الفصل 5
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵* *المتحولون.tt* 💙🖇️
*❴🔢❵☟الـــبـــــــــــ❴5️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
سكتت ولحقو علي وطلعو برا البيت وراحو بلطريق.
بعد ساعة///-
سعد:لروش مسكيلي هاد والله تعبت
لورا:لا عيني مافيني انا يادوبني ماسكة حالي
مازن:بدك تعطيهن لبنت تشيلن والله منيح بدل ماتاخد عنها هلكوم يلي شايلتو صحي ليش جبتي هدول كلن
لورا:رح نعتازن
زيد:انا شتقت لكرم
سعد:وانا كمان حاسس انو ناقصين وكان وجودو بكملنا 😔
ارثر:انا ايضا افتقده
عبادة:شوية وقت وبنرجع ونحنا معو
الكل:...
كانو ماشين علطريق وقفو وقت شافو مبنى كامل واقع عل ارض ومسكر الطريق
علي:لازم نلف. ونروح من الغابة وبنكمل علطريق
زيد:بلكي طلع شي بلغابة انا بقول نفوت من المبنى ونطلع
علي:المبنى مدمر ازا دخلنا بجوز نعلق جوا علغابة اسرع
مشيو ولفو وفاتو بلغابة وصارو يمشو. اطلع عبادة شاف زلمة قاعد ورا شجرة
عبادة:هداك كانو زلمة طبيعي
فرح:مافي حدا طبيعي لساعتو عايش هون هاد متحول
عبادة:...
مشيو وشافو الناس مرمية بكل مكان وهاد يلي رايحة اجرو وهاد يلي مقطوعة ايدو والريحة بتموت
سعد:استعجلو رح افطس من هلقرف
علي بقرف:شي بقرف
مشيو كلن وهنن مسكرين انفن كلن سقط من سعد مسدسو ونزل ليجيبو فجأة مسكتو ايد واحد وصرخ
سعد:ياحقيير تركنييييي عليي
صار بدو يعضو وسعد بيضربو ع وشو ركدو عليه يامن ومازن وضربوه طلقتين براسو
سعد بخوف:شايفني اكل لتعضني ياكلب وقفلي قلبي
فرح بخوف:علي ازا فاق هاد اكيد رح يفيقو كلن
علي:لا تخافي امشو
مشيو وفجأة صارو كلن يقومو واجسامن بتطقطق
يامن:لرصاص رح ينفد منكن ركدو ولا تقوصو
ركدو كلن وهدوك المتحولين قامو وصارو يركدو وراهن
لورا بتعب:خلونا نقتلن ماعد اقدر اركد
مازن:ركدي ولا توقفي
صارت تركد وهي تعبانة تفشكلت رجلا ووقعت لتجي ع قزازة بنص كتفا
لورا بوجع:ااااخ.
ركد عليها كنان والكل بلش يقوص علمتحولين وسحبها وهنن بقوصو
لورا ببكى:ااخ ايدي رح مووت 😭
فرح:هيي انتبه
كان بقرب من عبادة واحد وهوي مو منتبه ضربت فرح رصاصة لتعدي من بين اديه وتستقر براس المتحول اطلع عبادة فيها وابتسم
عبادة:ماشفتو شكرا
فرح:العفو انتبه
مشيت وهوي بيطلع فيها بابتسامة وراحو ع لورا.
سعد:لك كنتي انتبهي كلنا ماوقعنا الا انتي
لورا ببكى:سعد بتسكت ولا بقوم بموتك 😭😭ااخ
مازن:خلص لا تبكي لازم نتصرف عم تنزفي كتير
كان كنان عينو ع كتفا وعلدم يلي بايدا بلع ريقو وحكا
كنان:عم توجعك
لورا ببكى:مو شايفني عم بجعر اكيد بتوجعني 😭عااا
فرح:لازم نشيل القزازة من كتفا
علي:ببلكي جاية عشي شريان وقتا بصير معا نزيف لازم نربط ايدا فورا
فرح:خود هي الشالة
عطتو شال كان ع رقبتا وعلي مسك القزازة ليشيلا وهي بتبكي
علي بخوف:ببدكك تتحممليي تمام.
