طفلتي اليتيمه - *بارت61* *ليلة من فبراير* - بقلم لا اعلم فقط ناشره | روايتك

*ننشر جميع القصص والروايات*🤎🕰️ *حب 🤎🕰️* *حزن 🤎🕰️* *اكشن🤎🕰️* *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ https://whatsapp.com/channel/0029Vb5nySH77qVOUYY2kt3M *بارت مفاجئ* *البارت61* *ليلة_من_فبراير* ☆☆ ☆ كل #الامهات اوطان الا #امي منفى 💔 ❤️ ام اركان ـ انتي منوو؟ نهاوند ـ يعني عندج هيج اخوة ـ احجي عااد انتي منو ـ جنتي عايشة بالاعظمية انتي بنت شيخ عبدالله واتزوجتي فؤاد ابن شيخ حمزة.. فتحت عينهه ولزمتني من جتفي وخضتني خظ ـ لــــــج ااحجيي اانتييي منــــــوووو ام تسنيم ـ نونة مين تعرفين مرة اخوية احجي يمعودة لاتشلعين كلبنة ـ كمت ارجف بين ايدهه بس ابجي وامسح بدموعي اريد احجي واكلهه اني بنتج بس الشهكة البصدري حبست الحجي النسوان كلهه تتهامز تباوع علينة صرنة فرجة للعالم بهالموقف ما اعرف اخجل من الناس لو افرح لان لكيت امي خواتي الصغار برة يلعبن ميدرن شكو بس نغم جانت يمي وكامت تبجي وياية مسحت دمعي واتنفست بعمق .. أنـــي نهاوند .. فؤاد ...حمزة ام اركان ـ نهاوند فؤاد ابن حجي حمزة انتي اسمج نهاوند ! مو نهئ او نور ـ اسمي نهاوند ويصيحولي نونة.... تعابير وجهه مستغربة وبيهه هواي حجي ام تسنيم ـ يلة عيووني يانسوان مو وكت مشترة خلوهه العصر لو باجر تعالو دتشوفون مسألة عائلية وميصير ندخل يلة عيوني الله وياكم يلة حبايب بلازحمة عليكم خلونة لوحدنة يلة فدوة بسرعه غير وكت تعالي حبيبة ... ـ طلعن النسوان برة وبقن ام اركان وام تسنيم وبناتهه وجنتهه ظلت امي صافنة عليه وبعيونهه الف سؤال والف حجاية .. اكيد مصدومة وفرحانة ومتعرف تعبر عن فرحتهه ام اركان ـ منو يكول انتي بنتي نهاوند شنو اثبات كلامج؟ ام. تسنيم ـ واذا مو بنتج شمدريهه بكل هالمعلومات! نهاوند ـ اول صدمة تكلي شنو اثباتج.. يعني انتي تعرفين عندج بنية اسمهه نهاوند؟! ام اركان ـ ماكلتيلي شنو اثباتج ـ يلة حقهه لازم اثبتلهه اني بنتهه .. سهلة .. نغم صعدي فوك جيبي الصورة مالت امي وهويتي نغم ـ اي هسة .. رحت طايرة مو اركض علئ الكاع عبالك عندي جناحات وافتر بيهن ما اعرف افرح لو ابجي بهالموقف بس والله خطية نونة شكلهه يقهر.. دورت الصورة لكيتهه حاطتهه وية الاوراق اخذتهن ونزلت طايرة هاي جبت الصورة والجنسية ـ اخذتهن ونطيتهن لام اركان .. هذا اسمي الكامل وهذا اسمج بالهوية مالتي واكيد تعرفين يا يوم اجيت لهاي للدنية ام اركان ـ بشهر الثاني جانت كلش باردة ـ الضحكة ترست وجهي حسيتهه طلعت من جوة كلبي هالفرحه صارلهه سنين غايبة عني.. اي صح يوم 29/2 وعلئ حظي ميجي هاليوم الا كل اربع سنين شوفي ماما بس هالصورة عندي الج ـ هاي صورتي اتذكر جانت عد حجية حورية ـ هية بس هاي الصورة عندي الج .. وفوكاهة مو واضحة جنت اتمنه اعرف ملامحج واعرف شكلج حتئ من