طفلتي اليتيمه - *بارت59* *ليلة من فبراير* - بقلم لا اعلم فقط ناشره | روايتك

*ننشر جميع القصص والروايات*🤎🕰️ *حب 🤎🕰️* *حزن 🤎🕰️* *اكشن🤎🕰️* *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ https://whatsapp.com/channel/0029Vb5nySH77qVOUYY2kt3M *البارت59* *ليلة_من_فبراير* ☆☆ ☆ ❤️ نهاوند ـ ردت انكر هالشي لان النسوان كلهه صفنت علئ كلام هالمرة واني صح اتذكرتهه بس ماريد احد يعرف بهالشي بس قبل لا احجي صبا كمزت من يمهة صبا ـ اي خاله نونة كلتلي هيج صار بينة و حتئ اكلنة من الزباله همينن والله وكالت اكو مرة رجلهه مقبل ندخل للبيت وطلعت النة صينية اكل واكلنة بالباب ـ ياااعيني هااي انتن سبحان الله صدك الوجوه تتلاكة .. ـ عافتنة وكامت تسولف للنسوان شلون جان حالنة بذاك الوكت واني اتكرظم ماعرف شلون اسكتهه واردهه ـ يااا والله لو تشووفون شلون جان حالهنن يبووو وصخات متربات كاتلهن الجوع والعطش هذني هذني الاثنين جانن صغار هالكد طولهن خطية كلش صغار بس نفس شكلهن خصوصا هاي ام الشامة الله يخليهه شسمهه تومة ـ هاي اسمهه صبا ـ اي نفس شكلهه متغيرت ابد بس كبرانة ماخذهه الطول اوف لو تشوفوهن ينكسر خاطركم عليهن خطية بذيج الترابة والجو حار وكالبة السمة حمرة من التراب ودكن بابنة يريدن شوية مي جان كاتلهن العطش والجوع عاد اني ووكلتهن وشربتهن بس ووين انوب بقن كاعدات اباب بيتنة و ابو اركان عصبي ويوهس ماعندة ثقة بأحد كلهن اكلتن شربتن لاتبقن هنا يمنة يلة روحن ام تسنيم. ـ ليش خطية ام اركان ـ عيني مو تعرفين اخوج كلش حذر و هذيج الفترة بالـ 2005 الكل يخاف من خيالة جان ااكتل بالشوراع والعالم يومية طلابة مسوين وية الناس الفقرة عيني يخاف وحقة مالومة تومة ـ هاي شنو صدك والله ـ اي والله وداعتج جانن ميتات جوع ويبجن والله يكسرن الكلب بس اني بوكتهه تعاركت وية ابو اركان ماسكتتلة ردت ادخلهن بيتي ياكلن يشربن يغسلن خطية متت قهر عليهن خصوصا من كالن ماعدنة مكان نروحلة تعرفن احنة نسوان عاطفيات مو مثل الزلم نفكر بعقلنة ـ صفنت عليهه اشو هاي كامت هواي تبالغ وتجذب وتخلي من جيبهه وين تعاركت وية رجلهه وين جانت هدومنة مشككة اي صح جنة متربات لان الجو تراب بس مو مثل ماوصفت ركضت علية نغم ووكفت يمي ـ اكلج هاي مو كاعدة تجذب لان اني اتذكر هدومنة مجانت مشككة ـ لج ماعرف شلون اسكتهه ـ شسكتيهه بعد حجت كلشي وكلاشي وفضحتنة ام اركان ـ زين وين رحتو بذاك الوكت وشجابكم لهنا لكركوك تومة ـ معقوولة جنتو تايهات بالشوراع ! خاف مهزومات انتن نهاوند ـ اي خالة ااتذكرتج رحم الله والديج وماااقصرتي ويااانة بس ترة جنة تايهات مو ماعدنة مكان نروحلة … والتفتت علئ تومة وحجيت بوجهه.. ولامهزومــــات مثل متكولين ام اركان ـ بس اني اتذكر كلتلي ماعدنة مكان مكان نروحلة نغم ـ شفت نونة انخطف لون وجهه وتعصبت من هالحجي وصبا الحيوانة كمزت من يمهه وسولفت كل شي والنسوان كلهه تباوع علينة معرفت شسوي وشلون نطلع من هالورطة.. لا لا خاله مو هيج بس جنة طالعين وتيهنة تومة ـ شنو هاي؟ وين اهلكم وشلون يعوفون بنات صغار طالعات لوحدهن نغم ـ عادي تصير يعني هسة ماكو جهال يمشون وحدهم اشو الشوارع متروسة جهال بطول الاصبع ـ لعد شلون تيهتن يابة نهاوند ـ غـ غير جنة صغار ومنفتهم والنسوان ملتمة بفاتحه امي ويبجن ويعيطن وممنتبهن علينة ملتهين بالفاتحه واحنة خفنة من الصياح وما جنة مصدكين بعد منشوفهه تومة ـ اي وتالي شلون تهتن ـ ها.. شفنة وحدة طلعت لابسة مثل هدوم امي .. واحنة عبالنة هاي امنة رجعتلنة من طلعت بقينة نمشي وراهه الحد متهنة وهية اختفت مدري وين اتحت تومة ـ اشو السالفة ما تنعقل ـ هو هذا الصار ام اركان ـ زين وين ابوكم عنكم ـ جان ميت ابوية .. ابوية مات قبل امي بكم شهر ـ يااااعيني خطيةة يعني ابوكم وامكم توفو اثنينهم من هاي تهتن لعد صدك عكب عين الام محد يلفي بزرة غيرة ـ خاله كل البضاعه الاخذتيهه بلاش الج هذا جزء بسيط من رد الدين ـ لا خاله شنو هالحجي قابل شسويت هية صينية غدة ومي وياهه بس انتو شجابكم لهنا وشلون عرفتو ترجعون لبيتكم منو اخذكم نهاوند ـ لازم اقنع النسوان بكلامي ابتسمت لخاله وحجيت .. غير اخذنة شكل كتلة من عمامي خبزونة خبز بوكتهه لان تهنة خطية كلهم طلعو يدورون علينة وتالي لكونة بالشارع مالتكم واخذونة نغم ـ اي صدك كتلونة لان تهنة تومة ـ عمامج! مو تكولين ماعدكم احد بس ابن عمكم ومات وجيتو هنا ادورون ايجار ـ النسوان كامت تحجي وتتهامس الي تباوعلنة صفح والمستغربة