الفصل 11
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵* *كتفيت.بك.وطناً.tt* ♥️
*❴🔢❵☟الـــبـــــــــــ❴4️⃣1️⃣+5️⃣1️⃣❵ــــــــــــارت☟*
➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
لانا: ما بحبه ما عم أقدر أتقبله
ريحان: هني كلمتين رح أحكيهن ومارح عيدهن إيمار بتنسيه تماماً والطفل هاد رح يضل وعمار مارح أحكيله عن عملتك بس بشرط تغيري معاملتك معه هاي جزاته لأنه مستعد يعمل المستحيل ليرضيكي ويبعدك عن عمك إللي الله وحده بيعرف كيف كان رح يعاملك المرة هاي حكيت معك بهدوء بس المرة الجاي صدقيني مارح أرحمك
طلعت من الغرفة وسكرت الباب بقوة طلعت على الحديقة لتشم شوية هوا لأنه داق صدرها من التوتر
أما لانا رمت حالها على التخت وصارت تبكي بحرقة
دوامة كبيرة دخلت فيها وهي مو قد هالمسؤلية وطفل صغير ما اله ذنب رح يكون بالنص
___^^^
عمار دخل على غرفة الأجتماع بالشركة وأستقبل ضيوفه وصل المحامي وصار وقت يوقع العقد مسك الملف بإيديه وكان متردد كتير بس أتذكر كلام لانا مسك القلم و وقع على العقد وأتفقوا على كل شيء لأول مرة بيخطي هيك خطوة بس ليثبت لإيمار إنه هو ناجح وقادر يعتمد على حاله
رجع على البيت وهو طاير من الفرح كانت قاعدة ريحان بتشرب قهوة بالحديقة
عمار: صباحو يا أحلى أم بالدنيا
ريحان بإبتسامة : صباح الورد شو إللي مخلي وجهك يضحك هالقد
عمار: وقعت عقد شراكة مع شركة تانية وأشتريت مجموعة سيارات جديدة يعني شركتنا رح تكبر وقريباً رح ندخل على السوق بقوة
ريحان: مبروك يا أبني الله يوفقك ويحميك إنت وأخواتك
عمار: يطوللنا بعمرك .. شو وينها لانا ليش مو قاعدة معك
لانا طلعت لعندهم: ليكني هون كنت تعبانة شوي ، مشيت لعند عمار إلي حضنها وباس جبينها
عمار: حبيبتي إنتِ منيحة ؟
لانا: اي...
ريحان: لانا عاملتلك مفاجئة حلوة أبني ما هيك بنتي
لانا : أه أي أي أكيد
عمار: خير شو صاير
ريحان: أكيد مارح تخبرك هون خود مرتك وأطلعوا أتغدوا برا وهي بتخبرك بعدين
عمار: يلا حبيبتي جهزي حالك لتطلع أساساً خلصت كل شي بكير اليوم وفضيتلك
لانا: أبتسمت وقلبها عم يشتعل كيف ريحان حطتها بهيك موقف دخلت على غرفتها لتغير ملابسها وهي عم تدعي تصير معجزة لتخلص من الطفل او تموت وترتاح من هالصراع إللي عم تعيشه
____^^^
وصلوا روز وملاك على المديرية وقفوا قدام غرفة المقدم بيستنوا أذن ليدخلوا لعنده
طلع العنصر وسمحلهن يدخلوا
روز وملاك: صباح الخير سيادة المقدم
حسام: صباح النور أتفضلوا أقعدو الضابط شوي وبيوصل
روز: شكراً كتيير عنجد هاي فرصة العمر بالنسبة لألنا
حسام: إنتوا مجتهدات ومن الاوائل على دفعدكم بالكلية وهالشي دفعني لحتى أدعمكن ، اندق الباب ودخل العنصر: احترامي سيدي وصل حضرة الضابط من الفرع
حسام: خليه يدخل
روز كانت متحمسة كتيير وملاك عم تتطلع على جهة الباب لتعرف مين هاد الضابط إللي رح يشتغلوا معه
أنفتح الباب ودخل الضابط
* أحترامي سيادة المقدم
