الفصل الثلاثون
رواية قلبي هاجر اضلعي .. هرب مني اليك : الفصل الثلاثون :
شاف اتصالها ورد
رامي : هلا لجين
لجين : شلونك
رامي : بخير الحمدلله انتي؟
لجين: الحين تمام
رامي : وقبل
لجين : نصنص
رامي ضحك : لجين لو رجعنا الدمام توافقين تتزوجيني
لجين : قلتها لك قببل واكررها الان انا معاك لوع النار
رامي ابتسم : الله يخلييك لي
لجين : وليي يارب
رامي : لجين بسألك سؤال
لجين : تتفضل!
رامي: انتي يوم شفتي مُراد وسألتيه انت وسام وقلتي بشوف ضهرك شكنتي بتشوفين
لجين : اسمه مُراد ، كنت بشوف فيه علامه بضهره
رامي : وليش يعني
لجين : لأن يشبه لشخص غاالي ع قلبي الله يرحمه سبحان الي خلق من الشبه 40 نفس الشكل واللون والشعر والعيون والصوت والحبه الي تحت عيونه
رامي بلع ريقه : ايش يصير لك هالشخص
لجين : مثل اخوي واضن انك انت بعد تعرفه
رامي ب استغراب :شلون اعرفه
لجين : يشبه لوسام اخو ميان الله يرحمه
رامي فتح فمه من الصدمه وجلس لحضات ساكت
لجين : وين رحت رامي
رامي : معك معك : كيف الوحمه الي بضهره يعني لها شكل شي زي كذا
لجين : اي مثل قلب الانسان الطبيعي يعني مو قلب حُب
رامي : هو اخو ميان!
لجين : كنت احسبه بس صح وسام توفى
رامي : طيب لجين جاني اتصال احاكيك بعدين
لجين : تمام باي
رامي : باي
وسكر الجوال وطاح من يده ع الارض
رامي : مُستحييل الي جالس يصير لازم ارد اشوف وحمته
بلع ريقه وراح للمُراد
رامي : مُراد بشوف العلامه الي بضهرك
مُراد : مو توك شفتها
رامي ضحك: يقولون اذا طلع شكلها ع شكل اكل يعني امك كانت تبي اكله وابوك م جابها يوم كانت حامل فيك
ضحك مراد : اوك شوفها
رامي جلس يرتجف ووجهه بدا يعرق
-------------------------------
ميان عضت شفتها بقوتها كلها وجرحت نفسها ونزفت
الوليد : اي قلتي لي م تألمتي!
ميان فتحت عيونها وانفسها بدت تزيد وصدرها يطلع وينزل من قوة انفاسها ونبضات قلبها السريعه
ميان : سوي الي تسوي نفس م قلت معاد تهمني
طق كفها وحست بالالم وكهربة يدها
وصرخت وبسرعه حط ايده ع فمها
الوليد : انا اعلمك كيف الاالم
ميان : شفت انواع العذاب منك والالم معاد اهتم ولا عاد احس صرت انسان ب لا احساس وجسد بلا روح انا ابي اكرهك م ابي اتعلق فيك وانكسر شوف كيف شفتي تنزف ويدي طقت ولا اهتم ولا نزلت دمعه من دموعي وكل الي صار لي معاد يهم ولا يفرق انت لو تقطع عرق عرق من جسمي م احس لو انزف كلي واحتضر قدام م احس بشي معاد احس كل الي فيني من الم وتعب وحرق وكسر وجروح واثر خلاص مات هاذا بس بنتضر الروح تطلع من الجسد
الوليد دفها ع السرير وطاحت
طلع من الغرفه وقفل الباب وطلع
صادف خالد قدامه
خالد :الوليد !
الوليد طالعه وبدون رد
خالد : شفيك معصب
الوليد : خالد تبي شي ولا شنو؟
خالد ب استغراب : لا بس شفيكك
الوليد : م فيني شي
نزل مع الدرج وطلع للحديقه وجلس فيها
-------------------------------
ملامح الصدمه بدت تبان ع وجهه غطى الوحمه بالقميص وطالع مُراد
مُراد : يمه وجهك شفيه قالب
رامي ابتسم ابتسامه مصطنعه : يعني شكلها امك كانت تبي تاكل قلب
مُراد طالعه وضحك : شلون يعني
رامي : او كانت من قوة حبها لابوك صار بضهرك قلب انسان
مُراد : تصدق م انتبهت
رامي: ايه ، يالله انزل عند الشباب انا ببدل واجيك
مُراد : اوك
طلع مُراد ونزل للصاله وماكان فيها غير خالد
رامي انفاسه زادت وحط ايده الثنتين ع راسه
رامي : يوه نفس الي قالت عليها لجين معقوله يعني وسام م مات !!!!!شلون وكيف
اخذ فونه واتصل ع روان
روان : هلا!
