موعد مع خاطفي - الفصل 23 - بقلم المجنون - مكتملة | روايتك

*قـصـص وروايـات عـالـمـيـة💙📚📖* *بإدارة* *يـامـن💙* *❴📖موعد.مع.خاطفي.tt* ♥️🙈 *❴🔢❵☟الـــبـــــــــــ❴3️⃣2️⃣❵ــــــــــــارت☟* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h``` ➖➖➖➖➖➖➖➖➖ الجزء ٢٣ كان عندها استعداد تدفع كلشي بتملكه بس لتقدر تخليه بأمان … بلحظات جنونية و شك بيوقع الانسان بِـ شباك خادعة، بتجبره يدخل بأمور ماكان المفروض يدخل فيها مالازم يكون على إطلاع تام لكلشي عم يدور حوليه. بعض الأمور لو تبقا مخفية بيكون أفضل ، واكتشافه إلها رح يأدي لخراب ماكان متوقعه نهائياً. بدأت ليسا تتقبل فقدانها لشاهين بشكل تام، لكن يكفيها إنه يبقى على قيد الحياة … استغرقت المهمة أربع أيام، لكن ماقدرت ليسا تدبر الأمر عن طريق طيارة ، كان أمان اكتر أنه يسافر ب سفينة للدولة المجاورة يلي بيملك شاهين فيها إقامة وأوراق رسمية باسمه لكن مع هيك اضطروا ينقلوه بشكل غير رسمي لبينما يقدر يصحى ويتعالج .. ويظبطوا الأمور بعدها بأوراق رسمية بهالأثناء.. كان مازال غايب عن هالدنيا، ولكن صحي بهالمكان الغريب عنه.. متمدد على السرير حوليه أجهزة طبية ،عاري الصدر مع شاش ملزوق على طرف صدره اليمين مكان الإصابة.. بتعب شديد وببطئ فتح عيونه..بانهاك متخلل بكامل خلايا جسده لكن الصورة كانت مو واضحة نهائياً، حس بوجع مو قادر يحدد موقعه ماكان قادر يحرك أي شي من جسده، وذاكرته خالية من أي حدث يُذكر بسبب الأدوية المختلفة يلي دخلت جسده بهالأيام شي واحد عيونه قدرت تلمحه لترتسم ابتسامة خفيفة على شفافه طيفها..يلي رافقه، ريحتها يلي قدر يشتمها رغم عدم وجودها إلا بخياله نطق بلسان ثقيل حروف اسمها، ليرجع يغرق بغيبوبته انتبه هارون على عيونه وهي عم تغمض نده بلهفة: شاهين.. أخي عم تسمعني؟شاهين؟؟ لكن ماكان في أي إجابة وصلت الممرضة يلي بتراقب وضعه الصبح مرة والمسا مرة.. حكت لهارون الوضع مازال مستقر، لكن الوضع بيتوقف على مقاومته وقوته بعد ماغادرت.. قرب هارون على شاهين وقعد بجنبه مسك إيده وهمسله: بعرفك قوي.. يمكن الخيبات يلي تعرضتلا تخليك تفقد قوتك.. بس متأكد وحدها تاج يلي فيها تخليك تقاوم، قاوم مشانها يا شاهين.. إذا بالفعل بتحبها.. رجعلها أخي غمض عيونه هارون بقهر، غص بألمه وطلع على الشرفة ليشم الهوا لحظات صعبة عم يعيشها، حتى النوم ماعاد يعرف طعمه وبين اللحظة والتانية بيقرب ليتأكد من التنفس عند شاهين، ليتطمن على أنه مازال موجود معه بهالدنيا حتى صوت جهاز نبضات القلب ماعاد يصدقه …. بعد مرور هالوقت كله، صار المفروض تغادر تاج المشفى بعد انهيار عصبي حاد تعرضتله كانت أروى عم تجمع أغراضهن من غرفة المشفى وفتحت كيس لتعطي ملابس لتاج يلي قاعدة وكأنها شبح، عم تنظر بالعدم.. وكأنها بعالم تاني عاشت هالأيام القليلة وكأنها سنين بالنسبة إلها، لدرجة رسمت علامات تعب مرور العمر على ملامحها لون وجها يلي عم يزداد شحوب.. عيونها الغارقة بهالات سودا، الدبلانة يلي كانت رافضة تشوف أي شي ، غير الطريق يلي بتمشي عليه نطقت بحروف بطيئة: عملتي يلي قلتلك عليه؟ كتمت أروى قهرها وحكت: أي عملت.. دخلنا المكتب والمكتبة وكلشي بيخص الكتابة عالغرفة، وقفلنا عليها تاج: بتتركي المفتاح معك.. حتى لو طلبته منك شي يوم، مابدي تعطيني ياه أروى: تاج.. ياعمري، الكتابة الشي الوحيد يلي رح يطالعك من يلي انتي فيه، هاد كلام الدكتور أمجد كمان اتطلعت فيها بتوتر: ماتكرري الكلام ذاته أروى، هاد شرطي الوحيد يلي قبلت فيه ارجع… الكتابة هي أساس مصايبي كلها.. ماعاد بدي ياها للحظة سمعت صوته نبرته، تذكرت الموقف بالكامل:(كتبيني تاج) غمضت عيونها بألم: ماحدا فيكن حاسس فيني.. حتى هاد الدكتور أنا ماعاد بدي شوفه، ولا عاد تعطوه معلومات عني أروى قربت منها وضمتا لصدرا: تمام ياروحي، كلشي رح يصير متل مابدك دخل طارق وسألهن: جاهزين؟ أروى: أي يلا.. في بس هي الشنته اخدها منها وقرب ليساعد اخته، مسكت ايده واتطلعت بعيونه في سؤال لازم تسأله عم يطحن براسها كل ما خطر ببالها تاج: طارق.. انتو متأكدين أنه… كان صعب عليها كتير تنطق هالكلمة، يلي حتى الآن عقلها مو متقبلها لكن مضطرة تكمل: متأكد إنه شاهين مات؟ سحب ايديها وهمسلا: هداك الشخص يلي كان هنيك، واضح الشر بعيونه، يعني اكيد مارح يتركه عايش بعد مااطلق عليه صح؟ بعيون مليانة حقد وكره.. وقلب راغب للانتقام: هارون.. الله يحرق قلبك متل ماعملت فينا هيك.. مارح سامحك لبينما شوفك باسوء من يلي عيشته ياه لشاهين اخدوها ليطلعوا برا ونزلوا عالسيارة طارق: أروى أنا لازم وقّع على كم ورقة وأجي انتظروني هون.. هزت راسها بصمت وسطحت تاج راسها على كتفها استرسلت بصوت منخفض: أروى احكيلي طارق بيعرف شي ماعم يخبرني ياه؟شاهين عنجد مات؟ أروى: صدقيني كلام طارق صح بخصوص هداك الشب، يعني مستيحل يتركه عايش.. وانتي كمان لازم تبطلي تفكري فيه، تاج لو تشوفي نظراته إلنا هداك اليوم وتهديداته..بترجاكي ماتجني.. بالفعل متل ماحكا طارق هدول مابيلتعب معهن.. إذا مو خايفة على حالك.. خافي على اخوكي.. مستحيل يتركوه بحاله إذا بتتصرفي بجنون سكتت تاج لباقي الطريق، حتى وصلت على بيتها وبسرعة توجهت لغرفتا، متجاهلة النظر لباقي التفاصيل سكرت الباب على حالها ورمت جسدها على السرير لتسحب وسادتها بكت من جديد.. بكته وكأنها مابكت من قبل وكأنها فارقته بهي اللحظة بالذات بقوة غمرت وسادتها لتكتم شهقاتها تكومت على حالها، ألم رهيب حسته ببطنها وكأنه جروح مترممة عادت للنزف من جديد … بعد مرور كم ساعة.. فتح عيونه شاهين لكن بنظر أوضح هالمرة انتبه لوجوده بمكان غريب، مازال في صعوبة بالحركة ايده اليمين من طرف الإصابة ماحركها نهائياً، لكن رغبة جامحة اجبرته يرفع ايده اليسار.. ويقربها من انفه اشتمها بعمق مع بسمة رافقته نده باسمها: تاج.. تحرك من مكانه ليحس بألم فظيع شعل نار بصدره صوت الألم نبّه هارون يلي تحرك من مكانه مباشرةً وتوجه لعنده هارون: شاهين!!