موعد مع خاطفي - الفصل 13 - بقلم المجنون - مكتملة | روايتك

*قـصـص وروايـات عـالـمـيـة💙📚📖* *بإدارة* *يـامـن💙* *❴📖❵↵... موعد.مع.خاطفي.tt* ♥️🙈 *❴🔢❵☟الـــبـــــــــــ❴3️⃣1️⃣❵ــــــــــــارت☟* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h``` ➖➖➖➖➖➖➖➖➖ الجزء الثالث عشر مرت عليهن لحظات و كأنهن غايبين عن الوعي الواقعي لبينما صحيت تاج وتحركت مكانها ليحررها شاهين بهدوء من بين ايديه شاهين: تمام.. وهلأ!! شو لازم نعمل؟ تاج: بخصوص؟ شاهين: الخاطفين!! أنا لازم أعرف مين هنن ردت بتردد: لأ مابدي شاهين: طيب ليش؟عطيني سبب واحد يمنعني تاج: شاهين مابدي يصيبك أي أذى بسببي، ليك نحن عايشين وكل أمورنا تمام، وأنا بوعدك آخد احتياطاتي بس ارجع ابتسم وحكالها: بدك ترجعي؟ ياترى كيف رح أقدر اتخلى عنك أصلاً؟ تاج: لا بالعكس.. وقتها رح يتغير كلشي وتصير أمورنا أفضل هيك بحس، تمام رح أنزل لتحت أنا، وينها ليسا؟ ضحك وجاوبها: بصندوقها أكيد قامت من مكانها ليستوقفها بكلماته: تمام شو رأيك تجهزيلنا فطور مرتب؟ وأنا بتحمم وبلحقك رفعت حاجبها وحطت ايدها على خصرها: كيف؟ وليش يعني؟ هي جزاتي لأني جيت لعندك من الصبح ماتركتك زعلان جاوبها: وعم تمنني كمان؟ اعتبري الفطور صلحة.. والله وأعلم يلي صار مبارح مو معديلك ياه، أنا بعرف آخد حقي بطريقتي غمزها بمشاكسة لترتبك نظراتها تاج: يعني قلبك أسود ومابتنسى؟ شاهين : فوق ماتتصوري قام من مكانه ليلحقها، وهي بتغادر الغرفة بسرعة تاج: تمام تمام.. رح جهز الفطور ضحك على حركتها الأخيرة واتوجه للحمام بعد مافطروا مع بعض وقعدوا ليشربوا شي دافي على الكنبة عم تتأمل تساقط الثلوج الخفيفة يلي بقيت طول الليل، بس ماكانت بكمية الثلوج يلي بالغابة ومع هيك صار شكل الحديقة ملفت للنظر أما بالنسبة أله ماكان في أحد غيرها يلفته.. سارح فيها وعم يتأملها التفتت عليه لتقطع شروده: رح تبقى هيك؟ شاهين: شوفي ورانا؟ حابة نعمل شي؟ تاج: متل شو؟ شاهين: انتي طلبي وأنا رح زبط الوضع سألته بحماس: يعني فينا نطلع؟ شاهين: هو خطر كبير، انتي مشهورة متل ماقلتي، مابدي حدا يشوفك من الناس يلي بتعرفيهن.. صحي تاج، معقول أخوكي ماخبر حدا عن اختفاءك؟ جاوبته بعيون حزينة: أكيد..أو مابعرف، يعني على حسب يلي حاكيينه الخاطفين معه..الله أعلم شو عمل شاهين: أكيد مهددينه مايخبر الشرطة، بس معقول لحد الآن ما دبرلهن المبلغ المطلوب؟ تاج: مابعرف أي شي صراحة.. بس ليش عم تعيد القصة كتير؟ استغرب انزعاجها وحكا: تمام إذا عم تدايقك السيرة مارح ارجع واحكي فيها تاج: المشكلة قلقانة على أخي وشعوره، ووضعه مابعرف كيف ممكن يكون، بس هيك آمن شي ألي صح؟ شاهين: أكيد عمري.. مارح تكوني بأمان اكتر من المكان يلي انتي فيه معي ابتسمت بصمت شاهين: ماعاد افتح الموضوع أنا لحتى ماتدايقي، احكي شي انتي سكتت لحظات لتفكر: اممم.. تمام، ورح تجاوب بصراحة؟ شاهين: تاج!!.. وين بدك توصلي؟ تاج : يعني عرفت؟ شاهين: قصة أمي؟ تاج: حالياً لا، رح اتركها للوقت يلي أنت تقرر تحكيلي فيه، بس في شي بيخصني اكتر يعني مافهم كلامها وسألها: عن شو بتقصدي؟ جاوبت بنبرة غيرة: هديك الحيّة ماقدر يكتم ضحكته لما شاف نظرتها المليانة غيرة وكره لـ ليسا كمّلت بنرفزة: حكيتلك نكتة؟ قطع ضحكته يلي صدح صوتها بهالمكان وجاوبها: لا مو هيك.. بس طلعتي كتير قوية ها قرصها من خدها بعفوية وكمّل: سألي يلي بدك ياه تاج: لا .. انت احكيلي وأنا بسمع شاهين: أممم.. طيب، القصة بكل اختصار أنه ليسا بتشتغل عند الشخص يلي كنت بشتغل عنده ، يعني متلي متلها كمان عندها مهمات بتنفذهن، وعيت عليها.. مقربين جداً من بعض سكت لحظة وسألته مباشرةً: بشو عم تفكر؟ احكيلي بصدق مارح اتدايق شاهين: لا مارح كذب عليكي، حابب تكون بدايتنا صادقة، بس عم حاول اتذكر كيف بلشنا، وماعم أعرف.. وكأنه صار كلشي بطريقة مخفية.. مو متذكر أني اعترفتلا بحبي ألها بيوم، أو الشعور الأول ، ماكان في أي شي من هاد، كلشي بتذكره أنه كنا بعلاقة.. نعيش أيام مع بعض ببيتها أوقات عندي.. قاطعته فجأة: هون بالمزرعة؟؟ شاهين: لا في بيوت كتير مغيرها تاج: يعني كم سنة صار الكن مع بعض؟ حس بنبرة تحقيق صادرة منها ومع ذلك جاوبها: قلتلك من زمان تاج من لما وعيت أنا بعرفها بس مدري كيف ارتبطنا وكأنه غفينا وصحينا كنا مع بعض فجأة تاج: يعني في إحساس بقلبك الها؟ شي خاص؟ شاهين: مارح كذب ممكن سابقاً كنت افتقد لغيابها لما تغيب، كانت اكتر انسانة مرافقتني بحياتي، حتى أوقات وحدتي بس انتي مابتعرفي باقي القصة.. قاطعته من جديد: ولوين وصلانة علاقتكن؟ صدمته بالسؤال وسكت بعدها بإصرار اكتر سألته: جاوبني!! سرح بعيونها الحايرة، الناطرة إجابة.. وهي الإجابة مارح يقدر يعطيها ياها شاهين: مابظن رح يعجبك جوابي لحظة وبعدت عيونها عنه وازدردت ريقها بقهر قرب منها وحكالها: تاج.. عمري.. نحن مالنا بالماضي تمام، غير هيك انتي لو تفتحي قلبي مابتشوفي إلها غير الكره، وعلى فكرة هي حالياً بين ايدين هارون لعرفها قيمتها ويلي عملته فيكي، وهاد بأكد أنها مابتعنيلي شي تاج: شاهين.. شاهين مجرد شعورك تجاها بالكره معناها في شي جواتك إلها.. أخدها بحضنه بدون أي تردد وهمس: مافي أي حدا بحياتي غيرك، ولا أي شعور تاج.. كلشي فيني جاهز ألك وكأنه القدر كان عم يجهز مكانتك جواتي.. لا أم ولا أخت ولا صديقة.. حتى الحبيبة طعنت خنجرها بنص صدري .. بس صدقيني ولا تعتبر حبيبة،، هنن يلي خلوني صدق أنها حبيبتي مشان مصالحهن..