الفصل الرابع والعشرون
رواية قلبي هاجر اضلعي .. هرب مني اليك : الفصل الرابع والعشرون :
يزيد:دكتور انت بترد ولا بدفنك بمكانك
الدكتور وعلامات الاسف الي بانت ع وجهه
خالد نبضات قلبه بدت تدق
التفتو للصوت الي جاهم
السيستر : انسه ميس فاقت من الغيبوبه
ام فيصل سجدت شكر والكل يحمد ربه
ملك طالعت الدكتور وراحت له
ملك : تكلم فيصل صحي صح
الدكتور : نحنا سوينا كل شي بنئدر عليه بس ربك هو الي كاتب هالشي وم نقدر نعترض ع حكمه وقدره
ملك بخوف : يعـ ـني شنو؟
الدكتور : يعني الله يرحمو ويصبر ئلوبكن
الشباب كانت عيونهم ع الدكتور ومنصدمين
ام فيصل بكت واعتلى صوتها : يمه ولدي ولدي راح حبيبي راح
ملك ابتسمت : كذااب انت ادري يعني هو بخير بس تبي تخوفني انت ادري
مسكت معطف الدكتور
بسام سحبها
ملك صرخت فوجهه : وخخخخررر بسسسام خليني اتفاهم معاااااااهه
خالد : لا إله إلا الله
مُراد : لا حولا ولا قوة إلا بك يالله
ملك تصارخ : شلوون تكذذذب انتووو ايشش م تحسونن انتو ليش دكاتره مو عشان تساعدون المرضى وين فيصل وينه ابي اشوفه
سابها بسام ودخلت الغرفه شافته مغطينه بالشرشف الابيض
جلست تترتجف وحطت ايدها ع الشرشف
وسحبته
شافته هو
مبتسم ووجهه منور
ملك حطت ايدها ع خده
ملك : فيصل قوم فيصل يالله قوم شوف بنزوجك انت الحين دورك انا وعدتك وانت وعدتني تتزوج والحين تروح -ابتسم- ليش تروح خليك معاي حلوه الحياة انا ابيك تكون معاي وحتى برجع عندكم مو رايحه مع بسام قوم قوم يالله وتسحب ايده
بس م تشوف منه اي ردت فعل
ملك تبتسم وتبكي بهاللضحه : شوف ترا بشيلك وتكسر ضهري عادي اكسره بس قوم معاي يالله لاتستعبط فيصل الله يخليك قوم
بدت تنهار وتحاول تعيش الواقع وتتقبل الحقيقه
مسكت ايده : تكفى قوم قوم ي اخوي ي سندي قوم لاتروح ابيك تكونن جنبي م ابيك تروح عني ابيك تكون معاي بالحلوه والمره قومم ي فيصصصل قوم وحارب موتك ... انت ما مت صح مامت ادري تبي تخوف قلبي عليييك قوم يالله خلاص مسامحتك خلاص قوم
شافت الايد الي انحطت ع كتفها
بسام : ملك خلاص
ملك طالعته : يكذب هو قالي يكذب مامات ولا شي شوف حتى يبتسم
بسام غمض عيونه ونزلت دمعته
ملك حطت ايدها ع خد بسام
ملك : ليش انت تبكي بعدفيصل مامات بسام لاتبكي
بسام نزل راسه
ملك بكت : الله يخليك قوله يرد قوله يرد م ابيه يروح
بسام ضمها ويحاول يطلعها من المكان
بس هي كانت تصارخ
دخلت السيستر وبدت تششيل الاجهزه الي مشبوكه ع جسم فيصل
ملك بصراخ : ليش تشيلنهم ليش خليهم عليه لا يموت
بسام ضمها : خلاص ملك تعالي معاي
ملك تحاول تبعد عنه : وخررر عننننننييييي لاتحاكيني فيييصللل قوم فيصصصل قووومم
----------------------------
سمعت صوت ضجه بالسيب المجاور شالت الاجهزه الي عليها بقوه وسحبت الأبره وطاحت ع الارض وقفت ومشيت بتعب لحد الباب واسندت يدها ع عربية المغذي الي ب ايدها وجلست تمشي بالروب الوردي
