مذكرات طبيبة نفسيه - الفصل 2 - بقلم عشق القاسم - مكتملة | روايتك

البارت الثاني فضلت تتكلم معايا كتير وكل شويه تبص لنقطه معينه وتقول مليكه :أنا اسفه والله مكنش قصدي اقتلك ارجوكي متقتلنيش صدقيني أنا كنت بحاول احميكي منه ده كانت كل اللي بتقوله +بكاء هستيري غريب اه صح نسيت اقولكم المستشفي ده في مجرمين بيدخلوها وطبعا مدير المستشفي اللي مفيش أو... منه بيطلعلهم تقارير أنهم مجانين عشان محدش يدخل السجن بس طبعا مدير المستشفي بياخد فلوس عل قلبه قد كدا يلا ما علينا نرجع تاني بقي لموضوع مليكه المستشفي كانت بتعاملها أسوأ معامله وكانوا بيضربوها ويعذبوها كل يوم كنت سعات اقدر امنع ده وسعات لا وده بناء على طلب حماتها اللي بردك كانت بتتدفع فلوس قد كدا وفي النهايه للاسف مليكه ماتت 💔 طبعا انا دخلت في حاله نفسيه فكره بس أن هي ماتت ومقدرتش احميها ده كانت واجعه قلبي اوي بس قدرت اتعايش مع الموضوع وانسي بعد اسبوع رجعت مره تانيه للشغل وكان تاني حاله ليا يامن شاب في منتهي الجمال عمره ٣٣سنه تقريبا كدا الجمال حظهم وحش في الدنيا ده هحكيلكم الحوار اللي دار بينا بالتفصيل انا :ازيك يا يامن عامل اي يامن لارد انا :تقدر تتكلم معايا لو عايز أنا سمعاك أنا موجوده هنا عشانك يامن :مش عايز اتكلم دلوقتي انا :تمام مع اني أظن أن الكلام هيريحك انا :طب اي رايك أنا أتكلم عن نفسي يامن:طريقتك بايخه اوي هتحاولي تكلميني عن نفسك عشان اثق فيكي واكلمك عن نفسي انا :انت بتشتغل اي يامن : مهندس ديكور انا : اممم طب أنا عايزه اعرف لي واحد جميل زيك كدا جي هنا يامن :ماما قتلت اخويا قدام عيني انا بصدمه :نعم ازاي لي يامن :ضربته بالنار قدام عيني أنا مش عارف اي السبب بس من ساعتها وانا بكرهها انا وانا لسه هقوم وقع مج النسكافيه من ايدي ونزلت عشان ألمه وأيدي اتعورت ساعتها شوفت حاجه غريبه جدا لقيته في ثانيه الا ثانيه بقي بيترعش في الأرض ويطلع رغاوي بيضه من بوقه طبعا أنا بقيت مرعوبه وكل ما اقرب منه الرعشه تزيد اكتر لحد ما خرجت بره الاوضه وتدريجيا بدأ يهدي اتضح فيما بعد أنه عنده فوبيا من الدم ومن ساعه ماشاف اخوه وهو ميت قدام عينيه وهي بدأت تجيله الحاله ده مذكرات طبيبه نفسيه