القرين - الفصل 3 - مكتملة | روايتك

سدنس " سدنس سدنس سدنس سدنس " إذا إنت موجود إظهر انا بدي أشوفك ،،، إذا إنت يا قريني موجود إظهر انا بدي أشوفك ، بعد ما حكيت المطلوب مني استنيت شوي وانا بتفرج بحالي بالمرايه وركزت نظري على أمل إني أشوف إشي بس بعد هالتركيز ما شفت شي ولا صار شي ، بلشت دقات قلبي تهدا والخوف يقل لأنه ما صار شي ، وبلحظه طفت الشمعة بدون سبب صرخت صرخة خوف قوية وانا بقوم عن الأرض زي المجنونة لجهة تختي بهاللحظة حسيت إني خبطت بحدا انا متأكدة خبطت بحدا ، بس ما في غيري بالغرفة صرت أتحسس بإيدي على التخت أدور على التلفون أضوي الفلاش ، وأول ما مسكته بإيدي إلي بترجف خوف ضويت الفلاش وصرت أتلفت بالغرفة ، بس كانت الغرفة فاضية بس شعور إني خبطت بحدا ما فارقني ، طيب مين إلي كان واقف وراي؟