من هالحجي .. ـ اي صدك هنة هيج حجن وكالن ماعدنة احد اشو هسة طلعلهن عمام نهاوند ـ طلعت روحي من النسوان ومن حجيهن لووبيدي عودة والله الا انزل بيهن دك شكد حشرياات متحملت لغوتهن.. عيني كل عمامي ماتو بالانفجاار الصار بالاعظمية خاله انتي مو من الاعظميةة ـ اي مناك ـ متتذكرين انفجارر الجبير الصار بالسوك وراحت بي كومة ناس بسنة الـ 2006 ـ لا والله خاله لان عفت الاعظمية واجيت لهنا نهاية 2005 تقريبا لو بداية ال2006 ـ حتئ لو اكيد سمعتو بالاخبار الانفجار هو هذا الانفجار راحو بي كل عمامي وعماتي وولدهم محد بقئ منهم بس بقالنة ابن عم واحد جان يعيلنة هو همين خطية اهله ماتو بالانفجار تومة ـ هاي شنو نونة وفيات نسميج ـ شنو جديدة علئ العراقيين هيج مصايب لو عجبة العائلة كلهه تموت بسبب هالاوضاع خاف بس علئ بغداد جرت هالمصايب وكركوك كلشي مابيهه ام تسنيم ـ لا شنو كلشي مبيهه مصايب يابو مصايب مرت علينة ـ خلص واني وخواتي همين مرت علينة هالمصايب وبن الغريب والعجيب و ابن عمي من مات قبل فترة وراح لرحمة الله بقينة لوحدنة يعني شلون نمووت ومنعيش بعد لان بس بنات وماعدنة احد.. تومة ـ زين خوالكم وين ـ يابة هسة انتن شترريدن من عدنة؟ عدنة كرايب او لااا بشنوو راح يأثر عليجن جايات تشترن لو جايات تعرفن اصلنة وفصلنة ترة من تدخل بالميعني لكئ الميرضي اخذن التريدنة والله وياجن علئ شنو هالحجي الزايد بعد تومة ـ كاعدة بنصنة غير نعرف اصلج فصلج مين جاية شنو سالفتج قابل هية هيتة ـ ليش اني اعرف اصلج وفصلج شنو ؟ كلمن عليه بنفسة ومعلية بالباقي ويكفي مختار المنطقة يعرفني وبيت خاله ام اميل الله يرحمه يعرفوني وكاعدة بمكاني صار سنين شفتو مني شي مو زين حجن النسوان وكالن لا ماشفنة منج شي.. خلص لعد ياعيني كافي حجي كلمن عليه بحاله لا راح تقدمون ولا تاخرون اذا عرفتو اهلي او لا وبعدين هذا باب رزقي لاتضلون تحجون بهالسالفة .. وعيني خاله يمكن سمعت اسمج ام اركان ـ اي اسمي ام اركان ـ تمام مشكورة علئ صينية التمن ومركة العدس الاكلناهه والف شكر علئ بطاله المي الشربناهه وهذني الاغراض مني الج هدية مدفعين بيهن ولا فلس بالعافية عليج كلهن ـ لا خاله قابل وحدة بوحدة هاي شبيج ـ لا خاله جزاء الاحسان.. الاحسان وانتي كرمتينة من جنة متيهين وهذا جزء بسيط من رد المعروف الج ـ سبحان الله والله فلا اتخيلت راح اشوفكم هنا حتئ من عفت بغداد بقيت افكر بيكم اربعتكم ما اعرف ليش بس صورتكم انطبعت ابالي وتالي القدر يجمعنة بكركوك وهنا نلتكي ياسبحاان الله وااله فلا اتخيلت هالشي ـ ضحكت وية المرية وحاولت اشغلهه بغير موضوع كمت اكلبلهه بالملابس واسولف وياهه.. خالة اذا عندج بنات اخذيلهن هالقميص كلش حلو باللبس ـ لا والله خاله ماعندي بنات بس ولد مخلفة عندي ست ولد ... بس ام تسنيم عدهه بنات وعرس ابنهه هالاسبوع ام تسنيم ـ اي والله هالاسبوع وليدي يعرس يوم الكم نهاوند ـ يااعيني عررس الله يتمم الكم علئ خير اخذتيلهه مكياجات مشوطة قراصات واذا تريدين عندي شكل جراجف نفرين يخبلن وعندي شحاطات واحذية خاوليات مناشف كلشي ابيع ام تسنيم ـ اخذتلهه شوي من هالغراض هية بنت عم ابني مو غريبة ـ ياخطية ليش شوي اخذتيلهه هية فرحة مرة وحدة بالعمر اخذي منا وفرحيهه وفرحي ابنج ـ لا خو مو اخذلهه بالة ـ لااا خاله هذني مو باالة بس هالملابس بالة بس باقي الغراض مو باله نغم حبيبتي صعدي فوك جيبي العلاكة مال الجراجف خلي خاله تشوفهن.. صعدت نغم وجابت علاكة الجراجف كل جرجف مغلف بنايلونة وحدة طلعتهن والتهن النسوان بيهن جنت ماناوية اطلع الجراجف هسة الا من تخلص الهدوم لان النسوان يفتحن من الغلاف ويشمرن وميشترن وينخبطن الجراجف الجديدة وية هدوم البالة بس اضطريت اسوي هيج حتئ الهيهنن وصدك التهن خصوصا من بعت الجراجف اقل بـ750 من سعرهه الحقيقي بالسوك.. طلعلي ربح بيهه بس ربع كلت ميخالف اهم شي يولن ويخلصني من لسانهن.. ام اركان ـ والله حلوة هالشغلات العندج ورخيصة ـ كدامج خاله ـ الا صدك اني معرفت اسمج ـ اسمي نونة ام اركان ـ نونة والله حلو.. ام تسنيم ـ ها نروح ام اركان ـ اي يلة ماعندي شي ـ الله وياكم طلعن كل النسوان جانن خانكاتني ساعة السودة شجابههن عليه بس بقت تومة واكفة بالباب كالت لصديقاتهه روحن عندي حجاية وية نونة .. عرفت تريد تحجيلهه كلمتين .. ها تومة خيرج ـ اكلج عيني انتي من ياعشيرة ـ ليش تسألين عندج رجل و تريدين تخطبيني ـ اي عندي شلون عرفتي ـ عود من يجون ويدكون بابي نحجي بهالتفاصيل