الفصل 3
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵* *رهينة.عيناك.👀🫦.tt*
*❴🔢❵☟الـــبـــــــــــ❴3️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
3
.. يعني مو اقل من شغل ست سبع شهور
ابرار: اي شو عليه .. المهم نبلش بالفكرة .. وايمت ما تنفذت مو مشكلة
ياسر: تركينا هلا من الشغل .. خبريني عن جامعتك .. وعن غربتك .. واهلك
تنهدت ابرار وشبكت اديها ببعض ونزلت عيونا ..
ابرار: اهلي !! ابي رجال كبير بالعمر كان بزمناتو يشتغل بالتجارة بس للاسف خسر تجارتو بصفقة .. وافلس .. وامي ما حسنت تتحمل الصدمة وماتت جلطة
وهلا انا عايشة مع ابي .. سافرنا سوا لكملت دراستي ورجعنا سافرنا ع اميركا .. ابي اسس شغل ع قدو هنيك وانا اشتغلت بشهادتي ..
ياسر: وايمت رح تعرفيني ع ابوكي
ابرار: بس ابي مو هون .. ابي باميركا
ياسر: تركتي واجيتي لحالك!!
ابرار: اي .. بصراحة جاي لسبب ورح ارجع لعند ابي .. بس ما بعرف ايمت
ادايق ياسر كتير وحس انو الوقت رح يسرقو ويسرق منو البنت الوحيدة يلي قلبو دقلا ..
ابرار: في شي استاز !!
ياسر: لا لا ابدا .. ما في شي
ابرار: طيب انا صار لازم روح
وقفت ابرار لتمشي .. مسكى ياسر من ايدا واطلع بعيونا .. (فينا نحكي شوي)
اطلعت ابرار بايد ياسر يلي ماسكتا ورفعت عيونا لعيونو ..
ابرار: تفضل
انتبه ياسر ع ايدو .. سحبا ..
ياسر: بعتزر منك .. قعدي شوي لو سمحتي
ابرار: تمام .. تفضل
وركزت ابرار عيونا بعيون ياسر .. اطلع ياسر بعيونا وبنظرتا الحادة .. يلي متل نظرة اللبؤة .. للحظة حس حالو رح يمسكا من ايدا ويقلا بعشقك وبعشق هالعيون .. بعشق هالنظرات القاتلة والعيون الفاتنة .. بعشق قوة شخصيتك يلي بتدبح .. بعشق كلشي فيكي ..
ابرار: استاز .. صاير شي معك !!
هز ياسر راسو واطلع فيها بنظرات كلا عشق ووله .. لاول مرة ابرار بتشوفا .. ويلي خلوها تتلبك وتنزل نظرا عن عيونو ..
ياسر: ابرار .. انا .. انا
غمض عيونو وهو ملبك كتير وحس كلشي حكي تبخر واختفى ..
ياسر: خلص ما في شي .. خلينا نمشي
رفعت ابرار حاجبا باستغراب .. وحملت شنتتا وقامت معو ...
طول الطريق وابرار عم تفكر بالنظرات يلي شافتا بعيون ياسر .. ويلي بتخلي قلبا يدق بطريقة حلوة كتير ..
وياسر عم يفكر باحتمالية خسارة ابرار برجوعا لعند ابوها ..
الجزء الخامس
مشت الايام والاسابيع والشهور .. وياسر كل مالو عم يغرق اكتر بحبا لابرار .. وابرار عم تحاول تكزب حالا بانو ياسر بحبا ..
وبالطرف التاني لين يلي عم تغرق اكتر واكتر بحبو لناجي يلي عطول عم يعاملا وكانها اختو ..
