الفصل 12
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵* *كتفيت.بك.وطناً.tt* ♥️
*❴🔢❵☟الـــبـــــــــــ❴6️⃣1️⃣+7️⃣1️⃣❵ــــــــــــارت☟*
➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
أمير: وقرر يتصرف بالاوراق إللي عنده لحتى يبعدني عن طريقه وصاروا الأمن يبحثوا عني بكل مكان اتخبيت منيحة كان بكل يوم يزيد اصراري على الانتقام منه
روز: وليش ما حاولت ترجع للفرع وتحكي كل شي
أمير: هه مارح يصدقوني أو حتى إذا صدقوني مافي معي دليل ضده بينما هو مقدملهن أثباتات ضدي لهيك قررت امشي بهاد الطريق لحتى اقدر اتقرب منه وأنتقم لما يصرلي مجال وهو ما بيعرف إنه أنا هو الملثم ماكان عندي حل تاني لأثبت برائتي وأنتقم لأختي غير بهالطريقة وهلا عرفتي كل شي وجاوبتك على كل أسئلتك
****
روز طلعت من شرودها على صوت ملاك
ملاك: روووز لك وين صافنة إلي ساعة عم احكي معك وإنتِ بعالم تاني
روز: شبك شو صاير
إيمار طالبك لعنده عالمكتب
روز: إيمار؟!!! وشو بده مني
ملاك: والله علمي علمك يلا انا عندي شغل
روز: طلعت على مكتبه وقلبها بيخفق بسرعة مشتاقتله كتيير وبنفس الوقت مو قادرة تتطلع بعيونه وتفسر نظراته المعاتبة، دقت الباب ودخلت لعنده، صباح الخير قالولي طلبتني
إيمار: حكى وعيونه على الملف إللي كان بيشتغل عليه، أتفضلي أرتاحي
روز: قعدت وضلت ساكتة منتظرته يحكي
إيمار: خبرتني ديمة إنك حققتي بقضية القتل إللي أستلمناها قبل يومين وقلتي إنه نحنا اعتقلنا الشخص الغلط ممكن اعرف السبب وشو إللي إنتِ عرفتيه ونحنا غفلنا عنه
روز بثقة: بكل بساطة إنتوا ألقيتوا القبض على الشخص البريء وتركتوا القاتل يسرح ويمرح طبعاً القاتل ذكي كتير وعرف يحبك جريمته صح بس إذا دققنا اكتر بالأدلة رح نشوف إنه المجرم أستخدم إيده اليسار لما طعن الضحية والشخص إللي عندنا بيستخدم إيده اليمين وما بيقدر يتحكم بإيده اليسار وعرفت هالشي لما قابلته وأتأكدت من شكوكي
إيمار: كلامك منطقي جداً بس ماكان في بموقع الجريمة غير الضحية وإبنه والمعتقل إللي عندنا ( اتطلع على روز بصدمة ) إبنه ،، معقوول!!!!
روز: تماماً أنا بشوف الابن المشتبه فيه الأول ولازم نسحبه للتحقيق
إيمار: هلأ بغض النظر إنه بكون قاتل أبوه بس الولد صغير يادوب عمره ١٥ سنة
روز: نحنا ما بنعرف السبب بس مافي غيره لازم نحقق معه لانه يكمن نظلم شخص بريء
إيمار: إنتِ رح تستلمي هاي القضية روز وأعتبريه أختبار لألك وأنا واثق من قدراتك واجتهادك بعملك
روز بفررح: شكراً كتيير على ثقتك فيني وإن شاء الله رح أنجح بهالاختبار وكون عند حسن ظنك فيني
إيمار بجدية: ماعندي شك ، قاطعه دخول العنصر على مكتبه
* سيدي في مرة ومعها طفلة برا وطالبة تشوف المحقق روز
روز: تشوفني انا! !!
