موعد مع خاطفي - الفصل 18 - بقلم المجنون - مكتملة | روايتك

*قـصـص وروايـات عـالـمـيـة💙📚📖* *بإدارة* *يـامـن💙* *❴📖❵↵ موعد.مع.خاطفي.tt* ♥️🙈 *❴🔢❵☟الـــبـــــــــــ❴8️⃣1️⃣❵ــــــــــــارت☟* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h``` ➖➖➖➖➖➖➖➖➖ الجزء ١٨ جافاها النوم بعد ماحاولت مراراً تغرق فيه الأفكار، التشتت، المستقبل المجهول.. تحركت من مكانها ،قبل الفجر بوقت قليل قربت لتشوفه غاطط بنوم عميق قلبها حسسها أنه سبب هالنومة الأدوية يلي عم ياخدها غادرت الغرفة بهدوء حتى ماتزعجه وتوجهت للصالة، دخلت المطبخ لتشرب مي وبعدها قررت تمشي شوي بالحديقة لتهدا استوقفها صوته قبل ماتفتح الباب هارون: وين رايحة؟ غمضت عيونها واتنهدت هارون: عم حاكيكي ردي التفتت عليه وبنظرة ذات مغزى سألت: وأنت شو خصك؟ حكالها بنبرته المستفزة: ماتطولي الحديث وطلعي لفوق تاج: إذا كنت عم تحاكيني وكأنك خاطف، فالشخص يلي خاطفني هو فوق، وإذا كنت عم تحاكيني لأنك صديق حبيبي، ف هاد كمان مابيعطيك الحق تدخّل بتحركاتي قرب منها اكتر وحكالها بنبرة تهديد: أنا بحكي كيف مابدي، طلعي لفوق هالحركات مابتمرء عليي، وبلا فلسفتك آخر هالليل استفزها كتير وماعاد تقدر تمسك أعصابها حكت وهي شادة على اسنانها: لاتعترض طريقي، الوضع مو متحمل أي كلمة زيادة لهيك طلاع من راسي صدمها لما سحبها من ايدها بقوة وحكا: بحياته ماحدا تجرأ وحكا معي بهيك نبرة، لتجي وحدة متلك تحاكيني هيك، لاتضطريني اتصرف معك بطريقة مابتعجبك وهي عم تحاول تفلت من قبضته القوية: فلّت ايدي هارون هارون: السبب يلي وصل شاهين لهون هو انتي، ومستحيل مررلك ياها مرور الكرام..مابعرف كيف وثق فيكي مع إني نبهته كتير، الله أعلم من أي طينة طلعتي دفعته بكل قوتها ورفعت ايدها عليه ليمسكها بقوة هددها بنظرة كلها شر: أوعك.. مابتنكر الخوف يلي منعت ظهوره عليها،فلتت ايدها منه وتراجعت للخلف، نهارت أعصابها وبدأت تحكي بشفاف راجفة كلماتها المتلعثمة تاج: لك أنت شو خصك فينا؟ شو بدك مني؟ أنا وشاهين منحب بعض، نحن المسؤولين عن أي غلط أو أي تصرف ، نحن المسؤولين عن كل جرح، نحن يلي منداوي بعض.. أنت دَخيل مو اكتر، رح تطلع خسران من بيننا، لهيك حاول تربح حالك وصداقتك مع صاحبك و لا تدّخل اكتر.. أخدت أنفاسها لتكمل بانهيار واضح من رجفتها: أنا بعشقه.. وعندي استعداد خوض حرب كرمال كفي بهي العلاقة للآخر لمعت عيونها فجأة ومازال مصدوم من ردة الفعل القوية هي، كانت عم تخاطبه أله، لكن حس وكأنها عم تحكي مع حدا تاني.. مع قدرها، مع ذاتها ، أو يمكن حتى مع شاهين واضحة نظرة الصدمة بعيونه وبقي ثابت لما فتحت الباب وركدت للحديقة لتنهمر دمعاتها بغزارة بدون ماتقدر توقفهن هالأيام زرفت فيها دموع تعادل الدموع يلي بكتها كل عمرها بكيت نفسها.. بكيت حبها الأول يلي ماعم تعرف كيف تنقذه وتتمسك فيه بكل ما أوتيت من قوة بكيت شخص كان على مشارف التغيير الجذري بحياته لأجلها شافت عنده استعداد للتضحية ، لكنها قدمتله صفعة شلّت الإرادة يلي جواته وصلت لجلسة