طفلتي اليتيمه - *بارت56* *ليلة من فبراير* - بقلم لا اعلم فقط ناشره | روايتك

*ننشر جميع القصص والروايات*🤎🕰️ *حب 🤎🕰️* *حزن 🤎🕰️* *اكشن🤎🕰️* *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ https://whatsapp.com/channel/0029Vb5nySH77qVOUYY2kt3M *البارت56* *ليلة_من_فبراير* ☆☆ ☆ مــشــتــاگــلــك يــالــ مــبــتــعــد يــا روح تــشـــبــه نــيــتــي حَـتـى الــنــفــس لــمــن أريــد اتــنــفـسـه بــلــيــاك يــجــرح ريــتــي ❤️ نهاوند ـ بقيت ساكتة واسمعلهه بس عيوني تصب دمع اريد احجي ما اكدر ريتال ـ قشمرو عليه بالسجن عود يهزمو تالي انكتل راح هالولد المسكين ماشاف شي من دنيتة هالمكرود .. من الصبرر للكبر والله كلبي عاصرني عليه .. الله يريحه بتربته يارب ـ مسحت دمعي وكوة حجيت عفية صدك تحجين ـ اي والله العظيم يانونة المصبرني رجع لحضن امة هية جانت احن وحدة عليه ادعيله الله يرحمه برحمته الواسعه الله يرحمه ويغفرلة يارب ـ احجي وياهه واشهك بجي والله مسكين هالرجال … زين انتو جنتو تعرفون يريد ينهزم ـ لا والله ابد وين نعرف ليش هو اصلا يحجي ينطق وياية ياريت حاجي كايل جان نصحناه علئ الاقل تدرين جنت كلما اخابرة علئ كد السلام وميحجي شي ابد اسألة شمحتاج شنو تريد اجيبلك يكول ماريد شي ممحتاج شي ـ ادري ماوية ووين عنة هية جانت توجهه وتعلمة وياخذ حجيهه مرات ـ يا ماوية يمعودة لاهية بمصايبهه ومتعرف احد بينة بعد انقطعت فد مرة عننا بس اني دأئما اخابرهه ـ عزة شبيهه شنو صاير ـ اشو من اخذت ورثهه ماشافت خير عليه بعد بنتهه حوراء الجبيرة اتمرضت وكامت تصيح راسي لحكوني افترو بيهه علئ الدكاترة مديعرفون شنو السبب اخذولهه مفراس نفس الشي ميعرفون العلة وين و كل طبيب يحجي شكل وكرف فلوس خطية اشكال الادوية اخذت بحيث صارت حساسية بجسمهه من الادوية التاخذهن وكامت تهرش وتحك المسكينة لو تشوفين جسمهه مشكك علئ كد ما تملخ بروحهه تملخ وماكو فايدة انوب ابنهه احمد المحامي فصلته النقابة مالتهم هاي مال المحامين وانحرم من المهنة ـ شنو القصة ليش شمسوي احمد ـ والله ما ادري يا نهاوند هية متحجي وبناتهه مثلهه بس كل الاعرفة مسوي سالفة جبيرة مو قانونية يمكن ديتلاعب علئ محامي جبير مدري منو وياهم يعني واحد اله سمعه جبيرة وهذا ماساكت عنة رافع عليه قضية وكسبهه ومسحوبة منة الهوية وبعد ميكدر يصير محامي تدرين شكد صرفت فلوس حتئ ترجعلة الهوية مالت النقابة وماصارت ومتخبلين ابوه وامه علمودة يكولون درسناه وتعبنة وتالي هيج يصير بيه بيوم وليلة وهذاك هو كاعد لا شغل ولا عمل ميقبل يشتغل يكول اني محامي مو مستواية اشتغل اي شي غير المحاماة ـ عزا ـ اي والله لا وانوب سيارتهم احتركت جان ابو همام طابكهه اباب بيتهم وكت ضهرية وحارة واشو محتركة ميعرفون شلون وجت كوة طفوهه الحيران وهمة اكلج مصايبهه تخوف الله يجفينة الشر والحبل علئ الجرار بهالمصايب ماخلصت عاد بدفنة صباح اشو اجئ بس همام لا ابو لا باقي اخوتة ويانة تالي يكوللنة ابوي بالمستشفئ مريض يابة. شبي كال بي بداية كنكري برجليه ونايم مستشفئ صارلة عشر ايام خلانة نصفن عليهم خابرت ماوية كلتله اشو لاخابرتي لا كلتي ليش ماحجيتلنة تكولي ليش تريدين تشمتين بية كلتلة مو صوجج صوجي اني اخابرج وسديت التلفون بس اني ماينطيني كلبي بيهم ارد اخابرهم ـ شنو هاي شجاه ـ والله ما ادري عبالك عين وطكتهم ماعرف شبيهم صايحه عليهم الصايحه هيج ـ اخاف تزعلين اذا احجي ـ لا والله بالعكس يانونة احجي التريدي متدرين شكد حنيت الج واتشاقيتلج بهالفترة لان كلنة غلطنة بحقج ـ يمكن هاي لان فلوس ابوكم حرام بالفايز فـ ماوكعت الهم ـ اشو اخوتي خزام ووضاح والبقية وحتئ خوات ماوية همين اخذن فلوس اشو هذولاك وينهم مبيهم شي الي اشتراله سيارة الفتحلة محل غذائية الشترك بمحل ملابس الراح سياحه خارج العراق يتونس يعني مااشالله مابيهم شي وهمين من فلوس ابوية الله يرحمة ـ لعد يجوز لان مارضت تساعد صباح هيج صار بيهه ـ بشنو تساعدة؟ ـ ليش متدرين ؟ ـ بشنو ادري؟ احجي شنو صاير ـ من رحت زرت صباح يعني من زمان ورة ما طلكني بفترة رحت زرته كلي حارس السجن نكدر نطلعه بس يراد هواي فلوس ما اتذكر شكد بس بالدفاتر عاد اني كلتلهه لماوية بس هية اشو ما اهتمت ـ يمةة عمت عيني عليه صدك والله يعني جانت شغلته تخلص بلفلوس ـ اي والله حتئ جان وضعه يموت قهر والحارس كال بي حاله نفسية ويصيح ويصرخ ومرات يخلو حبس انفرادي لان يئذي السجناء تدرين حتئ كلي مكانة مو هنا المفروض بالمستشفئ .. بس ما اعرف ليش بقو بالسجن ومادري ليش ماوية ما اهتمت اله ولاعبالك اخوهه ومظلوم وجانت ادافع عنة شكد وتتعارك علمودة واخذته تريد تعالجة اشو عبالك ماصدكت وكع هالوكعه خطية ـ يامسكين ليش هو شسوة صح بالبداية بحرة صواب كلنة اتفاجئنة واخذنة موقف بس وراهه من هدائنة رجعنة لعقلنة ابوية وفلاح ميستاهلون يعيشون بسوالفهم الوصخة ـ اني همين استغربت شلون نسيتو كل مصايب ابوكم وصرتو ضد صباح كلكم حتئ ماوية مارحمته ـ كلتلج حرة صواب وممستوعبين الصار .. يمكن لان خفنة من حجي الناس صارت هيج ردة فعلنة بس بالواقع كلنة فرحانين بموتتة هو وفلاح الله لا ينطيج ياماوية اذا صدك يعني جان ممكن يطلع بفلوسو ما حجت ولا كالت ـ يمعودة تكلي الورث مابي بركة اجانة تفاليس لان احنة عشيرة ابوية متزوج ثمانية شتريدين تبقئ فلوس ومن هالخريط ـ اي صح حصة الواحد مو هواي بس لو حاجية جان جمعناله من خواتة واحنة وياهم والله حتئ خزام جان اشترك ووضاح يعني هذول يسوون هيج امور مو مثل فلاح ـ اي اتذكر خزام مابي هواي اذية مثل فلاح ـ اووووف كلهم راحو لرحمه الله بعد ميفيد الحجي للاسف والله الفلوس تعمي العيون تخلي الاخوة يصيرون غربة استغفر الله لا اعتراض علئ حكمك ربي بس هالولد كلما اتذكرة تشوط روحي ـ راح للارحم من البشر خطية. خلص من هالدنية الوصخه راح وارتاح الله يرحمه.. ـ الله يرحمه .. نونة لا تكطعين بية خليني كل فترة اسمع صوتج اخابرج تخابريني ـ الله كريم ـ بعدج يم بيت عمج ـ ها.. اي اي بعدني ـ ماخطبوج محد دك بابج ـ يجي بس ياهو العاوي والزاعيتة الكع لان صرت خريجة سجون بسبب ابوج ـ اووف الله يعينج والله بس بعدج صغيرة لا تقبلين بيا هو الجان وتوكعين بنفس المطب.. ـ ليش هو اني اصلا اختاريت صباح شخص وانفرض عليه الله يرحمة ـ يرادلنة فد يوم نتخابر ونكعد نحجي اشكيلج واشكيلي ونسولف مثل قبل تتذكرين ـ اي شلون انسئ… الله كريم يلة ريتال تصبحين علئ خير حبيبتي .. غلقت التلفون وخليته علئ الشحن مر شريط ذكرياتي وية صباح كدامي الله يرحمة جان خوش رجال خطية شكد جان يحاول ميخليني معتازة شي رغم الحروب النفسية والعركات الجانت تصير بين اهله وبينة بس تبقئ الذكرئ الزينة ببالي منة .. هووووف .. الله يرحمة ـــــــــــــــــــــــــــــــــــــــــــــــــــــــــــــــ ياسر ـ صرنة نهاية شهر نيسان اخوتي وخواتي رجعو لبيوتهم من خلص الاحتفال بس اني ماقبلت ارجع طول هالايام جنت مقيم لاليش ليلي ونهاري بيه ادعي الله ينسيني هالبنت انام بيه ساعتين تلاثة واضل صاحي وية طلعة الفجر وشروق الشمس نسمه الهوئ تمر عليا تواسي حالي يالله احفظ كل الناس يالله اعطي الخير لكل الناس وحقق امنية كل الناس ثم امنيتي يالله يالله ارجوك انزع من قلبي هالبنت يالله انت القادر علئ طلبي وتحقيق امنيتي… من افتح عيني الئ ان اسدهه اني اتعبد وادعي تطلع نهاوند من عقلي وبعد متعنيلي شي ماصارلي كم شهر من شفتهه ليش هيج اتعلقت بيهه .. جنت اشوف هواي ناس بالمعبد من كل الطوائف حتئ مسلمين ومسيح وغيرهم اكول ليش يصير نزور المعابد والجوامع والكنائس وميصير نتزوج من بعض جنت ياهو الاشوفة بالمعبد اكلة تذكرني بدعائك اي شيخ اشوفه اروحلة واكلة ادعيلي شيخنا واكع بهم جبير ما اكدر احجيلهم همي اشنو بس يبتسمون بوجهي ويكولون ان اشالله مقضية حاجتك احيانا اترك المعبد واروح لبيت عمتي اشوي وارد ارجع ولد عمتي انتبهو عليا حالتي مو طبيعيه رغم كانت هذيج الفترة ايام عيد وونسة الناس كلهه تحتفل بس جنت منعزل نوعا ما ومن اريد اشاركهم الاحتفال والدبكة يصيبني احباط وارجع لمكاني كاجين ـ ما تكلي اشبيك اشنوو صاير بحالتك عندك مشكلة شي متاذي منة احكي فضفض لاتضل ساكت ـ مابية شي عمتي اني بخير لاتخافين عليه ـ اشلون ماخاف عليك وانت هذا حالك سامان ـ وضعك ما طبيعي ليش هيج حالك فهمنا كوركين ـ ترا واضحه يريدلو مرا حتئ يستقر ـ زوج نفسك الاول معليك بيا كاجين ـ هالايام راح اخطبلو وحدة حلوا وحبابة وخوش بنيا اسمهه اوزار عدهه اخت كلش حلوا ... ـ ههه كاجين ـ اشو تضحك ـ لان مصممين تزوجوني ـ اي ليش لا طالما خوش بنت و عدهه اخت اصغر منها اسمهه