الفصل 8
*– ࢪواية :«تكفى لاتعلم ابوي اللي فيه يكفيه.».*
*عداد ألباࢪت: «8».*
*– الڪَاتبه :مجهوله».*
*▭𝅼▬࣪▭𝅼▬ׄ▭𝅼▬࣪▭𝅼▬࣪▭𝅼▬ׄ*
*قناه : روايــات مستندات سعوديــه 🎀🎀.*
*____________*
> *الروايه لاتلهيڪم عن الصلاھ اللهم بلغت اللهم فأشهد .*
*_________*
https://whatsapp.com/channel/0029VbAu5FOAO7RGEWcQex2m
راكان لف عليها وخزها :اقول بلا حركات بزارين وانتبني بمكانك ورى ..
نوير :هي هي تراني مو اصغر عيالك تقولي انتبني وكيفي انت شعليك بسوي حركات بزارين اجل
عدال انت ياللي حركاتك حركات كبار صراحة على اللي تسوية بغسق اصلا ماتوقع فيه ريحة من العقل
راكان :احترمي نفسك مدام النفس عليك طيبة وانتي مالك دخل باللي يصير بيني وبينها اختي وكيفي
نوير :سبحان الله توك تعترف انها اختك هااا وقبل ماكانت اختك
راكان :اوووووووووووووووف وبعدين معاك انتي قلت لك كلي تبن ومالك دخل
نوير بعصبية :قلت لك لاتقول كل تبن محد ياكل تبن الا انت ..
راكان :لا بتاكلين تبن وغصبنت عليك واذا موعاجبك انزلي هنا ..
وقف السيارة اشر لها تنزل في الشارع العام ..
غسق :راكان نوير بس خلاااص ..
نوير :لا احلف عاد مثل ماخذتني من بيتنا ترجعني بيتنا غصبن على خشمك ..
راكان :لا احلفي عاد والله والله اني ماارجعك بيتكم عطيتك خبر كلمي اخوانك يجون ياخذونك ..
نوير :امشي اقول الناس تهرن ..
راكان :مشى بسرعه وهو معصب يحس نفسة مجنون من عصبيته ..
غسق ابتسمت في داخلها دايم نوير تبرد قلبها في راكان ...
.......... وصلنا عندهم لفجأة ..
دخل ولد في ال18 او 19 سنة كان شكلة خطير بالقميص الأبيض السادة مع كرفته مخطط باللون
الكحلي والأحمر مع الجكيت على كتفة وشنطة رسمية دخل وقال :يومااا وين الغدا ..
تبلمت انا ورشا من جد سعودي اصلي ..
تكلمت الأم :ييه آآدر اوسوا >>>نعم بني مرحبا بعودتك .. تولين
لف لمصدر الصوت ورفع حاجب وبكل غرور ناظرنا وقرب عندنا وقال ولا كأنه يعرف عربي ابد :
دوقو سايو ... .....>>> من انتم ؟؟
ابتسمت تولين ووقفت وكانت قزمة حيل بالنسبة وقالت :ناان نونا يو تولين ميدا >>انا اختك الكبيرة تولين
فتح عيونة :تشينتشا يو نونا يو ... >>حقا انتي اختي الكبرى
ابتسمت :نيي ...>>>نعم
لف لرشا وقال :وانتي بعد اختي
رشا ابتسمت برتباك :ايه
لف لأمه :اوما بول هيو نان بوقبا اولن هي >>>يما شتسوين انا جوعان بسرعه
الأم :ياا ديقا بيهك سو >>>يا انت بهيمة بس تاكل وتنام
فجأة انفجرت تولين من الضحك :ههههههههههههههههههههههههههههههههههه
لف لتولين :ليش تضحكين
تولين :سلامتك ولاشي
وقفت الأم وتقدمت تحط الغدا ...
في المــــــــــــــجمـــــــــــــــــــــــع ..
كنا جالسين نتمشى وانا ماكنت شارية غير جزمة تركوازية من الحرير وفيها كرستال من قدام
كانت ناعمة وحيل عادية اما نوير كانت شايلة 4 اكياس معها في كل كيس قميص شكل ولون
وفستان قصير وطويل كل شي كانت تشوفة بدون لاتقيسة كانت تاخذه وانا آآآه مالت علي من جد مالت ..
دخلنا محل باريس قاليري عشان نور كانت تبغى تشتري عطر لجهاد اخوها موصيها عليه ..
شريت لي روج لونه احمر فاتح حيل حبيته مع عطر فالنتينو مدري شسم امه عجبتني ريحتة وبس
رحنا نجلس لأن اذن لصلاة المغرب ودخلت نوير تصلي وانا انتظر برى ..
المهيم طلعت نوير ودخلت محل اكسسواريز وشريت لي حلق بسيط مع شنطة ..
وبـــــــــــــــــــــــــــــــــــس رجعنا للبيت واللي خذانا ابوي لأن راكان حلف مايرجع ياخذنا ..
دخلت غرفتي ووراي نوير رميت نفسي على السرير بتعب وانا منهد حيلي موقادرة حتى اشيل نفسي
نور :وين الفستان بسرعة ابوي بيمري بعد شوي ..