صحيت أخي اتطلع فيه شاهين بعيون حايرة: شو صاير فيني أنا؟ حاول من جديد يقوم وقبل مايمنعه هارون صرخ بألم ورجع لمكانه شاهين بتوتر: شبه صدري؟؟ قرب منه بقلق: أخي اهدا.. مابيصير تتحرك شاهين: ليش؟ ازدرد ريقه وجاوب بتردد: لأنك منصاب… خيالات وذكريات سريعة مرت من أمام عيونه، ليسترجع ذاكرته ببطئ وصعوبة فجأة مسك ايد هارون بتعب وبدون حيل شاهين: ولك ياحقير أنت شو عملت تحرك من جديد ليرجع يحمّر وجهه بقوة وكأنه ملطخ بالدم بسبب ألمه هارون: بترجاك أخي اهدا ولا عاد تتحرك..خطر عليك، اهدا وخليني احكيلك كلشي صار شاهين بغضب: تحكيلي شو؟تفهمني إنك حاولت تقتلني؟ لك.. تاج!!! شو صار ب تاج؟ هي بخير وينها؟ لك وين نحن؟؟ صرخ فيه هارون حتى يمنعه يرجع يتحرك هارون: خلصنا بقا عم قلك اهدا ورح احكيلك.. لا تجن وتجنني معك ألم حسه براسه منعه من المقاومة.. وبقي ثابت لكن عم يكرر كلماته ذاتها: وينها تاج؟ شو صار فيها؟ نطق هارون بتردد: هديك الليلة لما اتصلت وخبرتك أنه كنت رح انكشف، وليسا عم تلاحقني لتلاقي شي تكشفتي فيه إلك.. وأنه خطتنا لازم تتغير وتاج لازم تروح لأنو عرفوا عنوان المزرعة … ماقدرت اتخلص منهن، ولما سمعت إنه قرروا يقتلوك بقناص، من خوفهن إنك تقاوم وتقدر تقضي عليهن وتستلم مكان أبوك.. طلبت منهن فرصة لاعملها أنا وهيك بثبتلهن اخلاصي حكا شاهين بقرف: ياخسارة بس قاطعه هارون: خليني كفي كلامي، لما جيت بدي خبرك ماكان في وقت وطلعت بوجهي ليسا، قلت بضربك بكتفك ومنعمل تمثيلية عالقناص.. ماكان في وقت اشرحلك كنا مراقبين رد شاهين: مو قدام تاج ياغبي.. ليش لتعمل هيك بالبنت؟ شو ذنبا؟ رفع ايده ليتلمس مكان الجرح وكمّل: هاد كتفي؟شو ضاربك العما؟ أنت اكيد كنت ناوي تموتني رد هارون بنبرة متخللها الألم: الله يسامحك، أنا موتك؟ لك أهون عليي موت ولا يصيبك اذى.. بس هاد الحل الوحيد لخلصك منهن، كان الأمر يقضوا عليك بطلقة وحدة وسط راسك بهالقناص.. كانت الفرصة الوحيدة لتبقى عايش.. صح مخاطرة بس الفرصة الأخيرة شاهين: وتاج؟ليش عملتها قدامها ياغبي؟ هارون بقهر: لأنو وقت يلي فاتت وأنا نزلت سلاحي.. وصلتني رسالتهن.. كان لازم نفز بسرعة وماقدرت انتظرها تروح.. حاولت ركز لحتى ماصيب البنت بس هي ماعاد تتراجع عنك.. وللأسف صبتك بصدرك انتبه شاهين لرجفة صوت هارون بعد ماهرب منه لحتى مايشوف لمعة عيونه اتنهد شاهين بتعب وسأل: وينها تاج هلأ؟ مااجت لهون؟ سكت للحظات ماقادر يجاوب بعد ما انطلع بعيونه.. لكن نظرات شاهين جبرته هارون: لحتى احميها، تركتها مابتعرف شي، مفكرتك ميت شاهين ألم مشابه لدخول الرصاصة لجسده حسه داخل قلبه هالمرة انشل لسانه عن أي كلمة تانية، مصدوم من فعل هارون راح بتفكيره لعندها.. بألمها وقهرها همس شاهين: لا .. لا تاج.. يالله لا، شو بيكون صاير فيها؟ شو ممكن تعمل بحالها هلأ؟ هارون: قبل مانسافر عينت شخصين من رجالي ليراقبوها ويحموها ماتخاف.. كانت بمشفى واليوم خبروني إنها طلعت لبيتها شاهين بصدمة: عفواً؟ لحظة لحظة.. أنا ماعاد فهمت شي،مين نسافر؟ هارون بتردد: أنا ووو… أنت اتطلع شاهين بعيونه حوليه: وين أنا؟وليش تاج بالمشفى؟ هارون: اضطريت جيبك لهون بسفينة تهريب.. شاهين ماتعصب بس ليك أنا وليسا انجبرنا نهربك منهن غمض عيونه بقوة لما قبض بايده على راسه: لا لا .. هالشي مستحيل يكون صح.. لك كيف هيك؟ أنت وليسا؟ من ايمتى بتتفقوا على شي؟ وطبعاً اتفقتوا على مصيبة حياتي لكن فقد تفكيره لحظتها بأي شي… لينطق باسمها بشكل متكرر ويخبط بقوة على راسه شاهين: يا الله تاج.. شو بيكون صاير فيها !!! اتوجه لعنده هارون بسرعة وشد على ايده هارون: أخي خلصنا لك شو صابك عم قلك هي بخير دفعه شاهين بقوة عنه: أوعك تقرب مني.. ااخ قاطع كلماته الألم يلي حسه أثر حركته بعدها كمّل: صدقني أول ما أقدر وقف على رجليي.. رح ندمك ياهارون.. رح احرقك متل ماحرقت قلبها لتاج هز راسه هارون بخنوع، لأول مرة بيحس بهيك شعور كانت كل نيته يخلص رفيقه.. لكن ماتوقع توصل فيهن الأمور لهيك شي كان كلشي متمنيه ينتقم لصديق عمره من الناس يلي قتلوا أمه..و بيعرف هيك ناس مابينلعب معهن..لكن وجع رفيقه بيستحق التجربة يلي باءت بالفشل الذريع بعد مرور شهر.. شهر كامل وعلى مر الثواني عم يزداد هالوجع ولا حتى قدر طرف من بينهن يخف عذابه وشوقه ولا كان في شي قادر يوازن مين مقهور اكتر تاج عم تنوجع بسبب فراقه الأبدي أما شاهين، كان عم يتألم من عذاب فراقها، وعذاب شعورها بفقدانه طيفها مابيوم فارقه،كان قادر يقاوم تعبه الجسدي بذكرياته معها رافض يرجع لحياتها ، بعد كلشي عاشته بسببه فقدانها إله أفضل ماتنأذى بسببه وبسبب الماضي يلي لحد اليوم ماقدر يبعد عنه للحظة حس بشعور الأنانية.. معتقد أنها رح تقدر تتخطاه وتنساه بيوم على الرغم مجرد شعوره إنها تنساه بيوم، عم يدايقه و وقع لحظتا بدوامة ، متخبط ،غريق ماقدر يوصل لبر الأمان … طرقات خفيفة على باب غرفتها ودخلت أروى بعدها سألتها بحنية: كيفك ياروحي؟ متمددة على سريرها وجها خالي من أي تعبير، بلباس أسود بالكامل ردت تاج: عايشة.. ازدردت ريقها أروى بتعب، المفروض بعد مرور هالزمن تفقد الأمل من تاج يلي ماعم يتقدم حالها نهائياً ، لكن زاد سوء قربت منها وحطت ايدها على كتفها وحكت بنبرة تعاطف: شو رأيك نطلع اليوم مشوار قعدت تاج مكانها وحكت: رح اطلع، بس لحالي دخل طارق لما شاف الباب مفتوح وسمع آخر كلمات تاج طارق: لوين؟ تاج: حابة اتمشا شوي حكا بحنية: تمام ياروحي بطلع معك إذا بتحبي احتدت نبرتها لما جاوبته: بدي اطلع لحالي طارق: مافيني اتركك لحالك اختي، بتحبي اطلع معك أنا أو أروى، غير هيك مافينا نتركك بهالحالة تحركت مكانها لتوقف أمامه بنظرتها القوية تاج: أنا مو صغيرة لتمنعني طارق، لحد اليوم متحملتكن.. بقيتو ببيتي وماخليتوني انعزل لحالي، وكتير أمور فرضتوها عليي أنت وياها ومن بينهن وجود الدكتور أمجد يلي رايح جاي لعندي عالفاضي، لهون وبس رد طارق بنبرة متعاطفة: اختي أنا كلشي بدي ياه… قاطعته مباشرةً: أنا يلي بدي وبس.. ماتنسا إني اختك الكبيرة وأنا بقرر كيف حياتي رح تكون، لا عاد تتصرف وكأنك وصي عليي حكا بعتب: كل هاد بس لاني بدي تكوني بخير؟ بعدت عنه بخطوات بطيئة تاج: أنا ماعاد رح كون بخير تمام؟ أنا يلي الكل اتخلى عني ، أبي وأمي وعيلتنا وبقينا وحيدين، قدرت إني انتبه عليك وربيتك على ايديي.. وحملت مسؤوليتنا.. هلأ تركني كفي وحدي اتطلع فيها نظرات لوم وعتب.. ماكان بيتمنى بيوم يخليها تحمل هالكم من المسؤوليات وحدها.. وبالفعل كان يوافق على كلشي تقرره بسب ثقته فيها ، اتخلى عن كتير رغبات بحياته لحتى مايزيد عليها التعب لكن اليوم، شاف الرفض بكلماتها.. وتغافل عن نظرتها يلي بتحكي عكس هيك نطق حروفه الأخيرة: صح ألك فضل كبير علي، وصدقيني لو كان الموضوع بايدي لحتى كون أنا المسؤول عنك مو العكس..وقتها ماكنت حملتك كل هالمسؤولية غادر الغرفة بخيبة واضحة بملامحه خفت تاج وجعها، ماكانت بتتمنى تجرح أخوها بيوم، بس وضعها جبرها ، بدها تبقى وحيدة وماعم يسمحولها استدارت وكمّلت موجهة الكلام لأروى: ماعاد حدا فيكن مجبور يبقا معي، أنا تعودت اخسر كل شخص بتمناه يبقا بجنبي روحي انتي كمان قبل ماالظروف تجبرك وقفت أروى أمامها، وسرحت فيها تاج: انتي مو مجبورة كمان أروى.. صار لازم تشوفي حياتك وحتى تدخلي حياة ناس تانية وترافقيهن، من اليوم بترجعي على بيتك و… ابتسمت أروى لتحكي: ماتكملي تاج خطتك مكشوفة، مافيكي تضحكي علي أنا بالذات، وكلماتك القاسية مافيها تزعجني وتخليني ابرملك ضهري وامشي، لو شو ماعملتي مارح نفذ رغبتك هي هربت تاج من نظرات أروى وتوجهت لنافذة غرفتها بعد ماتأكدت أنه أروى متل كل مرة عرفت حقيقتها من عيونها لتقرب من خلفها وتكمّل: حتى لو معتبرة بوحدتك رح ترتاحي، أنا مستحيل اترك إيدك و لو انتي اجبرتيني، تاج فهمي أنه صداقتنا مالها مبنية على علاقة إجبارية، ببساطة لأنها غير مشروطة.. مالها مرتبطة بِـ دم أو قرابة،ولا حتى وعود أنه مانتخلى و هالقصص.. يلي بيربطنا أقوى من هيك، شي بيخليني اتمسك فيكي حتى لو رفضتي وحاولتي تجرحيني لامشي، نحن عشرة عمر و رفقة مواقف،مهما حاولتي مارح تقدري تقطعي هالحبل يلي بيننا التفتت تاج لأروى وأول ماشافت نظرتها الصادقة ارتمت بحضنها وشدت غمرتها تاج: مابدي كون تقيلة على أي حدا بعد اليوم، أو مصدر ازعاج بحياتكن حست أروى بنبرتها الحزينة ودموعها المتساقطة: حبيبتي،بالوقت يلي كنت وحيدة كنتي ظلي،خليتيني آمن بحالي وبالصداقة، وعشنا ظروف حلوة كتير مع بعض.. عطيتيني طاقة للحياة بتخليني ابقى