إيمار: خليها تدخل
* بأمرك طلع من المكتب وبعد لحظات دخلت المرة والبنت لعندهم أبتسمت روز: إيلا
إيمار رفع عيونه ليشوف مين إللي دخل بس أنصدم صدمة العمر وحس حاله بطل قادر على الحركة
ونفس الشي نور إللي أختل توازنها واتجمعوا الدموع بعيونها كيف هيك شو هالقدر إللي قدر يجمعهن لعد كل هالسنين نظرة وجع وقهر وعتب وشوق نظرات غامضة بين التنين
إيلا قدرت تقطع هالصمت لما ركضت بإتجاه روز وحضنتها ومدتلها بوكيه الورد المشكل إللي كان بإيديها تفضلي هاي الك لأنك ساعدتي مامي
روز: إلي يا حياتي شكراً كتيير هاي ألطف هدية بتجيني ، أهلاً وسهلاً نور
نور حاولت تتمالك نفسها: حبينا نتشكرك انا وإيلا على وقفتك معي
روز: العفو أنا ما عملت شي اي حدا مكاني كان عمل نفس الشي
أنفتح باب المكتب ودخل كريم وهو عم يحكي
كريم: إيمار شو صار ب....... ضل واقف مكانه ومصدوم لما شاف نور بالمكتب اتطلع على إيمار إللي كان ضايع وساكت حكى بهمس نووووور
نور نزلت راسها وما حكت
كريم: عفواً رح أرجع بوقت تاني طلع من المكتب وحط إيده على تمه من الصدمة ; مصييييبة والله مصيبة
ديمة من وراه: شو هي المصيبة؟
كريم: والله يا حبي شكلها المديرية رح تنفجر كمان شوي
ديمة بخووف: شوووو تفجير شو كريم لا تجنني
كريم: لك تفجير شو إنتِ التانية لوين راح فكرك تعالي معي هلأ بشرحلك بعيد عن هون
بعد لحظات طلعت نور مع إيلا من المكتب طلعت مسرعة وعم تمسح دموعها كان بدها بس تغادر هالمكان بسرعة واول ما صارت برا لحقها إيمار ووقفها
إيمار: نوور
نور: وقفت مكانها فوراً مسحت دموعها والتفتت لجهته وهمست : إيماار
إيمار بغضب : شو رجعك بعد كل هالسنين نور ليش طلعتي بطريقي من جديد لشو عم تخططي شو بدك مني لسا
نور: أنا ماكنت متوقعة إني شوفك هون بعتذر إذا دايقتك
إيمار: ههه بتعتذري ؟ و وين بتصرفيها هاي درتي ضهرك وتركتيني بنص الطريق هيك فجأة لقيت ورقة الطلاق قدامي هربتي بدون ما أعرف شو السبب تركتيني بحيرة ضليت سنين عم حاول أعرف بشو غلطت أو بشو اذيتكنور: كنت مجبورة صدقني خليني اشرحلك
إيمار: لا تشرحيلي شي نور مابدي اسمع منك حرف ولا بدي شوف وجهك مرة تانية أنا كرهتك بنفس القدر إللي كنت حبك فيه لهيك لا تطلعي قداامي مرة تانية
اتطلع على الطفلة إللي كانت متمسكة بتياب أمها من الخوف مشي وتركها منهارة وعم تبكي
ركب سيارته وصار يسوق متل المجنون
كان اللقاء موجعاً معاتباً جارحاً ...... ولكنه دون شغف لقد فقد رونقه .... لم يعد قلبي ينبض حين أنطق أسمك ولا عيني تلمع عند رؤيتك
نعم لقد أصبح لقاؤك موجعاً أكثر من غيابك .
