الفصل 9
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵* *اكتفيت.بك.وطناً.tt* ♥️
*❴🔢❵☟الـــبـــــــــــ❴🔟+1️⃣1️⃣❵ــــــــــــارت☟*
➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
إيمار رجع الصورة على الدرج وأتطلع بملامح كريم إللي ما بتدل على الخير ،، كرييم شو صاير
كريم: الشب إللي كننا معتقلينو بتهمة بيع المخدرات لطلاب المدارس
إيمار: أيه
كريم: السجناء لقوه مقتول بالحمامات من شوي و كان في على إيده رسمة للكوبرا
إيمار بغضب : مو بس بيقدر يتخلص من أي شخص وقت ما بده وكمان عم يتقصد يترك وراه أثر ليجاكرنا أكتر
كريم: طبعاً رح ينتقم مننا لأنه خسر مستودع البضاعة مع رجاله
إيمار: شددوا الحراسة على السجن والزيارات والأتصالات أي شي صغير ممكن يوصلنا لطرف الخيط مستحيل أستسلم هالقضية عندي صارت مصيرية
كريم: إيمار أنا صحيح تاركك على راحتك بس أنت عم تتعب حالك كتيير لا بتاكل متل الناس ولا بتنام أنا حاسس فيك ومقدر وجعك بس يا صديقي مهما كابرت مارح تقدر تخفي عني
إيمار: كريم أنت أكتر شخص قريب مني وبتعرفي شو الظروف إللي مريت فيها بالماضي وقديش عانيت لما أتعرفت على روز أتغيرت حياتي تماماً وكأنني كنت ميت وعشت معها بوجودها وبحبها إللي بيكبر بقلبي مارح أتحمل أي خسارة تانية
كريم: بس أنت قد هالامتحان ورح تحاول مرة وتنين وعشرة لتوقف على رجليك من جديد
إيمار : آخر مُحاولة بيعملها الواحد قبل ما ينطفئ بس أنا هلأ وصلت لمرحلة التأقلم مع الوجع
كريم: طيب روح عالبيت ارتاح صار الوقت نص الليل وما تنسى ضل يومين على عرس عمار لازم تكون جنبه
إيمار: اووف يا الله الشغل خلاني أنسى عمار وعرسه اه صحيح قبل ما انسى شو عم يصير معك هالفترة
كريم: اه لااا ماصاير شي أموري تمام يلا بالأذن بدي شوف إذا ديمة وساعدها شوي
إيمار أبتسم : ههه أنكر لشوف ما بدك تعترف إنك بتحبها مفكر حالك رح تصمد كتيير
____^^^
روز: كانت قاعدة قدام غرفة العمليات عيونها دبلوا من البكي ملاك وزينب واقفين عم يراقبوها من بعيد بأسى
محمد ساند ضهره على الحيط وعم يمسح طرف عينه لحظات صعبة مرقت عليهن لحتى طلع الدكتور بعد عملية دامت لساعات طويلة عم يمسح جبينه من التعب
ركض محمد لعنده أما روز وقفت بس ما قدرت تخطي أي خطوة حست رجليها مربطين
الدكتور: عملنا كل إلي بنقدر عليه بس للأسف قلبها كان ضعيف كتير وما أتحمل ، العمر لألكن
محمد قعد على الأرض وصار يبكي بصوت عالي على شريكة عمره إللي رافقته بكل حياته كيف رح يتحمل مشقة الحياة لوحده كلشي صار بشع بغيابها
روز صارت تهز راسها بالنفي كأنه عم تنكر الشي إللي سمعته أنهارت على الأرض ركضوا لعندها ملاك وزينب وحاولوا يهدوها
روز: لااا ياربي دخيلك مامااا لا تتركيني إنتِ وعدتيني إنك تتعافي وتضلي جنبي على طول لا تتركيني ماماا أنا بحاجتك ، أرتخى جسمها لتغيب عن الواقع بين إيدين ملاك وزينب
