الفصل 20
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵ موعد.مع.خاطفي.tt* ♥️🙈
*❴🔢❵☟الـــبـــــــــــ❴0️⃣2️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
#موعد_مع_خاطفي
جزء ٢٠
غرق القمر في غياهب السماء، والنجوم منثورة من حوله وكأنه محور الكون
تحت ظلام الليل اتمددت تاج على كرسي بحديقة المزرعة، سندت راسها على رجله..
راقبت هالمشهد بصمت، حركات الغيوم من فوق القمر
عم يداعب خصلات شعرها المفرودة بحضنه ويراقبها بدلاً عن القمر
همست بابتسامة مريحة على شفافها: هاد أول #موعد_مع_خاطفي
ابتسم بعد كلماتها يلي ذكرته بروايتها
شاهين: كنتي متوقعة يكون هيك؟
تاج: بصراحة، نهائيّاً..كنت مخططة لموعد بس ماتوقعت يجي بهيك طريقة
حركات ايده على راسها، خلتها تغمض عيونها وتستمتع اكتر بهالراحة
شاهين: مارح تكملي كتابة؟
تنهدت بعمق وماجاوبت
شاهين: غريب مو حابة تحكي عن الموضوع
تاج بنبرة من العتب: كيف قدرت تحرق كتبي؟
ضاعت حروفه بعد ماحاول جاهد يلاقي طريقة يعتذر فيها
فتحت عيونها وتطلعت فيه: كتير تأثرت
مسح على خدها بحنية: آسف ياعمري.. كانت حركة قاسية مني
تاج: كتير.. حرقتني بدل ماتحرقهن
انحنى فوقها وطبع قُبلة على جبهتها
شاهين: معك حق.. بس لما بقيتي ساكتة مع كلشي صار، استفزيتيني اكتر قلت مافي شي رح يستفزك غير الشي يلي بتحبيه
ماكان عندا إجابة غير نظرات العتب
شاهين: بوعدك ماعاد قرّبلك على شي بيخص الكتب والكتابة، رح جبلك غيرن
تاج: مو مشكلة .. بس يارب اتخطى المشهد
شاهين: لك كنتي رح تحرقي حالك فيهن
تاج: أي لكن شو بدك اعمل؟ بس يعني ليش يستفزك سكوتي؟ أنا عطيتك فرصة تفرغ غضبك
حكا بضحكة: عنجد؟ هيك دايقتيني اكتر، لو متخانقين من أول يوم بحس كان هدي الوضع شوي
تاج: اممم.. مابصدق والله
رجعت هديت بحضنه مع نسمات الهوا المنعشة استرخت
بعد وقت قليل رجعوا دخلوا
وقبل ماتطلع لفوق استوقفها بكلماته وهو عم يمتع نظره بفستانها
شاهين : على فكرة طلع عليكي بيجنن اكتر من ما توقعت
التفتت عليه واكتفت بابتسامة لطيفة لترجع تقرب لعنده
تاج: أنا كمان حبيته
انتبه لكلماتها المبتورة وكأنها عم تحاول تخفي موضوع معين
شاهين: عمري.. بدك تحكي شي؟
تاج بنبرة حزن: شاهين أنا لازم احكي مع أروى.. بوعدك مااتسببلك بأي أذى، بس مابدي اتركها محروقة أعصابها عليي، تعبتها كتير معي
شاهين: تمام..
اتنهد بعمق بعدها كمّل: رح جبلك رقمي الخاص، كرمال مايظهر الرقم هيك احسن
ارتسمت ابتسامة على شفافها متحمسة لتحكي مع رفيقتا بدون خوف وتوتر
شاهين: تعالي معي
طلعت خلفه ليسألها
شاهين: كم مرة حكيتو؟
تاج: مو كتير.. بس أول مرة من بعد ماجينا لهون، لأنك عطيتني كلمة السر يوم خطف ليسا إلي
وصلوا عالغرفة ، فتح الخزانة وسحب الموبايل
اخدته منه بعد مافتحلا ياه، وحطت رقم أروى
انتظرت وقت لبينما ردت عليها
سمعت أروى موبايلا عم يرن، دخلت على غرفتا وشافت "رقم خاص"
أروى: ألو!!
نطقت بلهفة: أروى.. كيفك ياقلبي؟
تلعثمت حروفها لينتفض جسدها بحرارة قوية: تاج؟؟ لك وينك ليش ماعاد اتصلتي من هداك اليوم؟
تاج: ماعاد قدرت اتصل، سمعي بدي قلك شي..
قاطعتها أروى لما حكت: أنا يلي بدي قلك، تاج انتي لازم
ترجعي بسرعة، في مصيبة رح توقع براسنا، بترجاكِ خلص بيكفي لهون هاللعبة لازم تخلص قبل ماتنكشف
تاج: انكشفت اللعبة أروى
ندهت أروى بخوف: شوو؟؟ وشو صار؟ تاج انتي منيحة؟
تاج: اهدي اهدي..
