الفصل 4
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵* *رهينة.عيناك.👀🫦.tt*
*❴🔢❵☟الـــبـــــــــــ❴4️⃣والأخير❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
4
يضربني بنص مكتبي ويعايرني بماضيي .. بشوووو .. فهميني بشووو
لين: ياسر .. ياسر هيك عمل
ناجي: اي .. اخوكي المحترم هيك عمل
لين: اكيد عندو سبب مقنع .. اخي بحياتو ما ظلم انسان وانت اكتر واحد بتعرف هالشي
ناجي: صدقيني رح حاسبو ع كل كلمة قالا .. رح احرق روحو وقلبو متل ما حرق روحي وقلبي وانا بورجي
لين: فشرت .. اخي مالو ضعيف متلك .. كلمة بتهزو .. اخي رجال من حق وحقيق
ضحك ناجي بعصبية ونزل لعندا ع الارض ع ركبو وقرب وشو من وشا ..
(اخوكي رجال من حق وحقيق قلتيلي!! وانت .. انت شو )
رمشت لين بعيونا وتوترت ..
رفع ناجي ايدو ومسح وشا بئيدو ..
تلبكت لين بزيادة وبعدت وشا عنو بعصبية ... مسكلا وشا بئدية التنتين .. وقرب وشو من وشا اكتر لصار نفسو يلامس بشرتا ...
(بتعرفي شو .. للحظة كنت مفكر حالي ملكت الدنيا كلا .. شركة كبيرة واخ متل ياسر وام متل امك .. و .. وحبيبة .. حبيبة متلك .. كلشي كنت احلم في كان الي .. بس الحيوان اخوكي بلحظة وحدة سرق كلشي مني .. وهلا ما بقيلي غير شي واحد مستحيل اتنازل عنو .. انت .. لين .. ما رح اتخلا عنك لو بدي موت )
هو عم يحكي وماسكلا وشا بئدية التنتين وهي دقات قلبا عم تعلا وعم تحاول تسيطر ع مشاعرا وتفلت وشا منو ..
قرب شفافو منا وباسا بوحشية وبشغف وبوجع كبير .. وفلتا وبعد عنا بسرعة وطلع لبرا ..
لين بهاللحظة انهارت وما عاد فيها تتحمل ضغط ع اعصابا اكتر .. وبلشت تبكي بوجع كبير وتصرخ وتكسر كلشي حواليها ..
بقيت لين ع هالحالة لوقت تعبت تسطحت وغفيت عينا من غير ما تحس ..
اما ناجي فحاول يكون بعيد عنا لحتى ما تفلت اعصابو كمان مرة ويعمل شي ..
بقي برا سامع صوتا وهي عم تبكي وقلبو عم يحترق عليها .. ووقت هديت وما عاد طلع صوتا فات ليطمن عليها ..
كانت غفيانة والدموع معلقة بعيونا .. اطلع فيها بوجع وقرب منا غطاها ومسحلا دموعا وباسا ع خدا ..
وطلع براة الغرفة .. حاول يغفى بس ما قدر بنوب .. بقي ع هالحالة للصبح .. وقت حس عليها فاقت ..
طلعت لين لبرا ووقت شافتو لفت وشا عنو ..
ناجي: ليكو الحمام هون .. خدي راحتك .. انا رح روح جيب اكل واجي .. ما بتاخر
ضلت لين ساكتة وما حكت شي لوقت طلع وقفل عليها الباب وسمعت صوت سيارتو مشيت ..
قعدت ع الكنبة وبلشت تبكي بوجع كبير ..
لين: يا ربي دخيلك شو هالكابوس .. وكيف رح اطلع منو كييف .. بس لا مو انا يلي بستسلم لا لناجي ولا لغيرو .. انا لازم اهرب .. اي رح اهرب قبل ليجي
فاتت لين ع المطبخ وجابت سكينة وضلت تحاول بالباب لحتى فتحتو .. وطلعت من البيت ركض..
كانت منطقة مقطوعة وكلا شجر .. كل هما كان تبعد عن البيت اكبر مسافة باقصى سرعة ..
ياسر بهاللحظات كان عم يدور من قرنة ع قرنة ع اختو متل المجنون .. ما ترك ولا بيت ولا شقة بيعرف انو ناجي بيتردد عليهن الا وفتش فيها ..
ناجي اشترى فطور ورجع ع البيت .. وطول الطريق وهو عم يفكر كيف رح يراضيها للين ..
