الفصل 10
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵* *اكتفيت.بك.وطناً.tt* ♥️
*❴🔢❵☟الـــبـــــــــــ❴2️⃣1️⃣+3️⃣1️⃣❵ــــــــــــارت☟*
➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
كريم: معقول خربطت بالشقة لاااا هاي شقة ديمة بس مين هالبنت إللي طلعتلي معقوول ديمة !!! يمكن ماعرفتها لأني بضل شايفها بتياب رسمية بالفرع
... أنفتح الباب وطلعت منه ديمة أبتسم لما شافها وصار يمسح راسه بتوتر
كريم: أحم مسا الخير آسف لأني أجيت بدون موعد
ديمة: مسا الورد أنت لا تواخذني كنت عم نظف البيت تفضل
كريم : فات لجوا وعطاها بوكيه الورد إلي كان بإيده ،، أتفضلي
ديمة بإبتسامة : شكراً كتير رح حطها بالمي تشرب قهوة
كريم: ليش لأ
... دخلت على المطبخ حطت الورد بالمي وجهزت القهوة وطلعت لعنده
كريم: أخد الفنجان وضل صافن شوي ... ديمة بصراحة انا هون لأحكي معك بموضوع .. ومو عرفان من وين بدي بلش وكيف بلش أوعديني تسمعيني وما تنزعجي من كلامي
ديمة: أحكي كريم شوفي خوفتني
كريم: بصراحة أنا شب بحب الدغري وماعندي لف ودوران لهيك أنا أجيت اليوم لأحكيلك إني...
ديمة: أنك شوو؟
كريم: إني... بحبك
ديمة اتشردقت بالقهوة وصارت تسعل .....
______^^^
روز: دخلت على غرفة أبوها وأتأكدت أنه نايم باسته من جبينه نزلوا دموعها طلعت برا البيت لأن حست حالها مخنوقة لمست الطوق إللي كان برقبتها
اخ يا ماما شايفة شو عم يصير ببنتك حتى بابا حيروح ويتركني أنا أكتر أنسانة وحيدة بهالدنيا وصللها مسج وكان من آدم ( روحي عالقبو لازم نحكي)أتطلعت حواليها شافته واقف على شباك غرفته وبراقبها من بعيد أتطلعت عليه بغل وراحت على القبو كان سابقها وقاعد على مكتبه
آدم: كيف كانت المهمة
روز: عادي كل شي تمام بس ليش أخترتني أنا بالزات لهالمهمة
آدم: لأنك قدها هو هالرجال بضاعته غالية بس مدسمة وإلا ما كنت بتعامل معه
روز : اهاا ... صارت تتطلع على قلادته وتدور بمكتبه على أي معلومة بتخص هداك الرجال الغريب والبنت الموجودة بالصورة وإللي بتشبهها لحد كبيير
آدم: أتطلع عليها ... شو صار معك هنيك
روز: ولا شي بس بابا رح يستقيل ويبعد فترة لحتى يرتاح وأنا رح أترك البيت وأنتقل لعند ملاك
آدم بقلبه أنزعج إنها رح تترك البيت : حتى لو رحتي لعند ملاك أو أي حد تاني رح تضلي قدام عيوني وكوني حذرة أنا وثقت فيكي وعطيتك فرصة تكوني قريبة مني بالوقت إللي كتار بيحلموا يكونوا مكانك
روز: غريبة كيف الناس بيتمنوا يكونوا بهيك لعبة وسخة
آدم مسك إيدها وقربها لعنده واتطلع بعيونها : هدول الناس كمان متلك أتلقوا جرعة السم الطالعة من الكوبرا ودخلوا بطريق ما منه رجعة لهيك بدهم يحاربوا لأنه بعالمي مافي مكان للضعفاء البقاء دائماً للأقوى وإنت إذا ماكنتي قوية هالسم رح يقتلك ترياقك هو قوتك وذكائك