……………………
روز: طلعت من الفرع وراحت على بيت الضحي لحتى تحقق بالقضية إللي أستلمتها من إيمار رح تنجح بس لحتى تثبتله إنها قد هالمسؤلية
اما عند كديم وديمة إللي كانوا قاعدين ومصدومين
ديمة: عنجد موقف صعب كتيير لإيمار يعني هو هلأ عاش صدمتين متل بعض
كريم: اول مرة لما تركته نور وتاني مرة روز الله يستر
__
رجعت نور على البيت وصارت تبكي بحرقة وإيلا قعدت جنبها وصاروا ينزلوا دموعها وهي خايفة
طلعت صديقتها ندى من جوا وشافتها بهالحالة
ندى: نور شبك شو صايرلك ليش عم تبكي
نور: اتطلعت على إيلا وسكتت
ندى: راحت لعند ايلا وحضنتها: حبيبتي بتعرفي إنه جبتلك أكلات طيبة موجودة بالمطبخ روحي شوفيهن
طلعت ايلا وهي عم تمسح عيونها أما ندى قربت لعند نور : عم أسمعك
نور: شفتو اليوم
ندى: مين … إيمااار
نور: ما كنت متوقعة إني التقي فيه بهالسرعة ماكنت بعرف إنه قلبي رح يوجعني هيك أنا ضايعة كتيير ندى ليش هالحياة قست علي هيك عم يوجعني قلبي والله لما بتطلع بعيون إيلا عم حس بعذاب الضمير لأنه ما بضمن إذا بدي ضل جنبها لبكرا
ندى: حضنت رفيقتها وصارت تبكي معها: لا تحكي هيك نور لا تقطعي أملك بالله شوفي إيلا كيف خايفة وهي عم تشوفك بهالحالة لازم تكوني قوية مشانها لازم تقاومي ، طيب قدرتوا تحكوا
نور: لأ صدني ومان قاسي معي كتير بالحكي ما عطاني مجال برر او أحكي قلي بكرهك ولا تطلعي قداكي مرة تانية معقول قدر يكرهني لهالدرجة صح أنا إللي تركت بوقتها بس لازم يسمعني
ندى: حبيبتي بكفي بكي وزعل هلأ بتتعبي شو نسيتي كلام الدكتور يلا قومي معي لنشوف ايلا شو عم تعمل وبعمللك كاسة زهورات تروقي عليه
__
إيمار رجع على البيت بعد ما قعد مع حاله شوي كانوا قاعدين ريحان ولانا بالصالون مرق من جنبهم وما حكى شي طلع على غرفته وريحان عم تناديه بس كانه ماعم يسمعها
ريحان :إيماار ابني وقف شو صايرلك اليوم
لانا ضلت ساكتة خافت إذا اتدخلت تزعل منها ريحان بس سمعوا صوت تكسير جاي من غرفة إيمار ركضوا لفوق فتحوا الباب كان واقف إيمار وحواليه كل شي مكسر ومكركب
ريحان ركضت عليه ومسكت إيده : ابني حبيبي أهدى وأحكيلي شو صاير معك شوف إيدك عم تنزم، لانا جيبيلي عدة التعقيم بسرعة
لانا بتوتر: حاضر يلا ثواني وبجيبهن
ريحان : هاي اول مرة بشوفك بهالحالة أبني أحكيلي شو زاعجك يمكن اقدر خفف عنك
إيمار: مافي شي بيقدر يخفف من وجعي امي ولا شي
ريحان: ماقدرت تنساها ابني بالرغم من انها تركتك بنص الطريق وانت لهلأ عم تتعذب مشانها ياما حذرتك بس ماكنت تسمع مني
إيمار: لو حضرتك خليتيني عيش حياتي مع إللي بدي ياها وما اتدخلتي ماكان صار معي كل هالشي أمي، ماكنت عشت عذاب الفقدان مرتين
ريحان: هلأ الحق صار علي أنا والله أنا من خوفي عليكن ولمصلحتكن بعدين إللي بحب عنجد ما بيتخلى لو شو ماصار ، خلي هالحكي ببالك ابني لو بعرف هيك رح يصير معك ما كنت أتدخلت
إيمار: امي أنا حابب ضل لحالي شوي لو سمحتي مابدي أحكي بهالموضوع مرة تانية، طلع من الغرفة وصادف لانا على الباب
لانا: إيمار أستنى المعقم!!
