القصايد على مثلك صغيرة مقام يلي اكبر من الشعار واقلامها - 221 والاخير | روايتك

"رواية : ﺍﻟﻘﺼﺎﻳﺪ ﻋﻠﻰ ﻣﺜﻠﻚ ﺻﻐﻴﺮﺓ ﻣﻘﺎﻡ الكاتبـة / ريم سليمان" ... 🎀🍃🎀🍃🎀 🍃🎀🍃🎀 🎀🍃🎀 🍃🎀 🎀 🖌 📖 @ahgeel 🌱🎀 *🎀ــــــــــــــــــــــــــــــــــ🎀* .. *, البارت : 375 والاخيررر* ‘ - ‘ رجفت عينها بهمس ساخر بعد ما ضحكت : مستحيل تكون لي شيء واحد دامك بهالغرور معي .. إرتخت أكتافه من رجفة عيونها ، ومن قرّبت له أكثر وهو يحاوط خصرها ، وغصّب عنه هذّب كلامه وأطباعه من خوفها ، مرّت لحظة ضحكت فيها عيونها بالغرور إنه مو سيّد شعوره قدامها ، ونطقت أفعاله بالجموح يلي سطّره بقبلة طويلة أخذت أنفاسه وأنفاسها وهمس بعدها بـكل رجاه ورغبته تكتفي من الغرور وتخضّعه مثل ماهو خضّع كل جموحه وإنتهى بـ " كفاكِ غرور " .. _ رجعت لواقعها وهي تناظره ، تناظر رجاه وأمله إنها ما تكرهه ولمعت حتى دموعها بعيونها وهي تاخذ نفس : الغريب إنك قلت لي بتكرهيني ، كيف بكرهك وأنا أدري إني عزاك ورجاك العَذب ؟ كيف بكرهك وأنا أدري بكل لحظة تبتعد عني فيها وبكل لحظة تعّبتك فيها بالغرور كنت تِشعر وتقول لو ما تهيّت على دربي لقتني بدربها ساعي ؟ كيف بكرهك وإنت كل ليلة وصل تسّطر بعدها ياوصلها الغالي هلا ؟ كيف بكرهك وإنت تحمّلت كل الغرور مني ، حبّيتني حب العالمين أنا وغروري ، كيف بكرهك وإنت بُبعدي تقول أنا يابس في ثيابي ووقت رجوعي تغنّي صار الفرح ثوبي الجديد ولُقياك عندي يوم عيد ؟ كيف بكرهك وإنت تحبني بهالغرور وحتى تفاصيلي منفاك ومحلّك ؟ كيف بكرهك وإنت حبيبي الشاعر المغرور ؟ وأبو ولدي ، وقصيدنا المغرور يلي ما بعد جات وكل عيالنا بالمستقبل ؟ كيف بكرهك وإنت تركي ؟ .. رجّف قلبه بوسط ضلوعه من حكيها ومن عجّزت كل حروفه وكل شعوره وأخرست منطقه العذب من دموعها وإنها لو ندمانه على شيء فهو غرور البدايات وصدها الموجع له لكنها مو ندمانة عليه ، وعُمرها ما بتندم .. ما قدر يقول كلمة من كّفت دموعها ووقفت من صوت الجهاز وبكي عذبي يلي وصلهم منه ، وتوجهت للأعلى وتبعها وهو وده يصرخ من كثر شعوره ، وده يلملم حروفه وقدر يلملمها ويجلس على الكرسي من إبتسمت هي وسط إحمرار ملامحها ولمعت عيونها من آثار الدموع وهي تاخذ عذبي بحضنها وترجع لحضنه ولجلستهم المُعتادة لكن هالمرة ماهي جلسة غرورهم الإثنين ، معاهم أول عطايا حُبهم والغرور ومد إيده لإيد عذبي يلي بحضنها ويلي طلعت من لفته وهو ياخذ نفس من أعماقه : يقولون إني شاعر لكن عجزت حروفي عليها ، صارت حروفي عِمِي من كثر نورها وكثر ضيّها وغرورها وحتى قصيدي صار صغير مقام قدامها ، أكبر من أشعاري وأكبر من أقلامي يا عذبي .. سكنت ملامحها كلها تناظره ، وضحك من إبتسم عذبي وهو يقبّل إيده وإبتسمت هي بدورها لهم وأخذت نفس من أعماقها تناظر عذبي : يا حبنا المغرور ، فهمتنا ؟ .. _ تمت بحمد الله ، 18 سبتمبر 2021 إن أصبت فمن الله ، وإن أخطأت فمن نفسي والشيطان 🤍 #كلمة_الكاتبة ♥ عساكم ما نسيتوني عساكم وعسى ما مرّ هوى بعدي وخذاكم 🤍؟ قبل كل شيء ، طمنوني عنكم وش آخر أخباركم ؟ -مو جالسة أحس إني راعية محلّ مثل ما يقولون بدون الرواية ، بس لو شفتكم بحسّ إني أنتمي هنا من جديد - وبعيداً عن كلامي ، هذا البوست يلي تنتظرونه وهنا تحت هالبوست ودي بكل مشاعركم عن القصايد ، أبطالها وشخصياتها ، شخصيتكم الأحب وأحب حوار وحدث لقلوبكم أو حتى عبارة بوسط النص بقت بعقولكم ، أخطائي والصح فيها وكل شيء تحسونه تجاه هالرواية ودي تسطّرونه هنا . . بكل حب بنتظركم 🤍 . -وقبل إنتظاري وقبل لا تتعمقون بالبوست ، مرروا لليمين وشوفوا أعذب وأفخم كلام وملخص لحكاية روايتنا العظيمة من أنامل الإنسانة العظيمة بلا شك ، كلنا مبهورين وكلنا ممنونين للعظمة يلي سطّرتيها ❤️- - أتوقع صار وقت الجواب عن الجديد يلي تعّبكم بالسؤال وتعّبني بالتفكير والجواب ونكون صريحين مع بعض شوي ، كانت النيّة هالرواية العظيمة والختام بعدها وينتهي سفري بالخيال معاكم لكن حالياً ، ما عندي قرار ثابت ولا بقول إنتهينا وممكن يصير عندي جديد وولا بقولكم عندي جديد وأنا مو متأكدة من قدرتي على الإلتزام .. وعن إني كتبت شيء أو ما كتبت ، حتى لو ما نزلت رواية جديدة أنا ما أوقف كتابة وسطّرت حكايتين للآن لكن قدرة المشاركة والوقت والإلتزام عندي تساوي الصفر ولا ودي أعلقكم .. وخلاصة هالحكي كله ،  يمكن تمّر الشهور ويمرّ علينا الشتاء بدون رواية وعالم جديد ، ويمكن تزين ونتلاقى لكن بكل الحالات ما أوعدكم ومقدرة كل شيء تسوونه ، وممُتنة لتفهمكم 🤍 ‹وصلنا للنهاية› *تنسيق:ادارة قناة عالم الـقصص والروايات ـ *القناة لنشر ٲحدث الروايات بكل الانواع واللهجات *تحت ٳشراف : ادارة القناة لمشاركة رائيك بالرواية راسلني على بوت القناة 💛@ahgeelbot💛 ــ لمن يحب قراءة الروايات والقصص السابقة تجدونها في أرشيف القناة 👇🏻 💛  @hkauat💛 يسـعدنا مشاركة الرواية .. ولكن لانبيح ولانحلل نقل او نسـخ الرواية وحذف رابط القناة t.me/ahgeel