موعد مع خاطفي - الفصل 21 - بقلم المجنون - مكتملة | روايتك

*قـصـص وروايـات عـالـمـيـة💙📚📖* *بإدارة* *يـامـن💙* *❴📖❵↵ موعد.مع.خاطفي.tt* ♥️🙈 *❴🔢❵☟الـــبـــــــــــ❴1️⃣2️⃣❵ــــــــــــارت☟* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h``` ➖➖➖➖➖➖➖➖➖ جزء ٢١ من أسوء المشاعر يلي ممكن يعيشها الانسان "الشك" العتم بيملا عيونه، مابيشوف غير الشي يلي عم يأكدله ياه عقله لما الوساوس ترسم شبكة من المفاهيم المبنية على أمر مجهول وبهي اللحظة بيبدا كلشي ينهار.. اتطلعت بعيونه عم تحاول تصدّق، وسألته: لكن مين؟ مين يلي حكا معك ليقلب وضعك لهالدرجة اتنفس بهدوء : تاج.. ماتضغطي علي، سمعيني سحب ايديها واتطلع بعمق عيونها شاهين: نحن ماعدنا صغار صح؟ مافينا نفكر بهالسطحية بكلشي منشوفه، ماتخلي أفكارك تروح لمكان غلط بقيت ثابتة، حاولت جاهدة تهدا و ردت: تمام، رح أجي معك، معناها رد على ليسا هلأ شاهين بصدمة: شو؟؟ جاوبت بِ عناد: متل ماسمعت شاهين: تاج لاتخبصي، شو ماعندك ثقة فيني؟ فتحت تمها لتنطق حروفها لكن قاومت غضبها وسكتت اتنهد وبقي ساكت للحظات وبعدها جاوب: أنا بعرف شو بدا تقلي، لهيك مابدي رد تاج: وشو بدا تقلك؟ شاهين: بدا تنبهني من هارون، بدا تزيحه من طريقها استغربت كلماته والقلق زادها حدّة: كيف يعني؟ هارون ليش واقف بطريقها؟ شاهين: تاج مابحب كرر كلامي، من الأول قلتلك كيف علاقتن مع بعض، وهي بتعرف أنه هارون عم يحاول جاهد يبعدها عني، وبتعرف أنه عم يقدر يعمل هالشي، لذلك بدا تشوه صورته لتفرقنا عن بعض سرحت لحظات وبعدها حكت: كيف فيني استوعب هيك قصة؟ بدأ الصبر ينفد منه، هو كمان مابيقدر يتحمل هالنقاش القوي بيومه المتعب هاد شاهين بنبرة قوية: تاج.. هاد يلي عندي، وماعندي استعداد احكي اكتر سحبها من زندها لقربه شاهين: اتطلعي بعيوني، قوليلي شايفتيني كذاب؟ شايفة حدا ممكن يسكن فيني غيرك؟ حاسة أنه بقي مكان لشخص تاني بحياتي؟ كانت عيونه صادقة.. لابعد حد، كلشي فيه عم ينطق بِحبه إلها وحدها لكن الغضب يلي جواتها ما انخمد سحبت ايدها منه لتحكي: على كل حال مو هاد حديثنا شاهين، أنت طلبت مني روح و رح روح سارعت خطواتها لتطلع لفوق ولحقها هو عم ينده باسمها وقبل ماتدخل غرفتها منعها من جديد شاهين: وين رايحة فيني أفهم؟ تاج: ماخصك.. رح امشي وبس شاهين: ياربي تاج.. بالله عليكي مو وقت جنانك، بكرا من الصبح بوصلك لبيتك ردت بنبرة مستفزة: بالله جد؟ مين قلك بدي ارجع على بيتي؟ اتطلع فيها لحظات متفاجئ من قرارها الجديد و سألها: إذن لوين مقررة تروحي؟ تاج: بعتقد الموضوع ماعاد يهمك، بما إنك قررت لحالك إني امشي ولا عطيت أهمية لوجودي جواتك إذا كنت جواتك متل من شوي حكيت.. ولا حتى حكيت كيف رح نعيش بكرا وكيف رح تكون علاقتنا بالمستقبل ماعاد قدر يمسك أعصابه اكتر وارتفع صوته #سارة_العلي💙 #حكاية✒ #اكسبلور @ وارتفع صوته بزيادة: لك تاج بيكفي جنان ها.. ماتخليني أخرب الدنيا كلها ابتسمت ببرود صدمه، شد قبضة ايده و زادت حدة ملامحه بعد ما صر على اسنانه تاج: أي؟؟ شو رح تعمل يعني؟ رح تقيدني بأصفادك من جديد؟ أنفاسه تسارعت، شدها على طرف الجدار وقرب منها لبينما حط جبهته على جبهتا وثبت ايديها بإحكام شاهين بهدوء مخالف لنيرانه: تاج.. ماتختبري صبري، أنا قاطع عهد على حالي ماعاد اتصرف معك بطريقة غلط،بس إذا بدك تجني وماترجعي على بيتك… قاطعته ودفعته عنها بقوة: شو بدك تعمل؟ بنظرات قوية قرب منها بسرعة لما اسكتها بطريقته سرت قشعريرة بجسدها أوقفت تفكيرها ،شلّت حركتها،بقيت ثابتة بمكانها بين ايديه لبينما حررها بعد لحظات قصيرة قرب راسه من اذنها وهمس: ماتفكري الحلول عندي بتنتهي، فيني أأسرك عندي بأي طريقة بتناسبني فقدت قوتها فجأة، أعلنت استسلامها بهالنقاش الحاد كان قادر يسيطر عليها ببساطة، حتى مع كامل قوة و جرأة (تاج) بحركة بسيطة منه بيخليها رهن اعتقال فؤاده ابتعد عنها لما لاحظ صمتها شاهين: الأمور رح تمشي متل مارسملنا ياها القدر، ماعندي أي كلام تاني عن مستقبل علاقتنا حالياً ،فيكي تروحي تنامي.. بترجاكِ ماتتصرفي