اشرت لها على غرفة الملابس :بتشوفينة في بداية الدولاب ...
قامت نوير وفتحت الدولاب وجابت الفستان :يااااي وقسم خطير حيل حيل خطير .. من وين شريتيه
بدون اهتمام :مدري امي جابته لي ..
نوير :طيب وش بتسوين في شعرك ؟؟ مارح تروحين مشغل
جلست وعقدت حواجبي :الا يعني شرايك يكفي ان العرس مو الحين
نوير :اوكي اجل ابجي معك ..
غسق :ط...... قطع كلامي صوت الجوال وناظرت الشاشة كان عمي
غسق :هلا
عمي :مررحباااا شخبارك ؟؟
غسق :تمام وانت
عمي :تمام دامك تمام مبروك والله انه رجال طيب ويستاهلك
غسق :تسلم
عمي :هاا استحيتي ..
غسق :لا عادي .. بس
عمي :بس وشوو
غسق :عمي تتوقع يقتنع فيني
عمي :تعوذي من الشيطان وليه مايقتنع فيك موناقصك شي بسم الله عليك ..
غسق :قولتك يعني
عمي :ايه قولتي ونص .. انتي هدي بس واقري قران واللي ربك كاتبة بيصير
والحين ابتركك هاا وراي تصوير
غسق :اوكي مع باي
عمي :باي
سكرت ولفيت لنوير كانت ماسكة البلاك بيري وجالسة تكلم صديقتها بالبن ..
:نوير تراك جايت لي مو جاية لربعك بالبن ..
نوير لفت علي :خلصتي مكالمة اوكي لحظة ...
رمت جوالها وجات جلست جنبي .. وفجأة ضمتني :يو سوسو مومصدقة انك بتروحين بيت رجلك عني
غسق ابتسمت لها :اييه هذي الدنيا ..
جلسنــا نسولف الى ماجاء ابوها وخذاها .. وظليت لحالي خايفة من اللي رح يير بكرة ..
تتوقعونه يتقبلني ولا لا ..
على طول وقبل ماتكملون البارت انزلو اكتبولي رح يتقبلني غسان ولا يمكن اتشجع شوي ..
ورح تشوفون من البارت تخمينكم صح ولا ..
اندسيت في فراشي اللي هذا يمكن يكون اخر يوم انام فيه ..
في كوريـــــــــــــــــــــــــــــا
كانت العائلة الكريمة كلها جالسة على الطاولة اللي كان فيها الأكل التالي
سامغبيوكسال ..كيمشي ..شوربة دجاج .. مع ورق اخضر الظاهر انه اللي ياكلونه مع السامغيوبسال
مع توابل وفلفل اخضر واحمر مع غرشة موية كبيرة صراحة الأكل يفتح النفس ..
الأم جلست تكلم ولدها بالكوري بس بصراحة مافهمت شي لأنها تتكلم بسرعه ...
لف تركي علينا :ترى الأكل كله حلال لأن ترى حنا مسلمين مثلكم والسامغبيوكسال تراه لحم بقري يعني تطمنوو
تولين :افا عليك عارفين انكم مسلمين شدعوة يعني ..
تركي ابتسم لي وقال..:موقو موقو .. ...>اكلي اكلي
تولين :آآآرااا يووو >>>ادري
رشا تكلمت :تولين تكفين لاتتكلمين بالكوري من جد احسكم تسبوني ..
تولين :والله بكيفك اذا ماتعرفين ثقافات ولغات
رشا :اسكت بس ياثقافات ولغات اللي يسمع جافظة كل لغات العالم انتي الحين ترى كلها كم كلمة صيني وكوري وياباني ..
تولين :احلفي عاد كل هذا مومالي عينك ..
قاطعنا سامي :اقول تولين الحين انتي جاية هنا لاتقولين محبة لنا ..
غصيت بلقمتي :كح كح كح وش قصدك هااا
سامي :لا يعني اقول ياانك هابة هبه في سوبر جونير و2PM او انك في مسلسل كوري
اهو واحد من الأثنين او الأثنين معا ..
تولين ابتسمت بأحراج :الأثنين معا خخخ
سامي :تعرفين فرقة شايني ؟؟
تولين :ايه اعرفها وش فيها
سامي :اصغر واحد في فرقتهم اسمة تيمن
تولين :ايه ايه حياتي شفيه
سامي ابتسم وهو يحرك حواجبة :معاي بالفصل ..
تولين فتحت عيوني على الأخير :كذاب
سامي :والله مومصدقة ..
تولين :ايه مومصدقة
سامي اشر لي بيده :تعالي جنبي
تولين فزيت وطرت جنبه :وشوو
سامي وراني في جوالة صورة له معاه وهم بملابس المدرسة وفجأة حط على الأرقام واتصل على شخص
تولين كنت مومستوعبة :لم سمعت يوبوسيووو
سامي ابتسم لي وقال :اووه هيونغ
تيمن :اووه سا بويا >>> ها سامي ماذا تريد
سامي :هيونغ اودي سايو ..>>اخي اين انت
تيمن :نان موقو >>> انا اكل
سامي :هيونغ هوكشي .... ....>>> اخي هل من الممكن
تيمن \:موندي
سامي وقف وطلع متوجه لغرفته استغربت بس ماعطيت الموصوع اهمية .ز
اهم شي انه يطلع تيمن جد لأنه بواسطته بقدر اشوف سوبر جونير و2PM وشايني وكل
اللي حلمت اني اشوفهم ... حتى M. BLAK
رجع سامي وهو مبتسم وقال :اذا خلصتي اكل بعد نص ساعة خلينا نطلع اوكي
تولين اشرت على نفسي :قصدك انا ..