للنهاية معك بأسوء الظروف.. واليوم مافيكي تقوليلي فيني بلش صداقة جديدة بأي مكان تاني، متل ما القدر بيحددلنا كل أمور حياتنا يلي عم نعيشها، كمان هو القدر يلي خلّى هي الصداقة تكون بتبعد عنها تاج لتمسح دمعاتها أروى وتمسك ايديها بقوة: رح كون جنبك لبينما نتخطى هالشي مع بعض رفضت تاج بهزة من راسها: مارح اتخطاه أروى، رح ابقا عايشة عم ابكيه أروى: عالأقل وافقي على مساعدة الدكتور إلك، تعالجي من وجعك جاوبتها بنبرة مهزوزة: فراق شاهين مو وجع، روحي مالها مريضة لحتى تتعالج، روحي تشوهت بموته.. والروح لما بيصيبها هيك شي صدقيني ماعاد فيها تتحسن سكتت لحظات لتحكي: بس إذا بدك تساعديني، تركيني روح امشي اليوم بالشوارع، يمكن أقدر اتنفس شوي فكرت للحظات وجاوبتها: موافقة بشرط تاج: أروى لو سمحتي بترجاكِ ماتعامليني انتي كمان هيك أروى: مابدي كذب عليكي وراقبك بدون علمك، أنا رح ضل حوليكي، بترجاكِ تتفهمي موقفي، وتحطي حالك مكاني تمام؟ اتنفست تاج، لحظات وهزت راسها بالموافقة لما فقدت الأمل من إقناعها بالبلد المجاورة..داخل شقة شاهين.. متمدد بسريره بصمت سارح بسقفية الغرفة تعب من كلشي حتى من حالته هي وهو مو قادر يتحرك إلا بتعب وإرهاق انفتح الباب عليه و أطل منه هارون بعد مرور هالأيام، والتماس شاهين العذر لتصرف هارون، قدروا يصلحوا هالعلاقة المتينة.. يلي صعب أي شي يزعزعها، ومازاد أوجاعهن غير قرب هارون: كيفك اليوم؟ رد بامتعاض: مالي منيح.. كيف ناطر مني إني كون وأنا محبوس بهيك مكان قرب منه خطوات قليلة وقعد على الكرسي المجاور هارون: أنت بس تشد وبوعدك ماعاد خليك تقعد بالبيت اشاح بوجهه عنه ليجاوب: مالي نفس لشي أساساً رد هارون بتوتر:بالله جد؟ وبدك ياني اتركك بهالحال؟ شاهين أنت عايش أي بس والله حاسسك ميت من هداك اليوم.. ماتوقعت يلي صار يوصلك لهالحال، إذا هيك رح تبقوا ليش ماترجعلا وخلصنا، خليني اتصل فيها واحكيلا إنك عايش قاطعه شاهين بحدّة: لأ.. خلص من البداية كان لازم يصير هيك .. أنت خليتها تصدق إني ميت، وهي حرفياً مارح تقدر تعيش إلا إذا عرفتني متت.. مابدي ياها تضل عايشة حياة مو حياتها، بخطر مهددها طول الوقت.. هارون أنا إذا ماتأكدت من خلاصي من الماضي مارح فكر برجعتها.. مافيني اظلمها أو عرّض حياتها للخطر وقف مكانه بعد مادفع عنه الكرسي وحكا: جد؟ شو هالجنون هاد؟وهيك مفكر الوضع رح يستمر؟ أنت عم تموت باليوم مية موتة عليها.. عم تصحا بالليالي وانت عم تصرخ باسمها.. فكرك ماعم شوف يعني؟ وهديك محبوسة ببيتها ماعم تطلع!! أنا وانت منعرف كتير منيح لو ليسا عملت كلشي لتتخلص من المنظمة مارح تقدر تتخلص من كل المجموعة .. بعدها ياأخي أنت هون رح تستقر بهي البلد، يعني حياة جديدة وبداية جديدة بعيد عن وجع القلب كله.. ليش ماتجيب البنت لهون وتحكو وإذا وافقت تبدا معك من هون بتبلشوا اتنهد شاهين بتعب ونطق: هارون.. بربك سكوت، يعني احكي كلام يدخل العقل، أنا متأكد تاج رح توافق، لهيك مستحيل أفرض عليها شي وخرّب حياتها ويلي كانت عايشتا بعد مافقد الأمل لحتى يتجاوب معه قرب منه كتير وحكا وعيونهن ثابتة بعيون بعض: سماع هالكلمتين بس..