الفصل 15
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵موعد.مع.خاطفي.tt* ♥️🙈
*❴🔢❵☟الـــبـــــــــــ❴5️⃣1️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
[#موعد_مع_خاطفي
#الجزء_الخامس_عشر
أغلق الباب بعصبية وقفله عليها
ليسود العتم بالمكان
همست بتعب: شاهين!!
حطت ايدها على راسها،وحست بالدم النازف من جبهتا
نزلت ايديها بعدها وصارت تتلمس الأرض ، مو قادرة تشوف أي شي..زحفت لتلاقي جدار تنسند عليه
وأخيراً لمست ايدها الجدار، وصلت لزاوية الغرفة
قعدت ومالت راسها على طرف
يلي بشوفها بهالصمت القاتل مابيقول غير أنها مجردة من الاحساس
ماحدا بيعرف شعورها، وين وصلت؟ شو رح يصير؟ حتى هي ماكانت عارفة تسأل أو تجاوب.. مصيرها صار بأيد خاطفها
…
طلع عالسلم عم ساحب خذلانه وضيقه خلفه، حاسس بصقل رهيب بجسده، سحب علبة سجائره من جيبته وشغل وحدة والتهمها بشراهة
وقف بنص الصالة وصدره عم يعلى ويهبط.. اتلفت حوليه عم يتذكر كل لحظة عاشوها سوا بهالمكان
مسح على وجهه بغضب.. حس عيونه يغشى عليها للحظات
انحنى ظهره للاسفل لما حط ايديه على ركبه.. اختناق مزعج داهم صدره
رجع وقف بصمود يعاكس انهياره الداخلي
اخد نفس وراه نفس من دخانه.. لبينما خلصها، وطفا جمرتها بكف ايده
فجأة صدح صوت صرخته يلي زلزلت المكان، ركد على مكتبها المتموضع في ركن بهي الصالة وبقلبه نار متمني يولع فيها كلشي عم يشوفه أمام عيونه
مد ايديه فوقه و رمى كلشي موجود فيه على الأرض بقهر
التفت عالكرسي وشاله بين ايديه و رماه بقوة عالأرض ليصير شقفتين
انتفضت عروق وجهه وايديه.. صار وجهه أحمر متعرّق
رجفة داهمت جسده المتين
شاهين بصراخ: حرقتينيييي .. حرقتيني والله لاحرقك.. والله لاحرقكك
سمعت صرخات بعيدة لتنزل راسها بحضنها وتحط ايديها على آذانها ، سرت قشعريرة مخيفة بجسدها لحظتا
توجه لمكتبتها الصغيرة و وقعها بقوة عالأرض لتندثر رواياتها وحدة خلف التانية
حكا بتوعد: ماعاد ارحمك من بعد اليوم.. رح أرجع متل زمان، ماحدا بيستاهل نكون مناح.. ماحدا
بقي عم يتابع منظر الدمار أمامه للحظات، وكأنه نقطة ببحر الدمار يلي داخله
مشي بخطوات بطيئة متعبة،، وطلع للاعلى ودخل بعدها على غرفته
قعد على طرف السرير وجسده عم يرتجف بالكامل
لحظتها شاف ايده يلي كلها دم بسبب الطاولة يلي كسرها
شاهين بصوت مبحوح: بكرهك.. بكرهك
قام من مكانه ودخل عالحمام، شغّل المي الباردة ونزل لتحتها بملابسه
كان رايد أي شي يطفي النار يلي عم تشعل فيه، لكن للأسف ولا شي كان قادر يهديه
…
أما عندها.. ماعرفت من وين أجاها النعاس فجأة، نعاس رهيب لأول مرة بحياتها بتحسه
رمت جسدها عالأرض الباردة وتكومت على نفسها، ارتجف جسدها واستسلمت للنوم مباشرةً وكأنها عم تهرب من قدرها
#سارة_العلي💙
تمنت لو من بعد نومتها ماتصحى، تدخل بغيبوبة لعدة أيام.. ممكن وقتها يكون هدي ويقدر يسمعها
…
طلع من الحمام وبدل ملابسه ومازال عم يراقب ايده
مافي فائدة.. حتى المي المتلجة ما أثرت فيه، لسا النار جواته
فتح الخزانة ليشوف صندوق أسود مقفول.. بيتذكره كتير منيح.. بيتذكر آخر مرة قفله وحكا ماعاد يستخدم أدواته
