كلن دعاه الشوق لعيون غاليه - الفصل 1 - بقلم جرحي عميق - مكتملة | روايتك

في ايام المتوسطه كانوا تركي وراكان ربــــع تجمعهم صداقه حلووووه........ راكان:: شاب طويل وعريض وعنده سكسوكه ومرات يسوي عوارض"ديرتي" وغمازات ومملوح كثير وابتسامته تجذب يلعب على البنات ما يهمه شكل البنت بس الأهم بالنسبه له مواصفات معينه بالبنت انها تكون مغروره وسمره وثقيله وحنونه لأنه انسان حنون وعاطفي لأبعد حد وراكان شاعر وصوته حلو بالغناء وشعره دايم غزل ووصف بالمرأه والحب ومافي شي أحلى من الحب ورومانسي بقوووه وشخصيته هادي بس المثل شيقول ..؟! اتقوا شر الحليم إذا غضب يعني إذا عصب ما يشوف قدامه ومزوحي حيل ويحب يضحك كثير وما يهزه بالدنيا الا الدموع ما يحب يشوف أحد متضايق أو يبكي أو زعلان حتى لو كان عدوه ويحب يقهر بس بضحك مو بجد بس هو اذا حب يحب من كل قلبه وراح تشوفون بالقصه كيف حبه خيالي واذا حط بيده شي أدمن عليه حيل وتراه حيل حساس ويحب يصير هيبه وكشيخ لأبعد حد ويعرف لغة العيون......... تركي:مو طويل ولا قصير حيييل يجــــنن شاب ابيض بس مو حيييل ملامحه طفوووليه بريئه اممممم تركي مزيوووون يتميز لاشياء حلـــوه جذاااااااب بـــس عصبي متســـلط تقدرون تقولون ساعات يحطله سكسوكه وساعات يطول مايحلق"ديرتي" بس شكله حلووو طيــــب يهتم بالاخرين....شخص انـــــيق.....يمكن هذي شويه من شخصيه تركي ابيكـــم انتو تكتشفوون الباقي..... دخلووا الثانويه تعرفووا على طلال:: طلال:: شاب طويل أسمر مملوح ضعيف يحب يغازل البنات يتغشمر حيل وحقاني ما يهمه أحد عصبي درجه أولى وعلى أي شي يزعل (سواء كانت الكلمه كبيره أو صغيره) وبعدها بكم ثانيه يرضى محبوب بين الناس ويزعج اللي حواليه والهادي يخربه ويخليه يصير مزعج نفسه خفيف الدم وقلبه أبيض وصغير حنون سحر الناس بطيبة قلبه وعلى نياته ـــــــــــــــــــــــــ ـــــــــــــــ أول يوم في المدارس وكانت أول سنه لتركي وراكان اللي كانوا بالمتوسط مع بعض راكان (جاي المدرسه متأخر وكل الطلاب بفصولهم متأخر حيل طق باب الفصل) : السلام عليكم المدرس + الطلاب : عليكم السلام المدرس (السوري) : تفضل يا ابني تفضل راكان: شكرا أستاذ راكان (أنتبه للطلاب وشاف تركي بينهم وراح له) : قوه تركي كيف حالك؟ تركي(قام سلم ع راكان) : هلا ركون بخير أنت كيفك؟ راكان: بو تريك أنا بقعد بجنبك أصبر بجيب لي طاوله تركي (مكانه بنص الفصل وكان الثاني بوجه المدرس) : طيب بساعدك المدرس: بتساعدو بشو؟ راكان: أستاذ طلبتك بجلس بجنب خويي المدرس: طيب طيب راكان + تركي (تعرفوا ع الشاب الثالث اللي قاعد بجنبهم وأسمه طلال) راكان: تركي طلال أنا بجلس بينك تركي: ياليل يا الدب خلك بمكانك وأنت ساكت راكان: أنت أسكت ووخر عني بجلس بالمكان اللي يعجبني (راكان سوا اللي براسه وجلس بالمكان اللي يبيه وصارت علاقة راكان وطلال وتركي أحلى علاقه بالمدرسه وكل واحد شخصيته أحلى من الثاني وضحكهم مو طبيعي وغشمرتهم تجنن وسوالفهم حلوه وكل المدرسه كانوا يتمنون انهم يتعرفون عليهم لأن قلوبهم على بعض وصاروا أكثر من أخوان وثلاثتهم أنضموا للكشافه وصاروا أعضاء أساسيين فيها) (يوم من الأيام كان ثالث حصه عليهم فيزياء وعقبها فرصه) راكان (بينه وبين ربعه) : أف متى تجي الفرصه؟ طلال: ليه يا أخ راكان؟ تركي: طليل بذمتك واحد دب وش يبي بالفرصه؟ طلال: آها يعني يبي يبلع؟ راكان: لو سمحتوا لا تحشون أنا بينكم وتحشون فيني؟ تركي: أنا قايلك يا طليل انه خبل بس محد مصدقني راكان (معصب وبصوت عالي) : تركي حرام عليك أنا وش سويت؟ المدرس: شو يا أخ بالونه شو بيك؟ راكان: نعم ؟ هذا اللي ناقص بعد.. بالونه اللي جابتك تركي (يدوس على رجل راكان "أكرمكم الله") راكان(بصوت عالي): أح يا الوصخ تركي(بصوت عالي) : منو الوصخ؟ المدرس: أوموا برا تركي (شكله يكسر الخاطر): لا أستاذ طلبتك خلاص راكان: وش ترتجي من ذا السوري؟ طلال(يضرب رجل راكان) المدرس: راكان أوم معي لغرفة الوكيل أبو يوسف تركي: خلاص أستاذ سامحه عشان خاطري طلال: تكفى أستاذ أمسحها بوجهي المدرس: طيب راكان أوم أعد جنب الباب راكان: حاضر (بصوت واطي) : والله انه خواف و حده أليف ومايضر (راح جلس بالمكان اللي بجنب الباب وزهقان ومتملل ويبي يسوي جو بالصف ويبي الفرصه تجي بأسرع وقت لأن صار الصف هادي قعد يطق الدرج ثلاث طقات يعنني أحد يطق الباب والمدرس يصدق ويوقف الشرح ويشوف الباب وماحس ان راكان مسوي هالدقه فيه وضاعت الحصه كان أكثر واحد مستانس راكان بعدين طق الجرس راكان وقف بمكانه) المدرس: شو يا أخ راكان ؟ راكان: أستاذ أنت ما سمعت صوت الجرس؟ المدرس: ألولك أنا ما بسمع؟ راكان (حط إيده ع بطنه) : لا محشوم أستاذ بس أنا جوعان المدرس: لك أعود أعود ضيعت الوأت راكان بخاطره (أوف أوف أوف وشاف تركي وطلال بنظره تكسر الخاطر) (ويوم من الأيام صار عليهم اسلاميه وكانت الحصه عقب الفرصه على طول ومدرسهم كويتي) (الشله جايين الحصه متأخر وراكان متحسف انه ما أكل بالفرصه وداخلين متأخر حيل وراكان معاه أكله) : السلام عليكم المدرس + الطلاب : عليكم السلام المدرس: تو الناس جان نمتوا برا الصف؟ (الشله ماردوا على المدرس وقعدوا بمكانهم) (راكان كان يآكل وخلص الكيت كات كله طبعا بدون علم مدرسهم) المدرس: راكان؟ راكان (وقف بمكانه) : هلا أستاذ والله ما أكلت المدرس: لا تحلف راكان(لف على طلال) : أنا أكلت؟ (ولف على تركي) : أنا أكلت؟ تركي (يأشر على حنجه) : تصدق انك ما أكلت (وصدفه ان الكيت كات سايح ع حنج راكان) (وطبعا هم بالكشافه وكانوا يودونهم رحلات مع بعض ومره صادف يومين اجازه ودوهم المخيم وناموا هناك) (ويوم الأحد الحصه الخامسه عليهم انجليزي والأستاذ ماكان يدرسهم قاعد ويسوي شغله) راكان: طلال تركي وش رايكم نهرب تركي: طيب بس كيف؟ راكان: كيف ياربي كيف؟ ..أنتم تدرون اذا جعت ما أعرف أفكر تركي: أسكت يا الدب راكان: تركي حرام عليك.. ترى والله أفتن عليكم انكم بتهربون؟ تركي: مدري منو صاحب الفكره طلال: أنتم بسكم هواش .. أعقلوا خلوني أفكر تركي: طيب راكان أسكت طلال (اممم) : لقيتها؟ راكان: طليل تكفى تكلم قول طلال: ماكو الا الدريشه راكان: والله فكره تركي: أصبر أنت وياه.. كيف بنطلع الأستاذ بيشوفنا راكان: لا تخافون أنا بضبط الشباب راكان(نادى شباب الصف واتفق معاهم انهم يوقفون حول الأستاذ عشان ما يشوفهم) تركي: يلله يلله طلال: يلله راكان أحنا طلعنا دورك راكان(حط ايده اليسار ورا رقبته) : إحم .. مقدر تركي (بصوت عالي) : راكان أنا أكرهك طلال: راكان خلاص بنرجع لك راكان: لا لا انتم روحوا أنا بقعد عادي طلال: مايصير حبيبي أنت صاحب الفكره راكان: خلاص أنتم روحوا وأنا بلحقكم (راكان قعد يفكر ولقى له خطه بس قويه انه فتح باب الفصل بكل هدوء وزحف لخارج الفصل) هذي بعض المواقف الي تجمع الابطال:: دخلوو 11 طبعا بعدين تعرفو على فهد يصير من بعيد حق تركي بعيد يعني ولد عم ابووه اصغر منهم بسنه فهد:طيوووب مزيووون ثقـــيل قلبه من حجر مايلين بسررعه حتى لووو احد بكى قدااامه.....