موعد مع خاطفي - الفصل 17 - بقلم المجنون - مكتملة | روايتك

*قـصـص وروايـات عـالـمـيـة💙📚📖* *بإدارة* *يـامـن💙* *❴📖❵↵موعد.مع.خاطفي.tt* ♥️🙈 *❴🔢❵☟الـــبـــــــــــ❴7️⃣1️⃣❵ــــــــــــارت☟* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h``` ➖➖➖➖➖➖➖➖➖ ‏#موعد_مع_خاطفي #الجزء١٧ ومع فقدانه الوعي كأنها فقدت تفكيرها، عَجز ايديها منعها تقدر تحرك ساكن، شعور العجز قتلها ومازالت على قيد الحياة أو بالأصح، على قيد وجوده بقربها شعرت باهتزاز الموبايل وكأنه صحاها ، تحركت من مكانها وفتحته بصعوبة عم يسوق سيارته بسرعة عالية، حكالها بنبرة قلق هارون: ألو؟؟ وينك ردي تاج: شو بدك؟ كتم غيظه وحكا: فحصتي النبض؟ التنفس؟ هو غميان بشكل كامل؟ احكيلي شو وضعه اتطلعت بعيونها الدامعة فيه، لحظتها أدركت الشي يلي كان المفروض تعمله لكن خوفها من فقدانه أفقدها عقلها صاح بعصبية: لك ليش عم تسكتي ردي تاج : لحظة بس قربت منه ولمست طرف معصم ايده وهي عم تحاول تستعيد معلوماتها الطبية البسيطة عن هيك وضع بينما كان هارون عم يحاول يشوف بهالطريق المعتم، ويرفع السرعة اكتر مايقدر ردت بحروف خايفة: النبض خفيف نزلت براسها لطرف وجهه لتتأكد من تنفسه حكت بغصة: النفس كمان منخفض..أنت لازم تجيب الدكتور بسرعة .. بترجاك بدي شاهين هارون: أنا مو بعيد.. ربع ساعة بالكتير وبوصل.. بس لازم تعملي يلي رح قلك عليه ، انتي معي؟ تاج: شو؟ قلي هارون بتوتر: جيبي أي شي رفعيله رجليه عن الأرض قاطعته بعصبية: أنا ايدي مربوطة.. لو بقدر اعمل شي ماكنت اتصلت فيك صرخ عليها ليسكتها: بدك تحاولي.. عملي أي شي مابيصير تتركيه هيك صرخته وعتها اكتر.. وبدأت تتلفت حوليها لحتى شافت كرسي تاج بكلمات متلعثمة: تمام .. تمام لقيت شي لحظة ركزت الموبايل بطرف كتفها واذنها وسحبت الكرسي وقربته من تحت أقدامه تاج: تمام رح حاول..هو عنده شي مرض؟ قلي شو لازم اعمل؟ هارون: ولا شي.. أنا رح أوصل رفعتله أقدامه بصعوبة كبيرة هارون: ابقي جنبه.. يمكن يصحى هلأ بس أوعك تسمحيله يتحرك ممكن يرجع يغمى ويمكن ينأذى.. انتبهي في شي جرح براسه؟ قربت من راسه وحاولت تشوف إذا في إصابة لتنصدم من وجود القليل من الدم صرخت بخوف: في في.. هارون: لك بيكفي تصرخي براسي.. باين عليكي الجرح؟سطحي ولا في دم كتير؟ تاج: في دم شوي .. بس ماعندي أي شي نضيف لسكره هارون: خلص أنا رح أوصل،البوابة بتكون مقفولة تاج بغضب مكتوم: وأنا شو بعرفني؟ رد بعصبية: لا إله إلا الله عهالعلقة… أكيد بتكون مقفولة، بتطلعي بتفتحيها فوراً تاج: ماشي مسحت على وجهه بحنية وخوف مو قارة تتركه، وقفت على أقدامها بصعوبة وغادرت الغرفة بخطوات سريعة بعد ما اغلقت الموبايل تاج: ماكان ناقصني غير حضرتك.. ااخ لو ماكنت مجبورة أتعامل مع انسان متلك طلعت لقرب بوابة الصالة وشغلت الكاميرا الموجودة بقرب الباب لتقدر تشوف البوابة الخارجية بعد دقائق وصل هارون ،ضغطت الكبسة وانفتحت البوابة دخل بسيارته يلي كانت بتشبه سيارة شاهين القديمة نزل بسرعة وبدون ماحتى يسكر خلفه الباب سحب حقيبة كبيرة وركد للداخل خبط بقوة و كانت بانتظاره و بسرعة فتحتله لحظة وحدة استغرقوها وهنن عم يتفحصوا وجوه بعض ارتجفت أوصالها من ملامحه الغاضبة، جسده مابيفرق عن شاهين بطوله وكتافه العريضة، لكن ملامحه مليئة بالشر مع وجود جرح واضح بخده الايسر هارون بنبرة مخيفة بعد ما نظرلها بكره: وينو؟ ردت برجفة : تحت.. مدت ايديها: فكلي ايدي انصدمت من ردة فعله لما ماعطاها أي أهمية وركد لتخت لحقته لتقله بعصبية: لك عم حاكيك رد؟ التفت عليها وبنظرة وحدة سكتها وصلوا عالغرفة هنن التنين سوا لما لاحظ هارون حركة شاهين ركدت لعنده تاج ومسكت بايده تاج: شاهين؟؟ شاهين سامعني؟عم يتحرك سحبها برعونة من جنبه وقعد بقرب شاهين هارون: أخي!! أخي!! رجع كرر الحركات يلي طلب منها تعملهن تاج بغضب واضح: أنت شو مفكر حالك عم تعمل؟ كيف بتسمح لنفسك تدفعني هيك؟ هارون : ممكن تسكتي لأنو صوتك زاعجني !! و مو وقتك نهائياً،خليني أعرف شوف شغلي وشوف شو عملتي فيه قربت منه لتحاول تدفعه بعصبية لكن ما أثرت فيه نهائياً بسبب ضعفها وقوته تاج: أنت كيف بتسمح لحالك تحكي معي هيك فتح حقيبته وبدأ يطالع أدوات طبية ، الشي يلي صدمها تاج بخوف: وقف عندك.. شو عم تفكر تعمل؟ وقفت أمامه لتمنعه: إياك تفكر أنك تلمسه، أنا ماتصلت بالاسعاف لحتى حضرتك تجيب دكتور بتعرفوه، مو تجي أنت تقرب منه ترك هارون الأدوات من ايده ليتطلع بعيونها والشر عم يتطاير من عيونه: إذا مابتسكتي وبتمشي من هون رح قوم سكتك بطريقتي، انتي بدك تخافي عليه اكتر مني؟ تاج بجرأة : أي ومارح اسمحلك تأذيه.. هلأ بدك تتصل بالدكتور اتجاهلا لما ماشاف فايدة بالحكي معها، وكمّل عم يطالع الأدوات تاج: لك عم حاكيك عربي، مافينك تقرب منه وأنت بهالمنظر قام من مكانه بغضب أرجف أقدامها وسحبها بعصبية لعند الجدار ساحب السلاح من خصره مهددها فيه هارون بصراخ: إذا مابتسكري تمك أنا بسكره.. بتبقي مكانك وإلا قسماً عظماً بموتك ها.. لعما خليني أعرف اشتغل فتحت عيونها بخوف وانفاسها تسارعت تأكدت أنه مابينفع تستفزه نهائياً تاج بهمس: أنا بس كان بدي قول لو نطالعه لغرفته هارون: لك غرفة شو؟ هاد شو بيطالعه لفوق وهو بهالحالة تاج: عضلاتك يلي حاملها شد قبضة ايده،وحاول يهدي أنفاسه الغاضبة قبل مايتصرف بطريقة رح يندم عليها بعدين افلتها بخشونة ورجع عند شاهين هارون: حسبي الله بس ..لعما شو هالمجنونة؟ كيف كان متحملك هاد؟ تاج بترجي: خلص ماعاد رح دايقك، بترجاك ماعاد بدي شي غير أني ابقى بجنبه اتطلع فيها بطرف عينه وهي عم تقرب بهدوء خايفة من هجوم آخر قعدت بهدوء بجنب شاهين، سحبت ايده وهي عم تهمس ودموعها عم تتساقط: شاهين.. حبيبي سامعني؟ بترجاك ماتتخلى عني، مابقدر من دونك ياعمري..أنا مابستاهل تتعب كرمالي كتم هارون غضبه وسحب ايده التانية، ليمد قماشة بيضا نضيفة وبدأ يحط عليها الأدوات المعقمة حكا بهمس: هاد كيف رح نركبه!! اتطلعت فيه مترددة وحكت بلهجة الطف: لو سمحت.. فكلي ايدي بس لحتى ساعدك.. شاهين بخطر لازم ننقذه غمض عيونه فاقد الأمل منها وقف بحركة خوفتها لما سحب سكين من طرف قدمه وقطع الحبل يلي بايديها تنفست الصعداء لما خاب ظنها وكان بس رح يفكها مارح يطعنها متل مافكرت ورجعت مسكت بايده تاج بحنية: شاهين سامعني؟ حرك ايدك بترجاك همهم هارون: حسبي الله بس لبس قفازات طبية، وجهز مكان إبرة المحلول يلي رح يعطيه ياه لتلمحه تاج عم يحرك شفافه تاج بفرح: حرك شفافه.. شاهين عم يصحا هارون باستهزاء: طيب أكيد رح يصحى بالنهاية انتي ماقوصتيه صح؟ممكن تسكتي لاعرف اشتغل شغلي ناظرته بطرف عينها بغضب مكتوم قربت من وجهه وهي ماسكة بايده تاج : حبيبي أنا جنبك، أنت قوي و رح تتخطاها هارون: حالياً أكيد جسمه عم يطلب مي مشان هيك عم يحرك شفافه.. اطمني مارح ينطق باسمك قهرها بكلمته الأخيرة.. يمكن لأنها بالفعل انتظرت لو تسمع منه حرف واحد هارون بنبرة أمر مستفزة: مسكي هاد وقومي وقفي انصاعت لأوامره فقط لأجل صحة شاهين، مسكت بعلبة المحلول ووقفت ، لكن ماقدرت تخفي كلماتها يلي همهمت فيهن حرك أطرافه دليل على أنه بدأ يستعيد وعيه نوعاً ما غرز هارون إبرة المحلول بطرف ايده و بعدها سحبها بكل حرفية "مُمرض" عقم قطعة صغيرة وحطها عالجرح السطحي يلي براسه وبعد هيك وقف بجنبها ليتأكد من سرعة المحلول اتطلعت فيه بازدراء: مفكر حالك دكتور؟ أنت متأكد من الشي يلي عم تعمله؟ جاوبها بنبرة مشابهة لنبرتها: ماتعملي حالك خايفة عليه اكتر مني.. هاد بيكون أخي.. ابقي ماسكتيه هيك أول مامسك ايدها ليرفعها دفعته بعيد عنها بايدها التانية تاج: صدقني لو ماوضع شاهين.. جاوبها باستهزاء: شو كنتي عملتي ؟ بترت كلماتها واكتفت بنظرات قوية ليسألها: شو عملتي فيه؟ انطقي شو يلي وصلكن لهون راقب وضعها الفظيع، ملابسها الغير مناسبة لهيك جو، الجرح يلي بوجها وضعها بهيك مكان والحبل يلي كانت مربوطة فيه .. كل هي الأمور مابتدل غير على أنها كانت مخطوفة فعلاً فهمت قصده من نظراته و ردت: وأنت شو خصك؟ أنا طلبت منك تجي تصحيه وبس هارون بنرفزة: بالله جد؟ ليكي وليه إذا مابتقصري لسانك معي بحسب الله ماخلقك أنا مو متله تاج: واضح أنك ولا بتشبهه أصلاً الشي الوحيد يلي كان عم يحميها من غضبه، هو معرفته بشعور شاهين تجاه تاج.. ويمكن لهفتها القوية على شاهين يلي اكدتله في مشاعر بقلبها تجاه صديقه لما حست بخوف منه أخدت نظرة لشاهين حتى تستعيد قوتها هارون: ماتفكري فينه يحميكي مني.. شاهين مارح يصحى من هون لساعة أقل شي ،و الله أعلم شو بيكون وضعه، لهيك الأفضل تنتبهي على حالك تاج بعصبية: لك أنت شو حطيتله بالمحلول؟ هارون: هاي هاي شبك؟ رح تسحبيه من ايده اهدي ولا تتحركي.. فيو منوم حتى يقدر يستعيد قوته بعد مايرتاح.. سمعي منيح خلي هالكم ساعة تمرء على خير احسنلك ها ردت بقوة فهم بعدها مين مصدرها تاج: إذا هلأ شاهين نايم.. صدقني بس يصحى مارح يسكت إذا كنت عامل فيني شي اتنهد هارون لما اتطلع بصاحبه المرمي عالأرض وانسحب من الغرفة بعد مافقد الأمل منها أنها تسكت خاف من كتر استفزازها مايقدر يمسك أعصابه ويعمل فيها شي.. وهو بيعرف شو ممكن تكون ردة فعل شاهين طلع عالصالة وهو عم ينفث دخان اللفافة يلي شعلها انتبه للدمار يلي حل بالمكان.. المكتبة الوقعانة.. الكتب ،الكرسي المكسور.. استعاد ذكرى براسه يوم اتصل فيه شاهين ،كله حماس وهو عم يطلب منه شتريله ياهن من أي مكان وبأسرع وقت هارون بهمس: ياترى شو طلع وراها ياشاهين؟ حتى عملت فيك هيك ؟ شو يلي وصلك لهون؟ أخد نظرة على الطاولة وبعدها عالمطبخ وشاف العديد والعديد من أكواب القهوة ولفافات التبغ المحروقة ليقاطعه رنين موبايله، اتطلع عالرقم لما تحول لون وجهه للأحمر هارون بارتباك: هاد شو بده هلأ؟؟ ماقدر يجاوب و نزل لعندها شافها عم تتأمله بنظرات لأول مرة بحياته بيشوف إمرأة عم تطلع فيهن على رَجُل ودموعها محبوسة بطرف عيونها أصدر صوت من حنجرته لتمسح دمعاتها فوراً وتناظره، فجأة تبدلت نظرتها من انكسار وحزن، لقوة رهيبة تاج: من هون لساعة كتير على مايصحى..حاول تلاقي طريقة نطالعه لفوق، المكان هاد خطر عليه حس كلامها صحيح بالأخص أنه الغرفة وضعها سيئ جداً، ومابيعرف شو المضاعفات يلي رح تصيب شاهين هز براسه وسحب موبايله، اتصل بأحد رجاله وطلب منه القدوم قرب منها ليشوف المحلول خلص، ونزل لطرف ايده ،عقمله مكانها وسحب الإبرة بهالوقت نزلت لقربه وسحبت القطعة يلي على راسه وبدأت تعقم الجرح من جديد همست بروح متعبة، خائفة وحايرة تاج :مافيو شي صح؟ هو بخير ورح يستعيد وعيه راقبها عن كثب، نبرتها الراجفة بتعني القهر يلي جواتها، مابيعرف كيف قدر يحس بالشفقة عليها.. بس شكلها كان بالفعل بيخليه يشفق على حالها هارون: شاهين قوي.. ياما قابل الموت بحياته، لكنه غلبه وكمّل طريقه، تعتبر هي أسهل مرضة بيعيشها وأنا متأكد رح يتخطاها تنفست بعمق لترتجف أنفاسها، قربت منه وحضنته وتركت راسها يرتاح على صدره ومازال هارون عم يراقب تخبطاتها الغريبة وقت قليل و وصل الشاب بدراجته النارية السريعة للمزرعة هارون: الأفضل تطلعي لفوق.. مابدنا مشاكل مع حدا غريب هزت راسها متفهمة و أول ماكانت رح تغادر الغرفة سألها: انتي ليش ماهربتي؟ اتطلعت فيه نظرة كادت تحرقه فيها: أنا مابترك شاهين .. بقي لحظات عم يتفحص عيونها وشعر بصدق جوابها غادرت المكان بسرعة وطلعت لفوق ، حاولت تغض نظرها عن أي شي حوليها لحتى ما تتأثر لكن لما دخلت لغرفتها الذكريات دفعتها بقوة نحو الهاوية، عتم مهيب غاص فيه قلبها، أصوات عم يتكرر صداها براسها رجفة القلب يلي حستها هديك اللحظة لما شافت عيون شاهين، رجعتلها من جديد اتلفتت حول نفسها بهالغرفة يلي صارت اشبه بالقبر سدت أذانها بخوف و وقعت بالأرض لتسند راسها بطرف السرير .. ودموعها ساندتها لتخفف وجعها تمنت ينتهي هالكابوس، يوقف سلسال العذاب استعادت مواقف كتير كانت تكتبها برواياتها وتحاول توصف أدق تفاصيل الوجع فيها لتكتشف أنه ولا شي بيعادل الوجع يلي بيصيب الانسان شخصياً.. ولا أي إحساس ممكن يخليك تشعر بغيرك كثر ماتقدر تشعر بنفسك … حمله هارون والشب وطلعوا فيه على غرفته هارون بغضب: لك شو عامل الدنيا كلها دخان!! الشاب: بتأمرني شي تاني معلم؟ قرب منه هارون بنظرة تهديد: إياك حدا يعرف هالعنوان.. أو يعرف أنك جيت لهون.. أنت فاهم؟ رد عليه بثقة : ولو معلم؟ أنت بتعرفني خبط على كتافه : كفو عليك.. يلا امشي ولا ترجع نهائياً لهون، وانسى أنك جيت أساساً غادر الشاب لما فتحت طرف الباب وتأكدت من مغادرته دخلت مباشرةً لغرفة شاهين وكان هارون عم يطمن عليه ويفحصه رفع راسه وشافها واقفة بطرف الباب: انتي شو عم تعملي هون؟ تاج: كيف صار؟ طمني قرب منها : امشي معي لرجعك لتحت تاج بصدمة: شو؟؟ هارون: بذكر أنك كنتي مربوطة صح؟ معناها المفروض تنزلي لتحت مكان مو تاركك شاهين تاج: أنت كيف بتسمح لحالك تعاملني هيك؟ مين أنت لترميني تحت؟ بهالوقت نزلت لقربه وسحبت القطعة يلي على راسه وبدأت تعقم الجرح من جديد همست بروح متعبة، خائفة وحايرة تاج :مافيو شي صح؟ هو بخير ورح يستعيد وعيه راقبها عن كثب، نبرتها الراجفة بتعني القهر يلي جواتها، مابيعرف كيف قدر يحس بالشفقة عليها.. بس شكلها كان بالفعل بيخليه يشفق على حالها هارون: شاهين قوي.. ياما قابل الموت بحياته، لكنه غلبه وكمّل طريقه، تعتبر هي أسهل مرضة بيعيشها وأنا متأكد رح يتخطاها تنفست بعمق لترتجف أنفاسها، قربت منه وحضنته وتركت راسها يرتاح على صدره ومازال هارون عم يراقب تخبطاتها الغريبة وقت قليل و وصل الشاب بدراجته النارية السريعة للمزرعة هارون: الأفضل تطلعي لفوق.. مابدنا مشاكل مع حدا غريب هزت راسها متفهمة و أول ماكانت رح تغادر الغرفة سألها: انتي ليش ماهربتي؟ اتطلعت فيه نظرة كادت تحرقه فيها: أنا مابترك شاهين .. بقي لحظات عم يتفحص عيونها وشعر بصدق جوابها غادرت المكان بسرعة وطلعت لفوق ، حاولت تغض نظرها عن أي شي حوليها لحتى ما تتأثر لكن لما دخلت لغرفتها الذكريات دفعتها بقوة نحو الهاوية، عتم مهيب غاص فيه قلبها، أصوات عم يتكرر صداها براسها رجفة القلب يلي حستها هديك اللحظة لما شافت عيون شاهين، رجعتلها من جديد اتلفتت حول نفسها بهالغرفة يلي صارت اشبه بالقبر سدت أذانها بخوف و وقعت بالأرض لتسند راسها بطرف السرير .. ودموعها ساندتها لتخفف وجعها تمنت ينتهي هالكابوس، يوقف سلسال العذاب استعادت مواقف كتير كانت تكتبها برواياتها وتحاول توصف أدق تفاصيل الوجع فيها لتكتشف أنه ولا شي بيعادل الوجع يلي بيصيب الانسان شخصياً.. ولا أي إحساس ممكن يخليك تشعر بغيرك كثر ماتقدر تشعر بنفسك … حمله هارون والشب وطلعوا فيه على غرفته هارون بغضب: لك شو عامل الدنيا كلها دخان!! الشاب: بتأمرني شي تاني معلم؟ قرب منه هارون بنظرة تهديد: إياك حدا يعرف هالعنوان.. أو يعرف أنك جيت لهون.. أنت فاهم؟ رد عليه بثقة : ولو معلم؟ أنت بتعرفني خبط على كتافه : كفو عليك.. يلا امشي ولا ترجع نهائياً لهون، وانسى أنك جيت أساساً غادر الشاب لما فتحت طرف الباب وتأكدت من مغادرته دخلت مباشرةً لغرفة شاهين وكان هارون عم يطمن عليه ويفحصه رفع راسه وشافها واقفة بطرف الباب: انتي شو عم تعملي هون؟ تاج: كيف صار؟ طمني قرب منها : امشي معي لرجعك لتحت تاج بصدمة: شو؟؟ هارون: بذكر أنك كنتي مربوطة صح؟ معناها المفروض تنزلي لتحت مكان مو تاركك شاهين تاج: أنت كيف بتسمح لحالك تعاملني هيك؟ مين أنت لترميني تحت؟ هارون: انتبهي لكلامك منيح، أنا لصبري حدود وقبل مايكمل كلامه وهو عم يقرب لعندها قاطعته بصرختها تاج: وقف عندك رافعة أمامه سلاح مابيعرف من وين ظهر تاج بايدي راجفة: إياك تقرب.. والله بقوصك ومابيرفلي جفن.. طلاع لبرا هارون: ليكي وليه.. لعب الولاد هاد مابيمشي معي.. نزلي السلاح احسنلك .. واضح أنك مابتعرفي تحمليه حتى بقوة ردت عليه: شاهين علمني والمفروض بتعرف شو يعني هالكلام.. وهلأ بكل بساطة فيني قوصك.. طلاع لبرا.. طلاع قرب منها لتمشي بسرعة بقرب شاهين تاج: إياك.. النار شعلت فيه مو قادر يكتم غضبه.. لكن متأكد عقابه من شاهين رح يكون سيئ لو بيلمسها بأذى هارون: والله مارح انسالك ياها، رح ندمك على فعلتك هي تاج بقوة اكبر: لبرا أول ماغادر الغرفة، ركدت و قفلت الباب بالمفتاح لترمي السلاح بالأرض بخوف واضح حرفياً كانت على وشك إطلاق النار على شخص، مجرد ماكان رح يبعدها عن شاهين ماكنت عارفة شو مصيرها بعد هالتصرف، لكن الشي الوحيد يلي طمنها، أنها صارت قادرة تبقى بقربه التفتت عليه وبدأت الراحة تتسلل لقلبها، قربت منه كرسي وقعدت جنبه مسحت على وجهه يلي اتحسن بشكل طفيف، شعور رهيب حسته داخلها، نايم أمام عيونها.. النار يلي كانت شاعلة الأيام الماضية.. خمدت فجأة مازال في القليل من الخوف جواتها من المستقبل، لكن وجوده مهون عليها مسكت ايده وهمست: شو يلي عم عيشه أنا ياشاهين؟ شي مستحيل صدق أنه يكون حقيقة.. هاد أقوى من الخيال، حتى بخيالي مافي يوم فكرت بهيك حياة.. وجودك بحياتي، خلّى الواقع أغرب من الخيال قربت ايدها وداعبت ملامح وجهه.. رموشه النائمة.. لمست الجرح يلي بطرف حاجبه تاج بهمس والبسمة مرسومة على شفافها: تمن القرب منك غالي.. بس حُبك وحنانك بيستاهل.. كلشي رح يتغير.. مابعرف كيف رح اتخطى كلشي حسيته.. بس متأكدة أنه عندك القوة لتنسيني شاهين.. لبينما تهدا والنار تطفى فيك رح يتحسن كلشي، عندي ثقة فيك وهاد اكتر شي صادمني من حالي مر وقت قصير ومانتبهت على حالها إلا وغفيت وهي حاضنة ايده بقوة خوفاً من أنها تخسره بلحظة … بعد منتصف الليل فتح عيونه بهدوء وتعب، مو قادر يتذكر شي .. حاسس بإرهاق رغم جسده الممدد أول شي لاحظه أنه هو بغرفته حاليا ليشعر بِـ دفىء طرف ايده، التفت وشافها غفيانة بقربه ومع كلشي عاشوه، لامست قلبه راحة غريبة،ابتسم بهدوء ورفع ايده التانية ليلامس راسها.. لحظة ومن بعدها تراجع قبل مايلمسها حتى استعاد ألمه، والصدمة اعتلت ملامحه تحرك من مكانه وصحيت أثر حركته تاج بقلق: شاهين أنت منيح؟ كانت نظراته بتعبر عن صدمته وكمية الاسئلة يلي براسه لكن الصداع يلي حسه لحظته افقده قوته ورجع تسطح تاج: بترجاك اهدا ماتتعب حالك جاوبها بنبرته الرجولية ولكن بصوت منخفض: شو عم تعملي هون؟ وأنا شو وصلني لهون كمان؟ شو صار؟ تاج: تمام أهدا ورح خبرك كلشي، بس لو سمحت شاهين مابيصير تتعب سحب ايده بعصبية وغصب حاله ليقعد مكانه بالرغم من كل التعب يلي حسه،شعر بثقل رهيب براسه مسك ايديها وتفحصهن: وين الحبل؟ كيف فكيتيه؟ ردت بحنية: ونحن تحت أنت اغمى عليك.. مابتتذكر؟ ماقدر يتذكر أي شي غير لما كانو عم يحكو مع بعض هز راسه نافي شاهين: ولا شي.. ماعم اتذكر.. طيب وكيف وصلت لهون؟ مين يلي طالعني؟ نزلت عيونها و حكت بتردد: هارون شاهين بصدمة :شوو؟ كيف بيجي لهون؟ تحرك من مكانه لكنها منعته: أنا اتصلت فيه شاهين سحبها من ايدها وقربها منه: كيف بتتجرأي ترجعي تعملي شي بدون علمي؟؟ جاوبت والدموع هوت مباشرةً من مقلتيها تاج: خفت يصير فيك شي وما أقدر ساعدك.. شاهين أنا كنت عاجزة تماماً ايدي ورجليي مربوطين.. كيف بدي صحيك أو أعرف شو يلي صار معك؟ماطلع أي فكرة بمخي غير أني اتصل بحدا، فتحت الموبايل وشفت اسمه تذكرت إنك بتثق فيه نبرة صوتها الراجفة اكدتله عمق وجعها، عيونها الحمرا حسسته بحرقة داخل عيونه وعلى الرغم أنه خوفها عليه شفعلها نوعاً ما، كمّل ملامه: تتصلي بحدا؟ بمين كنتي عم تفكري تتصلي؟ بالشرطة مثلاً؟ حطت ايدها على شفافه بقهر: معقول تفكر فيني هيك؟(ضمت وجهه)اهدا بترجاك حس بجسده رح ينهار من جديد وفوراً ساعدته ليتسطح شاهين بصوت متعب: وينو هلأ؟ تاج بارتباك: مابعرف شاهين : كيف يعني مابتعرفي؟ احكي شو خبصتي كمان حتى الكلام كان متعبه.. ألم شديد مرافق جسده وراسه قامت من مكانها وسحبت السلاح عن الأرض وقربت منه تاج : رح احكيلك بس اهدا لسا مااستعدت صحتك أنت، اغمى عليك.. اتصلت بصديقك الغ… قبل ماتكمل كلمتها اتطلعت بعيونه الغاضبة وابتلعت باقي حروفها تاج: الشرير.. يعني هو كتير عصبي، المهم طلعت وفتحتله البوابة ونزل ليساعدك، أنا والله طلبت منه يجيب دكتور.. شاهين معقول انتو منظمة وماعندكن طبيب سري يعني؟ زفر بضيق وحكالها: بالله عليكي بلا سخافتك هلأ وكملي رفعت حاجبها بنرفزة وكمّلت: عمل فيها الدكتور الخاص فيك وحطلك محلول وحكالي فيه منوم.. وأنا هون بصراحة خفت منه سحبها من ايدها لما جلّس قعدته: عملك شي؟؟ تاج بحروف سريعة: أبداً.. ليش بيتجرأ؟؟ رفع حاجبه باستخفاف تاج: هددته فيك.. يعني بشكل غير مباشر، وهو طبعاً ماقدر يعمل شي.. وبس لحتى ساعده فك الحبل عن ايدي شاهين: تساعديه؟ تاج: أي نعم ماقبل غير هيك،نرفزني كتير، شكله لحاله بيخوف..وجهه غريب و.. لاحظ كلامها الزايد يلي بدل على تحسن وضعها تاج: طلبت منه يطالعك لفوق.. جاب شخص ساعده شاهين بصوت عالي: كمان شخص تاني؟ لك انتو شو صار بعقلكن؟ جنيتو؟ أخد انفاسه بصعوبة لتقرب منه وتمسك ايده تاج: شاهين أنا عم اترجاك أنك تهدا مو وقت عصبيتك هلأ..بعدين و شو فيها؟ أكيد واحد من رجاله وهو واثق فيه.. شاهين أنت بتعرف الوضع تحت بهديك الغرفة أديش سيئ لصحتك اتطلع بعيونها ولمس صدق كلامها، حرّكت مشاعره بخوفها عليه من المكان يلي هو تركها فيه لأيام لكن الوسواس ماتركله فرصة يبقى مصدقها تاج: لما راح هاد الشب وجيت لعندك.. هارون قرر يرجع يحبسني تحت شاهين: أي؟؟ بس شايفك هون؟ تاج: عفواً؟؟ ليش بيقدر؟ رفعت السلاح بوجهه تاج: هددته وطردته من الغرفة وبعدها قفلت الباب، تحسباً لأي ردة فعل منه حكا بخيبة: يا أسفي عليك يا أسدي تاج: بالله جد؟ سحب من ايدها السلاح ليفتح المخزن: السلاح فاضي يا استاذة.. عم تحمي حالك وتهددي الناس بسلاح فاضي تاج بصدمة: شو هاد؟؟ كيف بتترك سلاحك بلا رصاص؟ شاهين:شو هالغباء؟ شو رايح عالحرب أنا؟ كنت منزله لخوفك فيه بس ردت بعبوس: أنت سيئ كتير على فكر اتنهد بتعب: تاج سكتي.. وقومي طلعي لبرا تركيني لحالي وقفت لترفض وقاطعها صوت خبطات عالباب بعد ماسمع هارون صوت شاهين هارون: أخي.. أخي قول لهالغبية تفتح شهقت تاج بغضب: لك سمعته؟ عم يقول عني غبية! قامت من مكانها بعصبية ليسحبها شاهين بسرعة من ايدها ويقربها عليه شاهين بنبرة تحذير: تاج.. اهدي ولا تجني، هاد الشخص مابيلتعب معه ماناقصنا يجن عليكي، مالي قدرة لوقف بوجه واحد منكن قربه منها ونظرته ألها افقدتها الذاكرة بقيت عم تطلع بعيونه، النظرة يلي ارجفت فؤاده..