اينور وصدك اينوور تشع ضوا تخبل اشنو رايك تاخذهه الك سامان ـ اي والله حلوات وحبابات وخوش بنات خلي نخطبلك ونسوي الفرحه فرحتين يا ابن خالي ـ فدوا ابن عمتي معليك بية زوج اخوك وعوفني كاجين ـ ولك شبيك اشنو ينقص هالبنات حتئ ماتريدهن ـ ما ينقصهن شي اني الينقصني هنة ماعليهن غبار كوركين ـ يا امي ماعليكي منو زوجيني الي خلي هو يدور عن نصبو بحالو سامان ـ كوركين اصغر منك وراح يفتح بيت ويستقر اي شتنتضر ـ ترا عندي بيت وفاتحه ومستقر ليش هيج تلحون كاجين ـ بيت بلاية مرا مايسوة فلس ـ لا يسوة عمتي يسوة.. غيرو سيرة الله يخليكم ماعدكم شي تلتهون بي غيري .. كعدنة نسولف شوي وبعدين الولد كلهم راحو لشغلهم محد ضل غيري اني وعمتي يلة عمتي اني اروح محتاجة شي كاجين ـ اكعد اريد احكي وياك ـ عمتي الله يخليج اذا بخصوص الزواج خليني بحالي ـ اااكعد يا ابني اشبيك هيج حالك ـ هاي كعدنة ـ صار عمري بالسبعين وكل شيبة طلعت براسي كانت وراهه سالفة .. حالتك ماتبشر بخير يا ياسر ـ لا تخافين ماكو شي والله ـ انت تحب وهيج صاير حالك مو ـ صدمتني بحجيهه .. لا .. يا حب ـ اكذب علئ اخوتك خواتك ولد عمتك عادي بس علية انا ما تكدر ـ بقيت ساكت ماحجيت شي ـ التحبهه منو هيمن من الشيوخ؟ ـ لا ـ زين اشنو اليمنع تتقدملهه ـ هواي عراقيل تمنعني صفنت شوي عليه وباوعتلي بنضرة مثل نضرة جماعه المخابرات .. ـ يولي بعدك وية العائلة المسيحية بكركوك؟ ـ اي طبعا غير ابنهم صديقي وبيتهم يم بيتي ـ وولـــك لا يكون تحب بنتهم وهذاا حاالك. ااااحكي ـ لااا يا بنتهممم يمعوداا هذول اهلي وناسي اشلون تفكرين هيج ـ المتأكدة منة انت تحب وحدة من كركوووك والاكيدة منوو هية مو من دينا .. احجي يا ابني لاتضل ساكت ـ يعني شتريديني احجي اكلج اي صح احب وحدة مو من دينا ـ يعنيرمااتجووز ـ دنكت راسي وسكتت ـ من يادين وولك ؟ ـ خليني اروح للمعبد ـ روحه المعبد ماراح تفيددك طالما انت ما تريد تقتنع تتركها وما تريد تشيل الفكرة من راسك مستحيل يفيدك شي ـ يفيدني اكيد راح يخليني انسئ ـ وهو هذا شكل واحد يريد ينسئ؟ اليريدي ينسئ يبدي حياة جديدة اليريد ينسئ يشغل روحو بشي حتئ لا يضل يفكر بينو وبعدين ما تكلي انت شلون وياك لو تحب وحددة من دينا بس من مو من طبقتنا لو تحب من غير دين ولك اشبيك امك بأشنو متوحمة ماتكلي كااافي ارجع لعقللك شوي اشكبررك تصير بعد… يعني لازم تخالف اعرافنا وتقالدينا ودينا يلة ترتاح ـ هو قابل بيدي يا عمتي افهميني الله يخليج ـ ااحجي من يادين ـ بقيت ساكت ماحجيت شي ـ شوف يا ابني .. احنة عايشين كلنا ابمكان واحد اي نعم صح حماتي الله يرحنهه كانت عايشة ابعشيقة هناك وكانت تاخذ اولادهه وبناتهه للملاليي المسلمين يروحون يقرون علئ راسهم ايات قرانية لان تخاف عليهم من الحسد وكانت تزورهم همين بالكنايس وتشعل شموع الهم وهمة بالمقابل يجيون يزورون المرازات مالتنة وشفتهم بلالش وباقي المزارات الخاصة بينا ويطلبون حاجاتهم احنا متعايشين سويا اي .. بس مانتزوج منهم لا ناخذ منهم ولا نعطيهم وكل الاديان هذا حالهه يا ابن اخوي فلا تفكر بهالامر لان خطأ ويتعبك ـ والله ياعمتي كل الكلتي اعرفو وتعرفيني شكد متشدد بدينا بس وكعت مووبيدي ما بالايد حيلة ـ ماناوي تقول منو هية ومن يادين ـ مو قتو ابد ـ اسمعني .. ماضل شي لخطوبة كوركين روح وياه وشوف اينور بلكي الله يكتبلك نصيب وياهه ـ اهو .. ـ ااسمع كلاميي وكافي عناااد ويبسان راس ـ اوك ... الله كريم لازم اروح راح يصير المغرب واتاخرت عفتهه وراسا طلعت .. ـ ووولك ياااسر وووينك تعاال ـ خطية صاحت وراية رادتني ارجع ما سمعتلهه وصلت المعبد ورحت غسلت بأحواض العين البيضاء عدنة وية الغروب نسمات الهوئ تصير باردة بللت راسي كلو وشربت شوي مي منو ودخلت بداخل الباحه كعدت علئ جهه اتأمل بهالمنضر غروب الشمس وية نسمات الهوئ والسما الصافية خلتني اتذكر امي الله يرحمهه لان تحب هيج جو وتحب شهر نيسان ومعبد لاليش ماجانت تفوت شهر اذا ماتجي وتزورو يكولون عيب الرجال يبجي ما اعرف ليش هالعيب يمكن مامعتبري بشر ومن دم ولحم ماكدرت احبس دموعي اكثر وكمت ابجي كلش محتاج لامي بهالوقت ياريت اخلي راسي بحضنه وانسئ الدنية ما احد يعوض مكانها ابد خلص نيسان واني بعدني هنا مالي رغبة اترك لالش ولا الي رغبة اروح لبيت عمتي غير بس اسبح واغير ملابسي واغسلهن