رامي : روان صار شي كارثي !!
روان وقفت بصدمه : ش صار
رامي : عرفت مين مُراد !
روان : انت بعد عرفت مين مراد
رامي : ليش انتي تعرفين؟
روان بحزن : اي هو وسام !
رامي : ليش م قلتي لي عشان ابعده عن الشباب
روان : دوبي دريت من يومين تقريباً
رامي : لجين وميان ومُراد كلهم بنفس المكان
روان : الوليد وخالد بعد لاتنسي
رامي : شبسوي
روان : مدري انا ونوف وريماس وسالم كلنا احترنا شنسوي
رامي : كل ذول يدرون
روان : ايه م قدرت اخبي ع نوف ابي احد يساعدني وسالم يدور ميان الحين
رامي : يالله ي روان يالله شبيصير لو درو عيال الجاسم
روان : بيذبحونه
رامي : اذا الوليد جالس يسوي ف بنتهم كذا شلون اذا عرف مين مُراد
روان : لازم تردون السعوديه وجودكم كلكم هناك خطر
رامي : لو ردينا كلنا شلون ميان ! انا حيل محزنتني هالبنت
روان : شنسوي عاد م باليد حيله حياة عائله مربوطه بيد ميان ولو فتحت الحبل بتنتهي هالعائله المسكينه
رامي : لازم نوف تعرف وين ميان
روان: انا بقول لريماس مو لنوف عشان تساعدني ع هالسالفه نوف راح تفضحه والوليد يمكن ينهي هالعايله
رامي : باقي اقل من 24س ونطير ع السعوديه ابي اسوي اي شي عشان اقدر اصيد ميان
روان : طيب رقم شي
رامي : مافي اي تيلفون بهالمكان
روان : مستحيل !
رامي : والله دورت بس م لقيت ابي اوصل لها اكلمها عشان اقدر اطلعها
روان : رقمها مفصول ولا قدرنا نتواصل معاها
رامي : مراد مسكين هو بعد تعلق فيهم حيل لو رجعت ذاكرته بينصدم منه هالمكان الي هو فيه
روان : لازم نسوي اي شي عشان نسترجع ذاكرته
رامي : مدري م عندي اي فكره اذا الطب م قدرو تبين احنا نقدر
روان : مدري مدري
تنهد رامي : اوك انا رايح للشباب
روان : طيب
رامي : باي
روان : بااي
-------------------------------
مسكت يدها وشدت عليها
تحس بالالم الي قطع كفها وشفتها الي تنزف اكثر
انسدحت ع السرير
تطالع السقف
-ابي اكرهك ابي اكرهك عشان م ارد لك
انا اضعف قدامك م ابي احبك ابي امشي من هنا
وانا م همني انت ولا غيرك ابي امشي وانا فرحانه
بنهاية اللعبه واني كسرته وكل شي بس ليش
هالشعور الي يجيني ويقول خليك عنده
ليش انا صرت اضعف قدامه وانا متحديه نفسي
اني م اعطيه اي اهتمام ليش ي ميان معقوله
... قري الورقه الي كتبتها بس كانت معاه
يمكن رميها م قريها ي ليت م قريها انا انسانه
غبيه ليش سويت كذا واعترفت بحبي له واستسلمت
ياربي بس متى تنتهي حياتي وارتاح من الي انا
فيه من الم وتعب اهخ يارب الصبر ع الجاي
يارب بث فيني قوة وتحمل ونسيان الوليد-
-------------------------
حط راسه ع المكتب
-انا ليش سويت لها كذا مو خلاص انتهت اللعبه
شلون اسوي فيها كذا اهخ الله يسامحك ي ميان
استفزيتيني وخرجت عن سيطرتي انا ليش صاير
م امسك اعصابي ليش صاير عصبي بزياده
ليش سويت لها كذا ليش صاير افكر فيها حيل
صاير بكل لحضه تشغل بالي وخايف عليها
من لفحة هواء ميان شكلك اخذتي قلبي انا
شلي جالس يصير لي اصحى ي الوليد هي
لعبه وانتهت بس لايكون صاير لها شي -
فز من مكتبه وطلع من غرفته وراح لها وفتح الباب ودخل وسكره
شافها ع السرير وجلس عندها
الوليد بصوت هامس شبه حنون :ميان!
