الفصل 6
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵* *موعد.مع.خاطفي.tt*♥️
*❴🔢❵☟الـــبـــــــــــ❴6️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
تاج: مارح أعمل شي.. لتعقم جرحك.. ماعندي استعداد كل ماشوفه يأنبني ضميري.. إذا أنت مابتعرف شو يعني ضمير.. أنا ضميري صاحي
رد عليها بتذمّر: لا إله إلا الله..
بيتوجه على الخزانة وبيطالع علبة
شاهين: تفضلي
تاج: يلا طالع القطن والمعقم
شاهين: مافي فايدة خلص الجراثيم عملت اللازم.. وقلتلك مو متعود عقم جروحي بتركهن هيك أنا
بتفتح العلبة وبتبدا تدور على قطن وبتسكب فوقه معقم
حكتله بنبرة أمر: قرب مني لشوف
قرب منها حاولت ترفع حالها لعنقه بس ماكانت عم تقدر تشوف الجرح منيح
و بنفاد صبر حكت: مبسوط على حالك كتير وأنت طويل بطول الحيط؟
بيجلس على الكرسي وبيرفعلا عنقه وهو مبتسم: هيك منيح؟
تاج: تمام
وقبل ماتلامس القطنة جرحه بترتسم ملامح الألم على وجها وكأنها عم تحس هيك لحظة شو بيكون وجعها
بتزدرد ريقها كل ماتقرب منه اكتر وهو عم يراقبها بصمت ولما يطول ترددها بيمسك أيدها ليحطها على الجرح بسرعة
ببرود حكا: خلصينا مو عملية تشريح يعني
بتمسح بهدوء لتقدر تتخلص من الدم يلي كان على أطراف الجرح وبتبدا تعقمه منيح
نبضات قلبها المتسارعة تجاهلتا ونسبتها لخوفها من ألم الجرح وشوفتها للجرح على عنقه.. بس رجفة أيدها ومشاعرها الغريبة ماعم تعرف لشو تنسبهن
بس تنتهي بتحط شاش وبتلزق أطرافه منيح
تاج: وهيك بكون داويت جرحك يا سيد شاهين بس بدك تعرف أنه في جروح ما بتداوى بهالبساطة
شاهين: بتعرفي.. كل يوم عم تثبتيلي أنك كاتبة اكتر من قبل.. شو كمية هالدراما كلها؟
تاج بنرفزة: ااخ بس ااخ
بتمشي لناحية الكنبة و بتسحب أي شي طلع معها من الأكياس لتتوجه على الحمام بس بيقاطع طريقها لما يوقف أمامها
تاج: خير؟
بيقرب منها بجرأة وبيحضن خدها بكف ايده وعيونه غاصت بعيونها.. مابيكتفي لحظتها وبيقرب منها اكتر وهو عم يهمسلا: وفي جروح هيك بتداوى
وبقربه الزايد وقبل ما ينفّذ يلي بباله ماقدرت تسيطر على حالها لحظتها ورفعت أيدها لتصفعه بكل ما أوتيت من قوة
بتشهق من صدمتها لتحط أيدها على تمها وذات الشي وقف مصدوم فيها
عيونها حكتله أنها كانت حركة غير مقصودة وكأنها عم تترجاه وتتأسف بنظرة الخوف ،بس ماقدر يتحمل أول ماصحي من صدمته وتحرك.. سبقته وركدت متوجهة على الحمام وقفلت الباب
بيوصل لعندها وبصوت قوي وهو عم يخبط عالباب: تاج.. طلعي.. طلعي عم قلك.. والله لدفعك تمنه غالي
تاج : ليك اعتبرها وحدة بوحدة أنت ضربتني وأنا ضربتك.. أو اعتبرها الدوا لوجعي يلي تسببتلي ياه
بيصر على اسنانه وبيكمّل: شو عم نلعب نحن؟ طلعي عم قلك
تاج: ماني طالعة
بتقرب على الصنبور وبتفتح المي لحظتها فقد الأمل ورجع لمكانه متململ من تصرفاتها الغبية
استراح على الكنبة وسند راسه للخلف وصار يفكر.. وين وصلوا؟ وكيف وصلوا لهون؟
ماعم يقدر يفهم كيف هو هادي لهالدرجة.. بعد ما كانت أول انثى .. ((حرفياً أول انثى )) بتعمل معه كل هالأشياء.. صفعة و سكين كان رح يخلص عليه بلحظات طيش
زفر نفسه بعد ما اتنفسه بعمق.. وغمض عيونه
مابيعرف كيف عدا الوقت وسمع صوت باب الحمام عم ينفتح
لتتسلل ببطئ وهي عم تتلفت حوليها ترصداً لأي ضربة مفاجأة
لحظة ستوعبت الوضع وأنهن مو أطفال صغار ليتضاربوا.. أخدت نفسها لتستعيد قوتها.. وجلست ضهرها ورفعت راسها بغرور ودخلت على الغرفة
