغى اشتري شوية اغراض لأني ابغى اسوي حلى ..
جلس على الصوفا :ماله داعي تتعبين نفسك لأن انا طلبت من محل كادي يوصلون الحلا للبيت ..
وقف بيمشي لكني تكلمت :بس انا ابغى اسوي شي بيديني .. عشان اوريهم اني تعلمت شي ..
غسان من داخله ياربي هاذي من جدها اول مرة اشوف وحدة بالدنيا تبغى تتعب نفسها وتسوي شي توري الناس انها متعلمته
تكلمت بعد ماناظرتها نظرت تفحص وقربت منها وصار بيني وبينها تقريبا 15 سم احم :انا ابقولك شي واتمنى انك ماتتعدينه او تسوينه
بدون شوري .. البيت هنا محد يطبخ غير امي والخدم الخاصين بالطبخ انا غيرهم لا اليوم بغيتي تموتيني مع اكلك اللي مليان
سموم ودهون اذا وصل الحلا حطي في صحن لهم وقولي انك مسويته مافيها شي ..
لكن انتي تطبخين اسمحي لي ..
غسق قهرني كلامه ورفع ظغطي اوووف صج نذل :طيب على الأقل خلني اختار شكل الحلا
خزني وقال :انا وش قلت .. .
ابتسمت :ولا شي ولا شي تفضل تفضل تقدر تروووح ..
لف عند الباب وخذى نفس وقبل لايطلع قال :العطر اللي تحطين منه رجاءً لاعاد تحطين منه ..
رفعت حاجبي :بالله ممكن اعرف السبب ..
غسان :انا حاب احتفظ بسبب لنفسي ممكن ..
غسق "اهاا طيب وين رايح مارح تجي تسلم على امي تراها للمعلومية ماشىافتك .. مرة
غسان :انشاء الله رح تشوفني عندي شوية شغل وراجع ..
غسق :طيب وين بت
ومشى ولا كأنه يناظرني او يسمعني .. اووووف انسان معقد .. وبارد
ملاحظة :يمكن نسيت اخبركم ان غسق عبارة عن كتلة نار وغسان كتلة ثلج انتو اجمعوهم وشووفو وش يصير
بجاوبكم بالبارت الثاني اوكي ..
صعدت غرفتي وفضلت اني اتروش مة ثانية عشان ارتاح من الهم اللي بقلبي ...
تروشت جاني الفضول اني اقيس وزني .. وحطيت الميزان وسميت داخلي ..
واول ماوقفت كان وزني (125 ) كيلوين بس اوووف .. يلا خير ونعمة
ياربي حلمي يكون وزني 45 لا لا 54 معليه بقول الحمد الله وربي مابي اكثر من كذا تنهدت وشلت الميزان ورجعته مكانه
ورحت اناظر الساعه كانت الساعه 11ونص .. غيرت ملابسي ولبست الفستان اللي شريته كان شي موطبيعي علي
كان من فوق مخفي الوزن شوي لكن سيقاني كان وضعها شوي غلط .. فلبست شراب اسود طويل يوصل للأرداف
ناظرت نفسي الوضع مايتحسن المشكله ماعندي شي البسة جلست في الأرض وانا بحسرتي وسط غرفتي
وسط دولاب ملابس من كل الألوان والأشكال مافي شي يجي مقاسي .. اووووف
تجاهلت شكلي ولبست عباتي بعد ماجتني الخدامه وقالت ان الكوافيرة تبغى تدخل عشان تعدلني ...
دخلت الكوافيرة كانت ايه من الجمال بيضه بيضه والعيون زرقااا >>>عدسات طبعا ..
ولروج اللي صاير كأنه طبيعي باللون الأحمر مع بلشر وردي والشعر الأصفر اللي كانت رافعته وحاطه شيلتها عليه
بس مخليه غرتها تطلع تخيلتو الشكل معاي بس استغربت انها كانت تتلفت يمين ويسار وعينها على غرفة غسان ..
دخلت وسلمت :اهلين كيفك ..؟
يووه لبنانية ماورى هالجمال :منيحه وانتي كيفك .. ؟؟
ابتسمت :نشكر الله .. وينا العروسه غسق .. ماخلصِت دش لهلااااء
لويت فمي :لا خلصت هلاااء ..
ناظرتني :طيب وينا عجلي لي اياها شويه نا متأخر وراي زبونه تانية ..
ناظرتها :واللي ادامك مين انا هي العروس ..
ابتسمت وكأنها منصدمه :انتي هي العروس جوزتو لغسان الأمر ..