روز: أتطلعت عليه بإستغراب عم تحاول تفسر كلامه ونظراته الغريبة لألها شخص غريب وغامض ماحدا بيقدر يفهمه ، سحبت إيدها منه ولفت لتطلع من القبو لفتت نظرها صورة صغيرة عوجودة على طرف المكتب رجعت كم خطوة وحملت الصورة لتنصدم إنها نفس صورة البنت إللي لقتها عند هداك الرجال بالجبل بس مين هالبنت وشوبتعنيله لآدم وكمان شو بتعمل صورتها ببيت الرجال المشوه أسئلة كتييرة خطرتلها عم تفكر بأجوبتهن وعيت على حالها لما آدم سحب الصورة من بين إيديها
آدم بغضب : مين سمحلك تمدي إيدك عالمكتب وتتفرجي على الصورة
روز بجدية : مين هالبنت آدم ليش لابسة نفس قلادتك
آدم: هاد الشي ما بخصك مليون مرة حكيتلك لا تحشري أنفك بشغلات ما بتعنيكي
روز: بس كمان ما تنسى إني رح صير محققة وطبيعة مهنتي بتتطلب مني هالشي ... البنت بتشبهني كتيير آدم
انت بتحبها ماا؟ حبيبتك هاي
آدم بعصبية: كانت رووز كانت حبيبتي وماتت أرتحتي هلأ وحتى أنا مستغرب من الشبه كل ما كنت حاول أنسى تطلعي بوجهي وبتذكريني فيها من جديد
روز بصدمة: ماتت..... لهالسبب أخترتني أنا بالزات لتورطني معك وبعدتني عن إيمار لهالسبب دمرت حياتي بس لأني بشبه حبيبتك إللي ماتت معقول لهالدرجة انت واحد أناني وما عندك أحساس
آدم قاطعها بكف قوي على وجهها ومسكها من كتفها وصار يحكي بصوت أشبه للفحيح : كنت مفكر متلك إني أخترتك إنت بالزات لأنك بتشبهيها بس بعدين أكتشفت العكس أكتشفت إني أخترتك لأني حبيتك إنتِ لأنك روز مو لأنك بتشبهي أي حد إنتِ شو عملتي فيني يابنت لو أي حد بدالك كنت أتخلصت منه من زمان بس ليش مو قادر أأذيكي بالرغم من معرفتي التامة إنك بتشكلي خطري علي وعلى شغلي ....
_____^^^
محمد: حضن روز بحب ، بنتي الحلوة ديري بالك على حالك وأحكي معي كل يوم
روز بدموع: إن شاء الله بابا وأنت أهتم بصحتك
ملاك: أتطمن عمو روز بحميها بعيوني
محمد حضنها : بنتي الحلوة التانية أختك بآمانتك ، طلع من القصر وهو عم يتأمل كل شبر فيه ويتذكر كل ذكرياته إللي قضاها مع عيلته وإللي مستحيل ترجع نزلوا دموعه غصب مسحهم وكمل طريقةروز حضنت ملاك وطلعت معها من القصر وهي حاملة شنتايتها دخلت مع ملاك على بيتها أتطلعوا ببعض
ملاك: ماعم صدق رح نعيش مع بعض وبطل كون وحيدة وهلأ شو مشاريعك
روز: بدي أرجع للكلية وحضر لتخرجي هاد أهم شي
ملاك: وإيمار؟
روز: شبه إيمار ؟
ملاك: ما حن قلبك عليه ... اليوم وقفني بالكلية وسأل عنك كان خايف عليكي كتيير
روز: ملاااك بترجاكي هالموضوع لا تفتحيه معي مرة تانية أساساً ماني مصدقة إيمتى أتخرج لحتى ما شوفه كل يوم لا تزيديها علي ، دخلت على غرفتها وهي معصبة
ملاك: بس لو اعرف شو صاير معك لحتى عم تتصرفي بهالطريقة
............