فتح طرف عينه بهدوء ولمحها دخلت وعم تحاول تنشف شعرها المبلل
كانت لابسة بيجامة شتوية من صوف باللون الأخضر الفاتح .. البنطلون نوعاً ما عريض وخصره مرتفع و البلوزة قصيرة واصلة لطرف خصر البنطلون
بيجلس اعدته وهو عم يتأملها بتمعّن.. ماكان قادر يمنع حاله من مراقبتها..كان قوامها ملفت بالنسبة أله
انتبهت لنظراته يلي ما استلطفتها أبداً وقعدت على الكنبة المقابلة أله بتوجس
لما انتبه لنظراتها تنحنح و صحي من أفكاره
شاهين: إن شاءالله مابردتي
تاج بانزعاج: لو انتبهت ل لون شفافي الازرق كنت عرفت الجواب
ركز بشفافها وحكى بابتسامة جانبية: لا من بعيد مو كتير باينين
بضيق جاوبته: لا إله إلا الله.. صح أنا خفت وهربت لأني وجهتلك كف.. بس عندي استعداد كرره ها
شاهين: بس أنا هالمرة ماعندي استعداد أمنع حالي وما أأذيكي
بتزدرد ريقها بصمت وبتحاول تصفف شعرها بأصابعها لما مالقيت مشط يساعدها
بتحاول تغير الحديث: كنت كمّل كرمك وجيب مشط
شاهين: لازم والله.. خدمة خمس نجوم
تاج: صحي أنت بتدلل كل زباينك هيك؟
بيكتم ضحكته بسبب كلمتها الأخيرة ليجاوب: لا مو الكل.. أنتي ألك تعامل خاص
بتستغرب جوابه: شو المناسبة يعني؟
شاهين: بدك تعتبري أنتي أول عملية خاصة فيني.. يعني بعد ماتركت الشغل المشترك
تاج ببلاهة: يعني أنتو عصابة؟
شاهين: شو متوقعة لكن؟ أي فيكي تقولي كنا عصابة وفي شخص هو يلي بيعطينا الأوامر لنخطف أشباهك
بتطلع فيه نظرة ذات مغذى
تاج: وشبهن أشباهي؟
بيبتسم ابتسامة ساخرة ليجاوبها: أنتي أدرى والله.. مطولة بالحكي؟
تاج: ليش؟
شاهين: لازم نرجع
بتنفعل وبيبان من ملامح وجها لما تجاوبه: لااا مابطلع خطوة من البيت.. ليك شعري مبلول
بترفعلوا خصلات شعرها الطويل المبتلة.. ولأول مرة بيشوفهن مفرودين على أطراف كتافها،مداعبتها لخصلات شعرها أغرته وخلته يتمنى لو يقدر يلمسهن فعلاً
بتكمّل: مستحيل روح للغابة وموت من البرد.. صدقني بكرا بتلاقيني بالمشفى
بيسكت لحظات وعم يفكر بكلامها وحس بالمنطقية
ليحكيلا: بس نحن لازم ناكل
تاج: بسيطة روح جيب أكل وتعال
بتتغير ملامحه من اللين للشدة وبيفتح عيونه بغضب
شاهين: بشتغل عندك لأنه أنا؟؟.. هاد يلي كان ناقص كمان عم تتأمر.. قومي خلصيني دخلي المطبخ و عملي أي شي بيتاكل لنفطر
ردت بصدمة: عفواً؟
بقيت لحظات وهي مثبتة عيونها فيه ناطرته يتراجع بس كان أعند منها وحكى بنبرة زادت حدّة: متل ماعم تسمعي.. قومي يلا فتحي التلاجة وشوفي أي شي بيتاكل
بتطلع حوليها بهالمكان لتقله: وهالبيت شو ممكن يلتقى فيه وهو مهجور؟
شاهين: لا ماتخافي مو مهجور كنت أجي ببعض الأوقات لهون
بتطلع فيه نظرات والتردد واضح فيهن وبقيت نظراته بتأكدلها أنه مارح يتراجع
شاهين :عندي شوية شغل عاللاب توب.. لبينما خلص بدك تكوني جهزتي الأكل
قامت من مكانها بتململ.. لتدخل عالمطبخ يلي واضح عليه أنه قديم لكن نضيف نوعاً ما
محتارة شو ممكن تعمل فيه.. بتفتح التلاجة لتاخد نظرة شو بتلاقي فيه.. وبعدها بتتوجه عالخزن وبتفتحن وحدة وحدة لتتعرف على مضمونهن
سمع أصوات كتيرة من المطبخ وأحياناً كان يسمع نبرة تذمرها من الوضع.. لأن البيت صغير والمطبخ قريب من الغرفة
يبتسم بصمت و كأنه عم ياخد بثأره منها بعد كلشي عملته.. لحظات قليلة وسمع صوت معدن وقع بالأرض و اتبعه صوتها بنبرتها الخايفة
تاج: شاهييين
رفع راسه بذعر و برعشة مابيعرف سببها سكنت أطراف جسده.. قام مسرع الخُطى لعندها
بيدخل عالمطبخ والقلق واضح على ملامحه ليندهلا: تاج!!
