الفصل 7
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵* *موعد.مع.خاطفي.tt*♥️
*❴🔢❵☟الـــبـــــــــــ❴7️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
شاهين: تاج.. لو عملية خطفك كانت قبل بكم شهر بس.. وكنت لسا بالمنظمة يلي كنت فيها.. صدقيني كانت معاملتي معك اختلفت كتير.. وكنتي كرهتي حياتك لحظتها وتمنيتي الموت.. لا يغرك هدوءي.. كانوا ماتمرء لحظة إلا يفكروا الهرب من بين ايدي.. أما انتي حتى ماحاولتي تهربي
لحظتها بيسكت لتشيح نظرها عنه بتوتر
شاهين: مو خوف من تهديداتي.. مابعرف السبب .. يمكن لأن ماعم أأذيكي بطريقتي الأساسية.. مااضطريتي لتهربي وامتثلتي للأمر الواقع.. هلأ شغلي صار خاص وأنا حر كيف بتصرف مع المخطوفين يلي بيخصوني.. وهاد كل الموضوع
بيكمل بنبرة أخف وكأنها عم تحاول تتشبه بالحنية: وهلأ لازم تاكلي تاج
لاحظ الخوف يلي تسلل لقلبها وكان بيعرف من تصرفاتها أنه أغلب الأحيان بتتغلب على خوفها وبتظهرله قوتها
قاطع صمتها ليحكي بنبرة مستفزة وشبح ابتسامة على شفافه
شاهين: إلا إذا كنتي ناوية تسمميني لحالي!؟
اتطلعت فيه نظرة متعجبة لتجاوبه: اطمن لو بدي اتخلص منك السكين موجود مارح سمّم الأكل
فاجأها بضحكته، وثبتت نظراتها عليه بصدمة واضحة عليها
شاهين: مارح تسمميني عن قصد.. بس الله أعلم شو مخبصة بالأكل لهيك احتمال نتسمم سوا
بتتزوره بسبب استخفافه بقدراتها لتقله: مو مشكلة يبقى برافقك عالمشفى أستاذ شاهين
بيبدا ياكل وهي من بعده والصمت بيعم هاللحظات
بعد مرور ساعات يومهن الأولى والشمس غادرت ليتمركز بدل منها القمر
شغّل شاهين المدفأة يلي كانت متوسطة الغرفة.. و التفت تاج ب بطانية خفيفة .. كان الجو قبل احسن بس البرد رجع مع الليل
خلّص شغله وتمدد على الكنبة.. بين الوقت والتاني تطلع فيه.. وانتبه لنظراتها وحس أنه في كلام كالعادة جواتها واستغرب سكوتها
شاهين: احكي.. خلصيني احكي ولا تتركي شي جواتك
تاج: مين قلك في شي بدي احكيه؟ أيواا يلا على أساس كلامي بيوجعلك راسك.. بلاقيك ماعاد تقدر بلا كلامي
بيوجهلا نظرة استخفاف من مكانه ليجاوب: أي أي أكيد ماعاد أقدر وصار لازم نعمل عقد بيناتنا لما أخطف حدا جيبك لتسلينا
لمعت الفكرة براسها لتقله: والله فكرة بتجنن
شاهين بنبرة مستفسرة: بس سؤال تاج أنتي عنجد هيك ردات فعلك غبية؟ ولا مابتفكري بالكلام قبل ماتحكيه؟
تاج: لو سمحت لاتغلط
شاهين: ماعم أغلط بس معقول برودك لوجودك بمكان غريب متل هاد؟ مع انسان يعتبر عنك غريب!!