ميان فز قلبها من نبرة صوته فتحت عينها وجات عينها بعينه
الوليد شاف لمعة بعيونها لمعة حزن حب خوف وعطى جفا حنان شوق كل شي بعيونها
الوليد : انا لما اعصب م اشوف احد
ميان بصوت نعسان : عصب علي اذا تبي انا اتعمدت استفزك
الوليد : ليش سويتي كذا
ميان : م ابي احبك
الوليد : كلها 48 ساعه وتطيرين
ميان : افضل حل
الوليد غمض عينه واسند راسه ع السرير
غفى هو
وضلت تطالع ملامحه تفاصيل وجهه وكل نقطه
لين م داعب النوم عيونها ونامت هي بعد
-------------------------
خرج من داره وراح للجناح الوليد بس م لقيه موجود
طالع الغرفه الي دايم مقفله وعارف شفيها
لف يمين ويسار
وراح يمشي بخطوات هاديه عشان محد يحس عليه
حط ايده ع مقبض الباب وفتحه
بس الصدمه الي جاته بهاللحضه ان الباب مو مقفل مفتوووح
فتحه بشويش وطالع من طرف الباب
شافها كيف منسدحه ع السرير وهو جنبها ساند راسه
توسعت عيونه
تغيرت ميان حيل عن اول جسمها شكلها
سكر الباب وحاط ايده ع راسه عشان محد يحس عليه
قطع سرحانه صوت مُراد
مُراد : راميي
رامي طالعه
مُراد : شفيك وجهك مصفوق
رامي نزل لتحت وطنشه
مُراد لحقه وجلس عنده بالصاله
مُراد : راميي!!
رامي : شفييك مُراد
مُراد : انا الي اسألك شفيييك
رامي : في شي شاغل بالي هاالفتره بعدين انت راح تعرفه
مُراد : ليش بعدين
رامي : مُراد لا تحن فوق راسي موضوع خاص خلاص
مُراد : براحتك بس اسمع انا حجزت اليخت حق حفل ميلاد يزيد
رامي : زين سويت ومتى عاد !
مُراد : شفتها الايام الجايه كلها فُل ف قلت احجز اقرب واحد وبيكون بكرية رجعتنا للسعوديه
رامي : احنا نرجع مساء للسعوديه
مُراد : اي من البكرا بيكون حجزنا
رامي : بس م سوينا شي
مُراد : م عليك يمدي يمدي
رامي : الهدايا وذذا
مُراد : عندك الصباح الضهر العصر انزل المول واشتري لك
رامي : الاكل
مُراد :جاهز
رامي : تمام كلمت الشبااب
مُراد : لا باقي بالطياره اكلمهم بس لايحس علينا يزيد
رامي ابتسم : تمام
مُراد : يالله امش ننام وررانا رحله من صباح الله
رامي : يالله قوم طيبب
-------------------------
سمر : ميس برد للبيت اليوم
ميس : تمامم مع ان نفسي تجلسين اكثر
سمر : لالا طولت حيل
ميس : اهمشي مسكو المجنون
سمر : كلموكم الشرطه
ميس : لا بس ع ايش
سمر : ع القصاص !!
ميس : لا باقي م سمعت يمكن كلمو يزيد
سمر : ممكن بس يقولون قريب
ميس : احسن خلي الناس تفتك من شره
سمر : اي والله حيل ارتحت من سمعت الخبر
ميس : طيب كُلي لك ساعه تسولفين وم تاكلين
سمر ابتسمت : م اكل كثير حدي لقمتين
ميس : انتي عصلا -نحيفه- وماتاكلين غير لقمتين الحين الشباب يبون وحدا لها جسم
سمر ضحكت : حسيت انك جدتي
ميس : عشت الدور بس صدق يعني مرا نحيفه
سمر : الله والعرسان الي عند الباب عشان اسمن
ميس ضحكت : م تدرين عن نصيبك
ميس : اسمعي بس نامي اليوم والله تعودت عليك
سمر : لالا خلاص والله
ميس : وجع
سمر ارسلت لها بوسه بالهواء
-------------------------
صحي من النوم وطالعها وكانت نايمه
وقف وغطاها بالمفرش وراح وقف عند الباب
طالعها للثواني وفتح الباب وسكره
وقف شوي بصدمه
الوليد : انا لايكون نسيت اقفل الباب
توسعت عيونه
الوليد : الا فتح معاي عطول شلون نسيته اففف لايكون احد دخل وشاف
نزل لتحت وشافهم جالسين
خالد : كويس انك جيت كنت بطلع اناديك
الوليد : ليش!