بيت الآغا
دخلت لانا على غرفتها أتفاجأت بعمار إللي كان مزين الغرفة وحاطط شموع
لانا: عمار شو هاد
عمار راح لعندها ومسك إيديها وباس جبينها بحب : حبيبتي ام عيون البحر حبيت أعمللك مفاجئة حابب نسهر سوا من لما أتزوجنا لهلأ ما قعدنا قعدة رومنسية
لانا : شكراً كتير بس أنا تعبانة عمار ومو قدرانة أسهر بدي نام
نامت على تختها تاركة عمار عم يغلي من جوا ومصدوم من تصراتها ضرب بإيده على الشموع وزتهم على الأرض طلع من الغرفة وهو معصب وعم يفك ازرار قميصه طلع على الحديقة ليشم شوية هوا نظيف شافه إيمار واقف بالحديقة ومعصب طلع لعنده و وقف جنبه
إيمار: انت كمان ماقدرت تنام
عمار: ماعم أقدر أفهم عليها ولا هي بتفهم علي رح تجنني حاولت اتقرب منها بكل الطرق بس عالفاضي
إيمار: أخي لا تنسى أنتوا خطبتوا و اتزوجتوا بفترة قصيرة هي محتاجة بس شوية وقت لتتعود وتتقبل هالزواج إذا أنا وروز إللي حبينا بعض لسنين طويلة طلعنا ما بنعرف بعض وتركتني بنص الطريق أما أنت لانا جنبك ورح تتعودوا على طباع بعض مع الوقت
عمار: أن شاء الله ... صحيح قبل ما أنسى أجاني عرض مهم كتيير دفعة سيارات من النوع الحديث وبسعر أرخص من السوق
إيمار: كيف يعني دفعة جديدة وبسعر أرخص أخي أنتبه ماني متطمن من هالشغلة
عمار: الشركة ألها أسمها وسمعتها معروفة بالسوق إذا قبلت رح تكبر شركتنا أكتر لإيمتى رح نضل واقفين بنفس المكان الشغل لازم يكبر
إيمار: أنت إللي بتدير الشركة وأدرى فيها بس فكر منيح لأنه قلبي مو متطمن يلا تصبح على خير
__^^^^
بصباح يوم جديد
ملاك قاعدة وماسكة بطنها : روز معدتي صارت توجعني من التوتر حاسة قلبي رح يوقف يمكن موت قبل ما اتخرج
روز : هههههه شبك ولك هبلة كيف رح تصيري محققة ولسا بتتوتري متل الولاد ... نحنا رح نتخرج اليوم رح نحقق حلمنا أستنينا هاليوم سنين لهيك ما رح نتوتر ولا نزعل حالنا تمام
ملاك: تمام
لبسوا البنات و طلعوا على حفلة التخرج سوا
دخلت روز وهي لابسة فستان أسود ناعم وفاردة شعرها على كتفها وملاك فستان أزرق سادة ورافعة شعرها لفوق
شافهم إيمار ضل صافن بعيونها إللي أشتقلهم وبنفس الوقت حاقد عليها حاول يبين طبيعي وما يطلع لجهتها بس صدمه دخول آدم على المكان حس بنار شاعلة جواته
آدم : وقف جنب روز وحاوط كتفها بإيديه
روز : آدم !!!
آدم: معقول تتخرجي وما كون جنبك أنا محظوظ لأنه رح تشتغل معي محققة ذكية ما بتوقع يكون عندك مانع
روز: أتطلعت على ملاك إلي بان عليها الأنزعاج من وجوده أتطلعت لجهة إيمار ما لقته عرفت إنه أنزعج من وجود آدم بس هي مضطرة تسايره هلأ لحتى توصل لهدفها
................