خشبية تحت مظلة كبيرة قعدت لوقت طويل وماكانت تنتهي الدموع وعيونه مراقبتها مابيعرف هارون ليش طلع خلفها، كان في خوف جواته من هربها احساس داخله أكدله اختفائها من حياة شاهين.. رح ينهيه ، و وجودها عم يعذبه مو قادر يقدّم المساعدة ولا متقبّل هيك شي مع هيك انسانة ماكان فاهم شو السبب يلي دفع صاحبه يعشقها بهي الطريقة بأيام هو بيعرف مقدارها كتير منيح عم يستذكر عيونها الغاضبة.. الثائرة .. نبرتها القوية يلي بتأكدله لو بايدها سلاح لتقتله فيه وهي عم تنطق( أنا وشاهين منحب بعض) بحروفها الجريئة لترجع العيون القوية ذاتها تدمع تناقض رهيب بين القوة والضعف داخلها ماكانت ليسا يلي أمامه نهائياً.. كان في شي شايفه بعيونها مختلف كلياً عن ليسا قرب منها وسمعت صوت خطواته والتفتت عليه بسرعة تاج: مين هون؟؟ مسحت دموعها مباشرةً لتتأكد من ملامحه تنفست بعمق وحكت: لو سمحت.. لو سمحت أنا حالياً بوضع ماعندي طاقة لأني اعمل مشاكل مع أي حدا، لهيك تركلي مساحتي لو سمحت.. روح شوف حياتك يا أخي، روح عند صاحبك وتركني بهمي اتنهد بصوت مسموع وقرب ليسحب كرسي ويقعد أمامها ستغربت حركته الأخيرة لتبعد عنه كرسيها وتنزل راسها عالطاولة يلي أمامها هارون: عشت معه اكتر من ٣٠ سنة، احلى أيام وأسوء ظروف، اتعس اللحظات واكترهن فرحة.. كلشي كنا مع بعض.. علاقته مع عيلته، مع ليسا.. أو حتى بشغله.. ولا يوم كنت شوف هاد الجانب يلي عم شوفه اليوم.. مرض وتعب كتير بس ماكان السبب هو الحب يلي بعيونه وقفت بكاها فجأة، حتى نبضات قلبها المتسارعة يلي مسببة بداخلها ضجيج تمنت توقفها، فقط لحتى تسمع هالكلمة بالذات هارون عم يعترفلها بشي هي بأشد الحاجة إله رفعت راسها واتطلعت فيه هز راسه ليأكد يلي حكاه: أي.. صح مابعرف شو هالعمق يلي وصلتوه بعلاقتكن، بأيام قليلة.. بس شايفه بوضوح، في شي كبير بينكن.. مابينتهي ببساطة .. عم تخلوني اسأل حالي اسئلة بحياتي ماتوقعت اسئلها.. هاد حب؟ ياترى في هيك شي بالحياة؟ ليش ماكنت بعرف شاهين لهالدرجة؟ أو ياهل ترى كنت بتوقع شوفه وهو عشقان؟ بقيت ساكتة وناطرة منه اكتر.. لهفتها واضحة وكمل كلماته: بكل بساطة أي.. غضبه كان واضح من الحالة يلي وصّلك إلها وشفتك فيها أول ماجيت.. شاهين كان حساس تجاه شخص واحد بهالعالم كله.. أمه وبس ، ماكنت بتوقع شوفه هيك مع حدا تاني، ويمكن بطريقة مبالغة اكتر.. تأكدت وقتها فيكي شي غير عن الباقي هارون: ظهر فيو شي ماكان موجود أساساً..بس اليوم ليش وصل لهون؟ ليش هالشي (العظيم )انكسر بهالبساطة تاج؟ همست بتعب وعيون ندمانة: أنا السبب حكالها: تمام.. وهالشي ما منه رجعة؟ مافي حل؟ ازدردت ريقها وجاوبت: بدي فرصة وحدة.. وشاهين ماعم يعطيني ياها.. يمكن لسا بكير، بس خايفة مايبقى عندي طاقة هارون بهدوء مشابه لهالليل المعتم: إذا متل ماعم تقولي بتحبيه لهالدرجة.. معقول تكون طاقتك قليلة هالقد؟ تاج: أنت ليش هيك عم تحكي؟ يعني شو تغير هلأ؟ ابتسم بهدوء: مابعرف.. حاسس ماظبطت معي صح؟ ابتسمت لتجاوب: لا مو لابقلك صراحة صمت دام للحظات رفعت راسها لتراقب القمر المضيئ ليلها، ماكانت قادرة تحكيله هالسبب ولا هو جبرها كسر صمتهن بكلماته: مو ملاحظة انه الشي يلي عم تعيشوه انتي وشاهين هو أغرب شي بالحياة تاج: من أي ناحية؟ هارون: انكن مختلفين عن بعض ، وكأنه كل واحد فيكن من عالم تاج:عادي، فكرة الارتباط بشخص مختلف عنك تماماً ،صارت فكرة واردة بيومنا هاد، عم نسمع عن كتير علاقات بين شخصين مختلفين بكتير أمور أهم من الشي يلي عم نعيشه أنا وشاهين وكانت علاقات ناجحة هارون: هيك قولك؟ بدك تقنعيني أنك بيوم تخيلتي ترتبطي بخاطف مأجور!! سكتت للحظة وحكت بعدها:ماكنت بتوقعه خاطف مأجور، بس كمان ماكنت بتوقعه انسان طبيعي ومعتاد بيشبهني أو بيشبه حياتي قاطعت كلماتها بضحكة ساخرة هارون:ليش عم تضحكي؟ تاج:لأني كذابة نظرلها باستغراب كملت كلامها:كذابة لأني كنت بتوقع شوف شريك حياتي بمكتبة.. قارئ، كاتب.. ماكنت بتوقع شوفه برواية من خيالي ، أنا خيالية بس ما كنت لهالدرجة المجنونة هارون:وشو يلي وصلك لهالجنون هاد كله؟ تاج: وضعي..عالمي..قلبي..تغيرت أفكاري بعد ماتحركت مشاعري، عادي أنه نتغير صح؟ هارون:صحيح، الانسان كائن قابل للتغيير، وهاد الشي الطبيعي ،حتى لو كان بطريقة غير طبيعية كتمت ضحكة تانية وحكت:بغض النظر ماكنت بتوقع الحوار معك رح بيكون بهالفلسفة، بس كلامك منيح نوعاً ما.. بالفعل تغيرت نظرتي لكتير أمور، هاد مو تناقض صح؟ هارون:فينا نقول عنه تصحيح للأفكار المغلوطة، أنك تبقي مكانك بأفكارك، شي كتير سيئ، أنك تنتظري من حياتك تمشي على الطريقة يلي رسمتيلا، هاد شي مجنون اكتر من أي جنون ممكن تعمليه تاج:فعلاً.. هارون، بحياتك رسمت شي لحياتك، وتبدل بطريقة صدمتك؟ هارون:بحياتي مارسمت شي لحياتي، وتركتها تمشي بالجنون يلي هي بتختاره ضحك وشاركته ضحكته، ليستغربوا من الشي يلي عم يصير والوضع يلي تغير فجأة.. والراحة يلي بلشت تدخل قلوبهن سألها بتحفظ:فيني اسأل شي؟ تاج:أي هارون:ليش متوقعتينا ناس مختلفين عنكن؟ لدرجة حاسك رح تقولي أنه نحن من غير كوكب تنهدت بعمق لترد:هاد الشي يلي كنت ممكن فكر فيه، قبل بكم يوم بس هارون:قصدك قبل ماتتعرفي على شاهين؟ تاج:صح… الموضوع طلع بيختلف اكتر لما تعيش جواته، اكتر بكتير من لما بتكون عم تطلع عليه من بعيد، خارج نطاقه.. مع أني بحكم كتابتي لكتير شخصيات، كنت مفكرة حالي بفهم كل انسان و وضعه هارون:لسا بتشوفيه خاطف مأجور؟ تاج:عم شوفه شاهين.. يلي بكل خيالي الواسع، ماقدرت شوف متله هارون: ليش ماتحكيله هالكلام؟ رجعت بضهرها للخلف وعقدت ايديها أمامها تاج: قولك شاهين بغضبه رح يعطيني فرصة لاحكي؟ هارون: صح.. بس هو بده وقت ليهدا.. أو محتاج شي صدمة تصحيه استغربت آخر كلماته وسكتت للحظات بعدها نطقت الشي يلي بيدور ببالها: كان اكتر شي مجنون بحياتي.. ويمكن هاد الشي يلي محتاجته كنت، شي مابيشبهني ضحكت وحكت الشي يلي خطر ببالها مباشرةً: ماعم صدق أني عم احكي هيك حكي مع الشخص يلي من شوي تمنيت موته ردلها بنبرة مشابهة: أي أي ماعاد تستغربي شي بهالحياة.. وماعاد تصدقي كلشي بتشوفه عينك.. في