راوده سؤال بخياله بيجلس مباشرةً جلسته ليسألها ياه بس كان لازم يركز بملامحها كمان
بنبرة غرقانة بالحيرة: ليش مو خايفة مني؟ ليش مأمنة فيني؟
توترت من كلامه لتبعد نظرها عنه ليفاجئها بقومته من مكانه وبيتوجه لعندها
بيقعد بجنبها وبيسألها: بعرف في أثر خوف مني ببعض المواقف.. أما بالباقي مابحسك خايفة.. مستسلمة للأمر الواقع.. شو سر الغرابة هي يا تاج؟ ولا تقوليلي لأنك كاتبة كمان
بتفكر كتير وهي عم تطلع بعيونه القريبة منها نوعاً ما
وبتجاوبه بالنهاية: مافيني أنكر أنه الكتابة ألها اكبر دور بشخصيتي
بيتطلع فيها نظرة بمعنى( كوني جديّة )
تاج: صدقني ماعم كذّب..شاهين أنا عم أقدر اتفهم شخصيتك الغريبة.. وتصرفاتك يلي بيرفضها أي انسان غيري.. بتعرف ليش؟ لأنه بعرف كتير منيح شو يعني انسان يحب الشي يلي عم يعمله.. يعيش لأجله و يتقبله بكل سلبياته.. متل مو أنت شايفني غريبة جداً.. لأني غير واقعية وكأني عايشة برواية عم حاول ارسمها بطريقتي.. أنت كمان عايش غرابتك بطريقتك.. وهاد يلي مخليني بيلي أنا فيه.. لا بد للقصة أنها تنتهي بيوم.. مابعرف كيف بس يلي متأكدة منه بالطريقة يلي اختارها ربنا تكون النهاية.. تماماً متل لما بكتب الرواية أنا وبكون عارفة شو النهاية جواتي وعارفة رح تجي بيوم.. إذا قضيت أيامي معك بخوف وبكاء ورفض.. رح اتعب.. اتعب اكتر من التعب يلي كنت فيه
بتبعد نظرها عنه لما تلمع بعيونها الدمعة وتستذكر آخر أيامها ببيتها سابقاً
بتسترسل بهدوء اكبر وهو مثبت عيونه عليها
تاج: كنت مو عايشة.. عم اتنفس وآكل وأشرب و امشي بالطرقات .. بس من داخلي مافي شي عايش.. غذاء الروح هي أفكاري و أبطال رواياتي هنن عيلتي .. فينك تعيش بدون عيلتك؟ هيك أنا صرت بغربة لما انطفى شغفي.. ضاعت حروفي و ماتت أفكاري .. لحظتها من داخلي كنت متأكدة أنه أنا كمان انتهيت.. كنت على استعداد أعمل أي شي.. أي شي شاهين حرفياً بس لأقدر عيش
بتطلع بعيونه لتشوف عمق نظرته بترتاح اكتر وبتكمّل: بتعرف لما بتكون عم تغرق وساقك مشنجة ماعم تقدر تطلع و تنقذ حالك؟ هيك وضعي .. هيك عم أغرق أنا .. بدي بس طوق النجاة يلي رح ينقذني من هالعمق.. ومستعدة أعمل أي شي لخلص روحي من الموت
مابتعرف من وين جاب المشاعر؟ بس هي متأكدة نظراته كانت متعاطفة معها
بتستعيد وعيها وبتبعد وجها عنه لتحس بلمسة "خنصر " أيده و يمسح طفيف الدمع يلي عانق رموشها السفلية
حس بصفعة قوية داخل قلبه لما لمسها.. صفعة شبح داخل روحه كان في سبات عميق بس لمسة وحدة ل تاج وعّته.. صحّته ليقوم ويصرخ فيه.. يصرخ بالرجل الجبّار يلي أقسم على كره البشرية .. وأقسم أنه يترك قلبه ميت.. بدون أي مشاعر.. صرخ فيه ليصحيه قبل ماتصحى الأحاسيس جواته.. ويكون على استعداد ليخوض حرب جديدة أمام كبرياء إمرأة
التفتت عليه مصدومة من تصرفه الأخير
وبتبقى مثبتة عيونها داخل عيونه.. لحظات تتالت وماكانت تنتهي، وكأنها لامست بنظرها أحد رواياتها بهالعيون.. وبدأت تقرأ سطر وبعده سطر
لأول مرة من هالأيام يلي عاشتهن معه.. حسته شخص مختلف.. كليّاً عن يلي تعرفت عليه.. بيحمل جواته مشاعر .. عم يخفيها بوجه دائم الغضب
لحظتها بس فهم يلي عم تعمله.. هو بيعرف مانها ساحرة لتسحره بتعويذة.. بس متأكد لأنها "كاتبة".. رح تقدر تعيش شخصيته وتفكك حروفه وتسترسل أحداث حياته بنظراتها هي