خالد : بنرد السعوديه
الوليد : اها انا بعد لاحقكم بعد اسبوع تقريباً
رامي ابتسم له : تمام اجل لاتطول علينا بنفقدك
الوليد ابتسم له : ان شاءالله
رامي : الوليد م تمل هنا لحالك
الوليد : لاعادي الجو جايز لي
رامي : اها اجل بجلس عندك اوسع صدرك
الوليد : حياك
رامي : اممزح معاااك
الوليد : اي متى طيارتك
طالع بسام ساعته : بعد ساعه الحين طالعين ع المطار
الوليد : الله يسهل دربكم
ودعوه الشباب وطلعو ع المطار
-------------------------
لجين ورامي
مكالمه صوتيه
لجين : رامي انا قررت انشر خبر عن ميان
رامي : لا لاتنشرين يمكن جدي يسوي شي
لجين : شلون يسوي شي
رامي بلع ريقه : جدي م يبي يعرف وين مكانها
لجين : وانا شدخلني بجدك
رامي : يعني يمكن يمسك مصدر الخبر ويورطه يرفع عليه شكوى
لجين : انا اصلاً تكلمت مع الصحفي وحجزت معاه موعد
رامي تنهد : انا مالي شغل ترا من الان اقولك
لجين : انا ابيها تعبت حيل واحشتني
رامي : انتي الحين بنفس طيارتي صح
لجين :! ايه
رامي : كويس ودي نجلس سوا
لجين : جنبي بنت صغيره وجنبها اهلها يعني م اتوقع بيبدلون المقاعد
رامي تنهد : اوك انتبهي لنفسك
لجين : وانت بعد
-------------------------
رجعو البنات كل وحدا لبيتها معادا روان ضلت عند اهلها عشان تسلم ع اخوانها
باقي البنات ينتضرون ازواجهم
بعد ساعات طويله قضيوها بالطياره
نزلو من الطياره وكان ف استقبالهم سالم
سالم : نورت الدمام وحشتوني
يزيد : الله يسلمك
بسام : بالله كلها يومين امداك تشتاق لنا لو انها نوف
سالم ضحك :انتو اسلكلكم اما نوف لا
الشباب ضحكو
سالم : مُراد شلونك وكيف سفرتك
مراد ارسل له بوسه بالهواء : تشبهكك
خالد : يوووه يعني م تونست معانا دامها تشبه لسالم
سالم : والله انه تونس واضح اصلاً الي يشوف وجهي يتونس لا ارادياً
راكان : اي والله انت صادق من الضحك يتونسون
بسام مسك سالم
سالم : فكوني علييه
راكان : اسف ي خالي الجميل
سالم : تخلخلت عضامك
تركي : اوه صح انت خالنا زوج خالتنا
بسام : وعمي انا
سالم : الشرهه ع الي يستقبلكم
مُراد : استهدي بالله تعاال انا بروح وصلني معاك
سالم : اي انت ابيك بموضوع خاص
رامي : شنو هو
سالم :قلنا خاص
رامي : اها اوكك
راحو الشباب وكل واحد لبيته
-------------------------
دخلو البيت وسلمو ع اهلهم
وطلع كل واحد للجناحه
كان جالس ع الكرسي وهي جالسه فوق
مؤيد: وحشتيني
ديم : اي حتى انت والله وحشتني حييل
مؤيد : بعد العيد ان شاءالله سفرتنا انا وانت
ديم : احلى شي
مؤيد : والله اني فقدتك حيل كان نفسي تكونين معاي
ديم : اهمشي تونست
مؤيد : اي ي روحي حييل تونست بس ناقص انتي وتكمل وناستي
ديم : طيب احبك
مؤيد وانا بعد
-------------------------
ملك : بسوم حبيبي كيف سفرتك
بسام : حيل حلوه
ملك : شفتو بنات !
بسام : اي كثيرر مزز
ملك طالعته بنضره : خيير!!