وصل ناجي البيت ووقت نزل من السيارة شاف الباب مفتوح ركض متل المجنون ع البيت .. دخل وهو عم يصرخ .. (لين .. ليييين)
فتش البيت كلو بس ما كانت موجودة .. (لك وين راحت هاي المجنونة ويين )
ركب سيارتو وبلش يتفتل بالغابة وهو عم يدور .. لوصل منطقة ما في مجال يدخل السيارة عليها .. وقف سيارتو بنص الغابة ونزل منا وبلش يدور وهو عم ينادي ع لين ..
بقي ساعات لنهار كلا وهو عم يتفتل بالغابة ويدور عليها .. وغابت الشمس وعتمت الدنيي وهو لسا عم يدور ..
ناجي: لك وين رحتي وين
ولسا عم يحكي مع حالو سمع صوت بكي ورا الشجرة .. قرب بسرعة وركز ضو الكشاف عليها ..
كانت لين قاعدة حد الشجرة ومتكورة ع حالا واجرا مجروحة والرعب باين عليها ..
ركض لعندا متل المجنون .. (ليييين)
وقت شافتو لين جنت وبلشت تضرب فيه ع صدرو .. وهو عم يحاول يمسك اديها ويهديها ..
لين: بعد عني بعددد بعدددد
ثبتلا اديها وضما ع صدرو بكل قوتو ...
ومن غير وعي لين ضمتو وهي عم تبكي ..
ناجي: خلص خلص اهدي اهدي
ضلو ضامما وعم يهدي فيها لوقت وقفت بكي وهديت..
رفع ناجي راسا باديه واطلع فيها .. مسحلا دموعا وحملا بين اديه ومشى فيها لوصلو السيارة .. ورجعو ع بيت الخشب ..
*بالطرف التاني
ام ياسر: وهلا شو رح نعمل .. شو رح يصير
ياسر: والله يا امي حاسس حالي مربط .. ما خليت ولا قرنة ما دورت عليه فيها
ام ياسر: الله يصلحك يا امي تصرفت بعصبية وخربت كلشي معو قبل لتتاكد
دق تلفونو لياسر .. وكانت ابرار ..
ياسر: اي ابرار
ابرار: ياسر لبضاعة بعد بساعة بتكون وصلت .. هلا دقولي وخبروني
ياسر: كيف هيك ؟؟
ابرار: انا ما كنت متوقعة الصفقة تروح منك .. وكمان البضاعة وصلت قبل موعدا .. لهيك الجماعة ما رح ياخدو كلشي كاش .. انا حكيت معن وفهمتن الوضع
ياسر: اووف .. طيب ماشي ماشي .. هلا بشوف
ابرار: ليك ياسر .. انت بتعرف لبضاعة فاتت بشكل غير رسمي .. والجماعة ما بدن عجقة لحتى ما ينكشفو لهيك لازم تكون لحالك وما حدا يجي م
عك
ياسر: طيب طيب ماشي تمام
*
وصلو البيت ونيما ناجي ع السرير وجاب مي ومعقم وشاش ونضفلا جرحا ولفلا اجرا وهي لساتا عم تبكي متل الطفل لصغير ..
Telegram:@rwayate
ناجي: انت مجنونة شي!! كيف طلعتي بالغابة .. ما خفتي يطلعلك شي بوشك
لين: شو ما طلعلي ما رح يكون متوحش اكتر منك
ناجي: ههههه ماشي رح سامحك
لين: لا تسامحني .. لااا تسااااااامحني ضربني لتثبت رجولتك وتفش قهرك من اخي .. ضربني
وزادت بالبكي اكتر .. اطلع فيها ناجي بوجع وما حكا شي..
ناجي: ........
كمل لف اجرا بالشاش من غير ولا كلمة وتركا وطلع.....
***
وصل ياسر لموقع التسليم .. وقف سيارتو وشعل الضو تلت مرات متل ما اتفقو وضل بالسيارة عم يستنا ..
بعد بشوي شاف الاشارة من الطرف التاني .. نزل من السيارة وشنتة المصاري بئديه .. واخر شي سمعو هو صوت قواص وضربة قوية ع راسو ..
ترنح شوي وشاف خيال وصدى صوت .. (انت انتهيت)
ووقع ع الارض..
رهينة عيناك بقلم امل احمد
الجزء الثامن
فتح ياسر عيونو بالمشفى ..