بتطلع فيه و وجها شاحب وحاطة أيدها على صدرها يلي عم يعلى ويهبط بشكل واضح بسبب خوفها
بيقرب منها لحتى يبقى خطوتين بس.. رفع ايده ليطمن شبها بس جمدت أيده قبل ماتوصل عليها وسألها: شو صار؟ أنتي منيحة؟
بتزدرد ريقها وبتقله بحروف متقطعة: النار.. كنت بدي شغّل النار بس طلع الفرن معطل و…واللهب وصل للسقفية
بيعرف ممكن تكون بالغت شوي بس من خوفها المشهد كبر بنظرها
مشي بخطوات سريعة ليجبلا كاسة مي وقدملا ياها
اخدتها لتشربها وهي عم تطلع بعيونه
شاهين: كنتي اندهيلي أنا بولعه
بنظرات عتب بتجاوبه: ماكنت بعرف والله.. كأنه هي أول مرة بدخل هالبيت؟
شاهين: تمام.. خلص أهدي.. أنا رح شغله
ولمجرد يلتفت ليشغله بينتبه لحظتها للفوضى يلي صارت بهالمطبخ الصغير
شاهين بصدمة: لك شو عملتي بالمكان؟
نظرة حزن صدرت من عيونها ماقدر بعدها يكفي كلماته
بيشغل النار ليقلا: اتفضلي
تاج: لأ أنا ماعاد أقدر قرب منه بترجاك أنت ساعدني وحطه عالنار
شاهين: بس..
قاطعته قبل مايكفي: بس أنا خايفة.. ومن سابع المستحيلات أرجع قرب عليه
بيزفر وهو فاقد الأمل منها لينفذ طلباتها وبقي معها طول الوقت بينما كانت عم تحضر أطباق بسيطة ومتنوعة.. منها معها بطاطا ومنها بالبيض
كانت طول الوقت عم تحاكيه وتناقشه بطريقتها المعتادة.. وكأنها بتعرفه من سنين.. ولا كأنه اكتر انسان سيئ قابلته بحياتها و (خاطفها)
ماكان يجاوبها كالعادة.. متل كل مرة بتكون عم تحكيله عن رواياتها ونجاحاتها.. بس هالمرة كان في شي مختلف.. هالمرة كانت عيونه متوجهة على وجهها .. عم يتابع ملامحها و نبرتها المتغيرة على حسب الحديث.. هالمرة عنجد حسته عم يسمعها حتى لو ماكان عم يجاوبها أو يشاركها الحديث
كان الشعور ممتع بالنسبة ألها.. لحظات يبتسملا حتى لو بخفة أثر حديثها عن موقف مضحك.. ولحظات الحيرة تنتشر بملامحه ليعرف باقي الموضوع وهي كانت بين الوقت والتاني تلقي نظرة عليه حتى تتأكد من وجوده
وقت قصير وجمدت ملامحه.. اختفى من هالعالم هاد.. سرح بخياله لمكان حتى هو مابيعرف يحدده
يلي بيعرفه أنه ماعاد سمعها.. بس كان شايفها بوضوح عم يحفظ تفاصيلها .. حركاتها و مشيتها .. وجهها المميز.. رسمة عيونها و رمشتهن.. انحناءات جسدها الممشوق
لينتبه للحظة لشي أول مرة بينتبهله.. شامتها المتموقعة أسفل ذقنها بطرف عنقها الحنطي
مابيعرف شو الشعور يلي انتابه.. بيزدرد ريقه بصمت لتزداد حدة أطراف ذقنه بسبب شده على الفك السفلي بحركة غير إرادية
بتنتبه لحظتها تاج للنظرة يلي بعيونه.. نظرة قدرت تفهمها منيح.. ياما كانت تحاول تشرحها على ورقاتها.. وكانت كل مرة تقدر توصفها بمفردات مختلفة معناها واحد وهو (الحب)
لحظتها بدا ألها الموضوع مجرد أنه من فرط شوقها لرواياتها.. تخيلت نظرات بطلها المغرم.. بصاحبة قلبه الوحيدة
بتتوتر وبتلف ضهرها حتى تخلص آخر اللمسات لتحس بخطوات بصوتها الخفيف جداً وقتها كانت متأكدة من وجوده خلفها تماماً
توترت ورجفت أطرافها لتسقط من ايدها الملعقة ويمسك ايدها مباشرةً
وبهمسات قريبة من أذنها بيحكيلا: مابعرف كيف بقيت عايش بعد ما حطيتي السكين على رقبتي.. وأنتي ملعقة ماعم تقدري تمسكي
رجعلها ايدها للطبق يلي أمامها بيحس بارتباكها الواضح من صمتها
صمتها الغير معتاد.. بيبتسم بخفة ليتركها جامدة مكانها ويدخل للغرفة والانتصار مالي قلبه.. لأنه قدر ينال منها
أول ماتحسه غادر المطبخ بتلتفت للخلف وبملامح متوترة بتهمس: شو هالغباء هاد.. شو مفكر حاله عم يعمل؟
حاولت تضبط أنفاسها.. بعدها بتحمل الأطباق وبتتوجه للداخل لتنزلهن عالطاولة
بعد لحظات..