سامي :ايوه
تولين :طيب
في صبـــــــــــاح جديد
جلست من نوم متقطع على صوت امي :غسق يلا يما قومي الساعة 12 الظهر
قمت وناظرت الساعة وشفت الحوسة بغرقتي وشنطتي اللي مجهزتها وتأكدت من ان كل شي حقيقة
وقفت ودخلت تروشت وصليت ولبست قميص بنفسجي كله ازرار مع بنطلون جينز
ورفعت شعري وخذيت شنطتي وجوالي لأني رح اروح المشغل الحين
نزلت كان بيتنا حيل متغير كانت الصوفات متغيرة للون التركوازي الفاتح مع الأسود
وحتى الأثاث غير وريحة البخور مالية البيت وكانت الخدامة ترتب باقة الورد عند الصوفة اللي بجلس عليها
دخلت المطبخ وشفت امي تأشر لخدامة بيت خالتي على المكان اللي تحط فيه الحلا والمعجنات ..
...:يماا ..
امي لفت علي :هلا حبيبتي صحيتي ..
هزيت راسي بمعنى ايه ..
امي وهي تأشر لي على الكرسي :جلسي كلي لك اي شي عشان تروحين المشغل الحين
هزيت راسي بنفي :مابي يما نفسي منسدة ((ولأول مرة في الحياة ))
قالت امي :بس شوي كلي بس شوي
غسق :لا يما لاتحاولين منو بيوديني ..
امي :راكان لأن ابوك راح بيودي مع السايق الذبايح للمطعم ..
غسق :اهااا طيب بس قولي لولدك من الحين ترى بمر على نوير
امي :ليه بتجي معك المشغل ..
غسق :ايه ..
امي :طيب ..
دخل راكان وهو رافع ثوبة لعند بطنة وشماغة على كتفة وشايل معه سلة كبيرة
عشان الخدم يرتبون فيها الفواكة والخ ..
ناظرني وبهدووء قال :خلصتي ..
غسق بستغراب :ايه
راكان :يلا عشان اوصلك
غسق قلتها بخوف لا ياكلني بلسانة :ترى رح نمر نوير
راكان هز راسة بمعنى طيب .. ومشينا ..
واللي خلاني استغرب اكثر ان حتى نوير ماتأخرت ابد ولاحتى 5دقايق ....
ودخلنا للمشغل وكان من سوء حظي زحمة .. كان الكل يناظرني .. ومحد مصدق اني انا العروس
سمعت بنتين يتهامسون وشلوون ويخوفي اللي بتتزوجة يطلع قمر وهي شيفة
نوير جلست تسولف معي عشان مااسمع لهم ..
في كـــــــــــــوريا
زياد كان جالس يتمشى في مجمع lorael .paris ماكنت عارف شنو اشتري للوتس
وفجأة طرى على بالي محمد واشتهيت اكلمه طلعت جوالي واتصلت عليه لكنه قال :خارج الخدمة
عدت الأتصال اكثر من مرة لكن ماكان فيه امل جلست في المطعم وطلبت :pasta vigetapel مع عصير برتقال
وتهت في الناس اللي حولي وكل شخص وش منشغل فيه ..
في بيـــــــــــــــــت غســـــــــــــان
غسان كان واقف عند الدرج :يلا يا نارا يارهف بتتأخرون على الطيارة
نزلت نارا بعبايتها اللي كانت عادية جدا اكمامها مطرزة باللون الأسود مع زخرفة بسيطة
وشنطتها الرمادية الواسعة عشان تكفي لأغراضها اما رهف اوووه وماادراك مارهف
كانت لابسة عبايتها الكتف اللي كانت زخرفتها باللون البرتقالي والأصفر وشنطتها الأورنج الغامق
غير القلوس مع الكحلة اللي وكأنه موجود فيها طبيعي ..
غسان خزيتها :وقسم بالله وهذاني حلفت لو ماتصعدين وتغيرين عباتك وتمسحين الألوان اللي في وجهك
لأوريك شغلك ...
رهف بدلع :يوووه غسان مو احنا بنروح ملكتك بعدين بنروح للمطار ..
غسان اسندت نفسي على الدرج وقلت ببرود :لا مارح تحظرين ملكتي لأن مافي وقت وانتي
تدرين امي لازم تسوي العملية في اقرب وقت ومافي امل ان حنا نتأخر حتى لو شوي ..
رهف عصبت :اووووف وصعدت تغير عباتها وتمسح الميك اب
كانت ام غسان جالسة على الصوفا البيجية وعباتها جنبها مع شنطتها وعلبه مخمل كحلية .. :غسان
غسان لف لها :سمي يما ..
ام غسان اشرت له يجلس جنبها وجلس .. :يما سامحني مااقدر احضر ملكتك وانا اللي حديتك
تملك قريب ..
