الفصل 2
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵* *موعد.مع.خاطفي.tt* ♥️
*❴🔢❵☟الـــبـــــــــــ❴2️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
بتحاول تبعده وتدفع عن وجها الوردة ،كان أطول منها و حركاته القوية بتدل على بنية جسمه الرياضية.. لابس أسود بأسود حتى أيديه مختفيين داخل الكفوف
لافف الوشاح حول رقبته باحكام ليخفي باقي ملامحه بزيادة
بتحاول تبعد الوردة عن وجها لتحاكيه بس كان مصر يلزقها بقوة بأنفها وبدأت تستنشق عبقها غصب عنها
حست لحظتها أنها لازم تهرب بأي طريقة وإلا مصيرها رح يكون الموت ممكن..
دفعته بعنف عنها وبدأت تصرخ لكن….
فجأة الدوار سيطر عليها لتترنح وترتد للخلف وعلى أثر حركتها بتوقع قبعتها عن راسها
بيحاول يمسكها قبل ماتسقط على الأرض وبيسندها على الجدار
بهالليل ماكان واضح منه أي شي.. حتى إنارة المكان متوسطة
رفعها بين ايديه بسهولة وسقط عن اكتافها المانطو.. وتوجه فيها بسرعة لسيارته قبل ماأي شخص يظهر
فتح صندوق السيارة الخلفي و رماها فيه ببساطة ،بعدها سحب حبل من تحتها وبدأ يقيّد أيديها خلف ضهرا.. ومانسي الشريط اللاصق يلي قطع منه ولصقه على تمها بإحكام
بعد ماتأكد من وضعها سكّر الصندوق ورجع لمكان وقفتها.. اتلفت حوليه منيح وسحب المانطو والقبعة عن الأرض.. واتوجه بحركة سريعة لسيارته
بيقعد مكانه على كرسي القيادة وبيزفر براحة
بيشغل سيارته وبيرجع للخلف ليطلع من هالمكان
وبيتوجه فيها لمكان بعيد عن هالنقطة
…
بعد مرور ٣٠ دقيقة
بدأت تستعيد وعيها تدريجياً.. بدون ماتدرك أي شي حولها
ألم خفيف براسها بيخليها تشد على عيونها وهي عم تحاول تتحرك.. بس مستحيل.. كان الحبل مشدود على ايديها وضيق المكان مانعها من أي حركة
فتحت عيونها وبدأت تستوعب الشي يلي صار.. وتذكرت آخر اللحظات مع الرَجُل الغريب
ولحظتها أدركت الخطر يلي هي عم تعيشه حالياً
بدأت تتحرك بقوة اكتر وتدفع بقدمها على أطراف السيارة وتصرخ بقوة
وبسبب الشريط اللاصق يلي على تمها.. الصرخات تحولت لأنين فقط
أما عند الرجال الغريب.. بعد ماسمع صوتها وصوت حركاتها ارتسمت البسمة الساخرة على شفافه
وصل لمكان نائي خالي من أي شخص.. وهلأ صار بيقدر يكشف عن وجهه
نزع الوشاح عن عنقه.. وسحب الكمامة عن وجهه
ظهر وجهه الغريب الملامح.. بيتمتع بِـ بشرة سمرا جذّابة لكن نظرات الشر اللي عن تطلقها عيونه البُنيّة بتوعّي عن هالانجذاب
رفع حاجبه المجروح أثر سماع صوت ركلة من أقدامها بوضوح
بينطق بتململ: الله يصبرني
استمر على هالحال ١٥ دقيقة حتى وصل للمكان المهجور (الغابة).. كان الظلام خافي تفاصيل المكان.. بس بما أنه متعود عليه هو حافظ كل شبر منه
ركن سيارته الكبيرة بإطاراتها (المقاومة للثلج)
بجانب بيت صغير جداً حوليه أشجار منتشرة عم تتمايل أثر الرياح القوية
نزل منها بطوله الفارع لتغرز أطراف حذائه الشتوي بالثلوج المتراكمة وأتوجه للخلف وهو مشغل إنارة حاملها بأيده
و أول مافتح الصندوق انصدم من شكلها !!