إذا مفكر بموتك يلي هي عم تعيشه رح ترجع لحياتا الطبيعية، بتكون غلطان.. تاج بحالتها يلي سمعت عنها، بحياتا مارح تقدر تتخطاك رد بعصبية مكتومة رافض يسمع أي كلمة تانية: طلاع لبرا هارون.. تركني بهمي خلص قبل مايطلع من الغرفة رن موبايل هارون رفع الموبايل بوجه شاهين و حكا: وهي أخبار جديدة من عند تاج اعدل من جلسته وتوجه لعند هارون بحركة ضعيفة شاهين بترقب: رد وفتاح الصوت لاسمع فتح هارون و حكا: ألو أي صلاح شو الأخبار؟ صلاح: أي معلم.. البنت طلعت من شوي وعم تمشي بالشارع.. وبعد دقيقة طلعت رفيقتا من وراها، بس كل وحدة ماشية لوحدها وتقريباً عم يمشوا بذات الطريق اتطلع هارون ب شاهين مستغربين نطق شاهين: يعني رفيقتا عم تراقبها؟ صلاح: لا لأنو في نظرات متبادلة بينهن.. اتنهد شاهين وابتعد عن الموبايل ليرجع مكانه هارون: تمام صلاح خليهن تحت نظرك اتطلع بطرف عينه نظرة ذات مغزى لشاهين هارون: أي وحاول تبعتلي صورة مباشرة كمان ناظره شاهين بعتب، فاهم منه منيح سبب حركته هي انهى المكالمة بعد ماغمزه بحركة مشاكسة وغادر الغرفة بعد ماسكر عليه الباب همس: هلأ منشوف ياشاهين لايمتى رح تقاوم …. وصلت تاج لشارع ضيق، حافظته كتير منيح، مستحيل تنسا ذكرياتها معه يلي بينتهي بالمقهى ، المكان يلي من عنده ابتدا كلشي ابتلعت ريقها وخطت خطوات بطيئة جداً، ثقيلة شعرت بضيق نفس لتستند على الجدار،دوار رافق راسها من لما تذكرت أول لقاء بينها وبين شاهين.. ريحته ولمساته، حضنه الدافي يلي غرقت فيه بيوم من هالأيام تذكرت لما وقعت مغمى عليها بين ايديه..بهالشارع لحظات وتهاوت على الأرض لتغرق بنوبة بكاء جديدة ركدت لجنبها أروى وسحبتها من مكانها أروى: تاج لو سمحتي قومي معي، خلينا نرجع عالبيت مابيصير هيك بهالمكان أخدتها من مكانها بصعوبة، ليطلعوا من الشارع الضيق.. لحظتها كانت العيون مازالت مراقبتهن … وقبل مايوصلوا عالبيت وصل الفيديو لهارون يلي ماقدر يقاوم اكتر ومن لما وصله الفيديو ركد عند شاهين و عطاه الموبايل دقق بكامل تفاصيلها،ملابسها سودا بالكامل وشعرها مفرود، نظارتها السودا خافية أغلب ملامحها وماقدر يشوفها بوضوح عم تمشي بجسدها المترنح ساندة حالها على أروى غص قلبه بوجع كبير، لما عرف المكان يلي طالعة منه تاج "البدايات" الأصعب على الإطلاق بداية أغرب أيام حياته، وأقوى شعور.. وبيوم من الأيام كان الأجمل وبقوة جمال هالذكرى كان عمق وجعها غطا الموبايل بكف ايده و ابعده عن نظره بسرعة وأمره بكلمات غاضبة:تركني وطلاع لبرا ‎ *يـــــــــ͢ـོ͓ـــتبــــــــــــــོـ͓ـــ͢ــ؏* ➖➖➖➖➖➖➖➖➖ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h```