اسألهم يكلولي ذبينة صورهه مابقينالهه شي ومن يوصفوج ميوصفوج بوضوح لازمة الصورة وتكلب بيهه هية والهوية حسيت بحنين تجاهه ما اعرف مين اجاني وج يمة واخيرا تكحلت عيني بشوفتج واخيرا انجمعت بيج ردت احضنهه ابتعدت عني وراحت كعدت علئ الكرسي واجتي يمهه ام تسنيم واخذت الصورة والهوية منهه وكعدت تقراهه ام تسنيم ـ هاي بنتج اسمهه واسمج بالهوية احنة من اخذناج لاخوية مو كلتولنة بنتج ماتت اول ما اجتي للدنية ام اركان ـ… . ـ اشو ساكتة يرحمة عزةةة بعينج اي والله ام اركان ـ استغفر الله ـ فهميني لاتبقيني مثل الاطرش بالزفة شلون بنتج عايشة وليش كلتي مينتة ـ لاتضلين تحجين .. خلي اخابر اخوتي يجون يشوفون هالسالفة نهاوند ـ ماما حبيبتي راح تاخذينة وياج مو ـ الله كريم نهاوند ـ اتمنيتهه تحضني مثل ما جنت اشوف بالافلام المصرية الام تحضن بنتهه من تلكاهه بس اشو بقت مبتعدة عني وتباوعلي بأستغراب .. حتئ كلمة حلوة ما سمعتني اكيد من تأثير الصدمة ما اعتب عليهه حتئ اني مصدومة .. يجوز اهل ابوية كلولهه نهاوند ماتت وممستوعبة اني بعدني عايشة اتقربت خطوتين عليهه وكعدت بالكاع وارتميت بحضنهه شبكتهه وواخذت نفس عمييق واشتميتهه الله يا عطر الجنة الفواحه يايمةة الله ياحضنج الدافي يايوم متدرين شكد جنت مشتاقة اشوفج ومشتاقة لحضنج مشتاقة اعرف ملامحج مشتاقة اكعد وياج مثل اي بنت تكعد وية امهه تشكيلهه وتحجيلهه وتاخذ النصيحه منهه أ.. أني اصلاا اجيت لهنا حتئ ادور علييج والله العظيم اجيت ادور عليج مابقيت مكان ما سألت بي اخذت صورتج وافتريت بيهه بالكراج وسألت عنج شكدد بس محد عرفكم وتالي تجينن برجليج الي والله ممصــــدكة افيشششش يااريحة هلي افيششش ياماما والله حسيت امي ازدهار رجعتليي والله العظيم اول ماشفتج قبل جم سنة من طلعتيلنة بالباب تتذكرين حسيتج تشبهين امي ازدهار اااخ ماما ليش عفتيني هيج متدرين شصار بية وراج متدررين ام اركان ـ شصار؟ ـ لالا خلص ما ريد اعكر هاللحظات الحلوة من هاللحظة كلشي راح انسئ انسئ الماضي وانسئ المصايب المريت بيهه وانسئ عشت اتعس ايام عمري اكيدد هسة راح تبدي حياة جديدة وحلوة وياج حياة تخبل بحضنج اخلصهه وتعوضيني عن كل شي شفناه اني وخواتي مو يمة احجي وياهه وميتة بجي اشم بيهه وبعطر هدومهه لزمت ايدهه وبوستهه ايدهه خشنة مو مثل ايد امي ازدهار.. هاي ايدج الخشنة من الشغل عهد عليه ماخليهه تلزم شي بعد مستحيل اخليج تتعبين بشي اني خدامتج والله يمة اني مارايدة شي غير بس حنضج الدافي مارايدة شي منج اكثر والله اريد اخلي راسي بحضنج وانام اريد اصبح الصبح علئ شوفة وجهج اريد احس بأمان يمج يمة والله اني نهاوند بنتج والله ليش مستغربة.. حاضنتهه بقوة بس هية ممبادلتني هالحضن حسيتهه عدهه برود تجاهي يمكن بعدهه مستوعبة اني بنتهه العافتهه قبل 18 سنة ميخالف شوي شوي تتعود عليه.. يمة اني نهاوند والله