ام ياسر: شو امرتي ست لين
لين: امي بترجاكي افهميني .. والله ما لي قدرانة سيطر ع حالي .. بترجاكي ساعديني
ام ياسر: وكيف بدك ساعدك .. لك ناجي ربي معكن وهو بمقام اخوكي
لين: بس يا امي انا ولا مرة عاملتو ع اساس انو اخي .. وحتى ياسر ما بيسمحلي بهالشي وعطول عم يقلي خلي حاجز بينك وبينو .. امي ساعديني ما الي غيرك .. انت الوحيدة يلي فيها تحكي مع ناجي
ام ياسر: لك شو هالجيل هاد يا ربي .. لك من كل عقلك عم تحكي
لين: امي حبيبتي .. مو نحنا رفقات .. وانت بتعرفي بحياتي ما خبيت عليكي شي
ام ياسر: من الاخير لين .. هالموضوع بتسكري .. ع الاقل لتخلصي جامعة .. وانا بحكي مع ياسر بعد ما تخلصي وبنشوف شو رح نعمل .. واصحك .. اصحك تحكي شي مع ناجي
لين: بس امي لسى باقي وقت طويل لجامعتي .. والله ما عم اتحمل انا عم اتعزب يا امي
ام ياسر: لا اله الا الله .. سكري ع هالسيرة لين .. سكريي
دق تلفونا لام ياسر .. وكان المتصل ياسر ..
ام ياسر: سكتي لشوف اخوكي .. اي عمري
ياسر: يخليلي عمرك امي .. امي حبيبتي جايب معي ضيفة ع العشا
ام ياسر: ضيفة !! ومين هالضيفة
ياسر: موظفة عندي بيهمني امرا
ام ياسر: اي ها .. الله يسمعنا الاخبار الطيبة
ياسر: امين هههه
سكرت الخط مع ياسر وهي كتير مبسوطة .. (يالا الله يرضى عليكي انسيلي افكارك هاي وقومي ساعديني .. اخوكي جايي ضيوف ع العشا)
لين: حاضر امي حااضر
جهزو العشا وام ياسر عم تدعي بقلبا ربنا يوفقو لياسر .. صرلا سنين عم تحاول تقنعو يتزوج وهو رافض الفكرة كلا ..
صار وقت العشا وفردو السفرة واندق الباب .. ركضت لين للباب لتفتح لاخوها ولهالضيفة الغامضة ..
فتحت الباب وهي كتير متحمسة .. (اهلا و......)
وتفاجات وقت شافتو ع الباب ورجعت لورا .. ( نا .. ناجي)
رفع ناجي حاجبو واطلع فيها .. (اهلا وسهلا فيكي .. مين عم تستني هههههه)
حمرو خدودا كالعادة .. (كنت .. كنت مفكرة ياسر وضيفتو )
(اي قلتيلي .. والله استغربت من هالحماس يلي فتحتي فيه .. يالا انا الي الله ما في حدا بيتحمس لشوفتي )
(لا شو هالحكي .. بالعكس)
انتبهت ع حالا شو حكت .. غمضت عيونا وعضت طرف شفتا ..
فرط ناجي ضحك وقت شاف لبكتا .. (اي كملي .. شو بالعكس هههههههه)
(ناجي بربك خلص .. فوت السفرة جاهزة )
ام ياسر: شبكن واقفين ع الباب .. فوتو لجوا
ناجي: ههههههه فوتي فوتي ست بندورة
فاتو لجوا تنيناتن ولين عم تسب حالا بسرا..
غسل ناجي اديه وقعد مع لين وام ياسر وهو لساتو عم يتبسم ع شكلا للين .. وبعد بشوي اندق الباب
..
لين: وصلوووو
ووقفت لتفتحلن .. وقف ناجي بسرعة ومسكا من ايدا .. حست حالا تكهربت وحمرو خدودا .. واطلعت فيه بتوتر ..
ناجي: انا بفتح .. بلا ما يكون حدا تاني وتحرجي حالك مرة تانية هههههههه
لين: بتعرف انك غليظ كتير
ناجي: اي بعرف .. قعدي مطرحك
فتح ناجي الباب .. وكانو ياسر وابرار ..