غسان :لا يما الله يهديك عادي بعدين انتي منتي رايحة تلعبين ومردي انا بتزوج الحين ولا بكرة ..
ام غسان ابتسمت له :الله يكملك بعقلك يوليدي .. خذ مدت له علبة المخمل عطها مرتك قلها
هذي هدية امي ولارجعت تعطيك احسن منها وهذي هدية خطبتها .. وتعذر لي منها
غسان خذى العلبة كماعليك قصور يماا وكل شي قلتيه يوصل انشاء الله
ام غسان :يما لاتقصر على بنت الناس وتعذر لي من امها وابوها بس قول لها عل حالتي
وانشاء الله نلتقي بعد ماارجع ويولدي لايهمك الشكل ترى عمر الشكل مانفع اي احد
غسان ابتسم وهو يمسك يد امه :عارف ياامي مايحتاج توصين ..
دخل فهد :يازول شفت الساعه كم ترى الحين الساعة 6ونص والطائرة 7 الاربع يعني باقي ربع ساعة
وقفت بسرعة ودسيت العلبة تحت المخدة اللي بالصالة .. وشلت شنطت امي وساندتها تقووم
ونزلت رهف محترمة نفسهها بعباية عدله بدون مكياج ومشينا متجهين للمطــــــــــــار
في المشغــــــــــــــــــــــــــــل
كان شكلي فيل جالس على كرسي متحرك يسوون له تسريحة لا لا كان شكلي غوريلا جالسة يمشطونها
لا لا كان شكلي جبل ونازل منه شجر كانت هذي تعليقات بعض اللي كانو جالسين ويناظروني ..
تسريحتي كانت عبارة عن بف بسيط مع تاج صغير وهذا اللي زاد الطين بلة ومكياجي كان
فرنسي ناعم مرة مع قلوس احمر ..
طلعنا من المشغـــل على الساعة 7وربع وكنت طول الوقت اناظر نوير كانت نوير ملورة شعرها الكستنائي
وحاطة مكياج عسلي مدخن بالوردي الفاتح كان شكلها نعوووم مرة مع قلوس وردي فاتح ..
قطع تفكيري رنة جوالي كان راكان نزلت مع نوير قبل لايعصب علي ...
وتوجهنا على طول للبيت ونوير امها رح تجيب فستانها ...
ــــــــــــــــــــــــــــــــــــــــــــــــــــــــــــــــــــــــ
دخلت البيت وانا احس بأحساس غريب ماادري ليه .. شفت امي كانت لابسة جلابية فوشية كأنها
ثوب نشل قديم مع زخارفة بالرمادي والفضي ..
وكان شعرها مستشور مع مكايج خفيف رحت لها وضمتني وابتسمت :مبروك حبيبتي الف الف مبروك
استغربت الشيخ مابعد يملك ليه تبارك لي .. :الله يبارك فيك بس على وشوو
امي ابتسمت لي :ابي اكون اول من يبارك لك
ابتسمت لها ...
اشرت لي بعد ماسلمت على نوير يلا اصعدي غيري ملابسك بسرعة ابوك راح يجيب الشيخ
وخطيبك هذا اهو بالطريق بس يوصل اهله للمطار ..
كشرت شكل اهله مايدرون عني ولا صج امه مريضة ..
صعدت ولبست الفستان مع اكسسوارة ونادتني امي انزل بسرعة فقررت اخذ كرتون الجزمة وانزل بسرعه
والبس الجزمة تحت .. نزلت ودخلت للغرفة وطلعت الجزمة وتجيني الصاعقة ..
كانت جزمة المدرسة .. ناظرت امي .. على طول سحبتني وخلتني اروح عند ابوي ..
ابوي يوم شافني ابتسم وضمني اول مرة بعد ماكبرت ابوي يضمني .. وبارك لي ..
رفعت راسي وناظرت ابوي وبست راسة ..
فجأة سمعت حد يتحمحم :احم احم اقول يعم ..
ابوي دخل وسكر الباب :وسمعته يبارك له ويرحب به ..
مادري بس حسيت بأحراج وحياا ..
((يحق لي استحي ولا مايحق لي .. تكفون ردو علي لأن في ناس قالو مالي داعي استحي ..انتو لكم نفس الراي ولا ))
كنت جالسة جنب نوير عند الكرسي اللي مسوينه لي عشان اجلس عليه ..
جات خالتي وسلمت علي وبعدها جاو غزل وغزيل بخناقهم وهبالهم .. وجات
لولو مرت عمي وسلمت علي ...وهي مبتسمة وشاقة حلقها تبشرني انها حامل .. خخخخخ
الكل كان جالس ويصفقون على غزل ونوير اللي جالسين يرقصون .. نوير كانت خالتي تخزها
ماتبغيها ترقص لكن نوير متجاهلة نظرات امها ومكملة رقص وهبا ل..
في مجلـــــس الرجــــــال
وقع غسان على انه يوافق على الزواج مني .. الشيخ عشان يتأكد لف لأبوي ..
.:اذا ماعليك امر بس يابوراكان تنادي لي البنية اسمع رايها ..