فتحه لتظهر أمامه عدة تعذيب كان يستخدمها قبل
حالياً مارح يحتاج منها غير الحبل، مسكوا وطلع من غرفته ونزل لتحت
قبل ماينزل الطابق الأخير لعندها، سحب كرسي ونزله معه
انفتح الباب فجأة وشغل الإضاءة ب كبسة خارج الغرفة
كانت إضاءة خفيفة جداً ويادوب شافها مكانها
قرب منها اكتر ونده: انتِ!! قومي لشوف
ماكان في إجابة منها، مد رجله ولكزها بطرف كتفها
شاهين بصراخ: عم قلك اصحي
فزعت مكانها وانسحب جسدها المتجمد وقعدت
رفعت راسها لتشوفه، رمى اللفافة يلي كان عم يشربها ونزل لعندها ليسحبها بقوة من شعرها
حست للحظة رح ينتزعه من مكانه.. ألم رهيب غرز بقلبها
عضت على شفافها حتى تقدر تكتم وجعها وماتصرخ
اجلسها على كرسي متوسط عالغرفة ، ربط ايديها للخلف ، ورجليها بأطراف الكرسي السفلية
شد بقوة خلتها تحس بتنميل بأطرافها للحظات قليلة
عم يكتم جواته مشاعر متخبطة.. غرقانة بخذلان دامي.. تصور هالشعور على شكل غضب مُهلك
أخد نفسه وحكا: تمام.. وهيك رح نكمّل من هداك اليوم..مافي شي ورانا.. والأيام يلي روحتيها عليي وماخليتيني استمتع بتعذيبك، منعيدها هلأ..وانتي إذا حابة تكفي بروايتك.. رح اعطيكي أفكار جديدة .. بيطلعلي عندك وحدة صح؟
اتطلعت فيه حاولت تشوف ملامحه.. ماشافت غير عيون شرسة نواياها الشر
بدأ يلف حوليها لتحس بتوتر اكتر، فجأة خبط على اكتافها بقوة مؤلمة
شاهين: انتي ذكية كتير، يعني إذا الواحد ماعاش الشعور كيف بيقدر يكتبه؟ قُرّاءك بينحسدوا عليكي.. ليكي كيف رميتي حالك للخطف بس كرمال تكتبي، ليكي..كتبيلي هاد لشوف..
ليصدمها بصفعة على خدها كانت رح توقعها مع الكرسي للجهة التانية وفوراً مسكها
صدح صوت صرختها يلي ماقدرت تكتمها لحظتا
شاهين باستهزاء: كتبتيه؟؟(كمّل بصراخ) كتبتيه ولا لا؟سجلي بمخك صوت الوجع(خبط بايده على راسها).. الاحساس كيف بيكون.. الصدمة، لأنه رح ننتقل على فصل جديد.. ومشهد تاني بعدها
بدأ صدرها يعلى ويهبط… عيونها ثابتين جوا عيونه، مابيعرف من وين جابت هالجرأة!!
مع أنه أقل شي كان متوقعه..تبدا تترجا فيه حتى يرحمها.. كان ناطر يستلذ بكلمته المعهودة..(مارح أرحمك)
قرب منها وهو مقابلها..
#سارة_العلي💙
مد ايديه التنتين ليجمع شعرها ، استغربت حركته ولحظتها انسحب راسها للخلف بقوة بدون سابق انذار
جمع شعرها بكف ايده وقرب ليهمس بأذنها
شاهين: ماعرفتي تختاري حدا غيري؟ لك مالقيتي غير أنا؟ ماسألتي عني قبل ما تتجرأي وتعمليها؟
دفع راسها لما ترك شعرها و وقف بشموخ: بس ماصار شي.. أنتي خترتيني.. قدرك ساقك لعندي.. وأنا رح قوم بالواجب
بخطوة وحدة قرب منها لتفزع مكانها حاولت ترجع بجسدها للخلف لكنه مسك فكها السفلي بسرعة وسحبها لعنده
حست وكأنه رح يقتلع راسها بقوته هي..غرز أظافره ببشرتها المتجمدة ، وصار وجهه قريب منها لدرجة أنفاسه الغاضبة لفحت وجها
حكا وهو صارر على اسنانه: والله لندمك على الساعة يلي فكرتي فيها تكوني كاتبة.. والله لاحرق ماضيكي وحاضرك ومستقبلك .. وبتشوفي.. غبية
حس بـِ أنين خفيف عم تكتمه أثر وجعها ليسحب ايده عنها بغضب ويلتفت حتى مايشوفها
شبك ايديه على راسه وصرخ بقوة : لك غبية..