لورا:استعجل. مشان الله
غمضت عيونا وهوي مسك القزازة بحذر وصار يسحبا وهي بتتوجع وتبكي
لورا:ااااخ. 😭😭
علي:تحملي
طلع القزازة وايدا صارت تنزف ربطلا ياها بقوة وهي بتتوجع وتبكي
علي:هلق بتطيب قومي
لورا بالم:ااخ الربطة عم توجعني. فكا شوي
علي:ستني زبطا
زبطلا ياها وقامت وكنان عم يتحاشا يطلع بايدا وهوي ماسكا
كنان:بحملك ازا مافيكي تمشي.
لورا:فيني امشي
اطلعت فيه وعيونا كلن دموع وهوي صافن فيها اجت عينو علشال يلي صار احمر وزاح نظرو
كنان:خلونا نمشي
سندا وهي بتمشي وماسكة ايدا وكفو طريقن
سعد:انا عطشت
ارثر:وانا ايضا الا يوجد ماء هنا
زيد:لا اظن...قصدي مابعرف يخربيتك رح تقلبنا كلنا فصحى
ارثر بضحكة:ومابها العربية الفصحى الا تعجبكم انها لغة جميلة
زيد:لغتنا اجمل قول حمار.
ارثر:همار
زيد بضحكة:والله مافي غيرك همار امشي امشي لعنت ام العربية 😹
ضحكو كلن عليه وزيد بعلم فيه وارثر مابيعرف يحكي
زيد بنفرزة:والله جحش
ارثر:والله جهش
زيد:نقلع موت. 🧐
ارثر:😹😹😹
سعد:اتركك منو مارح يقدر
ارثر:انا لا اعرف كيف تتكلمون لغتكم غريبة وصعبة
سعد:مانا صعبة بلعكس بس انت مارح تقدر لسانك مابياخد عليها
ارثر:لا ادري
لورا بوجع:ماعم فيني ايدي رح تموتني
علي:لازم نعقم الجرح ونغسلو ازا ضل هيك بيلتهب
يامن:رح روح دور مي وانتو روحو عشي بيت دورو ع معقم وعلبة اسعافات لعل وعسى نلاقي
علي:زيد وسعد وارثر وعبادة ضلو مع لورا ونحنا ننقسم وكل واحد يروح بجهة
عبادة:انا. رح روح معكن
علي:انا وفرح ويامن وعبادة رح ندور ع علبة اسعافات بل مباني والبيوت وكنان ومازن ومحمد. وتيم روحو دورو مي
ارثر:اريد الذهاب معكم
كنان:روح وانا بضل معهن لازم يضل حدا قوي ليجي شي حدا وهنن مابيقدرو يدافعو عن حالهن
علي:تمام امشو
زيد:انا مابدي ضل رح الحق مازن ركد وهوي بيلحق مازن وسعد بيطلع ع كنانكنان:روح الحقهن
سعد:ماشي 😻
ركد على علي وضلو كنان ولورا
لورا بوجع:حاسستا رح تنقطع
كنان:هلق بلكي بلاقو معقم ومي نغسلو وبلكي ببطل يوجعك
لورا بابتسامة:متغير كتير
كنان:شو يلي متغير
لورا:شكلك وحكيك مرات مابسدق انت نفسك هداك البخوف
كنان بضحكة:كنت بخوف ييعني
لورا:ممم هيك وهيك مرات بتخوف ومرات عادي
اطلع بعيونا وصفنو ببعض وقرب عليها بهدوء.
كنان:كنتي بتخافي مني
لورا بلا وعي:لا اول ماشفتك ماخفت كتير
صار مقابيلها وهي صافنة بعيونو الوساع وكيف بيطلع عليها. ليمرر ايدو ع زندا بخفة
كنان:عم يوجعك
لورا:لا
كنان:خليني شوفلك ياه
اطلعت. بعيونو منيح وبعدت عنو
لورا:كنان رجاع ل ورا
اتمالك حالو وغمض عيونو بقوة وهوي ساكت
لورا:خلينا نلحقن
كنان:...
سكتت وقامت بعدت عنو وهوي منزل عيونو بل ارض وساكت ماعم يحكي قلقت عليه وهي شايفتو هيك
لورا بخوف:انت منيح
كنان بهمس:بعدي
قربت منو وهوي ماسك حالو بلقوة وعم يكز عسنانو
لورا:انت منيح كنان
وقف وعيونو صارو حمر وهوي معصب وعشوي رح ينفجر
كنان بصوت عالي:رجعي عم قلك😠😠😠
رجعت وهي خايفة وقعدت بعيد عنو ضل واقف بيطلع ع ايدها وشادد ع قبضة ايدو وهي ماسكة ايدا بوجع ومرعوبة من نظراتو اخدت نفس واطلعت عليه وشافتو كيف معصب وعينو ع ايدها
لورا برجفة:كنان خلينا نلحقن
كنان:....