ركلت بقوة آخر مرة برجلها وعم تتنفس بسرعة بسبب حركاتها العنيفة لتتخلص من الحبل
بترفع نظرها عليه والغضب عم يتطاير من عيونها وشعرها مبعثر حول وجهها
رفع حاجبه باستهزاء و بصوته الرجولي سألها: شو عم تحاولي تعملي؟
مافي غير حروف مبعثرة غير مفهومة بالكامل صدرت منها
ليرفعها من أكتافها
بحركات متمردة منها كانت عم تمنعه يقرب منها ولا يلمسها.. بس ماقدرت تقاوم
حملها بسهولة على كتفه وتوجه فيها لداخل هالبيت
حسّت البرد عم ينهش فيها فوق الخوف المسيطر عليها
وأخيراً نزلها على سرير أطرافه من حديد أصدرت صريرها أول ما رماها عليه
عم تتلفت بهالمكان يلي كان معتم بالكامل.. لحتى شغّل إضاءة خفيفة
بتحاول تقفذ على السرير وتفك أيديها وبتوقع مباشرة متسطحة عليه
بيتنهد بتعب: لك خلص شبك؟ انهي هالليلة على خير وبيكفي تخبيط
بترفع نظرها لتتفحصه.. كان طويل واكتافه عريضة
ولما نزع عنه جاكيته لاحظت عضلاته القوية
بتتلفت بعيونها لتفحص المكان لتشوف كنبة وحيدة أمام السرير وخلفها شباك خشبي أثر الأمطار واضح عليه، متوسط جدران منهكة
بتحاول ترجع تقعد وهي عم تحرك بوجها لحتى ينزعلا الشريط
بيقلها: رح اسحب الشريط عن تمك.. بس مابدي ولا صوت عم تفهمي؟.. هو عالحالتين ماحدا رح يسمع لأنه نحن بغابة.. بس راسي واجعني ومابدي ازعاج
عم تطلع فيه بتعجب وكأن هي يلي تعدت عليه مو العكس
بيسحب اللاصق عن تمها بعنف ليصدر منها صوت الألم
وبتبدا تصرخ فيه: أنت مين؟ وشو بدك مني؟ ليش هيك عم تعمل فيني ؟يلا احكي
بياخد نفس بقوة وهو عم يتطلع فيها ببرود أقوى من البرد يلي عم تحسه حالياً
بيرتجف جسدها لتكمّل كلامها: لك ليش ماعم تجاوب؟ مين أنت؟
بيجاوبها ببساطة: أنا الشاهين..
صمت دام للحظات قليلة لتستوعب إجابته وترد تقله: بالله جد؟ أنت مختل شي؟ شو بدي باسمك؟ أنت مين ليش لتعمل فيني هيك ؟ من وين بعرفك أنا؟
شاهين بنظرات غير مبالية: ليكي والله مالي نفس لأي نقاش اليوم.. الاحسن تنامي
تاج: عفواً؟ شو يعني نام؟ لك أنت مجنون؟ جايبني لنص الغابة ومابعرفك ولا بعرف شو بدك مني وبتقلي نامي؟
بدون أي إجابة بيتركها وبيطلع لبرا بيسمع صرخاتها ليمسك راسه بألم
شاهين بغضب: لا لا.. هي كيف رح خرسها هلأ؟
بيسحب المانطو يلي ألها و اكياس كان جايبهن معه من السيارة وبيرجع لعندها
بيترك الأغراض وبيقرب منها مابتنتبه للاصق يلي بايده
بتحاول تبعد للخلف وهو عم يقرب منها والخوف واضح بعيونها.. لمح جرأة صادرة من عيونها اللامعة
بتتفاجئ لما بيلصقلها تمها بعدها بيلبسها المانطو غصب عنها
عم تحاول تمنعه من لمسها وهو عم يتصرف ببرود وكأن يلي عم يعمله متعود عليه بشكل مفرط
بيفك الحبل عن ايديها ليسحب أيد ويحط فيها أصفاد حديدية ويشبكها بطرف السرير
شاهين: بحالة وحدة بسحبلك اللاصق عن تمك.. لما رح تشربي مي وبس
بتهز راسها بالرفض.. ولما تحس أنه العنف والتمرد مارح يجيب نتيجة معه
بتحاول تبدل نظرتها بنظرة ترجّي لحتى تستعطفه.. بس كيف رح تقدر تستعطف رَجُل واضح من شكله مابيملك قلب داخل صدره.. واستبدله بقطعة من الصخر