بعد أسبوع
لانا طلعت من الحمام وهي عم تبكي وحاملة بإيدها جهاز كشف الحمل إللي كان إيجابي صدمة كبيرة بالنسبة لألها : شو رح تعملي هلأ يا لانا كيف رح تجيبي طفل من شخص ما بتحبيه ، بنفس اللحظة أنفتح الباب ودخل عمار على الغرفة لانا خبت الجهاز الحمل داخل الدرج وأبتسمت لتبين طبيعية
عمار: حبيبتي إنتِ منيحة
لانا: منيحة كنت نازلة هلأ عندنا أجتماع بالشركة ولا نسيت
عمار: مرتي النشيطة شكلها رح تسبقني بالشغل لا يا ستي ما نسيت بس إيمار مو حابب نتعامل مع هاي الشركة قال مو مرتاح لعرضهم
لانا: عمار هاي الشركة أنت عم تديرها يعني بتعرف منيح الصح من الغلط ومانك صغير لحتى أخوك يعطي قرارات بتخص شغلك لا تفوت هالفرصة من إيدك لا تنسى شركتنا لساتها صغيرة وهاي فرصة ما بتتعوض لحتى نكبر الشركة
عمار حس إنه كلام لانا صحيح وإنه واعي وقادر يتخذ القرار الصحيح
................
روز
نزلت من البيت وصارت تدور عليه لقته قاعد بسيارته قريب من البيت راحت لعنده وقعدت جنبه
_ اييه شو هالشغلة المهمة إللي خلتك تجي لهون بهيك وقت
آدم: بدي منك تروحي على بيت الجبل لعند الملثم لتستلمي منه بضاعة جديدة بس أنتبهي منيح
روز أنبسطت لأنها كانت بتستنى اليوم إللي ترجع فيه لهنيك لحتى تعرف أكتر قصة الملثم وحبيبة آدم المتوفية و شو بتعمل صورتها عند الملثم وشو علاقته بآدم والبنت شو بتعنيله والأهم من هيك كيف بدها توقع آدم وتكشف حقيقته وتحصل على الملفات إللي بهددها فيهمآدم: شو وين شردتي
روز: طيب أنا جاهزة أنت حدد الوقت والمكان وخبرني وهلأ عن أذنك رح بلش شغل ك متدربة
رجعت على البيت وضلت شاردة وهي واقفة عند الباب بتفكر
طلعت ملاك وشافتها بهالحالة .....
#الجزء_الثالث_عشر 🖋 يّآسًـمِـيّن آلَشّـآمِـ
ملاك: بسم الله شبها هالبنت جنت ، روووز هيييي
روز: شبك نقزتيني ليش عم تصيحي فوق راسي
ملاك: لا ولا شي بس حضرتك كنتي شاردة و ما سمعتيني شفت سيارة آدم تحت هالزلمة قلبي مو متطمنله شو بدو منك روز ليش بضل لاحقك
روز: اووف ملاك شو لاحقك ما لاحقك قضيت كل عمري بين عيلتهم وأجا يتطن علي شوفيها يعني خيالك الواسع هاد ابصر شو عم بخترع من عنده
ملاك: بتقدري تخبي عن الكل إلا أنا هالزلمة بيحبك روز حتى الأعمى بشوف حبه لألك (شهقت فجأة) معقول رفضتي إيمار وتركتيه مشان آدم
روز: وبعدين معك ملاك قلتلك هالموضوع ما بدي أسمع فيه ، أنا سابقتك لتحت لا تتأخري بدنا ننزل عالمركز يمكن يقبلوا يدربونا عندهم أول فترة نزلت بسرعة لتتهرب من أسئلة ملاك لحقتها ملاك وهي عم تتزاورها وطلعوا على مركز الأمن وطلبوا يقابلوا المقدم
ملاك: برأيك رح بقبلوا
روز: إن شاء الله وليش ما يقبلوا إذا الشهادة وصارت معنا
العنصر: لو سمحتوا سيادة المقدم بإنتظاركن
روز: تمام شكراً ، دخلوا البنات على مكتبه ، صباح الخير
المقدم (حسام) : أهلاً وسهلاً أتفضلوا
روز: بنتشكرك لأنك عطيتنا فرصة نقابل حضرتك سيدي أنا روز العلي وصديقتي ملاك أيمن نحنا متخرجات جدد وحابين نبلش تدريب معكن إذا ماكان في شي بيمنع
حسام أعجب بشخصيتها : أصراركن وشخصيتكن القوية بيأكدولي إنه رح تكونوا ناجحات بمجال عملكن ولحسن حظكن الفرع عم يطالبوا بمحققين جدد ليخففوا عليهن الضغط والضباط والمحققين عندي كتيير شاطرين وبعتقد رح تتدربوا عندهم بسهولة شو رأيكن
ملاك: ياريت بنكون ممنونين لسيادتك
حسام بإبتسامة : طيب محققاتنا اليوم بحكي مع الضابط المسؤل عليكن وإن شاء الله من بكرا بتبلشوا تدريب طبعاً رح تلتقوا ببعض هون بمكتبي بس ما تخجلوني قدامه
روز: إن شاء الله رح نكون عند حسن ظنك فينا
.................