العظيم اني بنت فؤاد وبنتج زين تتذكرين بيبي حورية عدهه شامة بالضبط مثل شامة صبا بوجهه ووجهه مدور وبيضة وجدو حمزة جان ضعيف وطويل ودائما بيدة عوجية شوفي شوفي هسة راح ادليج بيت جدو وين جان حتئ تتاكدين اني بنتج بيت جدو جان قريب من مقبرة الخيزران يسموهه وهسة يسموهه مقبرة الاعظمية ها صدكتي اني نهاوند بعدهه ردة فعلهه غريبة لا حضنتني لا بجت لا باستني لا كالت شلون صايرة لا سألتني عن دراستي احوالي يمكن بس بالافلام تصير هالسوالف زين راح انطيج اثبات لاخ عماتي سهير وشفاء وعمامي ناصر وتوفيق وارشد وعماد و وو وشنو بعد مديحضرني شي احجي الج حتئ تصدكين اني بنتج هاهاها اتذكررت منااال مرة نااصر التكررهج تموت منج منااال ام دعااء .. همين ساكته زين سأليني اي شي واني اجاوبــج اي شي يجي ابالج زين اوصفلج ابوية فؤاد ام اركان ـ شجابج لهنا وليش انتي وحدج ابوج وين ؟ عمج ابو سلام وين؟ باقي اهلج وين؟ احجييلي شنو صاير وياج ـ ماعندي اهل غيرج يمة شوفوني الظيم اني وخواتي تعذيب وضرب واذية وتالي رادو يموتنة شوفي جسمي شصاير بي والله شوفونة الموت بعيونة وبقدرة الله خلصنة منهم ـ عزةةة بعييني يعني اني بنتي مهزومة من اهله عزةةةة بعييينج وعيييني اي والله يااريتني مييتة ولا شاايفة كسران وووجهي بين الناس ـ لالالا لا يمة اني ماسويت شي يكسر وجهجج والله العظيم الله ياخذني اذا مسوية شي غلط ـ فهميني لعد ليش انتي وهالبنات الصغارر هنا لوحدكم ليش مو وية ابووج شنو صاير احجيي ـ انصدمت من عاطت بوجهي ونترت وجرتني من ايدي وتخض بيهه واحنة ستونة ملتقين صار 18 سنة مشايفتهه ولا شايفتني ما اعرف شبيهه ليش هيج دتحجي .. ميخالف يمكن بعدهه متوترة واكيد من خوفهه علية صيحت.. اكعدي حبيبتي اكعدي احجيلج كلشي نغم سدي الباب البرة ودخلي خواتي وسويلنة رييوك طيب يلوك لامي وخاله خلي نتريك كلنة سوية ويصير زاد وملح بينة ام تسنيم ـ اني عقلي خبط بحياتج يا رحمة ماجبتي سيرة بنتج لان عبالنة ميتة خلفتي ست ولد وخبصتيينة خبص ماعندي بنات وماعندي بنات وتتعيقلين كدامنة بولدج يابة شنو الله نطاني ولد وياريت لو ينطيني بنية ويعوضني لعد طلعت عندج بنية وشامرتهه ورة ضهرج وممعترفة بيهه نهاوند ـ خاله لا تلوميهه عفية ااالله يخليج خليني فرحانة بشوفتهه ممصدكة لكيت امي وصارت عندي عائلة ام واخووة وسند بهالدنية ياسبحان الله ما جنت اعرف هالولد الجان يسوق السيارة يصير اخوية واانتي ااممي لمياء ـ شلون موقف كزبر جسمي متخيلت اكو هيج شي بالعراق عبالي بس بالافلام ـ يلةةة وووج نغم وين الرييوك حبيبتي ماما ليش ساكتة احجي اريد اسمع صوتج ام اركان ـ مماريد قزرقط فهميني شنو هالبنات الوياج و انتي شجاابج لهنا شنو صاير وياج ـ بس خلي نتريك واحجيلج حتئ تهدائين ام تسنيم ـ لا اووكفو انتو الاثنين تكعدن وتحجولي من الالف لللياااء اول شي شنوو قصة بنتج يابة