بيسحب قارورة مي من الأكياس وبيتوجه على الكنبة وبيرمي جسده عليها بتعب
بتسمع صوت خشبها واضح أنها قديمة كتير.. بيشرب مي بعدها بيطالع موبايله وبيتصفحه
بقيت ساكتة وهي عم تراقبه
ومابين تمرد ومحاولات للمقاومة.. ومابين استعطاف.. ماكان ولا أي شي يفيد معه.. لبينما غفي أمام عيونها على الكنبة بكل بساطة
بطريقة غير مريحة أبداً..رقبته مايلة على طرف الكنبة ورجل نازلة لتحت
بيمر الوقت والخوف مالي قلبها عم يمنعها تغمض عينها ولا للحظة… ماعم تقدر تفكر كيف رح تنام بوجود رجال غريب عنها.. و مجرم كمان..وهي عم تحاول تقاوم النعس وتفتح عيونها بالإجبار … لبينما تستسلم و تغمض غصب وتغفى وهي قاعدة مكانها
بيفتح طرف عينه حتى ماتشوفه ،لما لاحظ ماعاد في حركة بالمكان.. ولما شافها غفيت قام من مكانه وسطحها منيح ورمى فوقها بطانية تقيلة بشكل عشوائي.. ورجع لمكانه لحتى ينام
…
ساعات قليلة وانتهت أغرب ليلة بتعيشها.. مجهولة المصير
لتفتح عيونها لما تحس بنور الشمس الخفيف متسلل للغرفة.. لحظات وبتبدا تستعيد ذاكرتها بالأخص لما بدأت تركّز بتفاصيل المكان يلي هي فيه
قامت من مكانها بحركة سريعة مفزوعة.. توقعته كابوس وانتهى.. بس الظاهر حتى مابدأ
بتتلمس ايدها بألم رهيب بسبب الحركة الغير مريحة بتحاول تدلكها بس مااستفادت (الأصفاد) كانو قاسيين جداً عليها
لما مابتلاقيله أثر بالمكان الصغير بتبدا تسأل نفسها: لك وينو هاد؟ وين راح؟
بتوقف مكانها وبتحاول تتحرك لتقرب من النافذة بتحس السرير كتير خفيف وبتقدر تسحبه معها
بتسمع صوت صرير الحديد وهي عم تسحبه بقوة كبيرة منها مع العلم كان قديم وخفيف
شافت قارورة مي على الطاولة تناولتها وشربت.. بعدها كملت طريقها
فتحت عيونها أثر صدمتها لما شافت المكان يلي هي فيه
تاج: لعما هاد عنجد جايبني لنص الغابة شو هالغباء؟
اطلعت حوليها وكأنها عم تبحث عن شي.. بعدها بتتفحص الكنبة منيح لحتى تلاقي شي يساعدها أو موبايل بس للأسف ماكان في أي نتيجة
واتوجهت لطرف الباب الخشبي.. يلي واضح أنه الأمطار والثلوج نالت منه
أول ماحاولت تسحبه فتح معها بسهولة لتلفحها رياح قوية و باردة والشمس كانت مجرد نور بدون أي حرارة
ارتجفوا شفافها أثر البرد يلي لامس عظام جسدها وبتحاول تطلع خطوة لبرا بس للأسف السرير كان كبير على أنه تقدر تسحبه اكتر من هيك
فجأة بتسمع صوت خطوات على الثلج المتراكم بالأرض
ارتجف قلبها وبتحاول تدفع السرير بسرعة لحتى ترجع لمكانها خوفاً أنه يأذيها
تاج: لك يلا.. رجاع مو وقتك تعلق بالأرض هلأ.. يلاا
سمعت صوته من خلفها: بدك مساعدة؟
تجمدت أطرافها لتستقيم بوقفتها وتبقى مكانها
قرب بخطوات بطيئة وبيوقف أمامها
شاهين: دمرتي المكان.. شو عم تحاولي تعملي مثلاً؟
تاج: دمرت المكان؟ ملاحظ أنو نحن بخرابة؟
بيردلها بابتسامة استهزاء: بعتذر كان لازم احجزلك بِفندق.. يلا ماصار شي .. اختاريلك شي فندق لننقل عليه!