حسام: وهاي وصل أشطر ضابط عندي بالفريق أتفضل أرتاح لعرفك على تلاميذك الجدد
روز: لما سمعت صوته حست قلبها طلع من محله رفعت راسها ليلتقوا عيونهن ببعض ، يا الله كيف هيك القدر بيرجع يجمعهن بنفس المكان بالرغم من كل محاولاتهن ليبعدوا عن بعض
إيمار ماكان أقل منها صدمة ضل واقف مكانه وعم يتطلع عليها بقلب محروق وعيون عم تلمع
ملاك الوحيدة إللي أتداركت الوضع : إيماار
حسام: وهاي دكتوركن بالكلية هو نفسه رح يكون مدربكم يعني مارح تخلصوا منه ههههه
إيمار: بس سيدي أنا طلبت محققين عندهم خبرة ما عندي وقت هلأ للتدريب
حسام: ولهالسبب أخترت هدول الصبيتين بالزات لأنك درستهم و بتعرف منيح مدى ذكائهم ومتأكد إنه إلهم مستقبل كبير
إيمار: أمرك سيدي رح نضمهن للفريق
حسام: تمام صار فيكن تبلشوا شغل من اليوم
روز: شكراً سيادة المقدم طلعت من مكتبه مسرعة ولحقتها ملاك وهي بتركض وراها
ملاك: رووز أستني شوي ليش عم تمشي بسرعة
روز: كنت متأملة أبدأ مرحلة جديدة بحياتي بعيد عن الماضي وكل شي بس القدر مصر يجمعني فيه بكل مكان وين ما أتجهت بلاقيه بوجهي أنا تعبت ملاك
ملاك: متابعرف شو هو السبب إللي بيمنعك تكوني مع إيمار بس بالنهاية لازم تعرفي إنه هاد شغل ولازم ما تدخلي حياتك الشخصية فيه
_____^^^
لانا قاعدة بالمطعم مع عمار شربت العصير وهي صافنة كل الوقت
عمار: حبيبي مارح تحكيلي المفاجئة عن شو كانت بتحكي أمي
لانا: عمار أنا... أنا .... حامل
عمار دمعوا عيونه : جدد لانا إنتِ حامل ماعم صدق ( صار يصرخ بصوت عالي والكل عم يتطلوا عليه) يانااااس يا عالم مرتي حامل سمعتوا حااامل
لانا : عماار وطي صوتك فضحتنا شوف كيف الناس عم تتطلع علينا
عمار حضنها وصار يدور فيها وهو طاير من الفرح أما لانا عم تتقطع من جواتها بس مو قادرة تعمل شي.........
بالفرع
دخل إيمار على مكتبه وكانوا قاعدين كريم وديمة عم يشتغلوا
إيمار : صباح الخير
ديمة: صباح النور شو وين المحققين
إيمار: جبتهم معي ، اتطلع على روز وملاك ، أتفضلوا
دخلوا روز وملاك على المكتب وأتفاجأت ديمة إنهم بنات أما كريم فتح عيونه من الصدمة لما شاف روز
كريم: روز كيف هيك صار
روز: علمي علمك وأنا لهلأ ما أستوعبت
ديمة: كريم إنتوت بتعرفوا بعض
إيمار: المحقق روز والمحقق ملاك رح ينضموا للفريق وهاي المحقق ديمة وكريم بتعرفوه
ديمة: أهلاً وسهلاً أنبسطت كتير بجيتكن لإني كنت البنت الوحيدة بهالفرع وهلأ صرنا تلاتة
ملاك: إن شاء الله نطلع عند حسن ظنكم فينا أيه إيمار إيمتى رح نبلش شغل كتيير متحمسة
إيمار بإبتسامة : من اليوم في مهمة رح تستلموها وديمة رح تكون معكن انا عندي شغلة تانية يلا موفقين
روز كانت بغير عالم وما بتعرف شو عم يصير حواليها كيف رح تقدر تتطلع بعيونه كل يوم كيف رح تتحمل هالعذاب
إيمار: طلع من الفرع صار يتمشى وهو عم يتذكر عيونها نظرتها حتى أبتسامتها إللي أشتقلها وجودها معه بنفس المكان رح يعذبه كتيير
............