رفعت حاجبي لها :اي انا مرتو غسان الأمر .. اقول بلا كلام فاضي وسوي شعري يلا ..
ابتسمت بأحراج :اي اي تكرم عينك ..
وجلست تسوي شعري الطويل ..
عنــــــــــــــــــــــــــــــــــد تولين ورشـــــــــــــا
كنت جالسة اجهز الفطور لبوي عشان يروح يصلي الظهر في المسجد ..
حطيت الفطور على طاولة الطعام البيضة وناديت :ابونيييييم ابوونيييييم >>>الشعب السعودي يقول يباااااااا يبااااااااا
ابوي :طيب جاااي جاي يبوك جاي ...>>>لكن ابائنا حنا الشعب السعودي وحطبة شتبين احم احم
لحد يزعل ترى تغيير جوو انا من اللي ساعات لما اقول يباااا بصوت عالي واطول في قول يبا تجيني كلمة حطبا ساعات خخخخخ ..>>>عادي عادي
ناديت على رشا :اوني اوني اوني >> اختي الكبرى يعني ..
رشا :اوووف طيب طيب
جلس ابوي اللي كان لابس ثوب البيت وشكله معصب من سالفة البارح وماروق ..
سمى بسم الله وبدى ياكل بدون مايسألني كالعادة هايبنتي نمتي عدل عساك بس موتعبانه الله يعطيك العافيه على الفطور ..
تكلمت بعد مدة طويله بتردد :يبا ممكن اسألك سؤال
ابوي رفع راسه وناظرني :اسألي وشوو ..
تكلمت بجدية :يبا انت ليه تخانقت مع عمي البارح ..
ابوي رمى الملعقة من يده وناظرني :وانتي وش جاب لك هالطاري ..
تكلمت :يوبا انا الحين بحسبت زوجتك وامك مثل ماانت تقول يبا علمني وصدقني سرك ببير وليه كان الرجال اللي واقف معاك
امس يبارك لك ..
ابوي تكلم بعد تردد :عمك في واحد ماله سمعه كويسه طلب من عمك يد بنت من بناته .. قال انه بناته كلهم محجوزين لعيال عمهم
قال له ليه ماتخطب وحدة من بنات اخوي ..
عقدة حواجبة : طيب يبا تقدر ترفضة مافيها شي .. او قوله بناتي صغار ..
ابوي هز راسه بمعنى :مااقدر مااقدر صدقيني مااقدر ..
.....:طيب ليه ماتقدر السبب
.......: ابوه شريكي بالشركة لو رفضته رح يكون فيها سوالف ورح تنتهي الشراكه ووضع الشكره الحين مايسمح انه
تتأثر بأي شي ...
ناظرته :طيب يبا قول له بناتي صغار
ابوي واحسه حيل مقهور وجد موعارف اي حل يسوية :يبنتي لو بقوله صغار بيقول ننتظرهم لين مايكبرون
ولو بقوله كلهم منخطبين رح يقول عيال منو خاطبهم ..
وقفت وحطيت يدي على كتف ابوي :يوبا انت كلم صديقك بلين وقوله انه مقدر ازوج بناتي وبس ..
او قوله ان ولدك مومناسب لبناتي ...
ابوي ناظرني بتردد :ولو قال نفك الشراكه ..
ناظرته :يبا مايقدر انتو بينكم عقد شراكه مستحيل يقدر يفكه من مزاجه اتكل على ربك يبا ولا عليك من شي ..
ابوي وقف :اللي الله كاتبه بيصير الله يعطيك العافيه يبا على الفطور ..
انا ابتسمت :الله يعافيك يبا ..
جات رشا وهي تحط يدها على فمها :يووه يبا فطرت ..
ابوي ابتسم لها :انتي خلك نايمه لين ماتصيرين كيسة نوم
ابتسمت :طيب طيب ..
عند فجــــــــــــــــــــــــــــــــر
ياربي طفش شفت شاشة جوالي نارا تتصل بك .. رديت :نيهاااو >>>مرحبا بالصيني ..
نارا ببرود كالعادة :اووه نيهاو ..
فجر :وينك اتصل عليك ماتردين
نارا :ابد كنت نايمه
فجر :وانتي دايم نوم نوم نوم ماتشبعين ..
نارا :فجر تشب مالك دخل ..
فجر :طيب طيب
نارا :الجو هنااا برد مرة مرة يديني صارت زرقة ..
فجر :حياتي تعالي ادفيهم ..
نارا :يلا شوي واجيك ..