إيمار كمل طريقة برا البيت بدون ما يرد عليها أاه أتصال من المقدم حسام
إيمار: سيادة المقدم
حسام: إيمار جهز تعزيزات بسرعة وخود معك الشباب أجتنا اخبارية عن مكان تسليم دفعة ممنوعات جديدة للمايستروا هاي فرصتنا وأنا حاطط كل أملي فيكن اليوم
إيمار: أنت متأكد سيدي؟ طبعاً رح نعمل المستحيل لنقضي على هاي الشبكة وانا ما رح أرتاح إلا لأقبض على المايسترو بإيدي وقدمه للعدالة
رجع للفرع بسرعة وطلب كريم وديمة وجمع تعزيزات أمنية وأنطلق على مكان التسليم
____
روز: رجعت على الفرع ومعها دورية امن نزلت ونزلوا معاها عنصرين مكلبشين شب صغير مراهق كان يبكي وخايف كتير
روز: شوفوا شغلكن و خلوه هون كم يوم ليخلص التحقيق
العناصر: حاضر
الشب: كان بيستاهل صدقيني كان بيستاهل الموت
روز: وقفت ورجعت كم خطوة لصارت مقابيله: رح نحكي بهالموضوع بس مو هون بغرفة التحقيق ورح نعرف وقتها شو إللي بيخلي الابن يقتل ابوه
تركتهم وطلعت من الفرع مرة تانيية سمعت تليفونها برن لما شافت أسم آدم اتغيرت ملامحها للغضب بس اتمالكت نفسها وفتحت الخطخير آدم شو بدك مني
آدم: بدي شوفك ضروري
روز: بس ماني فاضية وكمان مابدي حدا يشوفني معك
آدم: أنا لحالي بالقصر عم أستناكي بالقبوا الموضوع خطير وما بيتأجل
روز: طيب مسافة الطريق وبكون هنيك سكرت الخط أبتسمت بمكر، هههه لسى ما شفت شي يا آدم صدقني إذا انت الكوبرا أنا اللبؤة وما بينلعب معي وهالحرب أنا رح أكسبها حتى لو كان الثمن حياتي كلها
#الجزء_السابع_عشر 🖊️ ياسمين الشام
روز: وصللها مسج من تليفونها من شخص مجهول ( تمت المهمة بنجاح) أبتسمت وطلعت لعند آدم وصلت على القصر واول ما فات لجوا وشافت بيتها الصغير إللي جمعها مع أهلها وأتذكرت امها وكل الذكريات الحلوة دمعوا عيونها وحست بغصة كبيرة حاولت تتمالك نفسها أتوجهت على القصر وفعلاً ماكان في حدا وضو القبو كان شغال دخلت عليه شافته واقف وعاطيها ضهره
روز: شو هالموضوع الضروري إللي طلبتني مشانه
آدم: ألتف لجهتها وكان وجهه ما بيتفسر مشى لجهتها بهدوء و وقف مقابل منها تماماً: شو مخبصة من وراي
روز: عفواً ما عم أفهم عليك
آدم سحبها من شعرها وضغط عل فكها بقوة: مو صدفة إللي صار من شوي مو صدفة إنه يداهموا الامن مكان تسليم بضاعتنا الجديدة ويحاصروها والموقع بالاساس ماحدا بيعرف فيه هاي تاني مرة بخسر كتيير أسمعيني روز البضاعة كانت من الملثم وإنتِ الوحيدة إللي كنتي على تواصل معه وبتعرفي مواعيد الأستلام ماحدا غيرك أله مصلحة
روز بعدت إيديه عنها ودفشته بقوة عنها: ما بسمحلك تمد إيدك علي مرة تانية آدم ولا بسمحلك تتهمني بشغلات ما ألي ذنب فيها أنت دمرت حياتي وخليتني أتورط بشغلات خطيرة لهيك خليك متأكد إنه ما بقدر أخطي هالخطوة مو لاني خايفة منك بس بعرف منيح شو عواقبها لانه إذا ما قتلتني أنت الملثم ما رح يرحمني وأنا مو غبية لأخطي هيك خطوة وخصوصي في معك أثباتات ضدي بتخليني قضي باقي عمري بالسجن يعني رجلينا بالفلقة سوا وأنا بعرف خطورة هالشي منيح لهيك أرمي كل هاي الشكوك من راسك آدم