اتطلعت بعيون شاهين ومسكت ايده لتجاوبها: أنا بخير، كل أموري احسن من ماكنت متوقعة أروى.. حكيت لشاهين كلشي، وتقبلنا يلي صار.. نحن منحب بعض، وبخصوص الكتابة كمان أنا قدرت ارجع..
قاطعت كلماتها أروى من جديد بعصبية مكتومة وهي عم تحاول تخفي صوتها : بهالبساطة؟؟تاج انتي شو عم تخبصي؟ بتعرفي عن مين عم تحكي؟ هاد خاطف يابنت خاطف مأجور.. اصحي ع حالك ووقفي هلأ بترجاكِ سامعتيني؟؟
سكتت تاج وراقبت عيون شاهين، يلي ماكان عم يسمع كلمات أروى، فقط عم يراقب نظراتها
أروى: تاج سامعتيني ؟!
فجأة دخل طارق عليها ليسألها بعيون حايرة: عم تحكي مع تاج؟؟
سمعت صوته تاج لتسكر مباشرةً بقلق واضح
شاهين: شو صار؟
تاج: وصل أخي لعندها..
…
رمت أروى الموبايل من ايدها واتطلعت فيه بخوف
قرب وسحب الموبايل وحاول يفتحه
صرخ فيها: ليش سكرتي؟ لك ليش ماخليتيني حاكيها؟
ردت بتلعثم في القليل من العصبية: ماتصرخ عليي.. أنا ماخصني هي يلي سكرته، ليك طارق اقسم بالله أنا ماعاد اتحمل جنانكن
اتطلع فيها متفاجئ من ردها ليضربها بكلماته القاسية: ماعم قلك تحملي جنانها.. انتي مو مجبورة لأنك مو اختها، هي اختي أنا ومجبور اتحمل كل أغلاطها.. ولهيك قلتلك كان لازم حاكيا أنا
ابتلعت غصتها وبعيون مخذولة حكت وهي فاقدة الأمل منهن: كان بدي احكيلا إني خبرتك.. قلتلا انهي اليوم ورجعي.. بس أختك عشقانة خاطفها بكل بساطة.. وهو عشقانها وقالت عرف بكل قصتها
اكتفى بنظرات مشدوهة تلاشت من بعدها حروفه لتكمل أروى وهي طالعة من غرفتا: وعلى فكرة.. تاج لو مو معتبرتني اختا ماكانت أمنت فيني وخبرتني عن جنانها
تركته ليقعد على السرير منهار، مو قادر يلاقي أي طريقة يوصل فيها لاخته
….
راقب شردوها شاهين وسألها: بشو عم تفكري؟
تاج: بالخطوة الجاي..شو رح نعمل شاهين؟ أكيد مافينا نبقا بهالحالة عطول
سكت شاهين وبقي عن يتطلع فيها
تاج: للحظة بتحس أنه كلشي صار احسن، بس لما بتنتهي اللحظات الحلوة، بتصحى على أمور ماكنت شايفها
زفر نفسه وحكالها: اليوم بيكفي هالقد.. بكرا منحكي بالموضوع.. ومنقرر سوا، اليوم خلينا نرتاح
تاج: منقرر!!.. مابتقدر تحكي قرارك اليوم؟
هز راسه : لا تاج.. صعب كتير، بدك تهدي شوي الموضوع اكبر من أنه نقرره بلحظات صح؟
هزت راسها بالموافقة، تحركت من مكانها متجهة لغرفتها
لتنتهي ليلتهن بالغرابة يلي اعتادوها، ولكن بطعم آخر
…..
قلبها كان عم ينبض بسرعة متلهف لقراره، في شي داخلها منعها تدّخل بالقرار، كانت ناطرة كلماته هو
متلها متل أي انثى، بتحب تشوف شخصها المفضل متمسك فيها.. تشوف حبيب فؤادها، عم يتطلع بعيونها ويخبرها مابدو يخسرها.. ولا يتخلّى عنها
مرأت الساعات الأولى من يومهن الجديد بهدوء بيشبه صمت شاهين
استغرب سكوتها إلا لما تذكر حديثهن الأخير..
ماحب يعكّر صفو يومهن، وترك الأمور تمشي بمسارها
وكأن المشاكل بالعلاقات مابتخلق إلا بهاد المُنحنى، طرف بيفكر أنه صمته عم يريح فيه الطرف التاني، بينما التاني عم يحترق بلهيب الصمت ذاته
رن موبايله..تحرك مكانه بتوتر ملحوظ بالنسبة إلها..