بسام : اي والله ي كثرهم
ملك : هين ي بسام هين
بسام : بس كلهم وصخين يعني ماوصخ يدي فيهم عندي زوجتي الحلوه
ملك : وخر عني تكذب علي بكلمتين
بسام وقف وحضنها : ليش بكذب عليك ب قلبي انتي
ملك :وخر هناك لاتحاكيني
بسام : وحشتيني حيل
ملك : م اشتقت لك
بسام جلس يدغدغها وهي تضحك وتحاول تفلت من يده بس كان اقوى منها
-------------------------
دخل رامي وتركي وراكان
وضمتهم روان وام رامي
روان : هلا هلا ب اخواني الحلوين
رامي : انتي شتسوين هنا انقلعي عند زوجك
روان : اي بسلم عليكم واروح له
تركي : والله ي انو فيه شقر هناك يطيحون الطير من السما
روان ضحكت : اي عيونك اربع اربع
راكان : حتى خالد م خلا وحدا الا ورقمها
روان توسعت عيونها بصدمه
رامي : سيبيك منهم كذااابييين
روان : اي احسب
رامي : ابوي وين
ام رامي : ف داره اطلعو سلمو علييه
تركي : تمام ي الله شباب
طلعو لأبوهم
اما روان ركبت مع السواق وراحت لبيتها
-------------------------
خالد : شلونك يمه شمسويه
ام الوليد : والله زينه م علي
خالد: لا تقولين اليومين الي طافو كلهم جالسه لحالك
ام الوليد : لا والله يمه م راحت روان الا لما ديم جات عندي
خالد: اها كويس شلون ديم
ام الوليد : بخير م عليه
خالد : روان جات ولا !
ام الوليد : لا كلمتني وقالت انها بالطريق كانت تستنى اخوانها تسلم عليهم.
خالد : زين يمه انا طالع للجناح بريح
ام الوليد : زين يمه
خالد : يالله فمان الله
ام الوليد : فمان الكريم
ع طلعته مع الدرج دخلت روان
هو طنش وكمل طريقه للجناحه استغربت من تصرفه ام الوليد
دخلت روان وشافته وراحت تسلم ع ام الوليد
ام الوليد : شلونك يمه شلون امك واخوانك
روان : بخير ي عمه انتي كيفك
ام الوليد : بخير ، يمه روان بسألك سؤال
روان : تفضلي ي عمه
ام الوليد : فيه شي صاير بينك وبين خالد
روان ابتسمت : لا ي عمه مو صاير شي تطمني
ام الوليد ارتاحت من ابتسامة روان
ام الوليد: الله يوفقكم ويريح قلبك
روان : امين ي عمه توصين بشي
ام الوليد : سلامتك يمه
روان : يالله مع السلامه
ام الوليد : مع السلامه
طلعت روان ودخلت الجناح نزلت العبايه وحطتهم ع الطاوله ودخلت غُرفة النوم
شافته جالس يشرب سيجارته
روان : السلام
طالعها وصد م رد عليها
روان : خالد امك تسأل عن حالنا
خالد طالعها
روان: حاول تمثل ان م فيه شي بيننا
خالد: الجلسه تقدمت لبعد بكرا
روان توسعت عينها : بس انا مو موافقه ع الطلاق
خالد : م تهمين
روان : خالد استخير وشوف اذا انت مرتاح ولا لا للطلاق
خالد : قراري واتخذته
روان : انا م ارتحت احس في شي بيننا
خالد : خلاص انتهى موضوعي معاك
روان تنهدت والعبره خنقتها طلعت للصاله وجلست فيها
شافت اتصال ريماس
روان : هلا ريماس
ريماس : هلا روان! شفيه صوتك
روان : م فيني شي بس شنو تبين
ريماس : امم كنت بقولك اليوم سالم طالع مع مُراد
روان : ايه
ريماس : بيوريه صورة ميان وامه وابوه ان شاءالله وقتهها يسترجع ذاكرته
روان : تمام ان شاءالله خير بس بقولك بعد بكرا جلست الطلاق
ريماس : تمزحين ؟مو بعد اسبوعين
روان : يقول تقدمت
ريماس: عشان كذا صوتك تعبان
روان : انا بنام احاكيك بعدين
ريماس بحزن : انزززين انتبهي لنفسك
روان : تمام
سكرت الخط ودخلت الغرفه ورميت نفسها ع السرير بدون اي كلمه او نضره للخاالد
-------------------------
الصباح
الساعه 9:00
مكتب الصحفي عبدالعزيز
