الفصل 3
عند طلال...
بقولكم عني شوي وعن عائلتي انا طلال وعندي 5أخوان وانا أكبرهم و4بنات وأكبر خواتي اسمها ساره"..متوسطة الطول سمارها سمار خليجي شعرها اسود ناعم وطويل جسمها حلو وقلبهآ نظيف وأبيض وعلى نياتهآ وحساسه حيييييل وتحب الجهال وتربيهم وماتحب الغلط والكذب وينكسر قلبها ويعورها(نقطة ضعفها) لما تشوف احد يبكي قدامها حتى لو كان عدوها وتمووت على أفلام الهنديه.."،،، وكانت أقرب شخص لي من عائلتي وساره بعمر ألطاف أخت راكان خوي (كانت علاقتهم حيل قويه الطاف وساره وكان ومازال راكان يسمي ساره العجوز) وكانت ساره بالنسبه لي أخت حنونه وأخ وبعض المرات تصير بمقام أمي وأبوي وتعرف عني كل كبيره وصغيره وهي الوحيده الي تشجعني بالحياة وهي ما شاء الله عليها شاطره بالدراسه وهي تدرسني
بقولكم موقف قبل كم سنه وانا صغير وباختصار عني انا واختي سويره شلون تعاملني في وقت الدراسه،،، قبل الاختبارات سوسو أختي تنظم جدول للدراسه لها وتسويلي جدول وهي تقولي
ساره: شوف ياطلالوه استانس في الايام هذي عندك بس 4أيام وبعدها تبدي الجد فاهم
طلال: حرام عليك الاختبارات بعد أسبوعين وأنتي بتحرميني من ألحين
ساره: انا ما حرمتك انا أبيك تصير شاطر وتفتخر بنفسك وما تعتمد على غيرك عشان تصير رجال سبع ويقولون عنك اشهدنا هذا الرجال ولا بلا
طلال: بس أنا للحين صغير وما خلصت المتوسط ومحد يقولي رجال وكلهم يقولون اني جاهل وما أفهم
ساره: لا أنت رجال وفاهم كل شي وما عليك منهم أنت طلولي البطل (ساره كانت تشجعني على كل شي وتمدحني)
طلال على وجه ابتسامه عريضه: صدق انا رجال مو جاهل؟!!
ساره: شفيك يا طلول انا قلتلك انك رجال ولا سبع بعد وراعيها
طلال طار من الفرحه واستحى منها وراح وخلاها
بوقت الدراسه راحت ساره تقول لطلال
ساره: طلال يلله اخلص علي جيب كتبك وتعال
طلال: يا حول طيب جاي يا ساره
كانت ساره تدرسني علوم وانا كنت أكره العلوم وكنت أستخف لما تدرسني علوم
ساره: جيت.. يلله بسم الله خلنا نبدي من أول شي بس أفهم ولي يرحم أمك مو تنح أو تبطل حلقك
طلال: انشاء الله (كنت مطيع لها)
ساره كانت تشرح لي وبصراحه في أشياء فهمتها وفي أشياء صعبه مافهمتها بس انا ما أعلمها اني ما فهمت لاني ابي افتك من العلوم،، وخلصت الباب الاول و وقفت
ساره: عندك أسئله على اللي شرحته او في شي مو فاهمه لحد اللحين
طلال متنح: ها... اي
ساره اكفخت طلال على راسه: انا داريه انك بتنح خبل انت و بعدين شنو ها؟؟ وشنو اي؟؟
طلال مره ثانيه: ها... اي كملي معك انا
ساره: يووووه منك هيي يا خبل شنو كملي انا خلصت فصل و وقفت وأنت تقول كملي
طلال: أقصد اي يعني اللحين وقت راحه صح؟!
ساره: ماكو راحه دامك ما فهمت!
طلال: انا فهمت كل شي حتى رقم الصفحه حفظته!! تبيني أقولك اللي فيها ؟ صورة السمك والحيوانات الي فيها الفقاريات اي صفحه؟! (كنت استهبل عليها)
ساره عصبت: خبل أنت رقم الصفحه ماينحفظ و الصوره ما تنحفظ شفيك أنت؟؟....
طلال قاطعها: انا فيني من اللي فيه فقاريات عمودي الفقري صح؟؟ شفتي شلون انا شاطر وأفهم بسرعه
ساره: والله انك خبل شكو عمود الفقري؟؟ حمار أنت؟!