أشياء مخفية مامنشوفها بوضوح لبعد مواقف معينة ردت بخجل: صار لازم ارجع لفوق.. رح اطمن عليه ونام.. تصبح على خير هز راسه وجاوب: تضلكن بخير بقي وقت طويل وهو عم يفكر.. ساعات طويلة ومازال مكانه.. كان متعود أنه يبقى بدون نوم … طلعت الشمس وصحي شاهين مع اشراقتها تحرك من مكانه بهدوء، هاليوم كان قادر يقعد بسهولة اكتر من اليوم الماضي انتبه لوجودها نايمة عالكنبة ، تأملها من بعيد.. لترغمه مشاعره عالبسمة منع حاله يقرب منها اكتر، ودخل عالحمام ليغسل وجهه بعدها سحب علبة السجائر عن الخزانة وطلع على الشرفة الواسعة أول ماسحب منها نفس والتاني، لمح شخص من بعيد متمدد بالحديقة نطق باستغراب: لعما هاد شو مسطحه برا!! معقول تخانقوا وطالعته من المزرعة كلها؟ هي مجنونة وبتعملها نزل لتحت ببطئ وخطوات متثاقلة، متوجه للحديقة بحركاته بدأ يستعيد القليل من قوته وقف قربه وكان حاطت ايده على عيونه وغفيان عالأرض تحت المظلة شاهين: ولك هارون.. تحرك مكانه وقعد مباشرةً هارون بقلق: شو صار؟ شاهين: شو منيمك هون؟ وقف هارون واتطلع فيه: أنت شو نزلك؟ ليش قمت من الفرشة؟ شاهين: بالله جد؟ كان بدك ياني ضلني نايم؟ قرب ليحاول يرجعه للداخل: لك امشي لجوا الشمس بتأذيك سحب ايده منه وحكا: حل عني.. بدي اتنفس شوي خنقتوني قعد شاهين لما شغل لفافة تانية سحبها هارون من تمه: أنت شو عم تعمل شاهين بنظرة تهديد: رجعها احسنلك اتنهد بتعب وعطاه ياها: ياأخي عم احكي مشانك.. شاهين: ماقلتلي ليش نايم هون؟ تخانقتوا شي؟ جاوب باقتضاب: خليني ساكت كتم بسمته وحكا: خلص رجاع لبيتك أنا تحسنت هارون: أيوا أيوا !!! عم تقلعني مشانها؟ اتنهد بتعب: ليك ها لسا مالي ناقص أي حرف هارون: لكن ليش نزلت؟ بما أنك قمت معناها صار فيك تحكي شاهين: شو بدك احكي؟ هارون: شو يلي طفاك هيك ؟ وين شاهين يلي قبل كم يوم كان كله طاقة، عم يعيش احلى أيام حياته متل ماخبرني.. طاير من الفرحة مع اكتر انسانة مجنونة، مو هاد كان كلامك عنها؟ جاوبه بنرفزة: هارون.. خلصنا بقا لاتصرع راسي من الصبح هارون: بدي اصرع راسك.. لأنو وقت يلي قلتلك انتبه قلتلي لا أنا متأكد.. شو يلي تغير اليوم؟ شاهين: ولاشي.. مر وقت وكان هارون عم يحاصره من كل جهة، عم يحاول معه ليوصل لنقطة معينة.. يخلي شاهين يحكيله الحقيقة، لكن ماوصل لأي شي غير يلي فهمه وحده من خلال تلميحاتهن.. والكلام يلي سمعهن حكوه بين بعض قبل بيومين وقرر يتّبع أسلوب مختلف معه هارون: بتتوقع الحب كذبة أخي؟ شاهين: لا هو مو كذبة.. نحن الكذابين هارون: أي عالأغلب معك حق.. شفت الكذب بكل تفاصيلكن اتطلع فيه شاهين مستغرب كلمته شاهين: شو قصدك؟ هارون: مدري كيف !! .. بس يعني جرئتها لتتصل فيني وتطلب مساعدتي، أنها تنتظر قدومي بدل ماتهرب مع أنها كانت تحت تعذيب وضرب غمض عيونه شاهين وشد على قبضة ايده هارون: صح كذب يا أخي، تمثيل كان !!