الفصل 5
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵ نهوة.شهم.tt* ❤️
*❴🔢❵☟الـــبـــــــــــ❴5️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
➖➖➖➖➖➖➖➖➖➖
همام.انا بعرف مكانهم
شهم.شلوون
همام.شغل سيارة رح دلك
ركب همام معه ومشي
شهم.شو مصلحتك
همام كل شغلهم انا ضدو هدول ما بخافو الله لا عمتي ولا اخي
شهم.صدمتني ليش انتو بتخافو الله
همام.امشي من هاد ناح واستعجل احسن الك
رن ل ياسر.جيب معاذ والحقني عرفت وينهم ستتعجل بسرعةة
...
كنت ماشي اسرع ما عندي طيفي هي روحي كيف هيك كيف انخطفت كنت ماسك نقابها بايدي لافو والنار شاعلة جواتي كنت سايق وكل شوي بخبط الدركسيون وبصك ع سناني.الله يلعنككك يا حقييييييير
....
وصلنا عالمكان بيين شجر وعتم نزلنا وكان وراي ياسر ومعاذ بسياراتهم ومعهم شباب المعمل
نزلت وقربت لناح الباب مقفول والشباب يلي معي انشترو يدورو ع مدخل
سمعت صوت طيف عم تصرخ
طيف.لكك يا حقيييير بعد عني باااباااااااااا شهممممممم
وقت سمعتها عم تنتده باسمي جن جنوني بزيادة، هي عم تستنجد فيني، عم تطلب مني ساعدها، متزكرتني ،
خلعت الباب باجري بس عبث شناجل مقفلة من جوا صرت صرخ ومتل المجنون عم بركض ولف حوالين البيت و الشباب عم بحاول يخلعو القفل لاخر شي شفت طاقة مفتوحة عالية شوي تعربشت كان في عالشبابيك حماية طلعت عليهم متل السلم ،دخلت في الطاقة وصرت دفش حالي لفتت
نطيت لتحت وقت شفتو عم بحاول يشلحها تيايها وهي مربطة ما ضل براسي عقل
مكان كله قش مبين انه زريبة مناسبة لأمثاله
محمد.شرف الحبيب
وجه سلاحو عليه وسلاحي عليه كان في سلاح تاني ع خصري
سحبته، واحد كان ناح محمد وتاني صوبتو ناح القفل ضربتو رصاصة لينفتح انا خبرة حاكم جنرال سابق
دخلوو كلهم ومحمد شوي بوجه سلاحه علي وشوي عليهم
قلبي ناطف عليها متكومة عحالها ومخبية وجهها بين رجليها وايديها مربطين لورا
ياسر.محمد حاج هبل شو حتستفاد من فعلتك
استنيت يلف محمد عينو ع ياسر وقوصت ع ايدو يلي فيها سلاحو وركضت كلبشتو بايدي
محمد.له له هيك بدك تخلص مني عالسريع
وقفت وراه ورقبته بين ايدي زحت سلاحو لبعيد باجري
شهم.معاذ ياسر تعو خدوه ربطوه بسرعة
ركضت ناح طيف ونزلت عالارض كانت عم تبكي وترجف ومنزلة راسها كنت متاكد انها خايف حد من الشباب يلمحوها
شلحت جكيتي ولفيته عليها وخليته مرفوع ع وجهها حملتها ومشيت فيها ع سيارتي
كنت حاملها وكإنني حامل روحي بين ايدي حامل بنتي وطفلتي طيفي الصغيرة
حطيتها بالسيارة وطلت من التابلو قنينة مي
وصرت مسح دموعها بايدي
طيف وهي عم ترجف وصوتها متقطع.غصب عني والله غصب عني لمسني
كنت ماسك وجهها بايدي وعم ترجف وشفايفها زرق وما عم يثبتو وصوت طقات اسنانها ببعض مسموع
حطيت مي من القنينة بايدي مسحت وجها واعطيتها تشرب
رجعت مسكت وجهها
شهم.خلص اهدي تمام يروحي هيني هون اهدي خلص مضى اهدي
طيف.كان كك.ك. كك كان بدوو بدو (وانفجرت بكي)
ضها لحضنو كان باب السيارة مفتوح هي قاعدة عالكرسي وهو واقف برا السيارة بحدها ضمها لصدرو
طيف.كان بدو ياخد شي من حقك انت🥺 بس والله ما سمحتلو والله وكنت عم دفشش والله والله ماكان بدي والله
لمن حكت شي من حقك بالرغم من كل الوضع المقرف والحالة السيئة يلي نحنا فيها فرحت فرحت لانها هي عارف انه هي إلي وهاد حقي بالرغم من تصرفاتها معي يلي ما بتبين غير انها مجبورة عليه
مسحت ع راسها
شهم.تمام يعمري خلص مش قلتلك بوعدك احميكي ليكني جيت اتطمني تمام خدي نفس عميق واهدي
طيف.سامحتني ماهيك
شهم.يعمري ليش انتي شو دخلك لك اخخ يا طيف اخ لك انتي نبضي اهدي لروح شوف شو بدي اعمل فيه
طيف.شهم لا تبتلي فيه ما بدي تنسجن
شهم.لك.مجنونة انا يلي بسجن
........................