آدم: طيب مين إللي خبر عن المكان حتى الملثم مختفي ماعد قدرت اتواصل معه وبنفس الوقت مجبور أعطيه حق البضاعة إللي خسرناها أنا لازم اتصرف قبل ما اخسر أكتر
روز: طلعت من القصر ولما بعدت شوي أتصلت على نفس الرقم إللي بعتلها المسج
طمني شو صار معك
* كل شي تمام والبضاعة اتصادرت طمنيني عنك
روز: انا منيحة لا تخاف علي المهم قدرنا نخطي اول خطوة بإتجاه هدفنا
* أنا وثقت فيكي روز
روز: وانا قد الثقة ومارح اتراجع
__
بصباح يوم جديد
عمار: قاعد بمكتبه دخلت لعنده وحدة من الموظفات
صباح الخير عمار بيك أنا الموظفة الجديدة سدين اجيت مع دفعة الموظفين الجدد السكرتيرة خبرتني أنه حضرتك طالبني
عمار: اهلاً وسهلاً تفضلي بصراحة انا قرأت السي في تبعك ولقيتك الانسب من بين الموظفين إللي أجوا لهالوظيفة
سدين: شكراً لحضرتك بس وظيفة شو
عمار: بعرض عليكي تصيري مساعدتي إذا ماكان عندك مانع لأنه بدي حدا عنده خبرة بهالشغل وإنت أشتغلتي قبل هلأ وعندك فكرة
سدين: أكيد بيسعدني هالشي وبتشكرك كتيير انا بحاجة لهالوظيفة
عمار: تمام أتفقنا لكن من اليوم بتقعدي مع السكرتيرة لتشرحلك قوانين الشغل ومن بكرا بتبلشي دوام
طلعت سدين اما عمار صار يركز بالملف إللي قدامه واتوسعوا عيونه من الصدمة: مستحييل ،،، مسك التليفون واتصل بإيمار فوراً ، أخي الحقني مصييبة
إيمار: خيير عمار شو صاير معك
عمار: تعال لعندي عالشركة الموضوع ما بينحكى عالتليفون
إيمار: طيب مسافة الطريق وبكون عندك
طلع إيمار من الفرع وهو مسرع وباله عند عمار وشو ممكن يكون صاير معه
اما روز كانت واقفة بغرفة التحقيق وبتتطلع على المتهم إللي كان قاعد قدامها وباين عليه التوتر والخوف
روز: يوسف اديش عمرك قلتلي
يوسف: 15
روز: لساتك صغير شو السبب إللي بيدفع مراهق بعمرك لحتى يصير قاتل
يوسف: ما قتلت حدا ليش مصرين ما تصدقوا
روز: لأنه فعلاً أنت مو صادق معي والادلة إللي معي كافية لتثبت التهمة عليك بس مع هيك انا مصرة إني أعرف السبب بتعرف ليش؟
يوسف:…………
روز: لحتى ساعدك
يوسف: إنك تحطيني بالسجن بتعتبريه مساعدة
روز: بس تهمة عن تهمة بتفرق مثلاً أي إثبات صغير قادر على تغير الحكم ( قعدت جنبه وحكت بنبرة حنونة) يوسف أوثق فيني وأحكيلي شو مخبي بقلبك وبوعدك إني ساعدك و وقف جنبك بالمحكمة
يوسف مسح دموعه إللي ما قدر يمنعهم ينزلوا: ما كان بدي يصير هيك اتمنيته مرة وحدة يعاملني بحنية يحكيلي كلمة حلوة يكون سند وقدوة لالي بس أنا حياتي كانت عكس أحلامي عشت طفولة صعبة بسببه كل يوم يضرب أمي ويعذبها لحتى بيوم ماتت بين إيديه وهو عم يضربها وكانت حامل بوقتها أنا كان عمري عشر سنين هددني إذا بحكي لحدا إللي صار يقتلني انا كمان خفت منه بوقتها وسكتت بس هو ما وقف وضل يسكر كل يوم ويضربنيروز: وشو صار بيوم الحادثة