طلعت من الغرفه وقلبها ينبض
ميس : هذول البنات والشباب
طالعتهم وكانو معطينها ضهرهم ومنهارين
وصوت ملك الي بالسيب
طالعتهم بصمت
تشوف امها الي منهاره وعندها البنات يهدونها
تشوف بسام يوم طلع ملك وهي تصارخ وتبكي
يزيد الي مصدوم وحوالينه الشباب
ميس بصوت هادي : فيصل
بس محد سمعها
ميس : فييصصصللللل شفيييييييههه
سكتو كلهم وطالعوها
يزيد طالعها ووقف ومشي بخطوات هاديه وراح لها
ميس : ليش تبكون
السيستر راحت لها : ميس لشو طلعتي امشي معي بالغرفه
ميس مدت ايدها تجاه السيستر وبصراخ : وخرررري عني لا تلمسيني
السيستر تنهدت واتصلت ع الدكتور
يزيد ضمها وبكي
ميس تحس ب دموعه
ميس : ليش تبكي يزيد
يزيد : راح ي ميس راح
ميس حست بالدم الي وصل لراسها والضلام الي حاوط عيونها بس بهاللحضه
طاحت وصوت طيحتها عج بالمستشفى
السيستر نزلت لحدها وحطت ايدها ع راسها وجو الممرضات وساعدوها عشان ينقلونها للغرفه
يزيد كان طايح ع الارض وباقي يبكي
نزل لعنده مراد وارتفع قميصه بهاللحضه
وبان ضهره شافته روان وصدت عننه
وانتبهت للي ف ضهره -الوحمه-
مُراد : يزيد استهدي بالله وقوم
سند يزيد نفسه ع مُراد ووقف وضمه وجلس يبكي
ملك اخذت مهدئ عشان نفسيتها
انتشر الخبر ف كل مكان ف الصحافه
الكل كان حزين
فيصل بالنسبه لهم الثاني من بعد الوليد
انسان طموح وشخص حنون طيب يحب الخير
ويساعد الكل ف كل شي
----------------------------
فتح عيونه ع صوت فونه طالعه
19 مكالمه
اغلبها من خالد وباقي الشباب
تنهد وطالع السرير بس م لقيها موجوده
طالعه الساعه 8:40مساءً
اخذ فونه
الوليد : خير اللهم اجعله خير
ورد
الوليد :هلا مُراد
مُراد : اتصلو عليك الشباب لين عجزو
الوليد : كنت ناييم المهم شنو فيه عسى خير
مُراد بحزن : الوليد فيصل ولد عمك!
الوليد : اي شفيه
مُراد وصوته مخنوق : اعطاك عمرهه
الوليد جلس مصدوم وبعد لحضات : اكلمك بعدين مُراد
قفل الخط وطاح فونه ع الارض
منصدم
دفن ايده بشعر راسه
الوليد : توفى
انفاسه بدت تضيق
طلع من الغرفه ووجهه مصدوم
صادفها بطريقه واقفه وتطالعه بصمت
ميان -بسم الله شفيه وجهه مسود كذا-
جلس ع الارض
ميان شافته طاح ع الارض
حاولت تمشي بخطوات سريعه
وجلست قدامه ومدت رجولها ع جنب
الوليد حط عينه بعينها
ميان شافت اللمعه الي بعيونه
ميان بصدمه : انت تبكــ.ـي!
الوليد اكتفى بالصمت ولا يرمش م يبيها تشوفه بهاللحاله وقف
مسكت رجوله
ميان : وين بتروح وانت كذا
الوليد رفع راسه
ميان حطت ايدها ب ايده واسندت تفسها عليه ووقفت قدامه ورفعت راسها له
ميان : الوليد شفييك
الوليد طالعها ودفن راسه برقبتها وضمها
ميان منصدمه منه
جلس ع الارض وجلست معاه
الوليد : توفى
ميان بخوف : مين !!!
الوليد : فيـ فيـصل!!
ميان : شنوو متى !!