عبدالعزيز: تفضل لجين قولي ب اقوالك الي تبين اكتبها
لجين ابتسمت
هي صديقتي من 10 سنين تقريباً هي اخت ام اب كانت لي الاهلي بعد اهلي كانت سندي وقت حزني كانت كل شي بالنسبه لي كنت يوم احتاج حنان الام تفتح لي حضنها يوم احتاج وقفت الاخ توقف وكأنها رجل ويوم احتاج السند الاقيها اب ويوم احتاج الحياه الاقيها اخت كانت مثل الام الي تخاف ع عيالها وبين رمشها تخبيني يوم اغلط تهاوشني يوم اغلط تنصحني يوم اغلط تخاف علي يوم اغلط تحاتيني يوم اغلط تكون مثل الاب والاخ
اشوف حياتي بعيونها اشوف بعيونها اشياء كثيره اشوف انها كانت سند ومازالت
فجأه اختفت -نزلت دموعها- اختفت واختفت حياتي معاها
اختفت واختفت روحي معاها
كانت تحتويني بداخلها وفجأه انقطعت
محد يعرف عنها اي خبر حاولت ادور عليها بالسعوديه وبالتحديد الدمام وبفرنسا وبالتحديد باريس بس م لقيت لها اي اثر انا خايفه عليها رقمها مقطوع مختفيه عن كل موقع هي كانت عليه
انا م اعرف اذا كانت هي عايشه او متوفيه
انا م اعرف اذا كانت عايشه وتقرا هالكلام
ميان اختك تحتاجك
ميان اختك تبيك
ميان ارجعي لي
ميان ارجعي لحياتك
ارجعي وخافي علي
ارجعي وحسسيني ب الامان
ارجعي ابي اضمك بيدي الثنتين
اختفت حياتي من بعدك
ارجعي لي ارجعي لي
اتمنى الاقيككك والي يعرف عنها اي شي يخصها يتصل علي بهالرقم
056*******
لجين ...
مد لها المناديل وقفل التسجيل
عبدالعزيز : انزين شكراً راح ننشر الخبر ب اذن الله وراح نتواصل مع الصحافه الفرنسيه بس لك صوره لها افضل
لجين : لها صوره عندي هي الي اطالعها واحاكيها فيها
عبدالعزيز : لازم اخذها وبسوي لك نسخه واعطيك هي
لجين : المبلغ راح يوصلك ان شاءالله
عبدالعزيز : اوك ان شاءالله بكرا بإذن الخبر بيكون بالصحف والمجلات والجرايد وع مواقع السوشال ميديا ان شاءالله
لجين : اوك
وقفت وسلمت عليه وطلعت من المكتب
رامي : خلصتي !
لجين اشرت ب ايه
رامي : كنتي تبكيين
لجين دمعت : اكيد ببكي وحشتني
رامي كان يتقطع من جواته ويحس ب الم وده يقولها مكان ميان بس الوعد الي بينه وبين روان فوق كل شي
تنهد وطلعو
لجين : روح للشغلك لا تتأخر
رامي : انا رايح المول الحين ابي لي اغراض
لجين : تممام
ركبت لجين التاكسي وراحت للشقتها الجديده
واما رامي توجه للعثيم مول
-------------------------
دخل ع الرسايل ولقي رقم غريب متصل عليه
رجع اتصل عليه
مُراد : هلا!
**** : انا الي قلت لك ابيك بموضوع خاص ومهم لك
مُراد : م اذكر
ريماس : الي ف بيت جدي وجاء راكان واضطريت ادخل م احاكيك
مُراد : اها افتكرتك مو انتي ريماس !
ريماس : اي انا هي
مُراد : الله يسعدك بسرعه مو ناقص مشاكل
ريماس بصوت هامس : اسمع مُراد انا ابي احذرك من شي واسمعني حيل بس لا تسأل ليش
مُراد : شنو بتحذريني منه اذا بخصوص ريمان
ريماس قاطعته : ريمان م تعرف بالسالفه غير انا وكم شخص
مُراد : شنو قولي
ريماس : اسمع مُراد انت جيت بالمكان الغلط انت شخص خطير وجودك فهالعايله
مُراد: شلون يعني
ريماس : انا اعرف انت مين وولد مين وكل شي بس ابي اقولك لو رجعت لك ذاكرتك راح تصير اشياء مو زينه لك
مُراد : انتي تعرفين انا مين
ريماس : اي مراد اعرف انت مين
مراد : انا م ابي اعرف انا مين سمعتي وقفلي ع هالموضوع وان اتصلتي بكلم اخوانك
قفل الخط بوجهها وحذف الرقم من جواله
تنهد
وقاطع تفكيره
صوت الجوال
رد بدون م يقرا المتصل
مُراد : يعني انتي م تفهمين ولا شنووو !