ابوي :ايه تفضل
ابوي نادى امي وامي نادتني كنت مرتبكة وانا اسمع كلمات الشيخ
غسق محمد فهد ال هل تقبلين الزواج بغسان محمد ال كزوج لكي
مع مهر بمبلغ 60الف ريال وبدون اي شرط ..
غسق بلعت غصتي وقلت :ايه اقبل ...
كرر علي الكلام ثلاث مرات عشان يكون الصوت اوضح ...
وجاوبت ..
الشيخ :مبروك يابنتي الحين غسان زوجك على سنة الله ورسولة ..
حسيت بأحساس غير مدري شلون خوف على وناسة على حيا .. احاسيس مختلفة ..
الكل كان جالس يبارك لغسان ويثني عليه وفجأة .. رن جوالة .. ((فهد يتصل بك ))
استأذنت من الرجال وطلعت :هلا فهد
فهد :هلا غسان ملكت ولا ..
غسان ببتسامة :ايه توه الشيخ مخلص ..
فهد :مبروك مبروك ..
غسان :الله يبارك فيك وعقبالك .. هابشرني وصلتهم
فهد برتباك :بقول بس لاتعصب علي ترى مالي ذنب ..
غسان بخوف :وشووو شصار ..
فهد :رهف
غسان تأفف :وش فيها ..
فهد :تخانقت مع السكيورتي ليش انه فتش شنطتها مرتين ..والحين موراضين يدخلونها
غسان :لاحول ولا قوة الا بالله الله يهديك فهد الحين انا موشاري لك تذكرة خاصة بس عشان توصل رهف
عند باب الطيارة وتنزل يعني انت ماتعرف اختك عدل كل سفرة لها لازم تتخانق يامع السكيورتي يامع اللي تفتش الحريم
حتى عمال النظافة ماسلمو منها ..
فهد :هذا اللي صار ايش اسوي الحين امي تعبانة ترى ونارا جالسة ولاكأن شي صاير
غسان :يالله طيب تعال وصل غسق للبيت وانا رح اروح المطار واتصرف ..
فهد :شلون مايصير .. يعني انت حتى ماشفتها ..
غسان :وانت شعليك انت خليت فيها يصير ومايصير وشفتها ماشفتها اقول تعال وانت ساكت
فهد :طيب
دخل غسان للمجلس وتوجه لبوراكان اللي كان جالس يسولف مع الشيخ ..
غسان :ياعم ..
بوراكان :هلا ..
غسان :عمي السموحة بس الأهل صارت لهم مشكلة بالمطار ولازم اروح اشوف وش فيهم ..
بوراكان :معذور يولدي وهذيلا اهلك مايصير تتركهم حتى لو في ليلة عرسك ..
غسان :اسلمت يعمي بس رح يجي فهد ويوصلها للبيت اذا ماعليك امر تامرها تتجهز
بوراكان :ايه ليش لا بس يولدي تراني واثقن فيك وتراها بنتي الوحيدة وامنتك عليها ..
غسان :ان ماشالها بيتي اشيلها فوق راسي وتراني قد الثقة وفي محلها ولك وعدي وقسمي
ماتصير زوجتي حق وحقيقة وادخل عليها الا بعد ماكل الناس تشهد بزواجنا
بوراكان :وهذا العشم فيك الله يرحم من رباك وخلاك على هالأصل ..
غسان ابتسم :تسلم .. عن اذنك رح يكلمك فهد لم يوصل ..
وقف خال غسان بوخالد :يلا نستأذنك يابوراكان والله يوفقهم ويكمل لهم . ومبروك مرة ثانية
بوراكان :تسلم
ملاحظة :غسان عنده عم واحد وعمتين عمة مسافر برة وعماته وحدة ساكنة بأبها والثانية ساكنة عند اختها
لأنها مش متزوجة وتدرس بأبها ..
وعنده خالين واحد متزوج والثاني يدرس بكندا .. وخالاته عنده 3 وحده منهم حظرت والباقي
ماحبو يجون بدون اختهم الكبيرة
عند الحريم ..
كنت جالسة ومومرتاحة ابدا خصوصا مع نظرات خالته وبنتها جاتني فروح بنت عمتي وضمتني
:يالدوبة ملكتي ..
ابتسمت لها :ايه قبلك بعد
فروح وهي تسمي على نفسها :وي بسم الله علي انشاء الله مااملك الا لخلصت ثالث ثنوي
وبتحدي :بنشووف خانم فرح
جات عمتي وضمتني :حياتي مبروك الف الف مبرك والله يكمل لك ويسعدك ..
قلت بحيا :الله يسلمك عمة
جاتني بنت عمي جنى وضمتني :واخيرا موقلت لك بتملكين قبلي ..
نزلت راسي من الأحراج لأني جلست اعيد لها وازيد ان اهي رح تتزوج قبلي لكن :اللي كاتبه ربك
جنى قالت تمزح معي :بس ماضعفتي تراني زعلانة عليك .. خل يجي العرس وانتي مونحفانه بذبحك
احرجتني هالكلمة وهزيت راسي وانا اضحك لها اجامل :ايه طيب طيب
مشت جنى عني وانا اطالعها من بعيد بفستانها الأسود اللي كان بدون سيور اسود ومخصر الصدر
ومفتوح تحت الصدربفتحه طالع منها السر وقصة للركبة وحزام فضي على الخصر مع روج احمر
صارخ وعدسات رمادية وشدو فضي وبلشر احمر كانت تجنن ماشاء الله عليها يكفي رسمت خصرها
وبياضها صح اني بيضة لكن موحلوة مثلها ..