سكرت الباب بس أمنت انها هديت شوي ومشيت ناحهم اتصلت مكالمة سريعة لواحد من صحابي بالامن
شهم.اه احمد منيح رديت اسمع معيش وقت خبرهم اني سحبت استقالتي
احمد.بشرفك
شهم.مش فاضي هس روح اسحبها عالسريع في قضية بين ايدي بطاقتي معي رح استخدمها اسحبها عالسريع
....
دخلت كان لسة مربط وايدو عم بتشر دم
همام كان واقف ومبين محروق دمه ع اخوه
شهم.ليه عملت هيك؟!
محمد.حبينا نتسلى مع ملكة الجمال لك بتمزع العقل والله نيالك
قربت عليه وقوصت ايدو التانية .بهي لمستها يا حقير
ونزلت فيه ضرب لحتى فش غلي
...............
بلال.وين الشباب
عاصم مش.عارف والله ولا واحد مبين
مروان.نشالله خير كملو الحفلة وهس بشوفهم
..............
محمد.ههههههه بدك تصير قاتل يا ابن وليد
شهم.خراس ولا تجيب سيرة ابوي
محمد.طب عالقليلة يعني جنرال اضرب واطرح وما عرفت مين ورا موت ابوك
شهم.شو قصدك
محمد.هههه.ولشي ولشي خلص هلق.شو بدك تقتلني ولا تضل تستعرض عضلات
شهم.عم.بقلك احكيييي
محمد.سلامتك
كان عالارض اجريه مربوطات
دفستو باجري ع صدرو لحتى اتمدد خبطت ع ايده اليمين مكان ما متصاوب وسمعت صوت صرختو من الوجع عبيت المكان
شهم.شووو قصدك
همام.محمد وعمتي ورا حادث ابوك
شهم.شووووو
ياسر.عييد شو قلتت
محمد.همام خرااس
شهم.لكك احكييي
شهم.ياسر اتصل بأمن المنطقة بسرعة
.....
ام عاصم .لسة ما بينت
مروان.شو بتقول مرت اخي
ختام.وما حدا فيهم رجع
مروان.تحسسوش حدا باشي خلي هالعرس ييمرق عخير ونخلص ومش ناقصنا محمود ينجن
ام عاصم.وبنتي
مروان.هس برجع
اتصل مروان ب ياسر
ياسر.يابا يلي صار انه............
مروان.كيف تتصرفووو بدون علم حدا فينا جنيتو انتو ماعاد الكم كبييير
ياسر.يابا شهم هو
مروان.وين انتوو
ياسر.الشرطة جاي
مروان.اعطيني العنوان بحكييي يا ابن ال
ياسر.طيب طيب احنا ب براكس العلف يلي ورا جارية المي
......
وصلو الامن ونزلو الضباط والعساكر وكل واحد بايدو سلاح رافعينو
وواحد منهم بتفصحن وبأشر عليه وبقول نزل سلاحك
شهم.بلا كتر حكي تعو خدو هاد
الملازم.نزل سلاحك
مديت ايدي ع جيبتي طلت بطاقتي وفتحتها
ضربو كلهم تحية
شهم.خدو هاد من هون عالجوه والصبح بدي يكون بالتحقيق وقسم يروح ع بيت الجندي عبير نايف الجندي اعتقال
ملازم.حاضر سيدي
شهم.هي يا حضرة الملازم
ملازم.نعم سيدي
شهم.ممنوع حدا يحقق معهم بشي
ملازم.أمرك سيدي
ضربو تحية وانسحبو
شهم.عمي مروان ليش جيت انو خبرك
مروان.شو صارر وين طيف
شهم.امشو هلق بنلتقي باب بساحة عمي خالد
مروان.شهم انا مش عسكري عندك احكيي
ياسر.يابا امشي هس بشرحلك عالطريق
.....
رحت عالسيارة كانت قاعدة وراكية راسها ع ظهر الكرسي
شهم.حبيبتي
طيف.جيت خفت يعتقلوك
شهم.حبيبتي انتي هديتي !
