موعد مع خاطفي - الفصل 19 - بقلم المجنون - مكتملة | روايتك

*قـصـص وروايـات عـالـمـيـة💙📚📖* *بإدارة* *يـامـن💙* *❴📖❵↵موعد.مع.خاطفي.tt* ♥️🙈 *❴🔢❵☟الـــبـــــــــــ❴9️⃣1️⃣❵ــــــــــــارت☟* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h``` ➖➖➖➖➖➖➖➖➖ جزء ١٩ مازال جسدها مُنهك، عم ترجف بين ايديه تحرك من مكانه وحكالها: تاج قومي تسطحي جوا اتطلعت بعيونه لتجاوب: نحن.. لازم نحكي همس بِـ رِفق: رح نحكي ياقلبي بس هلأ بدك ترتاحي تاج بقلق: وأنت كمان تعبان، أنت بذلت مجهود كتير اليوم لتقوم ترجع تمرض شاهين ابتسم و ردلها: لا مافيني شي، بالعكس كتير مرتاح ماتقلقي، قومي معي سحبها من مكانها قامت بصعوبة كبيرة، رجليها من الرعبة ماعاد حملوها ساعدها لوصلت لسريره أخدت نظرة على شرفته وحكت: مابين شرفة و شرفة انقاذ حُب، على هديك الشرفة افترقنا، وعلى هي الشرفة رجعنا.. ضحك بعد العفوية يلي حكت فيها واخدها لحضنه شاهين: الكاتبة يلي جواتك ماعم تقدر تسكت، تسطحي ياقلبي تمددت أمام عيونه ليتأمل ملامحها المتعبة، حس بِكرب داخل صدره لما لمح الجروح وذاكرته رجعت لهداك اليوم انحنى فوقها ليسقط قُبلته مكان جرح راسها، وطالت القُبلة حست برجفة شفافه يلي بتحكي عن الضيق يلي داخله رفع راسه لتلمح عيونه الحزينة بمزيج من الندم المخفي شاهين بتردد: أنا.. رفعت ايدها وحطتها على شفافه: قلتلي رح نحكي بعدين، ماتتعب حالك اكتر حبيبي سحب ايدها ليترك آخر قبلة على كفها ، حطلها الغِطاء فوقها و همّ ليقوم من مكانه تاج: وين رايح؟ شاهين: رح شوف هارون وراجعلك ردت بابتسامة: هارون العجيب.. شاهين: هارون الغبي.. ااخ منك هارون تاج: شاهين يمكن هو فكّر بِتهور، بس كمان نحن كان لازمنا ضربة قوية تصحينا.. صح لهلأ ماعم أقدر اتخطى، وتصرفه كان كتير مبالغ، بس مالازم ننسى أنه هي شخصيته غمزها بمشاكسة: دخيل الحنون، لاتقلقي مارح موته رح طول بالي شوي غادر الغرفة بهدوء لما تسطحت على طرفها وضمت الغطاء لجوفها مع ابتسامة هادية بتعاكس رجفة جسدها،غمضت عيونها بإرهاق واضح … نزل شاهين وهو عم يسمع هارون عم يحكي مكالمة هارون: تمام أنت بعتلي الصور وأنا بختار بدي خدمة كاملة مع العشا، أي شكراً ألك نزل الموبايل من ايده ليتفاجئ بقبضة شاهين التفت عليه لينطق شاهين: أنت كيف هيك بتعمل؟ حط ايديه فاصل بينهن دفاعاً عن نفسه: ليك شاهين ولا حرف ها، أقل شي بعمله فيكن يعني، اقسم بالله يومين وجننتوني أنت و ياها، كل واحد عشقان اكتر من التاني ولسا عم تكابروا ومتل المجانين لسا موتني ورح موتك.. شد شاهين قبضته على ملابس هارون: بالله جد؟ بتقوم بتعمل هالسخافة كلها؟ بلكي وقف قلبها للبنت؟ بلكي كان معي سلاحي وقتلتك؟ اتصنع هارون الحزن ونطق: له ياصاحبي.. بتقتلني كرمالها؟ شاهين: بدك ياني شوفك عم تقتلها واسكت؟ حس هارون بقليل من الغيرة وحكا: رح حاول اتقبل الوضع بما أنك عشقان.. بس مامعقول تبيع عشرة عمر صح؟ هدي شاهين لما بالفعل شاف أثر جرح بقلب صديقه: ماببيعك يا أخي.. بس لاعاد تكرر هالجنون.. لأنو متل ماشفت حضرتي بجن كمان وقتها ومابمسك أعصابي هارون: تمام أخي، الله يهدي النفوس.. بس ماتنكر كان لازمكن ضربة على راسكن، وإلا رح تضلوا هيك عم تتضاربوا توجهوا عالكنبة وقعدوا سوا شاهين: مع مين كنت عم تحكي؟ في شغل جديد يعني؟ هارون: لا والله حالياً السوق واقف ضحكوا سوا بعدها حكا شاهين: مو مقرر توقف؟ هارون: ليش أنت مقرر؟ رفع نظره شاهين للاعلى قاصد تاج وحكا: قولك رح بقدر كمّل؟ والله بتموتني هي المجنونة جاوبه بضحكة: والله بتعملها، بس.. سكت للحظة وكمّل: شو مقرر تعمل لكن؟ شاهين أنت وياها يعني كيف رح تكونوا مع بعض؟ اتنهد شاهين مطولاً… ورجع راسه للخلف بتعب شاهين: مابعرف.. الموضوع صعب وبده تفكير، وحالياً شايف كيف يادوب طلعنا من أول مصيبة حط هارون ايده على كتفه: أي صح، مصيبة ويمكن بعدها مصايب..بس مالازم تنسى المصايب وحدها يا بتخلي هالعلاقة تصير متينة اكتر واقوى.. أو بتخليها تنهار..وهالشي رح يحدد مستقبلكن هز راسه شاهين بصمت ليقاطعهن رنين هاتف هارون سحبه هارون بسرعة وقفله، وحطه بجيبته شاهين بتعجب: شو صار!!! هارون: ولا شي.. ماتشغل بالك أنت، وينها تاج؟ شاهين: فوق..يمكن نامت هارون: وتاركها وحدها؟ قوم لعندها أكيد هلأ رح تشوفني بكوابيسها ضحك هارون ليبقى شاهين عم يراقبه بصمت، وبعدها طلع لعندها دخل بهدوء ولمحها هادية، قرب ليتأكد أنها غفيت.. ورتاح لما شاف الطمئنينة بين قسمات وجهها تمدد بقربها وهو عم يراقبها لتغمض عينه ويغفا بعد دقائق طلع هارون ونده عليه، لكن ماكان في أي إجابة أطل برأسه ليشوفهن غاطين بنومة عميقة ضحك بصمت لما قرب من الباب وسحب المفتاح من داخله، وطلع لبرا الغرفة وقفل عليهن هارون بهمس: هيك فينا نكمل المهمة براحتنا …. بمكان تاني، بعيد عن المزرعة، سمعت أروى صوت جرس بيتها وقامت متوجهة لتفتح، وقلبها عم ينبض بسرعة فتحت لتشوف خلف هالباب وجه طارق الحانق حكا بدون تردد: ممكن أفهم شو يلي عم يصير؟ أروى بحزن غرقان فيه وجهها: اهدا طارق رح احكيلك كلشي، خلينا ندخل لجوا أول دخل أمامها وهو عم يهمس بعصبية مكتومة: لنشوف شو آخرتها معكن كانت خلفه عم تمشي بخطوات مترددة، و تفرك كفوف ايديها ببعض وقف بوسط الصالة واتطلع فيها طارق: فيكي تخبريني ليش كنتي عم تبكي لما اتصلتي؟ لك شو يلي عم يصير معكن؟ طارق: وحدة بتسكر موبايلا وبتختفي من الوجود قال شو عم تستعيد شغفها، والتانية بعالم تاني كل مابحاكيكي وكأنك مرعوبة من شي بقيت ساكتة عم تطلع بعيونه وبالفعل الخوف مالي قلبها اتنهد بتعب وقرب منها خطوتين، خفف من حدّة صوته ورجع حكا طارق :أروى.. انتي بتعرفي الوضع يلي كنت فيه، وهداك الحقير يلي ماكان عم يتركني بحالي، ماصدقت كيف بهالسفرة خلصت أموري معه وانتهى كل موضوعه.. هلأ صار فيني ارتاح وما ابقى قلقان مشانك انتي وتاج.. لهيك بيكفي تحرقي بأعصابي.. واحكيلي شبك؟ مسكته من ايده وسحبته ليقعدوا عالكنبة أروى: رح احكي.. بس بتوعدني تكون هادي على قد مابتقدر كلامها سحب الخوف لأعماقه.. ازدرد ريقه وهز راسه بهدوء طارق : تمام.. احكي مهما ابتعد تفكيره لبعيد.. مستحيل كان يفكر بالمصيبة يلي رح يسمعها أروى: بتتذكر هديك الليلة طارق؟ يوم يلي أجيت لعند تاج وكانت راجعة من المطار ومنهارة طارق: أي طبعاً بتذكر، قبل سفرها بيوم يمكن؟ غمضت عيونها لتتساقط منهن دمعاتها المتجمعة سحبها طارق من ايدها: شو؟ ليش سكتي؟ لك ليش عم تبكي ؟ تاج وينها؟انطقي بيكفي حرق أعصاب بدأت أروى تسترجع ذاكرتها لهديك الليلة (قبل ساعات من الخطف) رجعت أروى على بيت تاج بعد ماوصلها طارق، دخلت بهدوء وكان في ضوء خفيف جداً بالصالة شغلت الإنارة لتنصدم بوجود تاج واقفة وبجنبها (لَوح) كانت متعودة ببعض رواياتها تخطط عليه مخططها تفحصت أروى اللوح وهي عم تقرب، لتقرا عنوان بالخط العريض #موعد_مع_خاطفي أشرقت ضحكة على وجه أروى وركدت لتحضن تاج بقوة أروى: ياعمري انتي و أخيراً تاج بنبرة جامدة من داخل حضن أروى: وأخيراً شو؟ أروى: مخطط لرواية جديدة همست تاج كلمات جمدت الدم بشرايين صديقتها تاج:هاد مخطط خطف أروى.. ابتعدت عنها خطوة للخلف لتطلع فيها بعيون مصدومة تاج بتعجب: شبك؟ أروى: انتي يلي شبك؟ مين رح تخطفي؟ بكامل ثباتها جاوبت: رح اخطفني فتحت أروى عيونها بصدمة والخوف تسلل لقلبها، لحظتها ايقنت جنون تاج أروى بتردد: تاج انتي مختلة.. مستحيل شو يلي عم تخبصيه؟ ماعطتها مجال لتكمّل وبدأت تحكي بنبرة الأمر وكأنها عم تجبرها على الموافقة حطت دائرة على رقم هاتف تاج: هاد الرقم انتي يلي رح تتواصلي معه من بعد اليوم، تعبت كتير لوصلت لخاطف مأجور صرخت أروى: خاطف مأجور؟؟ تابعت تاج بكل جدّية: تأكدت أنه رح ينفذ طلباتك بالحرف يعني مستحيل يقرب مني أو يلمسني إلا إذا انتي أمرتيه بهاد الشي وزودتي عالمبلغ يلي رح تعطيه ياه،رح يخطفني بالمكان يلي رح خبره عنه.. تاج:ببقى كم يوم عنده ،تبعتيله رسالة ليبقى معي ٢٥ يوم وبعدها بلاقي طريقة لاعطيكي إشارة مني،بتبعتيله رسالة بعد ماتحوليله المبلغ كامل لحتى يرجعني وهيك بتنتهي القصة حكت أروى بوجه حانق: انتي شو عم تخبصي؟ ولشو كل هاللعبة مافهمت؟ نطقت تاج بحروف الجمت لسان أروى: لأقدر عيش رواية جديدة وأرجع اكتب تراجعت خطوات للخلف ، هزت راسها بعدم تصديق، فجأة ضحكت بغصة واضحة داخلها أروى: لا لا مستحيل .. انتي عم تمزحي صح؟ قربت تاج منها بغضب وقبضت على أكتافها بقوة: على شو عم تضحكي؟ أنا صرلي فترة عم فكر بالموضوع وخطط صرخت فيها أروى: لو كرّستي وقتك هاد لتفكري برواية ماكان احسن؟ كل هالتخطيط ماكان فيكي تكتبيه أفضل؟ احتدت نبرة تاج وجاوبتها: قولك لو بقدر كنت انتظرتك تنصحيني؟ أروى: يلي عم تحكيه هلأ كتبيه.. ليش لتعرضي حياتك للخطر؟ تاج: شكراً ألك كنت منتظرة هالكلام العظيم صراحة… من كل عقلك أروى عم تقوليلي هالحكي؟ أنا ماعدت قادرة عيش دور أي شخصية جديدة، كتبت كل الشخصيات يلي ببالي ماعاد عندي شي جديد قدمه، وإذا ماعشت ظروف صعبة متل هي مافيني أخلق بخيالي شي جديد وما كتبوه اروى: انتي يلي عم تحكي من كل عقلك؟ كنت مفكرة كان لازمك دكتور نفسي.. بس للأسف حتى الدكتور ماعاد يفيدك اتطلعت فيها تاج نظرة خذلان كملت أروى بنبرة اهدا:سمعي تاج، حاولت كتير أتماسك وماأجرحك رغم كل الجنون يلي أقدمتي عليه، بس توصل معك أنك ترمي حالك عالنار وبدل ما أمنعك اسمحلك؟ مستحيل.. مستحيل أعمل فيكي هاد الشي من واجبي أني أمنعك تاج: انتي من واجبك توافقي وتساعديني.. مجبورة تكوني مع الانسانة يلي وعدتيها توقفي معها عالحلوة وعالمرة شو نسيتي؟ أروى: أنا مانسيت تاج انتي يلي ماعم تستوعبي وعم تغرقي اكتر، مستحيل اسمحلك لأ..حتى لو انجبرت احكي لطارق سحبتها تاج من ايدها وبغضب حكت: إياكي.. لحظتها بتكوني خسرتيني نهائياً أروى نطقت أروى بصدمة: شو قصدك؟ تاج: قصدي يا بتوافقي على خطتي.. يابتخسريني نهائياً، بكمل بخطتي لحالي ويلي بدو يصير يصير بقيت أروى تناظرها لمدة قليلة وبعدها مشيت بعيد عنها باتجاه اللوح قربت من خلفها تاج وهمست: مافي أي شي رح يمنعني.. وصدقيني تأكدت مارح يكون في خطر على حياتي، هو ممنوع يلمسني أو يأذيني أنا متأكدة، رح ارجع واكتب روايتي أروى.. انتي بتعرفي شو يعني أرجع للكتابة؟ أنا ستغليت كل سعادتي و آلامي وتعالجت منها بالكتابة.. صار لازم عيش شعور جديد لأقدر اكتبه التفتت عليها أروى وهمستلا: تاج انتي مو محتاجة شي تعيشيه لتكتبي،كاتبة متلك قدرت تكتب كل هي الروايات أروى:كاتبة متلك قدرت تكتب كل هي الروايات بدون ماتعيشهن مابتحتاج هيك شي صدقيني بعيون غايصة بأعماق اليأس نطقت: أروى.. أنا عم انتهي، عم موت.. بترجاكِ بس هي المرة طاوعيني.. امشي معي وبوعدك مارح انأذى أروى: بس.. تاج: خليني جرّب هالمرة وإذا فشلت، رح روح معك لوين مابدك أروى: إذا صابك شي.. مستحيل سامح حالي ضمت وجه صديقتها بكفوفها: مارح يصيبني ياقلبي.. ضمتها بقوة: كوني متأكدة رح كون بخير، أنا تأكدت من كلشي هزت راسها أروى فاقدة الأمل تقدر تقنع صديقتها بأي شي وبدأت تاج تشرحلها كامل التفاصيل، بحماس واضح وبعد كم ساعة.. انطلقت تاج من بيتها لتستقبل خاطفها بِقُرب من المقهى (عودة للحاضر) مازالت عيونه مشدوهة.. كمية الجنون يلي سمعها ماقدر عقله يتقبلها بأي طريقة هز راسه برفض وهو عم يحكي طارق: ماعم صدق.. انتي عم تصدقي يلي حكيتيه أروى؟ بعيون غارقة بدمعات ساخنة أروى: لأ.. ماعم صدق لليوم الشي يلي صار صحاها بصرخة نفضت جسدها بالكامل بعد ماسحبها من مكانها طارق: انتي رميتي أختي بالحفرة بدل ماتسحبيها؟ كيف بتسمحي لحالك تقبلي وتتفقي معها على هيك مصيبة؟ لك كيف؟ صرخات قوية طرقت براسها كادت تقسمه بكيت اكتر وماعاد تقدر توقف دموعها لما ضغط عليها بقوة آلمتها راقبت انهياره..عصبيته.. أشلاء الزجاج يلي بعثره عن الطاولة يلي أمامه رمى جسده المنهك على الكنبة بقربها، انفاسه قوية وكأنها عم تمتنع تدخل لداخله حكا بحروف متقطعة: وينها اختي؟ وينها هلأ اختي أروى الغصة قتلته والخوف فطر قلبه زادت شهقاتها وهي عم ترويله آخر حدث صار معهن ليثور اكتر ويدمر المكان ويحوله لخراب سحبها من مكانها لما هزها بقوة وخبطها بالجدار: اختي وينها ؟ أروى بقهر: اختك عشقت خاطفها.. ماعاد سمعت مني حرف ولاعاد بدها ترجع افلتها بعصبية وصرخ: مستحيل.. لأي درجة من الجنون وصلتوله انتو؟؟ اخد انفاسه بصعوبة وكمل: لازم خبر الشرطة صرخت فيه أروى: طارق لك اهدا أنت شو عم تخبص؟ بتعرف شو ممكن يصير ب تاج وقتها؟ بتعرف أنه ممكن تنتهي بالسجن هي كمان بغضب ردلها: وانتي بتعرفي شو يلي ممكن صاير فيها هلأ؟؟ تلفت أعصابه حتى ماعاد قادر يفكر بشي استغرقت وقت طويل أروى لحتى قدرت تهديه شوي.. وقعد يفكر بعدها بشكل منطقي اكتر.. يفكر يحل اكبر مصيبة غير منطقية أقدمت عليها اخته همست أروى داخلها: سامحيني تاج.. ماقدرت احفظ السر ،لازم لاقيكي …. داخل المزرعة،بعد ٤ ساعات صحي شاهين لما حس فيها عم تتحرك مكانها فتحت عيونها بقلق واضح بملامحها و أول ماشافته هديت بابتسامة خطفت قلبها حكا: صباح الخير ياقلبي تاج بنعس: صباح الخير حبيبي شاهين: شو ناوية ترجعي تنامي؟ تاج: لا أبداً تحركت من مكانها بخجل لما حست بايده متوجهة ليحضنها شاهين بضحكة: هروب تكتيكي جاوبت بابتسامتها المريحة للنظر: هيك شي قعد مكانه وهو عم يراقب تحركاتها وقفت على باب الشرفة ومازالت الشمس موجودة،بعدها توجهت لباب الغرفة حتى تفتحه شاهين: شو وين رايحة؟ تاج: أكيد مارح نقضي يومنا هون قطعت كلماتها لما انتبهت للباب ماعم يفتح تاج بصدمة: الباب مقفول؟ تحرك شاهين لعندها بقلق شاهين: وين المفتاح؟ لحظة وعيونهن ببعض لما فهموا القصة بعد ما اكتشفوا أنه المفتاح مو موجود شاهين فاقد الأمل من صديقه: هارووون وبعدين مع هالحركات ضحكت تاج: تفاجأت منه بصراحة، عم يأبدع شاهين: بتقدري تشغليه معك صح؟ بيعطيكي أفكار خُرافية للكتابة ضحكوا مع بعض لما تاج انتبهت لشي بطرف الباب نزلت لتحت وهمست: المفتاح موجود سحبته من تحت الباب ووقفت مكانها شاهين باستغراب: هاد شو عم يصير معه؟ فتح الباب وطلعوا مع بعض لبرا شاهين: هارون؟؟ أنت هون؟ قربوا من السلّم اللولبي تاج: كيف هيك الدنيا معتمة؟ والشمس لسا ماغابت؟ مسكت تاج طرف ايده ونزلوا بهدوء على الدرجات وقفت مكانها بعد ماحست قدمها لامس ورقة انحنت للأسفل شاهين: شو صار؟ تاج بتوتر: في ورقة سحبها من ايدها وشغل إضاءة موبايله ليقراها " في كبسة بطرف الأرضية عند نهاية السلّم، بدي عذبك لو تكبسها أخي" انتهت الرسالة باسم (هارون) شاهين: هاد شو عامل؟ تاج: الله اعلم نزلوا وشاهين موجه الإضاءة لتحت حتى يشوف الكبسة انحنى عالأرض وتاج مقربة منه بعد ماالخوف تسلل لداخلها ضغطها لتشتغل إنارة هادية على أطراف الأرض مشكلة طريق متوجه لمكان معين رفعوا نظرهن متفاجئين ليشوفوا على أطراف الطريق ورد أحمر متناثر، بنهايته طاولة دائرية بمفرش أسود مو واضح شو محتواها وكرسيين مزينين بقماش حريري أسود ضحك شاهين مصدوم من حركة صديقه تاج: ماعم صدق شو عم يطلع معه سحبها من ايدها ومشيوا بجنب بعض ستائر بكل مكان غطت كامل أشعة الشمس، والشموع الاصطناعية بحجمها الكبير مصفوفة على أطرافها وريحة ناعمة منتشرة بالأرجاء قربوا عالطاولة يلي متوسطها الشمع الأبيض وعلى أطرافها وجبات خفيفة ، عصير و أوراق ورود متناثرة خفق قلبها تاج لما شافت هالتفاصيل يلي فرحت قلبها سحب شاهين علبة الكبريت عن الطاولة شاهين:وهي للشموع اتطلع فيها وضحكته مشرقة بوجهه قرب منها غمرها بقوة وذات الشي هي،بعد لحظات سحبت حالها من حضنه وهمست: لتكمل هالسهرة لازم جهز حالي مسكها من خصرها وحكا: لا ماتروحي ابقي جنبي تاج: مارح اتأخر بوعدك طلعت لفوق بخطوات حذرة، وأول مادخلت لغرفتها ركدت للخزانة لتبحث عن أي شي تلبسه يناسب الأجواء سحب شاهين الكرسي ليشوف باقة ورود ضحك بقوة: هارون هارون.. عم تصدمني كتير ياأخي، من وين متعلم هالحركات اتطلع على ملابسه انتبه أنه مو حلوة منه يقدملها الورد وهو بالبيجامة ترك الورد مكانه وتوجه لغرفته حتى يبدل ملابسه … سحبت تاج فستان من الصوف الناعم المُحاك بغرزات دقيقة باللون الأرزق السماوي شتراه شاهين من فترة لبسته ليكشف كامل اكتافها، وتنزل أطراف من الصوف المُحاك على أطراف كتفيها ربطة ناعمة عقدتها خلف ظهرها ليثبت الفستان المكشوف الظهر رسم انحناءات جسدها ليوصل لتحت ركبتيها، مع فتحة بطرف رجلها واصلة اعلى ركبتها قربت من المرآة لتاخد نظرة سريعة على نفسها، نظرة إعجاب بنفسها بعدها فردت خصلاتها بأطراف أصابعها ومشطته بعناية وتركته مفرود فتحت الخزانة لتبحث عن حذاء مناسب ومالقيت غير بوط واصل اعلى كاحلها باللون الأبيض سحبت زجاجة عطر أعطاها ياها شاهين، يوم جبلها ياها شافت شوق بعيونه ليشمها عليها لكنها لليوم ماستخدمته نثرت منه فوق جسدها وطرف عنقها، وبعدها طلعت من الغرفة وبخطوات هادية نزلت لعنده، وأول مالمحها من بعيد، وقف أمامها ليراقبها بتلهُّف ابتسمتله بخجل واضح بعد ماشافت نظراته الجريئة لكامل تفاصيلها اخد نفس عميق ليحاول يخفف رغبته القوية ومايتوجه لعندها ويسحبها لحضنه قربت منه اكتر لبينما وصلت لأمام عيونه ، وثبت مكانه بدون حِراك بقيت عيونها أسيرة عيونه.. لترفع ايدها وتضم خده تاج بهمس: حبيبي.. أنت منيح!!! هز راسه بالرفض وحكا بنبرة مشابهة:بدك كون منيح؟ تاج: اكيد انحنى شوي فوقها وسحبها بحضنه بهدوء خطف انفاسها سمعت صوت تنهيدة عميقة من داخله، لمسته ارعشت ثباتها لتغرق بين أضلاعه،طبع قُبلة فوق كتفها شاهين بهمس: مابعرف كيف بقدر اتخيل لو ماكنت بعرفك بيوم.. مابعرف شو كمية الخسارات يلي كنت خسرتها لو ماصار كل هاد.. تاج.. أنا مُمتن لروايتك المجنونة هي ابتسمت بِسرية عنه لما خفق قلبها وحكت: أنا وبكل قواي العقلية ممتنة للظروف يلي خلتك تصير خاطف.. وإلا ماعشت كل هاد، وإلا ماكنت قابلت العشق بيوم.. حسيته بعمق قلبي.. بواقعي مو بخيالي.. أنا ممتنة للجنون يلي وصلني لبين ايديك شاهين شد عليها بقوة اكبر : بحبك تاج.. بحبك و أنا موافق على كل وجع ممكن عيشه مقابل غمرتك هي.. تمسكك فيني.. والشوق يلي عم نعيشه وحتى نحن مع بعض اتنفست بعمق وأراحت راسها على صدره حط ايده على راسها ومسح على شعرها بِـ رِقّة تاج: وأنا بحبك ياحبيب العمر بعد عنها لما رفعلها الورود ضحكت تاج واخدتها منه لتشمها بعمق سحبها عن وجهها بلطف ليحكي بنوع من الغيرة: لا هيك مااتفقنا، لهالدرجة غرقتي فيهن؟ تركت الورود على طرف الطاولة لما رفعت أقدامها وضمت وجهه بكفوفها وانزلت شفافها على طرف خده حس بقبضة داخل قلبه كادت تفقده الوعي على أثر قبلتها غمض عيونه ليحتفظ بهاللحظة بعمق ذكرياته حط ايده خلف ضهرها لما نزلت أقدامها لمكانهن سحبلها الكرسي لتقعد، وقعد مقابلها تاج : كلشي عم يصير حلو.. حلو لدرجة بتحسه حلم مو حقيقة قرب ايديه ليعانق ايديها شاهين: إذا بتلاقي الحلم احلى من الحقيقة، بوعدك نضل عايشين فيه بقيوا دقائق طويلة غارقين بعمق محيط الغرام لبينما طلبت منه تاج تحكي يلي بقلبها شاهين: عمري ، أنا مابدي تضيعي فرحتك..بالكلام عن الماضي تاج: بس إذا ماحكينا، رح تبقى اسئلة كتيرة براسك اتقبل رغبتها وبقيت عيونه عم تناظرها شدت على ايده اكتر لتستمد القوة منه وبدأت حديثها وكأنها عم تسردله قصة ،خطفته بأسلوبها وتفاصيلها بدأت من نقطة الصفر، يوم إجت ببالها الخطة تاج: كنت عم تابع مسلسل لا على التعيين، والصدفة العجيبة كانت البطلة (كاتبة) اختفى زوجها و تأكدوا أنه انقتل استغرب بداية حديثها وتركها تكمّل تاج: بوقتها إجاها المحقق.. وحكالها أنا بشك فيكي انتي، والسبب(لأنك كاتبة) ممكن وقفتي بروايتك عند نقطة معينة دفعتك لتقتلي، انصدمت البطلة ورفضت.. ليكمّل المحقق ويقلها(الكاتب بيعمل أي شي لحتى يكمّل روايته) عقد شاهين حاجبيه، وكمل استماعه إلها تاج: ومن يومها الكلمة ماعاد تطلع من راسي، أنا فيني أعمل أي شي مقابل مااخسر.. ووقتها أجت ببالي فكرة لو انخطف، عيش ظروف غريبة مستحيل بحياتي أنا عيشها.. وهيك أجت الفكرة براسي كمّلت عم تسردله مخططها، واتفاقها مع صاحبتها، اكدتله رفض أروى وإجبارها على الموافقة كانت نظراته عم تتبدل مابين الصدمة والاشفاق، الضحكة على جنونها و الغضب المكتوم كل ماذكرت تفاصيل كذبتها يلي قدرت ببساطة تمشيها عليه تاج:وصلت لمرحلة ماعاد شوف أي أهمية لوجودي، فكرت لأنو حياتي صارت جداً روتينية ماعاد عندي أفكار، وقررت اطلع خارج الصندوق اعتاد مفرداتها الغريبة وكمّل يسمعها بصمت تاج: كان تحدي كبير،سهل إني عيش دور الشخصية بخيالي بس هلأ كان متوجب علي عيشه بكل واقعية،مثّل دور الخايفة المخطوفة، يلي لازم تحمي حالها حتى تصدقني وصدق حالي اتذكر شاهين لحظتها اتذكر شاهين لحظتها يوم خطفها شاهين: كنتي صادقة لدرجة مُخيفة، صحي والوردة؟ كمان كانت ضمن مخططك كتمت ضحكتها على جنونها: أي من المخطط انخطف مثلاً من قِبَل عاشق مهووس خطفني بوردة… مابعرف شو السبب بصراحة بس حبيت فكرة أنك تخطفني بوردة فيها مُخدّر همس شاهين: مجنونة تاج: بأول ليلة كنت بالفعل خايفة منك وماعرفت كيف رح نام مع انسان غريب وخاطف مأجور قاطعها شاهين: المفروض تخافي من حالك صراحة ازدردت ريقها وكمّلت: كنت حاول اتخفى خلف كل حجة تأكدلك إني مخطوفة، لهيك على طول إسألك عن الخاطف يلي طلب تخطفني شاهين: أصلاً حتى بدون ماتسأليني، مستحيل أتوقع أنه في انسان بيوصل لهالحد من الجنون، مع العلم شفت كتير بحياتي ردت بضحكة: بس لتعرف إني مميزة حتى بجنوني ضحك وتركها تكفي كلامها تاج: تتذكر لما قمت هددتني بالسلاح؟ كان لازم خلّص حالي،تحدي جديد بالنسبة إلي أنه يُغمى علي وعملتها حكا وهو عم يتذكر الموقف : هو بصراحة ماكنتي كتير مُقنعة، بس لأنه بالفعل كنتي بلا أكل صدقتك اتنهدت للحظة وهي عم تتذكر اكتر التفاصيل تاج: وبعد أول كم يوم، خليتني افقد الأمل من مخططي، كنت انسان مُمل جداً، يعني أنا ماتوقعت الخطف هيك.. أكل وشرب ونوم، لهيك كان لازم اتصرف مع شوية جنون استغرب كلماتها ليعقد حاجبيه وتظهر على ملامحه أثار التعجب كمّلت بحماس واضح: ولأني كذبت الكذبة وصدقتها، أيقنت إني مخطوفة وصار لازم أعرفك اكتر،كلشي يصير بيننا خلاني أثق فيك ، انعجب بشخصيتك الغريبة وفجأة لقيت حالي عم اتقرب منك اكتر قامت وقفت مكانها ومشيت لأمامه رفع نظره لعندها وكملت: كان في حوارات كتير تدور بيننا، توصل للحد إني اكشف حالي.. بس اتخفى خلف اني كاتبة..بقدر سلسل الأفكار بطريقتي وقف أمامها وحكا: وأنا وقتها صرت صدق إنك مجنونة.. والكتابة وهالعالم الغريب موصلك لهالجنون ضحكت بعد مامسكت ايده ومشيت متجهة عالكنبة وهو خلفها، قعدوا بجنب بعض تاج: أول حركة عنيفة منك، كانت يوم مسكتني بقوة من تمي(رفعت ايدها وحطتها على فكه السفلي) بيومها كتير خفت.. دخلت وبكيت بالحمام حسيت حالي وقعت بمصيبة مافي رجعة منها.. ولما رفعت السكين عليك كنت فاقدة السيطرة على حالي، كانت تظهر شخصيتي الحقيقية القوية فجأة.. لتحاربها روح الكاتبة يلي جواتي وتمنعها عن كشف الحقيقة.. تاج بترفض حدا يتعدا عليها لو بكلمة، بس رغبتي بالكتابة تجبرني أرضخ واتنازل.. تمنيت أوصل لأروى بأي طريقة لحتى تنهي اللعبة من يوم كنا بالغابة..بس في شي يمنعني واتراجع بسرعة شاهين: بغض النظر عن كل هاد، كيف كنتي متوقعة توصلي الإشارة لأروى سكتت تاج للحظة وكملت: بتصدق مابعرف، هاد الفراغ الوحيد يلي كان بالمخطط، وماقدرت مليه.. يوم ضربتني صحيت على حالي،واكتشفت الخراب يلي وصلت حالي إله.. ولما جرحتك بالسكين تأكدت إني مختلة عقلياً متل ماقالتلي أروى.. بس لما رحنا على بيت أمك رجعتلي الأمل بتصرفاتك معي،كلماتك،نظراتك إلي كنت شوف فيها نظرات اكتبها أنا اوصفها برواياتي(اتنهدت بعمق لتكمّل) وبيومها خبرتني أنه بقي ٢٥ يوم وعرفت أنه هالكلام من عند أروى، ماتقبلت.. من جواتي تدايقت ورفضت الفكرة قربت منه فجأة وحطت راسها على صدره ليضمها بايده تاج: هداك اليوم حكينا كتير، وغرقت أنا بعلاقتنا الغريبة،كلامي لو تمعّنت فيه منيح كان توضحتلك الصورة وفهمت كلشي،اعترفتلك أنه يلي صاير معي (مخليني اعمل أي شي لارجع اكتب) شدها لحضنه وهمسلا: ماكنت واعي لكلامك، كنت تحت تأثير تعويذة جنونك.. مغرقتني فيكي شعور لطيف لامس قلبها وارتاحت اكتر لأنه مازال متقبل كلماتها تاج:بيومها تخيلت هداك الشخص بخيالي هو بطل روايتي، يلي شفته من بعيد.. أنت بيومها قلتلي انتي روحي لعنده، كلماتك هي خلتني اتمسك بكلشي عم اعمله بقوة اكبر..لأنه كان هاد الشخص أنت شاهين ازدرد ريقه ليغرق بهالكلمات تذكرت لما حاولت تهرب وغلبتها ضحكتها شاهين: لك شو صابك؟ جلست قعدتها واتطلعت فيه: تتذكر لما حاولت اهرب؟ كمل بضحكة: أي أنا يلي بتذكر ياويلي منك تاج: لك الأيام تشابهت، وقلت لازم يصير شوية اكشن.. وكان عندي ثقة أنك مارح تأذيني شاهين: دخلك من وين هالثقة بس بدي افهم قربت منه ولامست خدوده: من عيونك أغرقت قلبه بحبها لدرجة مسحت كل المعاناة منه تاج: وماتنسى أنت يلي دليتني عالفكرة شاهين باستغراب: أنا؟؟ تاج: أي نعم، بيوما أنت قلتلي أنه الكل بيحاول يهرب، وكان واجبي إني حاول(سكتت للحظة وكملت) أوقات من كتر ما أغرق ببطلة الرواية.. كنت خاطب حالي باسم "تالا" اتطلع فيها بصدمة تاج: أي ماتستغرب.. يعني لما اوصل لاعلى مراحل الجنون.. المهم بس ماكنت بدي أهرب وحضرتك نايم يعني كان لازم تصحى وتلحقني، لهيك قررت ركّز الموبايل واقف بطرف كاسة المي.. حتى بس اهرب الموبايل يميل بثقله على الكاسة وتوقع وتنكسر.. بصراحة كانت مهمة شوي صعبة بس انجزتها بنجاح.. والمصيبة يلي وقعت حالي فيها مو قليلة لأنو لما شفت المسافة يلي لازم انزل منها قلت مستحيل ماتنكسر ايدي ولا رجلي ضربها بخفة على راسها ممازح: أو ينكسر راسك..لك ياربي وين العقل يلي كان عم يكبر معك اكتر من ٣٠ سنة؟ حرام عليكي كنتي رحتي فيها يابنت ‏ بضحكة جاوبته: استخدمته للاقي طريقة خليك تصحى فيها شاهين: وشو مشان انفصامك؟ شي لاقيكي بعيون جريئة وقوية ، وشي لاقيكي تضحكي وتمزحي.. جاوبته: كانت تغلبني واغلبها..روح الكاتبة جبرتني اتقبل شخصية(تالا) بطلة الرواية..ولحظات مااقدر ابقى فيها واتصرف بشخصيتي أنا(تاج) وبطريقة مشابهة للجنون يلي هي فيه حكا: بغض النظر أنه صار لازمك علاج رسمي..بس أنا عشقان هاد الانفصام حبيت تفاصيلك المختلفة بين قمة العقلانية، وقمة الجنون والعاطفة خجلت من نظراته العشقانة وهربت منها لحضنه تاج: وهلأ وصلنا ليوم الحادثة لما خطفتني ليسا.. بتتذكر وقتها شو حكيت؟ فكر للحظات وحكا: لا تاج: فقدت السيطرة على حالي وصرخت وحكيت أنا شو عملت بحالي، بس تداركت الوضع بعدها انصدم من كمية حبه فيها حتى هالكلمة مانتبه عليها تاج: بس لما قلتلي خلص انتهى كلشي ورجعي عند أهلك، حسيت وكأني هويت لاسفل الوادي.. في شعور ورغبة قوية منعتني اتخلى عنك، فكرة اكمل بحياتي عادي وكأني ماعرفتك كانت أسوء من أي شي تاني، رفضت بس أنت جبرتني.. بيوما قلتلك خايفة موت قبل ما أوصل للي بدي ياه.. وكمان كنت انكشفت شاهين بعد تنهيدة منه: ماتخافي.. ولا مرة انكشفتي تاج: ومن بعدها صار كلشي يتغير، احساسي بتأنيب الضمير مايفارقني، تصديقك إلي بدل مايريحني صار يوجعني يخوفني من حالي.. أوقات حتى اكره حالي بدأ شعور سيئ يراود قلبها بنبرة واضح فيها الحزن كملت:اهتمامك لكل تفاصيلي وأنك تعرض علي المساعدة لاستعيد شغفي،لحد يوم يلي عملتلي هديك المفاجأة انهرت نزلت دموعها بغزارة ، وجعه قلبه عليها اكتر، وسحبها بقوة لحضنه تاج: هي الذكريات شاهين.. رح تخلي ضميري تعبان.. بس صدقني شي جواتي كان جابرني على هاد الشي.. بكيت يوم مفاجأتك الي لاني تأكدت أنت مابتستاهل هالكذب.. أنت بتستاهل بس حبك واعطيك كلشي بتستحقه .. قلبك و حُبك يلي خلق على ايديي.. حسسوني أنه لو ببقى العمر كله عم اعطيك حُبي وعمري وكلشي بملكه.. قليل.. ويوم يلي انت رحت عند هارون وقابلت ليسا.. غيرتي عليك وجعتني كتير،تاج تخطت روح الكاتبة نهائياً.. وصارت بدها تحبك بصدق بدون أي تخطيط شدها لقلبه وغمرها بقوة بكيت كتير ارتحفت روحها بين ايديه، حاول يهديها كتير لبينما استكنت واطمئنت بحضنه بعد وقت حس بهدوئها وسألها شاهين: رتحتي ياعمري؟ تاج: أي.. هلأ حكيت كلشي بقلبي رفعلها وجها العالق فوق موضع فؤاده وهمسلا: وأنا متقبل كلشي صار..قربك بعالج وجعي.. وبتمنى قربي ينسيكي يلي عملته أنا كمان انحنى فوقها ، اغرقها بتفاصيل حبه يلي خلقته بجنانها داخله #غداً_نلتقي💙 #سارة_العلي💙 *يـــــــــ͢ـོ͓ـــتبــــــــــــــོـ͓ـــ͢ــ؏* ➖➖➖➖➖➖➖➖➖ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h```