موعد مع خاطفي - الفصل 4 - بقلم المجنون - مكتملة | روايتك

*قـصـص وروايـات عـالـمـيـة💙📚📖* *بإدارة* *يـامـن💙* *❴📖❵↵* *موعد.مع.خاطفي.tt* ♥️ *❴🔢❵☟الـــبـــــــــــ❴4️⃣❵ــــــــــــارت☟* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h``` ➖➖➖➖➖➖➖➖➖ بيقعد ساعة لوحده عالموبايل.. مابيعرف شو السبب بس كان صوتها عم يتردد براسه رفع نظره ليشوف شو وضعها بس لسا نايمة شاهين: اوففف اوفف وبعدين معها؟ (وبصوت اعلى) قومي اصحي.. بيكفي نوم ماكان في إجابة واضطر يرفع صوته اكتر شاهين: هااي انتِ بيهتز جسدها بخفة وبتبدا تحاول تفتح عيونها بتبعد البطانيات عنها بصعوبة بسبب تقل وزنهن بصوت ناعس: لعما.. لساتي مخطوفة! شاهين: متوقعة رجعك وانتي نايمة لسرير بيتك ياحضرة الأميرة النائمة؟ رفعت عيونها للأعلى: ياربي لو باعتلي خاطف ألطف منه زفر بعصبية: قومي يلا.. جهزي الفطور مو كل يوم رح أخدم عليكي.. هاد يلي بقي ناقص مخطوفة واخدمك.. الشغلة طويلة يعني قعدت مكانها والخوف سيطر على ملامحها: كيف يعني طويلة؟ شاهين:… بتكمل وعيونها فضحت حزنها: جاوبني؟ يعني خبروك يلي طلبوا تخطفني وحكولك مطولين؟ طيب ماخبروك اديش رح يطلبوا من عيلتي فدية؟ شاهين: لا إله إلا الله.. على فكرة الحق مو عليكي.. أنا يلي صحيتك من نومتك وياريت ماصحيتك وكأنها ماعم تسمعه.. غرقت بأفكارها.. ياترى شو وضع أخوها؟ وشو صاير بصديقة عمرها؟ بينتبه للحزن وهو ساكن بعيونها ليقطع شرودها شاهين: شتريتلك الدفتر بتطلع مكان ماعم يشاورلها وبس تشوف الدفتر والقلم الحزن بيتلاشى والفرحة غمرت قلبها سحبتهن لأيدها بسرعة: والله ووفيت بوعدك ياشاهين.. عنجد شكراً.. فيك تسجل سعره بالحساب نطق بضيق: استغفر الله ياربي بتفتح القلم فوراً وبتبدا تجربه تاج: لا خطه مو كتير حلو.. لك .. كان لازم خبرك عن نوعية الأقلام يلي بستخدمها شاهين: هاد يلي ناقصني تاج: لك لا.. هاد القلم كمان بيخلص بسرعة.. مرة كان عندي حفل توقيع رواية.. ومن نص الحفل خلص الحبر.. ااخ بس شاهين:اليوم ياريت تخففي حكي وتقومي تجهزي الشاي والطاولة بتململ قعدت عالسرير وحكت: لك بردانة مو قادرة اتحرك التفت متوجه لباب الغرفة وهو عم يقلا: بتعملي يلي عم قلك عليه من تم ساكت بيطلع لتنتبه عليه عم يحكي مكالمة بتقرب طرف الباب وهي عم تحاول تسرق السمع وكأنها متوقعة يكون عم يحكي شي بخصوصها وممكن تعرف مين عمل فيها هيك وبعد وقت فطروا وقعدت تكتب بدفترها الجديد.. وكانت المتعة واضحة بعيونها وبسمتها أما بالنسبة أله قاعد عم يكبس بموبايله وبين الوقت والتاني يتطلع عليها يشوفها غرقانة بكتابتها وبتوصله رسالة من رقم خاص …: " رح يوصلك اليوم