ام ياسر: الحمد لله ع السلامة يا امي
اطلع ياسر حوالي واتفاجا بابرار حدو ..
ياسر: ابرار .. شو عم تعملي هون .. انت ما سافرتي
ابرار: قلبي ما كان مطمن .. رجعت لاطمن عليك
غمض عيونو وهو عم يتوجع ويحاول يتزكر شو صار معو .. وتزكر الشنتة ..
ياسر: الشنتة .. المصاري ..والبضاعة .. شو صار فيهن
ابرار: المصاري راحت .. وللاسف ع الاغلب ناجي سرقن .. مواصفات الشب يلي هرب ومواصفات سيارتو مطابقة لمواصفات ناجي وسيارتو
ياسر: لك ااااخ الله يلعنو .. الله يلعنووو
ام ياسر: طول بالك يا امي .. المهم انت بخير .. كلشي بيتعوض يا روحي
ياسر: وشو صار بالبضاعة
ابرار: الجماعة هربو فيها وقت سمعو صوت لرصاص .. لا تقلق .. رح ارجع اتواصل معن .. لساتن هون .. والمصاري بتتعوض .. انت هلا ارتاح
ياسر: ارتاح !! لك ااخ ناجي ااااخ
****بعد بيومين
لين: ولايمت رح نضل ع هالحالة
ناجي: ليعقل اخوكي ويرجعلي يلي سرقو مني
لين: بس اخي ما سرق شي منك .. وانا متاكدة عندو سبب لكلشي
ناجي: لين لا تضغطي ع اعصابي .. مالي حابب ارجع عصب عليكي
قربت لين منو وهو قاعد ع الكرسي.. وحطت وشا بوشو .. (بس انا حابب عصبك .. ما عاد في اتحمل اكتر .. رح جنننن .. رح جننننن)
ناجي: بعدي وشك بلا ما جن انا
حكالا هيك وهو عم يطلع بعيونا وشفافا نظرة خلتا تتوتر وتبعد عنو بسرعة ..
ناجي: هههههه خفتي مو
لين: و.. و.. وليش لخاف
اطلع فيها وعم يتبسم .. ودقات قلبا عم تعلا وتعلا ..
وقف وقرب منا ومسكا من كتافا .. (خليكي هادية وبعيدة عني .. ما بعرف قديش فيني اتحمل هالعيون وسحرن )
وتركا بتوترا ودقات قلبا يلي ما عم تهدا وطلع لبرا ..
بعد بشوي فات ناجي لعندا وهو متوتر ..
ناجي: لين .. سمعيني من غير ما تقاطعيني .. لين انا بحبك .. بحبك كتير .. انا ما فيني اخسرك .. بعرف تصرفت بهمجية .. بس ما كان فيني اتحمل خسارتك متل ما تحملت خسارة تجارتي وكرامتي ... وهلاا انا .. انا لازم روح .. اخوكي بخطر .. لازم روح لحقو
لين: لك ناجي شو عم تحكي .. شو عم يصير .. شبو ياسر
ناجي: ما في وقت اشرحلك .. انا لازم روح .وهلا
وقفت لين ومسكت بئيدو .. (بروح معك)
اطلع بوشا بوجع وهز براسو (ماشي .. تعي بسرعة)
طلعو بالسيارة ودق ناجي لياسر مرة وتنين وتلاتة بس ياسر جوالو مسكر وما عم يرد ابدا ..
ضرب ناجي بئيدو ع المقود وبلش،يصرخ ... (لك الله يلعنكن .. الله يلعنكن )
بعد شي ساعتين وصل ناجي للموقع يلي رح يستلم فيه ياسر البضاعة ...
وقف سيارتو بين الشجر .. (لين اصحك تطلعي من السيارة لو شو ما صار .. اصحك)
لين: ناجي انا ما عم افهم شي
ناجي: رح فهمك كلشي .. بس هلا صار لازم روح لياسر
لين: ماشي
فتح باب السيارة لينزل .. رجع لف حالو ع لين .. مسكلا ايدا وباسا بكل حب .. (بحبك)
توترت لين واطلعت فيه (انت.... انتبه ع حالك منيح)
تبسملا ونزل من السيارة ..
حمل ناجي سلاحو ومشى بكل هدوء وهو عم يتلفت حوالي .. لوقت شاف ياسر ..
ارتاح وقت شافو بخير .. قرب منو بهدوء .. بس لاحظ بانو واقف مع ست .. ركز نظرو .. كانت ابرار ..