ليش كلتي ماتت وهية بعدهه عايشة ام اركان ـ اخوج يدري بنتي عايشة فلا تضلين تشمرين حجي كلتلة قبل زواجنه ـ تسولف امي واني اندحس بيهه حسيت نفسي رجعت طفلة صغيرة واريد الزك بامي مثل ماجنت اشوف الجهال يسوون كل شوي اخلي راسي علئ جتفهه اشم عطرهه وريحتهه ممستوعبه الصار خايفة يكون حلم ابد متخيلت بهالطريقة راح الكة امي ام اركان ـ البنية اول ماجبتهه اخذوهه مني نهاوند ـ كالو بقيت تلث ايام يمج وبعدين نطيتوني لابوية ـ مو وكت هالحجي ابد موو وكتة اني مدعرف افكر ولا اتصرف اخابر اهلي وابو اركان وذاك الوكت يصير خير وانتي حضري نفسج تجين ويانه ـ مو بس اني اني وخواتي تاخذينه ـ وشسوي بخواتج ـ شسوين بيهن شنو هذني خواتي من ابوية مستحيل اعوفهن ماعدهن احد غيري ام اركان ـ الو شلونك قصي شخبارك اكلك .. ما اعرف شلون ابدي وياك بس لا تتفاجئ لان بنتي نهاوند هنا بكركوك قصي ـ نهاوند منو؟ ـ بنت فؤاد ابن حجي حمزة ـ شنو متزوجه بكركوك؟ ووين لكيتهه ـ الوجوه تتلاكة انطي خبر لباقي اخوتي وهسة راح اخابر ابو اركان ـ وليش انتي مرتبكة هيج ـ شلون ما ارتبك البنية جاية لوحدهه لهنا ماوياهه احد ـ شنو وحدهه! يعني شلون ـ مو مال تلفون تعال لبيت ام تسنيم تندله والبنات ييجبوك لهنا نهاوند ـ ابد ما ارتاحيت لامي ولا لمخابراتهة حسيت وراهه شي جبير بس ماريد اصدك هالشي بلكي يطلع احساسي كذب.. ماما شتريدين تسوين ـ يجون خوالج ونشوف ـ شسوي بخوالي .. غير اجي وياج لبيتج اني وخواتي ـ مالي خلك احجي يجوون ونحجي ـ يعني ماما بس فهميني راح تاخذينة لو تعوفينة ـ اخذج ـ اوك.. حسيت اكو شي غريب راح يصير اول شخص اجئ ابالي ياسر ما اعرف ليش كلبي لعب وخفت عليه نغم ـ اكلج اشو هاي لا حضنتج لا شبكتج مثل باقي الامهات ـ ما اعرف .. نصي صوتج لا تسمع امشي نصعد فوك نبدل ـ ليش راح نروح وياهم ـ ما ادري .. احس تورطت من عرفتهة بنفسي نغم ـ شدتفكرين نهاوند ـ جيبي خواتج وبعدين نحجي طلعت جنطة صغيرة خليت بيهه ملابسنة اتذكرت جنسيتي يم امي جمعت اوراق خواتي وخليتهن بضرف جوة الفراش احس راح تبدي الجزء الثاني من المصايب طلعت التلفون القديم علكتة بي شحن.. رجعت طفيته ردت ارجعة لمكانه بس صوت براسي كلي اخذي وياج راح تحتاجي طفيت التلفون ولفيته بالدشداشة مالتي وخليته بالجنطةة اخذت تلفوني الجديد وخابرت ياسر .. ياسر ـ كعدت علئ صوت نسوان يدكن جرس الباب طلعت فتحت الباب الهن ودخلت بدلت ملابسي ورحت لمحلي كاعد اهيئ نفسي شلون احجي وية نونة اليوم العصر اروح اعترف بحبي الهه والله بعد ما اكدر علئ فراكهه خلص صبري اريد اسمع صوتهه واشوفهه ذبلت بهالاسبوعين لان عيوني ماتكحلت بشوفتهه لس هية شكد قاسية متخيلتهه هيج لاتجاوب علئ تلفون لا تطلع حتئ اشوفهه تقريبا ساعه 12 الضهر تلفوني دك مصدكت عيوني هاي نونة متصله بلكي الله حنت عليه جريت التلفون وجاوبتهه… الو ـ ياسر