يوسف: فقت بنص الليل على أصوات عالية طلعت من غرفتي وشفته جاي عالبيت ومعه بنت لبسها فاضح صرت صرخ عليه وقلعت البنت من البيت فهو عصب وهجم علي ليضربني دفعته عني بقوة و وقع وضرب راس بطرف الدرج وبنفس اللحظة دخل خالي إللي أعتقلتوه لعندنا وهو كان رح يحمل التهمة عني لحتى يحميني بس الحقيقة بانت وإنتِ كشفتيها بنفسك صدقيني أنجبرت وإلا كان قتلني هو
روز: هاد الكلام رح يفيدك كتير بالمحكمة ويتخفف حكمك لانه بيعتبر دفاع عن النفس
يوسف: رح تساعديني حضرة المحققة
روز: رح ساعدك لانك اتعاونت معي بس مع هيك القانون رح ياخد مجراه
__
إيمار وصل على الشركة وأتوجه على مكتب عمار ودخل بلهفة
عمار شو في قلقتني
عمار: الباعة إللي أشتريتها من الشركة إلي حكيتلك عنها من فترة انخدعت فيها
أيمار: كيف يعني
عمار: يعني السيارات نمرها مزورين ومو جداد متل ما كنا مفكرين انخرب بيتي إيمار ياريتني سمعت كلامك وما اتصرفت من واسي
إيمار : أهدى عمار وخليني افهم
عمار: كيف بدي أهدى أخي وخسرنا كلشي من ورا غبائي
إيمار: كيف عرفت أنهم مزورين وليش لهلأ لحتى اكتشفت هالشي
عمار: الشركة إللي بعنا لألهم البضاعة فحصوها وأتبين معهم انها مزوره وباعتينلي تبليغ إذا ما عوضتهم رح يرفعوا علي دعوة ويصادروا الشركة
إيمار: ما عم صدق عمار كيف بتغلط هيك غلطة مع اني نبهتك كتيير اسمعني لا تخلي امك تعرف بالموضوع رح تروح فيها رح نحاول نحل هالمشكلة باسرع وقت وبدون ما يشتكوا عليك
_____
آدم: قاعد ورا مكتبه وعم يتطلع على صورة ابوه : شفت بابا شفت ابنك وهو عم ياخد حقك من بيت الآغا، خمس سنين وانا عم أنتقم وحارب إيمار ورح ضل حاربه كل عمري لأنه كان السبب بموتتك بابا هو قتلك وحرمني منك وانا حرمته وعم أحرمه من كل شي حلو بحياته لحتى يعرف إنه لحمنا مرّ وما بيتاكل ، إيمار ههههه إن شاء الله تكون عجبتك مفاجئتي الجديدة لألكن لسى ما شفت شي صدقني رح أقلب حياتك جحيم
قاطع تفكيره وصول مسج على التليفون من رقم مجهول ( كون مستعد للنهاية لأنه نهايتك قررربت كتيير حضرة المايستروو) اتوسعوا عيونه بصدمة مين إللي كاشفه وعم يهدده وكيف عرف إنه هو المايسترو نفسه أكيد شخص قريب منه بس مين هو لازم يعرف هالشي وبسرعة صار يكسر كلشي حواليه ليفرغ جزء بسيط من عصبيته
___
ريحان كانت واقفة بحديقة الييت عم تسقي الزريعات طلعت لانا لعندها وهي عم تنادي: خالتي وينك
ريحان: أنا هون شوفي لانا شو صاير معك
لانا: في بنت جوا وطالبة تشوفك
ريحان: مين هالبنت
لانا: مابعرف اول مرة بشوفها
ريحان: طيب خليها تطلع لعندي عالحديقة