طيف.خدني عالبيت بدي امي💔🥺
شهم.تمام ي بنت قلبي هي ليكنا حنرجع يلا
وصلنا باب البيت
شهم.معك مفتاح
طيف.ميسرة جوا
شهم.يلا هي بدق عالباب حبيبتي
فتحت ميسرة الباب وكنت حامل طيف بين ايدي
ميسرة.طيييييف ولي ع قامتي شبها
شهم.وين غرفتها
ميسرة.من هون تعى
دخلنا الغرفة وسكر الباب باجرو
طيف.يسلمو ايديك خلص انا منيحة هلق بدبر حالي
حطها بحد باب حمام الغرفة
شهم.اشلحي تيابك واتحممي تمام بستناكي بالصالون رح نادي ميسرة
طيف اتطلعت فيه 🥺.شهم
شهم.يا عيون شهم
طيف .يسلمو الك لو ما لحقتني بهديك اللحظة كان
مسكها من ايدها وسحبها لحضنو
شهم.ما بدي ترجعي تفكري بشي تمام! هلق بتفوتي تتحممي وبتلبسي عالسريع هلق رح يجي الكل هون بدي تكوني منيحة وقوية انا معك وما بتركك نهائيا
طيف.وهداك
شهم.شو بدك اعملك فيه؟
طيف.ريتو يمووووت حقييير
شهم.خلص بموتلك ولا يهمك
طيف.انت ممكن تقتل ؟
شهم.كرمالك بقتل كل الناس
طيف.ليش عم بتخوفني
شهم.لك هلق بتشحر بقلك بدي اقتلهم كرمالك وبدك تخافي مني
طيف.بس يلي بقدر يقتل شخص ممكن يقتلني
شهم.ههههه لك اخخ منك يا طفلتي لك بقتل حالي وما بأذيكي
طبع بوسة ع جبينها
شهم.يلا استعجلي بدي احضنك عالسريع قبل يرجعو من الحفلة😂
......
شهم.اه احمد شو صار معك
احمد.امورك تمام يخوي شو يل صار بس
شهم.حادث اهلي مقصود
احمد.شلون هي
شهم.شغل تارات هون بالضيعة
احمد.اللوا هون والكل فرح انه سحبتها
...........
ام عاصم.ولييي ع ئامتي شلووون نخطفتتت
عاصم.شو بتحكووو ليش ما قلتوو ونحنا هون محتفلييييين وينها وينها
بلال.وينهم هلق
مروان.بالبيت صارو الوضع منيح اهدو خلص هي مشت الحفلة امشو بدار خالد هني
ام عاصم ما قدرت تسند.حالها ومسكها محمود وعاصم كل واحد من جهة وركبوها بالسيارة
.....................
كان بالصالون يمشي رايح جاي وميسرة واقفة وصافنة ومش فاهمة شي و مش ساخية تسأل شهم شايفة وضعو ايد ع خصرو وايد ع جبينو وبمشي يمين شمال
وهو بكسر الصمت وقت فتحت طيف الباب وطلعت من الغرفة
كانت لابسة بيجامة لون خمري عاكسة بياضها شعرها مفرود ع طولو لتحت فخدها شوي بوصل ركبتها كيريلي باخد العقل ومبلول شوي
واتفها احمر احمر وخدودها الظاهر متحممة بمي سخنة كتير
وقت شافها عيونيو صارو يلمعو حب
شو هالجمال هاد يلي اتملكو شو عم تعمل فيه هالصغيرة هاي
كان بنفسو يتشكر محمد يلي خطفها لانه خلاه يعيش هاللحظة اليوم ويحضنها وهي تتقرب لو خطوة صغيرة منه
هون انسحبت ميسرة عالمطيخ
قرب يهدوء عليها، حنى ظهرو شوي وعم يتطلع بوجها وهي عم تطلع عليه بخجل
شهم.نعيما بنوتتي
طيف.علينا وعليك
حط ايدو ع راسها من ورا وقربها لحضنو،كانت مش مبينة ضايعة بحضنو جسممهم التنين عم يرجف حب وتوتر وفرحة وخوف مشاعر ملخبطة
شهم.منيحة هلق انتي؟
طيف.اي
شهم.هي صوت سيارات برا فوتي البسي وتعي ماشي حبيبتي
طيف.شهم
شهم.اي حبيبتي
طيف.رح تحميني دايما مو
شهم.لا
طيف بالله هيك يعني
شهم.اي لانه هلق حميتك وما اتشكرتيني أي شو هاد
طيف.بالله حكيتلك يسملو ع فكرة
شهم.اي لاني شغال عند حضرتك تحكيلي يسلمو ،بدي بوسة انا
طيف.ما اوقحك عفكرة انت مجبور هاي وظيفتك مو بحاجة للشكر
شهم.وظيفتي؟! منا خدام عند يلي نفضك موو
طيف بدلع.اي مو انا مرتكك
شهم.ههههههههه لك روح دعوسة بين رجليكي موو
طيف.هههههه اي مجبور
شهم.اي وانتي مجبورة تردي ع جوزك وتبوسيني
طيف.هئة بششش
شهم.ع خدي يلا امانة بس وحدة
طيف.يييي صوت امي
دفشتو وهربت ع غرفتها
شهم.مجنونة ورح بتجنني
فتحو الباب ودخلو
خالد.شهمم وين طييف
شهم ورافع ايديه شوي قبال صدرو .اهدى عمى اهدو منيحة منيحة كل امورها تمام
الكل دخل عالصالون سعيد جميلة بلال مروان وكل ولادهم ام عاصم ما تحملت ودخلت عندها عالغرفة
ام عاصم.ركضت حضنتها وصارت تمسح ع وجها وجسمها.انتي منيحة بنتي موو حكيلي
طيف.امي انا منيحة لا تخافي والله منيحة
خالد شلون هيك صار كيف كل هاد بصير ليش ما خبرتونا لا بنتي مخطوفة وانا بدبك
ياسر.عمي والله من اللبكة وكله صار سريع وشهم كان معنا
معاذ.محبيناش نفركش
طلعت طيف وهي لابسة نقابها وراحت ركض لابوها
عاصم.ووين همي هلق
شهم.محمد.وعبير بالقسم هون وبكرا تحقيق معهم
بلال.مش انت استقلت عمي
شهم.سحبتها،عشان ازيدكم.من الشعر بيت همي ورا حادث ابوي
سعيد.شلون شلون
جميلة.شو عم تحكيييي
معاذ.همام اعترف ع اخوه
مروان.لك.شو بتحكو انتو ماعاد.افهم اشي معاذ خرف كلشي من الاول
معاذ....................