مو وكت حجي .. بس امي لكيتهه وممرتاحه حاسة راح يصير شي جبير راح اعوفلك جناسي واوراق خواتي جوة الفراش والمفاتيح اعلكة بالشباك ـ كلشي ما افتهمت ـ ماعندي وووقت اشرحلك بس خايفة حاسة راح يصير شي واريدك تحتفظ باوراق خواتي ـ شنو صاير وشلون لكيتي امج وشبيهه فهميني ليش خايفة ـ مو وكت حجي ابد موقتة احنة يمكن راح يجون علينة خوالي ما دعرف شنو راح يصير النه ـ دقايق واني يمجج لا تطلعن ـ لالالا عزةةة لاتجييييي لاتجي ااابد لاتجييي انت كل عقلك تجي خوالي ما اعرفهم ولا اعرف شنو نيتهم ـ انتي مستاأجرة عندي اجي بصفتي دة اخذ الايجار ـ لالالاااااا سمعت اصوات زلم بالباب حسيت كلبي وكع من مكانه .. مع السلامة ياسر ـ نونة اوكفي وين رايحه اووكفي ـ ما اعرف بس امي مو مثل باقي الامهات للاسف ... راح الكة طريقة واخابرك لاتخاف.. حست احد ديصعد الدرج سديت التلفون ومسحت منة كل الارقام سويت مسح الكل بس بعد جاري المسح ودخلت امي .. ام اركان ـ شنو بيدج ـ تلفوني ـ المن جنتي تخابرين ـ ام محمد .. المرية الاشتري منهه البضاعه ـ انطيني تلفونج وامشي كدامي اجوي خوالج ـ التلفون بيدي بعد ما مسح كل الارقام .. ماما ليش هيج دتعامليني هاي بمكان ما تحضنيني وتفرحين بشوفتي ـ ليش شمسويتلج لازمة عليج سيف مثلا اكيد فرحانة بشوفتج يعني مو الا احضن وابوس عود اني فرحانة يكفي فرحه الكلب .. يلة بنتي انطيني التلفون وامشي كدامي ـ جيكت التلفون كلشي انمسح ونطيتهيا اخذت جنطتي وردت انزل ـ اوكفي ماعندج حجاب ـ اي عندي ـ متلبسي لعد ـ اي هسة ـ ولبسي هالبنات وياج لا تمشيهن مفرعات ـ بعدهن صغار ميعرفن يلبسن ـ مكلفات .. صغار شنو لبسيهن ـ طلعت شال من الكنتور ولبستة وطلعت لخواتي نزلت لكيتهن واكفات لبستهن الحجاب وضبطته خطية بعدهن بالتراكسودات مالحكت ابدل الهن واني لبست تنورة وقميص شفت برة زلم اثنين طوال وضعيفين وشعرهم شوي مشيب ام تسنيم ـ وين راح تروحون ام اركان ـ لبيتي نهاوند ـ صبا نغم الحان لزموني وحددة تلزم الثانية ام تسنيم ـ اني جاية وياكم .. ونساء لمياء اخذو الاغراض ورجعو للبيت نهاوند ـ حاولت ما ارتبك واخذ الامور بشكل طبيعي ماما هذول خوالي ـ اي هذا قصي وهذاك الاكرع ليث وعمج ابو اركان برة قصي ـ انتي شلون عايشة لوحدج بهالبيت ليث ـ عمامج يدرون بيج انتي هنا ـ خالو من نوصل كلشي احجيلكم قصي ـ شتحجين بطولاتج شلون انهزمتي منهم ـ ليش حكمتو عليه انهزمت؟ شمدريكم بضروفي شنو ـ ياضروف التخلي بنية تطلع من بيت اهلهه وتجي لغير محافضة لووحدهه انتي تدرين شكد المسافة بين المحافضتين متسويهه بس العدهه واحد جوة ايدهه ـ خالو والله اني مو هيج ليث ـ مو هنا حسابج قصي ـ امشو صعدو ام اركان ـ نروح لبيتي ماروح يم نسوانكم ـ هنة همين ميريدنج امشي وسكتي نهاوند ـ طلعو امي وخوالي نفس عمامي همين اكو كطع بينهم طلعنة برة لكينة سيارة مكتوب