ياسر: مسا الخير
ام ياسر: مسا النور .. اهلا وسهلا
ووجهت نظراتا لابرار .. وانبهرت بالكنة المنتظرة من سنين ..
سلمت ام ياسر ع ابرار بحرارة واستقبلوها كلن بكل حب واحترام ..
انبهرت ابرار بالدفا والحب يلي واضح بهالعيلة لصغيرة ..
خلصو عشا .. وتحلو .. وكانت سهرتن كتير حلوة .. وصار وقت رجعت ابرار ع بيتا .. طلعت مع ياسر ليوصلا ..
ابرار: استاز ياسر .. بدي قلك شي
ياسر: تفضلي
ابرار: اول شي يسلمو كتير ع العزومة وع السهرة الحلوة .. وتاني شي انا .. انا بكرة راجعة لعند ابي
وقف ياسر السيارة بسرعة .. ولف وشو عليها .. (كيف يعني بكرة راجعة .. بهالسرعة هاي .. معقول!!)
ابرار: استاز ياسر انا قلتلك اني جيت لسبب وهالسبب خلص وانا صار لازم ارجع
ياسر: بس يعني .. انا .. يعني الشغل .. اي الشغل يعني لسا ما خلصنا الشغل يلي بلشنا سوا.. وبكرة رح تكون الصفقة الحاسمة ومن بعدا رح نجيب كلشي بضاعة ناقصة .. مو هيك خططنا سوا
ابرار: انا رح تابع الشغل من هنيك ورح ساعدكن ع قد ما فيني .. بس لازم روح
ياسر: ابرار لا تجنيني .. ابرار .. انت .. يعني انا .. لك مو معقول مالك حاسة
ابرار: بشو بدي حس
قرب ياسر منا ومسكلا ايدا .. واطلع بعيونا يلي توترت ..
(ابرار انا بحبك .. بحبك كتير .. من اول لحظة حبيتك وكل يوم مرق كنت حبك فيه اكتر .. هالعيون يلي بيلمعو .. سوادن دبحني واسرني .. ابرار انا بعشقك )
نزلت ابرار عيونا وركزتن بايد ياسر يلي عم تشد ع ايدا .. (بس .. هالعلاقة مستحيل تزبط)
ياسر: ليش .. شو يلي بيمنع .. ما تقليلي مانك حاسة بشي اتجاهي .. هالتوتر يلي انت فيه بيقول شي تاني
ابرار: ما رح اكزب عليك وقلك ما في شي اتجاهك .. بس للاسف ما فيني كون معك ولا فيني قلك السبب .. انا ما فيني ابقى هون .. مكاني مو هون .. مكاني حدو لابي
ياسر: بس ...
Telegram:@rwayate
مسكت ابرار ايد ياسر يلي ماسكة ايدا التانية وشدت عليها بقوة .. واطلعت بعيونو والدموع معلقة بعيونا ..
ابرار: بترجاك ما تحكي شي تاني .. انا لازم روح
بقي فترة ياسر عم يطلع بعيونا وعم يحاول يستنجد فيهن ليرحمو ..
رمش بعيونو واطلع فيها بحزن .. وفلتلا ايدا ورجع شغل السيارة من غير ولا كلمة ..
وصلو لبيتا لصغير .. وقف السيارة ..
ابرار: بتشكرك ع كلشي قدمتلي ياه
بقي ياسر عم يطلع قدامو بحزن ..
ياسر: رح ضل ناطرك ...حتى لو نطرتك عمر كامل
قربت ابرار منو وباستو ع خدو بنعومة خلتو يقطع حكيو وما يكمل .. ونزلت بسرعة من السيارة ..
بقي فترة ياسر متل يلي غاب عن وعيو .. رمش بعيونو واطلع حدو ما لقاها .. فتح السيارة بسرعة وركض لعندا ..