جات فرح وجلست جنبي كانت فرح اجمل من جنى لأن فرح جمالها طفولي كأنها من الألعاب
البيض والشفايف وردية والعيون وساع مع رموش طويلة وخشم صغير وجسم لاإله إلا الله
نسيت اقول لكم جنى وفرح مخطوبين جنى خطيبها برى في لندن يكمل دراسة عشان يصير مهندس
وفرح خطيبها اخر سنة جامعه وبعدها يصير دكتور ..
لهيت مع فروح وسوالفها الحلوة ... بس فجأة
عنــــــــــــــــــــد تولين وسامي
كنا جالسين مع زوجة ابونا القميلة وكانت نص كوري ونص عربي انا نفسي موقادرة افهما
لكن الله يسلم اخوانا العزيزين اللي كانو يترجمون ساعات ..
سامي رن جواله ووقف قال :تولين
ناظرته :نعم
اشرلي البس حجابي واطلع معاه لبسته وخذين شنطتي .. طبعا بعد ماودعنا زوجة ابونا ..
وهي تلزم ان نرجع مرة ثانية ..
طلعنا من عمارة الشقة وطلعنا بس مش من موقف السيارات لا طلعنا من جنب الحديقة ..
استغربت وفجأة تشقق وجهي :اكييييد جاي يوريني تيمن واااااااااي يافرحتي لفيت على شنطة
رشا وفتحت الشنطة وحمدت ربي ان النوته موجودة ..
مع القلم والكميرا .. احم احم اعجبكم كل الأحتياطات
دخلنا للحديقة وفجأة راح جنب المراجيح بس كانت فاضية بس اثنين كانو جالسين
مشينا الا رن جوال سامي مرة ثانية وناظره وابتسم ونادى :هيوونغ ..
لفو اللي جالسين كان واحد منهم لابس قبعة كحلية مع شال مغطي نص وجهه والثاني
قميص اسود مكتوب عليه كلام بالأنجليزي وحاط القبعة على راسة ومنزل راسه ..
قرب تيمن وانا مومستوعبة تيمن :اوووه اسوو >>>اوه اتيت
سامي :ييه ديقا نونا تولين >>>ايه هذي اختي الكبيرة تولين
تيمن بأحراج :اووه اونيومسيو ومد يده بيسلم علي
قلت في نفسي اهي ضايعه ضايعه يعني سلمت على زياد حرام اسلم على هالمسيكين :مديت يدي وسلمت
عليه .. اووه انيو ..>>اووه اهلا
تيمن ببتسامه مخلوطة بحيا :اوووه نونا بونقويوو >>> تشرفيت بمعرفتك
ابتسمت له :دادوو >>وانا ايضا
تيمن لف وراه ونادى: هيووونغ
تقدم الهيونغ وشال القبعة من على راسة ..:انيومسيو ..>> اهلا
سلم على سامي بطريقة مدري شلون يده فوق وتحت وحبتين ومدري ايش حركات عيال
ولف علي وقال :اووه نونا بونقويووو
فهيت حياتي جونغهيون على ذكري يعني بس مابغيت اخربها وقلت :اووووه بونقويوو
اكيد تسألون رشا وين موقعها من الأعراب الله يسلمكم رشا راحت وجلست عند بداية الحديقة على العشب
وجلست على الجالكسي تاب حقها تتصفح مدونتها والفيس حقها ..
جلسون يهذرون على راسي وانا اهز راسي بفرح بالعلم اني موفاهمه بالأغلب شي ..
اعتذروا لأن عندهم برنامج يبغون يصورون الحين ف بيروحون وقعو لي وصورت معهم ام الفسقة
لكن سامي توسط لي وقال لهم اني ابغى اشوف الفرقة كلها وقالو اول مايفضون بنلتقي ..
جونغهيون :نونا هوكشي phon nmper >>>نونا احترام للشخص الأكبر هل يمكنك ان تعطيني رقمك
تولين :آآه دييه كتبت رقمي بجواله كنت ارتجف مومصدقة ..
جونغهيون غمز لي :كومس ميدا
ودعونا وانا اغلي من داخلي احس ياربي لو الحقهم مين رح اشوف يمكن سوبر جونير او ام بلاك
اوووف صحيت من تفكيري وسامي يقول :هوكشي هاتشي قوميها ..>>هل تعتقدين انه حلم ..
ابتسمت :دييييه
عنــــــــــــــد غسق
وفجأة دخلت امي وقالت لي ان خوالي يبغون يسلمون علي ...
وقفت ورحت مع امي سلمت على اصغر خال لي اسمه طلال صدمني بكلمته :كبرتي اجل بس موكنك سمنتي زيادة
المفروض تسوين رجيم قاسي بعد يالله الله يوفقك
ماصدمني شي غير انه حتى ماقال مبروك وعلى طول كبرتي وسمنتي .. ابتسمت بحراج :هاا ايه
وقلت ارقعها الدراسة وماتسوي ..