عليهه برنس دايوو سودة كاعد بيهه واحد لابس دشداشة شكلة حباب حلو مرتب وشوي جبير ام اركان ـ هذا ابو اركان .. اصعدن بهالسيارة ـ صعدت خواتي وصعدت شلونك عمو ابو اركان. ـ اهلا عمو اهلا وسهلا ـ مشينة تقريبا ثلث ساعه بالسيارة ونزلنة منطقة تشبه منطقتنة نزلنة يم بيت بابة بيضة وواجهته حلوة وكفت سيارة عمو ابو اركان وسيارة خوالي لزمت خواتي بأيد والجنطة بايد ودخلنة جوة كعدنة بالهول مرتب وحلو وبسيط تقريبا نفس شكل بيت خاله ام تسنيم بيت بسيط ومرتب مو كلش فخم ليث ـ عندج تلفون؟ ـ امي اخذته ام اركان ـ موجود عندي هنا ليث ـ انطينا.. عندج غيرة؟ ـ لا هو بس هذا ماعندي غيرة قصي ـ احجي شجابج لكركوك وووديري بالج تكذبين ـ اجيت ادور علئ امي اني نولدت ماشايفة امي ولا اعرف شكلهه اجيت ادور عليهه ـ تجين لوحدج هيج.. لا رجال لا عم لا اب وياج ـ انتو اظاهر متدرون ابوية انقتل قصي ـ فؤااد ااانقتل!!! ـ اي من سنة 2004 خطفو وورة تلث اشهر ذبو اباب بيتنة وراهه بشهر مات قصي ـ لا اله الا الله.. صدك تحجين ـ اي والله وامي وراه بكم شهر توفت قصي ـ يا ام؟ ـ مرة ابوية امي ازدهار ام خواتي هية همين بكم شهر ورة بابا استشهدت ليث ـ باقي عمامج وين؟ ـ ياعمام توفيق وشفاء ماتو بالانفجار الصار بالاعظمية ام اركان ـ ياااااا اتذكرر كلتي عمامي راحو بالانفجارر طلع توفيق وشفاء خطية هسة لووو ميتة سهيرر العارة ولا شفاء ليث ـ والبقية وين ؟ ـ عماد سافر من التسعينات ـ اي ادري طلع للخارج ـ منو بقئ ناصر وارشد تعرفون شسوو بينة اني وخواتي ليث ـ شماااا يسوون يبقون اهلج مااا من حقـــج تنهزمن منهم ـ ما انهزمت ام تسنيم ـ ااكلك ابو اركاان جنت تعرف بنت مرتك بعدهه عايشة؟ نهاوند ـ هز براسة ابو اركان يعني اي يدري .. واستلمته ام تسنيم بالحجي ام اركان ـ انتي ليش تحجين عليه هو حتئ ابوج الله يرح جان يدري وما كللكم لان يعرفجن قنوينة متنجرعن ـ هاااااا هيج الحجييي ـ اهوو يمعودة مو وكت زعل .. وبعدين مثل مكلتلج نهاوند مابقت يمي اكثر من تلث ايام اخذتهه اختي الجبيرة بغير بيت جانت ترضعهه وية بنتهه ومرات تنطيهه قنداغ وبهالفترة مااشفتهه ولا عرفت شكلهه حتئ لا اتعلق بيهه ام تسنيم ـ عمةةةة بعييينج ااي والله لج هااي ضنة ضنةةة من حبلتي بيهه تسع شهوررر ما تعلقتي بيهه !! ولج اني بس يبدي الوحام عندي احس روحي تعلكت بهالطفل البطني وبعدني ماشايفته ولا اعرف شنو هو شحال انتي جبتيهه وفوكاهه ماشفتيهه ولج شنوو هالكلب عندددج لا والله مو كلب هذا جلببب عندج تسع شهووور وحام والم وظيم وولادة وتالي تكولين مارضعتهه حتئ لا اتعلق بيهه ـ لعد شتريدين انجبر اعيش وية انسان فاسق فاجرر كل حياته اغاني وطرب وموسيقئ وكعدات عهرر ام تسنيم ـ عزةة بعينج وبنتج شعليهه من هذا كلة ليش هيج شمرتيهه ـ شمررته شنو انطيهه لابوهه حتئ لا يجي يوم يذلني بيهه لويجبرني ارجعلة