.......
بعد هالليلة الطويلة الكل راح لبيتو بس شهم كان لسة قاعد بالصالون مع عيلة خالد
نهى.حسبي الله فيها بسسس الله يورجيني فيها يوم ما بكفيها انقتل جوزي واترملت واخي ومرته وبنته وكتار انقتلو شو بدها شو بدها ممنا ما هي بالاول يلي حكت انه انجبرت ع ابوي وأصرت تطلق وبعدها عملت هالعمايل صارت بدها ياه بس وقت عرفت انه بدو امي بس غيرة وكيد.وبلا من الاساس ما بدها ياه
شهم.يلا عن اذنكم صار لازم امشي ،محمود هالشي يلي صار ما يغبر ع صرمايتك تمام ! بكرا عرسك ماشي تمام وطيف قوية ما هيك طيف
طيف.اي
شهم.يلا عن إذنكم
.....
(طيف)
وقت حضنني حسيت بشي دغدغ مشاعري دفى حنية كان قلبي بيرقص فرح بس شعور الخوف منه ما عم بروح من بالي بكون متل الطفلة الصغيرة بحضنو يلي بشوفنا ممكن يضحك ع فرق الطول بيينا وضخامة جسمو ونا ضايعة بين ايدي بس جسمو وعضلاتو حسيتهم أمان لهفتو عليه ولمعة عيونو متل اب خايف ع ابنو يلي ضايع منه اوقات بحس حالي بنته وبلمح البصر بتحول وبصير وقح شوي بتعامل اني بنتو وشوي مرتو كيف بغير عالسريع ما بعرف
بس شعور الأمان معه الو نكهة حلووة
معقول انا حبه؟! حب شخص بيني وبينو 16 ،شخص ما بعرف عنه كتير ،بس هلق هو زوجي بس كمان بحقد عليه وقت اتزكر كيف نهى عليه بين الرجال بلا اي اعتبار هففف بس قسما بالله انه بخوف
لك حتى وقت اختار موعد العرس ما استشارني
.............