آدم كان قاعد ورا مكتبه بالشركة فتح الدرج وطلع منه صورة ميرا ضل صافن فيها رجع بذاكرته لقبل ست سنين
***
آدم : ميرا حبيبتي شو جابك لهون ليش عم تبكي
ميرا: آدم بسرعة أهرب الأمن بالطريق جاين ياخدوك بترجاك أهرب بسرعة
آدم: شو عم تحكي إنتِ أمن شو
ميرا: أنا آسفة سامحني آدم أخي عرف بعلاقتنا وهو خبر عليك وأخد العنوان من تليفوني بترجاااك بسرعة أهرب قبل ما يوصلوا
آدم سحبها لحضنه لحتى يهديها : أهدي حبيبتي كيف بتجي لهون وبتعرضي حياتك للخطر بسرعة خلينا نطلع من هون ، وصلوا على الباب وفتحوه ليطلعوا شافوا سيارات الأمن محاصرين كل المكان
آدم: ميرا إنتِ أطلعي من الباب الخلفي بسرعة أهربي أنا رح ألهيهم
ميرا: مستحيل روح وأتركك لحالك
آدم مسك إيديها وأتطلع بعيونها : لو لساتك بتحبيني بتعملي إللي بقلك عليه بسرعة ميرا أطلعي من هون
ميرا: حضنته بقوة وصارت تبكي بحرقة : سامحني آدم أنا بحبك
آدم: وأنا بحبك لا تنسي هالشي
طلع لبرا وصار يقاتل الأمن إللي داهموهم فجأة أما ميرا مشيت بإتجاه الباب الخلفي فتحته لتطلع بس ما قدرت قلبها ما اوها تروح وتتركه لحاله رجعت لعنده بدون ما يحس عليها شافته كيف عم يبادر بإطلاق النار مع الأمن هو ورجاله شافت واحد من ناصر الأمن مصوب سلاحه على آدم ليقوصه ركضت لعنده ودفشته لبعيد لتنطلق الرصاصة من سلاح العنصر ويستقد بصدر ميرا إللي وقفت قدامه لآدم
آدم بصدمة: ميرااا لاااااااااا شو عملتي يا مجنونة شو عملتي
* سيدي في مجال نطلع من الباب الخلفي ما لازم نضيع الوقت
آدم: حضن ميرا لصدره ونزلوا دموعه على وجهها: حتى إنتِ حرموني منك مارح أرتاح لأنتقم منهم بوعدك حبيبتي رح أنتقملك راسها من جبينها وطلع مع رجاله من الباب الخلفي غادر المكان بس ترك قلبه وعقله عند ميرا إللي ضحت بحياتها لحتى تحميه ما عرفت إنها قتلته بدون ما تعرف
**
آدم: طلع من شروده ومسح دمعة كانت عالقة على طرف عيونه ...... سامحيني ميرا
اندق باب المكتب وكانت السكرتيرة
_ آدم بيك في صبية برا أسمها روز طلبت تقابل حضرتك
آدم: دخليها بسرعة
_ حاضر ... طلعت السكرتيرة ودخلت روز على المكتب
آدم أول ما شافها راح لعندها وحضنها بدون مقدمات يمكن هاد أكتر شي هو بحاجته هلأ
روز: مصدومة منه ، آدم أنت منيح
آدم بعد عنها و رجع قعد مكانه : شو صار معك
روز: جبت البضاعة متل ما طلبت طلعت ظرف من شنتايتها وحطته قدامه
آدم: حط الكيس جوا الدرج وقفل عليه : برافوو .... شو صار معك مشان الشغل
روز: بلشت شغل اليوم لهيك أتأخرت لحتى أجيت لعندك
آدم: من اليوم ورايح بدك تنتبهي على حركاتك أكتر كوني حذرة
روز: لا تاكلي هم بعرف كيف أتصرف عن أذنك ، طلعت من الشركة وهي حاسة بالنصر مدت إيدها على شنتايتها وطلعت الرسالة إللي أخدتها من بيت الملثم فتحتها وصارت تقرأها للمرة المية