سكتت وزاحت نظرا عنو وقلبا بدق بسرعة
لورا بهمس:لا تخافي مارح يعمل شي
وقفت واجريها بيرجفو ومشيت بهدوء وهي بتطلع فيه
لورا:رح شوفن وارجع
كنان بهدوء:قعدي مكانك
مشي خطوتين وهي ركدت من الطريق يلي راحو منو وكنان عصب وركد وراها
كنان:وقفييي
لورا:كنان انت مو بوعيك وقف عندك واصحى
مارد عليها ركد ومسكا من ايدها وخبطا علحيط
لورا بوجع:كنااان
كنان بجنون:عم يوجعك
لورا:لا وبعد عني
كنان بعصبية:خليني شوفو وانا بداويلك ياه
لورا بعصبية:كنان تمالك حالك وبعد عني
كان بيطلع ع ايدها وعيونا ونفسو سريع ومو قادر يتركا دمعت عيونا وبكيت
لورا ببكى:كناان تروك ايدي
كان ماسكا من زنودا بقوة وجرحا بلش ينزف وهوي براقبا بعصبية وبنظرات بتخوف
لورا:انت مو صاحي بس بعد عني.
اطلعت بعيونو وهوي صفن بعيونا كيف مدمعين ووساع. قرب من وشها وهوي صافن
لورا:سدقني انت مانك وعيان عحالك بعد عني وخلينا نروح
غمض عيونو وباسا من خدا. وضل حاطط تمو عخدا وهي مو قادرة تحكي وخايفة باسا بقوة. ونزل ع رقبتا اطلع فيها كانو سنانو معلمين عرقبتا. باسا مكان سنانو واطلع بعيونها
لورا بخوف:كنان خلينا نروح
كنان:انا بس بدي شوفو كيف عم يوجعك
قرب ايدو من جرحها ونزل ع كتفا وغمض عيونو وهوي شامم ريحة دما وبلع ريقو وباسا جنب الجرح
لورا ببكى:كنان رح تندم سدقني بعد وخلينا نروح 😭
غمض عيونو بقوة وكز عسنانو واطلع فيها وعيونو بيقدحو نار
كنان بهمس:روحي لبعيد عني عسريع
نتر ايدها ومشي خطوتين ل ورا وهي بعدت وركدت مسافة كبيرة ووقفت بخوف رجع لورا ومشي ليبعد عنها وقعد جنب الشجر
كنان بهمس:شو عملت شو كنت رح ساوي. انا غلطت مالازم ضالل معا انا مابفهم
اطلع فيها كيف قعدت وسندت راسا علحيط كانت بيناتن مسافة كبيرة هي بتطلع فيه وهوي بيطلع عليها.
لورا:بعرف مو بايدك. وماني لايمتك بنوب شعورك وقت تشوف الدم كبير وماعد توعى بنوب. بس نرجع كرم رح نتعالج انا وانت انا بعالج ايدي. وانت بعالجك بس خلينا نطلع وننهي الحقيرة كاسي وعاصم كلشي بكون منيح
رجعو مازن وتيم ويلي معو وشافو كنان قاعد لحالو
مازن باستغراب:لورا وينا
كنان:..
اطلعو. حوليهن ليشوفو لورا مستندو عحيط. وقاعدة
تيم:شو عم تعمل هنيك رح ناديلا
راح تيم لعندا ومازن وارثر وزيد بيطلعو بكنان
ارثر:هل حاولت ان تفعل شيئاً؟
كنان: ...
مازن:كنان عملت شي فيها ليش لحالكن هون وينو سعد
كنان:ماعملت شي بس سعد لحقكن وبعدت عنها مشان ما اازيها
زيد براحة:منيح
كنان:....