الوليد بحزن : مدرري
ضمتها بدون م تحس
ميان : الله يرحمه والله يصبر قلب اهله
الوليد : شلون مات
ميان سكتت
اخذ فونه الي بجيبه
واتصل ع مُراد
شاف المكالمه
رد مُراد
الوليد : مُراد شلون مات
مُراد : حادث
الوليد : معاه احدد
مُراد : اخته
الوليد : زوجة بسام؟
مُراد : لالا الثانيه
الوليد : اها ميسس
مُراد : اي بس هي فاقت من الغيبوبه
الوليد : كيف صار الحادث
-تسمع صوته ايه هو نفس صوت وسام ميان شتقولين انتي مجنونه وسام مات مسحت دمعتها الي طاحت ع خدها-
مُراد : قصه حيل طويله بس هو مات من واحد قاصد موته
الوليد : يصبر علي هالشخص ؟ مسكته الشرطه
مُراد : ايييه
الوليد : بصييير خير
مُراد : يترد السعوديه
الوليد : اكيد ان شاءلله
مُراد : بالسلامه
الوليد : الله يسلمك يالله باي
مُراد : باي
قفل فونه الوليد وطالع ميان
ميان شافها تفكر
الوليد : مييان!
ميان طالعته ومسحت الدمعه الي ع خدها
الوليد : شنو فيك ؟
ميان: مافيني شي بس حزنت ع فيصل الله يرحمه
الوليد نزل راسه
ميان : الوليد ادعي له باالرحمه
الوليد : ليش تتعاملين معاي كذا
ميان : م فهمتك
الوليد : ليش تعامليني كذا تهديني وتصبريني
ميان : بس يعني عشان انا كذا لما اشوف شخص منهار اساعده
الوليد : بس انا م سببت لك غير
ميان حطت ايدها ع فم الوليد: خلاص اسكت بترد السعوديه
الوليد : اي برد
ميان : تمام ، ... بتطول؟؟
الوليد : ايام العزا الثلاث
ميان بحزن : اوك
الوليد وقف ورفعها معاه وراح داره وهي راحت غرفتها
حس بقلبه ينبض يوم جات عينه بعينها وشلون شاف فيها سما بعيونها لمعه حس انه طار بسماها حس بحنية وطيبة قلبها
اخذ شنطته واتصل ع علي
علي : سم طال عمرك
الوليد :علي بطلع الحين للسعوديه
علي : شلون م حجزنا لك؟
الوليد : زبط الوضع ساعه واطلع المطار
علي : ابشر طال عمرك
قفل فونه وجلس ع الاريكه
ينتضر اتصال علي
بعد لحضات كلمه علي وقاله يتوجه ع المطار
طلع وتذكرها كيف بتاكل وكيف تدبر امرها
بضروفها الصعبه الي تتعايشها هالفتره
صحيح مقهور منها بس في شي بداخله
يقول -انتبه لها وان خسرتها بتندم طول عمرك-
حس في شي يشعر فيه تجاهها وده يجلس عندها م وده يرجع السعوديه خايف علييها
بس بنفس الوقت خايف يصير فيها شي من العصابه
طيب انا ليش خايف انا ابيها تموت شلون خايف
بس ي الوليد هذول اشرار يمكن يسون لها شي
تنهد وراح للغرفتها
لقيها جالسه تطالع البرندا
الوليد : انا برووح!!
ميان : الله معاك
الوليد : لاتطبخين شي عشان م تحرقين نفسك
ميان ابتسمت ب الم : عادي معاد تفرق
الوليد : انتبهـ .. باي
ميان : باي
والتفت ع البرندا
الوليد -انا كنت بقولها انتبهي لنفسك اشوا اني مسكت لساني-
طلع من القصر وكلم الحراس بتشديد الحراسه
توجهه ع المطار وطلع بطيارته الخاص وتوجه ع السعوديه...
-------------------------
مرت الايام
يوم
يومين
وثالث ايام العزا
الساعه 10:30 م
الكل راح معاد فيه غير العائله
ميس بالمستشفى باقي م طلعت
ملك هديت شوي من تأثير الصدمه
يزيد وام فيصل بعد هديو من تأثير الحزن الي مداهمهم
ميس كانت تبكي كل يوم بالمستشفى
بسام وملك ويزيد وام يزيد باقي بالصاله جالسين
بسام : شرايكم نطلع نغير جو
ام فيصل : خذ يزيد وملك وروحو انا مالي حيل
بسام : كلكم نروح كوفي نتونس شوي
ملك بصوت تعبان : انا م ابي!