ماكان عنده طاقة لأي شي بهالحياة إلا لشعوره تجاها.. يلي بالغصب كتمه همست: معك حق.. هو مابيشبهك أبداً شاهين.. مستحيل الراحة يلي شفتها بعيونك من لما تعرفنا… غمض عيونه شاهين بغصة استعادها قلبه من جديد وحكا بكلمات متقطعة: سكري.. تمك ماكانت عارفة هالكلمات شو عم تعمل بروحه المنهكة ليقاطعهن صوت هارون:..عم قلك فتحي شاهين: فتحي تاج خلصينا مشيت من مكانها بتردد و أول مافتحت، رمقها بنظرة غضب و بعدها عن طريقه متوجه لعند شاهين: أخي.. انت منيح؟ طمني كيف صرت؟ شاهين بضيق: خلصنا يعني مامتت..شو صار؟ ‏hekaea_tna ‏#موعد_مع_خاطفي #الجزء136 شاف هارون السلاح عالسرير واتذكر موقف تاج قام بعصبية وقرب منها كتير هارون: هي المجنونة كانت.. قاطعه مباشرةً شاهين بصرخة سحبت كل طاقته، أول مالمح خوف تاج بعيونها وتراجعها للخلف: هارون.. بعد عنها ثبت هارون مكانه لما تاج ركدت لجنب شاهين شاهين: مابعرف كيف هيك صار.. بس كلشي انتها أنا هلأ منيح، وصار لازم تمشي أنت.. وبخصوص الشب يلي جبته بحاسبك عليه بعدين اتزورها هارون وجاوب: حاسبني على شو مابدك.. بس مستحيل اليوم اتركك لحالك، وضعك مابيطمن تاج بضيق: أي شاهين.. هيك احسن، مع إني مابفضل وجوده معنا بس شو منعمل مجبورين شد هارون قبضة ايده ليحكي شاهين: لك خلصنا أنت وياها.. راسي مو حامل صوت واحد ها تاج: فيك شي؟ ليكون الوقعة على راسك كانت قوية ولازم.. قاطعها شاهين: تركوني لحالي..بس هيك بدي، تتركوني بحالي وأنا رح كون بخير قرب منه هارون وبأيده كبسولة علاج هارون:شراب هي أول ،و لازم افحصك وبعدها بتركك ترتاح قربت تاج كاسة مي حتى يشرب الدوا، وبدأ هارون يفحصه على الرغم من تذمر شاهين تأكد من نبضات قلبه، السكري و ضغط الدم.. بحرفية اطمن على كلشي هارون: أخي الوضع احسن بشوي، بس مازال في خطر لأنك تقوم من السرير، لهيك لو سمحت تحمل شوي لتقدر تتخطى هالوضع تاج: شو يعني؟ هارون: يعني خليه يرتاح شوي وبيكفي توتر زفرت بغضب والتفتت ليطلعوا من الغرفة كانت عيونه عليهن.. عم يتطلع فيهن وكأنه عم يختار لمين رح ينده، ولمين هالكلمة لازم يحكيها يطلب من هارون أنه يمنعها تهرب؟ ولا يحاكيها إلها؟ تنهد بتعب ونده باسمها : تاج.. ثبتت مكانها ليكمّل: انتظري شوي رجعت لجنبه بنظرة انتصار لما غادر هارون والضيق بقلبه شاهين: تاج.. كلمة وحدة، بتبقي هون.. سامعة؟ إياكِ تجني ولا تعملي مصيبة جديدة.. مابتعملي أي شي بدون علمي فهمتي؟ قعدت بجنبه و ردت:شاهين بترجاك.. أنا كلشي عملته كنت عم فكر فيه بس لمصلحتك.. خفت اتصل بالاسعاف لهيك قلت بتصل بصاحبك الأقرب إلك.. ماهربت وأنت غايب عن الوعي معناها مستحيل أهرب وأنت صاحي حس بدوخة وماكان بدو يخوفها، لهيك بدو ياها تطلع بسرعة فتح شفافه ليحكي شي كانت شاكة شو هو لهيك قاطعته مباشرةً: ومو لأنك قادر ترجعني لعندك بسهولة إذا بهرب نهائياً..مو خوف شاهين، كل الموضوع أني مابدي اتركك… بس هيك بهالبساطة شاهين: مافيني صدقك تاج: تمام.. بعرف كذبتي مو سهل تغفرها.. بس سمعني عالأقل شاهين بتعب واضح: ماحكيتي.. بقيت حابسك أيام وماحكيتي.. لك انتي شو عملتي فيني تاج؟ انتي خليتيني أضربك وعذبك وهينك.. عارفة هاد شو بيعنيلي؟ تاج بقهر: لو تعرف أنت شو بيعنيلي شاهين: من الآخر.. هي الكذبة ماانتهت هون.. تركيني لفكر وبعدها منحكي سرح فيها للحظات.. مشاعر متخبطة داخله، للحظة اتمنى هالكذبة لو ماكانت.. ويطلب منها يحط راسه بحضنها ممكن يرتاح ويخف هالوجع الرهيب عرفت أنه ماعم يقدر يتخطى يلي عملته،لهيك قررت تنسحب من المكان قبل مايحكي شي يجرحها ويرجعوا لوضع (مين بيوجع التاني اكتر) بهالأثناء هارون وبعد ما فضوله أجبره يسمع شو رح يصير حكي بينهن، أسرع خطواته لتحت قبل ماتطلع تاج وقتها استحقرها اكتر والأفكار صارت تتردد براسه أخدت معها الأكواب وحاولت تنضف شوي من الغرفة قبل ماتنزل لتحت شافت هارون عم يرفع المكتبة عن الأرض ويحاول يرتب الصالة قربت منه وبعدته عنها: ماتلمسها هارون بقرف: عفواً؟؟ وشو خصك انتي؟ تاج: طبعاً خصني.. هي ألي ، ليك هارون أنت كفيت و وفيت بتقدر ترتاح هلأ ولا عاد تدخل بيني وبين شاهين هارون بغضب: ياريت انتي يلي ماتدخلي بيني وبين أخي.. هاد الشخص يلي فوق.. بيني وبينه سنين عم تفهمي؟ تاج: الموضوع ماخصه بالزمن.. الشعور الصادق أقوى من كل دقيقة بتمر علينا بهالحياة شاف بعيونها صدق ماكان متوقعه، نكره باستعلاء وتجاهل وجودها لما اتوجه عالكنبة وفتح موبايله توجهت عالمطبخ واستوقفها بكلامه: حضري شوربة لشاهين.. لازم ياكل أكيد من أيام مو آكل حتى صار فيه هيك بدون ماتطلع فيه جاوبت: بعرف يلي لازم اعمله بدأت بتحضير الشوربة وبهالأثناء عم تحاول تنضف المكان طلعت على غرفتها مجبورة، دخلت على الحمام لتستحم بماء دافي يريحها من آلام جسدها يلي خوفها على شاهين نساها ياهن لبست ملابس لتدفيها ورتبت شعرها، نزلت لتحت ،سكبت الشوربة ورجعت لعنده طرقت الباب بخفة ودخلت بهدوء تام فتح طرف عينه واشاح بوجهه عنها: مابدي آكل شي بس بدي ارتاح تاج: تمام.. بس لازم تاكل وبعدها رح بتركك صدقني شاهين: لاحول ولا قوة الا بالله ، ماتعصبيني تاج تاج: ماتعاند بهيك موضوع، أكيد مو حابب تبقى تعبان وماتقدر تعصب وتصرخ علي كل شوي، صح؟ رفع حاجبه بصمت رغم عنه سحبت الطاولة قريب من السرير وقعدت بقربه رفعت الملعقة لتمه تاج: اعتبرها مقابل الأيام يلي طعميتني فيهن عيونه علقت بعيونها : بس ماتفكري هالوضع بيغير شي بالحقيقة.. أو اهتمامك رح يحرك أي شعور سابق تجاهك ابتلعت غصتها ورسمت ابتسامة هادية على وجها وبدأت تلقمه بحنية ، وعيونه ماعم تفارق عيونها بيعرف حاله كتير منيح، واثق من قدرته على كشف كذب الانسان من عيونه وتصرفاته ليش شايف الصدق بعيونها؟ ليش خسر هي الميزة يلي بيمتلكها لحظتها تذكر شعوره تجاها.. وشعر كأنه الحب هو يلي عم يخليه يشوف هالشي نبضاته المتسارعة عم تدفعه ليرفع ايده ويلمسها، ماعم يقدر يشوفها بهالقرب ويمنع حاله عنها شعرها المبلول أعاد لذاكرته أيام مضت، ريحته يلي وصلت لأنفه أغرته.. حس لحظات ورح يكون غريق بحضنها، لكن قوة رهيبة استحضرها رغم عن كامل مشاعره تاج: هيك خلصنا.. صار فيك ترتاح قربت منديل ولامست شفافه بحنية، لكنه سحبه من ايدها وكمّل عنها شاهين: دخلي على غرفتك ولا تطلعي منها تاج هزت راسها بصمت وغادرت المكان دخلت على غرفتها لتحس بجبال تكومت فوق صدرها.. ضيق نفس رهيب حست فيه حطت ايدها على عنقها انسندت على الباب وخارت قواها لتقعد عالأرض تاج بوجع واضح: مافيني احمل كل هاد، والله مافيني شاهين.. والله إني بحبك ومابتحمل تعذبني هيك.. حاسة روحي عطشانة للمسة وحدة بس.. ارحمني وقفت بصعوبة و بخطوات متثاقلة توجهت لـ سريرها تاج: ليش ؟ ليش تمن الحب هالقد غالي؟ ليش مايكون اسهل ؟ ليش ماكنت بعرف أنه رح يصير هيك فيني؟ياريتني ماكنت كاتبة وتعرفت عليك بظروف تانية يا شاهين حاولت تتسطح عالسرير لكن في شعور سيئ ماعم يخليها تكون مرتاحة غادرت غرفتها متوجهة لعنده لما فقدت الأمل طرقت عالباب بدون ماتسمع جواب ودخلت لعنده غمض عيونه ماكان عنده القدرة يفتح معها أي نقاش ليمثل أنه غفيان قربت منه وقعدت بقربه تاج بهمس: شاهين غفيت؟ تأكدت أنه نايم،لامست ايده بحنية رفعتها بهدوء لطرف خدها غمضت عيونها من عمق شعورها وشوقها للمسته وهمست: بعرف هالأيد دافية.. مستحيل تكون بقساوة هديك الايد يلي كسرتني.. بعرف أنه في شخص تاني فيك مو انت يلي عرفتك شاهين.. بترجاك بيكفي غبائي ويلي عملته.. بيكفي أني أذيت وكسرت .. ماتكون متلي أنت كمان ..ياريت لو نقدر نمحي ذنوبنا أو نتراجع عنهن، ماتفكر الانسان سهل عليه يكذب وهو عم يتطلع بحاله بالمراية.. لما بيكون انسان بيكره الكذب وبيكره هيك يكون، بس في شي جبره يعيش هي الظروف.. بيصير بيكره حاله غصت بدموعها وسكتت للحظة بعدها كمّلت: لو كانت كل حياتي كذبة (كل حياتي)، مارح يكون في صدق فيها غير عشقي إلك شهقات بكاها اسكتوها، وماقدر يتحمل يسمع منها اكتر، ماتقبّل كلماتها يلي لامست عمق فؤاده تخفف شعور الغضب يلي جواته اتحرك من مكانه لما سكتت مباشرةً و فتح عيونه لتترك ايده بهدوء شاهين بنبرة ناعسة: مو قلتلك ضلي بغرفتك؟ هزت راسها برفض: ماقدرت.. فيها شي بشع كتير ماتحملته.. عم اختنق فيهفيها .. خليني ابقى هون أو بنزل للصالة شاهين: لا ماتنزلي.. إذا بدك تبقي هون.. مابدي اسمع ولا حرف.. تمام؟ هزت راسها بالموافقة.. وتوجهت عالكنبة قررت تتركه يرتاح وماتدايقه اكتر، لتنتهي ليلتهن لحد هاد الوجع ……. قبل ماتشرق الشمس، سمعت أنين صادر منه، تحركت بسرعة من مكانها وتوجهت لعنده تاج بقلق: حبيبي!! أنت منيح؟ رجفته حسستها بخوف اكتر لما قربت ولامست وجهه ولسعتها حرارته جفلت مكانها وحكت بصوت اعلى: شاهين رد عليي! شاهين بحروف شبه مسموعة: برد.. بردان قربت منه بدون تردد وضمته بقوة وهي عم تحاول تدفيه تاج: انت عم ترجف شاهين.. ياربي دخيلك شو يلي عم يصير رفعت راسها واتطلعت حوليها باحثة عن أي شي تعمله، جابت بطانيتها وحطتها فوقه وتوجهت عالباب مباشرةً ومن اعلى السلّم بدأت تصرخ عليه تاج: هارون.. هارون صحي من غفوته و وقف أمامها بالرغم من تعبه الشديد يلي اجبر جسده يختل هارون بقلق: شو صار؟ وقبل ماتوقع عن آخر درجات السلّم ثبتت خطواتها،شاف بعيونها خوف أكدله في شي صاير مع شاهين تاج بحروف متلعثمة: شاهين.. شاهين حرارته كتير مرتفعة وعم يرتجف، عميل شي بترجاك قربت ايديها منه وكأنها عم تتوسل المساعدة منه هارون: تمام تمام خلص اهدي، رح شوفه سحب شنته من الأرض وطلع لفوق وهي من خلفه تاج: صحيت عم اسمع صوت انينه، ندهتله وماجاوب.. هو نام وماكان فيه شي .. شو يلي عم يصير معه دخلوا عالغرفة مع بعض وبسرعة بدأ هارون يفحصه هارون بقلق: حرارته مرتفعة كتير رفع عنه البطانية بسرعة هارون: ساعديني تاج لازم حطه تحت مي دافية قربت منه لتحاول تساعد هارون و رفعوه من مكانه، قدر يوقف بصعوبة شديدة هارون بتعب: لك شو صرلك ساعدنا شوي رح نوقع كلنا صحصح تاج بعصبية: أنت واعي أنك عم تحكي مع انسان مريض؟ هارون: لا إله إلا الله ، اللهم الصبر بس كان عم يميل عليها لدرجة كانت رح توقع لكنها قاومت وأخيراً دخلوه الحمام وقعدوه بالأرضية هارون: جهزيله ملابس لبينما طالعه كانت واقفة بمكانها جامدة وكأنها بعالم تاني سارحة فيه والخوف عم يسري بين ملامحها هزها من طرف كتفها هارون: لك شو صرلك؟ طلعي لبرا تاج بهمس مرافقه الخوف: رح يكون منيح؟ صح؟ هارون: أكيد.. انتي صحصحي معي وطلعي لبرا سحبها لبرا الحمام وسكر الباب وبدأ شاهين يصحصح بسبب الماء شاهين بتذمر وكلمات بطيئة: لك شو عم تعمل..!! هارون: أخي .. سامعني؟ شاهين بهلوسة: هارون!! بعد دقائق طالعه وحطه عالسرير وكانت تاج برا الغرفة ناطرة انتظرت وقت وبعدها طرقت عالباب تاج: هارون.. لك شو صار معك؟ فيني ادخل؟ هارون: تعالي دخل لعنده وهو عم يلبسه البلوزة قربت وحطت ايدها خلف ضهره وساعدته ليتسطح حست بايد شاهين صارت خلف ضهرها وبهمس حكا: تاج.. انتي هون ردت بلهفة: هون ياقلبي.. أنا بجنبك تراجع خطوتين هارون عم يتابع يلي صاير بصمت كرر اسمها اكتر من مرة وحكا بالأخير همس بقربها : تاج..ماتهربي بقي متمسك فيها بضعف قوته بين الوعي واللاوعي انحنت فوقه بعد ماسطحته وبدأت تمسح على وجهه بحنية ودموعها بعيونها تاج: أنا بجنبك حبيبي.. لو شو ماصار مابتركك.. مارح أهرب شاهين صدقني بترجاك حضنت ايده وفتحت الكف لتطبع فيه قبلتها وبعدها حطتها على خدها لتحس بدفاها كانت نظرات هارون متفاجأة.. واضطر يقاطع يلي عم يصير هارون بحروف متحفظة: بعد شوي لازم اعمله كمادات.. حالياً بس رح أعطيه هي الحبة تاج: بس هو مو آكل شي هارون: مابيأثر ماتخافي قرب منه ورفعله راسه تاج: انا بشربه اتنهد هارون بتعب منها، لما شربته الدوا والمي.. رجع سطحه هارون هارون: روحي نامي بالغرفة التانية وأنا ببقا هون قامت وقفت أمامه وكأنها ناوية على مشكلة جديدة بعد ماحطت البطانية على شاهين ومازالت ايدها اليمين بايده رفعت ايدها التانية بوجه هارون مُشيرة بسبابتها تاج: مافيك تأمرني.. سمعت هو شو حكا؟ هو حكا بده تاج.. يعني أنا.. لهيك مابتركه لو شو ماصار.. وهلأ لو سمحت إذا بتخاف عليه عنجد، طلاع وتركه يرتاح زفر نفسه وهو عم يراقب صديقه وغادر الغرفة بدون أي كلمة تانية ... بقيت بجنبه لوقت طويل، لبينما تأكدت حرارته ماعاد ترتفع وهارون كل شوي يجي يطمن عنه حضرتله وجبة فطور وطعمته ياها على الرغم من رفضه كان في شي عم يمنعه التمرد عليها..يمكن تعبه أو يمكن شعور لطيف عم يحسه وهي قريبه منه واهتمامها فيه كل هاد كان عم يحاول ينكره.. إلا اللهفة الصادقة يلي بعيونها، زعزعت أركانه عدت ساعات وهو مو قادر يغادر فراشه ، وكان نايم أغلب الوقت سامح لتاج تبقى عم تراقبه بهدوء غارقة بخيالها همست وهي عم تراقب ملامح وجهه والابتسامة مرسومة على شفافها: أنت أصعب شخصية عاجزة عن كتابتها شاهين.. يمكن لأنك غير قابل للكتابة من الأساس ... بقائها أغلب الوقت بقربه مامنع هارون يبقى يراقبها عن بُعد متعمق بتفاصيل علاقتهن الأغرب على الأطلاق ومن خلال معرفته بصديق عمره، اعترف هارون لنفسه أنه هي المرة الأولى يلي بيشوف شاهين بهيك حالة من المشاعر انتهى يوم جديد، خافي بين طيات سماءه المظلمة ونجومه المضيئة لحظات مكتوبة بقدرهن غير قادرين على الهرب منها #غداً_نلتقي💙 *يـــــــــ͢ـོ͓ـــتبــــــــــــــོـ͓ـــ͢ــ؏* ➖➖➖➖➖➖➖➖➖ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h```