القرين - 4 والأخير - مكتملة | روايتك

؟ حاولت أهدي حالي شوي ولسا بقلب بضو الفلاش جوا الغرفة لأطمن حالي أكثر ، بس لسا الخوف سيد الموقف وهالشي مخيف لأنه أي شي بيجي عليه الضو بتشكل وراه خيال و لأنه الضو بتحرك الخيال بتحرك يعني مثل غرفة الأشباح لهيك قررت أحط حالي تحت الحرام و أنام بس لسا راسي بفكر بالي صار و الي ممكن يصير لهيك اخذت قرار اني اترك هالشي و أي شي رعب و بعد هالخوف و التفكير تغلب النوم علي و نمت ، بس شفت كابوس مرعب شفت حيايا و كلاب سود بتركض وراي و انا بركض منهم ، لحد ما بلحظه صحيت على صوت حدا بنادي فيه و شعور حدا بقرصني صحيت لقيت اخوي بقرص فيه و بصحيني صرت ابعد فيه و احكيله اتركني و هو يضحك و يقرصني اجيت بدي اضربه ، نزل بسرعه تحت التخت و هو بضحك و انا مديت ايدي تحت التخت و صرت اقرص فيه زي ما بقرصني ، بهاللحظه فتح باب غرفتي ، و كانت اختي و حكت " سندس يا هبله مالك انجنيتي شو بتعملي تحت التخت " رفعت راسي و انا بحكي بعصبيه مهو مش منطق عمر يصحيني قرص و هيو تحت التخت ، صارت تضحك علي بطريقه مستفزه و تركت الباب فاتح و راحت تركض ، رحت اركض وراها و دخلت على غرفتهم و سكرت الباب وراها طبق بصوت عالي ، مسكت ايد الباب و فتحته بكل قوه و عصبيه بدي اصرخ عليها ، لقيت اختي و اخوي عمر بسابع نومه ، طيب كيف هيك المفروض عمر تحت تختي بغرفتي .؟ اذا الي نايم عمر الي تحت تختي مين .؟ اذا الي نايمه اختي الي حكت معي مين .؟ و هالشي اخر شي بتذكره لانه من الخوفه حسيت قلبي وقف واغمى علي و صحيت على ايد اهلي ، و برغم اني حكيت لاهلي كلشي بكل صراحه الا انهم مكذبيني ، انا لليوم قاعده بصحى بلاقي قزم اصلع واقف اخر تختي بتفرج علي و بضحك ، او على حدا جنبي بالتخت و الاغلب بصحى على صوت خطوات بغرفتي و بس أفتح عيوني ما بكون في شي بغرفتي و الصوت بختفي ، و كثير بصحى على أشياء بشبهوا اهلي بس بملامح مخيفه و بس اشوفهم بختفو و رغم انهم اهلي شبه يومي بصحو على صوت صريخي الا انهم بفتقروا شعور الانسانيه و مش راضيين يعالجوني أو يعرضوني على شيخ يعالجني و انا قاعده بتعب و بتعذب من هالعالم و حسبي الله بفضولي ،، *هالقصه حقيقه كتبتها بأسلوبي و هي حكتلي هالقصه لتنصحكم ما تدخلوا بإشي انتوا ما الكم فيه ، و بتوصيكم إنكم تدعولها .