طفلتي اليتيمه - *بارت52* *ليلة من فبراير* - بقلم لا اعلم فقط ناشره | روايتك

*ننشر جميع القصص والروايات*🤎🕰️ *حب 🤎🕰️* *حزن 🤎🕰️* *اكشن🤎🕰️* *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ https://whatsapp.com/channel/0029Vb5nySH77qVOUYY2kt3M *البارت52* *ليلة_من_فبراير* ☆☆ ☆ ❤️ ياسر ـ اتمنيت امسح دموعهه بيدي و اواسيهه احس اكو شي جبير صاير بحياتهه مو بس فقدان امهه وابوهه ومعاناتهم اكو شي اكبر صايرلهه… هالحزن بوجهج ابد ما يتفسر انتي مو تعتبريني اخوج ـ اي ـ لعد ليش ما تحجيلي وتفضفضيلي احسج شايلة هم جبير فوك راسج ـ باوعت عليه ومتحملت راسا بجيت.. ـ من بجت ما اتحملت اشوف دموعهه ركضت عليهه ووكفت مقابيلهه حسيت بانفاسهه تمسح دموعهه بجف ايدهه مثل الطفلة .. متت قهر عليهه شبيهه هالبنية شنو قصتهه ليش هيج متألمة لا نهاوند الله يخليج لاتبجين اني جدا ضعيف كدام دموع الانثئ والله من اشوف خواتي يبجن ما اتحمل وروحي تطلع احس بنفسي مو رجال لان نزلت دموعهن وما اكدر اساعدهن وأ.. أ ..انتي حسبتج مثل خواتي ما اتحمل اشوف دموعج ـ انت رجال وتسوة الف زلمة لاتحجي هيج ـ من ابوية توفئ حسيت بخواتي هواي انكسرن وتأذن علئ فراقو شفت دموعهن تنزل ومابيدي شي عليهن كرهت نفسي لان ما اكدرت اساعدهن واحتويهن وشكد حاول اخوية الكبير يسد مكانو بس ماكدر ولا هنة اتقبلنة والئ اليوم من اشوفهن يتذكرن والدي ويبجن احاول اسوي المستحيل حتئ اشوف ضحكتهن ـ مرات الدموع تصير متنفس للشخص ويرتاح من يبجي ـ صح.. احيانا الدموع بيهه فايدة لان السكتنة تخنك .. ضليت واكف اتأمل ملامحهه شكد تحاول تبين قوية من الخارج بس بداخله طفلة صغيرة بعمر السنة واقل من اقل حركة تبجي وتتنقهر انتبهت علئ نفسي وكفتي يمهه مو صحيحه الناس عدهه شبابيك وتشوف منهه واكيد هسة العيون كلهه علئ بيتنة لان سكنو بيه هالبنات... ابتعدت خطوتين عنهه وانتضرتهه تحجي ولو كلمة ووحدة بس بقت مدنكة راسهه وساكته .. ماناوية تحجين يابنت الناس ـ الحجي هواي وميخلص وماريد اشركك بهمومي ـ اني قابل اني رايد اشترك بهموج ـ يعني شتريدني اكلك .. عمامي طول هالايام يهددون بيه يكولون راح يلكوني ويقتلوني اني وخواتي طول هالفترة محد منهم نصفني ولو بكلمة كل المصايب الصارت ذبوهه براسي رغم اني بريئة منهه وربي شاهد احس نفسي تعبت ومليت اريد احس بالامان اريد اعيش اني خواتي مثل باقي البنات بدون خوف من المجهول تذكرت ابوية وامي تذكرت شلون جنت عايشة بنصهم ومدللة محاسة بقساوة الحياة اني وخواتي.. احس روحي مختنكة واريد احد اكبر مني حتئ اذب عليه مسؤليتنة خايفة شلون احميهن واحمي روحي اذا لكونة شصرف شسوي وين اخذهن بعد هو هذا المكان الوحيد الجنت اعرفة خارج بغداد واجيتلة. علئ امل التقي بأمي وتحميني اني وخواتي منهم بس هسة. اذا يلكوني وين اروح وشسوي ـ تشهك وتبجي وتمسح بدموعهه كلبي انعصر عليهه وانمردت مرد بنية ضعيفة ومكسورة لاحول ولا قوة الهه مبين عليهه خيفة وجنت حاس بيهه خايفة من شي وضامته بداخلهه بس لحضة نونة اني يمكم وما اعوفكم .. بس منو تقصدين يلكاكم ويقتلكم ؟ عمامج! ـ أي.. صار ايام يراسلوني ويتوعدوني ـ ليش ماكلتيلي ليش ماحجيتلي ليش ضميتي علية ـ ميكفي متحملنة ابيتك بدون مقابل انوب احملك همومي ـ شنو هالحجي نونة الحجيناه نعيدة يعني بس كان لازم تكليلي عن تهديدهم زين بشنو هددوج يعني اشنو كلولج ـ عمي عماد جان عايش بكندا ورجع للعراق صار فترة دزلي هواي رسايل يكول راح اعمم صورج بالسيطرات وادور عليج بيت بيت وعندي عرف بالحكومة وراح اوصلج واقتلج وتعالي بكرامتج احسن ما اسحلج ومن هالكلام ـ صفنت عليهه بالبداية وبعدين ضحكت ـ تنهدت من شفته يضحك.. ..ليش تضحك ـ لانج مصدكة بهالكلام وخايفة منو همين ـ يعني هيج رسايل متخوفك؟ ـ تخوفني اذا كان صدك عندو عرف بالحكومة وكد كلمتو بس هذا عمج كلشي ماكو كل كلامو كذب .. يعني لاتزعلين مني ـ لا ما ازعل يمعود بس شنو فهمني شلون عرفت كذب ـ انتي مو ابوج وامج ماتو مقتولين؟ ـ اي صح الله يرحمهم ـ والئ اليوم ما تعرفون منو اخذ ابوكم وعذبو الئ ان مات ومنو قتل امكم كدام المحكمة ـ فهمني وين تريد توصل ـ يابنت الناس شبيج واضحة لو صدك عندو عرف بالدولة يخلي دم اخوه وزوجتو يروح هدر بدون ما يعرفون منو القتلوهم؟ ـ بقيت صافنة عليه معرفت شجاوبة ـ ابوج وعمج كانو متخاربين قبل؟ ـ لا بالعكس علاقتهم حلوة يعني بابا قبل لا يتوفئ اتذكر جان هواي يتصل علئ عمو عماد ـ وليش ما سأل اصدقأئو بالحكومة يطلعون دم اخوه؟ لا تصفنين والله ما يرادلهه صفنة هذا كذاب ولو فعلا عندو عرف بالدولة كان لكاج من زمان من اول ماهربتي منهم بشهر فبراير الماضي بس هذا يتكلم وياكي بيأس علئ امل تخافين وترجعين الهم اسلوب قديم لاستدراج الضحية… وللاحتياط ولضمان سلامتج طفي تلفونج ولا تشغلي ـ حاليا ما اكدر اطفي بلكي يجيني شغل وتخابرني خاله ام اميل ـ طفي لخاطري واليوم اشتريلج واحد بدالو ـ لالااا اشكرك والله اني اشتري ـ دين احسبو عليج مووبلاش ـ ديونك كثرت عليه يا ياسر وخايفة ما اكدر اوفيهن ـ نضرة من عيونج تسد كل الديون ـ استغربت من جرأتة صارت عيني بعينة وابتعدت عنة .. ـ أ..أ اقصد اهم شي ترتاحون يافلوس تحجين بيهه الفلوس تروح وتجي .. علئ العموم اليوم اجيبلج شريحة تلفون اشتريهه بأوراقي يعني تصير باسمي حتئ اذا صدك عندو عرف بالحكومة ما يكدر يوصلج وتلرقم الجديد لاتنطي لاحد.. ـ بس مدصدك معقولة ايدة فارغة ويحجي بهالطريقة ـ وافرغ من جيب الفقير صدكيني .. ـ جريت نفس وتنهدت حسيت الروح رجعتلي بعد هالحجي الحمد لله .. ان شالله يكون كلامك صحيح ـ هو هذا الموضوع الجنتي ضامتو عني ومتحبين تحجين بي ـ سكتت وبتسمتلة ـ عيونج تحجي غير شي احس اكو شي بحياتج اكبر من هاالامور البسيطة الذكرتيهه يعني التهديدات والرسايل والتلفونات مو شي جديد عليج انتي حجيتيلنة الاسوء منها هالامور المفروض تشوفيها سهلة مقارنا بالشفتي.. ـ ماكدرت اجاوبة بس اتهرب بعيوني منة احاول اشتت انتباهه حتئ لا يكشفني ـ ما اريد اضغط عليج احترم خصوصيتج بهالامر لكن اذا بيوم من الايام تحبين تحجين راح تلكيني موجود وان شالله اقدملج مساعدة بالاكدر عليه ـ مسحت دموعي ودنكت راسي ـ ولا تتخيلين تحت اي ضرف اطلعج من هالبيت مهما كانت مشكلتج كبيرة وقوية تبقين بالبيت معززة مكرمة ـ خليت الماسحة والسطل علئ جهه .. تعرف الله مانطاني اخ بس عوضني اني وخواتي بيك ـ ابتسمتلهه من هيج حجت ـ ما اعرف شلون اجازيك علئ وكفتك ويانة.. كلامك هواي هدأئني وخلاني افتح عقلي اكثر.. ـ شوي شوي تفهمين الحياة بعدج صغيرة وبأول عمرج ـ ههه اليسمعك يكول عمرك خمسين سنة ـ لا مو لهلدرجة هههههه ـ بس صدك شكد عمرك ـ بهذا الشهر اقبط 32 سنة ـ لالا صددددك ـ ههههه جبير مو ـ مستحيل ممبين عليك عمرك بالثلاثين ـ ليش شكد اتصورتي عمري ـ عبالي بالعشرين مثلا خمسة وعشرين سبعه وعشرين ـ يلة مو هواي فرق كم سنة ..تهون ـ يعني مواليدك 1977 ـ اي 1977 ـ صفنت علئ هالصدفة يعنيرصباح مواليد 1972 وياسر مواليد 77 غير افتهم شعندي وية مواليد السبعينات دنكت وابتسمت ـ ها صرت عجوز هسة ـ لا يابة. بعدك. شاب بس اتذكرت شغلة وضحكت ـ شنو هية؟ ـ أ .. يعني .. بس شعجب بعدج ممتزوج ـ ههههه من تقررين تحجيلي احجيلج ليش بعدني ممتزوج ـ يعني وحدة بوحدة ـ سر مقابل سر بلة فضحتيني ههههه ـ ههههه ..اكيد اذا فكرت احجي مشاكلي لاحد راح تكون انت اول شخص افكر بي لانك اكثر من اخ بالنسبة الي ـ ماحبيت الح عليهه اكثر بس اتمنيت اعرف شنو سبب هالحزن بداخلهه.. تمام اتفقنة يا اختي الصغيرة ـ ابتسمتلة ودنكت راسي جملة اختي الصغيرة حجاهه كلمة كلمة بطريقة غريبة ما اعرف ليش ـ راح اطلع هسة لان اتاخرت علئ شغلي اابدا لاتفتحين الباب لاي مخلوق كان ـ اكيد .. بس ـ كولي اشنو محتاجة ـ لالا مو محتاجة بس اقصد .. اذا تحب انظف بيتك ـ هههه لاﻻ مشكورة اني انظفو احب اغراضي اخليهن علئ ايدي حتئ اندلهن بعدين ـ اوك .. براحتك بس شوكت متحب تنظف البيت اختك بالخدمة تنظفلكياه ـ غالية .. ما تقصرين ـ ابتسملي وطلع .. شكد حباب هالولد وردة من الله الله يكثر من امثالة ويرزقة ويفتحهه بوجهة ويسهل امرة.. اتذكرت امي ازدهار الله يرحمهه جانت تذب طاسة مي ورة ابوية من يروح مكان بعيد حتئ يرجعلنة سالم و بسرعه مابي شي .. شلت السطل بي مي نضيف وركضت للباب شمرت المي بالشارع وراه الله يرجعك بالسلامة يارب .. حطيت السطل جوة وبقيت اباوع عليه شلون يمشي بثقئ ورجولة تخبل شكد حلو همزين ما انتبه عليه وبقئ يمشي بطريقة جان طميت روحي.. مد ايدة بجيبة وطلع تلفونة يمكن احد خابرة وكام يحجي وياه دخيلك ربي لو بيدي اغنيلة اغنية كاظم الساهر شحلو طولك من تمشي وانا راك.. ياما شالله عليه العين باردة ومتصيبة ان شالله حسيت علئ نفسي شكد مندمجة بتفاصيلة.. راسا رجعت لوعيي اخ عزيز ااخ عزيز مو اكثرر لاتنسين نفسج نهاوند هو اخ عزيز وبس سمعت باب دتنفتح باوعت شفت رجال لابس بنطلون وقميص واكف ويباوع عليه بنضرات غريبة رمض دخلت قفلت الباب الخارجية والداخلية همين قفلتهه شكد مزعج هالرجال نضراته متعجب وتخوف شبي اول مرة يشوف بنية شفت نغم غاسلة مواعين الريوك ومنظفة المطبخ بديت انظف البيت واحضر للغدة اريد الهي نفسي لان ماريد ابقئ افكر بأي شي نغم ـ نونة تلفونج يدك مدتسمعي ـ شوفي الاسم منو ـ اوكفي… اكلج مكتوب عماد يتصل ـ هذا عمج .. خلي يولي لاتجاوبي ـ عزا هذا عمووو عمااد ـ شبيج خايفة ؟ قابل راح يطلعلج من التلفون ـ نونة ليش متغيرين شريحتج خاف يلكونة ويكتلونة ـ هو صار بيدي فلوس وماغيرتهه وشمرتهه .. ـ لعد طفييهه ذبي التلفون كلةة بالزبل ـ شبيج نغم لاتخافين اليوم ياسر كال ايجبلج شريحة وبعدين شلون اطفي التلفون بلكي خاله ام اميل لكتلي شغل لو رادت تخابرني عليمن تتصل علئ ياسر.. لازم عندي تلفون هالفترة ـ هسة يلكوونة عمامي من ورئ تلفوونج ويموتونة ـ وين يلكونة؟ اصلا حتئ ياسر كال لو صدك يكدرون يلكونة ماجان ظلو يتصلون ويدزون مسجات كل هالايام وبعدين لو صدك عندة عرف بالحكومة جان لكو قاتلين ابونة وامنة بابا كلشي ميسوون اصلا يخافون من خيالهم ـ بعدني كلش اخاف منهم ما اكدر انسئ الشفناه هناك ـ كلشي مابيدهم حبيبتي واحدهم حاير بروحه شلون يخلص نفسه من السمعه الاجتي عليه ولزكت بي وبعائلتة اصلا شكد يتصلون عليه ولابستهم ماجاوب عليهم خوب ارشد ومرتة يتوسلوون بية حتئ ارجع وعماد افندي يتوعد ويهدد عباله اخاف ـ معقولة انتي مخايفة منهم ـ جنت قبل اخاف بس هسة اااابد ما احس بخوف ولا دايرة بال الهم ولعلمج كلش فرحانه بتوسلاتهم بية ولج حتئ تهديداتهم صرت استمتع بيهه واحس بنفسي منتصرة عليهم ـ شبيج نونة اشو هواي متغيرة عن قبل ـ كلش.. اصلا مستغربة من نفسي معقولة هالكد صرت شريرة ما بقئ بكلبي ذرة حب ورحمة الهم وفرحاااانة طايرة من الفرح لان اذيتهم اااالله الصار يسوة عمرهم راسهم صار بالطين وسمعتهم صارت زباله وفوكاهه خليتهم يتوسلون بية فرحانة من كل كلبي ومشمته بيهم كلهم حقي افرح لان هواي اذونة وهسة اجئ الدور عليهم يتأذون مو بلة؟ ـ اي اكيد .. ان شالله يبقون طول عمرهم يتأذون وراسهم بالطين ـ عفية ان شالله.. اخذت التلفون منهه وشمرتة وضحكتي تارسة وجهي نغم ـ ان شالله يطلع حجيج صدك وميكدرون يلكونة ـ ميكدرون… وكولي كالت نونة .. دخلت للمطبخ اغني واشتغل كل شوي اتصفن واضحك ماعرف شبية كلما اشوفهم يتصلون كلبي ينشرح واضل اضحك للهوئ الطاير نغم ـ شبيج نونة اشو تضحكين ـ لا مابية شي حبيبتي بس فرحانة .. ـ ان شالله دائما فرحانة ـ بوجودكم يقلبي .. فرشن خواتي بالطرمة وكعدن يلعبن طلعتلهن الغدة يتغدن برة الباب الخارجية مقفولة ميكدرن يطلعن بقن كاعدات برة ويلعبن ــــــــــــــــــــــــــــــــــــــ اميل ـ ها ولك اشو متأخر ـ اي ما كدرت اجي من وكت ـ صاير شي ـ لا بس كادت متاخر من النوم ـ من يوم الاجرت بيتك وانت احوالك تخربطت شنو سالفتك ـ شبيك اميل يعني شلون اتخربطت مثلا وكف شعري حلكي كبر خشمي طول ـ ههههه صاير تنكت ابو الكلفات ـ اهووو من الصباحيات اصبح بوجهك وسوالفك اكلك اشو حميد محلة مسدود ليش ـ اي خطية اليوم الفجر عمة توفئ وراح لسليمانية حتئ يدفنو ـ اها.. لعد عينك علئ محلي اروح ربع ساعه وارجع ـ وين رايح شنو عندك ـ من ارجع اكلك.. عفته ورحت لمحل شوي بعيد عن محلي اشتريت شريحه باسمي جديدة ورجعت ـ ها ولك همين متريد تحجي ـ اشتريت شريحه جديدة لنهاوند ـ هههههههههه ـ وجع ـ وتكول متحبههه ـ لا احبهه شنو يعني لان اشتريتلهه شريحه صرت احبهه ـ هية بس شريحه بس نطيتهم بيتك طول النهار سوالفك عنهه تتشكئ بحالهه خايف عليهه وعلئ خواتهه من يوم الدخلت هالبنية لحياتنة وانت ماكو سيرة بلسانك غيرهة ـ اسكت عاد اجو ناس يشترن لاتشهرنة بينهم ـ ارجع لمحلي واشوف رزقي اليكعد يمك يطيح حظة ـ خرررب… ررروح وولك اجو ناس يشترون هلا عزيزي اتفضل يانوع تريد… مر الوكت بطيئ جنت احسب الدقايق حتئ ارجع للبيت ماصدكت صار الضهر وعزلت محلي ـ وووين ووولك ووين رايح تعال نتغدة ـ لالا اريد ارجع للبيت هناك اتغدة ـ لك يويل شصاير بيك شهالبهذلة اووكف احجي وياك ـ مو وكتك اميل عوفني بعدين ارجعلك فد ساعتين وارجعلك عفته واخذت تكسي ورجعت اركض للبيت فتحت الباب لكيتهه مففولة من جوة نهاوند ـ كاعدة يم خواتي بالمطبخ اراقبهن يلعبن لمحت ياسر دك الباب شعرة من فوك الباب مبين خطية راد يفتحهه وشافهه مقفولة رحت اركض فتحتهه ها الله يساعدك.. ـ ويساعدج ياهلا بنونة اشو مقفولة ـ مو البنات رادن يلعبن وخفت يطلعن ـ زين تسوين عاشت ايدج ـ اصبلك غدة ـ لا خلي اسبح وارتاح لا تتقيدين بية ـ يلة براحتك ـ لك هلا هلا هلا بلحونة الحلوة ـ راحت تركضلة المضروبة عبالك صار سنين تعرفة راسا ضربت ميانه وياه نطاهه نساتل وجكليت جان حاطهن بجيبة وكلهه اتقاسمي انتي وخواتج دخل لبيتة وسد الباب واني دخلت غسلت مواعين الغدة ولميت الطرمة حضرت صينية الغدة بس يفتح الباب ادزهه بيد نغم تقريبا ربع ساعه وفتح الباب ودك باب المطبخ علينة ووكف بالباب .. تعال ياسر جاهز غداك ـ جبتلج شريحه جديدة وهذا تلفوني القديم خليتلج الشريحة بي بس يرادلة شحن ـ يعني تلفون كامل جبت ـ احسن .. التلفون العندج طفي وطلعي الباتري منة وكسري الشريحة حتئ ميضل شي تخافين منة ـ اتقربت عليه واخذت التلفون تقريبا نفس التلفون العندي بس شوي يختلف ..