علمودهه ـ متت قهر من هيج حجت امي بس جنت ارسم الضحكة بوجهي واكذب علئ روحي.. هية تحبني بس يمكن لان ملتزمة بالدين هيج حجت.. رغم كل الحجي الجارح السمعته بس بقيت لازكة بيهه ليث. ـ مو وكت حجي نسوان خلونة نفتهم ام اركان ـ ترة الموضوع ميستاهل يكبر والبنية جانت عاييشة يم اهلهة قابل بالشارع نهاوند ـ استفزتني كلمتهه .. اي بالشارع عشنة اني وخواتي .. باوعت عليه بنضرة حازمة ورفعت حاجبهه ـ لا تلضين تكذبين وادارين سالفتج الشينة ـ يا سالفة شينة ؟ قصي ـ هزيمتج من بيت اهلج ـ ياا اهل هذول عمامي مو اهلي امي هية اهلي وووج نغمم احجي الامي وخوااالي الصار ويانةة اظاهر مديصدكون بينة ام اركان ـ مو كلتي ذاك اليوم كدام النسوان جنة تايهاات ـ اي كلتت لان فضحتينة كدام اليسوة والميسوة شايفة النسوان شلون عاافن كلشي وبقت تتورج علينة قصي ـ يعنيييي شنو صااار خبصتينة عمامي وعماامي ااااي مبرر ميبرر عملتج السوودة ما من حقج تنهززمين اانتي بنية والسمعه مراية وبهزيمتج كسررتي مرايتج ومرايتة خواتج ـ وانتو شلون حكمتو عليه مهزمة ام تسنيم. ـ الشارع يحجي وصار سنة ونص اكثر العالم اشكال حجت يمنة ـ ليش خاله انتي متعرفيني متعرفين اخلاقي ـ اذا اني اعرف فــ غيري ميعرف يابنتي ليث ـ ترة ميرادلهه روحه للقاضي انتن بس بنات وهالسنة يلةة دخلتي 18 ودتكول صارلج سنة ونص هنا يعني عمرج 16 واجييتي لوحدج ابوجن ميت محد وياجن جايات مناااك لهناااا شنو معناهه ووولج زلمم مشووربة عليهه اعتماد متجاززف هيج مجازفة احجيلي شلوون اجيتوو ووية منوو اذا جنتو ممهزومين ـ وحدنة اجينة ندور امي ـ وممهزوماات ؟؟ ـ لا ممهزومات بس عمامي ميردونة قصي ـ انتي ويامن كاعدة تحجين اني عمري ضعف عمرج تلث مرراتت ترة اني صديق عمج عماد ابو اسلام خاف متدرين واعرف شنو يعني الشرف بالنسبة الهم لج شنو مستغفلتنةة ـ زين اسمعوني بس اسمعوني واحكموو ـ شنسمعع كلاواتج انهزمتي بحجة ادورين امج وتالي تصيعين ماحرة بيت وية شاااب ولج وووين اااصيرة كاعدين باوربااا احنةة ـ والله مو هييج والله العظيم بصحتي وعافيتي اذا اني مثل متفكرون مو هيح بس اسمعوني ام اركان ـ خلي نسمعهه مخسرانين شي ـ كعدت حجيتلهم كلـــــــــــشي ما ضميت عليهم ولا سالفة صغيرة هذا الصار بينة من سنة 2005 ااالــــئ هسة 2010 قصي ـ يعني انتي مطلكة ومسجونة ومهزومة من اهلج وجاية بكل عين صلفة تكولين ادور عن امي ـ انتو فهمتو كلامي لو مفهمتو مو حجيتلكم شسوو بية اني وخواتي استوعبتوو مو كلتلكم شردونة بالشوراع وهية امي شااهدة يمة احجيي ام تسنيم ـ اي صح حجت رحمة وشهرتهن هذاك اليوم ولج غير ام زبااالة انتي شفتي بنتج جوعانة بالشوارع وماعرفتيهه وتالي اجيتي هنا فضحتيهه كدام اليسوة والميسوة وتحجين بمركة العدس الصبيتيهه الهم تكولين عبالك هبيط لحم ناطيتهم وج شنو انتي من بشر بنتج من لحمج ودمج توكف كدامج