نزل سلاحو وقرب منن ..
ناجي: ياسر
لف ياسر وشو عليه والمسدس بئيدو .. وجهو عليه..
ياسر: اجيت يا كلب .. اجيت يا خاين مو .. ما كفاك خيانتك بالصفقة ..وخطفك لاختي .. وسرقتك للمصاري .. ولا بدك تخلص علي ع اااخير .. ارمي سلاحك بسرعة والا بفرغ هالمسدس براسك
ناجي: ياسر طول بالك انت فهمان غلط .. ياسر انا جايي كرمالك
ياسر: كرمالي ههههههههههه
اطلع ناجي بابرار ... (ابرار .. شبك ليش ساكتة .. خبري لياسر بيلي قلتيلي ياه)
اطلعت فيه ابرار .. (بس انا ما قلتلك شي )
ناجي: لك مو انت دقيتي علي،وقلتيلي رح يقتلو لياسر
ياسر: ههههههه والله جد .. ما بقيلك كزبة غير هاي .. لك انا لو ابرار ما نبهتني ما كنت كشفتك يا كلب
ناجي: ياسر طول بالك
ابرار: ياسر خلص عليه، هيك واحد خاين ما لازم يعيش
ناجي: ياسر لا ترد عليها .. ياسر انا اخوك ناجي .. لك نحنا ربينا سوا .. لك عم تلعب،فيك صدقني .. هاي،وحدة كزابة
ولسا عم يحكي وياسر فكرو بلش،يتوتر .. رجع يتزكر بحكيا .. تزكر الخيال يلي ظهر قدامو والصوت وقت انضرب ع راسو .. بيطلع صوت رصاصة وبيوقع ناجي،ع الارض،..
لين وقت سمعت الصوت نقز قلبا وطلعت من السيارة ركض ..
ياسر اطلع ع ناجي وهو مصدوم .. لف وشو ليشوف مين يلي قوصو ..
وانصدم وقت شاف المسدس بئيدا لابرار ..
ابرار: شبك تفاجات .. ما عاد في اصبر اكتر .. وهلا زتو لهالمسدس من ايدك
وقع المسدس من ايدو لياسر وهو مصدوم ومالو فهمان شي ..
ياسر: ش... شو عم يصير
ابرار: ولاشي .. جيت لصفي حساب قديم بينا .. وبصراحة ما تخيلت تمشي اموري بهالسرعة
ياسر: حساب قديم !!
ابرار: اي .. شركة ابي .. وروح امي .. امي ماتت بسبب شركتكن وابي افلس واجتو جلطة وصار مقعد .. سنين صرلي عم اتعزب انا وابي بسبب ه
الشركة
ياسر: لك انت شو عم تحكي
ابرار: خالد الصالح .. بتعرفو لهالاسم شي!!
ياسر: خالد الصالح !!
ابرار: اكيد ما رح تعرفو .. ابي يلي بسبب جشع ابوك خسر كل املاكو .. وافلس وامي من الصدمة اجتا السكتة وماتت مطرحا .. وابي اجتو الجلطة من زعلو وقهرو ومن وقتا ابي نذر ليحرق هالشركة .. بعت ناس ودبر الحادث لابوك .. ومات هو ورفيقو بالسيارة
بس الشركة ما وقفت ورجعت اشتغلت وكبرت اكتر من قبل .. وهالشي طبعا،بفضلك لهيك انت لازم تموت
ياسر: و.. وناجي .. ناجي ليش قتلتي
ابرار: لانو ازا ضل عايش الشركة ما رح تنهار .... هههههههه ناجي .. اخخ شو غبي .. بتعرف شو .. ناجي كان جايي لينقضك .. انا خبرتو كلشي وقلتلو انو انا عطيتك اوراق مزيفة من البنك وانا السبب بيلي عملتو معو .. بكى متل الولد لصغير .. وقلتلو رح يقتلو لياسر .. فركض لعندك لينقضك
ياسر: انت شيطانة .. شيطااانة .. لعبتي فيني وبمشاعري .. لك انا كيف صدقتك كييف
قربت المسدس منو واطلعت فيه .. (بتعرف شو اكتر شي عم يعزبني .. اني جد حبيتك .. بس للاسف حبي لابي وامي اكبر بكتير .. لهيك انت لازم تموت )
ياسر: وشو رح تستفيدي .. مفكرة ما رح يمسكوكي .. رح تقضي عمرك بلحبوس
ابرار: مفكرني غبية متلك .. ليكا تذكرتي جاهزة .. رح خلص عليك وروح ع اميركا وما حدا رح يعرف مطرحي .. وهلا تشاهد
الشرطة: نزلي لسلاح من ايدك .. الشرطة بكل مطرح
تلبكت ابرار وتلفتت حواليها برعب ..