( ميرا : أخي أمير أنا بتفهم خوفك وحرصك علي وبعرف عملت هالشي وحبستني بغرفتي لأنك بتعتقد إنه لمصلحتي ، بس أنا مصلحتي وحياتي ومستقبلي كلهم مع هالرجال أنا حبيته أكتر ما بتتصور ذنبي إني حبيت واحد مجرم وركضت وراه ومشيت بنفس طريقه أنا خيبت أملك أخي أنت إللي ربيتني وكنت كل شي بالنسبة لألي ما قدرت أبعد عنه أنا خلص غرقت وصعب اطلع من هالمستنقع أنا رايحة لعنده أخي أنا بحبه لدرجة الجنون وإذا كان بدي موت قبلانة موت بحضنه ، سامحني .... )
روز: ميرا ... معقول انا كمان نهايتي تكون متلك كل حدا بقرب من آدم بيحترق وأنا دخلت على النار بإرادتي بس رح أطلع منها بتعرفي ليش يا ميرا بتعرفي شو الفرق بيني وبينك الفرق إني قوية وما رضيت أستسلم أنا رح حاول أطلع من هاللعبة وطالع آدم معي أنا حاسبة حساب لكل خطوة بعملها لبس لحتى ما يصير فيني متل ما صار معك وكتار بنات متلك
رجعت الرسالة لشنتايتها وأتوجهت لمديرية الأمن وتحديداً على مكتب المقدم حسام وبعد أنتظار قصير دخلت لعنده على المكتب
روز: أحترامي سيدي
حسام: تفضلي روز أرتاحي
روز: سيدي كلشي ماشي تمام لحد الآن ....
#الجزء_الخامس_عشر 🖋 يّآسًـمِـيّنٌ آلَشّـآمِـ
قدام المطار
طلعت وهي ماسكة إيد بنتها وبالإيد التانية عم تجر حقيبتها الكبيرة وقفت تكسي وطلعت فيه طلعت ورقة من جزدانها وقرأتله العنوان للشفير وبعد مدة وصلت على المنطقة أتطلعت حواليها وأتنهدت بحزن سنين طويلة غابت فيهم عن بلدها والناس إللي بتحبهم ذكريات كتيرة عاشتها بهالبلد منها الحلوة ومنها المرة بس في غصة كبيرة بقلبها مستقبل مجهول ومو معروف
وقفت البنت الصغيرة بنص الطريق
_ ماما لوين رايحين
* يا روحي تعبتي مو في عندي صديقة هون قريبة رح نروح لعندها لازم يكون بيتها قريب من هون ، فجأة حست بصداع قوي ودوخة مسكت راسها بألم حاولت تسند نفسها بس ما قدرت وقعت على الأرض مغمى عليها
الطفلة صارت تبكي : ماما أصحي أنا خايفة فتحي عيونك مامااااا
روز: كانت راجعة على البيت سمعت صوت بنت صغيرة عم تبكي والناس مجتمعين حواليها ركضت لعندهم وبعدت الناس شافت ست مغمى عليها والبنت الغيرة عم تبكي
لو سمحتوا بعدوا عنها خليها تاخد نفس شو صاير هون
* هاي الست كانت واقفة مع هالطفلة فجأة أغمى عليها شكلها مو من هالمنطقة
روز : أتصلت بالأسعاف وقعدت قدام البنت إللي كانت بتبكي بأستمرار ، حبيبتي لا تبكي أمك منيحة هلأ رح نروح على المشفى
البنت : ماما رح تموت؟
روز: لا حبيبتي لا تحكي هيك الماما منيحة بس يمكن تعبت شوي
البنت: بس هي على طول بصير معها هيك وبخاف كتير