إيمار كان قاعد ورا مكتبه بيدقق بالملفات وعم يراقب كريم وديمة إللي كانوا قاعدين قدامه وبيوزعوا أبتسامات سرية ، ضحك بنفسه على حركاتهم
كريم بهمس لديمة: بحبك
ديمة: هوووس ما يسمعك مو وقتها هلأ
كريم بصوت مسموع: ويسمع ، صحي على حاله لما شاف إيمار عم يتطلع عليه بأستغراب وديمة عم تتطلع عليه
إيمار: مين بدو يسمع
كريم: اه لاااا ولا حدا أنسى يبدو إني فكرت بصوت عالي شوي هههه
إيمار: ههههه ( قلب لنبرة جدية) لتكونوا مفكرينني مو حاسس عليكن إنتوا التنين
ديمة نزلت راسها بخجل
كريم: على طول كاشفني
إيمار: بعيد عن المزح فرحتلكن كتيير مبرووك
ديمة: الله يبارك فيك
كريم: صحيح شو صار بطلب المحققين الضغط علينا كبير وماعم نلحق
إيمار: اليوم حكيت مع المقدم حسام دبرلنا محققين بكرا رح أمرق لعنده عالمكتب وشوفهن بس هلأ خلينا نرجع لقضيتنا الأساسية المايسترو صرله فترة ما عم يتحرك بالبلد وهدوئه هاد ما بطمن
كريم: بعد آخر مداهمة خسر رجال وبضاعة كبيرة بس بكل مرة بيرجع بيوقف ع رجليه أقوا من قبل
ديمة: أنا لهلأ عند كلامي هالمايستروو وراه شخصية معروفة
إيمار: تماماً وهاد إللي عم أسعى لأعرفه
..........
روز: غيرت تيابها وراحت على غرفة ملاك أتأكدت إنها نايمة أستغلت الفرصة وطلعت من البيت كانت نفس السيارة ناطرتها بأول الحارة ركبت فيها وأتوجهت على بيت الجبل كانت متوترة كتير وبنفس الوقت متحمسة نزلت بنغدفس المكان على طريق الجبل وصارت تمشي بإتجاه البيت الخشبي كان الباب مفتوح متل العادة دخلت لجوا بس مالحقت الملثم صارت تتطلع حواليها لقت صورة البنت بنفس المكان قربت أكتر مسكت الصورة ولفتها كان في كتابة على الجهة الثانية حاولت تقرأها لأنه الخط كان صغير وغير مفهوم (ميرا 2016) ميراا بس شو هاد التاريخ معقول يكون تاريخ وفاتها بما إنه آدم قال إنها ماتت صارت تدور بالدروج لقت صور لشب حلو كتيير مع نفس البنت والشبه بينهم كبير دورت خلف الصور كان في صورة بتجمع الشب مع البنت وهني صغار مكتوب خلفها ( أمير * ميرا) و في بين الصور رسالة أخدتها وخبتها تحت تيابها رجعت الصور محلها وألتفتت لتطلع أصطدمت بشيئ صلب عند الباب رفعت عيونها لتلاقي حالها مقابل الملثم لاول مرة حست بنوع من الخوف والتوتر
الملثم: البنت الفضولية رجعت مرة تانية ، شو كنتي بتعملي جوا