بجنون لهي الليلة بس عالأقل كلمته الأخيرة اجبرتها ترفع عيونها يلي كانت سارحة بالأرض بحثت بعيونه عن سبب هالكلمة، بس ما لقت أي إجابة دخلت لغرفتا وقبل ماتسكر منعها شاهين: ماتسكريه، لو سمحتي.. تركته مفتوح ،وهي متوجهة للحمام حكت: مارح أهرب بدون علمك.. لما رح امشي ، رح امشي قدام عيونك.. عالأقل لشوف إذا الموضوع رح يأثر فيك أو لا سكرت باب الحمام خلفها بقوة لتترك النار تشتعل داخل صدره سمع صوت اندفاع المياه بحمامها، وتوجه بعدها لغرفته اتصالات ليسا ماعم توقف، وقتها اضطر يعملها حظر ليرتاح واتمنى لو اتصرف هيك من قبل كان اختصر كتير أمور بعد وقت قصير طلعت من الحمام لابسة بيجامة دافية ومريحة، قعدت على سريرها عم تجفف شعرها المُبلل بقطعة صغيرة مسكت المشط لترتبه وقتها لاحظت عيون عم تراقبها رفعت نظرها لتشوفه واقف أمام بابها.. غرقان بتفاصيلها.. أو يمكن عم يحفظها، يرسخها داخل ذاكرته.. أو يمكن عم يودعها خطا خطواته لجوا غرفتها بدون أي حرف منهن كانت الإنارة خفيفة كالعادة، قعد خلفها وغمضت عيونها لحظتها لما شعرت بقربه منها سحب المشط من ايدها، وبكف ايده مسح على خصلة وبالايد التانية عم يسحب المشط بحذر وهدوء مستنشق عبق شعرها المبلول، مستمتع وهو عم يلامسه ماكانت قادرة تحرك ساكن، ولا عندها قوة لنقاش جديد بعد ماانتهى ترك المشط على طرف قرب منها وغمرها من خلف ضهرا غمضت عيونها بقوة، رعشة فؤادها اجبرتها تسكن لحظات حتى تتخطى هالألم الخفيف همس شاهين بنبرة غرقانة بعاطفته: لو شو ماصار، كوني متأكدة انتي أهم حدا عندي بهالحياة،و إني بحبك كتير بقي لحظات شاددها لقلبه، بعدها سحب غطاء السرير، مسكها من ايدها ليغفيها مكانها، وغطاها منيح اتنهد بعمق وانسحب من مكانه غمضت عينها لتسقط دمعة متل النار على وسادتها، غرقت بعدها بنوم هاربة من الأفكار يلي على استعداد تواجها …. بعد مرور ساعات صحيت تاج على صوت قوي.. ماقدرت تأكد مصدره ليتكرر صوت الرعد من جديد وترتجف مكانها وهي عم تناظر باب الشرفة لتشوف السماء الشبه مكشوفة خلف الستارة الخفيفة قامت من مكانها وفتحتها لتشوف بوضوح كان الجو غريب، عم يحكي تفاصيل مخيفة ماقدرت تفهما الشمس مجرّد نور لهالصباح مالها أثر واضح بسبب غيمة كبيرة متوسطة السما..ماكانت مريحة إطلاقاً غيمة معتمة، ماقدرت تحدد تاج شعورها بعد ماشافت هالمنظر المُهيب غزارة الأمطار، مع الرياح خلّت الأشجار تتمايل وكأنها مُنهكة مرغمة حطت ايدها على قلبها لتتنفس بعمق محاولة منها لتزيل أثر الخوف عن قلبها لحظتها سمعت صوت غريب وبعيد اتأكدت من الساعة وكانت بعد التاسعة صباحاً مشيت تاج خارج غرفتها و أول مابدأت تتأكد من الصوت، حست بثقل رهيب بكامل جسدها، وكأنها مربوطة بحبل عم يردها للخلف بقوة فجأة ارتفع صوته وصار أوضح طارق بغضب: تمام تمام خلص .. أنت مالك ذنب بشي، أنا رح آخد أختي وامشي من هون فوراً أروى: طارق بترجاك اهدا الزلمة ماحكا شي اتنهد شاهين ليحكي: مابدي تقابلها بهي الطريقة، لو سمحت تاج نفسيتا تعبانة بتمنى تراعي هالشي تحرك طارق من مكان قعدته متوجه لعند شاهين لتمسكه أروى يلي كانت قاعدة بجنبه قبل ماينفذ يلي براسه وقف شاهين مستعد لمواجهته وقبل مايلامسوا بعض وقفهن صوتها تاج بصدمة واقفة عند نهاية السلّم: طارق؟؟شو عم يصير هون؟ الانظار توجهت عليها، صمت و ثبات دام للحظات طويلة وهي عم تحاول تستوعب أمر أخوها ووجودهن بالمزرعة فجأة بتركد أروى بعيون دامعة لتحضن تاج بقوة ورجفة بكامل جسدها بشوق واضح بتحكي: تاج ياعمري.. وأخيراً اطمنت عليكي ضمت صديقتها ببرود غير مقصود سببه القلق يلي داخلها كان جاهز طارق للمواجهة مع أخته، إلا أنه شكلها المرهق خلّاه يهدا شوي خوفه عليها اليومين يلي راحوا، شعوره بالذنب لأنه ماقدر ينقذها من جنونها..عطاه فرصة ليحكي معها بهدوء لو مهما صار، مجرد ماشافها اتذكر إنها أخته الوحيدة يلي ماعنده اغلى منها بهالحياة اتقدم باتجاها بخطوات بطيئة بعدت عنها أروى ليبقوا سارحين ببعض طارق بنبرة عتب: ليش هيك عملتي؟؟كيف بترمي نفسك بهيك دوامة؟ لك انتي جنيتي؟ كيف لو صرلك شي؟ كيف بدي عيش من بعدك مافكرتي فيني؟ مشاعر غريبة اتملكتها، حست بشوق باحتياج إله لتقرب منه وتضمه بكت بصوت موجع.. ماقدر يقسى عليها اكتر، احتضنها بشوق هارب من أفكاره واسئلته.. حس بتعبها لما رمت ثقلها عليه وكأنها رح تنهار بين ايديه راقب شاهين يلي عم يصير بصمت، شعور سيئ انتابه لما شافها بين عيلتها، وكأنها غريبة عليه زاد صوت بكاها ليقرب منها ناوي يهديها، رفع طارق ايده بوجهه مانعه يقرب خطوة وحدة من أخته طارق: خلص .. انتهى كلشي..اهدي تاج رح نحكي بهالأمور بعدين، هلأ لازم نمشي من هون كلمة وحدة نقشت علامات الوجع على ملامحه باتقان (لازم نمشي) ماكان متوقع رح يضعف لهالدرجة باللحظة الحاسمة أو يمكن كتير لحظات بياخد الانسان قرار يلي شايفه صح، بدون مايتقبل يفكر كيف رح يكون شعوره بعد هالقرار اتطلعت فيه تاج، نظرات مبهمة ، غير مفهومة نهائياً نطقت بسؤالها وبنيتها تتهرب من أمر أخوها تاج: كيف هيك صار؟ كيف عرفتوا مكاني؟ جاوبها شاهين بكلمات شعرت فيها وكأنها صفعة على وجهها: أنا اتصلت فيهن تاج.. امتنعت حنجرتها عن كتمان شهقتها، لتبقى عيونها مشدوهة فيه حست أروى الموقف كتير صعب اكتر من ما بتتحمل تاج،ماقدرت تبقا ساكتة أروى: اجاني اتصال من رقم خاص، ولما رديت كان شاهين، خبرني مشان اجي احكي معك.. (بتردد كمّلت)أنا كنت مخبرة طارق بكلشي قبل بكم يوم انتقلت نظرات تاج المصدومة لأروى، صديقتا يلي اعتبرتا"بيت أسرارها" ازدردت أروى ريقها وهي حاسة بخيبة أمل صديقتها منها أروى: صدقيني تاج كنت مجبورة.. لما غبتي عني آخر كم يوم خفت عليكي وانجبرت خبّر طارق تاج بقهر: كيف بتعملي هيك فيني؟ انتي دوناً عن غيرك ماكنت متوقعة منك ،حتى هيك سر ماتقدري تحتفظي فيه أروى!! خيبتي ظني جاوبتها بألم واضح بنبرتها: تاج بترجاكِ الموضوع كان "حياتك"يعني مو سر بسيط لأقدر اسكت اتدايق طارق من الحديث الأخير، وكيف انقلب العتب على موضوع معرفته بهالخطة، ماقدر يكتم عصبيته وقتها قرب منها وحكا : يعني لهالدرجة قلقانة من معرفتي للموضوع؟ معناها انتي وعيانة أنه تصرف غلط ومع هيك عملتيه؟وإلا ماكنتي خفتي إني أعرف.. هاد شو اسمه؟ مستحيل يكون جنون.. لأنو المجنون مستحيل يقدر يخطط هيك فكرة شيطانية خانته مفرداته لما فقد السيطرة على نفسه، كل همه كان يأكدلها أنه هالخطة كانت أودت بحياتها للهلاك صدمه صوت شاهين يلي صاح بغضب فجأة: طارق.. خبرتك مالازم تتصرف معها بهي الطريقة، صح؟ اتطلع فيه باستهزاء ليجاوبه: وأنت شو خصك؟ مين أنت آه؟ ليكون مفكر حالك وصي عليها؟ حاول شاهين يكتم غيظه وحكا وهو صارر على اسنانه: أنا ماطلبت حضرتك لتجي وتعمل هالشي.. قطعت حوارهن تاج بسؤالها بوجه حانق: لكن شو كنت ناوي شاهين توجهت لعنده بعيون مليانة خيبة تاج بنبرة عتب: شو كنت ناطر يصير؟ جبتهن لهون حتى ياخدوني.. برافو.. هالقد ماعاد تتحمل وجودي؟ شاهين : تاج أنا خايف عليكي افهميني.. لما قلتي مارح ترجعي على بيتك انشغل بالي فتح عيونه طارق بصدمة : شو؟؟ مابدك ترجعي على بيتك؟ لوين مفكرة تروحي كمان؟ لوين مفكرة رح توصلي بهاللعبة تاج؟انتي مستحيل تبقي ببيتك أصلاً.. حتماً صار لازم مصحّة عقلية اتوجه شاهين مباشرةً ليسحب طارق من تلابيب قميصه ويصرخ فيه: كلمة تانية واقسملك بِربي بنسى إنك أخوها عم تفهم.. ركدت أروى مع تاج عليهن ليخلصوهن بعد مارفع ايديه طارق واستعدوا لصراع بينهن صرخت تاج بعد ماحست بتسارع نبضات قلبها: أنتو شو عم تعملوا هلأ؟؟ بترجاكن بيكفي.. بيكفي والله ماعاد اتحمل .. كلشي عم يصير بسببي، ضميري رح يقتلني .. مافيني شوفكن هيك بترجاكن لأ نزلت دمعوها بقهر لتضمها أروى لحضنا تركوا بعض طارق و شاهين وعم يتطلعوا فيها والألم اعتصر قلوبهن بسبب حالتها لكن ماقدروا يمتنعوا عن بعض النظرات النيرانية يلي اتبادلوها بين الوقت والتاني بجرأة واضحة من عيونه قرب شاهين وسحبها من حضن أروى وغمرها لصدره طارق: لك انت شو عم تعمل؟ بعد عنها .. تاج.. انتبه طارق لسلاح شاهين الواقع خلف ضهره، ازدرد ريقه بصمت خلاه يعيد أفكاره واسئلته شو الوضع يلي كانت عايشته اخته مع هيك انسان؟ وشو ممكن قادر يعمل فيهن لو بيتصرفوا بطريقة غلط معه؟ غرقت بحضنه لتفرغ كل القهر يلي جواتها عنده بدون تمنّع مسكت أروى بإيد طارق وبعدته وهي عم تهمس باذنه: بترجاك طارق.. لو بالفعل هو انسان سيئ وبدو يأذيها.. ماكان اتصل فينا صح؟؟ حكت تاج وراسها على صدره: خربت حياتي وحياتكن واحد واحد.. عيشتكن بخوف وزعل، خليتكن تفقدو ثقتكن فيني، كلكن.. كل انسان بحبه اذيته.. أنا ماعاد اتحمل حالي غمرها بقوة اكبر وهو عم يمسح على راسها بحنية شاهين: اهدي ياعمري، انتي غلطتي صح ،بس كله راح صار ماضي واتصلّح بعدت عنه وهي ساندة ايديها على صدره وعيونها متل الجمر تاج: لا شاهين، أنا ماغلطت.. مو لأنه بنكر هاد الفعل كان غلط ،لأ.. بس لولا هاد الشي أنا ماكنت هون ، ماكنت قابلتك بكل حياتي شاهين.. يمكن لازم أندم بس مابعرف كيف فيني أندم على غلطة خلتني أعرفك وحبك مسح دموعها بكفوف ايديه ليقرب طارق ويمسكها من ايدها ويسحبها لعنده طارق بعصبية مكتومة: بيكفي لهون.. امشي معي هلأ افلتت ايدها منه ولسا عيونها معلقة ب شاهين، تناست وجود الكل ،معتادة كل هالفترة على وجود شاهين فقط بهالحياة بعيون مترجّية سألته: ليش؟ ليش هيك عم تعمل فينا؟ بعرف بتحبني بس ليش هيك عم تعمل كرمال الله احكيلي ولا تسكت اتطلع شاهين على طارق وأروى ماكان قادر يرتاح بكلامه معها بوجودهن فهمت أروى نظراته وحكت بصوت مسموع: تاج.. رح ننطرك بالسيارة، امشي طارق جاوب بصدمة: لأ.. لاتجني انت كمان أروى ،كرمال الله همستله: عم بترجاك طارق..بس هالكم دقيقة خليهن وحدن، مو شايف حالة البنت؟ بعدها بتحكي معها بيلي بدك ياه اتنهد بتعب ، غرقان بين الحزن على وضع اخته، والغضب من الحالة يلي وصلتهن إلها سحبته أروى بالغصب ليطلعوا لبرا وينتظروا بسيارته مسح من عيونها الدمعات يلي كانت بكل ثانية تغرق خدودها بكت وماعاد قادرة توقف بكاها تاج: جاوبني بس.. طفي النار يلي عم تحرق فيني شاهين كيف بتحبني وكيف تتصل بعيلتي لياخدوني!!.. أنا جيت برغبتي لعندك،ومبارح خبرتك بدي امشي ،ليش تعمل هيك فيني؟ رجعها لحضنه وقلبه عم يغص بألم رهيب، وكأنه شارف على الاحتضار همس شاهين بنبرة مكسورة ماسمعتها منه من قبل: انتي حكيتيها.. في كلام مابينحكا ياتاج، بس بتبكيه.. خلينا نفترق اليوم.. يمكن نجتمع بمكان تاني، بين طيات هالأرض أو بين ثنايا كتبك.. تاج، أوقات اللقاء مابيصير غير من بعد وداع..يعني لازم نفترق لنرجع نلتقى قاطعته تاج بحروف غريقة: وفي وداع بيكون الأخير مافي من بعده لُقا رفع أصابعه ليلامس شفافها وحكا والغصة بين حروفه: بس أنا واثق فيكي ياروحي.. واثق أنك قادرة تجمعينا متل ماقدرتي تخلينا نلتقي أول مرة.. متل الموعد يلي خططتيه، بدي لقاء تاني معك تاج.. لو حتى بالعالم الآخر وقع كلمته الأخيرة كان تقيل على قلبها لدرجة الجمت لسانها، جمدتها بمكانها.. حتى دمعاتها تحجرت والهوا توقف عن الجريان لرئتيها لحظات وحس بشرود نظراتها، انتبه لتوقف نفسها يلي بدأ يظهر علاماته على وجهها الشاحب، وشفافها يلي تخللها القليل من اللون الأزرق شعور خوف نفض جسده ليندهلا: تاج؟؟ تاج سامعتيني؟؟ اتساع نظرة عيونها اجبره يهزا بقوة حتى تصحا شهقت ليرجعلا النفس وتبقى عم تناظره بصدمة للحظة ذاكرتها فقدت الكلمات الأخيرة يلي رفض عقلها تقبلها بشكل نهائي بقيت لحظات حتى استعادت قدرتها على النطق مكتفية بنظراتها إله تاج: بدك ياني روح؟ غمض عيونه بقهر، مابيعرف ليش عم تقسى عليه اكتر!! ليش مُصرة تكسره وتكسر قلبها معه ماكان قادر يستوعب رغبتها بتراجعه لو باللحظة الأخيرة متل مابيصير بين أي تنين بيحبوا بعض لكن هالوجع كان مختلف استجمع كامل قوته يلي اندثرت بسبب حالتها أخد نفس عميق وبعد مازفره نطقها شاهين: أي تاج.. روحي من هون ارتسمت بسمة خرقاء على شفافها بعد مافقدت تركيزها ونطقت بحروف تايهة مع صوت الرعد يلي شق السماء، السماء الوحيدة يلي شهدت على كامل وجعهن.. وكأنها بهاليوم كانت ثائرة لوجع هالانسانة البائسة بحالتا اللي يُرثى لها تاج: مافي شي تاني رح تحكيه؟ كانت ناطرة وعد منه، موعد آخر..