روز : لا تخافي يا روحي هاي وصل الأسعاف هلأ رح نروح مع ماما على المشفى ونتطمن عليها تمام
البنت: تمام
وصل الأسعاف وأخدوا المرة وطلعوا روز والطفلة معهم على المشفى
___
إيمار : رجع على البيت بعد يوم متعب كتير لقى عمار ولانا قاعدين بالصالون
مسا الخير
عمار ولانا: مسا النور
عمار: أخي أقعد شوي بدي أحكي معك شوي
إيمار: خير شو في
عمار: أخي أنا فكرت منيح بخصوص عرض الشغل ودققت لقيت مافي أي مشكلة إنه نتعاقد مع الشركة و نشتري من عندهم أجتمعت فيهم و وقعنا العقد
إيمار : أخي هاد شغلك وأنت أدرا بس أنا حكيتلك أحساسي إللي حسيته بحكم مهنتي بالنهاية بتكنالك التوفيق كمان بتمنى ماتكون أستعجلت وما تندم شي يوم
عمار: لا إن شاء الله مارح اندم بس بهالحالة صار لازمني موظفين للشركة لأنه لانا رح تعد بالبيت هالفترة
إيمار: خير لانا فيكي شي مريضة؟
لانا: أنا بخير تسلم
عمار حاوط كتف لانا: رح تصير عم جاينا بيبي عالطريق
إيمار: ألف مبرووك فرحتلكن كتيير
لانا: الله يبارك فيك عقبالك
إيمار أتنهد وطلع على غرفته ليتهرب من بهالموضوع إللي بذكره بروز
أما عند روز
كانت واقفة بممر المشفى وماسة إيد البنت بتنتظر الدكتور يطلع من عندها نزلت على الأرض لمستوا الطفلة
روز: إنتِ شو أسمك يا حلوة
_ ايلا
روز: كتير حلو اسمك وأنا روز
وبعد مدة طلع الدكتور: حضرتك شو بتقربي للمريضة
روز: ما بعرفها بس شفتها واقعة وأنا جاي على بيتي وحكيت مع الأسعاف وكانت معها هالطفلة خير دكتور شبها الأم
الدكتور: بحسب الفحوصات أتبين معنا إنه سبب الأغماء ما اله علاقة بالضغط أو الأرهاق المريضة عندها كتلة خبيثة على الدماغ
روز : شووو كتلة؟ طيب هي صحيت
الدكتور: أي وفيكي تدخلي لعندها إذا بدك خلي الطفلة هون إذا بدك تروحي
روز: لا دكتور مارح أتركها ، عن أذنك ... مسكت إيد ايلا ودخلت لعندها كانت متمددة على السرير وباين عليها التعب اول ما شافت بنتها صارت تبكي ، ايلا حبيبتي
ايلا ركضت على أمها وحضنتها بشووق
روز: الحمدالله على سلامتك
* الله يسلمك لا تواخذيني عذبتك معي الدكتور خبرني إنك انت إللي أسعفتيني وما تركتي ايلا لوحدها عنجد ممنونة لحضرتك كتيير
روز: العفو ماعملت إلا واجبي وكمان أتعرفت على ايلا الله يحميلك ياها ، أنا أسمي روز
* أتشرفت فيكي وأنا أسمي نور ، ومرة تانية شكراً لألك مابدي عطلك أكتر يمكن عندك شغل
روز: مارح تعطليني أنا يشتغل محققة وخلص دوامي وإنتوا باين عليكن واصلين من سفر لهيك رح ضل مع ايلا لنتطمن على صحتك عندك قرايبين لاتصل فيهم إذا بدك
نور: تسلميلي ، ماعندي حدا بالبلد غير صديقة رح أتصل فيها هي ساكنة محل ما شفتيني ضلت روز عندها لبين ما أجت صديقتها وطلعوا من المشفى مع بعض لأنه بيتهم قريب كتير على بيتهارجعت على البيت ورمت حالها على الكنباية