وارجع مرة ثانية جنت كاعد بباحة المعبد علئ الدرجات ويمنة شجرة ببنص الباحه ويلعبون اطفال صغار يمهه ودخلو ولد عمتي كوركين وسامان وبريار واختهم هافين عرفت جايين علمود يرجعوني وياهم هافين ـ ابن خالي والله نسيتو شكلك ـ نفس خلقتي ما اتغيرتو بريار ـ راح ندخل نتعبد .. وهافين روحي اترسي دبة المي هذه من العيون البيضة بس نطلع نلكاك مخلص وتمشي ويانة ـ شعدكم بية شتريدون مني ـ خلصت نيسان وانت هينا اشنوو تريد بعد هافين ـ انت تعرف اليوم 1 بشهر الخامس ياسر ـ اي يعني عيد العمال كوركين ـ ولك ياعمال .. امشو امشو خلونة ندخل نتعبد هافين ـ انة ماعلية تنتضروني اترس الدبات من المي المقدس وادخل اتعبد سامان ـ اهوو انتي تتاخرين جيبي الدبات انة اترسهم وانتي دخلي يلة لا تتاخرون .. هافين ـ امشي ياسر نروح لحجر الامنيات ليش قاعد هنا ـ رحت قبلج وما صابات ولا مرة ـ هههه كووم يلةة خليناا نرووح سويا لاتبقئ هيجي كووم ـ رحت وية هافين لحجر الامنيات دخلنة اني وياهه وبعد اشخاص موجودين ويانة هالحجر مو فقط لديانتنة هواي ناس يجون عليه يطلبون امنية من حجر الامنيات ان كان مسيح او اسلام او بقية الاديان هو مكان كأنو قاعه بنائة من الحجر وبأخر القاعة مكانة مستند علئ حايط و ارتفاع هالحجر اطول من الانسان نشمر عليه قطعه من القماش تلث مرات اذا وحدة منهم وكفت علئ الحجر يعني ان اشالله تتحقق امنيتك هافين شمرتة من اول مرة وصاب وياهه خطية كامت تكمز من الفرحه وسمحت للبنات الموجودات يصيرين قبلي تقريبا فرغ المكان يلة اخذت دوري وكفت وتمنيت نهاوند بنت فؤاد تطلع من قبلي وعقلي نهائيا واشوفهه بعين الاخت فقط لا غير.. شمرت قطعه القماش وعيني عليهه اول مرة ماصابت ووكعت بالكاع وثاني مرة نفس الشي وثالث مرة كادت تستقر لكن وكعت هافين ـ عزة بعينك ولك اشنو طالب من ربنا حتئ هيج يصير بيك ـ حظ ـ ههههه يا مسكين امشي امشي خلينا نطلع ـ طلعنة ولكيناهم واكفين ينتضرونة بالباحه مالت المعبد ردت ابقئ ماقبلو كالو امي تريدك وصلنة بيت عمتي كاجين لكيت حيدر وعائلتة جايين.. اشنو هاي اشجابكم حيدر ـ ولك حتئ ما سلمت علينا اشبيك ماتريدنة نجي ـ ضحكت وسلمت عليهم كلهم تالي عرفت جايين علمود خطوبة كوركين فنر ـ بعدك متيه ياصديقي ـ انجب لك صديقك اشنو عمك اني ـ عمي واصغر مني بسنتين ما ترهم ـ انجب ـ ههههه .. هاك جبالك تلفونك... ادري اكو واحد ينسئ تلفونو شكد متيه ـ اتفاجئت من طلع التلفون من جيبة ولك ليش جبتو ـ ليش ماتريدو؟ عبالي ناسيه ابيتنة ومتدري ـ اخذت التلفون وخليتة بجيبي ـ شبيك عمي اشنو صاير وياك ـ الدنيا تحب تلطم بية ـ تخسة الدنية التاذي عمي بس كلي اشبيك كل مشكلة الهه حل ـ همست بكلبي الا مشكلتي .. امشي ندخل يمهم بالبيت ـ لا راح اخذ خواتي وامي ونروح للمعبد تريد شي ـ لا سلامتكم طلعو كلهم حتئ حيدر وياهم طلعت برة بالحديقة لوحدي راسا فتحت التلفون جنت اشتاقلهه لكن اكابر بنفسي بس من صار بأيدي التلفون ما كدرت اقاوم اكثر اول ما فتحتو اجتني هواي مسجات من رقم نهاوند .. خطية هواي متصله عليه ودازتلي رسايل طلعت رقمهه وبقيت متررد اتصل او لا لا ياسر لا معناهه تعب هالايام كلة يروح رجعت التلفون بجيبي وردت ارجع ثواني ودك تلفوني راسا طلعته شفت اسمهه بدون تفكير جاوبت الـــــو نهاوند… نهاوند ـ جنت كاعدة ارتب بالملابس والاغراض ورن تلفوني اخذته شفت رساله مكتوب بيهه هذا الرقم متاح حاليا ماصكدت يااسر .. يالله واخيرراا فتح تلفوونة… راسا اتصلت بدون تفكير.. هلو ياسر شلونك اخبارك ضل بالي يمك يا اخي ليش غالق تلفونك ـ إ… نسيتة ابيت اخوية ورحنة لغير منطقة فبقئ مغلق واليوم جاوبليا ـ اي مو دكول هسة اجتني رساله كلي هذا الرقم متاح وراسا اتصلت عليك شلونكم اهلك شلونهم ان شالله بخير كلكم ـ الحمد لله ـ ان شالله اتونست بعيدكم ـ اي .. اي حلو عيدنا وتونسنا و.. انتي اشلونج اقصد اخواتج انتي اشلونكم ـ اني بخير الحمد لله وكل خواتي متتخيل لحونة شسوت بينة يومية ادك الباب عليك واكلهه عموو مسافر مو هنا ـ ياحبيبتي والله مشتاقلهه هواي هالبطة انطيني احجي وياهه ـ اوك .. تعالي ولج لحونة عمو ياسر بالتلفون انطيته لحونة يحجي وياهه ام لسان عبالك تعرفة من سنين شلون تسولف وياه وهو مكيف عليهه .. انوب اجتي صبا ونغم همين حجو وياه وبعدين نطوني التلفون الو ها ياسر ـ هلو نونة ـ معرفت شحجي وياه .. راسا اجئ ابالي الشغل.. ابشرك.. الشغل الحمد لله صار خير من الله .. صدك نيسان شهر خير علية ـ الله يرزقج اكثر هواي دعيتلج بمعبد لالش ـ الف شكر والله يحفظك يارب خطية علمتني ام محمد شلون ابيع واستفاد والحمد لله انفتح الزرق عليه وكمت ابيع أ ..