طلال: اي بعد الحمار من الفقاريات صح ولا ما فيه؟؟ (كنت جد أسئلها)
ساره وصلت حدها واكفختني من راسي ثاني مره وقالت
ساره: أنت هيي يا خبل روح عن وجهي عندك نص ساعه تراجع الي شرحته وان ما فهمت راح أعلم أبوي وأمي عليك وأكذب عليهم وأخليهم يضربونك و يحبسونك بالبيت وما تروح عند ربعك
طلال بخوف: لا لا لا تكفين لا تعلمينهم خلاص بروح أراجع وأمري لله
ساره: اي اللحين تتعدل
وبعد نص ساعه رد طلال لها عشان تسأله
طلال: أخذي الكتاب الخايس أسئلي يلله
ساره: أحلى من وجهك بس اقعد يلله
ساره بدأت تسألني جاوبت القليل والباقي ما عرفتهم و قلتلها ما راح يجون بالامتحان (كذبت عليها)
ساره: وش دراك انهم ما راح يجون؟!
طلال: مادري انا قلت ما راح يجي يعني ما راح يجي (وكنت أضحك)
ساره: ما شاء الله عليك أستاذ وانا ما أدري أخاف أنت اللي حاط الاختبار وانا ما أدري
طلال يطق الصدر: احم احم انا شخصيه شفتي أخوك
ساره: أقول أنثبر وانطم خلني أدرسك وبعدها أذلف عن وجهي
ساره بدأت تدرسه ثاني مره،، وصلت الصفحه السابعه وطلال حده زهق ومل وقاطع ساره
طلال: سوسو
ساره: نعم شنو؟؟
طلال: بطني يعورني بروح الحمام (على وجه ابتسامه)
ساره: روح أخلص ورد بسرعه
طلال: بس دقيقه وأرجع لك ياأغلى أخت بدنيا
ساره استغربت: فيك شي؟!
طلال: ابد بس بروح الحمام الله يكرمك وبرجع
عاد انا كنت شيطان وانا صغير فنحشت من البيت ورحت عند ربعي وخليتها،، وأول ما رديت البيت تصوروا كانت تنطرني ورا الباب ومعاها مسطرتها كبير شوي وأنا كنت ناوي أدخل بسرعه وأنحش لغرفتي وأنام وأول ما دخلت البيت من سرعتي الزايده طحت على وجهي قدام باب الصاله وكانت ساره ورا الباب وكملت علي وكفختني وتقولي
ساره: نحشت ها يالخبل ياللي ما تفهم انا ادرس بقره
كنت أضحك على اسلوبها بالكلام وهي كانت تكفخني خفيف كأنها تكفخ طفل عمره 3سنوات
عند فهد...
وابووه دايم يخليه يروووح بيت عمه ويغصبه انه يدررس
فهد وشهد اخته (شهد قرريبه من فهد حيييل اكبر منه بسنه)
رايحين لبيت عمهم
شهد:اخبارك شروق
شروق:بخيير ربي يسلمك اخبارك انتي
شهد:الحمدلله طيبه
شروق:دوووم يا رب
فهد يسمع الحووار وهو ساكت مو طايق يسمع كلمه منهاا بس مضطر
دخل العم:يا مرحباااا بعيال اخووي شلووونكم؟؟
شهد وفهد قاموا سلموا عليه :بخيير
العم:متى ناوي الملكه فهد؟؟
فهد خنقته العبره بقلبه (لوو بيدي ماااابيهاا ):انشاء لله بعد النتايج يا عمي وانت تدري ان بعد اربع سنين الزوااج
العم:قالي ابووك يا فهد بس لييش ما تخذهاا معك مصر
فهد:عمي انا رايح دراااسه مع ربعي
العم:طيب ياااافهد حياااكم العشااا
شهد تهمس بأذن فهد:ما عليه عشان خاطري استحمله
فهد بنفس الطريقه:ليتني اموووت قبل المــلكه
شهد:اسم الله عليييك حبيبي جعله بعدووينك يا رب
تعشوووا
مرت الايام فهد تخرج جاب نسبه كوويسه
يوم الملكه كان تعيــــس على الطرفيين
فهد وشروق بالمجلس برووحهم::
فهد بقلبه((حرام بحسسها انها عروووس بسم الله)):مسك ايدها:مبروووكــ
سحبت ايدها بسررعه : لا تصدق اني زوجتك
فهد ببرود المعتاد:اجـــل خدامتي
شروق:تخســــــى