طلعت ملاك من غرفتها : روز لك بموت وأعرف وين بتغطي دقيتلك كتير بس كان يعطيني الخط مقفل
روز: كان خالص شحن التليفون كنت بالمشفى
ملاك: شووو شبك روز شو اير معك
روز: لا أنا الحمدالله ما بني شي بس شفت مرة مغمى عليها ومعها بنت بحارتنا أسعفتها وضليت لأتطمنت عليها
ملاك قعدت جنبها: إيه ومين هالمرة وشو صار معها أحكيلي كل شب بالتفصيل يلا
روز: يا الله شكلي مارح أرتاح اليوم
______^^^
تاني يوم بالمخفر
كانت قاعدة روز وصافة كل الوقت وصورة ميرا ما عم تفارق خيالها المعلومات إللي عرفتها من أمير كتير مهمة صارت تسترجع بذاكرتها الحديث إللي صار بينها وبين أمير ببيت الجبل
**
روز بصدمة: كيف يعني كنت ضابط بالأمن وهلأ بتشتغل هيك شغلة ماعم أقدر أستوعب
أمير: متل ما إنتِ محققة وبنفس الوقت بتشتغلي هيك شغل لنفس الغاية ونفس السبب فعلاً أنا وأنتِ هدفنا واحد المايسترو أو آدم المتخبي ورا شعار الكوبرا وبسمم كل إللي حواليه
روز: أنا بطلت أستوعب شي شو علاقتك بآدم وكيف صار فيك هيك وكيف ماتت ميرا والأهم من كل هدول ليش عم تشتغل هالشغل بينما أنت كنت ضابط وكيف آدم مابيعرف مين انت لهلأ
أمير: وشو بيضمنلي إذا جاوبتك ما تحكي كل شي لآدم أو حتى يكون فخ منك لتوقعيني
روز: معك حق ما توثق فيني بس صدقني أنا مو نيتي وقعك ولا أئذيك أنا كمان كنت عايشة حياة طبيعية وكنت على وشك إني كون أسعد أنسانة على وجه الأرض بس بين يوم وليلة أنقلبت حياتي وصارت جحيم بسبب آدم لقيت حالي بدوامة كبيرة وما قدرت أتحرر منها بس إذا اتعاوننا مع بعض رح نتحرر صدقني انا بحاجتك لاتحرر من قيود آدم وانت كمان بحاجتي لترجع لحياتك الطبيعية
أمير:.......
روز: أكيد ما رح تقبل يرجع الزمن يعيد نفسه وصير أنا ضحية متل ميرا
أمير: أتوفوا أهلي وكانت ميرا طفلة بس ولا يوم حسستها إنها يتيمة كنت إلها الاب والأم ربيتها وكبرتها لصارت صبية متل القمر لحد ما دخل آدم على حياتها وخلاها تتعلق فيه حبته بالرغم من إنها كانت على علم بإنه مجرم بس ضلت متمسكة فيه بحكم شغلي قدرت اتحرى عنه وعرفت عنوان مقره الاساسي كان بدي ألقي القبض عليه بالجرم لأبعده عن طريق أختي وخلص الناس من شره بس إللي صار إنه ميرا عرفت بالمداهمة وراحت ركض لعنده لتحذره مني وإثناء أطلاق النار أختي رمت حالها قدام آدم لتحميه اختي ماتت وهو هرب لما وصلت لعندها وشفتها غرقانة بدمها جنييت وفقدت السيطرة على حالي ما عد عرفت أشتغل شي بعدها صار همي الوحيد إني أقتل آدم وأنتقم منه
روز: الله يرحمها وقدرت توصلله بعدين
امير: أي هو بس عرف إني كشفته حاول يقتلني ليخفي الشكوك حوله لهيك أستجاب لدعوتي لما طلبت منه نلتقي............