(شهم)
ماكان معي بدلة عسكرية هون ،لبست لباس مدني بنطلون أسود ابو جياب وبلوز أسود وبسطاري تمشطت عالسريع تعطريت لبست ساعتي ركبت السيارة ميلت بالاول ع بيت عمي خالد، عمي كالعادو لازم يشرب قهوة الصبح بكير هو وخالتي وداد ام عاصم بالساحة تحت الشجر ،الشجر هون بالضيعة كثيف ومنظرو وهو عم يتحرك بياخد العقل
صفيت السيارة ونزلت كان صوت طيف طالع وهي عم تنادي ع ولاد عاصم يجو يفطرو وعم تركض ورا جود بالساحة، شكلو مش قابل ياكل
شهم.صبااح الخير ي جماعة
وقفت طيف مكانها اتمسمرت كان نفسي شوف ملامح وجهها وفت بتشوفني🤦🏼♂
محمود.هاا تصبحنا استغفر الله بالليل اخر واحد.بشوفو والصبح اول واحد بشوفو
شهم.يلا الليلة بتتمسى بوجي مرتك
محمود.ههههههههه هس حبيتك
ام عاصم.اتفضل اشرب قهوة
شهم.رايح عالقسم والله عندي شغل
خالد.ابني شو ناوي تعمل
شهم.بدي افهم قصة حادث ابوي، وموضوع الخطف وكل تهمة لابستهم لازم ياخدو عقوبتهم
خالد.لاحول ولا قوة الا بالله
محمود.طب انت يخوي بنفع هون تستخدم سلطتك
شهم.الفضل ل الله مركزي عالي ومعي صلاحية دبلوماسية
خالد.الحمدلله الله يعطيك بس تتاخرش ابتي عشان طلعة العروس نروح نجيبها اليوم
شهم.ولا يهمك عمي
ام عاصم.طيف شبك هيك.متمسمرة ما تسلمي ع خطيبك
شهم.اتركيها ع راحتها خالتي
ما خجلت من يلي موجودين مشيت بهدو ناحها وايدي لسة بجيابي، انحنيت لمستواها وهمست باذنها
شهم.صباح الخير يا نهوتي
غمزتها ومشيت
شهم.يلا عن اذنكم
محمود.وين خليك لسة ما قرفناك
شهم.هههههه جيت صبحت ع مرتي انت شو بدي فيك
محمود.بعدها مش مرتك
شهم.والله مرتي صح طيف
اتطلعت عليها وهي مشيت لجوا متاكد انها ضحكت وخجلت
محمود.استحت😂
شهم.اي حلاتها هيك يسعدلي ياها خجولتي
خالد.شهم انقلع من هون
شهم.هههههه يلا سلام هلق طروني بس الاسبوع الجاي تا اشوف ازا حدا بسخى يحكيلي هيك😂
ام عاصم.هههههه الله يرضى عليك يا عمري
................
فتت عالقسم منهم عرفوني ومنهم، دخلت ع غرفة مدير القسم
عساف.اتفضل سيدي
شهم.معلش خليك مكانك
عساف.عشان واجبك
شهم.معلش، هلق شو صار ب عبير ومحمد
عساف.التنين متصاوبين عالجوهم وهنن تحت كل واحد بغرفة
شهم.تمام ، بدي ضابط كفو لانه مش رح اقدر ضل طول اليوم هون
عساف.احنا هون كلنا بأمرك سيدي مين بدك ونحنا جاهزين
شهم.متل ما بتعرف هون ما عندي فكرة مين منيح ومنيح عاطل ما هيك
عساف.تمام، رح بلغ الضابط تامر يكون ايدك اليمين هون
شهم.ممتاز هيك
عساف.بس سيدي جابو واحد اسمه عدي كان حوالين المكان وكان معه سلاح
شهم.حلو بلغهم بدي التلاتة سوا بغرفة التحقيق
....................
بغرفة ععتمة مع ضو خفيف ،التلاتة مصمودين قدامي عدكل واحد ع كرسي وفي طاولة قبالهم واقف وساند ايدي عالطاولة
شهم.مين بحب يبلش يروي القصة
رفعت كمان بلوزتي، ومسحت وجهي وصرخت صوت صداه يمكن انتشر بكل الضيعة
شهم.احكووووووووووو
عدي الظاهر هاد اجبن واحد فيهم
عدي.والله ما دخلني انا عبد مأمور عندهم
شهم.حلو يلا بلش يا العبد المأمور
تامر.وبشو أمروك
عدي بلع ريقو وبطلع عليهم
قربت عليه ايدي ع كرستو والتانية فيها سلامح وحاني ظهري
شهم.هدول الاتنين مش رح يفيدوك ولا يخوفك هنن وضعهم أسوا احكي احسن الك ولمصلحتك
تامر.لمن تحكي اعرف انه بتخفف محكومية عليك
عدي.هنني طلبو دبر واحد
تامر.لك بتنقط الحكي تنقط احكييي
عدي.طلبو جيب معلم سيارات وخرب سيارة وليد المُمهيب
شهم.كمل
محمد.عدي اخرس
شهم.سكرولي تمو
اجى واحد وربط تم محمد.وتم عبير فرد مرة
تامر.كمل
عدي.وقت خرب السيارة ومشو مسافة منيحة ما صار شي والظاهر ما صار في خللل وقت وقفو ع استراحة رجعنا ضربنا فيها كم قطعة وقفتزسيارة بنص الطريق بدل ما تدهور فيه
شهم.اي كمل
عدي.خبرت عبير خانم ف طلبت نقوصهم
شهم.كمل
عدي.والله انا عبد.مأمور
ضربتو بوكس بنص وجهو
شهم.كمل
عدي.قوصناهم انا والمعلم وسحبنا السيارة لنص الوادي وانفجرت فيهم
شهم.وكل هاد.ما حد شافو
عدي.هني كانو مسافرين ع طريق المطار وليل ما كان في حدا
اتنهدت سندت ظهري عالحيط وصرت دق راسي عالخفيف بالحيط
ضليت يمكن اربع ساعات ونحنا بس تحقيق لحتى وصلنا للمعلم تبع السيارات وجابوه شحط
..................