روز: أسمي روز وماكنت اعمل شي دورت عليك ما لقيت كنت طالعة إذا البضاعة جاهزة بدي آخدها أكيد عندك علم أتطلعت بعيونه عن قرب بيشبهوا كتيير عيون الشب إللي كان بالصورة مع البنت معقول يكون هو نفسه إللي بالصورة بس شو بيقرب لميرا وشو علاقته بآدمالملثم : دخل لجوا وصار يتطلع على البيت بتمعن وعرف إنه الصورة متحركة من مكانها أتطلع على روز إللي كانت بتطلع عليه بكل ثقة مما أكدتله بشجاعتها وعدم خوفها منه إنها مو عاملة شي دخل لجوا
روز: أخدت نفس طويل بس دخل للغرفة
طلع الملثم ومعه ظرف وقف قدامها وأتطلع بعيونها بعمق رما الظرف على الأرض ومسكها من رقبتها وزقها بالحيط الخشب ليتوسعوا عيون روز من الخوف
الملثم: طلعتي ذكية طبعاً المايسترو تبعك ما رح يختار بنت عادية لهيك مهمة بس يا حلوة ذكائك ما رح يمشي علي لا تحاولي تلعبي معي لأنه بقدر أدفنك هون بالجبل وما حدا يعرفلك مكان حتى المايسترو بنفسه مايوصللك
روز: أتركني رح أختنق
الملثم: أحكيلي شو كنتي تعملي جوا وشو مهمتك ليش باعتك لعندي أحكي
روز: أميير أتركني
الملثم: بعد إيده عنها لتوقع على الأرض وتاخد نفس ضل عم يتطلع عليها بصدمة
روز: أنت مو مجبور تشتغل هالشغلة شو إللي وصللك لهون كيف أحترق وجهك وكيف ماتت ميرا
الملثم: إنتِ كيف عرفتي كل هالمعلومات شو عرفك بميرا وموتها وبأسمي مين باعتك لعندي وشو غايتك من كل هالشغلة
روز: يمكن تكون غايتنا وحدة أذا طلع أحساسي صح ... مو مهم كيف عرفت المهم إني هون لحتى ساعدك أنا وأنت هدفنا واحد (المايسترو ) متأكدة أنت كمان ضحية من ضحاياه والحرب معه مو سهلة أبداً لهيك أوثق فيني
الملثم مصدوم من المعلومات إللي عندها : إنك تعرفي عني هيك معلومات أسألتك فضولك حركاتك طريقة حكيك كل هدول بدل على شي واحد .... إنتِ من الأمن؟
روز بدهشة : كيف عرفت .... بتقصد إنه أنت كمان.....
الملثم: أي أنا كمان كنت ضابط أمن ..........
____^^^
المسا
رجعت روز على البيت وهي بعالم تاني الشي إللي عرفته خطيير كتير بكل مرة عم تغرق بهالمستنقع اكتر وأكتر وهالشغلة عم تتعقد أكتر بس مالازم تستسلم رح تحارب بكل قوتها لحتى تكتشف الحقيقة لأنه ما ضل عندها شي تخسره
دخلت لعندها ملاك وبإيديها صينية القهوة
ملاك: روز شبك من لما رجعتي عالبيت ومانك على بعضك بعدين وين أختفيتي حتى ع تليفونك ما رديتي
روز: طلعت دور بالشوارع وأستنشق هوا نضيف
ملاك: أهاا
روز: فايتة نام حاسة راسي رح ينفجر وبكرا ناطرنا يوم طويل
ملاك: والقهوة؟
روز: إنتِ إشرببها
........