اجا تيم ولورا ماسكة ايدها وهي بتطلع بكنان وقعدت
مازن:لقينا مي بس مابتنشرب بس نغسللك جرحك فيها مارجعو
لورا:لا لسا
الكل قعد ينطر يامن ويلي معو وبعد شوي اجو وباديهن في علبة وسعد ماسك طنجرة كبيرة ومبتسم
سعد بصوت عالي:لقينا معلبات كتيييير
مازن:لقيتو دوا
علي:اي وانتو لقيتو مي
مازن:اي بس ماتنشرب بس نغسللا ايدها
قرب علي وفكلا القماشة وحطا ع جنب وكنان براقب بصمت. غسللا ايدها وهي كاتمة وجعها نشف الجرح وحطلا معقم وهي بتتوجع لفو بلشاش وقعدو كلن انتبه سعد على كنان كيف صافن بل قماشة ونكش علي جنبو
سعد بهمس:اطلع فيه كيف صافن
علي:كنان انت منيح
كنان:...
علي بصوت عالي:كننناان رد
انتبه كنان عليه والكل كانو بيطلعو عليه واتمالك حالو
كنان:شوفي
علي:ولا شي شبك
كنان:مافي شي
قام علي مسك لقماشة وراح زتا بعيد ورجععلي:سيطر عحالك تمام
كنان:..
لورا:خلونا نكفي طريقنا انا صرت منيحة
علي:ماشي. يلا قومو
حملو اسلحتن ومشيو كلن صار الدنيا ليل وهنن لسا بيمشو
زيد:لازم نوقف بشي مكان نرتاح ونام لبكرا
مازن:امشو بلكي نشوف بيت .
ضلو ساعة بيمشو والبيل بلش يضعف ويادوب شايفين طريقن من ضو القمر وشوية من الضو يلي بايد علي
فرح:مافي بيوت هون يمكن
علي:كانو كلو مباني
فرح:اي اخي كانو هيك
ارثر:وماذا سنفعل الان ان كنتم تريدون رايي لنرتاح هنا
زيد:وانا رايي متلو البيوت مابنعرف شبا هون عل اقل بنعرف شو جايينا وضو القمر بنشوف تحتو وبس
علي:طيب قعدو. هون
قعد الكل عطرف الشارع عل ارض
زيد:مين عندو قداحة لنشعل نار
فرح:انا عندي
طلعت من جيبتا قداحة وزيد قام يجيب خشب وبعد شوي كانت النار شالعة وهنن حوليها كانت عينا بعينو كل الوقت نظراتو غريبة الها وهي نظرات خوف وقلق وعم تفكر بايدا وكيف رح يطلعو
سعد:انا بدي روح شوي وبجي
زيد بهمس:علحمام
سعد:ايي
زيد:امشي وانا كمان
قامو ليروحو وقفن علي
علي:لوين رايحين
سعد:هلق بنجي
راحو واخدو معن البيل
علي:لسا ايدك عم توجعك
لورا:لا تحسنت
عبادة:في صوت
يامن:صوت سعد عم يصرخ
اطلعو ببعض بخوف وركدو باتجاه. يلي راحو منو شافو سعد واقف وتلت اشخاص حوليه بدن ياكلوه
سعد ببكى:ياامنن مشان الله ساعدني
رفعو اسلحتن وقوصوهن براسن اطلعو حوليهن ماكان زيد موجود
مازن:وينو زيد
سعد برجفة:مابعرف مابعرف هلق كان هون
ــــٓــــــٓــــــٓــــــٓــ.
زيد:انتي يابنت وقفي لوين رايحة المكان خطير
كان عم يمشي وفي بنت قدامو ماشية وهوي بوقفا ركد قداما شاف شكلا بخوف وكلا دم لعبت نفسو وبعد عنها وهي كملت مشي بهدوء
زيد بخوف:ياربي وينن ضعت
اتلفت حوليه وراح باتجاه يلي اجا منو
زيد بصوت عالي:ماااازننن كنااان انا هون وينكن
صار يعيط بصوت عالي وهوي خايف ولمكان عتمة وضو القمر فوقو سمع صوت خرتشة وراه التفت برعبة
زيد:مين في هوون
بعد عن المكان وسمع صوت صراخ بس مو صوت صراخ عادي كانو اشخاص من هدوك عم يركدو باتجاهو هبط قلبو وركد وهنن لاحقينو
زيد بصريخ:كنااااااااااااان
ــــٓــــــٓــــــٓــــــٓــــــٓــ
مازن:صوت زيد هاد
كنان:عم يناديلي
ركدو باتجاه الصوت وبهل اثناء بيطلع زيد وهوي راكد وبشوفن قدامو
زيد بصريخ:ركدوووو عسريع
الكل وقف وهنن مستغربين وبيطلعو فيه
زيد برعبة:لك لاحقيني شي ميت واحد هربو
ركد جنب النار واخد سلاحو والكل واقف بمكانو
فرح باستغراب:هاد جن مافي ح..