بعد عيونه عنها لما انتبه لنفسه كيف صار يفكر بطريقة تفكيرها.. كيف صار يحس أنه(الكاتب) شخص مختلف فعلاً.. متل مابقيت كل هالفترة عم تخبره
وقف من مكانه بارتباك وبيمشي خطوتين وبيرجع بيلتفت عليها
شاهين بتلعثم: أنا.. أنا.. بدي أشرب قهوة
بتطلع فيه فاقدة الأمل منه من جديد
تاج: طيب.. شو يعني؟ عم تسألني إذا بحب أشرب أنا كمان؟
جاوبها بنظرات ساخرة: لأ.. عم قلك قومي عمليلي قهوة
زفرت بتعب لتوقف أمامه وعيونها مليانة غيظ
تاج: بدي أفهم شغلة وحدة بس.. يلي طلب منك تخطفني، حكالك لازم تدربني لصير مدبرة منزل مثلاً؟
شاهين بمكر: لا بس أنتي خبرتيني مرة أنك بتعيشي جميع شخصيات رواياتك.. وأكيد شي مرة كتبتي دور خادمة
بتقله مصححة: اسمها مساعدة..يعني بدك عيش دور سمرا؟
شاهين بتساؤل: مين سمرا؟
قربت منه اكتر وحكت بابتسامة خفيفة: إذا بتعمل القهوة رح خبرك
فتح عيونه مصدوم منها.. والاكتر من نفسه وطريقة كلامه ليجاوبها وهو عم يسحبها من معصم ايدها بخفة
شاهين: انتي جنيتي صح؟ من كل عقلك أنا يلي بدي اعملك قهوة؟ تصطفلي ان حكيتي ولا ماحكيتي .. لك مو الحق عليكي الحق عليي يلي صرت احكي متلك.. قال بدي عيشها دور الخادمة قال
بيفلت ايدها لما بيوصلوا عالمطبخ
تاج باستفزاز وهي كاتمة ضحكتها: مساعدة إذا سمحت
ضم حاجبيه وحكالها بنبرته الرجولية: خلصنا سكتي تاج
بتلتفت عليه لتظهر ضحكتها الجميلة يلي شاركتها عيونها بلمعتهن.. وزاد جمالها
بقي سارح فيها.. عم يتأكد إذا بالفعل هي جميلة؟ ولا ضحكتها هي يلي لفتته
بالفعل ما كانت أجمل انثى بهالكوكب.. لكن التفاصيل المميزة أعمق من الجمال أحياناً
شعور مخيف تسلل لقلبها لما كان شروده فيها يزيد.. خوفها من القادم أجبرها تلتفت لتعمل القهوة.. و وتتناساه
مشاعر مليئة بالتناقض.. بينما ماعم تقدر تعمل حدود بينها وبينه .. وبين أنها عم تتذكر أو تذكر حالها دائماً أنه هالشخص هو أخطر انسان قابلته بحياتها
تركها ورجع للغرفة وعم ينتظرها
بعد وقت قليل رجعت وبايدها (كوبين) من القهوة
قدمتله الأول لتقله: اتفضل
اخده منها بصمت تام و ارتشف منه
وقعدت هي عالكنبة التانية
كان مشغول بجواله وكأنه عم يراسل حدا
استغلت الموقف لما بقيت سارحة بخيالها.. وعم تحاول مع نفسها من جديد، عم تحاول تفكر.. تلاقي طرف خيط لتنسج فيه شبكة صيد وترميه بـ بحر خيالها
غمضت عيونها فجأة لتغوص اكتر وسندت راسها للخلف.. لتشوف خيال شخص عم يمشي من بعيد.. ظهر صوت خفيف لحظتها .. صوت شخص..
ويلي ماكانت منتبهتله أنه كان صوت شاهين.. بأرض الواقع ..فجأة بيسحبها من قمة أفكارها لتهوي عالأرض بقوة
فتحت عيونها متل الانسان يلي كان نايم وعم يحلم وفجأة بيسقط
ارتعش جسدها ليستغرب الموقف
شاهين: خفتي؟ شبك شو صرلك؟
فتحت عيونها بنظرة مختلفة عن يلي اعتادها منها.. بتتزوره وكأنها غاضبة من تصرفه
اخدت نفسها لتستعيد وعيها وتتذكر مين معها هلأ
شاهين بقلق: تاج؟ انتي منيحة؟
ابتسمت بهدوء لترجع تاج يلي بيعرفها ونظراتها تتبدل
تاج: يمكن غفيت.. شو كنت عم تحكي؟
شاهين: مابدك تحكيلي عن سمرا؟
ازدادت ابتسامتها.. اخدت نفس عميق بمتعة ماحدا رح يفهمها غيرها وباقي الكُتّاب لما يحكوا عن شخصيات رواياتهن.. وبتبدا تسردله الموضوع باختصار
تاج: سمرا بطلة روايتي #إذا_هجرت_فمن_لي🎶 صح كانت خادمة.. بس هي خلقت بين ايدين حبيبها.. فهد كان صغير وقت حطوها بين ايديه وماتخيلها غير قطعة شوكولا من سمارها.. وأطلق عليها هالاسم.. كانت خادمة ببيته صح بس..