يزيد : ولا انا
بسام : امم طيب شتبغون تاكلون اكل
ام فيصل : الي يجي منك يمه خير
يزيد : مو مشتهي شي
ملك : ولا انا
بسام : بيتزا تكساس كريب باسته ها ؟ ولو في البيك جبته بعد هههههه
ملك : طيب انا ابي بيتزا
يزيد : وانا ابي حلى كريب
بسام : وعمتي الحلوه!
ام فيصل : الي تاكلونه باكله معاكم
بسام : ابشرو
اخذ فونه وطلب المنيو كله عشان ياكلون م اكلو شي من ثلاث ايام
وصل الاكل بعد نص ساعه
واكلو بعد محاولات من بسام
ورجع بسام لبيته وخلى ملك عند اهلها
---------------------
صباح يوم جديد
الساعه 5:59 م
بالمستشفى
سمر : ميس كُلي
ميس : مو مشتهيه ي سمر
سمر : شلون مومشتهيه لك كم يوم م اكلتي شي
ميس : سمر قلت خلاص م ابي
سمر تنهدت وطالعت ميس بحزن : شنو انتي بس فقدتي اخوك كيف انا ي سمر امي واخوي بيوم واحد
طالعتها ميس بحزن وطبطبت ع يد سمر
ميس: الله يجمعنا وياهم بالجنه
سمر : انا م اسكت ع عبدالله مراح اسامحه والله يعدمونه قريب
ميس : ولا إحنا راح نسكت بنطالب فيه اعدام
سمر تنهدت ونزلت راسها
ميس : سمر انتي عايشه الحين مع منو
سمر ابتسمت : امم لحالي
ميس : شلوون لحالك؟؟ وين اهل ابوك وامك؟
سمر بحزن : اهل بابا ماتو من زمان يعني بابا وحيد امو وابوه
ميس : اها الله يرحمهم واهل امك
سمر : اهل ماما م اعرف عنهم شي من يوم جيت ع هالحياه
ميس : غريب
سمر : اي يعني عشت العزا لحالي مع جيراننا بنفس العماره
ميس : طيب شنو بتسووين الحين
سمر : كيف يعني شو بسوي
ميس : الاكل الشرب العيشه لحالك م تملين
سمر : م اكذب عليك بس الحمدلله يعني كنا نستلم باشهر 2000 ونعيش عليها والعيش لحالي امم طفش صح ووحده بس عادي يعني بتعود
ميس: انا بعرفك ع اقاربي ويصير ترووحين وتجين عندنuا
سمر : اي عادي نفسي يكون عندي اصحاب
ميس : ليش انتِ م عندك اصحاب؟
سمر : امم لا كل م يعرفون اني اخت فهدالله يرحمه يبعدون عشان فهد كان شخص الله يسامحه ويرحمه ويغفرله ذنبه مو كويس يخافون مني
ميس ابتسمت : هو تاب وبأذن الله تقبل توبته
ثواني دخل يزيد وسمر حطت حجابها ع راسها
يزيد طالعها وبدت ملامح الغضب تبان ع وجهه
يزيد بصوت شبه عالي : هاااااذي شتسويي هنا
ميس طالعته بصدمه: يزيد هاذي ضيفه
يزيد : مالك شغل ميس وانتي قومي اطلعي برا م ابي اشوف وجهك مرا ثانيييه
ميس منصدمه من يزيد
سمر طالعت ميس وابتسمت وعبرتها خانقتها بس م تبي توضح انها ضعفت
سمر : م عليه ميس حبيبتي اشوفك قرريب ان شاءالله
ميس غمضت بعيونها ومسكت يد سمر : اعتذر
سمر :حصل خير
طلعت من الغرفه ودموعها ع خدها مشيت بخطوات شبه سريعه وضربت بشخص وطاحت
*****/ اسف اختي
سمر وقفت ونفضت عبايتها : م عليه حصل خير
كملت طريقها وركبت تاكسي وراحت للبيت
عند ميس
ميس : يزيد انت مجنون شلون تسوي كذا
يزيد : م عليك منها
ميس : شلون م علي منها يزيد ليش سويت كذا
يزيد : لان كل م شفت وجهها اتذكر اخوها
ميس : وش فيه اخوها الله يرحمه
يزيد : مو صاحب الحقير عبدالله
ميس : انت صاحي اخوها مات عشان يدافع عن فيصل ويحاول ينبهه
يزيد : حتى ولو الاسم انو صاحب عبدالله