_^^^^
روز : كانت واقفة قدام القبر وعم تتأمله بحزن ملامحها باردة كتيير حتى الدموع بطلوا ينزلوا من عيونها حست على إيد أبوها عم يطبطب على كتفها وهو حالته مو أحسن من حالها
محمد : خسارتنا كبيرة وصعبة يابنتي بس مالازم نضعف ونستسلم هاد قضاء الله وقدره
روز بنبرة باكية: بس أنا هلأ صرت يتيمة بلا أم
محمد: رح كون الأب والأم لإلك رح ضل واقف بضهرك يابنتي ( طالع صندوق صغير من جيبته) أمك من فترة تركتلك هالصندوق عندي يمكن كان قلبها حاسسها إنه رح يصرها شي وقالتلي لما الله بياخد أمانته أعطيكي هالصندوق
روز: مسكت الصندوق بإيدين عم ترجف ضمته لقلبها ودعت أمها ورجعت مع أبوها على البيت إللي صار عتمة بغياب أمها أولىما دخلت على غرفتها مسكت الصندوق وفتحته بهدوء نزلوا دموعها لما شافت قلادة أمها إللي كانت تلبسها على طول وبجنبها ورقة ، فتحتها بإهتمام وصارت تقرأ من بين دموعها وشهقاتها
^^
روز بنتي الحلوة سبب سعادتي بدي ياكي تعرفي كتير منيح إنه إنتِ أحلى شي صار معي بحياتي كلها إنتِ ومحمد بالرغم من ظروفنا الصعبة إلا كننا أجمل عيلة كل يوم كنت خاف عليكي أكتر وأدعي الله يطول بعمري بس لضل جنبك ولما الدكتور خبرني إنه أيامي صارت معدودة وأني بحاجة عملية مستعجلة بس نسبة نجاحها قليل أنا حبيتةعنكن هالشغلة لحتى ما تقلقوا علي لأنه بعرف إنه العملية مارح تنجح قررت أكتبلك هالرسالة لأعتزر منك بعتزر على كل شي كان نفسك تعيشيه معي ما بدي شي غير إني موت ببيتي وضل أكتر وقت معكن سامحوني........
^^
برا البيت كان واقف محمد مع ملاك وزينب
ملاك: عمو خليني أدخل شوفها شوي بتكون تعبانة كتير هلأ
محمد: بنتي بتفهم خوفك عليها بس روز محتاجة تضل مع حالها شوي بتقدر تستوعب هالشغلة
زينب: عمي معه حق أمشي ملاك خلينا نتركها ترتاح شوي
طلعوا البنات ومحمد طلع يتمشى شوي لأنه حس حاله مخنوق ومو قادر يتصرفطلعت روز على من البيت والشرر طالع من عيونها أتوجهت للقصر على غرفة آدم كانت فاضية نزلت على مكتبه في القبو وكالعادة كان قاعد بيشتغل ركضت لعنده ومسكته من قميصه
روز ببكاء: أنت السبب .. كله بسببك حتى امي ماتت بسببك
آدم كان مصدوم منها وبنفس الوقت محافظ على هدوءه
مسكها من كتفها : رووز أهدي إنتِ تعبانة هلأ أقعدي
روز: بعرف منيح شو عم أحكي آدم أمي كانت نازلة من جنب غرفتك أكيد سمعت كلامنا أنت ليش طلعت بحياتي ودمرتها لييش بسببك اتورطت ومشيت بهالطريق وبسببك كمان خسرت أمي ( صارت تضربه على صدره بقوة) بكرهك بكرهك