أو بداية جديدة لكن مالقيت غير الصمت، يلي خلق بقلبها وجع بيكفيها لتعيشه لآخر يوم بعمرها همست تاج وعينها بعينه:وعدتك امشي أمام عيونه وليكني عم اتطلع بعيونك شاهين..بدي اترك فيك شي مابينتسى قبل ماترجع خطوة للخلف حاول يسحبها لحضنه لكنها تمنّعت ندهت بصوت مبحوح: إياك.. إياك شاهين غادرت المكان بخطوات متسارعة راجفة، مشي خلفها ليطلع ويراقبها وابل المطر أغرقها بلحظات قليلة حتى وصولها عالسيارة كانت متمنية لو تقدر تبقى تحته اكتر ليزيل هالوجع منها الغير قادرة على تحمّله التفتت لتطلع فيه بدموع مدموجة بالمطر حزن مخيف كسا ملامح وجهه، الغريق بهالمطر الغزير نزلت أروى لتسحبها من أمام عيونه لجوا السيارة لحظات واختفت أغرب انسانة دخلت حياته وقلبتها رأساً على عقب بدون توقف ليقدر ياخذ نفسه حتى غادرته حبيبة ماعرف العشق إلا على ايديها.. ارتحلت لتترك جوا روحه وجع ماله أي عِلاج سواها بتنهيدة صدرت من أعماقه بعد ماغرز ألم رهيب بوسط قلبه.. هيك ودعها لتاج.. وهيك انتزعوها من أعماق روحه …. نزلت تاج براسها على حضن أروى مستلقية لتمسح أروى على راسها بحنية ودمعاتها مرافقة دمعات صديقتا اتطلعت أروى بعيون طارق وبكل ترجي طلبت منه بعيونها مايحكي أي حرف حالياً التزم الصمت وسار بطريقه راجع على بيته … وبدون مايقدر يعطي لنفسه فرصة اكتر ليختلي بألمه دخل شاهين بخطوات سريعة ليطالع موبايله ويتصل ب هارون شاهين بتوتر: رد أخي.. لك رد عليي رايح جاي بقلق واضح عم يحاول يوصل لهارون لكن ماكان في أي رد لحظات وسمع صوت سيارة دخلت ليلتفت مباشرةً على الحديقة واتذكر أنه نسي يقفل بوابة المزرعة من بعد مغادرة تاج ركد لبرا لما شاف سيارة ليسا أمامه اتطلع فيها بعيون مصدومة نزلت من السيارة وركدت لعنده لتحاول تضمه ليسا بخوف: حبيبي.. وأخيراً وصلت الحمدلله انك بخير.. يلا خلينا نمشي لازم نطلع فوراً شاهين مسكت بايده ساحبته نحو سيارتها ليرمي ايده منه ايدها بقوة شاهين: انتي شو جابك لهون؟ ولوين عم تسحبيني هيك ليسا؟ طلعي من هون ورجعي من مكان ماجيتي رفضت نهائياً وعيونها كلهن غضب: مافيك تبقى هون.. شاهين حياتك بخطر رح يقتلوك فهمني بقا ازدرد ريقه وسألها: انتي شو عم تخبصي؟ ليسا: أنا حكيتلك أنه هارون مابينوثق فيه.. قلتلك تبعد عنه ماسمعت مني، هارون طلع مع منظمة الشبح شاهين، عم يخبرهن كلشي عنك وهنن رح يقتلوك.. كرمال الله خلينا نمشي بصدمة انتشرت بملامحه بدون أي رحمة بقلبه بقي ثابت مكانه عم يناظرا بصمت ليسا بعيون دامعة: بترجاك خلينا نهرب لاتبقى هيك واقف وساكت أنت عم تقتلني بسكوتك شاهين: انتي كذابة، طلعي من هون وإلا مابتعرفي شو ممكن اعمل فيكي سحبها من ايدها باتجاه سيارتها فجأة سمعوا خطوات هارون وهو عم يركض ودخل من البوابة الصغيرة عم يلتقط انفاسه بصعوبة اتطلعوا فيه مصدومين وماكانت أقل من صدمته لما شاف ليسا هارون بعصبية: هي شو عم تعمل هون شاهين؟ ركدت عليه ليسا لتضربه على صدره بكل قوتها ليسا: أنت يلي شو عم تعمل هون ياحقير.. كيف بتعمل هيك بالانسان يلي اعتبرك أخوه؟كيف بتخونه قلي كيف؟ هارون بحروف متلعثمة :انتي شو عم تخبصي؟ على بعد خطوات كتيرة واقف شاهين مو قادر يحدد الشعور يلي دخل قلبه وفتك فيه ليسا: رح دمرك ياهارون، اقسم بالله مالي تاركتك بحالك، مارح اسمحلك تأذيه رجعت عند شاهين بخطوات سريعة: امشي معي بترجاك، سماع مني لو لمرة شاهين …. بهاللحظة داخل سيارة طارق، وبعد تفكير مافارقها لحظة ،تذكرت المكالمة قبل بليلة يلي خلته ياخد قرار فراقهن.. وتردد بأذنها صدى كلماته الأخيرة(بدي لقاء تاني لو بعالم آخر) همست تاج بعيون مصدومة بعد ماحست بشعور صعب وصفه غرز داخل صدرها: عم يودعني؟؟ فزعت من مكانها لتصرخ بأخوها: طارق.. طارق رجعني هلأ بسرعة طارق: تاج كرمال الله اهدي اختي، خلينا نوصل على… قاطعته بصرخات مخيفة هستيرية: هلأ بترجعني.. عم قلك فوراً.. شاهين كان في شي لازم يقلي ياه، في شي هو ماعم يحكيه اتطلعت بعيون أروى بِ وَهن: بترجاكِ أروى قوليله يرجعني.. والله بموت حالي إذا ماشفته هلأ.. خلوني بس احكي معه كلمتين وبعدها عملوا شو مابدكن فيني مسكت بكفوفها ايدي أروى وعيونها بتحكي عن النار يلي عم تحرق فيها سحبتها أروى لحضنها وهي عم تبكي معا أروى: طارق البنت حالتها كتير تعبانة، لو سمحت رجاع مابدنا حالتها تسوء اكتر.. رحمها بترجاك طارق : لك بيكفي يا خلق الله شو صايبكن انتو؟؟ صرخت فيه بقوة: اقسم بالله بنزل هون ها.. طارق عم اطلب منك ترجعني، ماتخليني ارجع اكذب عليك وخبي عنك.. رجعني بايدك عم اطلب منك أنا اتطلع بالمراية على عيونها، زفر بغضب لما وقف السيارة دفعة وحدة وبسرعة اكبر بمحاولة ليخفف غضبه، رجع عالمزرعة … (في المزرعة) شاهين: ليسا امشي من هون انتي.. ليسا : مارح روح إلا معك سامعني؟ هاد الحقير متفق معهن وبقيت عم دور وراه لحتى حدا من رجال المنظمة حكالي ليك معي فيديو لهارون وهو عم يتفق معن، صدقني شاهين ماعم كذب عليك أنا خايفة اخسرك صرخ فيها هارون: لك ياوسخة انتي يلي كنتي عم تتجسسي خلفي؟ انتي سبب كلشي صار؟ والله ياليسا مارح ارحمك هالمرة..بحلفلك طالع كل انتقامي من هالدنيا فيكي بصوت أقوى صاح فيهن شاهين: لك بيكفي خرسوا.. ليسا انقلعي من هون لا تخليني أأذيكي هلأ.. امشي مشيت بخطوات سريعة ليسا باتجاه هارون لتسحب سلاحها من خلف ظهرا وترفعه بوجهه وهو رفع سلاحه بوجها مباشرةً ليسا: هالمرة ماعندك وقت ياهارون،كل وراقك صارت مكشوفة، أنت قربت على اغلى ماعندي، أنت بدك تأذي شاهين وموتك عندي صار حلال.. أول ما جهزت سلاحها للاطلاق وجه هارون سلاحه على شاهين لتفتح عيونها بصدمة ارعشت جسدها فتح شاهين عيونه بصدمة، ماعاد قادر يصدق يلي عم يشوفه.. كأنه كابوس واسوء صرخت ليسا: هارون نزل سلاحك هلأ هارون وهو عم يقرب منها: طلعي من راسي انتي التفتت ليسا لتاخد نظرة على شاهين لما ضرب ايدها هارون بقوة وسقط سلاحها من ايدها أول مافقدت سلاحها ركدت باتجاه شاهين ووقفت أمامه ليسا: قبل ماتفكر تعمل فيه أي شي.. بدك تقتلني إلي أول هارون كان شاهين غارق بصدمته، أخرست لسانه عن أي حرف، ماكان شايف الموت .. كان شايف فراقه الأبدي عن معشوقته(تاج) يلي ماقدر لحد هي اللحظة يحس باكتفاءه منها بقي عم يناظر هارون بنظرات ماحدا قدر يفهما غير هارون ذاته اسئلة كتيرة كان ناوي يسئلها لكن ماقدر.. حط ايده شاهين على سلاحه، لكن مشاعر قوية داخله شلّت ايده ورجعتها مكانها هارون بقلة حيلة: شو منعمل شاهين؟ هيك القدر.. لازم تنتهي هالقصة اليوم عقد شاهين حاجبيه لما قرب خطوتين باتجاه هارون وجع ماكان قادر يتحمله،تخبط عقله ولا عاد قادر يستوعب يلي صار شاهين: لكن يلا.. عملها وانت عم تطلع بعيوني أخي مسكته ليسا بقوة لتسحبه بعيد عنه ليسا : شاهين ماتجن.. لك هارون بيكفي بيكفي نزل سلاحك هارون: بعدي من وجهي ليسا، ماعندي مانع تموتي انتي كمان، بس لسا شكلك حابة تعيشي حياتك.. بعدي عنه قاطعهن صوت سيارة بقيت واقفة برا نزلت تاج راكدة على التراب المبلول لتدخل من البوابة انشلّت حركتها لما شافت ليسا واقفة أمام شاهين باتجاه معين بقيت عيونها عليهن بدون ماتنتبه لوجود هارون لما اتطلعوا فيها مع بعض همس شاهين بحروف شبه مكتومة: تاج!! دخلت والصدمة اعتلت قلبها حكت بحروف تايهة: شو هاد؟ شو عم يصير شاهين؟ لحظتها صحي على حاله لما صدق أنها حقيقية مو مجرد تخيلات صرخ فيها بغضب: لك انتي شو رجعك؟ دفع ليسا بعيد عنه لما هارون نزل سلاحه واخفاه خلفه مسكها شاهين بقوة من معصما عم يحاول يسحبا لبرا المزرعة حاولت جاهدة تبعده عنها وتمتنع من المغادرة: شو يلي عم يصير احكي؟ شاهين كرمال هيك قلتلي اطلع بهالسرعة؟ صوت رنين هاتف خلاهن يتطلعوا كلهن لذات الاتجاه (هارون) اتطلعت فيه تاج مصدومة من وجوده ماقدرت تفهم أي شي غمض عيونه هارون بعد ما سكر موبايله ورفع السلاح من جديد أمام شاهين هارون:هلأ لازم ينتهي يا شاهين صرخ فيه شاهين بقهر.. ماكان قادر يتحمل تعيش تاج هيك شعور، كان ارحمله لو مات بعيد عن عيونها شاهين بغضب مكتوم:لا هارون.. لا مو هيك للحظة ستعادت ذاكرتها مشهد تناسته مباشرةً.. بهاد المكان بالذات تخيلت قبل كم يوم مشهد إطلاق نار حتى سمعت صوته تمسكت فيه بقوة وهو عم يسحبها بعيد عنه تاج: لا هارون لا .. كرمال الله شو عم تعمل أنت؟؟ لك هاد شاهين رفيقك اتطلعت بعيونه ولامست وجهه:شاهين اتصرف.. بترجاك قله يوقف ، شاهين ماتوقف ساكت هيك وقف هالشي هلأ والله مافيني بلاك تمسكت فيه بقوة لتحضنه وهي عم تصرخ ودموعها أغرقت خدودها: لا مافيهن يعملوا فيك هيك.. مافيهن شد عليها بقوة وهي عم ترتجف بالكامل حتى أقدامها ماعادت قادرة تثبت بالأرض رجفة صوتها حرقت قلبه، كان قادر يتحمل الموت ولا يشوفها مكسورة هيك صرخ هارون: شاهين.. لا تخسر أرواحهن كمان، عم قلكن بعدو عنه امتنعت تاج لما وقفت أمامه: هارون لازم تعملها فيني أول، خلي عندك ذرة رحمة وقتلني قبله قرب هارون بخطوات سريعة منه وهو رافع السلاح ليدفع شاهين تاج عنه وهي ممتنعة وصرخاتها ماعم تنقطع ليسا: هارون لا لا بترجاك لا خلينا نحكي ونتفق ونلاقي حل رفع هارون سلاح ليسا من الأرض ليوجهه على ليسا كمان اتطلع شاهين بعيونه.. غصة اعتلت حنجرته شاهين: تاج.. طلعي منها عم يسحب تاج عنه وبكل قوتها عم تمنعه تاج: لازم ياخدوا روحي قبلك ياشاهين، وجعي بدونك مارح يكون أخف من الموت… بحلفلك موتي ارحملي، أنت رح تكون وجع العمر ماتتركني لتسمع صوت رصاصة غير مشفقة هزت اركانها بالكامل صوت كان أسوء من أعظم وجع ممكن تحسه بحياتها الوجع دخل لعمق قلبها قبل ما تلامس هالرصاصة الظالمة جسده ومع أنه الرصاصة اختارت جسده إله.. ختارت تقتله حبيبها إلا إنها حست فيها اخترقت صدرها لتتموضع داخل قلبها ماكانت بتآمن الموت بيقدر يفرق تنين لهيك فارقت تاج الحياة عند نظرة من عيونه، نظرة ألمه لما اخترقت الرصاصة جسده..ايسر صدره .. مكانها المفضل يلي حطت راسها عليه لتسمع نبضه الناطق باسمها ارتد جسده خطوة للخلف وبألم طحن جسده حس بسيخ نار اخترق صدره وألم اجبره على الانحناء لما تموضعت الرصاصة داخله دون حِراك صرخة وحدة كانت اعلى من صوت الطلقة واشدها ألم بالنسبة إله تاج: شاهييين الوجع يلي لمحه بعيونها لو قادر يقسم لاقسم أنه كان اقوى من وجع هالرصاصة ومن بعدها عمّ الصمت بالمكان.. واقف على أقدامه ماسكته بقوة ماعم تقدر تتخلى عنه لما حست باختلال توازنه صدمة أخرست الجميع ليسقط من بين ايديها وتسقط بجنبه مسكت ايديه برجفة: حبيبي .. حبيبي شاهين ماتتركني ماتعملها لأ.. صرخت ليسا بقهر:شاهين..لا ياشاهين كان هارون متوقع تصرفها لما فكرت تقوم وتهجم عليه لكن صدمها بضربة على راسها افقدتها وعيها مباشرةً و وقعت مغمى عليها باللحظة يلي دخلوا أروى و طارق والخوف حارق اعصابهن بعد ماسمعوا صوت إطلاق النار ليشوفوها بحالتها المدمية للقلب ارتدت أروى للخلف ليحتضنها طارق قبل ماتوقع …. سحبته لحضنها وهي عم تطلع بعيونه بعيون دامعة ندهت: شاهين.. شاهين حبيبي سامعني؟ اتطلع فيني لاتسكر عيونك، ماشبعت منك ياروحي.. والله مافيني بلاك حطت ايدها على جرحه وشعورها بالدم النازف أغرق قلبها بوجع فظيع ابتسم بوجع واضح عم يجبر حاله على كتمه ماكان قادر يوجعها اكتر بتنهيدة ألم منه، رفع كف ايده ومسح على خدها بحنية شاهين: تاج.. بحبك لآخر نفس رح اتنفسه هزت راسها برفض: ماتحكي شي شاهين بترجاك ماتحكي، خدني معك.. إذا ناوي تتخلى عني وتتركني مسكني وخدني شدت بقوة على ايده سقط هارون بالأرض دافن راسه بين ايديه وطارق مصدوم مو قادر يآتي بحركة نطق شاهين بصعوبة وثقل في النطق : عمري.. اتطلعي بعيوني تساقطت دمعاتها فوق وجهه مع المطر يلي بدأ يخف تاج: بترجاك ماتتعب حالك شاهين.. أنت قوي ورح تتخطاها، قلتلي كتير تخطيت قبل هيك وهي كمان رح تعديها، كرمالي أنا ياشاهين أوعك تتركني وحدي، كيف بدي كمل حياتي بدونك؟ كيف بعد ماعشت معك كل هاد؟ لسا بدي عيش معك مابقدر اكتفي من غرامك غص بقوة لما زاد الألم واصبح غير قادر على تحمله: سامحيني تاج.. سامحيني على كل وجع عيشتك ياه، ويمكن رح تعيشيه بسببي سكرت تمه بايدها وغمضت عيونها بوجع غرز بقلبها: ماتحكي هيك ماتحكي أنت عم توجعلي قلبي ، كيف فيك تتخلى عني بسهولة أنت لازم تقاوم كرمالي هالمرة، بدي عيش معك أيام حرّة .. بدي نعيش ونتزوج ويكون عنا عيلة ، حُبك إلي مابيكفي ينعاش كم يوم.. بدو عمر طويل ياشاهين..