سالم : انا الحين صرت انتي ! انا سالم ي خبل
مراد : اوه توقعتك وحدا مطفشتني
سالم : هخخ يالله انتضرك انا برا
مراد : يالله خارج لك الحين
قفل الخط واخذ المودم والمفتاح وطلع وسكر الباب وراه
ركب السياره وتوجهو ع الكوفي
-----------------------
نزلت لتحت لقيت اخوانها وامها جالسين
ريماس :صباح الخيير
الكل : صباح النور
بسام : غريبه شمصحيك بدري!
ريماس تنهدت : طفشت من النوم
مؤيد : اليوم طالعين يخت
ريماس : يهبب
بسام : مسوين عيد ميلاد يزيد
ريماس : الا ع طاري يزيد ترى حددو قصاص عبدالله
بسام : اي قالت لي ملك
ريماس : اي بعد بكراا
مؤيد : مرا استعجلو
ريماس : اي اخت فهد تقول حاكتهم
مؤيد : اها احسن الله يفك الخلق منه
بسام : ايي والله انه خطير ع النااس
ريماس : بسام هات فونك
بسام : ليش!
ريماس : بتجيب ولا ؟
بسام مده لها : شتبين فيه
ريماس :صبر
اخذته وطلعت داره واخذت رقمه وسجلته عندها
ونزلت ورمته عليه
بسام : شتبين فيه
ريماس : اخذت اسم لعبه
بسام : اها صدقت
ريماس : متى طالعين ع اليخت
بسام : امم ع 6 المغرب
مؤيد : ترا طلبت من محل هدايا هديتين بإسمي واسمك
بسام : الله يعطيك الجنه ريحتني
ريماس : اها طيب
وقفت ريماس وطلعت دار ريمان
دقت الباب ودخلت
ريمان كانت جالسه ع فونها
ريماس : ريمان لين متى بتضلين كذا
ريمان : مدري ليش
ريماس : ياخي قومي اطلعي امشي تحركي بتموتين وانتي ع فراشك
ريمان : م ابي شي
ريماس : ياربي منك نفسيه
طلعت وسكرت الباب ضحكت ريمان ع شكل ريماس ورجعت تطقطق ع فونها
---------------------------
الكوفي
مُراد : شهالموضوع الي بتقوله لي
سالم : اسمع مُراد ابي اورك صور وابي تقول لي شكان شعورك يوم شفتها
مُراد ب إستغراب : امم ليش
سالم : لا تسأل ليش بس قول لي ش حسيت وبس
مُراد ضحك: اوك وريني يالله
سالم طلع اول صوره وهو صورة ابراهيم
مُراد طالع الصوره وجلس يشوف تفاصيلها
سالم : ها شننو؟
مُراد : رجال كبير بالعمر
سالم حط ايده ع راسه : اوك
طلع الثانيه وهي صورة ام وسام -هلا-
مُراد : امم ام كبيره بالعمر بس جميله
سالم طالعه بنضرات احباط
مُراد : شنننو
سالم طلع صورة ميان ووراها مُراد
مُراد طالع الصوره للحضات وسالم ضل يطالعه بصمت
مراد : امممم بنت جميله بس عيونها مثل عيوني
سالم : حلو طيب ايش شعورك يوم شفت الصور
مراد : عادي
سالم تنرفز : كيف كيف عادي
مراد : سالم انت صاحي جايب لي صور ناس م اعرفها وتقولي وش شعورك امشي بس معاي المول ناخذ لنا هديه ليزيد
سالم طالعه وشمق اخذ الصور وحطها بشنطته ومشي مع مُراد
---------------------------
فتح فونه ع الرساله الي جاته
-ابغى اقابلك معاي لك امانه-
خالد : مين انت؟
-اذا تبي تعرف تعال العثيم اليوم الساعه 4:30 العصر جاي ولا مو جاي-
خالد : اوك بس 10 دقايق
---------------------------
.