لانا دخلت لجوا وطلعت البنت وأتوجهت لعند ريحان إللي كانت عاطيتها ضهرها
صباح الخير
ريحان: أنصدمت لما سمعت صوتها ألتفتت بسرعة لتشهق بصوت عالي، نوووور
نور: كيفك ريحان خانم
ريحان: إنتِ بأي وجه جاي على بيتي وواقفة قدامي بعد كل إللي عملتيه اطلعي من بيتي مابدي شوف وجعك ولا بدي إيمار يشوفك من جديد لانه مارح يرحمك
نور: صدقيني كنت مجبورة خليني أشرحلك الموضوع وبعدها احكمي إنتِ أملي الوحيد بترجاكي
ريحان: عم اسمعك
نور: ……………
لانا كانت واقفة على البلكون وعم تحاول تسمع شو بيحكوا وليش ريحان منفعلة هيك بس ما قدرت تسمع شي
ريحان: وانا مطلوب مني هلأ أقتنع بهالتمثيلية نور إنت تركتي ابني وهو عريس جديد وأختفيتي كل هالسنين ولسبب غير مقنع
نور: كيف غير مقنع عم قلك حياة إيمار كانت بخطر وهداك الشخص ضل مراقبني ويهددني فيه لو ما تركته بوقتها كان ممكن يأذوه أنا مشانه بعدت والله متل إللي بحط الملح على جرحه وبيتحمل الوجع وهيك انا كنت أضطريت ابعد من حياته لحتى أحميه من الموت
ريحان: وشو إللي رجعك هلأ بعد كل هالسنين ولا بطلتي خايفة عليه هلأ أسمعيني نور مارح أسمحلك تخربي حياة أبني مرة تانية أساساً إللي فيه مكفيه
نور: كمان أنجبرت أرجع انا عم موت يا خانم الموت قريب مني كتير وبأي لحظة رح ياخدني مابدي موت قبل ما يسامحني إيمار وأحكيله الحقيقة إللي خبيتها عنه كل هالسنسين بدي موت وأنا مرتاحة البال والضمير
ريحان: أنتِ شو عم تحكي ليش كل كلامك الغاز موت شو وأي حقيقة شو مخبية كل هالسنين
نور: عندي ورم خبيث بالدماغ وواصل لآخر مرحلة الدكاترة خبروني إنه ماعد يطلع شي بإيدهم لهالسبب رجعت والسبب الرئيسي لرجعتي هي بنتي
ريحان: بصدمةة، بنتك!!!!!
نور: بنتنا انا وإيمار
ريحان: لك إنتِ شو عم تخبصي انو بنت إذا مفكرة رح ترجعي تخدعيه من جديد بتكوني غلطانة كتيير ما رح اسمحلك ولا إيمار بصدق هالشي
نور: صدقيني بحلفلك إنها بنته إيمار مارح يصدقني متل ما إنتِ ما صدقتيني مابدي موت قبل ما تعرف بنتي مين ابوها مابدي اتركها وحيدة بدون سند بهالحياة بعد ما سافرت اكتشفت إني حامل بس خفت احكي او ارجع يأذوه لإيمار قررت أحتفظ بهالطفل وضل بعيدة عشت كل هالسنين وحيدة وربيت بنتي وكبرتها وسهرت عليها لحالي ولا مرة تعبت كانت تصبرني على مر الحياة وتقويني بكل مرة أضعف فيها بس شو رحيصير فيها لما اتركها انا كمان
ريحان: ماعم اقدر صدق عقلي ما عم يستوعب شو إللي بيثبت صدق كلامك ؟
نور: ايلا بنتي بتثبت هالشي ورح تشيل كل هالشكوك من راسك
ريحان: كيف يعني
نور: عن طريق فحص الحمض النووي ( DNA) الطب اتطور وبس تشوفي نتائج التحاليل وفتها رح تصدقيني مابدي اي شي منكم غير إنه تعترفوا ببنتي وتتسجل على اسم أبوها لحتى اتطمن عليها قبل موتي
يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h