(طيف)
كنت قاعدة بالصالون عم قلب ريلزات اجيت عمتي نهى وهي عم تاكل سلطة
نهى.طيف
طيف.اي عمتي
نهى.حبيتيه ل شهم.ولا شو
طيف.عمتي شو هالحكي
نهى.اي شبك شو حرام يعني
طيف.ما بعرف صراحة
نهى.شوفي بنتي شهم.قسما بالله بحبك كتير اعطي فرصة لقلبك يتقبلو تمام لا تضلي هيك ناشفة معه لا تخليه يزهق حبك
طيف.عمتي
نهى.اي
طيف.والله بخاف منه
نهى.ههههههههه عزا وحدة بتخاف من.جوزها
طيف.اي والله بخووف
قربت نهى منها ومسكت ايديها
نهى.شوفي هلق انتو لسة ما زمان بتعرفو بعض وبعرف انه كبير عليكي بس بنفس الوقت هو ك شكل مو مبين عليه شوفي صلاة النبي ما اجملو وكم.بنت بتتمناه بس هو شايفك مو مصدق، ما تخسري حبو بادري واعطيه وشوفي كيف رح يصير هاد الدب يلي طول بعرض خاتم باصبعك
طيف.تحكيش عنو دب
نهى.ههههههههههه زعلتي عليه
طيف.ليش كلكن هيك بتحاكوه
نهى.هههههههه لانه لسانو متبري منه ومطلق الحياة بس والله بنحبو
طيف.اي من حيث مطلق الحياة مطلقه وكتير
نهى.هههههههه اي شو عامل معك لحتى بتقولي هيك😂
طيف.ولشي ولشي خلص روحي كمل سلطة
نهى.هههههههه والله شكلو مخبص ابن اخوي
طيف.انا قام البس وجهز حالي كمان ساعتين موعد الطلعة
.........................
شباب العيلة والضيعة عاملين حمام للعريس ببيت صاحبه
ام عاصم وسلفاتها وجارتها عاملات حفلة بالساحة ،وبعد بشوي اجر العريس عالفرس والشباب زفة معه اجي عالاحصنة اشي سيارات اشي مشي وزمامير ونسوان بالصيعة برشو حب شكلاته وتوفي عالماشيين
ام عاصم حامل جاط فيه ورد وساعة وعطر للعريس وعم ترقص فيه والاغاني شغالة
وكلها اغاني يا ام العريس
.........
(شهم)
طلعت من القسم اتحممت لبست قميص أخضر حشيشي بلون عيوني، مع بنطلون عسلي وبسطاري تعطرت وطلعت للحق الزفة
اخخخخ.نفسي المح عيونها بس هلق بتكون منقبة، بس يلا الحمدلله كله ولا حدا يلمح هالعيون السود.عيون الغزالة يقبروني الهي ما اجمهلم
...............
(طيف)
وقت اجى صارو البنات وصحباتي وحارتنا يطلعو ناحي
وكأن عم يحكولي اجي يلي إلك
اضحكت تلقائيا ماشي بهيبتو وشهقت وقت شفت m16 معه رافعها وعم يضرب بالهوا، يقبرني هيبة هيبة ،اتطلع فيني وغمزني
ضحكت وقلبي فرفح يمااا ما احلاه ما بعرف شو بصرلي وقت بشوفو بتوتر وبكون بدي اهرب بس هلق فش مجال يا امي الحمدلله انه ما.حدا شايف ضحكتي يلي واصلة ورا أذاني
هو يضرب رصاص والشباب بصيحو.الله حيووووو
ضرب مخزنين رصاص
وبعدها نزل عالدبك ،بالاول كان واحد من رفقات اخوتي مستلم الاول
نزل هول واخد المسبحة واخد عالاول وبلش دبك
ومع كل خبطة لرجليه قلبي يدبك دبك من الحب يما مجملو لاول مرة بكون نفسي اركض عليه واحضنو مش عارف شو صايرلي شكلي بلشت طلق الحياة متلو ههههههههه
نزلت امي بينهم وعم ترش ورد ع محمود
وبعد بشي ساعة ركبو كل الرجال سيارات لحتى يجيبو العروس
رراحت امي وستي ونسوان عمامي وجارات امي النسوان الكبار واخدو معهم طبلة عم بغنو للعروس
ونحنا البنات ضلينا بالبيت لحتى نستقبل العروس
وزيينا مدخل يلي بطلع ع بيت محمود
بيت ابي كان عبارة تلات اجنحة بالنص بيت كبير طابقين وعن الجناب في درجين خارجيات درج بطلع ع بيت لمحمود والجهة التانية درج بطلع ع بيت عاصم
............................