طلال :الدراسة تسمن كذا اول مرة اسمع ..
تجاهلت كلامه ورحت حق خالي الثاني اللي بارك لي وهو مبتسم ويمزح معي ..
لؤي :اجل خلاص مارح نشوفك ابد
غسق :لاشدعوه
لؤي :ايه عاد حبيبتي خلينا نشوفك طيب خالي ..
غسق :طيب ..
وسلم علي خالي الثالث واسمه عبدالله بارك لي وقال :مبروك حبيبتي والله يكمل لك
عاد لاتقاطعين تعالي وخلينا نشوفك ..
غسق :ابتسمت ابشر ..
طلعو خوالي من عندي بعد ما اجلسووو معي وسولفووو ..
وبعدها ب10 دقايق ..
راكان جاا :هيي هيي
لفيت عليه وابتسمت :هلاا
راكان :حماك برى بيوصلك يلا
تدرون توقعته يبارك لي يحس انه بيفقدني .. لكنه صدمني ان الأمر طبيعي عنده ..
هزيت راسي بمعنى طيب ... شفت امي ضمتني مرة ثانية :حبيبتي انتبهي لنفسسك هااا
ادري انك فاهمه وعارفه وعقلك بالغالب اكبر منك بس يبنتي تراك داخله حياه جديدة ..
ومارح اقولك عنها ابيك انتي تكتشفينها بحلوها ومرها .. بست راسها وانا احاول ماصيح ..
لكن السؤال اللي وانا صاعده لغرفتي طرى فجأة ؟؟
ليه مو اهو اللي رح يوديني معه ؟؟
ياربي فجأه حسيت اني ابي اصيح انا شينه ودبه وموحلوه يخوفي ارجع مطلقة في اول يوم ..
هئ هئ .. انفتح باب الغرفة ودخلت ساره بنت عمي توها متزوجه من 7شهور وساكنه بالأمارات
اقرب وحدة لي تعرف ل شي عني حتى وزني ...
ضميتها وقلت :يالدوبة وينك توك تجين ..
سارة :يووه غسووق من جدك تصيجين على شنو وش فيك ..
قلت لها :اخاف ارجع اليوم بيتنا ..
في البداية مافهمت :وقالت شلون ترجعين اليوم
وفجأة ناظرتني وقالت :لاويي بسم الله عليك ليه يرجعك بالعكس شحلاتك مافيك شي تهبلين
وبعدين مالت عليه حاصل له وحده مثلك ..
ابتسمت :بسألك سؤال بس امانه لاتكذبين فيه .
سارة كومن متى اكذب عليك ..
غسق |:طيب بامانه يوم شفتيني اخترعتي ..
سارة ناظرتني :تبين الصج الصج الصج
غسق :ايه ..
سارة :لاماخترعت والله انك تهبلين والفستان حيل مضعفك خصوصاا مع الشال المشبوك معه
بس باينه اكبر من سنك بس هاذا كل الأمر ..
غسق :متاكده
سارة :اييه ..
وقفت وقالت :اقوول مارح تناظريني
توني انتبه لها وابتسمت :صبغت شعرها باللون الكستنائي مع خصل ذهبيه وضعفت كثير
اهي كانت دبدوبة شوي كان وزنها 74 لكن الحين صار جسمها طبيعي وقالت :ترى
انذبحت وانا انزل 10 كيلوو كرهت الرجيم وكل شي ..
غسق :واااي حظك عقبالي ..
ساره :آآآمين ..
امي جلست تنادي مرة ثانية فلبست عباتي ولبست الجزمة الصح كانت الجزمة هذي انا شاريتها
مع ساره يوم كانت تجهز لزواجها كانت كعب كحلي مخمل مفتوح عند الأصابع بس حق صبعين
وفيونكة كحلية انيقة لكن اللي مخربها ان الكعب حيل حيل طويل كان مقدار اصبع ونص
يعني 10سم قررت اخذه معي للاحتياطات ولبست الجزمة الجديدة وخذيت شنطتي
القيت النظره الأخيره على غرفتي وقلت في نفسي :ماادري بس يمكن ارجع لك ويمكن لا ..
سكرتها ونزلت ودعت ابوي وامي وراكان اللي كان واقف بالزاوية ولحظة كنت بطلع نادى وقال
....:ياااااا
لفيت عليه :نعم
ابتسم :مبروك ومشى عني ودخل في مجلس الرجال ابتسمت وطلعت
كانت السيارة لونها احمر غامق ركبت وانا ساكته ..
فهد ((ماكنت عارف كيف اناديها موحلوه اني اناديها بأسمها غسق فقررت اقول ))
:تكلم :الف الف مبروك يامدام غسان
تكلمت بهمس :الله يبارك فيك ..
فهد :عذرا بس غسان ماقدر يجي لأن صارت مشاكل بالمطار فراح يسويها ويرجع
غسق :لاعادي ..
مشينا وطول الطريق كان قلبي يرقع يرقع :بوم بوم بوم بوم بوم بوم
وكنت متحمسة اعرف وش رح يصير بعد مايشوفني .. غسان ..