غمضت عيونها بألم رهيب.. حست بوجع عم يطحن براسها وعيونها عم يحرقوها بقوة
انسحب من المكان ورجع قفل الباب عليها اتنفس بصعوبة رفع ايده ليلامس عنقه
حاسس بغصة عم تخنقه، مقهور من نفسه.. مقهور أنه ماعم يتحمل هالوجع كله.. أو حتى حاسس فيه
سند ضهره عالباب بجسد منهك،وسقط عالأرض وأنفاسه متسارعة
…
ثبتت مكانها بعد ماطفيت الإضاءة عنها.. عتم.. صمت رهيب مخيف.. برد قاتل
ماكان في غير صوت طنين براسها مابتعرف مصدره
نزلت دموع يتيمة على خدودها.. بدون أي ملامح بدون أي شعور.. جسدها عم يتجاوب مع صدمة بس من داخلها مو قادرة حتى تفكر عقلها واقف بشكل تام
طلع على الصالة ورمى جسده المتعب عالكنبة .. وبدأ حربه مع الدخان، وكأنه النجاة لحتى يفرغ يلي جواته
يحرق وحدة ورا التانية لخلصت العلبة كاملة
كان مستغرب صمتها، مستغرب برودها.. أو حتى حارقه برودها.. نظراتها الغبية..مو قادر يفهم كيف متقبلة كل هالضرب وهي راضخة
تسطح مكانه وماعرف كيف استسلم للنوم بعد ساعات طويلة من القلق
…
بمكان بعيد عن المزرعة
قضت أروى ليلتها والقلق عم ياكلها..
رايحة جاي بغرفتها عم تقضم أظافرها و تحاول تتذكر يلي سمعته.. تذكرت أنه كان في صوت طرقات على الباب
مو قادرة تتأكد لو كانت طرقت ولا تخبيط.. بس سمعت تاج حكت اسمه وانقطعت المكالمة
أروى بخوف: ياترى بس كانت عم تقلي أنه اجا؟؟ معقول سمعها؟ مستحيل هي مو غبية لحتى تكشف حالها بهالبساطة.. مو أول مرة بتتصل فيني من موبايله كمان
استرجعت ذاكرتها قبل بكم يوم لما اتصلت فيها تاج وعم تطمنها عنها
#جروب قصص على مر الزمان 💛
وأوقات كانت تكتفي برسالة بعدها تحذفها
فتحت أروى موبايلا واختارت اسم(طارق)
أروى: ياترى لازم خبره؟
فجأة بتتخيل صوت تاج يوم كانوا عم يخططوا للموضوع
(تاج: اياكي أروى.. إياكي تحكي شي لطارق.. وعديني بحق الصداقة يلي بيننا ماتحكي )
أروى: ااخ تاج.. ااخ شو عملتي بحالك وفينا
راحت لتتسطح وبقيت ساعة عم تتقلب بسريرها وماقدرت تغفى
رجعت اختارت رقمه واتصلت
طارق: ألو!!
أروى : كيفك طارق؟
طارق بنبرة مريحة: لك ياأهلااا.. عاش مين سمع صوتك!! شو الأخبار؟
أروى بغصة عم تحاول تكتما: منيحة وانت؟
طارق : وأنا منيح.. يعني والله عتبان عليكي قد الدنيا، معقول من بعد ماسافرت تاج ولا انهار فكرتي تحاكيني.. يادوب بتجاوبي على رسايلي
أروى: حقك عليي بس والله مشغولة شوي
طارق بفكاهة: لا لا ماتتحججي عارف أنه الغلاوة كلها لتاج..طمنيني قدرتي تحاكيها؟
أروى: لا ، خبرتك أنها طلبت تبقى لحالها يوم ودعتني.. وقالتلي بس يتحسن وضعها بتحاكينا.. أنا كنت عم اطمن عليها من البنت يلي ستأجرتلها البيت من عندها، عم تقلي أمورها تمام
طارق : أي منيح، على فكرة أنا فرحت وقت اخدت قرار السفر، بس يارب يجيب نتيجة
أروى:…
طارق بقلق: ألو؟؟ سامعتيني؟
بنبرة قهر بترد: أي..