فـــــــلاشـ بــــــــاك
آدم وقف سيارته بطرف المدينة كان المكان كلهم بنايات قيد البناء مكان شبه مهجور اتفحص المكان حواليه ودخل على أحدى البنايات
صوت خطوات عم تقرب منه ونفس ملتهب من الغضب طلع أمير قدامه ورمقه بنظرة غضب: وأخيراً إجى اليوم إللي رح أنتقم منك فيه
آدم: لا تكون واثق من حالك كتير وخليك متأكد إنه انا زعلان عليها متلك ويمكن أكتر
أمير ضحك بسخرية: و كيف زبطت معك هيك أه مو انت إللي علقتها فيك ودخلتها لهالجحيم مو انت لعبت بعقلها وأقنعتها انك بتحبها بس لتستخدمها طعم لأعمالك الوسخة أنا كشفتك آدم بعرف بكل شي عم تعمله ومارح أرحمك
آدم: صار يضحك بصوت عالي: عنجد ضحكتني وعندك أدلة ياترا ولا بس حكي ومين رح يصدقك إذا حكيت ؟ ولا حدا طبعاً لهيك ماتعذب حالك وتهدد أنت ماعندك أي أثبات بيدل على إنه شغلي غلط اما أنا فـ عندي أثباتات بيخلوك تخسر شغلك وسمعتك وكل شي بتملكه
أمير: شو قصدك بإنه عندك أثباتات؟
آدم: بكل سهولة قدرت آخد ملفات موقعة منك عن طريق ميرا وطبعاً هدول الملفات وبعد التعديل رح يصيروا بالمحكمة وياحرام رح تكون خسارة كبيرة لمديرية الامن بإنه يطلع أحسن ضابط عندهم خاين وهاي عقوبتها مو قليلة بظن حضرتك بتعرف منيح هاد الشي
امير: انت واحد مرييييض حقيير
آدم: وأنت رح تبعد عن طريقي وتختفي من حياتي وإلا رح اتصرف تصرف تاني مارح يعجبك وهلأ فكر منيح ، فتل ظهره ليطلع بس أمير كان اسرع منه ركض و وقف قدامه ليعيق طريقه من جديد
آدم: كان رح يطالع سلاحه بس ضربه امير علي إيده ليوقع السلاح على الأرض: بعد عن طريقي
أمير: مو بهالسهولة أنا ما جبتك لحتى تهددني وتمشي يمكن تقدر تخدع الكل بالادلة إللي معك وتنهيني بس انا بهاللعبة مارح كون الخاسر الوحيد إذا بدي أنتهي فـ انت كمان رح تنتهي معي
آدم: أنت شو عم تخبص
أمير: رح آخدك معي مشوار على الجهنم ، مشي كم خطوة لحتي وصل لعند قنينة بنزين موجودة قريب منه كان جايبها معه فتحها وصار يرشها على الأرض وطلع القداحة وشعلهاآدم: شو عم تعمل يا مجنون وقف
أمير: ماضل عندي شي أخسره رح آخد حق أختي وحق كل الناس إللي ظلمتهن منك اليوم، رمى القداحة على الارض ليشتعل النار بسرعة وينتشر بكل البيت آدم قدر يطلع لبرا بصعوبة كبيرة غادر المكان بعد ما اتطلع على النار إللي كانت تزيد
مع السلامة أمير هاد مصير إللي بحاول يلعب مع المايستروا ههههه
بـــــــــــاك
أمير: مامتت وقتها بس أحترقت وأتشوهت بعد ما أجى الأطفاء ومعه الأسعاف وكمان آدم قدر يطلع من القصة متل الشعرة من العجين متل كل مرة
روز: وليش مارجعت وقفت بوجهه
أمير: بعد علاج طويل طلعت من المشفى لأتفاجئ بإنه آدم مقدم الأثباتات إلي عنده فعلاً للمحكمة وأنا صدت مطلوب من قِبل الأمن كان بيعرف إنه لساتني عايش وقرر يتصرف
#يتبع
شو توقعاتكن عن الشخصيات الجديدة إللي دخلت على القصة ؟
يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h