عبادة بصوت عالي:انتبهييي
هجمو عليهن وفرح مسكا واحد منن ونزلا عل ارض الكل بلش يقوص ولورا واقفة وعم تحاول ترفع السلاح وماتقدر من كتفا
ركد عبادة ع فرح وضرب المتحول عراسو وهداك قام ليجهم عليه بس رصاصة يامن اجت بنص راسو
يامن بصوت عالي:روحو لعند لورا
اطلعو بلورا يلي كانت عم ترفع لسلاح ومو منتبها ع يلي وراها جايين يركدو بلشو يقوصو عليهن فرح وعبادو ووقفو حوليها وهي وراهن وكتفا بوجعا
لورا بوجع:مافيني ساعدكن ايدي بتوجعني
عبادة:خليكي ورانا
كانو كتار والكل عم يقوص وارثر خلص رصاصو وراح عزيد يركد
ارثر بصريخ:اعطني البندقية لقد نفذت ذخيرتي
عطاه ورجع يركد لعندن والكل بقوص وهنن متل النمل بيجو لعندن
محمد بخوف:خلصت. طلقاتي شو بعمل
كنان بصريخ:ركوود لعند زيد عسريع
ركد محمد ووقف جنب زيد وهنن براقبو بخوف
كانت بتطلع فيهن والكل بيضرب انتبهت ع كنان يلي كان راكد عليه واحد وانصدمت ركدت لعندو وهداك قرب منو ورفعت ايديها بوجع ودفشتو
لورا بوجع:ااااخ
مسكت كتفا بوجع والتفت كنان لعندا وشافا ماسكة ايدا ووراه في واحد بل ارض قام ليهجم عليه قوصو وقرب عليها بخوف
كنان:انتي منيحة
لورا بالم:اي اي انتبه كان في واحد وراك
خباها وراه والكل عم يقوص مسكت كتفا بوجع وحست انو بلشت تنزف اطلعت بايدها وكانت نازفة
لورا بهمس:لاا مستحيل
كل المتحولين بلشو يشمو بل جو ووقفو واطلعو ع لورا يلي ورا كنان
مازن بصريخ:لورااا ركدي
رجعت لورا والكل هجم لعندن وكنان ماعد يعرف يقوص مين وركد والكل عم يقوص عليهن
يامن:هدول عم يكترو والرصاص قرب يخلص لازم نتصرف
علي بصوت عالي:كلن ركدو ع لورا اكيد نزفت خليك حوليها ركد يامن وبلش يقوص وهوي معصب ولورا وكنان واقفين والكل حوليهن متل الدائرة وعم يضربو وهي مرعوبة
كنان:انتي منيحة
لورا برعبة:اي اي بس هدول
كنان قاطعها:اهدي
اطلع بجرحا وكيف عم ينزف والشاش صار كلو احمر وصفن فيها وهي بتحاكيه ومابرد
لورا بصريخ:كناننن اطلع فيني
كنان:انا منيح. انا منيح خليكي هون
بلش يقوص معن وهنن بموتو وشوي شوي ماضل ولا واحد
تيم بخوف:انتي منيحة
لورا بوجع:اي منيحة
تيم:تعي معي
ضمها لصدرو ومشي لعند النار وهنن لحقوهن وقعدت وهي متالمةتيم:رح غيرلك الضماد ماصار شي
هزت براسا وهوي جاب قنينة المي غسلا الجرح وكنان بيطلع فيه وقرب بهدوء لعندن وقعد قداما
كنان بهدوء:بساعدك
تيم باستغراب:لا
اطلع فيها. كيف متالمة وعينو ع جرحا بلع ريقو وقرب ليقضي ع كتفا بس تيم ضربو بوكس ورجعو لورا
تيم بعصبية:ياحقير رجاع
علي:كنان قوم بعد من هون
اطلع فيهن بعصبية. وعينو عتيم وتيم واقف قدام لورا ومعصب وقف واطلع فيه وهجم ع تيم
كنان بصريخ:بدي ساعدا ياواطي
تيم:انت مو بوعيك رجاع احسنلك
ضربو كنان بوكس وردلو تيم الضربة. وعلي ومازن مسكو كنان ورجعوه
مازن بصوت عالي:كنان اهدى وبعد
اطلع فيهن وعلي مسكو ومشي لبعيد
كنان بعصبية:ماكنت رح اعمل شي بس بدي داويها
علي بهدوء:مو بايدك هلشي انا متفهمك بس حاول تسيطر عحالك
صفن بل ارض وعلي براقبو وقعد وعينو ععليهن من بعيد
تيم بعصبية:كان بيطلع فيكي. من نزفتي انا شفتو
لورا:مو بايدو انا كان لازم انتبه
فرح:خلص غيرلا الضماد ماصار شي
غيرلا الضماد والكل قعد واجا علي. وكنان ساكت وعينو بل ارض
علي:تيم كنان ماقصدو وانت بتعرف
تيم:...