آدم سحبها لحضنه محاولة منه لحتى يهديها ، وأنا حاولت أكرهك بالاول بس صار العكس كان بدي استخدمك طعم بس صرت انا الطعم و وقع قلبي ضحية لألك( بعدها عن حضنه ورفع دقنها بإيديه) ومع هيك كوني واثقة إني مارح أرحمك إذا غلطتي أو حاولتي تلعبي معي لأنه اللعب معي مو سهل وما بنصحك فيه الحكي إلي صار بيننا كان بإرادتك وبقرار منك وإنتِ بتتحملي العواقب وهلأ معك أسبوع بس تحزني فيه على أمك وتبكي وبعدها بدي،شوف قدامي روز تانية روز قوية بتليق بهيك شغل وبتليق بالمايسترو
روز طلعت من القبو وهي بتمسح دموعها صادفت سيرين بطريقها وهي طالعة من القصر
سيرين: روز إنتِ منيحة؟
روز: الحمدالله
سيرين: الله يرحمها مروة ما شفنا منها إلا كل خير وإنتِ يا روز خليكي قوية وطموحة متل ما بنعرفك
روز: إن شاء الله عن اذنك ،، طلعت لبرا القصر
وكملت سيرين طريقها لتصادف آدم بطريقها ، آدم حبيبي منيح شفتك هون كنت حابة أحكي معك بموضوع مهم وماكان يصير مجال
آدم ببرود: خير أمي ليكون ناقصك مصاري لمراكز التجميل أو تأشيرة سفر لبرا البلد مع رفقاتك
سيرين: إبني ليش عم تحكي معي بهالطريقة الموضوع إللي بدي أحكي فيه بخصك
آدم: طيب عم أسمعك
سيرين: اليوم شفت رفيقتي سوسن وكانت جاي معها بنتها ما شاء الله البنت بتجنن حلوة واكابر وبتشتغل مهندسة ولا تنسى أهلها معروفين بالبلد
آدم: رجعنا لهالمواضيع أمي بتعرفي منيح رأي بالزواج أنا ما رح أتزوج وخصوصي بهالطريقة ونقطة أنتهى طلع من القصر تارك سيرين عم تتأفف
____
بعد يومين
بحديقة بيت الآغا إللي كانت مزينة كلها لعرس عمار ولانا
ريحان كانت تستقبل المعازيم مع إيمار وهمام كالعادة قدر يلفت الأنظار لأله بسبب روحه المرح وخفة دمه
لانا
كانت قاعدة بغرفتها والكوافيرة عم تلبسها التاج على شعرها الذهبي (لانا بنت شقرا بعيون زرق )
الكوافيرة: ماشاء الله طالعة قمر ، رح أنده للعريس
لانا حست أنها وصلت لطريق مسدود كيف رح تقدر تعيش مع شخص ماقدرت تحبه عمار بيحمل كل صفات إلي بتتمناها بس كيف رح تقنع قلبها ينسى الماضي ويتعلق فيه يمكن ما كانت مجبورة توافق بس الحقد إلي كل ماله بيكبر بقلبها اتجاه إيمار إلي خذلها وفضل عليها بنت اقل منها بالجمال بنظرها ولحتى تعيش بعيد عن عمها إلي ظلم أهلها بالماضي ، دخل عمار لعندها عالغرفة حاولت تستجمع قواها وما تبين ضعفها
عمار:، اقترب منها ومسك إيديها وباس جبينها بحب ، بتعرفي إنه هاد أسعد يوم بحياتي خبيت حبك بقلبي سنين طويلة من لما كننا صغار كبرت وكبر حبك معي مع انه غبتي سنين طويلة عن البلد كنت أقنع حالي إني نسيتك بس طلعت غلطان كتيير اول ما رجعتي وشفتك غرقت ببحر عيونك وأكتشفت إني لسا بحبك متل أول وأكتر
لانا مسحت دمعة نزلت من عيونها : عمار أنا ما ضللي حدا بهالدنيا غيرك انت الوحيد إللي وقفت بجنبي لولاك كنت ضليت تحت ظلم عمي لا تتخلى عني أنت كمان عمار
عمار: مستحيل اتخلى عن قلبي خلينا ننزل المعازيم ملوا وهني ناطريننا ههه
نزلوا العرسان وطلعوا على الحديقة وكان كل شي مجهز ومنسق متل ما طلبت لانا وأصرت يكون عرسها كامل مكمل وفعلاً كان هيك