اكملت كلامها وهي عم تشرحله تفاصيل روايتها و ماكانت منتبهة لشروده.. نظراته كانت بتدل أنه متعمق بحديثها لكنه متعمق بتفاصيل مختلفة عن يلي عم تنطقه شفافها
أيام قليلة جمعتهن ويوم بعد يوم عم يكتشف فيها أشياء جديدة.. بشخصيتها الغريبة و شكلها وملامحها المميزة وحروفها يلي مع كتر بعثرتها عميقة وأفكارها يلي ماسبق وشهد لوجودها عند أي انسان آخر
أوشكت على أنهاء حديثها وتغيرت ملامحها للقليل من الحزن وصحي من شروده ورجع يسمعها
تاج: كل ماتشارف الرواية على الانتهاء بحس بغصة جوا قلبي..مفارقة شخصيات شاركوني شهور من حياتي.. تفاصيل دقيقة عشناها مع بعض.. شاهين كنت بلحظات اتشارك معهن قهوتي، بزاويتي الخاصة ببيتي.. أقعد ولاقي وحدة من البطلات مقابلي وعم تتساءل : " وين رح توصلينا؟ ايمتى رح تخليني ارتاح وأوصل للي بتمناه؟ " وأوقات يشكولي همن
بتسكت لحظة لتكمل: شاهين!! بدي صارحك بشي ، بس ياترى فيك تتقبله وما تتهمني بالجنون؟
بيخفي ابتسامته ليقلها بصوت هادي: قولي مع انه الجنون صار بيتك ومطرحك
بتتنهد لتتغاضى عن جملته الأخيرة وتبقى مستمتعة بيلي عم تحكيه
تاج: أنا مشتاقة .. مشتاقة لشخص مازال ماله أي وجود
كل كلامها حاول بصعوبة يتقبله إلا جملتها الأخيرة كانت غير منطقية للحد يلي ماقدر يتقبلها أبداً
شاهين: لا هيك كتير،بيكفيكي جنون تاج
جاوبته بملامح هادية سارحة: عنجد مشتاقتله شاهين
سألها بتعجب: مين؟
تاج: هو يلي رح يجي عن قريب.. بطل الرواية القادمة.. كل ماعم غمض عيوني بلمحه من بعيد.. جاية وجايبلي أحداث ماعشتها من قبل ولا كتبتها.. بس بطيئ جداً.. كتير بطيئ وماعم يجي عم حس بتعبه من خطواته المتثاقلة
بعفوية حكا كلامه ماكان قاصد يشاركها جنونها
شاهين: طيب روحي انتي لعنده
اتطلعت فيه وملامح الدهشة على وجها
كتم ضحكته ليحكيلا: أكيد مارح تدايقي من كلامي صرلك ساعة عم تخبصي يعني..
اتجاهلت كلامه وقالتله بحماس: شاهين..أنت رائع
ناظرها بصدمة مستغرب ردة فعلها
تاج: صح.. كلامك منطقي وصحيح إذا هو ما أجا لازم روح لعنده أنا
كتم ضحكته من جديد وهو متأكد يلي أمامه مستحيل عقلها سليم ليقلا: أي كلامك مو منطقي تشتاقي لشخص مو موجود بس يعني كلامي منطقي " لما تحسي بالشخص مارح يتقدم تتقدمي أنتِ "
تاج: برافو عليك.. دخلك أنت هيك شاطر بكلشي؟
جاوبها بفخر وسخرية بذات الوقت: أي نعم
تاج: بتعرف فينا نعمل عمل مشترك مستقبلاً.. أنت بس رجعني على بيتي وأشيائي يلي شتقتلا كتير
صمتت للحظة و انتبه كيف سرحت ولحظات النكد يلي بتمر عليها أوشكت على القدوم
((انتبه عليها)).. انتبه كيف بين جنونها ولا مبالاتها بكلشي بتحكيه وضحكها وغبائها أحياناً بتجيها لحظات بتلجأ للصمت.. للشرود.. وللبكاء أحياناً
ماحب تنتهي ليلتهن بالدراما يلي رح تعيشها لهيك قاطعها وقلا: كتير مشتاقة ترجعي لحياتك يمكن من كتر مو مرتبة .. بتعرفي أنا حتى ماعندي بيت معين لاشتقله
تاج: هاد الغلط بيوقع عليك.. لازم تخلق مكان للراحة لتقدر ترتب فيه أمور حياتك
شاهين باستهزاء: رتب سجل الخطف قصدك!!
اتطلعت فيه وهي عم تتزوره..
تساءل عن سبب هالنظرة لتجاوبه: أنت ليش مُصر بكل فرصة تذكرني أنك خاطف مأجور؟
شاهين: لأنك بتنسي كتير وحولتيني لصديق مأجور فجأة
اتطلعت فيه بفخر لتجاوب: بسمحلك تفتخر بالشي يلي عطيتك ياه وميزتك فيه عن الباقي
ابتسم ليحكيلا: غريبة الأطوار
شافته عم يرتب الكنبة ويستعد لينام
تاج: رح تنام هون؟
شاهين: أي ليش وين متوقعة نام؟
تاج: كأن لاحظت في غرفة جوا؟
شاهين: لا ممنوع تفوتي لجوا ولا حتى أنا هي الغرفة مقفولة
ازدردت ريقها وجمدت نظراتها فيه
شاهين: لك شبك؟
تاج بخوف مكتوم: شاهين؟؟ قاتل حدا وراميه جوا؟
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```