مشى العرس وكل الامور كانت تمام مع انه التغت حفلة النسوان وما عملناها بسب التاش يلي صار المهم الصبح فقت بكير انا وميسرة وجهزنا فطور للعرسان ،كان المفروض يكون في صبحية بس اخي لغاها، اخي كان قاتل حالو بس بدو يتجوز لو ما جوزناه كان فضحنا
اليوم الأحد كان المفروض ننزل نختار جهازي بس يلي صار انه اجت غرفة النوم يركيوها
وراحت عمي هي ونسوان عمامي وستي يتفرجو وكان صوت الزلاغيط معبي الحارة ومعاذ كان ماسك الطبلة زس النسوان ويطبل
في الي خالة متجوزة بالمدينة خبرناها ورح تيجي هي وجوزها وولادها ليشاركونا العرس
اليوم الإتنين
طلعنا سوا انا وامي وشهم وعمتي نهى بسيارة
و منى وميرا ومعاذ معهم بسيارة تانية لنختار الجهاز
بالاول رحنا ع محل الذهب ويا حبيبي لكل يسأل فيه وانا ما عاد اعرفت اخترا عصبت بنص المحل
طيف.هفففف خلص زهقت انتو اختار
نهى.لك هني الك
طيف.خلص هي احترت طقم وسوارتين وخاتم ودبلة وحلق شو كمان
منى.اي بس تنسيش مهرك مو متل العرايس يلا اختاري
طيف.خلص مسامحتو بديش زهقت ونا اتفرج
شهم.حبيبتي ما بنفع هاد حقك
طيف.والله زهقت يا امي
ام عاصم.طيب يعني متاكدة ما بدك
حكيت ونا طالعة لناح الباب
طيف.اي خلص انضغطت بكفو
شهم مسكني من ايدي ورجعني
شهم.اقعدي هون وارتاحي هرموناتك اليوم قالبة اعداداتك
وقف شهم وامي والبنات وعمتي يختارو ويا امي شو كل هاد هاد الزلمة مجنون عم يشتري هالقد دهب والله منا سائلة خلصص لليش كل هاد
نهى.اي والله هاد بجنن شو رايك طيف
شهم.تساليهاش خلص حطيه بعد العرس بتبدل شو بدها
ام عاصم.ابني حبيبي والله بكفي مو ضروري كل المهر
شهم.لا كيف خالتي الحمدلله الله منعم
كان الصايغ مكيف وهاد الغبي عم يشتري ويحط.تقول بشتري جوز ولوز مو
................
خلصنا من فقرة الذهب ورحنا نجهز تياب
اشتريت عبايات حلوين مشكلين شي اسود.شي زهر شي كحلي
واشتريت بيجامات ،وبلاطين جينز.وبلايز وفساتين مشكلة
ورفعو ضغطي اما فاتو ع قسم اللانجري اتخيلو انا البس هيك قدامه لا وقدام شهم وليي همول اصلا ليش عملوهم ما همي وقلتهم واحد ام عاصم.شوفي هاد حلو
نهى.يييي هاد بلمع بجنن وبناخد معه كعب ريش
طيف.ريشش شو شايفيني حلو عني بديش هدول الشغلات
ميرا.طيف مش وقت هبلك انتي عروس
طيف.امي كيف بدي البسو قدام ابن اختك بتتخوثي بتقبليعا انا البس هيك قدامو
عمتي نهى ضربت راسها بايدها
نهى.يا غبية انتي عرووس
منى.تردوش عليها اختارو كم.قطعة مرتبة
ام عاصم.ياخوفي ترجع تاني يوم مطلقة هاي
نهى.منيح انه عريسها شهم
حرقت من حكيهم اي والله بخجل وطلعت اركض لبرا
كان شهم ومعاذ واقفين بشربو قهوة
شافني شهم.واجى عندي
شهم.ايش مالك ي بنتي هيك طالعة ركض احكي
طيف....
مسك ايدي واخدني عالاصانصير دخلنا ووقفه التفت انه ما في كاميرات ورفع النقاب
كانو عيوني مدمعين وحمر حمر
شهم.لكك شبك احكي مالك ليش هيك عم تبكي ي بنتي
طيف.هلق انت رح تخليني البسهم
شهم.ايش همي؟
طيف.اشترو شغلات ما بتنلبس ومو نظامي ينلبسو قدام حدا همي اصلا مو لبس كلهم خيطان وشيفون
شهم.ههههههه عشان هيك عم تبكي
طيف.عم بحكو برجع مطلقة لو ما لبستهم
ضحك ضحكة عالية ومسح وجهو مسكني وققربني عليه ورافعلي راسي بايده من دقني واطلع فيني
شهم.انتي مو حابة تلبسيهم
طيف.لا ما بدي
شهم.ليه
طيف.يخجل
شهم.هههههههه.تمام خلص ما بدك تلبسيهم لا تلبسيهم بس خليهم يجيبوهم تمام
طيف.يعني ما رح.تجبرني
شهم.ههههههه لا ما تخافي وازا بدك ضلي بالعباي بس هلق اهدي وروحي وسايريهم تمام؟
ما بعرف كيف اجى عبالي وقف ع رجليه وبسته ع خدو
طيف.شكرا
طيف .شهم
طيف.شهم!!