شكد كلفك ياسر ـ يعني شكد يكلف .. لاتسألين عن هيج اسألة نهاوند ـ بس يصيـ ـ لا تكملين .. انتي مو تعتبريني اخوج الاخ ميسألو شكد كلفك وشكد السعر نونة من اليوم بعد ماريد اشوفج خايفة ابد.. اكسري السيم كارت القديم وانسي الماضي وياه.. وهذا خليتلج بي رقمي ورقم اميل وام اميل ـ رحم الله والديك وعاشت ايدك .. خليت التلفون علئ الكاونتر ونطيته الصينية.. اخذهه وراح يتغدة خطية صعدت بالغرفة طفيت التلفون وطلعت الشريحه ردت اكسرهه بس ماعرف شنو منعني رجعتهه لمكانهه وبقيت التلفون طافي والتلفون الجديد دخلت بي رقم نور واشلي ولينا ودزيتلهم رسايل كلتلهم هذا خطي الجديد وجاوبوني راسا برسايل خطية.. خليته علئ الشحن وردت اكوم اضم التلفون القديم نغم ـ شنو هذا تلفون جديد ؟! ـ اي هسة جابة ياسر ـ صــــــدك وااالله عاشت ايدة عموو الورردة امشي امشي ذبي هذاك التلفون بالزباله حتئ ميندلونة ـ ها .. اي اي هسة اذبة.. بس نزلي يم خواتج لا تبقيهن وحدهن جوة ـ اوك يلة.. ـ راحت نغم وضميت التلفون بين ملابسي ماعرف ليش ماكدرت اذبة.. مـــر كـــم يــوم واني كاعدة بالبيت بس اكل ونوم وتنظيف فلوسي صارت كلش قليلة متكفي شي ماكدر هيج ابقئ بعد لا اتصلت علية لينا ولا عرفت شنو راح اشتغل ماكو غير اطلع وادور شغل بنفسي المسواك تقريبا خلص بس ياسر خطية دائما يجيبلنة ويخلي يمي بالثلاجة ما اكدر ابقئ عاله علئ ياسر هيج خلي اروح لبيت خاله ام اميل بلكي تشوفلي شغلة .. اكلج نغومة اريد اسوي اكلة طيبة او حلاوة واخذهه لبيت خاله ام اميل ـ اي صدك من يوم الاجينة لهنا مارحنة وشفناهم بعد ـ والله مستحية منهم و ماريد اروحلهم وايدي فارغة بس لان اريد اادور شغل لازم اروحلهم همة يعرفون هواي ناس بلكي يشغلوني ـ اني همين اشتغل وياج ـ لا.. اذا كدرت احصل شغل باله بالبيت عادي تشغتلين ويايه بس اذا انظف بالبيوت لا تبقين يم خواتي هنا اداريهن وتقفلين الباب عليهن وتكعدين هذا المطلوب منج ـ زين وشنور راح تسويلهم ـ شوفي هو اني ماعندي هسة غير حليب ونشا اسويلهم محلبي واروح اهم شي ايدي مو فارغة من ادخل عليهم ـ يلة اساعدج ـ لا خلي اكمل الغدة وابدي بي .. روحي اتفرجي علئ التلفزيون وية البنات ـ من تحتاجيني صيحيلي .. راحت نغم وبقيت لوحدي طبخت وكملت وغسلت لخواتي وغسلت ملابسنة صعدت فوك بالسطح اشر الهدوم السطح شتايكر وشوي بي تراب يرادلة غسل .. وياسر حاط كل اغراضة علئ جهه اكو بايسكلات مكسرات واكو مبيهن شي وتايرات اثنين يمكن مالت سيارة واكو بعد اغراض كلش هواي ما اعرف مالت شنو ماركزت عليهن .. بس كلما اصعد لحونة تريد تلعب بـ البايسكل وتاخذ كفخة ورزاله مني يلة تجوز خواتي صعدن ويايه وبقينة نتفرج من السطح علئ الشارع والبيوت بيت يم بيت وحايط علئ حايط بس الداير عالي منشوف سطح البيت الثاني بسهولة شكد حلو هالمنضر قطع غيوم جبيرة وثخينة لونهه ابيض والشمس كل شوي تطلع علينة وترد وتختل ورة الغيمة الجو يجنن بي برودة ترد الروح حسيت بتفائل وسعادة مو طبيعية وكلبي انشرح فجأة شرينة الهدوم وبيقنة شوي نتمشة بالسطح ونتفرج علئ السما والغيوم والطيور والبيوت صايرة سلسة وحدة بشكل مرتب بس خواتي غاسلات وشعرهن مبلل ماكدرت اضل بالسطح ولو لابسات ملابس ثخينة بس خفت يستبردن شفتهن شوي اتغيرت نفسيتهن ونزلتهن يلة نغم اخذي البنات خلي يبدلن حتئ نروح لبيت خاله ام اميل ـ اي هسة ـ راحن غيرن ملابسهن واني دخلت المطبخ حضرت المحلبي وخلصت ودورت بالمواعين بكاونتر ياسر شفت عندة كاسات صغار يخبلن طلعتهن وخليت المحلبي بيهن وضميتلة بالثلاجة علئ جهه رحت لغرفتي بدلت وحضرت نفسي كعدت امشط للحونة وتحضرنة نغم ـ عمو يجي ويانة ـ لا شيسوي يجي ويانة بس لازم انطي خبر قبل لا اطلع طلعنة كلنة بالطرمة وقبل لا ادك بابة طلع من بيته ـ ها وين ـ ستوني ردت ادك عليك الباب اريد اروح لبيت خاله ام اميل وهاي مفاتيح البيت خاف تحتاج شي من الثلاجة ـ ليش تروحين محتاجة شي ـ ها ..لا ... بس اريد اشوفهم من يوم الاجيت لهنا ماشفتهم .. صبا ـ لا تريد تروح تسألهم عن شغل ـ خزرتهه بعيني وكرصت ايدهه صبا ـ اااي هاي شبيج ياسر ـ شنو تشتغلين ـ لعد شلون يا اخوية خو مو ابقئ كاعدة هيج لاشغل ولا عمل وراية هالصغار ـ بس شنو تشتغلين هنا مو بسهولة تحصلين شغل ـ اي شي اشتغل ماعندي مانع اني ما استنكف من شي حتئ لو شغاله انظف بالبيوت او ابيع ملابس باله اي شي يعني اي شغله شريفة اعيش منهه اني وخواتي ـ لا ان شالله مو شغاله ان شالله تلكين شغل مرتب ويليق بيج ـ سكتت ودنكت راسي همست بكلبي لعد لو تدري بحقيقتي جان شكلت .. ان شالله ميكشفهة ولا يعرف حقيقتي الستر منك يارب ـ لا تشيلين هم ان شالله الله يسهلج امرج .. ـ اشكرك ..