خود من عمري ولا تتركني مسكت ايده لتحطها على قلبها وتصرخ بصوت مبحوح: خود روحي شاهين.. بس ابقى موجود .. خدها وماتتركني، لاتتركني عيش بوجع مالي قدرة اتحمله.. هاد اصعب من شي بقدر اتحمله بترجاك بابتسامته يلي رغم وجعه ماقدر يفقدها جاوبها بعد ماازدرد ريقه بصعوبة اهلكت فؤاده: أنا مارح اتخلى عنك.. طيفي رح يبقا محاوطك، رح ابقى موجود بين وجوه ابطال رواياتك..(سكت لحظات لياخذ انفاسه بصعوبة بالغة) متل ماكنتي تشوفيني بخيالك وماتقدري توصلي، خليني بخيالك وعيشي معي، كتبيها تاج بغصة ظهرت على ملامحه كمل كلماته بألم: كتبي قصتنا ياتاج وخليني عايش بخيالك هزت راسها برفض تام: بدي ياك شاهين، بدي ياك أنت ومابدي غيرك حدا بهالحياة،حضنك لمستك، قُبلاتك حتى عذابك.. بدي كلشي فيك، مافيني اتحمل شوق يقتل بقلبي، عمري مارح يكتمل بدون ماالمسك، خليني روح معك بترجاك ماتترك ايدي بعد مارجعتني للحياة.. غمضت عيونه فاقد القدرة على المقاومة اكتر وبحروف متقطعة نطق بانفاس شبه مفقودة: بـ..ـحبك .. تــاج نطقه للحروف وحده كان قادر يخليها تعيش الموت بحد ذاته، عيونه يلي عم تغمض بهدوء كانت اصعب من جراح الكون كله رجفة أخيرة أصدرها جسده أعلنت مغادرة روحا من جسدها المُنهك لحظة غمضت عيونه صاحت صوت لامس غيوم السما بقلب مدبوح ماعاد قادر يكمل حياته ،راجي من ربه ياخد الروح قبل ماتوصله روح المعشوق شدته لصدرها بقوة معدومة ليبقى راسه بحضنها ماقدرت ترفعه نزلت لعنده وضمته لما ركدت أروى وحاولت تسحبها من مكانها وطارق معها لكن ماكان في أي إجابة غير صرخات متكررة باسمه صرخت بين الغضب والقهر والحزن كانت صرخات من أعماق فؤادها: شاهينن.. ماتعملها فيني ياحبيبي.. حرام تتركني وتتخلى عني، وعدتني ماتعملا.. رجاع بترجاك وارحمني، والله مافيني والله بحة صوتها دمت قلوبهن، رجفة سكنت كامل خلاياها لحظات من أصعب لحظات عمرها لما صارت تتخيل ضحكاته وغمراته… لمسة شفافه ونبضات قلبه.. مافي ذكرى إلا نقشت وجعها على جدرا فؤادها الدامي بدون أي رحمة بدأ جسدها يهتز للأمام والخلف وهي ممتنعة تتركه او تتخلى عن جسده يلي بكل شعورها متأكدة أنها مازالت عايشة جوا بقلبه صحي هارون على صوت صرخاتها لما وقف مكانه هارون بنبرة قوية: خدوها من هون وطلعوا فوراً.. واياكن تدخلوا بحياتنا ولا اسمعكن حكيتو عن الشي يلي صار فاهمين؟ عم يهددن بسلاحه وعيونه فيها الشر سحب طارق أروى لخلفه وصرخ فيها: ركدي طلعي عالسيارة ولاحقك حكت أروى بحروف ضايعة وعيون دامعة: تاج.. وتاج ياطارق صرخ فيها بقوة: عم قلك روحي عالسيارة ركدت أروى وهي عم تطلع بعيون هارون بخوف وقهر قرب طارق وسحب اخته وهي عم تمتنع وتصرخ فيه تاج: لا لا حرام عليك أخي أنا بدي ابقى جنبه،هارون قتلني.. قتلني ياحقير ياوسخ.. قتلني معه ولا تتركني موت بوجعي هيك اذا عندك انسانية خود روحي.. مافيني عيش بلاه.. شاهين التفتت عليه وصرخت: شاهين كيف بتعملها فيني ؟؟ ليش كان صعب عليك تبقى معي ؟ليش هيك ردو عليي موتوني أو عطوني ياه.. عطوني شاهين سحبها طارق من خلفها لما ضمها بقوة من بطنها وحملها أول ما انسحب شاهين من حضنها حست الروح عم تطلع من جسدها حست بشعور اشبه بسكرات الموت لما بعدها عنه اشبه بانتشال فؤادها من بين ضلوعها دافعت بقوة وبعدته عنها بايديها واقدامها لكن ماكانت قادرة تتحمل اكتر لما حملها طارق بعيد عم تراقب شاهين مرمي بالأرض بدون حراك وخطوة بعدها خطوة حست بنبضات قلبها امتنعت من الاستمرار ماقدر عقلها يتقبل الجسد والقلب يلي غمرها بغرام لا نهاية إله، انتهى مرمي على الأرض بدون روح هبوط رهيب رافق كل خلايا جسدها لتفقد وعيها بالكامل بين ايدين أخوها .... (مارح قول غداً نلتقي، يمكن احتاج يومين لاقدر كفي، المشاهد كالعادة اخدت مني فوق مابتتخيلوا،بتمنى تحكولي شعوركن بالتعليقات وانتظروني بكمالة القصة) #سارة_العلي💙 *يـــــــــ͢ـོ͓ـــتبــــــــــــــོـ͓ـــ͢ــ؏* ➖➖➖➖➖➖➖➖➖ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h```