اخخخ وين شهم اصلا، شهم ذاب ،شهم اتبخر من هالبوسة
مسكتو من اييديه وهزيته
شهم.اي
طيف.شبك
شهم.لك انتي عارفة شو عملتي فيني اخخ متى الخميس بدو يجي
طيف.يلا نطلع
شهم.يلا
....................
كل الامور كانت ماشية عالتمام، رحنا وربدتبنا المسا الجهاز بالبيت وبعدها الا الشباب يعملو حفلة وكمان مع وصلة خالتي من السفر
خالتي كانت علاقتها هي وشهم قوية خصوصي وقت ترك الضيعة
وصلت هي ومعها شبين وبنت رامي وايمن وهبة
............................
(منى)
كنت ماشي مستعجلة قبل يروح عليه شي من اللمة والحفلة يلي عاملينها
ركضت من بيت ابوي بلال لاوصل بيت جدي
عم بركض وفجأة خبطت بحد ما كنت عارفة مين هاد وقعت عالارض شفت خلققتو بس ما عرفتو حقققييير حتى ما عبرني ولا اتاسف ولا ساعدني
منى.حقير واطي مين هاد العمى
قمت ونفضت حالي ومشيت وانا معصبة
.............................
اليوم الأربعا حفلة حنا الشباب الاجواء كانت بالتوب والكل هناك نسوان وشباب الا انا تركوني مع ميسرة ونوال ومنال لحالي ولا اني عروس قال العرس ممنوع تروح وتحضر
بس هالقوانين مو عليه مسكت تلفوني ورنيت لشهم رنيت يمكن خمس او ست مكالمات اكيد مو سامع الاخ بدبك ولا عريس
بعد شي ربع ساعة ونا معصبة وباكل شكلاتة رن حضرة جنابو
طيف.خير شو بدك
شهم.شو حبيبتي كاينة رانة
طيف.بديش ياك
شهم.شو هالهبل هاد.طيف
طيف.ئي انت عم ترقص والكل هناك مبسوط ونا مقبورة لحالي هون قال عروسس ممنوع
شهم.عشان هيك معصبة
طيف.اييي
شهم.طيب البس هيني جااي اوخدك
طيف.قول والله طب وسيدي وستي
شهم.انتي شو بدك يلا
نطيت من فرحتي وانسيت افصل حتى
لبست عبايتي ونقابي ورحت عاالباب،اجى يقبر قلبي بالسيارة لابس بنطلون كحلي وقميص ازرق سماوي فاتح وعليه فزت كحلي طقم للبنطلون نزل من السيارة وانا لسة واقفة عالدرجات يلي عند الباب
شهم.شو يا بنوتي زهقتي لحالك
خبطت رجلي بالارض وحكيت.اي كلكن.هناك ونا هووون محبوسة
شهم.ههننهههههه كلو ولا تعصبي
قرب مني وحملني
طيف.لك نزلني يا مجنون
فتح باب السيارة وركبني
شهم.ههههههههه اي شو جاهزة بكرا تصيري مدامتي
طيف.شو هالحكي شهم
شهم.بالله وشو احكي يعني بكرا زي هالوقت بتكوني بحضني
طيف.رجعني بطلت روح
شهم.هههههههههه اي متل هالوقت بتكوني بحدي وعم فكلك الفستان اويلي بكرا طيف بين ايدي
طيف.شو هالحكي هاد
شهم.بالله ولا شو احكي لك مكتوب كتابنها وبكرا هيك.عم تتلوي بين ايدي والله ما برحمكك
طيف.لككك شهممممم
صار يزمر بالسيارة وعامل زفة لحالو
شهم.ولك روحو روحو لشهم هههههههه يلا انزلي عند.نسوان ورا وقفي يلا
رحت عند.نسوان
هبة.لك شو جابك ما تشوفك ستك لك ممنوع
ميرا.مين جابك
طيف.شهم
نهى.وكيف اقنعتيه
طيف.بس قلتلو تعى خدني وهو حنون طوالي اجى اخدني
ختام.هاد العشق اما بلا
.......................
(منى)
الشب يلي ضرب فيني الحقير عم يدبك مع شباب قرف يقرفو مش طايقو بس مين هاد
منى.مين.هاد يلي واقف بعد ياسر
رؤى.مو من عنا اول مرة بشوفو
منى.ونا كمان ابصر
............................
اليوم الخميس اليوم المنتظر
ما خليت حدا يدخل يزين البيت زينتو ع كيف ورشيت ورد وحضرت كلشي بنفسي فيه ل حبيبة قلبي
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```