يعني كل حياتي ومشاعري ألك وحدك من اليوم بعد عنها وهو قريب منها حكا بغصة واضحة: أكيد فهمتي من الرسالة أنه أبي صاحب المؤسسة يلي فيها الخاطفين وأنا منهن، وحط ليسا بطريقي لحتى يعرف كلشي عني وتقدر ليسا تخليني بهالمستنقع.. أبي كان حاسس أنه رح يجي يوم وأهرب منهن ومن خوفه استغل وجود ليسا بقربي، وبالفعل قدروا يتركوني لليوم وأنا بهالمستنقع تاج بحنية: وشو يلي مخليك فيه لليوم؟ بدون تردد جاوب: إدمان.. ردت برفض تام: مستحيل.. أنت مالك مدمن، احكي صارحني شاهين زفر بغصة واضحة وحكا: مابحب ورجي ضعفي لحدا.. بس أنا صرت واضح جداً قدامك تاج.. تاج: ماتعتبره ضعف(مسكت ايديه وشدت بقوة) أنت أقوى رَجُل بشوفه بحياتي شاهين.. أو يمكن الرَجُل الوحيد بكل حياتي أخد منه الموضوع دقيقة قبل مايحكيلا: رفض الناس ألي.. مابحس حالي رح كون نضيف وعيش طبيعي بين الناس وأنا بكمية هالوساخة يلي جواتي سكت من جديد لتكمّل عنه: أنت مو هيك، هنن يلي جبروك شاهين: وأنا استمريت وخلص.. هيك رح تكون حياتي تاج، لاتقنعيني أنه حدا فينه يتقبل وجود شخص متلي بحياته تاج: شو قصدك؟ شاهين.. ليك أنا مو صغيرة، وقراري اتخذته أني رح كون معك غصب عن الكل شاهين: بيوم وليلة؟ تاج: بكم ساعة كمان مو بيوم وليلة.. الموضوع ماله أي علاقة بالزمن، الموضوع بالمواقف والظروف يلي جمعتنا، وهاد يلي غيّر تفكيري من مبارح لليوم شاهين: الظروف خلتني خاطف بالنسبة إلك؟! غمرت وجهه بكفوف ايديها لتنطق حروفها : أنت ما خطفت غير قلبي شاهين بقي سارح بعيونها عم يتأملها بغرام واضح تاج: كمّل.. بدي اسمعك شاهين: يمكن انتي أول شخص بيسمعني هيك تاج: مابدي كون عم اسمعك وبس، أنا عم حسّك كمان، يلا احكي شاهين: تمام.. بيوم مات أبي بحريق مفتعل، من الشخص المنافس أله معروف باسم ( الشبح ) مابعرف عنه أي شي.. افترق الفريق وكل واحد صار بمكان ماعدا أنا وليسا، حتى هارون صديقي المقرّب صار يشتغل شغله الخاص، والسر بقي عند أمي أنه ليسا جاسوسة علي، تسببتلي كتير مشاكل مع أبي.. إهانات و ذل كلشي بيخطر على بالك، كنت قوي قدام الكل إلا قدامه ما أقدر أعمل شي.. بيوم فقدت أعصابي كنت بدي أضربه.. بس بكل مرة اتذكر أنه أبي للأسف..واتراجع حست نبرته مليانة قهر، وحروفه عم تغرق بِـ بئر عميق ويادوب عم تنفهم لكنها بقيت تسمعه بتركيز ومن عيونها استمد القوة ليكمّل شاهين: ليسا راحت تطلب من أمي ماتخبرني مابعرف كيف صارت القصة وكيف أمي عرفت بس من الأساس أنا صار الدليل بأيدي وعرفت حقيقة ليسا، وصديقي هارون طبعاً ساعدني بهالشي.. بالنهاية ليسا الحقيرة خلّت رجال الشبح يوصلوا لأمي لأنهن حاطين ليسا تحت المراقبة.. ويتخلصوا من أمي تاج بصدمة وخوف واضح: شاهين؟؟ يعني هاد الشخص عم يلاحقك؟ شاهين: ماتخافي اهدي تاج: كيف يعني اهدا؟ أنت حياتك بخطر؟ شاهين: لا .. قابلته.. أو بالأحرى قابلت الشخص يلي تحت ايده.. وأكدتله أني بعيد عن جوهن، ومارح اتدخل بشغلهن.. هنن مافيا كبيرة وباكتر من بلد، وفكرني رح استلم شغل أبي وصير منافس أله.. بس لما تأكد أني ماعم فكر بهيك شي، تركني..حتى كلشي تركه أبي تخليت عنه ،هارون وليسا تكفلوا بتوزيعه..ماعدا بيت أمي يلي ألي ذكريات كتيرة فيه سألته بقلق: وأنت فعلاً ماعم تفكر تكون متل أبوك صح؟ ابتسم بحنية واضحة وجاوبها: ماتخافي.. هاد وعدي لأمي ومستحيل انقض بوعدي إلها، انتي أول عملية خاصة ألي ،ماعاد اتدخلت بشغلهن نهائياً هزت راسها وعم تحاول تتقبل يلي حكاه شاهين: ياروحي .. تاج، بدي ياكي تصدقي شي واحد بس.. أني بالفعل عشقانك وكأني ولدت مبارح معك.. انسي الماضي، صح عم احكيلك ياه بس مابدي تحطيه ببالك.. بوعدك أبدا من جديد كلشي نضيف معك، ليسا شيليها من بالك نهائياً، شعوري معها كان شعور ألفة مو حب.. أنا متأكد بعد شعوري معك إني مانهار حسيت معها بالحب مابيوم قلبي نبض مشانها، ولا قررت اتخلى عن شي كرمالها متل ما أنا اليوم مستعد اتخلى عن كلشي لأجلك تاج بدون تردد: وأنا مصدقتك.. يمكن هاد أغرب شي بشوفه بحياتي.. أيام قليلة بس شعور كبير شاهين: لأنه حقيقي وصادق، ومضى من عمرنا يلي بيكفي أنه يمنعنا نضيع منه اكتر.. نحن فاهمين شو بدنا كتير منيح وماعدنا صغار صح؟ بابتسامتها يلي بتخطف قلبه جاوبته: صح.. شاهين: تمام وهيك كانت حكايتي ولهون بيكفي ،سامحيني مافيني احكي بالموضوع اكتر، خبريني عنك.. معقول بحياتك ماعشقتي؟ بدون تردد جاوبت: ولا بعمري، كنت مكتفية بالأشخاص يلي بخلقهن بخيالي، من يوم وعيت عالدنيا وأنا مابصدق أنه في حدا بيستاهل قلبي أو مارح يكسر قلبي ، لهيك كنت بمراهقتي اتخيل شخصيات وأنغرم فيها وصرت اكتب قصصي مع كل شخص بخيالي لبينما صرت كاتبة متل مو شايف ضحك بقوة وهو عم يقلا: يعني معقول أنا هلأ بدي غار من شخصيات خيالية.. يابنت والله جننتيني ، ماتوقعت بيوم عيش هيك شي تاج: صدقني ولا أنا.. كنت قول يمكن بيوم ارتبط ب كاتب، أو حتى قارئ أو أي حدا من هالمكان.. بيشبهني ليتقبل جنوني رفع حاجبه باستنكار: يعني مو عاجبك يلي قدامك هلأ؟ بابتسامة بتحكي عن الفرحة يلي جواتها جاوبت : بالعكس.. القدر بيكون احلى بكتير من الشي يلي نحن منكون مخططين إله.. مثلاً فيك تخطط لحياتك ومسارها، بيجي القدر و بيفاجئك بالاحلى والأنسب ألك شاهين: صحيح هالكلام.. طيب وأخوكي؟ يعني قلتي ماقابلتي رجال بحياتك وهيك.. علاقتك فيه سيئة ولا كيف؟ تاج: بالعكس، هو أحن أخ على وجه الكرة الأرضية، كان معي على طول بكتير مواقف صعبة.. بس الموضوع مختلف شاهين.. يعني هو أخ أما أنت … مدري كيف بدي احكيها شاهين: معقول كل الكلام يلي كتبتيه بحياتك.. وتعجزي هلأ؟ تاج: لما بيغمرك شعور صادق وقوي، بيمنعك تعرف تحكي حرف على حرف، بس قلبك بيقدر يعمل هالشي مرت لحظات واكتفوا فيها بنظرات كانت عم توقعهن ببعض اكتر واكتر لتقطع هالصمت بسؤالها وضحكة مشاكسة: خبرني شاهين شو اكتر عملية خطف ربحت فيها؟؟ ماكانت متوقعة هيك إجابة، لما رفع ايده ولامس موقع فؤادها ونطق بهمس: مابتوقع في اغلى من هالقلب.. وهي اكتر عملية ربحت فيها بين الخجل والسعادة يلي غمرت قلبها، كانت ضحكتها تظهر وتختفي ليرجع يسحب ربطة شعرها ويفرده شاهين: وبربح اكتر لو تتركي شعراتك مفرودة هيك.. (بيكمل بنبرة أمر)هيك بدي ياهن فردهن على اكتافها بمتعة تامة ماحدا بيقدر يحسها غيره شاهين: بتعرفي ياغرامي.. انتي ظهرتي فيني شي ماكنت قادر اظهره قبل.. لهيك أنا قررت ساعدك كمان تاج: كيف يعني؟ شاهين: رح ساعدك، واكتب معك روايتك ارتجف جسدها وماقدر يعرف السبب، لاحظت نظرته الغريبة شاهين: عمري!! انتي منيحة؟ تاج بتردد: أي.. منيحة شاهين: بيدايقك الموضوع؟ تاج: لا بس أنت بتعرف أني مو قادرة اكتب شاهين: هاد الشي قبل ماتكوني معي، بس من اليوم خلص.. نحن لقينا بعض لنطالع بعض من كلشي سيئ بهالحياة، يمكن أنا مابفهم كتير شو يعني تفقدي قدرتك عالكتابة وكل هالقصص.. بس دموعك يلي تلمع بعيونك كانت تحسسني بعمق الألم يلي حاسستيه، وأنا بدي كون جنبك تاج.. سمحيلي تاج: أي مارح قلك لا، بس يعني.. شاهين: شو ؟ احكي يلي بدك ياه تاج: الموضوع مو بهالبساطة ، لازم جيب مستلزماتي للكتابة وهي المستلزمات ماحدا بيقدر يجيبها غيري ومتل مابتعرف مافيني انزل على مكان وأنا مخطوفة شاهين: صح.. وغير هي المستلزمات؟ شو بتحتاجي؟ تاج: بيتي.. أجوائي.. تفاصيل صغيرة شاهين.. انسى.. بترجاك انسى و وقت يلي رح حس حالي جاهزة، رح أجي وأطلب مساعدتك شاهين: تمام متل مابتحبي، أنا مافيني اضغط عليكي.. وهلأ لازم قوم بخوف سألت : لوين؟ شاهين: عندي مشوار ضروري، ماتقلقي ياعمري رح ارجعلك بعد وقت قصير وقف مكانه وسألته: رايح لعندها؟ ابتسم بفرحة غمرت قلبه: مارح كذب عليكي.. بس لازم انهي كلشي اليوم، وأنتي حابة حتى شعور الكره ينتهي من جواتي صح؟ تاج: صح.. بس يعني مابدي تشوفها.. انحنا فوقها ليطبع قبلة على راسها بعدها لامس خدها وهمس وهو قريب منها شاهين: طول مالك بقلبي، كوني متأكدة رح أوفي ألك بكل مشاعري ولا رح كذب عليكي بيوم.. كوني متطمنة تاج: مو خايفة منك.. بس هي مو نضيفة جاوبها بنظرة قوية: ويلي قدامك مو ولد.. تمام؟ هزت راسها بصمت سألها قبل مايغازر: بتحتاجي جبلك شي من برا؟ تاج: لا شكراً بس حاول ماتتأخر شاهين: اتطمني غادر المكان وبقيت وحدها ماقدرت تشغل نفسها بشي لأنها بقيت بغرفتها وماغادرتها نهائياً وكأنها ماعندها رغبة بشي أثناء غيابه مرت ساعات طويلة قضتها مستلقية على السرير أو تروح وتجي بهالغرفة طالت الساعات والضيق سيطر على أنفاسها، حست بشعور غريب عم ياكل منها لأول مرة بحياتها وأخيراً سمعت صوت سيارته لمحته من طرف النافذة ومباشرةً توجهت للباب وقفلته من الداخل.. وتنفست براحة مستعدة لأي ردة فعل منه ، بعد ماكانت مستعدة لردة فعلها أولاً بسبب طول غيابه مشي بخطوات بطيئة قبل مايدخل من الباب وكان في شخص معه بمكالمة شاهين: تمام أنت فتحلي الموبايل وببقا باخده منك بكرا هارون: ماشي، وقت قليل وبيكون انفتح ماتقلق شاهين: تمام أخي، ليك هارون ماتفتح شي تاني ماشي ،بس بدي كلمة السر هارون: ولو أخي!! معقول تحكي هيك شي؟ أكيد مارح افتحه.. صحي بدي قلك ليسا من لما مشيت وهي عم تسب وتشتم عليي، مشيها خلص؟ جاوبه بضحكة: ليش هي ايمتا بطلت تسب عليك؟ مشيها خلصت الحكاية، كلشي كان بدي ياه أنه فهمها تبعد عن طريقي هارون: وقولك فهمت؟ شاهين: مابيهمني، بس كلامي كان واضح، وإذا باقي عندها شوية كرامة ماعاد تورجيني وجها هارون: بس ماتنسا أنها بتعشقك شاهين: هاد مو عشق، يلا بحاكيك بكرا بدي فوت عالمزرعة سأله بقلق:أخي.. و مشان موضوع تاج!! أنت متأكد أنه يلي عم تعملوه صحيح؟ شاهين: ماتقلق هارون، نحن ماعم نعمل غير يلي قلبنا عم يأمر فيه هارون: تمام.. بتمنالك أيام حلوة معها.. بس كمان مابدي ياك تغمض عيونك وخليك متل ما بعرفك على طول، أوعك توثق بحدا شاهين: ماتشيل هم، بس تاج غير الكل هارون، عيونها صادقة أنا متأكد هارون: ان شاءالله انتهت مكالمتهن لما دخل من الباب وطلع على السلّم وندهلا: تاج.. يا تاج حس بلهفة لشوفتها، واعترف لنفسه أنه اشتقلها وصل للاعلى وشاف الإنارة شغالة من تحت باب غرفتها طرق على الباب بهدوء: تاج؟ صاحية؟ ماكان في أي صوت وحتى بعد ما كرر طرقاته ، لحظتا بدأ القلق يتسلل لقلبه شاهين: تاج؟؟ سامعتيني؟ أنتي منيحة؟ مابيعرف شو سبب مبالغته بهالخوف.. وارتفع صوت طرقاته المتتالية شاهين: بعرف أنك صاحية، فتحي الباب قربت من الباب لتحكيله: روح شاهين.. مابدي افتح أخد لحظة لبينما استوعب يلي حكته ، و بدأ فتيل النار يشعل فيه شاهين: عفواً؟ شو يعني مافهمت! تاج: يعني روح.. مابدي شوفك ولا احكيك .. تركني بحالي حس بغليان داخل رأسه لما رفع ايده ومسح بهدوء خلف رقبته غصب حاله ليهدي نبرته وحكالها: تاج فتحي.. بلا كتر حكي وعناد ارتفعت نبرة صوتها لما جاوبته: عم قلك روح شو ماعم تسمع؟ أو إذا بدك رجاع لعندها تمام؟ ممكن هالساعات كلها ماكفتكن أو يمكن… وقبل ماتكمّل جملتها قاطعها بخبطة قوية من كف ايده وصرخته يلي اخترقت الباب: تاج.. سكري تمك.. وعرفي شو عم تحكي اهتز جسدها لحظتها ولكن حاولت تقاوم اكتر اخد نفَسه لحتى يهدا ويضبط أعصابه وكمّل بنبرة أخف: فتحي، خلينا نتفاهم ماتكبري القصة ردت : شاهين عم قلك تركني اليوم، جد أنا مو عارفة شو ممكن تكون ردة فعلي،لهيك الأفضل مانحكي ‏ سألها وكأنه عم يتوعدها: هيك لكن؟ تاج: هيك.. و رايحة نام كمان بصوت اعلى صرخ فيها: لك تاج.. عم قلك فتحي بلا ما اكسره ها رجع يخبط عالباب ويدفعه بكتافه بقوة تراجعت للخلف بفزع لما انتبهت للباب عم يهتز بعدها قربت وصرخت: تمام تمام رح افتح وقف مكانه وهو عم يلهث أنفاسه بسرعة وناطرها تفتح أول ماانفتح الباب قرب منها كتير وسحبها من زندها وبالأيد التانية رفع اصبعه وبنبرة تهديد: إياكِ تاج.. إياكِ تكرري هالتصرف، كلشي مسموح عدا أنك تتصرفي بتمرد معي فاهمة؟ نظراتها أله كانت واضحة، الخوف تسلل لقلبها مع أنها كانت أقوى من كل مرة بتواجهه فيها ترك ايدها بسرعة خوفاً أنه يكون عم يوجعها ومسح بكفوف ايديه على وجهه ليخفف توتره تاج: مافي شي مسموح معك، كلشي ممنوع؟ حتى لما بدي اتوجع من تصرفك لازم عيش الألم بصمت ؟ اتطلع فيها بدون مايفهم سبب كلامها: شو يعني؟ أنا من شو مانعك؟ ردت بقهر ونبرة عالية: شاهين أنت لو بتحس فيني شوي بس.. كنت بتعرف شو صاير فيني كل هالساعات وأنا عم اتخيلكن مع بعض ، النار حرقتني حرق وأنت فوق كل هاد جاية تعصب؟ شاهين: تاج.. خلص سكتي أنا قلتلك مالي ولد لحتى ينضحك عليي تمام؟ بعدين ايمتى رح تصيري تفهمي عليي وتعرفيني؟ تاج: بالله جد؟ عكل حال لو مهما عرفتك مارح أعرفك متلها شاهين : شو قصدك؟ جاوبته بغصة واضحة بنبرتها: ليسا بتعرفك كتير منيح، لدرجة عرفت بِـ حُبك ألي حتى قبل ما تعرف أنت شخصياً شاهين: لأنها مجنونة متملكة.. أنانية.. بدها كلشي ألها و أي تصرف بتشوفه عندي بتفكرني بعلاقة هي كل القصة تاج: وأنا شو؟ ليش عم تمنعني من أقل شعور ممكن حسه لما تروح لحبيبتك السابقة؟ رفع عيونه لعيونها وبقي سارح فيها لحظات قرب خطوة لما تراجعت خطوة للخلف وازدردت ريقها ماكان عندها أي فكرة عن الشي يلي عم يدور براسه بقي يتوجه ألها لحست جسدها لمس الجدار ، وقفت مكانها بثبات لحظتها صار قريب منها كتير، حط ايده على الجدار واستند عليه شاهين: شو هالشعور خبريني؟ الغيرة؟ ليش عم تغاري تاج؟ فتحت شفافها لتنطق واتملكتهن رجفة اسكتتها وجه نظره لشفافها العاجزة ، رفع كف ايده التانية وغرزها تحت أذنها مباشرةً بخصلات شعرها شاهين: يلا احكي !! من ساعة وانتي عم تصرخي ليش اختفى صوتك فجأة؟ ليش بتغاري عليي؟ قوليها لشوف.. بدي اسمعها تاج بارتباك: لأنيي.. لأنيي.. ماقدر يخفي بسمته وسألها : لأنك؟ استجمعت قوتها ودفعته بعيد عنها: لأنك بتحبني.. مشيت وقعدت على سريرها مسح جبهته ليخفي ضيقه من جوابها المرفوض بالنسبه اله دقيقة كاملة وهو عم يحاول يهدي نفسه وبالنهاية اتوجه لعندها ضرب بكل قوانينه و معتقداته عرض الحائط، و جثا على ركبتيه أمامها سحب كفوف ايديها وغمرهن بقوة ، نزل بوجهه عليهن ولامسهن بعد ما أخد نفس عميق رفع راسه لعيونها بنبرة هادية حكا: تاج.. بترجاكِ، أنا عم اترجاكِ هلأ.. ماتضطريني اتعامل معك بهالطريقة، أنا بكره حالي لما بعمل هيك معك.. بس انتي عم تجبريني بصوت هادئ وعيونها بعيونه حكت: شاهين..اصحى على حالك.. مافيني كل مرة أرضخ لأوامرك.. أنا كمان مافيني.. مابتقبل تعاملني بهي الطريقة أنت كمان لازم تتقبل شخصيتي متل ماعم تطلب اتقبلك غمض عيونه بأسى: تمام.. تمام رح حاول اتقبل،بس انتي لا تهاجمي ولا تتمردي، خدي حقك بطريقة تانية، عاتبي سألي.. بس ماتعملي هيك.. لاتمنعيني عنك وتحطي حواجز بيننا سحبها من ايدها وتوجه للباب وخبط عليه: شايفتيه هاد؟؟ أنا بحرقه هلأ بمكانه.. سامعة؟ بحرقه ولا بقبل يكون حاجز يمنعني عنك.. أنا جاية وفي شوق جواتي بس لشوفك.. لاقي هاد الباب مسكر بوجهي؟ ولسا بدك مني أهدا؟ برمت ضهرها ورجعت لمكانها زفر نفسه بتعب ومشي لعندها ليقعد جنبها تاج ببرود عكس نبضات قلبها المتسارعة: ليش أنا مجبورة اتحمل يلي عملته أنت طيب؟ شاهين: شو عملت أنا؟اتطلعي فيني وحاكيني ماردت عليه رفع ايده ولفت وجهها باتجاهه شاهين: اتطلعي بعيوني وجاوبي، مانهار تحاكيني وانتي عيونك بعيدة عن عيوني تمام؟ انتبه لحظتها لهالملامح القوية، رفعت الحاجب المستفزة ازدردت ريقها وحكت: أنت طولت عندها.. وتاركني وحدي بهالبيت، وأنا بعرف أنها بتعشقك وكان عندها استعداد تموتك ولا تخليك لغيرها.. وقتها قلت لحالي متل ما أنت قررت تكون معها، مافيك تكون معي وقت يلي بدك كمان مابيعرف كيف تقبل نظراتها القوية وهي عم تطلع بعيونه، لكن مستحيل ينكر إعجابه بهالنظرة .. وهي عم تدافع عن غرامها فيه ماتوقع بيوم يتقبل إمرأة تنظرله بهالقوة أما عند تاج.. ف كل توقعاته بتختفي ابتسامة خفيفة ظهرت على شفافه بالرغم أنه حاول يخفيها، عم يلامس خصلات شعرها بلهفة شاهين: ولا تنسي أنا كمان كان عندي استعداد اقتلها، ولا تقرب منك.. فـَ كيف لو حاولت تقرب على حبي إلك تاج؟قلتلك هي عند هارون، والوقت راح وأنا عم حاكيه هي كل القصة بتتبدل نظرتها لتسترجع الهدوء يلي بيعرفها فيه بهيك لحظات تاج: شاهين.. بترجاك حاول تبعد عنهن قرب منها واشتم ريحة شعرها بالرغم أنها عم تحاكيه ومركز معها.. وبذات الوقت كأنه بعالم تاني غرقان فيها لتكمّل: نحن اتفقنا نبدا من الصفر صح؟ وجود هارون بحياتك.. *يـــــــــ͢ـོ͓ـــتبــــــــــــــོـ͓ـــ͢ــ؏* ➖➖➖➖➖➖➖➖➖ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h```