صحيح.. بكاها وخوفها وحتى رجفتها، تمسكها فيك بطريقة مجنونة.. تناقضها بين قوة تخليها ترفع سلاح بوجهي، وبلحظة تانية تبكي عم تترجاني انقذك.. يعني بصراحة هالانسانة بتكذب بكل صدق لاحظ سخرية صديقه، لاحظ الرسالة يلي كان هارون متقصد يوصلها أله بطريقة ما شاهين بغصة واضحة من نبرته: خلصنا بيكفي سخافة لكن هارون كان مُصرّ يكمّل: أي أخي حابب اتساخف وشو فيها؟ تركني احكي ،بشو عم ضرك أنا؟ مالك مجبور تحكي شي.. بس عادي هي تتعذب على ايد شخص بيوم، واليوم التاني لما يقلا ماتهربي.. تتمسك فيه وتقله مارح اتركك.. عادي كتير يعني هاد الشي منشوفه كل يوم بحياتنا صح؟مجرد كذبة بدأ التوتر يظهر بملامحه،وتبدل لون وجهه للأحمر من غضبه كمّل هارون بدون مايهدي شوي على قلب شاهين: بحياتي ماشفت انسانة بغبائها، عم تشد ضهرها بانسان مو قادر حتى يحمي حاله.. مغمى عليه بس عندها ثقة أنه قادر يحميها ويخرب الدنيا إذا بيصيبها أذى.. قولك ليش؟ صرخ شاهين بعصبية: هارون.. إذا لسا بتفتح تمك بحرف.. قاطعه هارون: عميل يلي بدك ياه.. عم احكي يلي بخاطري وبس.. يعني باختصار مارح انسى هالموقف ، بالأخص أنها من عالم مختلف عن عالمنا.. إلا أنها كان عندا استعداد تصير مجرمة.. لما حاولت ابعدها عنك .. مجنونة رسمي دفع شاهين الكرسي من تحته ومشي بخطوات متوترة هارب من الكلام.. هارب من مشاعره ونفسه صرخ فيه هارون على بعد خطوات: خلص تركها.. خليها تروح وتخلّص منها ومن هالوجع.. بيكفي لحد هون شاهين، إذا أنت مو قادر أنا بقدر غمض عيونه بتعب ،نكر حقيقة مرارتها كالعلقم.. حارقة فؤاده وتوجه للاعلى صحيت تاج لما مالقته مكانه.. قربت لباب الحمام وطرقت الباب تاج بقلق واضح : شاهين؟ أنت هون؟ دخل الغرفة ولما شافته انفرجت أسارير وجهها تاج: كنت تحت؟ فكرت بالحمام ماجاوبها وقعد على سريره لما فتح علبة السجائر قربت بجرأة وسحبتا من ايده تاج: شاهين أكيد ماعم تفكر تدخن وأنت بهيك وضع رد بعصبية: لك شبك انتي؟ هاتي لشوف رح تجننوني انتي وياه رجعها وبدأ يحرقها بانفاسه، لتاخد وحدة هي كمان من العلبة وتشربها تحت نظراته المصدومة طلعت عالشرفة وعلى الرغم من تعبها منها وضيق نفسها، كملتها بغصب طلع خلفها عم يراقب جنونها ونظراتها الغاضبة.. نفثت الدخان بعصبية بعد ماطفتها حاولت تهدا ونطقت بحروف شبه مسموعة: رح جهزلك شي لتفطر استوقفها قبل ماتدخل عالغرفة: تاج.. انتي شو مفكرة حالك عن تعملي؟ اتطلعت فيه بصمت قاتل شاهين: عم تهتمي فيني؟ عم تخافي عليي؟ بدك تاثبتيلي بأي طريقة أنك بتحبيني؟ حست بكلامه هاد علّم جرح جديد داخل قلبها شاهين: بدي ريحك.. كرمال ماتتعبي حالك، بس باختصار مجهودك هاد رح يروح عالفاضي.. حتى عدم هربك من يومين مابيعنيلي أي شي تخيلي!!! تاج بترجي: شاهين.. شاهين: هسس سكتي ولا حرف.. هداك اليوم ماهربتي من رجال ليسا، قلتلك رجعي عند اهلك ورفضتي.. كنت مصدق لأنك بتحبيني بس لأ.. لأنو ماكتملت روايتك.. أفكارك مانتهت.. قلتي بعيش كمان عنده لاقدر كمّل الرواية براسي.. وهلأ ذات الشي، مستحيل فكر إنك ماهربتي من يومين غير لهاد السبب تاج بقهر: لأ..مو معقول توصل معك لهون..بدي اتحمل كل الذل يلي عيشتني فيه مشان رواية؟ جاوبها باستهزاء: يلي دبرت مآمرة خطف لنفسها لتكتب رواية،مابتقبل ع نفسها الذل والإهانة؟ قوة وغضب ملئوا داخلها لترفع ايدها وتصفعه بقوة فتح عيونه مصدوم لتتراجع خطوات للخلف موقف تكرر فجأة براسه بين ذكريات قديمة بتجمعهن وبالحرف الواحد تذكر كلماتها ببيت أمه (تاج:اعتبرها وحدة بوحدة أنت ضربتني وأنا ضربتك، أو اعتبرها الدوا لوجعي يلي تسببتلي ياه) مازال صدى الصفعة عم يتكرر بآذانهن، صدمة ماكانت عليه فقط، إنما عندها كمان استجمعت كامل قواها و قاطعت شروده وذكرياته بكلماتها الاكتر وجع : ليك شاهين.. بيكفي لهون، أنا قدّرت غضبك.. قدّرت أنك انخدعت بكذبة ورح تكون ردة فعلك عليها قوية ، أنا تقبّلت ثأرك لكرامتك.. بس لهون بيكفي، وأنا إمرأة عندي كرامة.. رغم كلشي عملته والجنون يلي تصرفته.. تقبلت غضبك علي لأني غلطت بحق نفسي قبل كلشي.. بس بالنهاية أنت بدك تخليني بلا كرامة نهائياً..؟! قبل ماتخليه ينطق بأي حرف أخدت أنفاسها بسرعة وكملت: أنا ماهربت مو كرمال روايتي الملعونة هي.. مو كرمال خيالي..ماهربت كرمال واقعي وحياتي .. أنا لأول مرة بتحرر من كتاباتي شاهين، كانت روايتي بتنتهي عندك هداك اليوم، لما خطفتني ليسا كان فيني امشي قبل لكن أنا ماقدرت.. بأصعب لحظة بحياتي حسيت أنه مافيني اتركك.. حتى كان فيني أوصل لأروى بأي طريقة لقلها تبعتلك رسالة وتقلك ننهي كلشي وترجعني، بس أنا كان بدي ابقى بقربك فهمني.. حس فيني شعوري تجاهك منعني وخلاني خايفة احكي الحقيقة لحتى ما اخسرك صدقني ..كرمال الله صدقني والله تعبت أنا قلبه انكسر برجفة صوتها ليحكي بعتب: ليش ماجيتي وحكيتي؟ ليش ماقلتي ياشاهين أنا هيك عملت؟ كان عندك فرصة لحتى أقدر صدقك.. وهي اعترافك إلي انهارت اكتر بسبب رده ،قاطعته بصرخاتها: أنا كذبت.. ياشاهين أنا كذابة، هيك بدك؟؟ قلي هيك بدك؟ لك تعا موتني وخلصني بقا من هالعذاب.. قتلني إذا عندك جرأة يلا و ريحني بهالأثناء كان سامع صراخهن هارون من الحديقة تحت الشرفة، وتوجه بعدها للأعلى ملئت قلبه بالغضب والاستفزاز، لما سحبها من ايدها ودفع بجسدها من حرف الشرفة بعيون مليانة شر: بدك موتك؟ مقابل إني صدقك؟ ردت بنفاد صبر: أي خلص إذا هاد المقابل .. موتني وخلصني رفع حاجبه باستفزاز ليسأل: وكيف رح تكتبي روايتك بعدها؟ صرخات متتالية صدرت من حنجرتها وهي عم تحاول تضربه على صدره، ماسكها بقوة ومازال عم يهددها موجه راسها للأسفل شاهين: خلص بموتك وبرتاح أنا كمان بنظرة تحدي حكت: يلا عملها.. عملها شاهين بدل ماكانت تهديه شعلت النار بقلبه بغصتها، فقدت أعصابها وماعاد يقدر يتمالك نفسه بقي عم يتطلع بعيونها الدامعة وهي بحضنه، أنفاسها القوية لفحت وجهه الحانق لكن وجودها بين ايديه بدأ يسحب منه هالغضب ويطفي النار، رغبة جامحة داخله لو تكون بحضنه لكنها غامرته بحب.. وتهدا عيونها الثائرة قرب منها وهو عم يراقب شفافها الراجفة، لتكتم كلماتها المحتدّة، وتهدا حركاتها الثائرة فجأة ازدرد ريقه بصمت بالوقت يلي ايده على خصرها شبك الايد التانية بشعرها المتناثر بالرياح وقبل حركته التالية يلي ماقدر يمنع رغبته فيها ،انخطفت