روز: كانت قاعدة جنب قبر أمها وساندة ظهرها على الشاهد ضايعة مكسورة خايبة وكأنه كل وجع العالم سكن بقلبها " يارب ساعدني ما الي غيرك أرشدني للطريق الصحيح " مارح سامحك آدم رح وقفك عند حدك حتى لو كلفني الأمر حياتي كلها رح حاسبك على كل شي وجع عشته بسببك
____^^^
لانا دخلت على غرفتها وقلبها رح يوقف من التوتر وقفت قدام المراية وأتأملت حالها ،، أديش الحياة كانت قاسية معك يا لانا لحتى عم تاخد منك كل شي بتحبيه حتى وإنتِ عروس قلبك مكسور وعقلك عند شخص تاني صار محرم عليكي حتى التفكير بهيك موضوع غير مسموح
دخل عمار على الغرفة ووقف وراها وحضنها لفت لجهته وأبتسمتله وبقلبها وجع كبير بس مصرة تبلش طريق جديد وحياة جديدة
_____
بعد مرور أسبوعين (ببيت الآغا)
الكل مجتمعين على طاولة الفطور ما عدا همام إلي خلص إجازته و سافر
إيمار أكل لقمة عالسريع ، يلا اناطالع عالكلية اتأخرتريحان: كمل فطورك عالقليلة شوف كيف قالب على نصك على كتر ما لتتعب حالك
إيمار: لا تشغلي بالك امي انامرتاح هيك ألتهي بالعرسان الجدد وأنسيني شوي هههه
لانا: نزلت راسها وأبتسمت بألم بتتمنى يضل أكتر وقته برا البيت لحتى تنساه
عمار: حبيبتي وين شاردة
لانا: اه هون أنا
عمار: عم قول بما انه ماعندنا شغل كتير اليوم شو رأيك نطلع مشوار حلو
لانا: لأ
#الجزء_الحادي_عشر 🖋 يّآسًـمِـيّنٌ آلَشّـآمِـ
عمار : ليش لأ
لانا: يعني بقصد إني حاسة حالي تعبانة اليوم ومو خرج أطلع لو نخليها لغير مرة عن أذنكن طالعة ارتاح شوي ، طلعت على غرفتها قعدت على تختها وصارت تمسح وجهها بضيق
عمار: طالع شوفها
ريحان: خليها أبني يمكن تعبانة بس ترتاح بتشوفها
عمار: اه صحيح قبل ما أنسى سمعت إنه امها لروز أتوفت بس ماحكيت قدام إيمار مشان ما ينزعج
ريحان: جدد؟ الله يرحمها
عمار: خيرماما ليش صفنتي فيكي شي
ريحان : اه لا أبني مافي شي أنا طالعة أتمشى شوي داق خلقي بالبيت ، طلعت من البيت وأتصلت بمحمد
محمد أتفاجأ لما شاف أسمها ، ريحان؟
ريحان: كيفك محمد
محمد: أكيد عرفتي بالخبر ومتصلة لتشمتي فيني صح
ريحان بغصة: لأ مو صح البقية بحياتك ، كتير زعلت عليها ... محمد أنا بدي شوفك لو سمحت
محمد: تمام ... بنفس المكان؟
ريحان ابتسمت لأنه متذكر لسا : أي نفسه ساعة وبكون هنيك
____^^^
إيمار
دخل على المحاضرة وهو بدور بعيونه عليها بين المدرج لكن دون جدوى صرلها فترة مختفية أشتقلها وخايف عليها وبنفس الوقت كبرياءه ما بيسمحله يروح لعندها خلص المحاضرة وطلعوا الطلاب قدامه ولما مرقت ملاك وقفها
إيمار: ملاك خليكي شوي
ملاك: نعم دكتور
إيمار: بلاها كلمة دكتور .. وينها روز ليش ما عم تداوم من أسبوعين
ملاك: اه يا حسرتي عليها من وقت ما اتوفت امها وهالبنت أنطفت ودابت متل الشمعة