تاج: الأكل جاهز
بيتطلع فيها بعيون ضاحكة وملامح عم يمنع فيها هالضحكة
شاهين: يلا لنشوف شو طلع من أيدك
بتزفر بتعب لتكتم الغيظ يلي جواتها
بيقعد مكانه و أول ماتحاول تقعد عالكرسي يلي بجنبه بيصدمها بجملته
شاهين: ستني.. شو عم تعملي؟
تاج بغضب مكتوم: بدي اقعد آكل، ولا ممنوع؟
شاهين : خدي طبقك وقعدي بعيد .. بصراحة ما عاد أمن أقعد جنبك ومعك أدوات حادة
وبيشاورلها عالسكين يلي بجنب طبقها
بيكمّل كلماته: مو خوف منك.. خوف عليكي من ردة فعلي وقتها
شهقت بصوت خفيف و تزورته بعيونها.. لتسحب خيبتها وتمشي
لحظة وبيمسك ايدها بحركة مباغتة
شاهين بهدوء كاتم خلفه ضحكته: خلص غيرت رأيي ابقي
تاج: لو سمحت شيل ايدك عني وتركني.. أصلاً ماعاد ألي نفس
بدأ الصبر ينفد منه بسرعة ورجع كرر كلمته: خلصنا عم قلك قعدي.. حكيتها لغيظك بس
جاوبته بعصبية خفيفة: عم قلك تركني ماعاد ألي نفس آكل بوجودك
سحبها بقوة ليحطها عالكرسي بحركة وحدة منه وبيتبع حركته كلماته الغاضبة
شاهين: أنا مو عم قلك قعدي مكانك؟ ليش بتجبريني عصّب؟ بيكفي عناد يلي بحكيه أنا بيتنفّذ.. عم نلعب هون نحن صح؟
أطرقت راسها وبقيت سارحة بكفوف ايديها المتشابكين فوق حضنها مكان ماقعدها غصب
مابتعرف سبب الغصة بحلقها..يلي تسببت بلمعة عيونها.. هي الدمعات يلي ظهرت لتربت على كبريائها يلي كان على طول يمسّه بصوته العالي الغاضب
انتبه لرقبتها وهي عم تبتلع غصتها بشكل متكرر لتحاول تكتم شي داخلها
بيسحب كاسة مي و بيوجها لعندها
مارح تقدر تعاند اكتر.. مابتعرف خوف و لا اختصار لصرخات تانية بس رفعت أيدها وامتثلت لطلبه
اتنهد بتعب ليحكي بصوت هادئ: لا تعانديني تاج.. نحن واعيين كفاية لنتصرف مع بعض بطريقة سليمة.. مجبورين نقضي هالأيام يلي باقية.. ٢٥ يوم وبتخلصي من هالعذاب..بتخلصي من وجهي وعصبيتي
سكت لحظات وكمّل: وبخلص منك ومن كلامك يلي ماله نهاية.. بتكملي حياتك بطريقتك وأنا بكملها بطريقتي.. خلينا نكملهن بدون مشاكل..مو حابب عاملك بطريقتي القديمة المعتادة..مو حابب ورجيكي الوجه الأساسي لـ(الشاهين)
رفعت نظرها أله لحظتها مستغربة..إذا مو هاد الأساسي لسا شو ممكن يكون؟
شاهين: أي ماتستغربي..يلي أمامك ألطف بكتير من ماكان عليه..بحياتي ماكنت مفكر أقعد مع المخطوف هيك قعدة..أو اتركله مجال يحكي معي حرف واحد
وجه نظره لشفافها وبيثبت نظره عليهن
شاهين: تمك ماكان رح يفارقه الشريط اللاصق.. وايديكي كانو رح يبقوا مكبلين طول هالأيام
كانت حايرة بكلماته وهدوءه وتصرفاته.. شو هالانسان الغريب يلي بحياتها ماقابلت متله
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```