من بين ايديه بحركة سريعة فجأة صدمة زلزلت قلبه وقلبها ليلتفت خلفه ويشوف مين تجرأ يسحبها من حضنه!!! شهقت تاج لما حست بالسكين على رقبتها، وبدأت تستوعب وجودها بين ايدين هارون كانت أمام عيونه.. بين ايدي صديقه هارون، جسدها يلي كان من لحظات بين ايديه و رهن إشارته أصبح غير آمن، راجف مترنح ريحتها مازالت عابقة بقلبه بالوقت يلي كان عم يشوفها عم تضيع منه لحظات خطفت الروح من جسده حكا بحروف تايهة: هارون؟؟ أنت شو عم تعمل أول ماحاول يقرب منه تراجع هارون خطوة للخلف نبضات قلبها تسارعت بشكل مهيب، ماكانت قادرت تستوعب يلي صار بلحظات قليلة فقط كانت غارقة بحضنه الدافي مع كل الغضب يلي كانوا عن ينطقوه نظراته يلي كلها حب ورغبته فيها كانت حاسستها، أوشكت لرفع شعورها لقمة غرامها بالرغم من كامل الألم يلي وجههوه لبعض كانت بأحضانه مطمئنة عيونها مليئة بالخوف عم تستنجد فيه طالبة منه يستعيدها لقلبه نطق هارون بحروف مستفزة: اهدا شاهين.. خلص أنت تعبت، ومو قادر تعملها.. بدك تموتها وماعم يطاوعك قلبك.. خلص أنا بموتها.. أنت اهدا وكلشي رح يكون تمام.. مو أول مرة بخلصك من مصيبة بحياتك صرخ شاهين فيه بنيران شاعلة داخله: هاروون.. تركها هلأ.. إياك تعمل شي.. ماتفرط بروحك تراجع للخلف هارون وهو عم يشد قبضته عليها اكتر هارون: ماعاد رح اسمحلها تأذيك اكتر.. كنت رح أخسرك بسببها، حياتها مو أهم من حياتك همست بحروف شبه مكتومة و رجفة واضحة: شاهين.. بترجاك مابدي موت زرفت دموعها ليحترق قلبه عليها هارون بعصبية: هلأ ماعاد بدك تموتي؟ صرلكن ساعة بتصرخوا هو بدو يموتك و انتي بدك تموتي ؟ شو تغير هلأ؟ صرخ فيه صوت هز اركانه: بحرقك هارون.. بعّد عنها السكين.. وإلل رح تندم ..حياة شو يلي عم تقول عنها آه؟؟ بملامح مجنونة حكا هارون: حياتك أنت أخي، ماعرفنا كيف نخلص من ليسا، لتجي هي ترجع تخرب حياتنا قرب منه خطوة شاهين والتوتر ارجف اطرافه: ليسا مين؟ لك مين ليساا؟؟ هي يلي بين ايديك تاج.. تاااج أنت مابتفهم؟ غمضت عيونها بخوف لما حست السكين عم يلامس عنقها اكتر تاج بترجي: لا لا..هارون أنت كيف تغيرت هيك؟ لك مبارح لسا .. صرخ فيها هارون: سكتي.. ماتسمعيني صوتك شاهين: ليك هارون.. هلأ بترمي السكين وإلا اقسم بالله العظيم عشرة العمر يلي بيننا بحرقها هلأ وبحرقك معها هارون: مو مهم.. المهم خلصك منه بحركة وحدة من شاهين لما قرّب خطوة منه ليحاول يسحبها من بين ايديه ، أزاح عنها هارون السكين وغرزوا بقوة ببطنها لتصرخ تاج بصوت قوي زعزع فؤاده..اسكت العالم من حوله، وحل سواد مهيب بعيونه رغم أشعة الشمس اللامعة بعيونها بصوت راجف صرخ فيه: لك يا حقير شو عملت؟؟ مو قادر يصدق أنه عم يخسرها اندفع عليه بقوة لتسقط تاج بالأرض ، ويوقع شاهين فوق هارون موجهله لكمة أدمت انفه تركه عم يتلوى بالأرض بألمه لمّا انسحب مباشرةً لعندها حاطة ايدها على بطنها ودموعها بعرض خديها اتطلع بوجها الشاحب، وعيونها المشدوهة حس بقبضة متوسطة عنقه منعت النفس عنه غمر وجها بايدي راجفة، غرقت عيونه بدموع ملتهبة عيونها عم تنتقل بين ملامح وجهه ، صوتها مكتوم ماقادرة تودعه بحرف.. ماكانت متمنية النهاية شاهين بحروف راجفة: تاج.. تاج ياروحي.. تااج ردي نزلت عيونها على ايدها ليلامس ايدها شاهين ويرفعها شوي عنها فجأة بتشهق بصدمة وشاهين بيبحث عن الجرح مابيشوف اي أثر للدم شاهين بصدمة: شو هاد؟ شو صار؟ بصوت مبحوح ويادوب مسموع: شاهين.. أنا مو مجروحة؟؟ما في وجع.. يعني أنا انصبت؟؟ رفع راسه هارون وهو عم يضحك ونطق: رح حاول اتخطى هالضربة يا أخي التفتوا عليه وهو عم يراقب وجوهن المفجوعة ماقدر يكتم ضحكاته غمزه هارون بمشاكسة ليشعل نيران الغضب بقلبه اكتر رفع السكين بايده وضغط عليه لايثبتلهن أنه كان مجرد لعبة بينزلق ببساطة لداخله بدون مايسبب أي أذى لما اندفع فوقه شاهين وسحبه من تلابيب قميصه وصرخ فيه شاهين: لك ياغبي.. كيف بتعيشني هيك شي؟ كيف قدرت تعملها فيني؟؟ أنت أخ أنت؟بدك تقتلني!! هزه بقوة و رد خبطه بالأرض ،لما رجف قلبه وكأنه عم يناجيه ليردها لحضنه كانت عم تبكي مكانها، غير خسارتها لروحها كانت خسرته قبل ماتعيش أيام عم تحلم تعيشها بين ايديه وهو أمام عيونها كانت بحاجته يخفف عنها وجعها لكنها غير قادرة تحرك ساكن واقعة بصدمة لتحس بدفا جسده ، بايده يلي سحبتها من ثباتها وغرقها بحضنه ‏ شاهين بحنيه: حبيبي.. أنا جنبك اهدي ضمها بقوة وكأنه أوشك على ادخلها لداخل صدره ، بأعماق فؤاده التوّاق تاج: أنا عايشة؟ نحن مع بعض حتى الموت مافرقنا بين ضحكته وخوفه عليها: اهدي ياعمري والله انتي عايشة ليكي انتي بحضني، مو حاسة فيني؟ شدت عليه بقوة اكتر بكامل شوقها واحتياجها مسح على شعرها بحنية وقبّل جبهتا همس هارون بمزاح: شكله تمت المهمة وصار لازم غادر رفع راسه شاهين وهو عم يهدده: حسابك لسا ماخلص.. صدقني رح اقضي عليك هلأ مو فاضيلك ضحك هارون بقوة وهو عم يهرب من الغرفة هارون: أي رووح ايدك وماتعطي تمسكت فيه وكأنها خايفة يهرب منها بكيت لما استعادت وعيها وانتبهت لوجودها بقربه تاج: حبيبي.. شاهين.. ماعاد تتخلى عني ، ماعاد تعمل فيني هيك بترجاك ماعاد قدر يكتم مشاعره اكتر، ليترك أثر قُبلاته على كامل ملامح وجهها وبين القبلة والتانية يهمسلها بوعوده.. وشوقه لهفته ماعم تنطفى وكل مالها تزيد شاهين: مستحيل يا تاج.. مستحيل اتخلى عنك.. اليوم تأكدت أنك هي الروح يلي جواتي.. ومافيني عيش إلا بوجودك تاج بهمس : بحبك شاهين… صدقني أني عشقانتك وهي الحقيقة غرقت بانفاسه الدافية شاهين: مصدقك ياقلبي.. مصدق هي العيون مسح بابهامه عليهن بحنية كمّلت طالبة آخر كلمة ناوية تسمعها منه هاللحظة: يعني سامحتني؟؟ غمر وجهه بعنقها ليشم ريحة عبقها يلي شتقلها كتير ومتل وكأنه ماكان قادر يتنفس ورجعتله الحياة همسلها بهدوء: مسامحك تاج.. مسامحك حبيبتي.. مابفرّط فيكي #غداً_نلتقي💙 حبايبي بعد هالمشاعر كلها😭بدي كومنتات حلوة وبتجنن ومليااانة حب لتاج و شاهين وإلا رح ازعل ومانلتقي غداً🥹😂 *يـــــــــ͢ـོ͓ـــتبــــــــــــــོـ͓ـــ͢ــ؏* ➖➖➖➖➖➖➖➖➖ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h```