تدري حتئ صيني همين كمت اجيب وابيع ـ مواعين مطبخ تقصدين ـ اي اي .. وعزلت الك الايجار.. يعني ولو ما اعرف شكد انت مقرر الايجار بس خليت 100 الف علئ جهه.. وان شالله علئ الايام الجاية اجمع الباقي ـ اخر شي تفكرين بي الايجار واصلا لاتفكرين بي ـ خيرك سابق .. هسة المهم حلو عيدكم اخذت تصاوير كلش عاجبني اتعرف علئ اعيادكم واشوفهه ـ اي كو كم صورة فوتغرافية واكو تصوير سيدي عند البنات هسة اخذهن منهن واشوفهن الج ـ ان شالله.. محتاج شي ـ سلامتج ـ يلة اخذ راحتك المهم اطمنت عليك ـ يعني ما سألتيني شوكت ارجع.. لو متريديني ارجع ـ عزا لا ليش هيج تحجي.. هو بيتك واني الضيفة عندك بس يعني ما سألت لان هذا شي خاص بيك كلت ليش ازعجة.. ـ ليش مارحتي ابيت اميل تباتين يمهم ـ لا ياسر اني مقبلت اريد اعتمد علئ نفسي والحمد لله البيت حلو وأمان وبيت خاله يمي مو بعيدين عني فـ مالهه معنئ روحتي ـ نونة تدرين اشكد اشتاقيتلج احجي وياهه ودمعت عيني بس ماريدهه تحس عليه ابجي ـ بلعت ريكي من هيج حجة ويايه.. احم .. يلة ياسر اني اروح اجوي ناس ـ يعني ما اشتاقيتلي نهاوند ابد ـ راسا بجيت من هيج حجئ ويايه مكدرت اتحكم بعواطفي مسحت دموعي .. أ... اكيد.. غير اخوية العزيز شلون ما اشتاقلك والله مكانك خالي بهالبيت .. وبعدين انت بين اهلك وناسك يعني ماكو مجال تشتاقلي اخواتك كلهن يمك ـ كلهم بجفة وانتي بجفة ثانية شكد ردت اتحكم بعواطفي بس ماكو فايدة ـ اكو .. وبدليل طول هالفترة ما اتصلت حتئ لو تلفونك مو وياك جان ممكن اطمني عليك مثل متخابر اميل تخابرني بس معناهه انت تكدر تبتعد وهو هذا الصح ياسر لا تنسئ احنة اخوة وبس ماكو شي ثاني بعد ـ اي .. لا ما انسئ .. مسحت دموعي وسلمت عليهه ونهيت المكالمة وياهه.. من شفت مراسلاتهه وتلفوناتهه بالبداية اتصورت من حبهه الي متصلة بس طلعت البنية اصلا ممفكرة بية وعايشة حياتهه ونجحت بيهه .. الله يزيدهه يارب خليت التلفون بجيبي ودخلت لبيت عمتي .. مر يومين وبدو تحضيرات الزواج لـ كوركين.. عاداتنة بالزواج يروحون النسوان الكبار من اهل الولد يعني عمتي كوجين ووياهة نسوان كبار من اهل المنطقة يخطبون البنية ورة فترة اهل البنت يرجعون الجواب اذا كانو موافقين او رافضين .. اذا موافقين يروحون الزلم والنسوان يتقدمون رسمي لاهل البنت حتئ يتفقون علئ ( نقدة العروس ) او المتعارف عليه عند العراقيين بالمهر او فلوس العروس ويسمعون شروط العروسة واهلهه اذا يريدون شي مثل بيت وحد او ما شاكل من هالامور صار يوم الخطوبة الرسمية او تلبيس الحلقات .. تحضرنة احنة الرجال من اهل العريس واخذنة ويانة كبارية المنطقة ووياهم شيخ وقوال وكوجك الشيخ من طبقة الشيوخ والقوال يقول الادعية للتبرك ومباركة الخطبة والكوجك هو من الناس المؤمنين والالهم مكانة دينية عدنا نتبرك بيهم وناخذهم ويانه بالافراح التمينة الصبح ورحنة نطينة النقدة لاهل العروس حتئ تجهز نفسها بالذهب .. صار العصر وقت الخطوبة وقعدة تلبيس الحلقات اتحضرنة كلنا وهمين ويانة شيخ وكوجك وقوال حاطة عمتي صواني تقريبا 15 صينية كل صينية بيهه فواكه وحلويات وكيك واشكال مشكلة وصناديق مزينة ومرتبة بيهه جهاز العروسة من ملابس ومستلزماتهه مرتبيهه البنات صارلهم هواي يشتغلن بيهه وكعت بايدي صينية البقلاوة بس ما مغلفيهه يمكن ناسيهه واني ضعيف كدام البقلاوة ما اصبر علئ عليهه ابد .. يابا اني اشيل هالصينية فنر ـ لالا كلشي ولا صينية البقلاوة يمعود لا تاكل منهه واتخزينة كدام الناس فشلة ـ لك هية قطعه منو ينتبه ـ لا بشرفك لاتسويهه بكوركين هسة يطردو من بيت العروس خطية ـ ولك ما اكدر بعد لازم اخذلي شوي ارد نفسي ـ يمعوود لا تشهرررنا ـ اوك .. بشرط ـ شنو ياشرط؟ ـ اذا تضل تكلي عمي كدام الناس وما تصيحلي باسمي اعوف ابقلاوة ـ يعني تذلني ـ مو انت منعتني اكل قطعه .. اتحمل شسوويلك ـ يابة .. ابو فنررر.. حيدرررر وووينك حيدر ـ ووجع اشلون تقلي باسمي ياولد ماتخجل ولك ـ اعتذر يابة. والله ما قصدي بس ماسمعتني اصيح شسويلك ـ انجب .. كول اشنو تريد ـ ياسر يريد ياكل البقلاوة ياسر ـ ايا نذل لا ادك الناقصة بعمك فنر ـ غير عمي واحبو ـ حبك البين يلة ولي عني حيدر ـ يوولو ليش مامغلفين هالصينيــــة ليش تاركيهه هيج ياسر ـ هيج احسن اخذو الصينية كلهه مني كوجين ـ هاااي اشلون تنسووهااا امشوو علئ السريع غلفوها يلة بسررعه اامشوو ماضل ووقت وينكم هافين ـ اووك ماماااا اسفة. والله ـ اخذو الصينية البنات وغلفوهه .. اخذنة الصواني والصناديق وشلناهن وطلعنة حتئ نروح كاجين ـ اشو اشوفكم قليلين لو بعد عازمين ناس ياسر ـ عمة كولي غيرهاا بس اخوتي ونسوانهم ووالادهم عشيرة كاملة صدكيني مو قليلين امشي ياعيني خلينة نوصل بخير وشلامة فنر ـ ههههههه اولادهه وبناتهه واحنة وياهم صرنة عشر سيارات وتكول قليلين ـ ولك امشي امشي لا توكفنة وتعزم الشارع كلو بعد .. وصلنة بيت العروس ونزلنة وويانة الاغراض وبدت الادعية والتبريكات صارت الخطبة وتمت علئ خير شال واحد من اصدقاء كوركين صينية فارغة وويفتل علئ اصدقائهم ويلم من عدهم فلوس لكوركين هاي العادة نسميهه (فتحان الطريق ) حتئ يكدر يروح لحبيبتو يعني عادة حلوا ومشاركة بسيطة من الاصدقاء.. لازم التلفون بيدي وعيني عليه احش روحي اتوسل بيه حتئ يدك ويطلع اسم نهاوند بس ماسواهه هالتلفون ابد طول هالفترة نهاوند ما اتصلت عليه يعني من كنت غالقو كل شوي تتصل هسة ابد ولا حتئ مسج.. دائما اقاوم نفسي وما اتصل عليهه اخذ الاخبار واطمن عليهه من اميل بس لشوكت احس صبري خلص خلصت الخطوبة ورجعنة للبيت التمينا كلنا وقعدنا نسولف وانا وحيدر وعائلتو متحضرين نريد نرجع لسنجار كاجين ـ شفت اينور؟ ـ يا اينور؟ ـ لاااا هذا الولد يريد يجلطني هافين ـ لا اتعبين نفسك ماما اينور عندهه واحد تحبو وتريدو كاجين ـ ووجع ماعيب هالحكي ولك اشنو اتحبوو تريدو لو يعرفون اهله والله يقتلوهه ـ شبيكي يا امي ليش هالتعصب ـ بالله ااشلون عرفتي بيهه يافهيمة زمانك ـ يا امي احنة بنات وبيناتنة كل شي نسولف وعرفت تحب واحد وناوي يتقدملهه بعد ماتتزوج اختهه من اخوي تدري حتئ ماقبلت تشوف ياسر ياسر ـ والله تفتهم زين ماشافتيني كان انصدمت.. كاجين ـ اش اش كلامكم ماصخ.. زين ليش ماتبقئ يمي اشعندك رايح ياسر ـ لا كافي ياعمتي اريد ارجع لكركوك حيدر ـ ما الله يهديك وتحول شغلك لسنجار اشبيهه سنجار ليش لازك بكركوك ـ هالموضوع حجينة بي حيدر ماكو داعي نعيدة مرة ثانية كاجين ـ لا ترجع لكركوك هسة.. احضر عرس ابن خالك اشنو ما يستاهل ـ لا ووين ياعرس محلي وشغلي عايفو صار فوك الشهر ونص ما ترهم بعد ـ اي يا ابني مو تاركو بايد العائلة المسيحية شكو عليه ـ اي صح بيد صديقي بس هو همين عندو شغل يعني ثقلت عليه هالفترة كلها ـ زين بس احضر العرس ـ لا عمتي سالفة العرس طويلة ما اكدر ابقئ هالكد كوركين ـ انت وين نايم يا ابن خالي ماسمعت بعد اسبوعين عرسي ؟ ـ استغربت من كلي بعد اسبوعين.. شوكت حجيتو ما ادري حيدر ـ مو كلتلكم هالولد ماطبيعي كاجين ـ ستونة حكينة كدامك وين كان بالك عننا؟ ـ خجلت من نفسي صدك كان شارد بالي مو يمهم كاجين ـ ابقئ يا ابني ما حكمت علئ اسبوعين ـ لا خليني ارجع لسنجار واجي وية اخوتي بالعرس ـ يلة براحتك .. بس تجي مو ما تجي ـ ان اشالله رجعنة لسنجار ثاني يوم الصبح طلعت افتر بالاراضي اروح عن نفسي الهوسة والعائلة صح حلوا لكن متغنيني عن حياتي الخاصة اشتاقيت لبيتي ولشغلي او يمكن اشتاقيت لنهاوند ما ادري مشاعري مخربطة مر كم يوم وطلعنة اني وفنر للسوك نجيب مسواك ونفتر شوي وبالطريق شفت ڤيڤيان وية اطفالهه انصدمت من نفسي شعور غريب اول مرة اشوفهه وما اهتم او احس بأحساس عادي مو مؤلم جنت من اشوف اطفالهه اتمنئ احضنهم وابجي واكلهم لازم انتو اولادي بس هالمرة ابد ما كو اي مشاعر تجاهه وكأنو شايف امراة غريبة اول مرة اشوفهه ممصدك نفسي مستحيل بهالسرعه يصير كل هذا مستحيل فنر ـ مانسيت عاد لاتبقئ تتصفن عليهه حرام المرة متزوجه وبذمة رجال ـ بالعكس اول مرة اشوفهه وما اهتم ولا احس بقهر ـ مستحيل شنو الاختلف ـ اني هم ممصدك نفسي ـ صارلك سنين من تجينة تخاف تطلع للسوك خاف تشوفهه وترجع مكتئب ومقهور شنو صار هالمرة ـ ما اعرف .. بس يجوز دعائي استجاب ـ ويجوز دتحب غيره واخذت مكانهه.. ـ اكلك ما تسكت عاد ـ لان طول فترة الاحتفالات وانت مو طبيعي الكل