ـ شنو ممصدكتني والله عندي عريس الج ـ اي عيوني خلي يدكون بابي وعود الله كريم ـ يا باب يدكون عيوني قابل يجون يطلبوج من الهوئ لو من نفسج وانتي بعدج طفلة بهذا العمر ـ منو كلج طفلة يابة ترة عمري 18 سنة وشايلة مسؤلية نفسي ومسؤلية خواتي فـ طفلتيش التحجين بيهه انوب ـ يعني معقولة لا عندج عم لاخال ـ لا ـ زين عشيرة ابووج امج شنو العشيرة همين ماتو بالانفجارر ـ تخيلي كلهم ماتو ما ضل احد ـ لعد مين يطلبج الولد غير يسأل عنج يكعد وية اهلج يطلبج منهم غير نعرف اصلج وفصلج ونجي علئ هالاساس منو يجي يخطب هيج بنية متقبل تكول وين اهلهه ـ يابة دازة عليج متوسلة بيج حتئ تزوجيني شنوو معنئ هالحجي وبعدين اليتيمة مين يطلبوهه اذا كل اهلهه ماتو وراحو لرحمة الله اطلعهم من الكبور قابل .. ـ من عشيرتهه يطلبوهه ـ مادليج ولا اكلج منو عشيرتي وسالفة منو اهلج وعشيرتج ومصايبج بطليهه ولاتضلين تدخلين بالي ميعنيج.. يمكن جان صوتي عالي وماحاسة علئ نفسي دخل ياسر للطرمة ووجهه مشدوه وياباوع عليه وبيدة كارتونة جبيرة ياسر ـ ليش هيج صوتج عالي وصلت لمحل جيرانة تصورتو دتعاركين جيتو اركض خير خو ماكو شي ـ لا ماكو شي لا تخاف تومة ـ شمدريني شبيهه اشو كلتله شنو عشيرتج لو كمزت بوجهي ـ وانتي شتريدين من عشيرتهه؟ ـ يعني شسوي بعشيرتهه عاجبني شكلهم مثلا غير اريد اخطبها منهم عندي عريس الهه واريد اعرف عشيرتهه شنو ياسر ـ عريس! ـ اي ليش لا البنية شقاصرهه قابل وبعدين كل بنية مصيرها تتزوج وهية حلوة تخبل وام بيت ومناقصها شي بس عيبها ماتقبل تكول اهلهه منو وشنو عشيرتهه لعد الناس عليمن تجي تخطب من اهلي تاخذهه .. بس يمكن صدك مهزومة من اهلهه مثل ماكالت ام اركان ـ احترمي نفسج تومة ترة لان انتي ابيتي ماراح اهينج بس ديري بالج تكولين عني مهزومة ياسر ـ اشنو تريدين تومة اذا عندج عريس جيبي واني اوديج لاهلهه وعشيرتهه واطلبيهه منهم.. ـ باوعت علئ ياسر مستغربة شنو ياخذني لاهلي وعشيرتي وشنو جيبي العريس شديحجي هذا يا الله.. ياسر ـ يلة تومة اطلعي وكت الشغل انتهئ وصار الليل تومة ـ يا بعد وكت المغرب بعد ماصار ـ اطلعي ـ اوي انة صوجي اريد اجمع راسين بالحلال .. يلة اروح ياسر ـ طلعت تومة واني اغلي من كلامهه .. ماعرف شبيه هيج صرت عصبي وطردتهه يمكن متحملت كلمة جايبتلها عريس من راحت دفرت باب الحوش وراها … التفتت علئ نهاوند لكيتهه واكفة يم باب المطبخ … مبروك ـ علئ شنو ـ مو راح يخطبوج ـ ههه انت كلشي متدري .. هاي لا عدهه عريس ولا صخام هاي بس تريد تعرف منو اهلي ومن ياعشيرة لا اكثر ولا اقل ـ سمعتج تكليلهه اليتيمة امين تجيب اهل اطلعهم من الكبور .. عرفت انتي موافقة علئ هالفكرة ـ يافكرة ياسر هاي شبيك مو دكلك انت كلشي ممفتهمم.. دنحجي واجتي صبا تبجي وتعيط.. شبيج ولج صبا ـ كتتلني نغممم الحقيررة لان كلت للمرية جنة ناكل من الزباله قابل جذب مو اكلنة من الزباااله ليش كتلتنيي امشي اااكلتيلهه يلةة اكتلييهه هاي الخقيرة ـ كافي عااد انلصمي ودخلي جوة ياسر. ـ اشنو شصاير المن حاجية هالحجي صبا .. نغم ـ هلوو عمو اشلونك ـ هلو حبيبتي هلو عمو شنو صاير فهموني نغم ـ بالدنية كلهه مشايفة مثل حظنة مصخم وملطم شكد صارلنة هنا كاعدين مالكينة ام نونة ولا اندليناهه واجتنة وحدة جانت ابغداد تسكن حتئ تفضحنة كدام تومة وصديقاتهه ـ اشنو صاير فهموني نونة ـ تتذكر من حجيتلكم عن عمامي اول ما اجيت وشلون شمرونة بالشارع من جنة كلش صغار ـ اي اتذكر ـ اليوم اجتي المرية الوكفنة يم بابهه طلبنة نشرب مي ـ اشنووو معقولة ـ اي والله شفت القدر ابد متخيلت راح اشوفهه بيوم من الايام تالي اجتي هنا شافتنة واتذكرتنة خصوصا صبا لان بوجهه شامة ونفس شكلهه واني هم اتذكرتني .. بس صبا لوصتهه من كمزت بالحجي وحجتلهه كلشي والنسوان بقتت تتهامز علينة ـ وتالي اشلون دبرتيهه ـ مني حجاية ومن نغم حجاية سكتناهن كلنالهن جنة تايهات .. بس انت تعرف سوالف تومة تريد تبقئ تنبش وسوت هالسالفة عود جايبتلي عريس حتئ تعرف اني منو ـ زين واذا جابتلج عريس صدك توافقين ـ منو يقبل بية وواني هذا حالي ـ ليش شبيج اشناقصج ـ خلي البكلب بالكلب ياسر لاتفتح جروح قديمة كوة التئمت ـ ياجروح نونة اشنو ضامته عني ـ للحظة ضعفت وردت احجيلة كل شي .. بس شي بداخلي رفض وتراجعت.. ماكو شي.. فد شوي واسوي العشة ـ لا ما اشتهي ـ بين متجوع وتشتهي يكون كلشي جاهز نغم ـ عمو شنو هذا الباكيت نونة ـ انجبي لاتصيرين حشرية ـ عادي خليهه تسأل عمو هذا لابتوب وجبت وياه مودم مال انترنت .. هذا شكبة معلوماتية واتصالات عالمية يعني نكدر نشوف كل البلدان بي واكدر اتصل علئ عمي نشوان الي بالخارج واكدر اسولف وياه علئ الايمل وبرصيد ارخص من رصيد التلفون هسة بس اشغلو اشوفو الكم حتئ بي محرك بحث اي شي نكتب بي يطلعلنة نغم ـ اي شي اي شيي؟ ـ اي .. اي شي كتبي يطلع ـ اذا اكتب بابا وماما يطلعولي نهاوند ـ لزمت نغم وحضنتهه رغم عمرهه صار 11 سنة بس بعد عقلهه مال اطفال ياسر ـ لا حبيبتي مو هيج اقصد يعني ممكن نكتب مدينة العاب تطلع النة ممكن نكتب نجوم سما غيوم رسم اي شي نكتبو يطلع بالبحث صبا ـ الله عمو عفية خلي اشوفة ـ صار بس افعلة واكملة اشوفة الكم نونة ـ اني اروح اسوي عشة… عفتهم ودخلت ما اعرف شبية مو علئ بعضي احس نفسي مقهورة وخانكتني العبرة و الدمعه بعيني طافرة ممكتوبلي اعيش مثل باقي البنات البعمري لميت الملابس والاغراض الطشروهن النسوان ورديت رتبتهن ورة شوي دخلن خواتي يسولفن بهالبرنامج الجايبة ياسر رغم شي جديد وماسامعه بي قبل بس ما ثار انتباهي ولا اهتميت اله احس شي بداخلي مكسور مطفي اذا مو ميت وماعندي شغف لكل شي.. حضرت العشئ وخليته علئ جهه ودخلت اسبح الجو جان كلش بارد شهر الواحد فتحت الدوش.. سديت المي الحار وبقيت البارد ماعرف ليش هيج سويت يمكن اريد انتقم من نفسي او اعاقب نفسي بس علئ شنو ما اعرف حسيت ببرودة الميي ورجفت بس بقيت واكفة بس حسيت راح اتخربط من البرودة اطرافي كمت ما احس بيهه راسا طلعت من الدوش ودفيت نفسي بالمنشفة بس بقيت ارجف لبست وطلعت راسا جوة البطانية نغم ـ شبيج نونة ـ مابية شي بس احس روحي تعبانة ـ الجو بارد والنسوان اليجن يبقن الباب مفتوحه والهول دائما بارد ـ مجبورين نتحمل هذا رزقنة العشة جوة .. الصينية الصغيرة لياسر وديهه وجيبي عشاكم هنا وقفلي باب المطبخ وتعالي بسرعه ـ اوك.. ـ مر يومين واني واكعه فلاونزة قوية صخونة ونشلة وجسمي يون من الالم ابيع هالاكدر ابيعه ومن اشوف نفسي تعبت اقفل الباب وطبخ مبية اوكف علئ الطباخ علمت نغم تطبخ تمن وياكلون وباهه روبة وتكلي بتيتة او شو شنو وياكلون خطية نغم وصبا يسوولي كمادات ولحونة تكعد يم رجلي تفرك بيهه حسيت بحنيتهن عليه بهاليومين صدك الخوات الحنينات نعمة من الله الله يحفظهن الي ويباركلي بيهن .. ياسر ـ رجعت عصرية وشفتو باب نهاوند همين مقفولة القفل من جوا مو من برا يعني ماطالعات دكيت باب المطبخ اريد اشوف شبهه نونة اشنو صاير وياهه نغم ـ ها عمو هلو ـ هلو عمو.. وين نونة شبيهه ليش سادين الباب ـ مريضة ونايمة بالفراش مبيهه توكف للنسوان كالت سدي الباب ـ سلامتهه شبيهه اشنو مرضهه ـ فلاونزة ومصخنة فد مرة صاير لونهه وردي من الصخونة ـ هاي شنو من شوكت هيج حالهه ـ صارلهه يومين هيج ـ كليلهه خلي تنزل اريد اشوفهه ـ لا عمو عوفهه نايمة خطية وهية اصلا مبيهه حيل تمشي ـ سأليهه بلاعيمهه ملتهبة عدهه بلغم ـ اي بلاعيمهه مطبوكة مو بس ملتبهه وهواي تكح ـ ناشفة الكحمة لو اكو بلغم ـ يعني شلون ـ يعني كحتهه قوية بيهه صوت عالي لو خرخشة ـ ما ادري بس كحتهه قوية.. ـ اوك .. جريت التلفون وخابرتهه هلو نونة سلامتج ـ الله يسلمك ميشوفك شر ـ ليش ماكلتيلي انتي مريضة ـ عادي يمعود هي هاي امراض الشتئ ـ كالت نغم مصخنة فد مرة ومبين بلاعيمج ملتبهه لان صوتج رايح واكيد كحتج قوية ـ اريد احجي وياه وكحيت اي والله جافة شلعت كلبي احس صدري اتجرح من الكحة ـ سلامتج بية ولا بيج نونة ـ اسم الله عليك لاهيج تحجي ـ تخافين عليه ـ شلون ماخاف عليك اني حاسبتك كل اهلي ـ الله شكد حلوة هالكلمة منج.. ـ لاتخاف مبية شي ـ يامبيج شي صوتج رايح انتي اوي فد مرة ما تتحملين مرض ـ هه لا مو لهلدرجه كلشي اتحملت ماضلت علئ المرض ـ هسة اطلع اجيبلج الادوية فد نص ساعه وارجع ـ لا تعب نفسك ياسر هية فلاونزة شدتهه اسبوع وتروح ـ اسكتي نونة ما اتحمل اشوفج مريضة وكوة تحجين وصوتج مينسمع وفوكاهه صار يومين ماشايفج ـ قابل وين رحت هو اني بالبيت ـ بالبيت بس ماكدر اشوفج اكو اكثر من هيج ظلم ـ احنة اخوان ياسر ـ ياريت لو صدك اخوان جان كدرت ادخل بيتج واطمن عليج واشوفج كافي نضحك علئ روحنة ونظم مشاعرنة اكثر ـ ليش انفعلت ـ لان اكره كلمة اخوان مو اخوان اني وانتي لا ابوج ابوية ولاامج امي ـ ولا يهمك اصدقاء بس لاتنفعل هيج ـ اسكتي نونة… ترة البكلبي لو يطلع تبجين علئ حالي … ـ سكتت معرفت شجاوبة ـ خلي اروح قبل المغرب .. تحتاجين شي بعد ـ لا سلامتك.. ـ يلة باي طلعت من البيت رحت الصديقي ابو الصيديلة اخذت منة ادوية لحالتهه وطلعت للاسواق اشريت حليب ودجاج وزبد ورجعت .. لكيت نغم وصبا بالمطبخ.. تعالو عمو اخذو هذني صبا ـ هلو عمو شلونك ـ هلو حبيبتي .. نغم هاي الادوية انطيهيا وهذا حليب وزبد .. سوي كلاص حليب حار وخبطي وياه خاشوكة من الزبد يذوب وتشربة كله ـ اي عمو حاضر ـ تعرفين تسوين تشريب دجاج؟ ـ لا بس هسة اكللهه تعلمني ـ لا ميحتاج اني اطبخه وادزلكم ـ لا عمو انطيني اني اطبخه ـ لا عمو خاف تحتركين.. يلة دخلي وسدي الباب من يستوي التشريب ادز عليكم.. دخلت للبيت وبديت اطبخ بالتشريب بس كلبي معصور عليهه لا اكدر ادخل واشوفهه واطمن عليهه ولا بيهه حيل تنزل جوة صارلي يومين ماشفتهه احس روحي راحت من مكانهه شلون اذا صدك تومة جايبتلهه عريس كل عقلي اغلي من تجي هالسيرة ابالي.. شلون اخلص من هالمصيبة الاسمهة تومة ما ادري احسن شي اسويلي مشكلة وياهه واكطع رجلهه منا.. لا ولك ياسر اعقل اذا تتعارك وياهه ممكن تقول علينة بالمنطقة وتحجي اشكال واكيد اكو الي يصدكهه... من غير راح تكطع رزق نونة .. ابلعهه واسكت لا تضل بهالعقل هيج هيج لازم يجي يوم ونفترق والله لا يجيب هاليوم ان شالله ولا اشوفو نهاوند ـ ضحكت من كالو ياسر ديطبخ تشريب واخيرا راح نضوك طبخه .. فرحت باهتمامة بية بس من خابرني حسيت بسواد الدنية كلهه بعينة والله هي حتئ بعيني سودة بس شنسوي ماباليد حيلة باوعت علئ الادوية وضحكت احس رجعتلي صحتي بدون ما اخذهن تقريبا مر ساعتين وياسر دك الباب نزلت نغم اخذت الصينية وجابتلياهه محسب حساب خواتي همين بالعشئ حاط الدجاجة كلهه النة ووياهه خضرة جايب وطرشي ومسوي ستيگ للبنات وصمون صينية شكبرته مسويهه بيدة.. راسا خابرته.. اشو الدجاجة كلهه دازهه ـ ما مشتهي دجاج بقيت ستيگ اتعشئ بي ـ ههه خاف طبخك مطيب ومتحب تاكلة ـ ضوكي وحكمي ـ كافي عاد اضحك شبيك ـ اريد اشوفج صارلي يومين مشايفج ـ من رحت لسنجار بقيت شهرين مشايفني ـ هذيج الفترة وحد اني يوم عن يوم اتعلق بيج اكثر واكثر ـ بس اني ما مأملتك بشي ياسر ـ ولا طالب منج تأمليني بس الكلب ومصايبو مو بيدي ـ انت اقوة من هيج ـ ولج ياقوة اضحك علئ روحي قابل بعد مابية حيل وخلص صبري ما اكدر اصبر اكثر ـ لا تبني امالك علئ الرمل ـ معقولة انتي هيج قوية وممهتمة ـ المريت بي مو هين جبرني اصير قوية ـ تقصدين عمامج ومصايبهم ـ وماخفي كان اعظم ـ شنو ظامة علية نونة ـ ههه لا انت ضاهر صدك طبخك مطيب وملهيني بالسوالف ـ هههه تعرفين بكل وكت تتهربين من الاجابة يلة حبيبتي اتعشي واخذي الادوية ـ حبيبتي ! ـ اي .. وراح تسمعيهه هواي بعد ـ لا تتخبل ياسر ـ تصبحين علئ خير… سديت التلفون وخليتة يمي احس ارتاحيت من حجيت وياهه حتئ اكلت بشهيه ومفتوحه نفسي كعدت اكلب بالابتوب واراسل عمي نشوان وباقي اصدقائي الي بالخارج نونة ـ ثاني يوم صرت زينة بس بعد عندي نحول بجسمي والصخونة تروح وتجي بس كدرت اكوم واتحرك ورة كم يوم صرت احسن وصحتي صارت تمام ايام المرض ماجنت ابيع هواي لان ماكدر اكعد بس هسة شوي احسن هواي نسوان ماجن عليه اتصورت بسبب الحجي الصار الناس اتاثرت وبعد متجيني .. بس الحمد لله طلعت غلطانة اجني هواي نسوان يشترن ومن ضمنهن ام سنان وام تسنيم وام اركان جايات ياخذن جراجف وصيني دخلت تومة وياهه اثنين نسوان.. همست بكلبي لا هلة .. تومة ـ ها ولج نونة اشلونج ـ هلو حبيبتي هلا بيج ـ سمعت بيج مريضة ـ اي جنت شوي بعافية والحمد لله صرت احسن تومة ـ جايبتلج وياية مفاجئة راح تفرحج ـ خير ـ خير كل خير .. عرريس .. هاي ام علاوي تريد مرا لابنهه وكلتلهه عليج ومدحت بيج وكالت تجي تشوفج ـ باوعت عليههن شكلهن مبين كذابات بقيت ساكته ماعرفت شحجي بهيج موقف تومة ـ شوفي العريس اسمه علاوي عمرة خمسة وعشرين سنة خريج جامعه جبيرة .. أ بلة شسمهه جامعتة ام علاوي ـ جامعته معهد معلمين عيني هو معلم شكبرة شكدة ـ يحجن ومصدكات بنفسهن اباوع عليهن واضحك بسري ام علاوي ـ ها شكلتي ـ اليجي يخطب ميجي هيج وكت ويحجي كدام الناس كلهه النعرفة والمنعرفة .. تعالو بوكت مابي احد تومة ـ العليه سويته كلتلج عندي رجال الج وجبتهم واجيت بعد انتي وياهم اتفاصلي ـ اي… شكرا عفتههن والتهيت وية النسوان ابيعلهن نغم ـ يمكن عمو ياسر اجئ ـ شعجب اشو من وكت ـ هسة شفته دخل لبيتة ـ يجوز تعبان ورجع من هسة .. ياسر ـ رجعت من وكت لان صارت طلابة بالسوك واستخدمو بيهه اسلحة عزلت محلي علئ السريع ورجعت للبيت هيج طلايب تخوف منعرف شتجر وراهه .. دقايق واندكت الباب فتحتهه