سحبها ليقعدها غصب فوق السرير ويبدا يسحبه وهو عم يهمس: مختلّة
دفعته عنها لما يلمسها : ماحدا مختل غيرك.. لعما لك شو بدك مني؟ مين باعتك لتخطفني ؟ احكي يلا جاوبني
بيتنهد بتعب : ليكي هاد الأسلوب مابينفع معي.. لأن إذا زعجتيني رح تخسري كتير.. تعاملي بهدوء ولطف احسن ألك .. بترتاحي وبتريحي.. قعدي لشوف
دفعها بأيده القوية على السرير لتحس بقوته بالفعل.. بتزدرد ريقها وبتخضع لأوامره وبيرجع السرير لمكانه
وبيبدا يرجع الطاولة يلي انسحبت بسبب السرير لمكانها
تاج بتردد وخجل: بدي استخدم الحمام
بيرفع طرف عينه عليها لتقله: شو كمان هي ممنوع؟
بيقرب عليها وعيونه معلقة بعيونها لتحس برعشة سرت بجسدها بسبب الخوف يلي انتابها من نظراته
بتبعد نفسها للخلف كل ماقرب اكتر منها خايفة من أي أذى يواجها من هيك مختل
بيمد أيده ليفك وِثاقها ويسحبها من أيدها
بيحكي ببرود: رح آخدك.. حتى ليكي كيف فكيت أيدك بتعرفي ليش؟
بتطلع فيه وبيوجه نظره ألها وهي بجنبه
بيكمل بنبرة ثقة : لأنو فعلياً انتي محاصرة من كل جهة.. لو حاولتي تهربي تركدي.. أو تأذيني بأي شي مارح تقدري، يلي أمامك خاطف مُخضرم .. مافشلت ولا بعملية .. و قابلت كتير ناس من أشكالك ومانفع معهن التمرّد
بيطالعها لبرا الغرفة ومن البرد بتتراجع خطوة للخلف
بيدفعها لتكمّل مشي وهو ماسكها من أيدها
شاهين: بكرا بتتعودي عالبرد هون درجة الحرارة كتير منخفضة
ردت بارتباك: اطمن بعرف التعامل مع أشكالك كتير منيح.. قابلت ناس متلك كتير
شاهين : أول شي انتبهي لالفاظك معي..تاني شي،شكلك بتنخطفي كتير بالعادة؟
هالمرة هي بتوقف مكانها وبتطلع فيه بثقة: لأ.. كتبت روايتين وكان فيهن خاطف مأجور.. و رواية لعصابة مافيا.. يعني بعرف كتير منيح كيف الناس يلي متلك بتفكر وبتتصرف
كان شاهين جدّي.. وبقي لحظات وهو عاقد حاجبيه ليستوعب شو يلي عم تنطقه هالانسانة
فجأة ماقدر يمسك ضحكته يلي حسّت من خلالها بالاستهزاء
تاج: طبيعي تتمسخر.. لأنك عديم الثقافة ومابتفهم بهيك أمور
ماتوقعت أبداً حركته لما سحبها بقوة أمامه وثبتّها بين ايديه ..مسك فكها السفلي وكأنه أوشك على سحقه
شاهين وهو صارر على أسنانه: سمعي وليه.. إذا مابتقصري لسانك معي.. بحلفلك رح تشوفي شي بحياتك ماشفتيه.. ماتجربي اللعب مع ناس متلي إذا عنجد بتعرفينا منيح
عيونها بتحكي عن الخوف يلي زعزع كامل قواها وهزت راسها بالموافقة بهدوء وصعوبة بسبب قبضته .. بس لحتى يتركها بحالها
صوته مازال صداه عم يتردد جوا راسها من قوته
بيدفعها أمامه بخفة: امشي لشوف
وصلو لمكان صغير بجنب الغرفة تماماً
شاهين: يلا دخلي لا تتأخري
بتركد فوراً وبتسكر خلفها الباب يلي بيشبه باب الغرفة
بتاخد أنفاسها بقوة لحتى تحس بدموع خفيفة تساقطت وغصة بحلقها
بتضبط أنفاسها لتقاوم خوفها وتوترها
أول مافتحت المي لتغسل وجها بتحس ببرودتها لدرجة حست بكهربا سرت بأيدها
بعد دقائق قليلة .. بتطلع تاج وكان شاهين عم يمشي حول المكان
اتوجه لعندها بس ما احتاج يجبرها.. سارت بطريقها برضوخ تام للغرفة وبكل هدوء قعدت مكانها على السرير
تكومت على نفسها بقوة والرجفة مرافقتها
قرب منها ورمالها البطانية.. مع أنها حاولت تمنع نفسها من العناد معه.. بس ماقدرت
بعدت البطانية عنها وسحبت المانطو الخاص فيها ولبسته
بتلاقيه اتوجه على خزانة ماتوقعت يكون محتوياتها هيك
سحب (موقد) صغير للاستخدامات الخفيفة
وحط فوقه إبريق شاي صغير وملاه بالمي
بعدا طلع لبرا البيت بدون حتى ما يأمن الوثاق بأيدها، واثق أنه الخوف رح يمنعها تعمل أي شي
منظر النار أغراها فعلاً .. وماقدرت تقاوم.. قامت من مكانها وبدأت تدفى عليه وتفرك ايديها ببعض
أول مافتح الباب ارتدّت للخلف لترجع لمكانها بس قاطعها بصوته
شاهين: ابقي مكانك
شافت نظرته القوية وانصاعت لأوامره
فتح الأكياس يلي كانت معه وطالع الفطائر منها
وبعد ماانتهى من تحضير الشاي قدملها كاسة
شاهين: كلي
بتهز راسها بالرفض
بيتنهد بقوة ليقلا: سمعي.. بالنهاية بدك تجوعي وتاكلي.. ماتعاندي.. مابشتغل خادم عندك لحطلك وقت يلي بدك.. خلصيني كلي
تاج: مو جوعانة شو غصب؟
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```