طارق: شبك أروى؟ صاير معك شي؟
بقيت ساكتة للحظات وكمّل : أروى إذا صاير شي خبريني برجع فوراً
أروى: لا لا طارق ماتترك شغلك سفرتك هي مهمة، بس هيك أنا مستفقدة لكلشي هي الفترة، تاج وانت.. وعم فكر فيها كتير يارب تقدر ترجع تكتب
طارق: معك حق انتي كمان بقيتي وحيدة.. ليكي باقيلي شي أسبوع ورح أرجع.. رح ابقى حاكيكي كل يوم بس بتردي علي اتفقنا
أروى: تمام.. اتفقنا، بعتذر اتصلت بهيك وقت.. منحكي بكرا
طارق: ولو !! انتي بتتصلي ايمتى مابدك .. منحكي
انتهت مكالمتهن لحد هيك.. سكرت موبايلا وسحبت البطانية لفوق راسها والدموع بعيونها
واستسلمت للنوم بعد عناء شديد
….
أشرقت شمس يوم جديد، ماكانت سعيدة.. حتى العصافير ما كان ألها صوت بهاليوم.. كأن الحزن انتشر بالكوكب كله
صحي من نومته و أول ماحاول يتحرك حس بألم شديد بكل عضلات جسده، وبدأت ذاكرته تستعيد الليلة السابقة.. الليلة المشؤومة،توجه للمطبخ وفتح علبة دخان جديدة وعليها بدأ يومه
عمل قهوة وشربها والأفكار ماعم تنتهى..
رجع للكنبة وقعد ..كل مايشوف زاوية بهالمكان.. ترتسم ضحكاتها بوجهه
عم يتذكر كل لحظة عاشوها سوا وينكرها.. يزيد حقده عليها اكتر
لحظة ورا التانية الغضب رجع لقلبه بقوة اكبر
وبدون أي شعور صحي على نفسه لما اتحطمت الكاسة يلي كانت بايده
انتفض من مكانه وتوجه عالمطبخ ، غسل ايده و سحب قارورتين ماء ونزل لعندها
فتح الباب، والغريب أنها ماحست
على الرغم أنه في نافذة صغيرة قريبة من سقفية الغرفة المتجمدة، داخل منها أشعة الشمس مع ذلك كانت غرقانة بنومتها.. وكأنها مو حابة تصحى نهائياً
مايل راسها لطرف.. واضح من لون بشرتها البرد نال منها
حرّك شفافه لينده عليها.. وماقدر ينطق اسمها ولهيك.. فتح القارورة وبدون تردد أراق الماء عليها
ارتعشت مكانها بفزع واضح وكأنها عم تغرق
شهقت بخوف وجلست قعدتها
شعرت بألم رهيب برقبتها وظهرها وكأنها غير قادرة على تحريكهن
استغرقت لحظات قليلة لبينما استعادت ذاكرتها وهي اللحظة رجعت ارتخت أطرافها وسندت ظهرها على الكراسي
شاهين بسخرية: بلاقيكي نايمة ومرتاحة.. قولك مابينفعك الدلال.. كان المفروض من أول يوم عرفتك ارميكي هيك رمية
مع كل هالبرد والمي يلي غرقت ملابسها حست البرودة عم تخترق عظامها
ومع هيك ملامحها ماكانت بتدل على أي شي ولا عن تطلع بعيونه
حكا وهو صارر على اسنانه: اتطلعي فيني هون..