شفت لحونة لازمة بيدهه ماعون بي كاستر وجلي وبسكت ومدري شنو بعد مدري شسمته للماعون اني همين جبت لابتوبي وفرشت جرجف وكعدنة بالطرمة اني وياهه هية توكلني من هالماعون واني ابحث الهه عن كارتونات باليوتيوب مصالح مشتركة شوي وطلعت تومة من يم نونة عجيب هالمرية ابد ماعدهه كرامة .. تومة ـ ها شلونك ياسر ـ بخير ـ شنو هذا التلفزيون اشو شكلة غريب ـ هذا لابتوب ـ شنو هذا انوب ـ مابية حيل اشرحلج ـ لالا بشرفك شنو هذا ـ تلفزيون هذا تلفزيون بس عوفيني يمعودة ـ هااا بس والله حلو هسة اكول لزوجي يجيب منة ـ اي شكو بيهه ـ اكلك جبت خطابة لنونة ـ سمعت خطابة عيني انفتحت لوحدهه و ردت اكوم اخنكهه ـ هذي المرية الجانت وياية ام علاوي تريد تخطب لابنهه وجبتهه ـ هم.. اي وشكالت نونة ـ ان شالله توافق خطية مستحية تحجي كلتلهم عوفوهه تفكر ـ تفكر؟ ـ اي شلون لعد يلة اني اروح اتاخرت.. باي ـ الله لا رجعج.. طلعت روحي من السمعتة عفت الابتوب وضليت انتضر هالنسوان تروح حتئ احجي وياهه.. نونة ـ طلعن النسوان كلهن وبقت ام تسنيم وام سنان وام اركان يمي .. ام تسنيم ـ احنة صرنة معاميلج بعد كل مشترانة منج ـ علئ الراس حبيبتي خاله ام اركان ـ اي والله صدك معاميلهه اشو منطقتي مابيهه احد يبيع هالسوالف الا اروح للسوك وطلعة السوك ميقبل عليهه ابو اركان هسة هنا شكد حلو اكعد واكلب براحتي ام تسنيم ـ بعد تصالحنة احنة وتكدرين تجين كل يوم واجيبج الهه ـ اي والله الحمد لله من تصالحنة والا جان ماندليتهه ام سنان ـ ليش متعزميهه لعرس ابنج خطية ماعدهه احد هنا وبيت ام اميل سافرو وبقيت وحدهه خلي تجي تتونس وية بناتج ام تسنيم ـ يا كل الهلا بيهه معزومة عرس وحنة همين البيت بيتج خاله ـ ها .. لا خاله شكرا ـ والله اني من يوم الشفتج حبيتج شاهد الله ـ مشكورة خاله بس يعني ام سنان ـ اكيد تستحي لان متعرفكم لاتخافين ويايه تروحين وترجعين ام تسنيم ـ ترة الولد ياسر صاحب هذا البيت يصير صديق ابني كلش وبيتنة مو بعيد عنج بعد فرعين ـ لا خالة مشكورة ـ والله اني بعد عزمتج و هالخميس العرس والاربعاء الحنة شوكت ميعجبج تجين اهلا وسهلا بيج .. واذا الولد ياسر تستحين منة يدليج وام سنان ماكدرت تجيبج كوليلي ادز بناتي عليج ييجيبنج ويرجعنج ام سنان ـ شكو بيهه طلعي غيري جو من يوم الراحو بيت ام اميل وانتي ماطالعه نغم ـ همست لنونة .. ياريت تقبلين نطلع نغير جو ـ منعرفهم شلون نروح ـ مو ام سنان تعرفهم وتعرفنة نروح وياهه ـ مااعرف خلي اسال ياسر وبعدين يصير خير… الله كريم خاله .. اذا كدرت اجي ام تسنيم ـ مية هلا بيج يلة حبيبتي نترخص ـ كلهن طلعن وبقت الحان برة يمة .. ها ولج لحونة امشي دخلي جوة بردت ـ ما اريد اتفرج كارتون ياسر ـ دخلي جوة حبيبتي روحي يم الهيتر صار المغرب وباجر اشغلج الكارتون… ـ راحت تركض لحونة جوة .. ـ جايات يخطبنج مو ـ وصلتك الاخبارية من منو ـ واسمه علاوي هم ـ وخريج جامعه معهد معلمين ـ من كالت جامعه معهد معلمين طكيتهه بضحكة وصل صوتي لراس الشارع ـ شبيك اشو تضحك ـ شنو جامعه معهد معلمين ـ شمدريني غير هنة حجن ـ هههههههههههههههه شكد جنت عصبي بس ضحكتنيني من كلبي والله ـ اني مو متعلمة فما اعرف هيج سوالف ـ جذب تلكي لا خريج ولا صخام زين اذا عرف يكتب اسمو ـ اي عادي حتئ لو مو خريج يجوز خوش ادمي ـ شبيج نونة اشو شكلج موافقة ـ اي ليش لا اذا خوش نصيب امشي بفالي ـ ها .. يعني عندج عادي تتزوجين ـ وليش ما اتزوج هذا حلم كل بنية تحلم بي ـ واني ؟ ـ انت همين يجيلك يوم تتزوج وتستقر وتنساني ـ لا ااضاهر بعدج مصخنة ـ كلشي مابية وصاحية بس هذا الواقع ولازم نعيشة ـ كافي نهاوند اسكتي ـ اني مارجعت خبر كلت ادانش نفسي واكلك تسأل عنة ـ مالكيتي غيري يسأل ـ غير انت اخوية ـ مو اخوج ولا اعرفج واصلا هذول مو خوش ناس زباله وهمج ـ شنو تعرفهم ـ لا مبين عليهم ـ ههههه.. ـ اي ضحكي ليش ما تضحكين ـ اكلك صدك تعرف وحدث اسمهه ام تسنيم ـ شبيهةةة همين خطبتج لابنهه ـ هههههه لا بس عزمتني علئ عرس ابنهه ـ اي هيج ارحم ـ كالت ابنهه صديقك ـ اي اعرفة خوش ولد وحباب اذا تحبين تروحين عادي خوش ناس همة ـ وية ام سنان نروح خطية نغم تريد تغير جو ـ شكوو بيهه همين خطية يضوجن ـ يلة اسوي عشئ ـ نونة ـ نعم ـ انتي ماراح تقبلين بالاسمو علي موو ـ حسب اذا خوش نصيب ليش لا ـ نونة لا تسوين هيج بية ـ واذا سويت شتسوي ـ اتخبل عليج والله ما اتخيلج لغيري ـ لا ..