فهد مسك رقبتهاا حيييل: يا حلوووه اسمعي انتي زوجتي غصب عنك وبتطيعين اوامري نفـــس الحشره تفهميييين؟؟؟؟
شروق:اااااااااااااااااااا� �ااااااي بعد بعد
فهد :تفهمييين؟؟؟؟؟؟
شرووووق:ااااااااي افهم افهم
هدها فهد منقرف :عطيني رقم جوالك خلصيني
شروق:طــيب اخذ
سجله فهد وطلع وهووو تعبان من هالمصيبه بس مصيره بينساهااا طبعااا عطلته وربعه بالديوانيه ينتظرونه
طلع لهم بالدوانيه
راكان:هااا بــشر
تركي:اذا مزيووونه قولي اخذ اختهاا
فهد عطاهم نظره وقعد ونفسه بخشمه اخلااااقه صفففر
طلال:لاااا ابو الشباب
فهد بعصبيه: انت وياه تعرفووون كل شي لييش تسوون هالحركااات بعرف ليييش
الكل سكت كانوا يبون يلطفوون الجو بس ماقدروا
فهد سكت فتره بعدين:السمووحه والله انكم اقرب لي من اخواني بس انا اه
راح راكان وضمه بعدين جاهم طلال وجاهم تركي ضموا بعض كــلهــم بقوه وضحكوووا بس كل واحد شايل هم بقلـــبه
عند راكان..
الساعه 12 بالليل راكان داش البيت
راكان: وش فيه راكان؟ منو اللي حاش فيني أكيد الخبله أنا اذني صفرت عند الربع
بشاير: أنت جب
راكان: منو جب؟
بشاير: أنت جب
راكان: الطاف حطي غترتي على الكرسي (رفع كمومه وفتح زراراته)
راكان: ولآخر مره منو جب؟
بشاير (تبرد أظافرها) : أنت ليش في أحد غيرك؟
الطاف: واااااااو بشور هذا أخوك الكبير يا الخبله
راكان: هذي ما تحشم أحد؟
أم راكان: ركون
راكان: سمي يا الغلا
بشاير تقلد صوت راكان: سمي يا الغلا
راكان: يمه قولي وش عندك ولو سمحتي بسرعه لان باجر في بيتنا عزا
ام راكان بخرعه : وشو فال الله ولا فالك
راكان انذعر: طيب طيب بس سمي يا الغاليه
راكان غنى لأمه وحب يقهر بشاير: (مرحبا والنفس طربانه للقصيد وشاعر جاها
والكتاب الطيب عنوانه والحروف الطيب مجناها) : لبيه يا أم راكان
أم راكان: بقولك موضوع بس أتمناك تقول تم
راكان : تم يا الغاليه
أم راكان: طيب أعرف الموضوع بالأول
راكان: كل شي عشان خاطر أم راكان راضين فيه ما أبي أعرف الموضوع
بشاير: يمه وناسه يعني بنخيم معاهم
راكان: مع منو؟
الطاف: مع ربع خوالي
راكان: كلهم بيروحون؟
الطاف: اي أمل وهند وساره ومها وكل البنات
راكان: خلاص أجل أنا بوديكم جهزوا نفسكم
بشاير: غصبن عليك ترى مو طيب منك
الطاف (تطق إيد أختها) : راكان ترى عقب ثلاث أيام بنروح تصبح ع خير
(أستانسوا العايله)
راكان يتصل بطلال: قوه طلال
طلال: هلا ركون شلونك
راكان: بخير أنت وشلونك وشلون الوالده والوالد والعجوز
طلال: ههههه العجوز منو ؟؟؟
راكان: ساره بعد في غيرها؟
طلال: ههههه والله بخير أنت شلون هنودتك
راكان: بنطلع معاهم المخيم
طلال: العن خيرك كيف ومتى؟
راكان: الوالده تقول عقب ثلاث أيام
طلال: طيب ضبط أختك عشان تضبطك مع هند
راكان: كنك قاعد معي وتسمعني
طلال: طيب يا الشاعر سلم ع عمي وخالتي
راكان: يوصل وأنت بعد سلم عليهم
عند تركي..
بدور : تركي انا ابي شي
تركي : امري يالشيخه
بدور : ودني المدرسه ابي اكشخ باخوي الغالي
(.. من وسامته ورجولته وطيب قلبه ويتأثر لاشاف بنت تبكي ولا حزينه .. مركزه راقي .. وصفاته صارت رسم لفارس أحلام كل بنت ،،)