ماردت عليه لما هجم عليها وسحبها من فكها
شاهين بصراخ: لما بحاكيكي بتطلعي فيني.. فهمتي؟
اتطلعت فيه بصمت قاتل، ليشوف أطراف اظافره منقوشة على طرف خديها من الليلة السابقة
ازدرد ريقه وصمت للحظة بعدما أشاح بنظره عنها
رمى كل مشاعره عرض الحائط واسترد نظرة الكره بعيونه
شاهين: انتهت الخدمة عنا، ماعاد في غير المي..أكل مافي، وهنيك في حمام خلف هاد الجدار.. بس حاولي تعيشي يومك كله الصبح لأنه بس غابت الشمس.. رح تقضيها بالعتم متل مبارح.. بلكي الظلام بيحسسك بسواد قلبك الأناني
حست بلجام النار عم ينقش تشوهات على جسدها أثر كلماته
بعد ماانتهى من كلامه رمى بحضنها قارورة المي
صار يروح ويجي أمامها لدقائق بعدها التفت عليها وحكا بنبرة مرتفعة هزت أراكانها: لك شو هالبشاعة هي كلها؟ لك كيف هيك ماكنت شايف حقيقتك؟ تمثيل وكذب .. لك كلشي كان مخططله بحذافيره.. وصدقيني ألك وعد مني، أنه كل رح تدفعي تمنه، عن كل يوم..وكل دقيقة عشتيها معي
مشي لعندها بخطوات متسارعة وانحنى لعندها: على كل شعور عيشتيني ياه.. رح بكيكي دم يا..
وقفت حروفه غصة بحلقه لما ماقدر ينطق اسمها.. وكمّل: ياكذابة
كان ناطرها تحكي شي بس ماحكت، بعيون عم تلمع أثر دموع مكتومة وراسها يلي الرجفة موافقته أثر تماسكها الرهيب يلي عم تعيشه
قام متوجه عالباب وهو عم يحكي بنبرة قاسية:
شاهين:بتموتي ، بتعيشي.. بتمرضي بتنوجعي ماعاد يهمني.. النار يلي فيني رح احرقك فيها كل يوم.. كل يوم.. لحتى تخمد.. اتحملي نتيجة كذباتك
قفل الباب بقوة ولحظتها اخد نفسه
تسرعت نبضات قلبه من الغضب يلي ماكان يخف ولا لحظة
واتوجه فوراً لفوق
اتطلعت حوليها بهالمكان يلي قدرت تشوفه بفضل إضاءة الشمس
لحظة ورا التانية حست النار ولعت فيها.. نزلت دموعها بغزارة وبدأت تتحرك عالكرسي لتعلى أطرافه عن الأرض وتخبط بسرعة
صدرت آه من حنجرتها يلي خذلتها.. ومنعتها تنطق بأي حرف
ماكانت قادرة تدافع عن كرامتها.. يلي قبل ماحدا يهينها، هي ذاتها تناستها يوم قررت تقدم على هيك فعل
ماكانت قادرة حتى تلومه أو تحكي (لأ) ولا قادرة تبرر بأي حرف.. ماكانت شايفة غير شي واحد وبس.. شاهين يلي كان عنده استعداد يبيع الدنيا كلها من أجل رضاها.. وغيّر من نفسه .. رَجُل مُدرك، ناضج .. قرر يغير حاضر ملوث بماضي أسود.. فقط لأجلها
ماكان عندها غير حل واحد فقط.. تعطيه حقه بثورانه ..تعطيه الحق يثأر لرجولته..للحد يلي هو بيختاره
كان الألم عم ينهش بجسدها نهش.. بدون مايظهر على ملامحها كمية هالوجع
راسها رح ينفجر، معدتها عم تحرقها متل النار.. وغصة وسط صدرها ماعم تفارقها
وأطرافها شبه مشلولة..حتى عظامها يلي حاضنة فؤادها بدأت تناجي بألمها
….