انتبه عليك ماتقبل تترك لالش نايم كاعد بي وحالتك حاله اشنو تريد بالضبط ـ اهوو امشي فنر مووقتك ـ منو هية بشرفك عمي صارحني وسرك ابير ـ عود من اعرفهه اكلك يلة كافي تعبت امشي خلي نرجع رجعنة للبيت وشهرني فنر كللهم شافهه وما اهتم ولا تكئب ولا شي الكل صار يسإل شنو اتغير بحياتك اخوتي بالبداية استغربو بس بعدين اخذو الموضوع بشكل عادي صرنة بنهاية الخامس ورجعنة لبيت عمتي كاجين من تقاليدنا قبل اسبوع من العرس اهل العريس يخبزون خبز يابس او خبز رقائق او ركاك حسب كل منطقه وتسميتهه يلمتون الاهل والاحباب والجيران ويساعدون اهل العريس بالخبز وطبعا خواتي ونسوان اخوتي ماقصرن وحتئ من يطبخون همين يلتمون ويطبخون اشكال وطبعا لاهل العروس ياخذون خبز وطبخ همين اللمة حلوة بالاعراس سوالف وتغيير جو ومحتاجين لهيج تغيرر جو الئ ان يجي يوم الحنة .. تروح اخت العريس او اي وحدة من اقارب العريس وهنة هواي ماشاالله تعجن الحنة وطبعا هافين وخواتهه وخواتي ونسوان اخوتي راحن وياهن وبقية الاهل يلمتن الحبايب ودك طبول او زرنا او دهول حسب الموجود ووياهه غنا وركص وهلاهل ونعيش الفرحة .. طبعا هذا كلة يرافقنة بيه الشيخ والقوال والكوجك.. ولازم كل عروس وعريس من الطائفة الايزيدية يكون الهم (اخ الاخرة .. واخت الاخرة ) هذول يكونون اولاد شيوخ بكل وقت يوقفون مع معهم يعني بكل وقت يوقف اخ الاخرة مع العريس لان يعتبر اخو وبكل وقت توقف اخت الاخرة مع العروس يوقفون معهم حتئ بعد الزواج وقت الموت ياستار اخت الاخرة او الشيخ يكون مسؤل عن تغسيل اخوه او الشيخة عن تغسيل اختهه ويوكفون بكل وقت معهم يعني بالافراح والاحزان ميفاركوهم تحضرنا كلنة ونريد نروح للبيت العروس كاجين ـ الدجاااج ووين الجرزاات الحلويات وين حطيتوهاا هافين ـ ليش عصبية يا امي انا حطيتها كلها ومحضرته لاتخافين ـ ووينها ما شفتهاا ـ اامي حبيبتي امشي ياعيني اني وخواتي مرتبين كلشي وقايمين بكل شي انتي بس امشي معليكي بشي ترة انتي الواجهه مالتنة يعني تكعدين واحنة نسوي باقي الامور ياعيني اروحلك فدواا ـ ما اعتمد عليكم اذا ماسوي شي بيدي يطلع كلو نواقيص هافين ـ ساامان اخذ امي الله يخليك خلي اليوم يعدي علئ خير ياسر ـ هههه اشبيكي ياعمتي ليش هالخبصا اشنو اول مرا تزوجين ولد ـ كلما ازوج واحد منهم وكأنو اول مرة ونفس الخبصا يوم الافرح بيك وانخبص نفس الخبصا هاي .. بس اكيد مو هاي البكلبك ـ ضحكت .. همست بكلبي لو تعرفين منو بكلبي يا عمتي .. كاجين ـ يوااش يوااش اكياس الجكليت وووينهاا بريار ـ هذه كلهن بيدي حيدر ـ واحنة نسوانه كل وحدة شايلتلهه كيس بيدهه لاتخافين منفشلج ـ انتو بياض وجهي ورفعه راسي بين الناس يلة يحبايب ماضل وقت ياسر ـ رحنة لبيت العروس ونزلنة الناس كلهها فرحانة وتركص دبكة وهوسات وهلاهل الاانا صافن علئ حالي وعقلي شارد مني صرت اتخيلهه بين الوجوه اشوف البنات ماشوف ملامحهن اشرف ملامح نهاوند لالا اني اتخبلت لا احتاج ارتاح من هالخبصة ردت اعوفهم وارجع للسيارة كاجين ـ وووين ووين ـ اروح اكعد بالسيارة ـ ماحد ياخذ مكانك عيب تعوف ابن عمتك بهاليوم وتروح ابقئ يمي يا ابني .. ـ بقيت واكف يمهة ومارحت احاول كل شوي اندمج وياهم بس غصب عني يتشتت انتباهي اجئ اخو العروس وقيم العروس من مكانهه.. وسلمهه بيد زوجهه كوركين وابن عمتي نطاه فلوس هدية بيدو هاي تقاليد وعادت عدنا تقريبا بكل مناطق الايزيدية من طلعنة اخذناهم لمزار لازم العريس وعروستو يروحون لمزار يطوفون ويتباركون منو طلب للذرية الصالحهة والحياة الرغيدة وبعدهه رحنة لبيت عمتي وقبل لا تفوت العروس بالبيت سامان ذبح جوة رجليه ذبيحه خروف هذه همين من عاداتنة وتقاليدنة وكوركين صعد فوق السطح وبيدو خرقة او وصلة او كفية حسب التسمية بيهه جكليت وشوي شكر وفتحه فوك راس العروس زوجتو.. يعني قدومهه خير لهلبيت ويوكفون اصدقائو يم العروس و ياخذ واحد منهن الكفية مالت العريس وبعدين العريس يعطي هدية وثاني يوم الصديق الاخذ الكفية يعزم العريس واصدقائو يمو علئ الريوك خلصت المراسم ورحنة للقاعه حتئ نحتفل بيهم هافال ـ كووم ادبك ويانةة ـ خليني بمكاني هافال مالي خلك ابد بركات ـ لك قابل احنا يوميا عدنا عرس اشو هو بالسنة مرة واحدة يصير اي قوووم لاتضل قاعد وولك يلة امشي ويانة ـ مابية حيل خلوني قاعد بمكاني ليش هالحرشة سلمان