ميس : عبدالله الله يحرقه بجهنم تهاوش مع فهد اخوها وفهد جاء ينبهكم بس عبدالله الي م يرحم ذبحه عشان يذبح فيصل
يزيد : خلاص اسكتي
ميس : البنت فقدت امها واخوها بيوم واحد لاعندها اهل يصونونها عايشه وحيده بين اربع جدران
يزيد :خلاصص قلللت اسسكككتتتي
ميس : ماني ساكته لين م تروح وتعتذر منها البنت كل يوم تجي وتجلس معاي وتسولف وحتى بالعزا جات وهي بعد كان عندها عزا امها واخوها بس م عندها احد يعزيها او يواسيها وهي تعرفت علي وصحبتها اشتريها
يزيد وقف بيمشي
مسكت يده ميس وبحزن : ضروف البنت صعبه لازم نوقف معاها ونساعدها مو نروح نزيد المها احنا فقدنا واحد وشوف كيف انكسرنا كيف هي فقدت ثنين غالين امها واخوها وخسرت حياتها لا اهل لا سند
يزيد تنهد وجلس
ميس : اعتذر منها وكلمها انت مو انا انا م توقعتك قاسي لهالدرجه ي يزيد
يزيد :خلااص بالوقت المناسب اكلمها
ميس : لاتطول تلاقيها الحين منهاره م تتحمل اي شي
يزيد : مدري بس تضايقت حيل من شفتها
ميس :مالها ذنب بكل الي صار
يزيد :ان شاءالله
ميس : كيف امي وملك
يزيد : بخير بس انتي متى كتبلك الدكتور خروج
ميس : بكرا ان شاءالله
يزيد : تمام ان شاءالله
____________________________
الصباح
الدمام
10:20
في قصر الوليد
كانو جالسين بالصاله
ام الوليد والوليد خالد وروان
ام الوليد : انت مطول يمه ف ايطاليا؟؟
الوليد : والله مدري عن شغلي بس اتوقع خلاص قربت النهايه -طالع روان-
ام الوليد : نهاية شنو ؟؟
الوليد : نهاية شغلي يمه
ام الوليد : الله يقوييك اول مرا تجلس كذا بالخارج
الوليد : اي يمه تعرفين بعد وفاة المرحوم كثر الشغل وزادت المسؤوليه
ام الوليد : انزين من يوم تخلص انا بخطب لك
الوليد تنهد : يمه انا قلت لك من قبل م ابي هالفتره وشلون بتخطبين لي وهالفتره يمر حزن ع العائله
ام الوليد : انت تأخرت يمه وبدو الناس يطلعون عنك كلام
خالد : اي صح طولت حيل
ام الوليد : اي يمه انت استخير ورد لي ترا بنت الناس جاهزه
الوليد : وانت بعد مختاره
ام الوليد : اي يمه ثنتين ف بالي وماودي يطيرون
الوليد : الله يرزقهم بالزوج الصالح انا م ابي
ام الوليد تنهدت : الله يهدي قلبك
الوليد : اسمع خالد
خالد : هلا
الوليد: انتو والشباب غيرو جو يزيد هالفتره اطلعو تمشو سوو الي تبونه وانتو ي روان انتي والبنات غيرو جو اخواته ميس وملك طلعوهم من جو الحزن الي هم فيه طلعو تمشو سوو الي تبونه بس غيروهم وانتي بعد يمه خليك عند ام فيصل كل يوم عشان م تعيش بحزنها ويمكن يتأثر ع صحتها
خالد : اي ان شاءالله
ام الوليد : اي يمه احنا اليوم متجمعين عندهم بنسوي جلسه لهم تغيير جو
الوليد -وقف- : الله بعطيكم ع العافيه ،يالله م ابي اتأخر ع الطياره
سلمو عليه وتوجه ع الطياره
--------------------------
**
--------------------------
دردشه واتساب
للتذكير - ريما هي ريمان-
مُراد : ريما
ريما : عيون ريما
مُراد: الله يسلمها
ريما : اي شنو بغيت
مُراد : بطلبك طلب واتمنى تقبلينه
ريما وقلبها بدا يزيد نبضات : امم طلب بحدود
مُراد : ابي اكلمك صوت!