اتخيل لان هذا الواقع ـ نهاوند الحب الاول ضاع مني لان هية همين مارادتني ووكفت وية اهله بس الثاني ماخلي يفلت يكفي الخسارات الخسرتهه مامستعد اخسر بعد ـ حب غيري ياسر ـ مااا اكدررر ماا اكدرر هو بيدييي لو لعبة كل يومين العبهه هذاا حب مووبالايددد ـ لاا بالايدد انسااني ياا ياسر انسااني انت صاحب البيت واني مستأجررة ووبسس كلشي ميجمعنةة انساااني الله يخلييك اني موو الك مووو الگگ ـ جانت تريد تدخل للمطبخ وجريتهه من ايدهه وصكيت اسناني اذا موو اليي مستحيل تصيرين لغيررري فهمتي ـ شفت بعينة جدحة نار تخوف اول مرة اشوفهه اطمن لعد … لا الك ولا لغيرك… باوعت علئ ايدة ما ناوي تعوف ايدي ـ حسيت علئ نفسي لازم ايدهه قوي اول مرة هيج اتصرف بهالطريقة.. اسف نهاوند اسف والله ماقصدتو هيج اتصرف وياج ـ محجيت وياه راسا دخلت وقفلت الباب اول مرة اخاف منة بس مو خوف من تصرفاتة لا خوف من حبة الي هذا الحب مو بصالحه ولا بصالحي ما اقبل يخسر اهله علمودي خصوصا اخته شفتهه صارمة واخوته مو هينين اذا يبقئ هيج لازم اخلي يكرهي لان طريقة اثنينة مسدود طول هالايام جنت اختل من ياسر احاول ماخلي يشوفني ومن يخابرني اسلوبي جدا عادي وياه هوو يعرف ليش هيج دة اتصرف بس مغلس عني صار يوم العرس ونطيت خبر لام سنان تمر علينه تاخذنة لان بيوم الحنة ماكدرت اروح جانو هواي نسوان جايين يشترون وكلت حرامات اكطع هالرزق.. اشتريت قبل فترة فستان بسيط بنفسجي فاتح ردنة طويلة ومخصر بحزام اطوخ منة ومن جوة الكصة مثل الجرس ولبست حذاء اسود وبنفسجي 2سم وجنطة صغيرة بيهه كلنس وفلوس وتلفون ومفاتيح ورحت للصالون الاتعامل وياه لان البنية صديقتي وتعرفني سوتلي شعري شسورتة ووبرمته من الجوانب وعافت الوسط مفتوح يسموهة التسريحه الرومانية لكن مو كل الشعر ملموم بس من الجوانب وبشكل راخي مو ضاب.. كلش حلوة التسريحه وخلتلي مكياج بسيط ورجعت للبيت .. نغم ـ يمكن ياسر همين راح يروح للعرس ـ يجوز لان صديقة .. خلصتن بنات نغم ـ اي مشطت الهن ولبسن ماعدهن شي ـ علمود من تجي ام سنان منأخرهه.. دك الجرس وطلعت نغم تريد تفتح الباب وطلع قبلهه ياسر فتحهه .. نغم. ـ يلة بنات هاي خاله ام سنان ـ اي جينة .... نزلنة كلنة والبنات طلعن وبقيت اني اجيك الطباخ واطفي الكهرباء طلعت وصار بوجهي ياسر ياسر ـ عرفت نونة تريد تروح للعرس واني اصلا معزوم كلت اروح وياهن ماريدهه تروح لوحدهه .. طلعت وانصدمت بيهه شكلهه متغير 180 درجة مو هاي نهاوند اللي لامة شعرهه 24 ساعه .. ولابسة دشداشة طويلة لو تراكسود احس كلبي يريد يطلع من مكانة بشوفتهه نونة ـ ابتسمت وكلتله ..خاله برة واكفة ـ شلون طالعه .. شلون هيج اتغيرتي ـ الترتيب يلعب دور.. قابل اروحلهم بالدشداشة ام سنان ـ ها خالة كملتي ـ اي خالة ماعندي شي بس اقفل الباب ياسر ـ قفلت الباب وطلعت وية ام سنان ردت اطلع وراهه بس حسيت علئ نفسي حافي طرت لبست حذائي وطبكت الباب ودفرت الثانية وركضت وراهن بقيت امشي مسافة عنهن بس عيني مانزلتهه منهه وصلنة بيت صديقي ودخلن البنات جوة وبقيت يم اصدقائي واكف برة… نونة ـ دخلت وية ام سنان لكيت البنات اشكال شلون حلوان يصفنن همزين رتبت نفسي وصرت مثلهن العروسة ابيت عمهه لان همة حايط علئ حايط وبيتهه اصغر من بيت العريس فـ جابوهه هنا علمود الناس ورة شوي دخل العريس واخذ مرتة وصعدو سيارتهم وكل الناس الجايين وياهم سيارات بقينة اني وخواتي واكفات يم ام سنان ام تسنيم ـ ها اشو ماصعدتو ام سنان ـ تعرفين جايين وحدنة ماويانة سيارة ـ يابة كوومة سيارات فارغة تعالوو تعالوو … ارركاان اارركاان تعال ـ ها عمة ـ سيارتك فارغة؟ ـ بس امي لان اخوتي راحو وية الولد ـ تعالي ام سنان نونة تعالي انتي وخواتج بهاي السيارة ـ جانت سيارة مو كلش جديدة ما اعرف شسمهه ام اركان كاعدة بالصدر وخلت يمهه الحان واني وخاله ام سنان وصبا ونغم ورة كعدنة مشت السيارات وعيني ادور علئ ياسر ما اعرف وينة دقايق وشفته كاعد بسيارة وية مجموعه ولد يهوسون ويصفكون ومطلعين روحهم من الشباك من شفتة فرحان ويهلهل وية الولد ويغني ويصفك من يمي فرحت والضحكة ملت وجهي عيني مكدرت انزلهه عنة لان جنة نمشي بنفس المستوة انيق ويخبل ببن الشباب هو شيخهم والله واحلئ منهم بالف مرة شكد كشاخ من انتبه عليه كعد بمكانة وسكت وبقئ يباوع عليه ياسر ـ متخيلت راح تجي نونة بالزفة جنت منطلق وية الشباب وسوالفنة التعبانة نهلهل ونغني ونصفك ونغني اغاني نضحك علئ العريس بيهه يعني سوالف شباب بس من شفتهه كعدت وسكتت لان الشاعر يكول الصمت في حرم الجمال جمال وبالنسبة الي النظر الهه