ابمشي جزئية تولين ورح اكتبها بالبارت الجاي لأني عارفة انكم متحمسين لغسق ..
اكمل ولا ..
نكمل ..
وقفنا عند بيت كبير كان واقف عنده حارس مصري فتح الباب بس شاف السيارة
ودخلت السيارة بعد مامرت بحديقة كبيرة ووقفت قبال بوابة البيت ..
فهد :ادخلي وخذي راحتك ترى البيت صار بيتك الحين وتطمني انا مارح اكون موجود
لأن انا موساكن هناا اصلا وبعد كم ساعة يجي غسان ..
فتحت الباب :ونزل اهو ونزل الشنطة حقتي صح ماكانت كبير ولاثقيلة بس يعني
ينقاله عروس ومايبي يتعبني ...
خذيت الشنطة ودخلت البيت وبعدها اهو مشى على طول ..
فتحت الباب ودخلت كان البيت كبير وتمليه ريحت البخور كانت الصالة كبيرة على طراز
اجنبي اللون الأبيض والكحلي طاغي على الصالة ماعدا صوفاا طويلة انيقة كانت باللون البيجي
كان الأثاث بسيط لكنه راقي كثير مع التنسيق والألوان .. اخترعت من شي واقف جنبي كانت
الخدامة
بسم الله خرعتيني ..
وبدون ماتتلكم اشرت لي على الدرج وشالت شنطتي صعدنا للطابق الثاني كان فيه صالتين
وحد كانت انوارها مطفيه بس باين انها نادرا ماتستخدم والصالة الثانية كان فيها شاشة
بلازما مع صوفااا طويلة ... وطاولة ..
مشينا عند ممر طويل وكان في بابين جنب بعض فتحت لي الباب ودخلت ..
وكانت احلى غرفة شفتها بحياتي كانت مثل غرف الأميرات المراهقين الوانها كانت اصفر فاتح مع
فوشي والسرير يتوسط الغرفة وبعدها رفوف كثيرة لم تلفين عنده كااان في دولااااب كبير بس بدون ابواب
والملابس فيه كثيييرة والفساتين ورف الأحذية مع درج الأكسسوارات الزجاجي ..
كل شي لأميرات .. وفي ممر كان موجود فيه دريسر كبيرة مع مراية وانواع
اول مرة اشوفها من المكياج والكريمات وبعدها موجود باب في نهاية الغرفة وكان الحمام ..
وااااااااي تشققت من الفرح .. ورحت بسرعه ابشوف السرير
كان السرير لونه ابيض كبير وعليه 6خداديات باللون الأصفر والفوشي ويوم لفيت في شي
جذبني كان فيه حوض سمك موجود في الجدار كان حيل يجنن يوم طليت منه السمك
تجمع في جهه وحدة كانت تطل على غرفة ثانية بس مش مبين منها غير السرير لأنه ظلمة
مافكرت كثير وتوجهت على طول لدولاب الملابس بالعادة يكون عندي ملابس كثيرة
لكن للأسف يكونون ضيقين ..
جلست اطالع الفساتين وجن جنوني على فستان لونه احمر قصير يوم خذيته
حسيت وكأنه حد عطاني كف على وجهي .. لأن الفستان كان شكله صغير صغير مرة يمكن يدخل فيه
فخذي بس ايه بس فخذي بعد موكلة مريت على الملابس كلها وكانت كلها صغيره اكبر شي فيهم
مقاسهم 14 وش يحس فيه يبي يخليني احس اني متينه ..بس لحظة كأن ابوي قاله
اني دبدوبة شوي .. لحظة ليكون فكر يوم قال شوي اني من البنات اللي مقاسهم s m l xl يووه
هالسايز خبري لبستهم ايام ابتدائي تأففت لأني مومتحمله ابي اغير الفستان والأخ تأخر الحين
الساعة 11نص جاني نووم .. طيب شنو البس طلعت من الغرفة وشفت الخدامة تمر
ناديتها وقلت :وين غرفة غسان
خزتني فجأة وقالت :ليش اش يبي من غورفة غسان
رفعت حواجبي وقلت لها :احلفي عاد زوجي وكيفي
تأففت واشرت لي على الغرفة اللي جنب غرفتي فتحت الأنوار كانت نفس نظام غرفتي لكن لون السرير
اسود وازرق كانت مرتبة ترتيب موطبيعي ..
رحت عند الملابس وقلت :اووف يخوفي يكون حتى اهو ضعيف مرة يطلع ام الفشيلة
شفت القمصان ومن خوفي سحبت قميص لونه اسود مع شورت هم لونه اسود وطلعت بسرعه
دخلت الغرفة وتروشت مالت حتى ملابس شسمهم صغار *_^
جلست اجفف شعري وحطيت لي كريم مع شوية مكياج وشعري رفعته على جنب وطلعت الأيباد
حقي واندسيت في السرير وجلست على الأيباد حقي ..
.
*
*____________*
*يتبــ؏ . .*
*اتفاعلو لنڪَمل نشر الروايه .*
*باشراف : ذاتي .*
*____________*
#روايات_سعوديه .
*`تقييمك للبارت من` 🔟 ! ! !*