للجميع ان شالله ـ اني همين جنت رايح لبيت اميل امشي نروح سوية الهم ـ سوية؟ ـ اي ليش لا ـ الناس اذا تشوفنه نمشي سوية اكيد راح تحجي علينة ـ ليش هية الناس اشوكت بطلت تحجي؟ امشي نتمشئ سوية ومعليج بأحد اليسمع للناس يموت ناقص عمر ـ ماجاوبته لزم ايد الحان وصبا واني لزمت نغم وتمشينة .. ـ تحنين لبغداد تحبين ترجعيلهه؟ ـ لا ابد ـ ابد! ـ اصلا كلش كرهت بغداد الشي الوحيد الجان حلو بيهه هية امي ازدهار الله يرحمهه بس من ماتت كلشي صار رماد وراهه ـ الله يرحمه.. ـ زين انت متحن لاهلك بسنجار ـ بلي شلون ما احن الهم ـ لعد ليش مارحت تستقر هناك ـ مالي عين اضل فترة طويلة هناك بعد وفاة امي بكل ماكن اشوفهه واشتم ريحتهه ماتت واني بعيد عنهه جنت رايح لديالئ بشغل وهية راسا اتخربطت وتوفت بلحظات خطفهه الموت ما انطتني مجال اجي واشوفها واودعهه فما اكدر اضل هناك فترة طويلة اختنك والذكريات تقتلني .. ـ هالكد متعلق بيهه ـ متتخلين .. صح اني وطفل تركهه واحيت وية عمي بس جنت عايش بانفاسهه بهالدنية من ماتت حسيت جزء جبير انكسر بية وما يتعوض ـ الله يرحمهه ـ يرحم والديج.. وانتي امج ليش عافتج ـ لان ابوية جان ملحن ماقبلت تضل وياه ـ شلون ابوج ملحن؟ ـ مو ملحن معروف مبتدئ يعني يحب يدنن وعندة عود والات موسيقية يعزف عليهن وامي من بيئة متدينة ومحافضة فـ ما قبلت تعيش وياه خصوصا جان يحضر جلسات يسموهه جلسات سمر او هيج اسم ممتاكدة بس اهل امي من عرفو طلكو امي من ابوية واول ما جابتني ذبتني علئ ابوية وراحت.. ـ صدك تحجين! وماشفتيهه بعد ـ اذا اشوفهه هسة ما اعرفهه لان ماشايفهه والصورة العندي مو واضحة ـ ممعقولة ام وهيج قاسية ـ جنت متأملة اشوفهه واحجي وياهه وافتهم منهه ليش هيج سوت وعافتني واني عمري ايام ـ طالما عمرج ايام لاتصدكين بالتسمعي احتمال ماخذيج منهه ماكو ام تترك اطفالهه بهالسولهه وصلنة يلة يا بنات روحو دكو الباب عليهم ـ علئ كيفكم من ادكون لاتفززوهم وصلنة بيت خاله جنة نتمشة كلش بطيئ الطريق دقيقة سويناه تلث دقايق بس محسيت بي اتمنيت ابقئ اتمشئ واسولف وياه بعد واتعرف عليه ويتعرف عليه .. دكن الباب خواتي وطلعت نور فتحتهه سلمنة عليهم ونطيتهم المحلبي وكعدنة سوية بالهول رحبت خاله بينة وضيفونة وضلينة نسولف اميل وياسر عافونة وطلعو وبقينة لوحدنة احنة البنات.. خجلت افتح موضوع الشغل وياهم وبقيت ساكتة وكاعدة ام اميل ـ الله جابج قبل ربع ساعه خابرتني لينا علمود الشغل .. ـ احس مي بارد نزل علئ كلبي من سمعت هالحجي ردت ابجي لو ما العيب سبحان الله خاله والله جنت جاية علمود تشوفيلي شغل ـ يا حبيبتي صدكيني ستوني طبكت التلفون وية لينا خطية اتاخرت لان المرية جانت مسافرة رايحه لاهلهه بالاطراف واليوم رجعت هسة تاخذج اشلي توصلج للينا وهناك تلتقين وية ام محمد وان شالله خير ـ اوووف الحمد لله هم ونزاح من كلبي عيوني دمعت وخجلت من الناس يشوفوني ابجي شيحجون عليه دنكت راسي ومسحت وجهي ـ يلة اشلي تحضرتي حتئ تروحين ويا البنية اشلي ـ ماعندي شي تريدين نروح هسة ـ اي اي عفية ياريت ـ تمام.. بس اجيب الجنطة ونروح ام اميل ـ لا تتاخرون تعالو بسرعة ـ اي ماما حبيبتي لا تخافين يلة نونة كومي ـ يلة بنات.. نغم لزمي الحان وصبا لاتعوفيهن ابد نغم. ـ اوك ـ طلعنة من البيت نتمشئ خلصنة الشارع ودخلنة بالشارع الثاني اشلي ـ بيتهه قريب علينة مو بعيد تقريبا كم دقيقة مشي بس خطية كل اسبوعين اتلاثة يلة تجينة ـ ليش شعجب اني لو بمكانهه يومية اجي لاهلي ـ لا وين زوجها نحس وهواي يتحجج عليهه وهية تتجنبة متريد تسوي مشاكل ويا ـ يا خطية ـ تدرين مرة خلاهه شهرين ما يقبل تجي علينة ولا تشوفنة بس نخابرهه بالتلفون نطمن عليهه عاد راح اميل لعم ميلاد زوج لينا عمة الجبير اله كلمتة ويحبو وحجة وياه اميل عن لينا خطية عمة ماقبل عليه وحجة وياه وهو اتكفل بأختي وجابهه بايدة النة ومن ذاك اليوم ماعادهه بعد زوجهه بس هواي يتنحس .. كام يخليهه بالاسبوعين مرة تجي او كل اتلث اسابيع تمر علينة يوم واحد ومتبات يمنة تجي الضهر وترجع المغرب ـ خطية ليش هيج ـ شنسويلة ماكو انسان كامل نكول الله يهدي ـ ان شالله .. وصلنة بيتهه صغير وكلش حلو صاير بنص قطعه ارض مو جبيرة .. بيهه جم شجرة و متروسة ورد وبيهه مرجوحة صغيرة رحبت بية من شافتني وبناتهه جلبن بخواتي وكعدن يلعبن سوية بالحديقة اشلي ـ وصلتهه الج اخذيهه للمرية ام محمد بلكي تنطيهه بضاعه لينا ـ اي اتفقت وياهه تنطيهه شليف كامل وتسدد الهه علئ التصريف نهاوند ـ بس ماعندي هواي فلوس انطيهه ـ اني اعرف بحالج ماما حجتلي كلشي واني حجيتة لام محمد والمرية خطية هواي اتعاطفت وياج فـ راح تنطيج الشليف بضمانتي اني يعني ماراح تاخذ منج فلوس هسة ـ افضالكم غركتني ـ امي هواي تحبج واني حبيتج علئ حب ماما واتمنئ متخذلينة