ومتعرفيهه؟! ابو اركان ـ لاتغلطين عليهه ام تسنيم ميستجوب هالغلط نهاوند ـ هسة عرفتو ليش هيج سوويت باعو خواتي وباعوني لاهل صباح وكل المصايب الصارت بية بسببهم ليث ـ نــــصي صوووتج لاااا تعليي ـ أ أني مدصيح اني بس شوي انفعلت قصي ـ هذا الحجي كلة لا يشبع ولا يسمن شنو ضربوني شنو اذوني شنو زوجوني منو يكول حجيج صدك ـ روحو للاعظمية واتاكدو هناك خاله ام عمر هية. شاهدة علئ كل شي والله العظيم والله الظيم ما كذبت بشي ام اركان ـ يااا.. ام عمر بعدهه هناك ـ اي والله ماما بعدهه هية هواي وكفت ويايه وكلشي تعرف عننا حتئ من اتسممنة اجتي علينة للمستشفئ وجانت شاهدة علئ كلشي والله ياخوالي اني اجيت ادور امي .. بس من مالكيتكم وما عرفت شسوي بس الله سهلي امري واكو ناس خيرين وكفو ويايه اني وخواتي واجرولي بيت وخلوني اوكف علئ رجلي واشتغل واعيلهن ليث ـ هييييج بدوون مقااابل ـ اني جان عندي جم فلس من شغلي ابغداد ماحتاجيت فلوس من احد ام تسنيم ـ يقصد غير شي خاله مو الفلوس ـ مو اني الابيع شرفي لو هيج اني جان بعته من زمان لابو صباح وجان بعدهم عايشين وعايشة وياهم بس اني مو هيج والله مو هيج ليث ـ كالو للحرامي احلف كال اجاك الفرج سالفتج جبيررة بس انتي مدتفهمين اااو تسوين نفسج متفهمين مدتعرفين شكد جبيرة سوايتج انتي زعطوطة ووياج هالزعاطيط شاحطتهم وجاية كل هالمسافة يابة شنو ادور امي .. منوو يعقلهه ـ ورحمة اامي هذا الصار ام اركان ـ ها تريدين تموتيني ـ لا اسم الله عليج قصدت امي ازدهار الله يرحمهه ـ ذيج مرت ابوج .. انة امج فتهمتي ابو اركان ـ الحجي طول بهالمووضوع نريد هسة المختصر شنو راح تسوون ام اركان ـ اني بنتي اريدهه يمي ـ التفتت عليهه بكلامهه ردتلي الروح بيه واخيرا امي حجت حجاية حلوة بحقي ابو اركان ـ بنتج بيهه مجال بس بنات طليقج ما استقبلهن ابيتي ام اركان ـ اي حقك اني همين ماريدهن ـ عززة بعيني شنو هالحــــجي ليث ـ اااانجبي وااكعدي صوووت ما اسمعلج ياااااادبسزززز ـ لالالا كلشييي الا خواااااتي ماعدهن ااحد واللله ماعدهن اااحد قصي ـ تاااكلين تتتبن ااادبسززز فوك شيينج كواة عيينج لج صووتج لا اكوم اخبززج خبززز ـماسووينة شيي ياااكعبة الاسلاام ماسووينة شييي وحق جدوو عبدالله الماشايفته .. التفتت علئ امي وركعت علئ رجلي وكما ابوس برجلهه يمة كلشي ولا خواتي يمة ماعدهن احد وبعدهن صغارر والله يشمروهن بالشارره ويموتووهن والله العظيمم ام اركان ـ ما ترهم انتي اخت ولدي بس هنة مو خوات وولدي يحلن عليهم ليش اجيب البانزين يم النار شجاريلي ـ يمة اني مو مأجرةة بيت عوفوني بي اني وخواتي ماحسيت الا دفرة اجتني من ضهري شمرتني بالكاع التفتت شفت خالي ليث واكف ليث ـ لج ادبسززز سااقطةة تريدين ترجعييين يم الوولد موو قصي ـ هسة ادز ولدي يكتبون علئ بيتة مطلوب دم واريد اشوف رجال اليوكف وراه وللحكاية بقية…… 🥀