ببيت الآغا
نزلت لانا الصبح من غرفتها وهي بتتلفت حواليها طلعت من البيت ركبت سيارتها
ريحان كانت عم تراقبها من بعيد ومومرتاحة لحركاتها اخدت شنتايتها وطلعت وراها وقفت أول تكسي وطلبت منه يلحق سيارتها قلبها حاسسها إنه لانا عم تخبي شي ضلت وراها لحتى وقفت قدام أحدى العيادات النسائية أنصدمت ريحان نزلت ولحقتها لجوا بس بدون ما تنتبه لألها
لانا وقفت قدام السكرتيرة حكت معها شوي ودخلت بعدها لعند الدكتورة أما ريحان حست في شي مو طبيعي لأنه لانا كانت متوترة كتير راحت لعند السكرتيرا
ريحان: مرحبا
السكرتيرة: أهلاً مدام حضرتك آخدة موعد شي؟
ريحان: أنا لاا بس كنت جاي مع كنتي لانا ألتهيت بصف السيارة وهي سبقتني
السكرتيرة: اه لا تواخذيني أتفضلي أرتاحي العملية ما رح تطول كتير لأنه الحمل لسى جديد والنبض ما أتكون لسى
ريحان بصدمة: شووو عملية وجنين أنتِ شو عم تخبصي وينها لانا شو عملتوا فيها
السكرتيرة دخل الخوف لقلبها: بعتزر منك بس المدام لانا أخدت موعد مبارح لعملية أجهاض و....
ريحان ركضت لجهة الغرفة إللي دخلت فيها لانا فتحت الباب وفاتت لجوا أنصدمت لما شافت لانا لابسة تياب العمليات ومتمددة على السرير والدكتورة حاملة أبرة التخدير و واقفة فوق راسها
الدكتورة بغضب: لو سمحتي كيف بتدخلي هيك لجوا شو عم بصير هون
لانا ببكاء : خالتي
ريحان بتهز راسها بالنفي : شو عم تعملي
لانا: أنا خالتي خليني أشرحلك لو سمحتي
ريحان: معقول جاي لحتى تعملي إجهاض لك إنتِ جنيتي كيف بتخبي علينا وبتتصرفي من راسك ما أتوقعتها منك
لانا: ما رح أقدر ماني قد هالمسؤلية بترجاكي أفهميني
ريحان بصراخ: بسرعة قومي غيري تيابك وأطلعي قدامي لشوف وإنتِ حضؤة الدكتورة رح تتحاسبي على شغلك الغير قانوني مارح مرق المسألة على خير
الدكتورة: لو سمحتي أهدي وخلينا نتفاهم إنتِ فاهمة الموضوع غلط
ريحان : بالمخفر بتحكي قد ما بدك وإنتِ أمشي قدامي ، مسكتها من إيدها بقوة وسحبتها معها لبرا رجعوا على البيت وكل الطريق ريحان ساكتة ولانا بتسوق وهي عم تبكي وخايفة
وصلوا على البيت نزلت ريحان من السيارة واتطلعت على لانا ، ألحقيني على غرفتك
لانا: طلعت وراها بخطواط بطيئة فاتت على الغرفة وضلت ساكتة بتتطلع على ريحان
ريحان بهمس: أعتبرتك بنتي مو بس بنت أختي حطيتك بعيوني عمار حبك لحد الجنون ملك الدنيا كلها لما صرتي إله وإنتِ شو عملتي؟ ( بلشت تعلي صوتها) اه أحكي ليش ساكتة شو عملتي عم تجهضي ابنك عم تقتليه بكل برودة أعصابلانا ببكاء : بدك تعرفي ليش عملت هيك حابة تعرفي ... لأنه قلبي مكسوور إنتِ السبب خالتي إنتِ وهمتيني بحب إيمار وبعدها زوجتيني لعمار كيف بدك ياني جيب طفل منو وأنا قلبي مع غيره ، قاطعها كف قوي على وجهها من ريحان
ريحان : ياريتني متت ولا سمعت منك هالحكي بتعرفي شو رح يصير فيكي إذا سمعك زوجك وإنتِ عم تخبصي أنا ما وهمتك لانا وعمار بحبك من زمان كتيير بس إنتِ إللي ماشفتيه و إيمار ما وعدك بشي
يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h