إيمار: شوو ماتت؟ كييف هيك
ملاك: ماكنت بتعرف؟
إيمار: ومن وين بدي أعرف أنا
ملاك: أمها كان معها مرض القلب بتعرف .. بآخر فترة كانت حالتها تسوء أكتر والدكتور حكالها أنه ايامها معدودة ولازم تعمل عملية بس نسبة النجاح ضعيفة وهي خبت عن روز وابوها وقررت تقضي آخر أيامها بينهم وبعدين روز عرفت من رسالة تركتهلها ياها امها وجنت لا بتطلع ولا بتحكي حتى أنا وأبوها عم تتجنبنا ( صارت تبكي) إيمار روز أتغيرت كتير بترجاك أحكي معها ماحدا بيقدر يهديها غيرك ما بدي أخسر رفيقتي الوحيدة
إيمار بيمسح على شعره : كيف بدي احكي معها بعد ما تركتني وهربت ببدلة العرس قالتلي مابدي ياك ركضت ورا البيك إللي عايشة عنده فضلت حياة القصور على العيشة معي
ملاك: آدم بيك؟ مستحييل من وين جبت هالحكي روز ما بتكنله أي مشاعر صدقني
إيمار: بس إلي شفته هون بالكلية بيدل على شي تاني تماماً كل شي واضح ملاك متل ما انا أتقبلت هالصدمة إنتِ كمان رح تتقبليها ، تركها بحيرتها وطلع من الكلية
...........
ريحان
وصلت شاطئ البحر صارت تتأمل جمال الطبيعة
ريحان
التفتت لقته واقف جنبها
محمد: صرلي زمان ما اجيت لهون يمكن لأنه هلأ أنا بحاجة هالمكان أكتر من اي وقت سابق
ريحان: البقية بحياتك بالرغم من كل شي صار بيننا زعلت على مروة كتير يمكن كنت أحسدها و حملها سبب إللي صار معنا لأني كنت اعتبر حالي الضحية الوحيدة بهديك القصة بس لما أجت مروة وزارتني قبل وفاتها بيومين أكتشفت إني كنت غلطانة كتيير وعرفت ليش تركتني بالماضي مروة عطتني جواب لكل الاسئلة اللي كانت براسي من سنين طويلة
محمد بدهشة : شووو مروة اجت لعندك كيييف بس وليش
ريحان: اساساً كنت عم أستنى الفرصة المناسبة لاحكي معك بس انصدمت وقت سمعت باللي صار ( رجعت بذاكرتها لقبل وفات مروة بيومين)
^^
طلعت ريحان على الحديقة شافتها قاعدة ومتوترة : مروة !! شو عم تعملي هون ما كفاكي إللي عملته بنتك فينا وجاي تكملي
مروة: ريحان خانم لو سمحتي خليني أحكي إللي عندي هاد الموضوع ما بخص ولادنا بخصنا نحنا يمكن هاي آخر فرصة لألي لحتى احكي كل شي بقلبي وأرتاح
ريحان قعدت مقابل منها ونطرت كلامها بإهتمام ، بخصنا نحنا؟ عم أسمعك
مروة: من كم يوم بالصدفة شفت صندوق صغير بين غراض محمد إللي كان مخبيهن ولما فتحته شفت فيه صور كتير بتجمعه معك ورسائل
ريحان فتحت عيونها بصدمة
مروة: كانت صدمة كبيرة لألي أي كنت بعرف لما محمد أتزوجني كان يحب بنت تانية وبسببي تركها بس ما كنت بعرف إنه هالبنت هي إنتِ
ريحان: هالموضوع كان ماضي ودفنناه ونييناه وبتمنى إنتِ كمان تنسيه