يعني احنة علئ حب الله اتكفلناج ـ جربيني وشوفي والله مو طبعي اخذل احد ـ يلة كومي نروح لانتأخر عليهه ـ طلعنة نتمشة ونسولف بالطريق.. هية هاي المرية من زمان تعرفوهه ـ صار تقريبا خمس سنين من تعرفت عليهه جانت كاعدة باطراف كركوك بقرية علئ الاطراف وخطية زوجهه قتلو اباب بيتهم مشكلة مدري شنو ما اعرف بالضبط ليش قتلو بس هية راسا لمت اطفالهه وانهزمت من مكانهه حتئ تحافظ علئ جهالهه الصغار واجتي يمنة هنا ورة فترة عرفتهه بيهه تبيع باله.. بس شنو يانهاوند البضاعه العدهه تخبل بضاعه اوربية وخليجية تجيب ملابس، احذية ، امواعين ادوات مطبخ فرش بطانيات اغطية جنط عييينج ومتشتهي من هالغراض وسعر مناسب مو غاليه اشلي. ـ وهسة بهالكم شهر اطورت حتئ غرف نوم همين كامت تشتري للناس نهاوند ـ يعني باله! غرف نوم باله لينا ـ لاا غرف نوم الموجودة بالسوك تشتريهه للي يريد يتزوج وماعندة امكانية يشتري ويدفعولهه الناس اقساط كل شهر ينطوهه الئ ان يسددون الفلوس ـ وشنو ربحه؟ اشلي ـ اضاهر متعرفين بسوالف السوك ـ لا مدعرف يعني شنو تستفاد من تشتري وتبيع اقساط لينا ـ تشتري ب100 الف وترد تبيعه للناس ب150 الف بس يرجعلهه اقساط فـ تستفاد 50 الف يعني ترجعلهه ال100 وفوكاهه 50 اشلي ـ هية سبعه كونت نفسهه بهالكم سنة الكعدت بيهه هنا وما اعتمدت علئ احد رغم جانو جهالهه صغار وماعدهم اب وهي لوحدهه بس سباعية ما احتاجت احد ووكفت علئ رجليهه لينا ـ يلة امشن شوي سريع شنو سلاحف وياية كافي حجي راح نتأخر ترة وانتن ماخذتجن السوالف اشلي. ـ دائما مستعجلة هالبنية ما ادري منو يركض وراهه ـ اي حقهة خاف يصير الليل وبعدنة ممخلصين .. لزمت خواتي ومشيت سريع وية البنات وصلنة لبيت ام محمد شوي بعيد و مسافة عنهم مو كلش قريب تقريبا مشي عشر دقايق.. وصلنة بيتهه بي بابين باب جبيرة وباب صغيرة اشلي ـ خلي ندك الجرس عليهه لينا ـ لا ميحتاج هيج وكت مفتح محلهه تعالو ندخل يجوز ولدهه كاعدين ـ دخلنة من الباب الجببرة لكينة طفل يمكن بكد نغومة جان كاعد وبيدة الاتاري اليدوي .. لينا. ـ هلو حمودي وين امك حباب ـ هسة تجي كالت متتأخر ـ يعني ننتضرهه لينا ـ اي هسة تجي انتضروهه ـ المحل بي اشكال الملابس راحت لينا واشلي يدورن بالملابس واني وخواتي بقينة بمكانة نتفرج اكو معلكات واكو هوسة شي فوك شي المحل جبير وبي كواني كلش جبيرة مثل كواني التمن بس حجمهه هواي جبير اكو مشدودات واكو مفتوحات وعلئ جهه ميز طويل عليه اشكال القراصات والكلايد والمحابس وعطورات ومشط درازن حاطة.. ويمة علئ القسم الثاني ملابس مطشرة حبيت هالشغلة واتمنيت اشتغل بيهه شكد حلو المحل لينا ـ بعدج مااشايفة شي لو ادخلين جوة تلكين اشكال الفراشات والاغطية ومواعين المطبخ اني كل ما اجي لازم اصرف اقل شي عشرتالاف وارجع بضاعتهه تخبل ـ اتفائلت خير من شفت هالبضاعه ان شالله اني همين هيج اصير واحسن بعد ..يارب افرجهه عليه... دقايق ودخلت مرة جبيرة لابسة عباية مبينة متعوبة من وجهه سلمت علينة وردينالهه السلام ام محمد ـ ماجيتي الصبخ لو شايفة البضاعه الفتحتهه يا ام مريم تصفنين عليهه فراشات تخبللل جديدة بالباكيت مو دزيتلج حمودي ليش ما اجيتي لينا ـ ما كدرت ميلاد وين يقبل اطلع وهو بالبيت .. وينهن خلي اشوفهن ـ يااا صدك تحجين عود ينتضررنج شالوهن شيل مابقت ولا قطعه منهن اجتي ام هند وشالت الفرش كلـــهه مابقت ولا قطعه ـ يلة بالعافية عليهه خيرهه بغيرهه.. حبيبتي ام محمد جبتلج البنية الحجيتلج عنهه ـ والله عرفت هالبنية لان مااشايفتهه قبل كلت اكيد الحجت عنه ام مريومة .. شلونج عيني نهاوند ـ الحمد لله بخير ـ بشنو ناوية تشتغلين؟ ـ ها .. ما ادري والله بس اريد شي يساعدني اعيش يعني بي فلوس لينا ـ ما تعرف شي هالبنية اريدج انتي تعلميهه شلون تبيع وتساعديهه ـ امممم.. شوفي انتي وين كاعدة ؟ اشلي ـ يم بيتنة تندلي ـ اي اي يعني بنهاية الفرع من هذيج الجهه مناك ماكو احد عندة محل يبيع هدوم فرفوري هالسوالف مو صحيح اشلي ـ اي صح كلهه بيوت ماعدنة احد يبيع هيج سوالف بس اكو صالونات يمنة تقريبا اربع صالونات ـ اي خوش… يعني تكدر تبيع هدوم وتبيع مكياجات ووخلطات علئ الصالونات همين .. زين عيني انتي شكد امكانيتج؟ ـ أ .. أني لينا ـ مو كلتلج يا ام محمد ايدهه والكاع خطية ـ هاا .. اي اي والله نسيت.. شوفي عندي هالشليف صارلة فترة يمي بي هدوم صيفية خبط صغار كبار بنات ولد مشكل يالوز وهسة احنة علئ وجه صيف يعني موسمة فـ اخذي بيعي واريد منج 35 الف صافي الي وباقي الربح عليج حلال بالعافية ـ صفنت عليهه كلشي مفتهمت من حجيهه يمكن لان مرتبكة مستوعبت قصدهه بقيت اتصفن بالوجوه اشلي ـ قصدهه تاخذين هالهدوم وتشوفيهن كم قطعه وبعدين تبيعيهن واطلعين حساب ام محمد والربح الباقي الج يعني وية حساب الربح لينا ـ بعدين نفهمهه وحدة وحدة هسة اتاخرنة لازم نرجع راح يجي ميلاد ويضل يحجي عليه .. ام محمد ـ اوف من رجلج شوكت الله يهدي لينا ـ اي والله تعبني ودمر نفسيتي صاير هواي يتحجج علئ كلشي سوالة مشكلة اشلي ـ شسويلة ترة هو همين نفسيته تعبانة من هالاوضاع علئ كيفج وياه لينا ـ عبالك اختة مو اختي شوف شلون ادافعلة .. نهاوند ـ بس اني كلشي مفتهمت لينا ـ كومي خلي نروح وبعدين اني افهمج هاي بضاعه يسموهه علئ التصريف يعني مو هسة ادفعين فهمتي حبي ام. محمد ـ طالما انتي من طرف لينا ام مريم يعني ثقة انطيج بضاعتي واني مغمضة ومأمنة لينا ـ حبيبتي ام حمادة الوردة نهاوند ـ ان شالله ماخيب ضنج بية خالة ام محمد ـ ان شالله ... زين تكدرين تشيلين هالبضاعه لو تجيليبج تكسي وتاخذيهه لينا ـ لا مو مال تشيلهه وتمشي ثكيلة والمسافة بعيدة ام محمد ـ اي صح الشليف جبير وثكيل مليان ملابس صيفية هسة صرنة شهر الثالث علئ وجه صيف العالم تشتري وادورهن ـ شلت هم شلون راح ادفع فلوس التكسي كل الاملكة بس خمستالاف دينار.. اكول لينا شكد ياخذ التكسي منا ليمكم اشلي ـ تقريبا خمستالاف ياخد لينا ـ خمستالاف شنو قابل وين رايحين لطريق بغداد هوة منا لهنا.. حبيبتي معليج بأشلي هاي مبذرة انطيني الفين بيدي وهسة اخلي يوصلج لباب بيتج بالفين دينار بس ـ صدك والله ـ يمعودة اني دائما اصعد بالفين دينار منا للسوك مو عاد هالمسافة ـ ماعندي صرف هاي خمستالاف كاملة عندي ـ اني عندي صرف .. هاج تلث الاف دينار .. وهذا الباقي للتكسي يلة امشو ندور سيارة ـ اتكابلنة علئ الشليف اني ولينا واشلي وخواتي وياية اخذت النة سيارة لينا بالفين دينار صعدنة كلنة ورجعنة للبيت لينا نزلت يم بيتهه واحنة كملنة طريقنة اشلي ـ وين تنزلين يمنة لو يم بيتج ـ مادري انتي شدكولين ـ امشي لبيتج لان ثكيل زين عندج مفاتيح اللبيت؟ ـ لا نطيتهه لياسر.. ـ لعد امشي البيتنة بعدين اميل وياسر ييجيبون الشليف.. ـ طبكت السيارة اباب بيت خالة ام اميل ستونة نزلنة نريد نشيل الشليف وطلعلنة ياسر شاف شليف الملابس واجه شاله بدالنة اتلكتنة خاله ام اميل خطية جانت تضحكلنة وفرحانة ـ ها شنو جبتي اشلي ـ جابت ملابس صيفية ام اميل ـ تعال ياسر حط الملابس هنا .. ياسر ـ شيلو الطبلة الشليف جبير ـ شالو الطلبة وخلو الملابس فتحهن ياسر وطلعت اشكال الملابس بيهه الحلو واليخبل وبيهه العادي مو كلش حتئ اكو ملابس شوي مشككة مو كلش زينة اشلي ـ لازم تصيرين شاطرة واطلعين فلوس هاي المرية و عيشتج من هالشليف ياسر ـ بشكد حسبته عليج؟ ـ خمسة وتلاثين الف ـ اي صح طالما علئ التصريف هذا اسعارة نهاوند ـ بس ما دعرف شلون ابيع يعني هالتيشيرتات ابيش ابيعهه حتئ اطلع فلوس المرة وعيشتي ياسر ـ شوفي حسبي كم قطعه بالشليف وخصوصا القطع الزينة الجديدة حسبيهن وراح تعرفين كل قطعه بشكد تبيعيهة حتئ تسدين دينج واطلعين مصرفج منهه ام اميل. ـ خلي نساعدج ونفرز لهدوم الزينة من المستهلكة واني اول وحدة اشتري منج ـ لا خاله بلاش الكم ـ لالا هذا باب رزقج واريد اكون اول من يشتري منج وان شالله بجاه العذرا تنفتح ابواب الرزق بوجهج.. ـ فدوة لكلبج خاله دائما افضالج مغركتني شكرتهه وبستهه من راسهه كعدنة كلنة نفرز الهدوم حتئ ياسر همين كعد ويانة طلعت تقريبا 80 قطعه زينة جديدة مبيهه شي والبقية نص ونص واكو شوي مستهلكات ياسر ـ القطع الجديدة بيعيهه علئ 500 دينار والمو كلش بيعيهن علئ ربع او اثنين بربع ام اميل ـ واني اول المشترين جيبي الجوزدان اشلي من غرفتي اشلي ـ اوك حبيبتي نهاوند ـ راحت اشلي وجابت الفلوس نور واشلي اختارو ملابس الهم وخاله دفعتلهن خجلت اخذ فلوس منهه بس ذبتهن عليه ذب اخذو مني هدوم بأربع تالاف دينار ام اميل ـ جيبي هذيج القطع اخذهن لبنات لينا حتئ تصير خمستالاف دينار بالعدلة ـ الله يفرح كلبكم يارب .. اجني عليه خواتي صبا والحان وشاوروني صبا ـ احنة متتشريلنة من هاي الهدوم ـ اكيد يروحي اذا الجن ما اشتري المن اشتري لعد بس مو هنا خلي نرجع للبيت واختارلجن .. اباوع عليهم ملتهين يعزلون الملابس مو جديدة عليه هالفرحة لان قبل جربتهه من اشتغلت ابيت خالة ام مهند .. بس هنا بكركوك الهه طعم ثاني يختلف عن بغداد بالعافية عليكم خاله .. ام اميل ـ الله يعافيج حبيبتي يلة ماما نور اشلي وية نهاوند لموهن بالشليف خطية خلي تاخذهن لبيتهه ـ لمينة الملابس كلهه بوستهم وطلعنة خطية ياسر ماقبل اشيل وياه اخذ الشليف وشاله بدالي .. يمعود ثكيل خلي اساعدك ـ الزمي خواتج وامشي قبلي لا تعبيني ـ اخذتهن ومشيت سريع ـ اخذي هاي المفاتيح من جيبي وفتحي الباب بسرعه ـ اخذت المفاتيح ورحت طايرة للباب فتحته ودخلنة للطرمة خطية خلة الشليف وهو نكضان كلش تعبان ينهت ـ ليش ماخليتني اشيل وياك ـ شنو مو بعينج اني ـ لالا مو هيج قصدي ـ رجال كلشي يتحمل مو عاد هالوزن عادي عدنة نشيل الاشياء الثكيلة ـ ضحكت وياه .. بعدني ماسدينت الباب وكمزت بوجهنة مرية كلش كصيرة لابسة بنطلون وتيشيرت وفاتحه شعرهه وحاطة مكياج .. ـ اشنو ياسر انت اتزوجت واحنة ما ندري ؟ ـ ياهلا بتومة .. ـ يااهلا بيك .. منو هاي الحلوا الوياك ـ معقولة ماشفتيها ابيت ام اميل ـ اي لمحتها طابه وطالعه منهم.. بس عبالي مرتك ـ لا اطمئني هية مستأجرة عندي ـ مستاجرة! اشلون بلة؟ بيتك ماينفع ينقسم نصين والبيت بي باب واحد ـ شبيج تومة شتريدين هسة ـ لا بس اكو جماعه راحو للمختار حجولة عنكم ـ و المختار ماكلهم انة اعرف كلشي ؟ قبل لا احط اي طابوكة واقسم البيت رحت للمختار وفهمتو ـ ها يعني يدري ـ اي يدري ـ زين هية منو هاي مين جاية ـ دخلي جوة نهاوند ـ اوكف بصفي ياسر وهسلي .. ـ ترة هاي ماتخلص سوالفهه وكلش حشرية وفضولية ـ بس شعجب هسة اتذكرت صارلي جم يوم هنا مابينت ـ تشوفيهه وتشبعين منهه.. دخلي دخلي .. ـ سحلت الشليف اني وخواتي للبيت بقئ ياسر واكف يمهه تقريبا ربع ساعه ماعرف شبيه كل شوي اروح وارجع اشوفهه من شباك المطبخ.. ما اعرف شبية يمكن خايفة ياسر يحجي شي يمكن ضايجة لان بقئ واكف يمهه كلش كرهتهه هالمرية ليش هيج وامفة وتتمضحك وياه شنو هالميانة الزفرة اشو ماحجالي عنهه قبل اوي واني شكو خلي يوكف وية اي وحدة يريد شكو حاركة دمي .. رجعت للهول وكعدت يم الهدوم اطشر بيهن بعصبية نغم ـ شبيج نونة ـ معليج التهيي بروحج لا تضلين تتلاكفين ـ يلة سكتت يمعودة شبيج ـ ثواني واندكت الباب ياسر ـ نهاوند وينج ـ سمعت صوته وكل الغضب طار مني ووكمت اركض .. كاعدة بالهول ـ تومة تريد تشوف البضاعه عندج مجال اليوم لو باجر تجي ـ لا خلي باجر تجي.. دخل يمي للمطبخ وشاورني ـ خليهه تدخل نونة حتئ لومتشتري شي بس كلشي لاتحجين كدامهه لاتخليهه تعرف ااي شي عنج ابد ـ حاضر ـ اني برة واكف لاتخافين.. ـ دخلت يمي هالمرية شافت البيت شلون مقسوم عينهه تتحرك بكل مكان بالبيت ركزت بخواتي وبية تكلب بالهدوم بس عينهه طايرة علينة ـ انتي مين ؟ ـ من ارض الله الواسعه ـ كلنة من ارض الله بس اقصد يامحافظة ـ عجبج شي من هالهدوم ـ هذني خواتج ـ اي ـ وين امج وابوج ـ يتيمات احنة ـ ها.. الله يرحمهم ـ اشنو اسماء خواتج ـ شنو عجبج من هالملابس ـ زين ماعندج عمام خوال احد ليش هيج لوحدكم عايشات ـ اذا عجبج شي من هالهدوم اخذي واذا لا ياريت تطلعين لان كلش تعبانة واريد ارتب الملابس ـ هممم أ..أ.. هاي التيشيرته بشكد تبيعيهه ـ ب500 دينار ـ بربع اخذهه ـ لا هية سعرهه ب500 ـ ترة هية باله 500 دينار اشنو.. يلة اجيج غير وكت ان شالله ـ حسيتهه خنكتني مثل الطابوكة كاعدة علئ كلبي راحت وخلصت منهه اوع شكد حشرية لعبت نفسي رجعت ارتب بالملابس نشرتهت بالهول طلعت جم قطعه الي و لخواتي لان ماعدنة ملابس والبقية صفطتهن بالهول دخلت المطبخ سويت عشة وحضرت صينية ياسر بس شفتة واكف برة يم الباب كل شوي يجي عليه واحد ويبقون يسولفون.. من دخل فتحت الباب وكلتلة حضرتلك العشة ـ عاشت ايدج. خو ماحجيتي شي لتومة ـ بس كلتلهه اني يتيمة وهذني خواتي ـ اي عادي هيج معلومات بس لاتكوليلهه عمامي هيج وهيج سوو ولا اي شي ترة هاي مينحط بحلكهه سالفة ابد .. ـ ان شالله.. تفضل عشاك ـ عاشت ايدج .. ـ اخذ الصينية ودخل لبيته قفلت الباب وعشيت خواتي وصعدنة للغرفة انام اليوم شوي تعبنة من الفرة.. هنة يتفرجن علئ التلفزيون واني حنيت للتلفون القديم جان اربعه وعشرين ساعه تجيني رسايل منة بس هذا الجديد صافن خطية .. كمت طلعتة وفتحته وكعدت اكلب بالارقام والمسجات نفس الخريط مال عمامي بس شفت مسج من رقم غريب كاتب حبيبتي شلونج.. و داك علية هالرقم كلش هواي باوعت هالرقم نهاية صفرين رد دزلي مسج صار عندي فضول اشوف منو هذا الكتبلي حبيبتي فتحت المسج دشوف منو ـ كل هالفترة المضت معقولة ما اشتاقيتيلي حتئ ما اجيتي وسألتي عني لهل درجه هنت عليج وكرهتيني والله العظيم ما اكدر بدونج ردي عليه الله يخليج كسبي ثواب بية ـ صفنت علئ هالمسج منو هذا معقولة هذا اوس والله يسويهه البخت ويتفطن بية هسة ميكفي البهذلة الاخذتهه بسببه رد اتصل هالرقم عليه اكثر من مرة والتلفون بيدي خاف علاء افندي هو اني كلبي اصلا مخزن عليهم استجمعت قوتي وحضرت كلام حتئ افرغ حركة كلبي بيهم رد اتصل راسا جاوبته بنتر وصوت عالي الــــو شتررريد مدكليي شتررريد مكاافي الطيحاان حظ الاجاني بسببكمم.. سمعت الولد يبجي ويتنهد بالتلفون راسا سكتت منو ؟ ـ منوو لهلدررجة نسيتييني ـ صوتك مو غريب كلي منو انت لاتضل تلعب باعصابي ـ حقج هيج تحجين علية بس احبج مو بيدي ـ انصدمت من صوتة.. هذا موصوت علاء ولا اوس .. منــــو صــباااح ؟ وللحكاية بقية….. 🥀