فجر :عاد انتي خير شر باردة وش لون بتصيرين هنااك الدب القطبي على غفله
نارا ببرود :اضحك يعني ..
فجر :طيب طيب اعصابك .. شخبارها ..امك ..
نارا :الحمد الله طيبة تسلم عليك ..
فجر :الله يسلمها سلمي لي عليها اهي ورهف ..
نارا :اذا ذكرت يصير خير .. فجور شوي واكلمك فهد يناديني ..
فجر :اوووه بوشباب من زمان عنه سلميي عليه طيب
نارا ضحكت داخلها بتشبعين من سلامك له :طيب
فجر :باي
نارا سكرت بدون رد ...
كان شكلي توب مكياجي خفيف وناعم فرنسي على اللون الرمادي الزيتي .. مع عدسات خضرة .. وقلوس وردي
شعري سوت لي فيه تسريحة فرنسية .. بسيطة ... مع وردة صغيرة بالوسط ..
وقفت وناظرت نفسي في المرايا .. كان وجهي حلو لكن جسمي لالالالالالالالالالالالالالالالالالالالالالالالالا لالالا
تنهدت ولفيت لها :شكرا ..
ردت بدون نفس :العفو ..
وشالت قشها وتوها بتطلع قلت :لحظة كم حسابك ..
الكوافيرة :خلص حاسبني غسان ..
رفعت حاجبي وناظرتها :ليه شو بيئرب لك مشان تناديلو غسان حاف .. ....>>>قصدها ببدون استاذ او مستر كذا يعني
الكوافيرة ابتسمت بغيض :مابيئرب لي اشي بس انا هيك بناديلو :: يلا حياتو سيو
تأففت منها صج قرف يربي اخر مرة هالأشكال اخليها تجي بيتي .. اععع .. احنا بالمشغل ويدووب ..ناظرت الساعه كانت 1الا ربع
اوووف طار الوقت كله رحت وصليت .. ونزلت اتأكد ان كل شي جاهز .. رن الجرس واستانست كثير ..
ان امي جات اشتقت لها .. ركضت وفتحت الباب ومثل ماتوقعت كانت خالاتي ثنتينهم وامي ونوير وغزل بدون غزيل استغربت
سلمت على امي وضميتها كان الكل يناظرني مستغرب بس مدري من وش بضبط ....
دخلتهم امي عجبها البيت كثير وقالت :لا واضح انهم ناس راقيين مرة ..
غسق :اي يما
وبدو خالاتي بالأسئلة اللي مالها معنى وش قال لك وش قلتي له .. ووش صار اول يوم يوم شفتيه ..
تنهدت نادتني الخدامة بكل ادب وذوق :مدام غسق .. تلفون ..
رفعت حاجبي :تلفون لي
الخدامة هزت راسه بمعنى ايوه وقفت ورحت معاها لكنها قالت ... عفوا مدام مستر غسان يبغى انتي في مكتب ..
ناظرتها باستغاب الحين التلفون ولا غسان
الخادمه بأحراج :لا مدام مستر غسان يبغاكي .. في مكتب
توجهت للمكتب اللي انهبلت على لونه وتصميمه يكفي ريحته الجميلة اللي كانت مزيج من عطر وبخور ..
ناظرته كان جالس يكلم بالتلفون :ايه يما لا والله صدقيني مافيني شي واهي بعد مافيها شي ..
ايه ايه خذيها ناداني غسق تعالي امي تبغاك فجأة حسيت اني مو عارفة وش اقول ...
ناظرته:وش اقول لها اناديها فيه ..
غسان ناظرني بستغراب قولي لها :يما او عمة ..
خذيت التلفون وقلت :الو ...
ام غسان :هلا هلا يما شخبارك
رديت برتباك :هلا يما انا بخير وانتي شحالك عساك طيبة منتي تعبانه
ام غسان :لا يما دامكم بخير انا بخير الف الف مبروك يبنتي وعذريني اني ماقدرت اجيك واخطبك بنفسي لولدي
غسق دخلت جو :لا معذور ياخاله
هنا شفته يكتم ضحكته وحسيت بغلطي مرة خاله ومرة يما .. تنهدت فقلت ابقول لها خاله بعدين لاتعودت ابقول يما
ام غسان :يبنتي لاتاخذين بخاطرك على غسان تراه بارد بس انه حنين والله يشهد
غسق ابتسمت بسخرية :لا يخاله مغرقني بحنانه والله .. مايقصر ماشاء الله عليه ..
ام غسان :ايه يبنتي وانشاء الله لارجعت ابشري بعرسن الكل يتكلم فيه ..