عبادة خلصت الزفة والفرة بالشوارع ورجعنة لبيتة .. وبدت دبكة الولد والركص بالحديقة والبنات كلهن طلعن اكو اليتفرج واكو اليشارك بيهن واني واكفة بالاخير علئ صفحة اتفرج عليهم شوي ولمحت نونة نونة ـ من رجعنة من الزفة كعدت وية خوات العريس بنات ام تسنيم وحدة اسمهه لمياء والثانية ونساء كعدت اسولف وياهن وصرنة صديقات تقريبا واتفقن ورة العرس يجين يشوفن البضاعه العندي وية امهن كل شوي وحدة تروح والثانية تجي تعد يمي حاولن يعرفن شوي معلومات عني بس جنت اطنش واسوي روحي اباوع علئ العروس واصفك كلش اتونست بهالعرس من السوالف وياهن عرفت ابوهن تركماني بس امهم ام تسنيم مو تركمانية مثلنة نصبو العشئ واتعشينة وخلصنة ورة شوي وكالو صارت برة دبكة للشباب والبنات ووطلعنة كلنة نتفرج اني وخواتي وباقي البنات ونساء ـ تعاليي وياانة نونة امشي نركص ـ لالا وين ياركص ـ لج هية دبكة والله عادي امشي امشيي ـ جرتني ونساء ولزمتي وكامت تركص الدبكة مالتهم مثل الدبكة بعيد نوروز نفس الشي تقريبا اجئ اركان ولزم ايدي وكام يدبج ما احس الا ياسر طفر ما اعرف مين طلع صارلي ساعه ادور عليه مالكيتة اجئ سحب ايد اركان ولزمني ولزم اركان وكمنة نركص ضحكت من هالموقف هالولد مناوي يجوز مني .. بس بصراحه كلش حبيت تصرفة… عزا هاي مين طلعت ـ اطلعلج باليناصيب ـ لا صدك وين جنت ـ واكف بالاخير من هذيج الجهه واراقب ـ ههههه شلون شفتني ـ اذا عيوني متشوفج الكلب يحس بيج ـ الزفة تخبل شكد حلوةة ـ بس اكيد مو احلئ منج ـ وكفت بمكاني لان تعبت .. كافي تعبت ممتعودة هيج ادبج ـ اني هم تعبت ـ لعد راح ارجع وياهم ـ نوونـــة لا تخبليني ـ هههه ... يلة خلي ادخل جوة اسلم عليهم واطلع ـ نطلع سوية انتضريني ـ عادي.. خلي اشوف خاله ام سنان همين ـ اوك يلة ـ دخلت للبيت وسلمت عليهم وباركت الهم وطلعنة واجتي ويانة ام سنان وياسر ورانة يمشي بخطوتين ام سنان. ـ جايبتلج خبر ان شالله يسعدج ـ خير خاله ـ وحدة شافتج واتخبلت عليج تريدج لابنهه ـ شعرفت مني حتئ تريدني لابنهه ـ شناقصج حسن وجمال واخلاق ـ تسلمين خاله ـ الولد اسمة مروان ويمكن باجر لو وراهه تجي امة عليج تحجي وياج ـ الله كريم خاله الله كريم ياسر ـ سمعت هالحجي واتخبلت بقيت اكح بصوت عالي واتحمحم وماكو فايدة وصلت للبيت وفتحت الباب راحت ام سنان ودخلت نونة للبيت ودخلن البنات نونة ـ يلة تصبح علئ خير ـ اوكفي وين رايحه ـ شبيك ياسر ـ شنو شبيك ليش مارفضتي ـ شأرفض؟ ـ لاتخبليني انتي ليشش هيج متجااهلتني ـ والله ما متجاهلتك بس ـ بسس شنووو ليــش مارفضتييي ـ اكلك ترة اني سمعتي علئ المحك بطارف خيط عنكبوت مجلبة بيه فلا تزودهه عليه ـ شتقصدين فهميني ـ بنية وعايشة. وياك ـ قابل بغرفتي عايشة بيت مقسوووم ـ ياسر انت تعرف الناس شيحجون ماكو داعي تسوي نفسك متدري ـ لو يحجون مييجون يطلبووننج بس يعرفون اخلاقج عالية واجووي ـ مو بس هيج اكو اشياء جبيرة اذا عرفوهه مستحيل يباوعون بوجهي بعد ـ اااااني وين احجي وانتيي وين تحجيين ليشش مارفضتي ليش ماكلتيلهه لام سنان كولي لا مرواان ماريد اتزوج نونة اني ماكدر اشوووفج تتتتصيرين لغيررري ااافهمي ـ ابد ـ دشااقة وياج ااني لج ماااااكدرررر ما اكدررررر ـ لاتصيح كافي ـ طلعتييني من طوري رحميني افهميي كلامي لج نونة والله احبج ماريد اوكف بطريقج ولا اريد امنعج عن سعادتج بس مو بيدي والله مو بيدي ـ لاتخاف لا انت ولا غيرك افكر بيكم ـ شنو هالبررود انتي دتضحكيين عليية لو شنووو فهميني انتي حاسة بيية لو تتغاابين ـ لو تعرف الضروف المريت بيهه مستحيل راح تبقئ هيج تحبني ـ ياا ضرروف انتي وين تحجين اني مشتعل نار وانتي تكليلي ضروف اذا تريديين غيرري الله يوفقجج بس ادعيليي اموت قبل لا اشوفج بحضن غيري ـ لا اسم الله عليهم ـ ماكو غير المووت يخلصني من هالوجع الاحس بي اني يوومية الف موتة اموت والله بس انتي متحسين بية ياريت الله ياخذني يارريت اني ماريد اقطع قسمتج واوكف بطريق سعادتج بس ما اكدرر والله ما اكدرر ـ وك شبيك انت متاقصك شيي معقوولة عندك عادي تحب بنية عمامهه شامريهه بالشارع بفترة من الفترات عمرهه ـ هذا الامر اعرفة من زمان لا اثر علئ حبي الج ولا قل بالعكس ززاد مانقص شنو ذنبج بهالشي ـ انهاريت من البجي من شفته يبجي ومنهار .. لازم اخلي يكرهني او علئ الاقل يبتعد عني .. يعني راح تبقئ تحبني وتريدني حتئ لو تعرف بية اني .. اني مطلقة ومسجونة بتهمة جريمة قتل ـ تراجعت خطوتين وصفنت بكلامهه جريمة قتل؟ وللحكاية بقية… ……… ..🥀