ماقدر ينكر الرغبة يلي جواته، بدو ياها تحكي أي شي.. تترجاه تتوسل أله ، تبكي.. كان محتاج يشوف خوف بعيونها لكنها حتى هاد الشعور حرمته منه.. ليتأجج الغضب داخله بزيادة
مصدوم فيها كيف قادرة تتحمل هالقد..و وقتها شعر كأنها دخلت بكذبة جديدة وتمثيلية جديدة
ماقدر يصدق حتى أنها واقعة بصدمة مخليتها تفقد أي شعور
…
مرت الساعات و ساد الظلام بهالدنيا
التفكير عم يطحن براسه بقوة.. لا قدران يشوفها ولا قدران يتركها بحالها
جهز طبق فيه أكل ونزل لعندها
شغل الإضاءة وفتحت عيونها لحظتها ، واستعدت لقدومه
فتح الباب ودخل لعندها بخطوات بطيئة
اتطلعت على ايديه و شافت الأكل
بنبرة قاسية حكا: ماتفكريني تراجعت عن كلامي.. وقت يلي بدي بس بجبلك الأكل.. مابدي ياكي تموتي قبل ماعيشك العذاب يلي متمنيه ألك
طعنات عم تحسها داخل قلبها.. عم تتحول لوخزات مؤلمة..غمضت عيونها للحظة ورجعت اتطلعت فيه
حط كرسي أمامها ورفعلا كاسة العصير
بابتسامة ساخرة: شربي.. بتفيدك لتتذكري يلي عم يصير معك، حتى إذا كتبتيه بروايتك
ازدردت ريقها بقهر
لحظتها شاف القارورة مازالت بحضنها
شاهين: أووه..نسيت أني ربطت ايديكي ومارح تقدري تشربي لحالك..يلا ماصار شي، تشربي؟
#سارة_العلي💙
نزل الكاسة والطبق على الأرض وفتح القارورة.. كانت حاسة بعطش شديد.. وحلقها ناشف تماماً
قربها منها وانتبه كيف عم تزدرد ريقها من عطشها ناطرة المي توصل لشفافها، رفع حاجبه باستهزاء وحطها على تمها
أول مالمحها شربت مرتين والتالتة سحبها عن تمها وأفرغ الباقي بوجها
انتفض جسدها بفزع ورجعت للخلف
صوت أنفاسها عليت وماعاد اتطلعت بعيونه
شاهين: لتصحصحي شوي بس
رفع من الطبق بعض الطعام بالشوكة وقربها من تمها
شاهين: فتحي تمك..
استدارت للجهة التانية حاسة معدتها رح تفرغ كلشي فيها مجرد شافت الأكل
صرخ فيها لتجفل مكانها وتطلع بعيونه
مسكها من زندها بقوة.. وكأنه رح يقضم من طرفها بأصابعه
شاهين: شو عم العب معك أنا؟؟ حركات الدلع ماعاد تفيدك.. كلي عم قلك
فتحت تمها ليحط اللقمة فيه وتلوكها بغصة واضحة على وجها.. ودموع استسلمت ونزلت بهدوء
تتالت لقمات قليلة ونظرات الغضب ماعم تغيب عن وجهه
حاسس بغصتها كل ماتبتلع لقمة تلاقي صعوبة، انتبه احنجرتها وهي عم تتحرك ببطئ
سارعت قبضة ايده لرقبتها بعد ما ابتلعت آخر لقمة وضغط عليها بقوة لتفتح عيونها المصدومة
شاهين: خبريني شو عم يوجعك؟ ماعم تقدري تاكلي؟ عم تحسي بغصة بحلقك؟ قوليلي يلا.. اتطلعي بعيوني وخبريني عن ألمك الحالي.. نفسك عم ينقطع؟ عم تحسي باختناق؟ قلبك عم يستنجد ومحتاجة اوكسجين(كمّل بصراخ) لك انطقي
اتبدل لون وجهها للأحمر لما حررها من ايده بغضب..بعد ما ترك بصمته مكان عنقها.. ونقش آثار الدماء بفعل اظافره
شاهين بغضب: اختنقي.. مارح اسمح لحالتك تكون أفضل من حالتي
بحركات قاسية فك أقدامها وايديها، وغادر الغرفة وهو عم ينطق بحروف متسارعة: شوي ورح ارجع اجي لربطك..
سحب الطبق من الأرض واتوجه بخطوات سريعة لخارج الغرفة..
أول ما قفل الباب سقط الطبق من ايده لترفع راسها بفزع وتنده باسمه
تاج بلهفة: شاهين!!