ياسر: ابرااااار
وقفت ابرار وبسرعة مسحت دموعا ..
مسكا ياسر من خصرا ولفا عليه وضما بكل قوتو ..
ما حسن يقاوم الدمعة يلي محبوسة بعينو .. ويلي نزلت ع خدو متل الجمر ..
فلتت ابرار حالا من بين اديه .. واطلعت فيه .. (رح اشتقلك كتير .. بتمنى .. بتمنى تسامحني)
(رح استناكي .. ما تنسي هالشي)
رهينة عيناك بقلم امل احمد
الجزء السادس
ليلة صعبة كتير ع ياسر .. شي جواتو عم يحترق .. لام حالو كتير لانو طول هالفترة ما كان عندو الشجاعة ليعترفلا بحبو .. يمكن لو كان اعترفلا كان بقيت وغيرت رايا .. بس دائما كان في حاجز بيوقف بوشو كل ما بدو يعترفلا ..
مشت هالليلة واجى الصبح وكان موعد الصفقة ..
كان بمكتبو متدايق ومخنوق وعم يستنى ناجي ليطمن ع الصفقة ..
اجى ناجي وهو كتير متدايق ..
ياسر: شو صار
ناجي: راحت الصفقة من بين ادينا
ضرب ياسر المكتب بئيدو بكل قوتو .. (العمى .. كيف هيك صار .. لك نحنا من ايمت بنخسر صفقات )
ناجي: والله مالي فهمان شي .. ع العموم روق .. بنعوضا
ياسر: روووق .. لك بكرة تسليم لبضاعة بكرة .. ما حدا يقلي روووق .. لك انا عم اختنق .. عم اختنق
ووقف بسرعة وطلع من المكتب .. ركب سيارتو وضل عم يتفتل بالسيارة متل الضايع ويلي عم يدور ع حالو ..
وقف السيارة بمنطقة عالية كتير ونزل من السيارة ..
اخد نفس طويل وبلش يتزكر بابرار .. تزكر اول مرة شافا فيها .. تزكر نظرة عيونا .. تزكر وقت ضما .. تزكر بوستا يلي لهلا عم تدبحو ..
قطعلو تفكيرو رنة تلفونو ..
طالع التلفون من جيبو وهو عم يتافف .. ووقت شاف رقما فتح التلفون بلهفة .. (ابرااار )
ابرار: ياسر .. كيفك
سحب نفس طويل وهو مغمض عيونو ..
ياسر: كيف رح كون .. اخدتي نفسي ورحتي .. انا عم اختنق .. عم موت
ابرار: سلامة قلبك .. لا تقول هيك بترجاك
ياسر: لكن شو بدي قول .. ع العموم ما عاد ينفع الحكي .. كيفك انت
ابرار: انا منيحة .. حبيت اطمن عليك .. شو صار معكن بالصفقة
ياسر: الصفقة .. الصفقة راحت
ابرار: لك ليش هيك
ياسر: لا تحطي ببالك .. اساسا بعد ما رحتي ما عاد في شي مهم
ابرار: ياسر لا تضيع تعبك .. وبالنسبة للصفقة انتبه منيح وشوف كيف راحت منك
ياسر: بتتعوض .. انسي
ابرار: ياسر انا من زمان كنت حابة نبهك .. بس كنت خايفة تفهمني غلط
ياسر: عشو تنبهيني
ابرار: ياسر .. انتبه ع ناجي منيح وراقب حساباتو .. عندي رفيقة بالبنك وبصراحة انا من فترة سالتا عن حساب ناجي وخبرتني بانو ناجي عم يوصلو مبالغ كبيرة ع حساباتو خلال فترات قصيرة
ياسر: ابرار انت متاكدة من هالشي ؟؟
ابرار: طبعا متاكدة .. فتح عيونك منيح
ياسر: اوووف .. بس لا ناجي مستحيل يخوني ..هو متل اخي .. بكون من شغل هون او هون
ابرار: ليك انا هلا رح دق لرفيقتي لنتاكد وبرجعلك
ياسر: طيب ماشي
سكر ياسر الخط مع ابرار وبلش يفرك جبينو بعصبية وبنفاذ صبر .. (لا مستحيل .. ناجي ما بيعملا .. مستحيييل )
بعد بنص ساعة دق تلفونو .. رد بسرعة ..