مروة: بس في شغلات إنتِ بتجهليها يا خانم محمد خبى عنك مشان يراعي مشاعري بوقتها إنتِ مفكرة أنه محمد أتخلى عنك وما حارب مشانك وفضل بنت عمه بس الحقيقة محمد أتزوجني بوقتها لسبب ...أنا كنت مريضة قلب والمرض ببدايته كنت مخطوبة ولما عرف خطيبي تركني تعبت كتيير وجربت انتحر وعمي بوقتها طلب من محمد يتزوجني لانه أبن عمي ورح يصونني وأنه ما حدا رح ياخد بنت مريضة محمد شفق علي وماكسر كلمة عمي أتزوجني وجبت روز بالرغم إنه كان الحمل بيشكل خطر على حياتي اتمسكت فيها ومحمد بلش يتقرب مني لما أجت بنتنا صرنا عيلة حقيقية
ريحان بصدمة: بس محمد بوقتها خبرني شي تاني ماعم صدق ليش جاي تخبريني بعد كل هالسنين
مروة: هاي هي الحقيقة أنا وصلت للنهاية وأيامي صارت معدودة حبيت تعرفي إنه محمد كان مجبور بوقتها وكمان رح أطلب منك آخر طلب .... روز بحب إيمار كتيير يا خانم من وقت العرس وبنتي مطفية أنا متأكدة إنه صاير معها شي لحتى عملت هيك بتمنى إذا أجا يوم وأجتمعوا من جديد لا توقفي بوجههم حني على بنتي
^^
محمد: ماعم صدق أساساً ماعم أقدر أستوعب إنها تركتني أنا حبيتها ريحان قلبها الكبير رغم وجعه قدر يحتويني وبالنهاية راحت وهي زعلانة مني وكل فكرها إني باقي معها بس شفقة
ريحان وجعها قلبها من كلامه : حتى وهي تحت التراب بحسدها على حبك لألها أنا وأنت عشنا قصة حب كبيرة بالماضي بس للأسف أفترقنا ودفنت هداك الحب جوات صندوق صغير مع كل الصور والذكريات سامحني لأنه ما عطيتك مجال تبررلي بوقتها بس أنا كمان كنت ضحية محمد كنت ضايعة
محمد: نحنا التلاتة دفعنا الثمن بس الحياة بتستمر والماضي رح يضل ذكرة حلوة ومؤلمة بنفس للوقت محفورة بذاكرتنا
ريحان: الله يرحمه مرة تانية وآسفة إذا أزعجتك
محمد: شكراً ريحان شكراً لأنك رميتي كل المشاكل ورا ظهرك و وقفتي جنبي بهالمحنة
___^^^
بمكان تاني (منطقة قريبة من الجبل)
وقفت سيارة ضخمة ع طرف الطريق ونزلت منها وهي لابسة بنطلون جينز وجاكيت أسود قصير وحاطة نضارات كبيرة على عيونها صارت تمشي بإتجاه الجبل كان في بيت خشبي صغير بطرف الجبل مشيت بهدوء لحتى وصلت لعند الباب حست بالخوف لوهلة شو إللي جابها لهالمكان الغريب والمهجور وليش لحتى آدم أختارني أنا بالزات لهالمهمة لا تخافي روز إنتِ قدها ،، أخدت نفس و مدت إيدها لتدق الباب بس اول ما لمسته أنفتح ودخل الضوء لداخل البيت أنصدمت من رتابته ونظافته من جوا يمكن كانت متخيلة يكون مهجور ومو نضيف كان عبارة عن غرفة وصالون ومطبخ صغير خطت كم خطوة لجوا بس اتجمدت مكانها لما حدا مسكها من ورا وسكرلها تمها
مجهول : مين إنتِ وشو عم تعملي هون
روز: امممممم
بعد إيده عن تمها ولفها لجهته كان ملثم ومو باين غير عيونه إلي كان لونهم أخضر ضل صافن فيها لفترة وبعدين صحي على حاله : عم أسمعك
روز بخوف : أنا أجيت من طرف المايسترو جبتلك الأمانة (طلعت ظرف من جيبتها ومدتله ياه)
مجهول : اخد الظرف منها وبعد عنها كم خطوة فتحه وأتأكد من المبلغ إذا كامل
روز: أنت ساكن هون؟
مجهول..........