ريما : لالا مستحيل
مُراد : ليش مستحيل ترا مقصدي شريف
ريما : مدري مُراد
مُراد : انتي م توثقين فيني ؟
ريما : مو حكاية ثقه ي مُراد بس!
مُراد : بس شنو؟
ريما : يعني مو متعوده اكلم واحد م اعرفه صوت!
مُراد : يعني انتي م قد حاكيتي احد قبلي!
ريما : انت اول شخص اكلمه بحياتي والاخير
مُراد حس براحه : كويس حتى انا م اذكر اني قد حاكيت بنات كثير
ريما : يعني قد تعرفت
مُراد : شوي مو كثير يعني بس مو العب اغلبهم م يعجبوني عشان كذا علاقتي م تضل معاهم طويل
ريما : يعني الي فهمته انت يهمك الشكل
مُراد : لا مو عن الشكل اقصد ان فيه بعض البنات يبغون يطلعون معاك كوفي مول شي زي كذا م يعجبوني هالفئات
ريما : اها اي حتى انا تبيع شرفها عشان شي عادي
مُراد : اي ف انا مستحيل اتزوج بنت وانا م اعرف عنها اي شي لازم نتكلم مع بعض كم شهر تعرف عني واعرف عنها اذا ارتحت لها ولتصرفاتها نتزوج
ريما : وإذا م ارتحت!
مُراد : ببعد عنها
ريما : مُراد ابعترف اني تعلقت فيك حيل
مُراد : وانا بعد تعلقت فيييك بس ان شاءالله م تكونين مثل باقي البنات
ريما : لا انا مو مثلهم انا احافظ ع شرفي وعرضي واول حاجه ديني وانا ارتحت لك حيل
مُراد : كويس
ريما : وان شاءالله تنتهي علاقتنا بشكل حلو
مُراد غمز : اي ان شااءالله
قفلت ريما الجوال ورمته ع السرير ودخلت تاخذ لها شور
--------------------------
طلعت من المستشفى وبيدها الشنطه
يزيد : حمدلله ع سلامتك
ميس : الله يسلمك يالله نروح البيت اشتقتله
يزيد : اي يالله
ركبت السياره وتوجهت للبيت
وصلت ولقيت اهلها سلمت عليهم وتحمدو لها بالسلامه بعد الاحضان الطويله
طلعت مع الدرج ومعاها يزيد
يزيد : يالله امشي غرفتك
شافها تطالع بدار فيصل
يزيد تنهد وحس فيها
ميس : مفتوح داره ؟
يزيد اشر ب اي مفتوح
ميس مشيت بخطوات ثقيله وحطت يدها ع مقبض الباب
فتحت وهب بوجهها الهواء وشوي من ريحته
اخذت نفس عمييييق
تنهدت ودخلت الغرفه وجلست تطالع فيها بصمت
وبكل مكان تتذكر لها ذكريات مع فيصل
ميس : هنا كنا ناكل وهنا كنت تجلس يوم تتضايق وهنا تلعب سوني وتزعج اهلي بصراخك وهنا نلعب مع بعض وهنا يوم تغير هدومك وهنا يوم كنا نلعب سوا
طالعت سريره ونزلت دمعه
جلست عليه واخذت المخده وضمتها بحضنها
دفنت وجهها فيها واستنشقت ريحته
انهارت دموعها وخلاها يزيد عشان كلهم عاشو هالموقف وبعده ارتاحو
--------------------------
الصباح
بدت توسوس من الشيطان
والف فكره وفكره تدور براسها وكلها شينه
طالعت نفسها بالمرايا
شافت جسمها الهزيل وجهها الشاحب معادت مثل اول
لبست جينزها والبلوفر الاصفر
سابت شعرها طايح ومبلول
ابتسمت ابتسامه حزن
-وسام ابراهيم هلا هههه بجيكم وم بطول-
اخذت ورقه ع الرف والقلم
وكتبت
- الوليد
انا احبك وحاولت امسك مشاعري تجاهك بس م قدرت