جزء من المبلغ.. أهم شي ماتنصاب البنت بأذى،بدنا ياها ترجع سليمة،وأهم شي ماتعرف أي معلومة عننا،ولا تسأل ايمتى بتنتهي المدة.. لبينما نحصل على يلي بدنا ياه منخبرك " فجأة بيسمع صوت زفرتها الغاضبة بيرفع راسه بيلاقيها معصبة وجها أحمر وعيونها عم تلمع اكتفى بالمراقبة بصمت وهي عم تطلع بعيونه.. نطرته يشفق على حالها ويسألها شبها.. بس شو ناطرة من انسان مجرم بلا قلب وبلا ضمير تاج: فيني اطلع لبرا؟ مارح بعد بتعرف بخاف من الحيوانات الموجودة شاهين: لأ .. خطر عليكي قامت من مكانها: بترجاك.. ليك تحت هي الشجرة رح بقعد أمام الشباك يعني أي حركة مُريبة رح تنتبه وتلقطني ببساطة شاهين: الله يطولك ياروح كانت نبرتها ضعيفة كتير.. والغصة واضحة فيها بتبعد نظرها عنه قبل مايلمح الدمعات يلي تجمعت بعيونها انتبه لهي التفاصيل كلها.. مو من عادته يرحم حدا.. بس قنع حاله أنه كان بده يرحم حاله من كلامها الزايد شاهين: فيكي تطلعي.. بس عيني عليكي هزت راسها و سحبت المانطو يلي ألها بتحط الدفتر جوا جيبتها وبتطلع وقفت أمام الباب لما الريح الباردة لفحت وجها وارتجف قلبها نزلت دموعها بغزارة.. والقهر مالي قلبها.. كلشي بحياتها من سيئ لاسوء.. نفسيتها متدمرة.. نجاحها انقتل وبعدها أجت قصة خطفها دمرت نفسيتها بزيادة بتمشي بصعوبة بسبب الثلج يلي عم يرتفع بشكل بسيط عن الأرض وقفت تحت الشجرة وسندت ضهرها عليها كتفت ايديها وبتحاول تدفي كفوفها تاج: وبعدين ياتاج؟ ايمتى رح تلاقي الحل؟ يمكن بس تلاقي أساس المشكلة .. ااخ يارب.. ساعدني ماكانت عيونها واضحة عليه لأن صارت بعيدة.. بس حركة ايدها المتتالية وهي عم تمسح دمعاتها أكدتله أنها عم تبكي مااستغرب طبيعي وهي مخطوفة أنها تبكي..متل كتير نساء خطفهن.. بس الفرق كانو طول الوقت يبكوا.. أما تاج طول الوقت يا عم تحكي وتنرفزه يا عم تتفلسف عليه وقت قصير وطلع لعندها ومن بعيد ندهلا: يلا رجعي لجوا.. الجو برد كتير بتتوجه لعنده وبتقله: رح صدق أنك خايف أمرض شاهين: مو مشانك.. بس إذا مرضتي بتركك تموتي ولا باخدك للمشفى وهي ماشية من جنبه لتدخل عالغرفة: ماكنت بعرف البرد بيموت شاهين:غريب.. ابقي ساعة تانية وبتعرفي إذا بيموت أو لا بيدخل وراها وبيسكر الباب شاهين: بدي روح عندي شغل وبدي جيب حطب لنتدفى لازم اربطلك ايدك بلهفة ندهت: شاهين.. بيتطلع فيها ناطرها تحكي تاج: يعني.. كيف ؟ بدافع عن حالي إذا حدا أجا شاهين: ماحدا رح يجي.. محسستيني أول مرة بتركك تاج: الصدمة كانت مانعتني فكر وهلأ أجا عبالي الموضوع شاهين: يعني ماعدتي مصدومة؟ بنظرة ترجّي: لو سمحت ما تربطلي ايدي.. فكر للحظات وحكالها: بشرط.. ماتطلعي أبداً من هون وإلا رح تتعرضي للأذى _ تاج: بوعدك شاهين بتهديد: وإذا فكرتي تهربي وهربتي فعلاً.. رح يكون انتقامي شديد ،وأصلاً رح بتضيعي بالغابة والكلاب والذئاب رح تنهش فيكي بتهز راسها بصمت.. بيتركها وبيطلع من البيت لسيارته في شي عم يقله مع كل الجنون يلي واضح عليها.. أنها واعية ومارح ترمي حالها للأذى وتهرب بهيك غابة بعيدة كل البعد عن أي منطقة بشرية بتمر الساعات وبيصير الليل, لما صوت الريح صار يزيد..وصار مخيف اكتر.. وكأنه عاصفة قوية قادمة توترت كتير وهمست: تأخر..تأخر كتير.. ياربي شو بقدر أعمل اتحرك الباب من أثر الرياح القوية لتتحرك مكانها بخوف بحروف مترددة: شاهين؟اجيت؟ بتسكت لحظات لترجع تقول: لك بلا غباء مافي صوت سيارة أكيد ماأجا صوت اقوى وكأنه صافرة إنذار من فعل الريح بتدفع الباب الخشبي والشباك بقوة بتوقف مكانها بخوف وبتلزق بالجدار تاج بصوت راجف: مين؟ مين هون؟ ازدردت ريقها وضمت كفوفها ببعض وهي عم تحاول تقرب من الخزانة الكبيرة لتتخبى أصوات حيوانات مخيفة خلّت الخوف يسيطر عليها اكتر والمكان صار أبرد من قبل، وكأنه هي الأشياء كلها مع بعضها عملتلها خوف مبالغ جداً قربت لتحاول تسكر الباب بس ماقدرت ماكان في مفتاح لتقفله تذكرت وقتها المكان الصغير يلي فيه المغسلة بجنب الحمام.. متل مابتتذكر فيه مفتاح وبتقدر تتخبى فيه اخدت المانطو وقربت ببطئ للباب بتتلفت حولها ولما تتأكد مافي حدا بتركد بكل سرعتها لهالغرفة الصغيرة جداً وهي عم تحاول تسكر الباب بيوقع صندوق بالغلط للجهة التانية صرخت صوت من فزعها وثبتت مكانها للحظات بعدها سكرت الباب وبدأت تهدي انفاسها المتسارعة وبتفرك ايديها ببعض لتدفى اكتر تسائلت بينها وبين حالها: كان في صوت سيارة؟ أي أكيد كان صوت سيارة.. طيب مين؟ لو شاهين كان فات عالغرفة.. ياربي معقول شخص غريب؟ كل جزء من جسدها عم يرتجف شفافها أطرافها حتى قلبها يلي داخل صدرها المكان معتم جداً ماقدرت تجيب معها غير إضاءة خفيفة كان يستخدمها شاهين لما يطلع من الغرفة للحمام ليشوف الطريق تاج:..ليش هيك عم يصير فيني؟ولايمتى رح يبقى هيك وضعي؟شاهين..رجاع بقا فجأة بيعم الصمت لتلاحظ صوت غريب غير الريح العاتية بترتجف أوصالها لما عم تأكد بالصوت وتنكره بنفس الوقت وهي عم تهدي نفسها: لا مستحيل..مستحيل بتوجه الإضاءة عالأرض من حولها لتتأكد من يلي سمعته وبتشهق بقوة لما تشوف افعى عم تطلع من طرف الصندوق يلي وقع أول مادخلت تاج بصراخ مخيف: لاا حيّة!!لا لا..حدا يساعدني..