شخصيه غرريبه متقلب مايبين لشخص الي قدامه انه زعلان او متضايق..ساعات تحس انه شخص ثاني غيير فــهد الي تعرفه....لـــه هيبته فهد دايم مع ربعه راكان وطلال وتركي هو اصغر منهم بسنه يصير لتركي من بعيد ولد عم ابووه وداايمــ مع بعــض الشله اكتملت (( تركـي **طلال**راكان**فهد )) تجمعـــــهم صداقه حلووووه اكثر من اخوان:: فهد يتمشى بالسوق مع ربعه... تركي:يااازين هذيك المتنقبه طلال:لااا مبين عليهاا جيكره فهد:تركي مو موااعد راكان: اصلا معجزه اذا تركي مو مواعد طلال: ههههههههههههههه تركي:ههههه الا مواعد بــس مدري وينهاا راكان: قولها بدري ترى الوقت تأخر فهد:لاااا اتصل عليها طـــيب تركي:ههههه كاهي تدق(هلااا وغلااا...هااا أي بالسوق.....طيب انتي عند الباب ....جاااي جااااي) تركـي :يلله شباب مشيناا راكان:انا حاجز صديقتهاا فهد:لااا انا قلت قبلك راكان :انقلـــع فهد:مالي شغل ابيهاااااا راكان: فهد عاد انا اكبر منك طلال: تركي تراهم لجونا تكفى تصرف تركي:هي انت وياه تتهاوشوون امشووا نشووفها بالاول وصلوووا عند الباب راكان رافع دشداشته وايده الثانيه على غترته:انـجوا بأنفسكم أنــــــحشوا يا الربع فهد: الله يعينكم راح ندعي لكم راكان: فهد انا حلفت عليك تاخذها تراك بهاللحظه انت صرت اكبر مني فهد: لا يا رجال انا حلفت انها لك راكان: اقسم بالله كننا في حديقة حيوان فهد: انحش راكان: القبه القبه تركي وطلال تنحووا ماشافوا الا غبرت راكان وفهد تركي بصدمه:هلا هلا طلال يساسر تركي:يانعنبوو ذا الوجه الله يقطعك ما تجمع الا الشيناات البنت بدلع:هاااي ترووك تركي متوهق:احم هلا والله طلال :اخلييك تركي تاخذ رااحتك تركي مسكه:لا اقــعد البنت:تروكي شكلك ماتبي تعزمناا تركي:لا حياااك وراحووا طلال وتركي مع البنتين متووهقين فهد وراكان يتمشون دخلووا محل عطوور راكان:فهد ودي اشتري لهنودتي عطر فهد:طيب امش نروح صووب العطوور النسائيه راحووا يتمشوون وراكان ذوقه جدا راقي :: راعي المحل قعد يوريهم العطورات وراكان مندمج معااه فهد لف شاف بنت عمه (شروق )هذي اكثر مخلوووق بدنياا يكره فــهد وفهد مايطيقهااااا شرووق انصدمت لما شافت فهد هي بعد تكرهه ماتطيقه اثنينهم مايطيقووون بعض امها شافت فهد :فــــهد فهد:اهلييين هلا والله خالتي اخباارك طبعاا فهد راح بعيد عن راكان الخاله:بخيير انت اخباارك وينك ما تنشاف يا ولدي حياك في بيت عمك فهد: تسلـــمين يا خاله بس لاهيين مع الدنياا والله الخاله:صدقـــت ..فهد شجايبك صووب العطوور النسائيه فهد توهق :هااا لابس كنت بشتري لشهد اختي الخاله:يحليهاا وربي مشتاقين لهااا فهد:حيـــاك يا خاله في بيتنــا الخاله:لا والله رجلي مو شايلتني فهد:خلاص ابشري يا خاله بكره انا وياهاا بنجيك الخاله:صدق؟؟؟ فهد:أي يا خاله وشتبين بعد الخاله:الله يفررحك يا ولدي حياكم الله