ابرار: مستحيللل .. مستحيللل مهمتي لازم تخلص ..ما فيني خيب ظن ابي فيني .. مااا فيني.. انت لازم تموت
وفجأة بتجيها ضربة ع راسا من ورا .. بتترنح وبتوقع بارضا..
لين: ما حدا فيه يموت اخي وانا موجودة
اطلع ياسر بلين .. ركضت لعندو وضمتو وبكيو تنيناتن ...
فلتا ياسر بسرعة وركض لعند ناجي والشرطة صارت بكل مطرح ..
ياسر: لساتو عايش .. لساتووو عايش ... ساعدوني هون ساااعدونييييي
حملو بين اديه واخدو ع المشفى ..
دخل المشفى وهو عم يصرخ .. (اخي عم يمووت اخي عم يموووت )
ااجزء التاسع
دخل ناجي العمليات وبقي ياسر ولين برا عم يستنو ..
ياسر كل تيابو دم .. من دمو لناجي ..
انهار فجاة وحدة وفرط بالبكي ..
قربت منو لين وضمتو .. (طول بالك اخي)
ياسر: لك انا كيف شكيت فيه .. كييف
لين: حب ابرار عماك يا اخي عماك
ياسر: لك ااخ ااااخ .. لك رفعت المسدس عليه وكنت رح اقتلو بئيدي .. بئيدي
رجعت لين ضمتو وبكيو سوا ..
خمس ساعات وهني ناطرين ع باب غرفة العمليات وعم يستنو ..
وام ياسر بالبيت قلبا عم يغلي .. حاسة بشي كاتم ع صدرا .. (ياا رب احميلي ولادي ياا الله .. وينك يا ياسر ليش لهلا ما رجعت .. صار لازم دقلو )
دقت لياسر ..
ياسر: امي حبيبتي
ام ياسر: لك وينك يا روح امك وليش هيك صوتك
ياسر: امي .. ناجي .. ناجي يا امي
ام ياسر: شو عمل باختك
ياسر: ناجي بين الحياة والموت يا امي
ام ياسر: شوووو .. شو صار
ياسر: خدي تكسي وتعي ع المشفى امي .. مالي حسنان اجي اخدك .. ورح فهمك كلشي
اجتن امن ووقت شافتا للين ضمتا وبلشت تبكي ..
(بنتي حبيبتي .. الحمد لله يلي شفتك بخير .. الحمد لله.. فهموني .. شو صار .. انت يلي قوصتو يا ياسر ؟؟ انت يا امي )
ياسر: لا يا امي مو انا
وفهموها كلشي صار ..
ام ياسر: يا ربي دخيلك تحمي لناجي يااا رب
مر الليل كلو واجى الفجر وهني لساتن ناطرين ..
طلع الدكتور من غرفة العمليات ركضو لعندو ..
ياسر: طمنا دكتور
الدكتور: ما بعرف شو بدي قول .. اصابتو كتير حساسة .. نحنا عملنا يلي علينا .. ولباقي ع رب العباد
انهارت لين وبلشت تبكي متل المجنونة .. تزكرت نظرتو قبل لينزل من السيارة .. تزكرت وقت قلا بحبك .. غمضت عيونا .. (وانا بحبك .. والله بحبك وبعشقك)
ضمتا اما وبكيت معا بحرقة ..
..............
مر اسبوع كامل ووضعو لناجي لساتو متل ما هو ..
لين ما عم تتركو ابدا .. ضربو لالها وقت خطفا عملا غصة بقلبا .. بس حبها لالو كان اكبر بكتير انو تتركو وهو بهيك حالة ..
ياسر عم يحاول يمشي حياتو وشغلو بس ما في شي عم يمشي .. كلشي بعد ناجي ما عاد الو طعم ..
ما عم يروح من بالو وقت رفع السلاح بوشو .. ما عم يقدر يستوعب كيف حبو لابرار عمى ع قلبو..
ابرار ضربتو بنقطة ضعفو .. علقتو فيها واختارت انسب وقت لتلعب فيه ..