شاهيين كانت الافعى عم تتمدد من الصندوق يلي وقع بطرف الباب تماماً هالشي منع تاج تقرّب أو حتى تهرب وبفعل الرياح القوية سقطت خشبة كبيرة من الاعلى لأمام الباب لترتد تاج للخلف بقوة وخوف أنفاسها بدأت تضيق.. شكل الافعى والعتم يلي هي فيه عملها توتر بزيادة.. وصوت الرياح برا يلي عم تتصارع مع الأشجار وكأنه هالموقف ما أله نهاية فقدت السيطرة على أعصابها وعرفت وقتها النهاية حانت ماقدرت تسيطر على رجفتها.. نزلت دموعها غصب عنها وحاولت تبعد نظرها عن الافعى لحتى ماتخاف اكتر و بصوت كل ماله ينخفض: يا شاهين.. قلت مارح انصاب بأذى.. مارح سامحك ..أنت وعدتني وخلفت بوعدك بدأ جسدها يتعرّق مع كمية البرد بالمكان لتحس فحيح الافعى بيقرب منها اكتر بتبكي بقهر لتنشد أطرافها اكتر.. المكان كتير ضيق وماقدرت تبعد عنها حاولت تقفذ بالمكان بس بدون جدوى مافي أي شي ترتفع عليه وأول مالامست الافعى طرف حذائها تشنجت رجلها بالكامل لحظات خارت قواها و وقعت بالأرض و تدريجياً كانت عم تفقد وعيها الخوف منعها تنتبه لصراخه وهو عم يندهلا شاهين بغضب: تاج…تاااج توجه للحمام خبط على الباب بقوة بس بدون نتيجة.. وماكان في جواب فتح الباب وكان فاضي قرب صوته بزيادة ووقتها قدرت تستعيد بعض من أنفاسها وحاولت ترفع صوتها وتندهله تاج بصوت متقطع و مبحوح: شاهين..أنا هون شاهين بعصبية واضحة: الغبية وين هربت؟ لحظتها انتبه باب الغرفة الصغيرة المخصصة للمغسلة مسكّر و بصوت اعلى ندهلا: تاج؟ بيقرب ليحاول يفتح الباب وبين الوعي واللا وعي بتندهله عم تستنجد فيه بنبرة شبه مكتومة: شاهين.. شاهين أنا هون لحظتها حست وكأنها غرقانة بس حصلت على طوق النجاة و استاعدت شي من قوتها بيحاول يفتح الباب و ماكان عم ينفتح معه بسبب الخشبة و الصندوق شاهين: تاج سامعتيني؟ بتستجمع قواها لتقله: أي.. بترجاك ساعدني شاهين: شو هالغباء؟ كيف بدي ساعدك وانتي قافلة ع حالك؟ تاج عم تلعبي معي؟فتحي خلصيني ارتفع صوتها الغاضب وباين أنها عم تبكي: شو العب لك شاهين؟ في حيّة على رجلي رح موت إذا مابتفوت هلأ وبتقتلها… رح تلدغني أكيد لك اااخ ارتفع صوت بكاها اكتر لحظتها شاهين بقلق: حيّة؟ طيب اهدي.. اهدي ولا تتحركي رح طالعك من هون تاج: رح تطالعني ميتة أكيد.. الحيّة التفت على كل رجلي شاهين: حيّة؟ فجأة بتسمع صوت ضحكاته ماقدرت تصدق أنه عم يضحك وهي بهيك وضع، وهالشي خلاها تنرفز منه اكتر بغضب واضح: عم تضحك؟ عم قلك في حيّة رح تموتني شاهين: تمام اهدي.. تاج لاتأذيها تمام؟ بقهر جاوبته: ما أأذيها؟ عم قلك رح تلدغني و بتقلي ما أأذيها؟أنا الحية ولا هي؟ شاهين: لك هي ( ليسا ) ماتخافي منها مو سامّة سكتت من الصدمة مو قادرة تحكي حرف شاهين: هي الافعى ألي.. بس كانت بالصندوق كيف طلعت؟ تاج بتوتر: ياريت تتكرم عليي وبدل ماتسأل عنها تطالعني من هون شاهين: تمام حاولي تقومي وترفعي الخشبة بصوت راجف: مو قادرة ليش ماعم تستوعب أنه بحياتي ماقابلت حيّة؟ ولما قابلتها اجت وحضنتني؟ بيحاول يدخل أيده ليبعد الخشبة وبعد محاولات عديدة بيبعدها شوي بيدخل نصف جسده للغرفة مابيقدر اكتر بسبب الخراب يلي حل بالمكان التقط انفاسه و مدلها ايده شاهين: وينك؟ مو قادر شوف منيح، هاتي ايدك تاج بنبرة باكية: مو قادرة رح تلدغني إذا تحركت واذيتها حاول يقرب منها اكتر : ماتخافي ليسا مافيها سم.. وثقي فيني وهاتي ايدك رفعت عيونها باتجاهه، ياترى بالفعل بتقدر تثق فيه؟ بس ماكان في وقت اكتر حست بالافعى عم تزيد ضغطها على ساقها بزيادة رفعت ايدها لعنده وأول ماتوصل لايده بيمسكها بقوة بيحاول يهديها ويطمنها: رح حاول اسحبك ساعديني ماقدرت ادخل لعندك، تمام؟جاهزة؟ بيحس برجفة ايدها وخوفها ، بيثبت أقدامه منيح وبيلتقط ايدها التانية وبيسحبها بقوة لحضنه بيدفع الباب شوي ليقدر يطالعها وببساطة حضنها بين ايديه بتضمه بقوة لتخفف خوفها من الحيّة يلي مازالت متعلقة فيها شعور غريب انعش داخله الميت ،وكأن الريح الخارجية تسللت لداخل صدره ولامست فؤاده ،المُقعد اللابث ب أيسر صدره.. غبار تناثر كان متجمع على أطراف شرايين فؤاده خلاه يبقى لحظات قليلة ساكن عم يحاول يفهم يلي صار ،ومازالت بقوتها الباقية عم تشد عليه تاج بهمس: شاهين بترجاك خدها عني كرمال الله بيكفي بيصحى ع حاله وبينتبه لحالتها الصعبة ردلها بهدوء: تمام بس نوصل للغرفة مافيني وانتي هيك تاج بعصبية: لك بيكفي شيلها عني عم احكي ، ليش ماعم تحس فيني؟ بتشد بعناقها عليه اكتر ليمسكها بايد وحدة وبالايد التانية يسحب ( ليسا ) عنها ببساطة بترفع نظرها وأول ماتشوف الافعى صارت بأيده بتدفعه عنها بقوة بدون ما تعرف شو ممكن يصير فيها تاج بغصة واضحة بنبرتها: تركني كله بسببك ،، كله بسببك يلا بعد عني نزلني شاهين بعصبية: لك بس ياغبية رح توقعي بتتقصد تدفعه عنها بقوة بضربات متتالية و بتنزل من بين ايديه ،بتركد مباشرةً للغرفة لترتمي على السرير باكية دخل بعد لحظات عالغرفة وماسك الافعى وعم ينقلها من ايد للتانية وهي مستمتعة وعم تلف على أطراف ايديه شاهين بقلق: تاج؟ ماكان في إجابة بيتركها دقيقة وبيرجع بيندهلا: تاج؟ انتي منيحة؟ منصابة شي؟ بترفع نظرها عليه لتشوفه قاعد على الكنبة ببرود وعم يلعب بالافعى *يـــــــــ͢ـོ͓ـــتبــــــــــــــོـ͓ـــ͢ــ؏* ➖➖➖➖➖➖➖➖➖ *❴📖❵↵*تنسيق مشرفين مجموعة:* *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية* حـب💙. حـزن💙. اكشن💙. رعب💙. *❴👑❵↵*أن كنت من عشاق ومدمني القصص مكانك عندنا💙* *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h```