ـ امشوو ماعليكم منو هذا معقد صاير كلش معقد امشو خلونا نتونس عوفو معليكم بي.. ـ راحو ولد وبنات يدبكون وانا كاعد مكابل عمتي كاجين وسوالفهه المتخلص شوف هاي ووشوف ذيج وهناك وحدة حلوا وشوف هالبنات صدعتني ومتقبل تستسلم لازم تشوفلي بنية صارت اصوات الدبكة عالية والهوسة علت التفت دشوف اشبيهم هيج اتحمسو اجتي عيني علئ وحدة تشبه نهاوند من ضهرهه نفس الشعر ولونو ونفس الجسم وحتئ نفس ملابسهه بنوروز تقريبا ماعرف شلون كمت من مكاني ورحت يمهه رغم واثق مو هية مستحيل هية دخلت بين الزلم ادبج وياهم وعيني عليهه بس ابد ماحسيت بنفسي عيني عليهه .. رسلان ـ هيي شبيك ولك عينك علئ البنت ماتخاف اهلهه يسوولنة هوسا ـ شبيك شبيك فززتتي ـ نزل عينك شوي البنت راح تاكلهه بعيونك اشنو شفت منها اشو بس ضهرها ولابسة كومة هدوم ماباين منهه شي ـ اني وين وانت وين عوفني رسلان.. هافال ـ لاتسويلنة مشاكل وية الناس ـ اوك دقايق والتتفت عليه وشفتهه ملامحهه تختلف تماما عن نهاوند .. عفتهم ورجعت يم عمتي كاجين متحملت هالاشياء الدتصير بية عفت القاعه وطلعت فنر ـ وين رايح ـ خليني اريد اتنفس القاعه صارت خنكة ـ يمعود العرس باولو ـ روح انت واركص وتونس وعوفني .. عفتهم وطلعت بقيت كاعد برة شوي بايدي التلفون ومناطرة مابيهه مجال بعد كلش اشتاقتيلهه دكيت عليهه اول مرة ماشتلته وبالثانية جاوبتني.. الو ـ هلو ياسر شلونك ـ عايش ـ بصحة وعافية يارب ـ أ.. البنات شلونهن ـ بخير الحمد لله ديلعبن ـ ماكورشي بس حبيت اسلم عليج ـ اني بخير الحمد لله انت شلونك ـ والله ماشي جنت اركص وية الولد اليوم عرس ابن عمتي و.. وفرحانين واشكال البنات موجودات وعمتي مصممة الا اختار وحدة منهن ـ اسمع كلام عمتك واختار وحدة ـ شدكولين يعني اختار! ـ اي اختار ليش لا خلي نفرح بيك ـ ها .. اوك .. يلة ارجع للقاعه ـ الف مبروك لابن عمتك وان شالله يوم الـ الك ـ شكرا.. سديت التلفون وياهه ماعدهه احساس ابد هالبنت ابد نهاوند ـ سديت التلفون ومتت بجي بس هو هذا الصح لازم يشوف وحدة من طائفته ويتزوجهه احنة اخوة مو اكثر.. سديت التفون وقفلت الباب وصعدت ركض للغرفة خليت راسي علئ المخدة وبقيت ابجي ياسر ـ خلصت الحفلة وطلعو خارج القاعه الشباب حيدر ـ اشبيك اشنو صار وياك ـ مابية شي بس باجر ارجع لكركوك ـ بااجر؟ ـ يلة خلي نزفهم عاد هواي تاخرو كاجين ـ اي انة همين تعبت يلة يحبايب صار الوقت.. حيدر ـ صار شي وانة مادري ـ لالا بس انة تعبت اريد ارجع لبيتي ـ يلة براحتك .. ـ رجعنة للبيت ودخلو العرسان لغرفتهم وتركناهم براحتهم وطلعنة برا بالعادة ام العريس توزع الددجاج والجرزات والحلويات من يدخل العريس علئ زوجتو لكن هواي امور تغيرت عن قبل وهالعادة همين اتغيرت شوي فعمتي كاجين وزعت الحلوان والدجاج ما انتضرت ابنهه خلتو علئ راحتو هو وزوجتو ... وية الفجر ودعنة عمتي واولادهه وبناتهه وطلعنة لسنجار اول ماوصلت ما انتضرت راسا ودعت اهلي وطلعت للكراج ورجعت لكركوك.. متلهف اريد اشوفه صار شهرين عبالك سنتين ماخابرت احد ولا كلت لاميل راح ارجع طفيت تلفوني ونمت بالطريق الئ ان وصلنا لكركوك اخذت تكسي وللبيت عدل …. ـــــــــــــــــــــــــــــــــــــــــــــــــــــــــــــــ نهاوند ـ جان يوم جمعه 30 بشهر الخامس 2008 صارلي شهرين ويوم بالضبط ماشايفة لياسر طول هالفترة بس مرتين تخابرنة يومية انضف الطرمة واطبخ احسن اكل خاف يجي علئ غفلة حتئ اكون مجهزتلة الاكل .. بس بهاليوم كلشي ماطبخت بقيتهم علئ تكلا البتيتة والطماطة عايشين .. اصلا حتئ ماغلست كلش محبطة الاحباط يقرة مليون مدري شبية شعري مامشطتة ولفيتة كبة وعفت المذلة مكفشة مالي حلك امشطهه صارله شهرين مابين قابل اليوم راح يجي كاعدة اصفط الهودم واغراض البالة. وادردم علئ النسوان ضجت من الهول ورحت للمطبخ شفت البزون موصخه بالطرمة اخذت الصوندة وكمت اغسل الطرمة ظهرية والجو حار يشوي وعركانة ومكفشة والدشداشة مسحولة بالمي من ذيالهه غركانه اخذتهه من الباله بس شوي طويلة. عليه عفت نغم تغسل مواعين بالمطبخ واني علئ الطرمة.. اوف يالبزونة ميعجبه اتوصخ غير بالطرمة شارع شطولة وشعرضة عايفتة وجاية هنا ماحس الا باب الخارجية انفتحت ودخل ياسر وصفن عليه واني هم صفنت عليه والصوندة بيدي وبقمة البهذلة حالي ردت ابجي من الفشلة وللحكاية بقية…….. 🥀