ياسر: انا لازم روح شوفا بالسجن يمكن اقدر برد شوي من النار يلي بقلبي
طلع من الشركة وراح لعندا ع السجن .. قعد ع الكرسي ونطرا .. بعد بشوي اجت .. وقعدت ع الكرسي مقابيلو من ورا القزاز ..
اطلع فيها بوجع وبغصة ..
حملت التلفون وهي متبسمة.. (اشتقتلي!!)
تبسم (اكيد لا)
(لكن ليش اجيت )
(اجيت لشوفك والكلبشات بئديكي .. لبرد شوي من النار يلي عم تاكلني )
(هههههههه ..نار حبك لالي)
(ههههههه اكيد لا .. صدقيني القلب يلي رح ينبض لوحدة خاينة .. وحدة ازت عيلتي وضربتني فيهن .. مستعد شيلو بئدييي هدول وكبو للكلاب)
غصت ابرار .. بس خبت هالغصة ورسمت مطرحا بسمة صفر
ا .. (متوقع صدقك!!)
(عادي .. لا تصدقي .. وهلا عن ازنك .. رح روح شوف عيلتي ورفيقي )
سكر سماعة التلفون ووقف ..
عصبت ابرار وبلشت تضرب بالقزاز وتطلعرفيه .. (كزاااب .. كزاااب .. ما فيك تنساني .. ما فيك .. مااا فيك تنساني .. كزااااب )
رفعلا ايدو وتبسم بوشا وطلع ..
بقيت ابرار عم تضرب بالقزاز لتجمعو الحرس عليها وشحطوها لغرفتا وهني عم يضربو فيها ..
طلع ياسر من السجن .. سحب نفس طويل ورفع راسو لفوق .. (ياا رب تشفي لناجي .. ياا رب)
رجع ياسر ع البيت بعد ما ارتاح شوي بمشوارو لعند ابرار .. شوفتا بالسجن والكلبشات بئيدا حسستو براحة .. بس هالراحة كانت مع غصة قوية ..
السُفرة ما الا طعم من غير ناجي .. الحياة كلا عتمة من بعدو ..
ام ياسر: لك شقفة بنت هيك تعمل فينا وتقلب حياتنا .. الله لا يوفقا
ياسر: البنت اخدت عقابا يا امي .. بس انا .. انا مين يلي رح يعاقبني .. مين يلي رح يقتص لناجي مني
ام ياسر: طول بالك امي .. ان شاء الله ناجي بيصح وكلشي بيتصلح وبيتعوض .. بس خوفي من ابوها .. هلا رح يزيد حقدو علينا .. ربي يحمينا من شرو
ياسر: لا تخافي امي . . ما في يعمل شي .. هلا صار اسمو عند الحكومة .. وبايا وقت بيفكر يجي لهون رح يمسكو
دق تلفونو لياسر .. ( لين)
ام ياسر: رد بسرعة
ياسر: اي اختي
لين: ناجي .. ناجي يا اخي (تبكي)
ياسر: لك شو صار
لين: ناجي فاق .. ناجي فاق وعم يسال عنك .. ناجي فااق .. فاااق (تبكي)
نزلو دموعو لياسر .. (الحمد لله .. جايي جاييي)
بعد شهر
ناجي عم يلبس بقميصو الابيض ..
ياسر: لك استنى انا بلبسك .. انت عريس
ناجي: لك حااج عم تدللني .. بكرة بتعود
ياسر: ههههههه لا تخاف علي بعوضا بشي تاني
ناجي: ههههه
لبس ناجي طقمو بمساعدة ياسر .. ولين ناطرة بغرفتا وهي لابسة فستان عرسا .. وعم تستنى بحبيا ..
ياسر: ناجي .. ما عم بقدر سامح حالي علي صار .. بتمنى تسامحني
ناجي: اووف ياا .. لك هلا وقتو .. لك عروستي ناطرتني .. فكني منك ياااه
ضربو ياسر بكس بنص صدرو .. (لك تضرب شو حيوان هههههه)
ناجي: ههههه ايييي .. لك والله زهقتني ع قد ما سمعتني هالجملة .. ياسر نحنا اخوة .. وكلشي صار انتهى وخلص .. وليكني صرت عريس لاختك .. شو بدي انتقام منك احسن من هيك هههههه
ياسر: ههههه شو ندل
انتهت
*ااـــــــــ͢ـོ͓ـــنهــــــــــايــــོـ͓ـــ͢ــة*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```