ولانها معتادة تفسير النظرات والحركات.. حتى الفواصل يلي بتنترك فارغة بحديث ما بين جملة والتانية
كل هي الأمور بتخلق براسها تفسيرات خاصة
بقيت تراقبه وهي عم تتأرجح بهدوء على الأرجوحة
فكرها غارقة بخيالها، ويمكن بروايتها..
انسحب بهدوء لخارج المزرعة
راقبته تحت ظلام الليل عم يحكي مكالمته
عقدت حاجبيها بفضول قاتل لما شافت تحركاته كل مالها تزداد حدّة
رفع ايده على راسه ليشد قبضة ايده بقوة مو سامعة شي بس حركة شفافه بتأكد عصبيته
لحظة تانية فتح ايده بغضب واضح
أجبرها المشهد توقف على أقدامها وتقرب من الزجاج لتتابعه بوضوح
ابتعد عن أنظارها لما ركل التراب من تحت قدمه بعصبية
تحركت متوجهة لعنده، شافته من بعيد عم يشغل لفافة من علبة سجائره
نفثها بغضب ، لحظتها ظهرت أمام عيونه
أدار ظهره إلها ليخفي علامات التوتر من بين قسمات وجهه
اخد نفس عميق وزفره بعد ثواني
حطت ايدها على كتفه وهمست: حبيبي!!! أنت منيح؟
التفت عليها و رمى السيجارة من ايده، ازدرد ريقه بصعوبة
شافت العِرق منتفض أوسط جبهته
حست بالخوف اتسلل لداخلها..
وكأنها رائحة الفراق تغلغلت بالرياح الباردة
زادت نظراته من برودة الجو.. لترجف أوصالها أول ماتشوف حركة شفافه وهو مأقبل على الكلمات التالية
مسك أطراف اكتافها ، وتبدلت نظرته من قسوة لحنية غمرت قلبها بلحظة مهيبة
حزن اكتسا ملامحه، وبنبرة راجفة مترددة حكالها: تاج.. انتي لازم تروحي من هون.. وبسرعة
صدمة دفعتها لترجع خطوة للخلف، انسحب كل شعور من ملامحها لتبقى خالية تماماً من أي احساس
انتظر ردها لكنها طولت، وبدأ خوفه عليها يزيد
شاهين: تاج..عمري
أشاحت نظرتها المصدومة عنه ونطقت: شاهين ليش هيك؟..كان في مية طريقة تحكي هالكملة غير هي الطريقة
بقلة حيلة حكالها: انتي بتعرفيني تاج..
حاولت تخفي صدمتها أخدت أنفاسها بصعوبة لتهدا وبعدها نطقت لما حاولت تتناسى ثقل كلمته على قلبها
تاج: كنا رح نقرر مع بعض، شو يلي تغير ؟ طيب عالأقل احكيلي ليش
شاهين: كنت بتمنى لاقي أي مبرر بس للأسف ، مافي شي قوله.. لازم تروحي وبس هاد يلي فيني قوله، رجعي لحياتك
ابتسمت بقهر: بهالبساطة قادر تقولها؟بهالبساطة سهلة عليك شاهين
رفع راسه بتعب ومشي خطوات حوليها
غضب كبير جواته مجبور يكتمه حتى مايأذيها باقسى لحظة ممكن تعيشها
قربت من خلفه لما رفعت ايدها لتلمسه، وقبل ماتوقع ايدها على كتفه سمعت رنين موبايله
رفع ليشوف اسم المتصل بدون ماينتبه لقربها منه ، منعها فضولها تبقى مكانها،أطلت براسها لتشوف الاسم
غمضت عيونها للحظة لما الحرقة نشبت أوسط صدرها،قبل مايخفي موبايله بكف ايده
قربت لأمامه بحركة مباغتة وسحبت الموبايل منه بغضب واضح منها
رجفة هزت كيانها بالكامل مرافقة غصة أدمت قلبها
((ليسا))
رفعت الموبايل بوجهه
نطق حروفه بقهر: تاج..
حكت تاج بدون تردد: بيكفي شاهين.. ماعاد بدي أي تبرير.. الموضوع صار واضح هلأ
دفعت بايدها الموبايل لتحطه بقوة على صدره، مسكه منها عم يتطلع بعيونها مترجي منها البقاء
لكنها سحبت خيبتها و توجهت مباشرةً للداخل
لحقها وهو عم يندهلا لكنها ماكانت عم ترد لبينما مسكها من ايدها قبل ماتطلع
شاهين بانفاس متسارعة:تاج.. اسمعيني بس
اتطلعت فيه بعيون مليانة شر: مابدي اسمع شي.. طلاع وكمّل مكالمتك وأنا بتركلك هالمزرعة كلها لترتاح اكتر
شاهين: لك تاج سمعيني بحلفلك ماكنت عم احكي مع ليسا
#غداً_نلتقي💙
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```