ياسر: اي ابرار
ابرار: ياسر متل ما توقعت .. ناجي قبل ساعة وصل لحسابو مبلغ كبير كتير .. وهلا رح ابعتلك صورة ع الواتس شوفا
ياسر: تمام
سكر ياسر .. وبعد بشوي وصلت الرسالة .. فتحا ووقت شاف المبلغ يلي واصل ناجي جن ..
ركب بالسيارة وراح لعندو ع شركتو بسرعة ..
فات ع المكتب بعصبية ..
السكرتيرة: تفضل استاز اهلا وسهلا
تجاهلا ودفش الباب وفات بسرعة لجوا ..
ناجي: اهلا ياسر
قرب لعندو ياسر وبلش يضرب فيه متل المجنون ..
ياسر: يا كلب يا واطي .. لميتك من الشوارع وضبيتك عندي واعتبرتك اخي .. يا كلب يا خاين
فلت ناجي حالو من ياسر بصعوبة ..
ناجي: لك ياسر شو صار .. لك فهمني .. اهدى وفهمني
اطلع ياسر فيه وهو عم يلهث .. (رح تدفع الثمن غالي .. وبيتي ما عاد الك مطرح فيه .. فهمان ولا كلب)
طلع ياسر من عند ناجي .. وناجي مالو فهمان شي ..
ناجي: لك شبو هاد جن .. شو عم يصير
بعد بساعة وصلت الاخبار لناجي .. ياسر سحب كلشي بينو وبين ناجي .. كلشي شغل مشترك انهاه ..
عصب ناجي وطق عقلو من يلي عملو ياسر ..
دقلو تلفون وهو معصب ..
ياسر: هالرقم بتنساه .. ولا عاد تدقلي
ناجي: لك انت شو عملت
ياسر: عملت يلي لازم ينعمل مع واحد خاين كلب متلك
ناجي: ليك ياسر .. انا ما بعرف عن شو بتحكي .. وبعد يلي عملتو ما بدي افهم عن شو بتحكي .. بس حقي ما رح فرط فيه .. وليكني عم قلك رجعلي كلشي اخدتو مني بالحسنى
ياسر: ههههههه بالحسنى .. روح ولا شحاد .. روووح ما الك حقوق عندي
ناجي: رح تندم يا ياسر .. رح تندم
ياسر: انقلع .. اعلى ما بخيلك ركبو
وسكر الخط بوشو ..
جن جنانو لناجي من يلي صار .. وقف وصار يكسر كلشي حواليه بالمكتب .. (انا بعرف دواك يا ياسر .. .. والله لخليك ترجعلي كلشي ولشلحك كلشي الك وبالغصب )
الجزء السابع
مشت ساعات لنهار صعبة كتير ع لين .. كلا بكي ..دفنت راسا بين ركبا المرفوعة وهي عم تفكر قديش حبتو لناجي وقديش كان في لحظات حلوة بينن .. وكيف ناجي حرق كلشي بتصرفو ..
ناجي: لساتك عم تبكي .. حاجتك خلص سكتي
رفعت لين راسا واطلعت فيه .. (ليش،هيك عملت .. بشو غلطت معك انا .. بشو ازيتك لتعمل فيني هيك .. بشوو)
ناجي: وانا .. انا بشو غلطت مع اخوكي ليشلحني كلشي ملكي .. بشو غلطت معو ليهدم شركتي يلي ما الي غيرا .. بشو غلطت معو ل
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```