غسق :مشكورة خالتي انا ابغى سلامتك وبس ..
ام غسان :ونعم التربية يبنتي الله يسلمك ويحفظك لعين ترجيك انشاء الله ..
غسق :تسلمين يخاله ..
ام غسان :اجل يبنتي ماطول عليك عطيني غسان ..
غسق :طيب انتبهي لنفسك ياخاله وسلمي لي على رهف ونارا .
ام غسان :يوصل انشاء الله ..
غسان كانت طول مااهي تكلم كنت اناظرها واتفحصها كانت جميلة ايه جميلة لاباس فيها .. جمالها طفولي اكثر شي ..
جسمها اممممم بصراحه لو انها مش طويلة كان مادري شلون رح تكون الطول كان موزح وزنها فيه .. بيضااا مش سمرة
بس مش بيضا لدرجة صفاء ونقاء لا بيضا مايلة للصفورة شوي .. فستانها كان حلو لكن ماكان مبين انها سمينه من فوق
بس من تحت لو انه طويل احسن .. فجأة جاني شي يخليني اناظر وجهها كان دائري وتوني الا حظ ان فيها غمازتين .. بس
انهم مش مرة طالعين .. كانت رسمة شفايفها حلوة خصوصا لما ابتسمت ابتسامتها بريئة ..هههههههههه
قاطعني صوتها وهي تقول :خذ غسان غسان ..
رفعت عيني بنفس البرود وخذيت التليفون منها وسمعت وصات امي عليها وذكرتني اعطيها الأسوارة اللي جابتها لها ..
سكرت من امي وفتح درج المكتب وطلع علبة مخمل كحلية وقف وقرب مني وقال :العذر والسموحة على الهدية المتأخرة مسك يدي
وسوى شي ماكنت اتوقعه ولا حتى بأحلامي قرب يدي من فمه وباسها بوسه خفيفه .. وطلع اسواره ذهب عريضة كان
مرسوم عليها طاووس باللون الكحلي وفيها كرستالات ملونه كان كل هذا في مربع ومن المربع تنزل سلاسل رقيقة
بشكل انيق وعليها كرستالات فضية .. كان شسكلها خطير .. لبسني اياها ومرة ثانية رفع يدي وباسها ..
وقال :انا ادري انك تبغين دبلة .. مثلك مثل غيرك بس دبلتك انشاء الله رح توصل قريب مع هديتك اللي مني ..
ولا سئلتم امك او خالاتك عند دبلتك قولي لهم ان مابعد توصل ..
كانت دقات قلبي كونداق كونداق كونداق .. ياربي ليش قلبي يدق كذا ... لفيت راسي على جنب واوووووف خذيت شهيق وزفير
بشويش اخفف التوتر ..
قلت بدون مااناظره :طيب .. ممكن اروح ..
غسان ابتسمت كذا مدري ليه :ايه روحي وانا شوي ورح اجي .. بس اغير ملابسي ..
هزيت راسي بمعنى طيب وطلعت ..
مسكتني نوير وين رحتي وليه طولتي وليه انتي حارة كذا ..
فيني صفة ان لم ارتبك ولا استحي مايصير وجهي احمر مثل البنات الباقيين لا اصير حارة بشكل موطبيعي ..
جلست اسولف معهم وكنا مندمجين في السوالف سمعت صوت :احم احم احم كان غسان وقف قلبي ووقفت بسرعه وقلت خاللاتي تغطو نوير غزل
تغطو غسان بيدخل .. تغطو بسرعه ..
ودخل كان شكله يجنن وسيم بشطل موطبيعني كان لابس ثوب ابيض مخصر جسمه مع غترة بيضة بوضع انيق
والقلم الماسي في جيبة وريحة عطرة الخفيفة .. وابتسامته المنحوته على وجهه .. توجه لأمي وباس راسها ..
صراحه ماشفتو وجه امي \كانت منصدم ان هالملاك هذا لبنتها الشيفة .. خخخخ
ناظرت غزل ونوير كيف ينادسون بعضهم من جماله .. سلم على خاللاتي بعد ماعرفته بهم .. جلس جنب امي ناظرني بمعنى اني اجلس جنبه بس انا رحت
وجلست جنب نوير وغزل .. اصدمتني كلمتهم لما قالو ........
*____________*
*يتبــ؏ . .*
*اتفاعلو لنڪَمل نشر الروايه .*
*باشراف : ذاتي .*
*____________*
#روايات_سعوديه .
*`تقييمك للبارت من` 🔟 ! ! !*