مع اني م شفت منك شي حلو وكل الي شفته منك انواع العذاب
بس احس من يوم اشوفك اني بخير وبأمان مع انك كل الشر انت
روحي تعلقت فيك وقلبي حفر اسمك بداخله
الوليد انت بداخلك انسان طيب بس تتصنع الشر انت حنون
وابيك تعرف بشي
ابوي مستحيل يسوي ب ابوك كذا بس م فيه شي يثبت لك صدق كلامي
انا انتهيت خلاص
انا احببك بدون م احس ع نفسي
انا مسامحتك وقلبي مسامحك عكس عقلي
انا م ابي اعيش كذا ادري انك انت الحين تقرا كلامي وممكن تكون فرحان لأني استسلمت وبديت اموت بشكل بطيء مثل م قلت
بس انا اريحك وبتنتهي اللعبه من هاللحضه
احبك الوليد والله م عمري تعلقت بشخص كثرك
قاسي من خارجك ومن داخلك انسان طيب
باين بعيونك
شوف الي حولك وانتبه لهم
وانتبه لك انت بعد
ميان
دمعت عينها بدون م تحس
طبقت الورقه اكثر من مرا
راحت للمكتبه وحطتها عليه
-------------------------
في بيت ام فيصل
الكل كان متواجد
نوف : بنات يالله خلونا نلعب
ملك : انا م ابي!
ميس : انا تعبانه مالي خلق
ريماس : هه هه مو ع كيفكم والله
ريمان : اي كلنا نلعب ولا بلاشي
روان : طيب شنو نلعب
نوف : ي ليت واحنا جالسين لأني حامل ومالي خلق
روان : اووك بس شنو نلعب
نوف : تحدي صراحه جرائه اي شي
ديم : اممم مدري احسها سخيفه
نوف : صح سخيفه بس م فيه غيرها
روان : اوك يالله يالله نسوي دوريه
وجلسو البنات بشكل دائري
---------------------------
ابتسمت وطلعت ع البرندا المطله ع الحديقه
حطت الكرسي ووقفت عليه ببرود ولا كأن تحتها هاويه
الهواء يضرب بشعرها المبلول وتحس بالبراد
تقشعر جسمها
طاحت دموعها ع خدها
-خلاص بروح ي ميان
انا تعبت م عاد فيني اكممل-
طالعت تحتها وغمضت عيونها
وتسمع صراخ البودي قارد الي يحاكيها
Please do not do Please do not do
-ارجوك لاتفعلي هاذا 2-
اخذ فونه واتصل ع علي
علي : yes?
البودي قارد: The girl inside the palace wants to commit suicide
الترجمه -الفتاة التي بداخل القصر تريد ان تنتحر -
علي : what ? -ماذا-
البودي:I do not know what I will do
ماذا علي ان افعل
علي :
Well I'm on the way to the palace talking
to her until Mr. Waleed comes
-حسناً انني في الطريق إلى القصر تحدث معها إلى ان يأتي السيد الوليد -
البودي : ok
---------------------------
علي : سيارتك واقفه برا طال عمرك
الوليد : اي يالله خلينا نتوجه للقصر
علي "اقوله ولا اسكت لا خليني اقوله احسن": استاذ
الوليد : شفيك؟؟
علي : تو كلمني الحارس ويقول ان ...
الوليد : تكلم كممل!
علي : ان زوجتك بتنتحر والحين بعد
الوليد بصدمه : ميان!!!!
علي : اي طال عمرك وانا قلت يكلمها يشغلها لين م نجي
الوليد بصراخ : بسرررعههه اسرررع وانت تمشي ع مهلك
علي : حاضضر طال عمركككك
-----------------------------
.