الفصل 1
أكيد كلنا سمعنا عن القرين
وكلنا عنا الفضول نعرف شو هو القرين
انا سندس من صغري مهتمة بالأشياء الغريبة يلي الناس ما بتعرف عنها كثير ، بالزبط مثل العالم الآخر وهو عالم الجن والشياطين ، وبالفترات الأخيرة زاد بحثي عنهم وتعمقي فيهم وكنت أقرأ قصص عن الجن والشياطين واتعمق أكثر لأعرف إيش خفايا هالعالم لوصلة لمرحلة صار عندي معلومات كافية عنه ، لحد ما بيوم قرأت عن القرين وصراحة قرأت كثير عنه و عن أشياء بعملها ، منها ببوست على الفيسبوك إنه القرين بس تعيط بحضنك وبواسيك وإذا زهق بوقت نومك رح يحرك إشي بالغرفة ليصحيك وإذا شخص زعلك ممكن يإذي هالشخص كنوع من الإنتقام ، بس الأغرب بالنسبة إلي إنه بنقدر نشوفه وهالشي لما قرأته صابني فضول أجرب وأتأكد ومنه بعيش التجربة وبشوفه ، مكتوب بالبوست إنه الساعة لازم تكون بعد ال 12 بالليل وبغرفة مظلمة لحالك وتقعد قبال مرايه ورح تجيب شمعة تولعها وتحطها جنبك وتحكي اسمك بالمقلوب 5 مرات وبعدين تطلب منه إنك تشوفه وبعدين تركز نظرك بالمرايه رح يظهر وراك للحظات.