روز: طيب ليش مخبي وجهك لتكون خايف...سكتت لما مد إيده ورفع الشال عن راسه و وجهه وبنفس اللحظة شهقت روز وحطت إيدها على عيونها من الخوف كان رجال بعمر ال ٣٥ بس شكله مخيف وغريب كتير نص وجهه محروق ومشوه والنص التاني مو كتير متضرر بس بين إنه كان شخص جميل
مجهول ببرود: شوو مين الخايف هلأ ؟ شيلي إيدك واتطلعي علي
روز: اتمالكت نفسها وحست بالخجل أتجاهه ، أنا أسفة على طول انا هيك فضولية وبحشر انفي بالمشاكل إذا ما عملت مصيبة ما برتاح صدقني
مجهول: ضحك على عفويتها
روز: طيب كيف صار فيك هيك
مجهول بحدة: نصيحة مني لألك لا تتدخلي بشغلات ما بتخصك لإنه مبين عليكي جديدة بهالشغل إذا خلصتي شغلك فيكي تمشي
روز: صارت تتطلع حواليها وتدقق بكل تفصيل بالبيت شافت صورة لصبية حلوة بالعشرينات بس بتشبهها بشكل كبيير ما عدا لون العيون عيونها خضر متل عيون الشخص الواقف قدامها ولابسة نفس القلادة إللي على شكل الكوبرا وإللي آدم كمان لابس متلها دخل الشك لقلبها وشعرت بالخوف بكل مرة عم تغرق أكتر وأكتر بهاللعبة كلما مسكت طرف خيط بتواجه عقد جديدة
طلعت من البيت تحت أنظاره المجهولة مشيت بحذر لوصلت على الطريق كانت السيارة لسا بإنتظارها ركبت فيها ورجعت على القصر وهي بعالم تاني عم تفكر بالشخص إللي شافته والصورة والقلادة عم تربط كل الأمور ببعضها بس في شي غامض لازم تعرفه دخلت لجوا لقت أبوها قاعد بالحديقة وباين عليه الزعل أقتربت منه وقعدت جنبه بهدوء وضلت ساكته بس عم تتطلع عليه بعيون دبلانة
محمد : مو قدران أبقى بهالبيت بدون أمك حاسس حالي مخنوق
روز: رح تترك الشغل هون؟
محمد: رح أستقيل بنتي تعبت
روز: وشو رح يصير فينا
محمد: أتصلت أختي وطلبت مني زورهن بالضيعة فترة وأنا مو حابب أتركك هون تروحي معي؟ جو الضيعة رح يحسن من نفسيتكروز: لأ بابا مابقدر ... بقصد إنه قرب تخرجي وما بدي بعد أكتر عن الكلية كن بكرا رح بلش داوم بدي حقق حلمي بابا وصير محققة أنت روح عالضيعة أرتاح فترة وأنا بس يصير معي مجال بلحقك بس في شغلة
محمد: خير بنتي
روز: لا تخبر آدم بيك وسيرين خانم أنك رايح عالضيعة
___^^^
المسا ببيت ديمة
سمعت صوت الباب ركضت من المطبخ وهي لابسة تياب واسعة ورابطة شعرها وإيديها لسا رغوة جلي فتحت الباب وأتفاجأت بكريم
كريم: عفواً شكلي خربطت بالشقة
ديمة: أتطلعت عليه وع حالتها سكرت الباب فوراً بوجهه
ديمة: يخرب بيتك يا ديمة الزلمة شافك بهالمنظر أكيد رح يرتعب هلأ ... ركضت على غرفتها وغيرت تيابها على السريع وفردت شعرها مع شوية حمرا وطلعت لتفتح الباب من جديد
كريم: كان لساته واقف قدام الباب ومصدوم وعم يتطلع حواليه
يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h