الغصة رافقت قلبه ليهرب راكد للطابق العلوي
…
أول ماوصل لغرفته.. التفت وشاف باب غرفتها المهجورة، الغرفة يلي شهدت على لحظات حبه ألها.. ولحظات خذلانها أله
أقدامه سحبته لعندها وكأنه فقد السيطرة على نفسه
الشبح يلي ملازم صدره وعم يضغط على قلبه بقبضته القوية
مسكه من ايده وسحبه لهالمكان بالذات.. لحتى يضاعف ألمه
وقف عند الباب وهو عم يطالع المكان برهبة
التفت لكل زواياها..
شعلت النار بقلبه لما شاف سريرها
اتذكر اللحظة يلي سطحها عليه وانحنى فوقها.. وكأنه الشعور ذاته دخل قلبه.. للحظة تخيل عيونها يلي كانت عم تشع بالعشق الملتهب
فجأة بيلتفت لباب الشرفة ليلمح خيالها وهي ماسكة موبايله
تبخرت نظرتها العاشقة من خياله وتحولت لنار وكره
دخل بجسد مهدود عم يستند على طرف الجدار
ليلمح طيفها وهي بين ايديه عم يرقصوا على كلمات الحب رقصتهن الأولى
اعتصر فؤاده شعور الخيبة والخذلان.. كانت خدعة!!
متل وكأنه بكابوس مو قادر يغادره
انحنى على سريرها ليسحب البطانية بغضب ويصرخ بقوة ويرميها عالأرض
شاهين: لك ليش لييش!!! ليش عملتيها ليش؟؟
خارت قواه وسقط على السرير .. تصاعدت انفاسه اللاهثة
لتفاجئه رائحة عطرها العابق بوسادتها
رفع نظره ولمحها بطرف راسه
اتخيلها للحظة بابتسامتها يلي كانت قادرة على تبديل كل شر جواته وتحوله لطمئنينة رهيبة
ماكان متوقع للعطر ذاكرة خاصة فيه، بتوقع القلب بهلاك
فجأة داهمته كل ذكرى حضنها فيها وريحتها علقت بملابسه..أو حتى قعدت بجنبه لتهب نسائم لطيفة منها و تسكن بِ فؤاده
اللحظات يلي كان يقرب منها بشرودها ويشتم عبقها بدون دراية منها
الشعور على كثر جماله.. صحي منه بِـ صفعة الخذلان الغير مشفقة
فتح عيونه جافل..لتنهدوم كل الأسوار يلي كان محصّن فيها فؤاده
سحب وسادتها بين الرفض والاحتياج.. بشعور متناقض متخبط
ليغرق وجهه فيها .. ويهتز جسده معلن سقوط دمعات القهر من عيون شاهين..
الغير قادرة على البكاء كل هي السنوات يلي مرت..ولا شي ابكاها.. إلا الحب اللعين
كتم آه طلعت من أعماق قلبه.. المكبّل بغرام مخذول، حب كان عبارة عن غيمة بيضا و اندثرت فجأة
كذبة.. و انتهت صلاحيتا
دموع عيونه كانت الوحيدة يلي عبرت عن أعمق شعور حسه بأيامه الأخيرة
دموع صادقة.. ما سقطت إلا بعد ما تأكدت أنه هالانسان ماعاد عنده القدرة يتحمّل اكتر
…
أما عند تاج..
كان شعورها عم يتفاقم بالكره.. الكره للشغف يلي كانت عم تدور عليه .. وكسرت وخذلت بسببه حبيب فؤادها
كرهت قلة الحيلة يلي كانت فيها.. يلي منعتها من الاعتراف، خوفها أنها تخسره ،الخوف يلي ماكانت معتادة عليه ولا كانت بتعرفه بشخصيتا القوية
ويلي ماكانت بحياتها تتخيل تكسر أي شخص، بالنهاية كسرت الانسان الوحيد يلي استحوذ على مكانة كل الناس بحياتها
…
مر يومين على هالوضع المؤذي.. القاسي
يلي ماكان قادر شاهين يخفف فيه غضبه نهائياً.. الذكريات الحلوة تحولت لشبح مخيف.. يطارده ويصحيه بكل لحظة كان يهدا فيها
ليثور من جديد وينزل لعندها ويصب كامل غضبه عليها.. بكل ما أوتي من قوة
وكان صمتها العدو الأكبر إلها.. يلي كان يستفزه اكتر
#سارة_العلي💙
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```