كنان:مابعرف شو صرلي انا ماقصدي كنت بس بدي ساعدك
تيم:خلص ماصار شي وانا ماقصدي اضربك
قعدو كلن والجو متوتر.
يامن:زيد وارثر ومحمد خلصو الطلقات شو رح نعمل
فرح:وانا ماضل عنـدي كتير
يامن:لازم نوفر الطريق طويل
علي:لهيك لازم نمشي عند طلوع الضو فورا
لورا:انا بدي نام
فرح:وانا رح نام احرسونا
لورا:هههه
ضحكت فرح وتصطحت ع اجر علي وعبادة براقبها ومبتسم اما لورا تصطحت وحطت ايدا جوا راسا قرب تيم ورفعلا راسا وحطا ع اجرو ابتسمت وهوي بلش ييمسحلا ع راسا
كان براقبا كنان وهوي حاسس بلغيرة ومزعوج
كنان بقلبو:ياريت كنت بدالو لتيم وانا عم مسحلا عشعراتا وانا يلي بهتم فيها بس هي اكيد كرهتني بعد ماعملت فيها كزا موقف خوفوها
نامو فرح ولورا وسعد لحقن ومحمد وزيد وارثر وضلو كنان ومازن وعلي ويامن وتيم سهرانين
الفجر///
علي:فرحي قومي حبيبتي رح نمشي
فرح بنعس:تعبانة
علي بابتسامة:يلا قومي طلع الضو
قامت. وهي عم تترنح ورح توقع
علي بضحكة:كل هل قد نعسانة
فرح:ايي اسندني لصحصح شوي
ضما وهوي بيضحك وكانت رح تغفى بحضنو فجاة رش عبادة ع وشا مي
فرح:اححح يخربيتك لييش هييك
عبادة:لتصحصحي
فرح:اووف منك علييي🥺
علي بضحكة:هبلا
تيم:لورا فيقي
لورا بوجع:ااخ ايدي
تيم:قومي يلا صار وقت نمشي
قامت وتيم ساندا وحملو غراضن ومشيو
سعد وهوي بياكل:طيبين هل علب
زيد:شفت تاريخ انتهائن
وقف سعد بصدمة وراح تف كل يلي بتمو
سعد:يخربيتك ليش لتزكرني لا ماشفت
زيد:عطيني وحدة لشوف
عطاه وهوي. بيقرا تاريخا
زيد:ممم فيك تاكلا صالحة للاكل
سعد:منيح
كملو طريقن وطلعت الشمس وراح الوقت وصارت ضهر والشمس ناار
سعد بتعب:رح موت ياربيي ليش هيك شوب
ارثر:الطقس حار جداً اشعر انني في الصحراء ماهذا بحق الجحيم
يامن:كانو مطولين والشمس رح تقتلنا ازا مشينا جواتا
لورا بارهاق:اي والله لازم نرتاح
قرب علي منها وشافا تعبانة وايدا بترجف
علي بهمس:شبا ايدك
لورا:قلن نرتاح ماعد فيني
علي:خلونا نقعد نريح شوي تحت ضل المبنى
قعدو كلن ولورا. عطرف وجنبا علي
علي بقلق:فرجيني ياها
لورا بهمس:بشوفوني امشي بعيد
وقفو ومشيو عطرف وشالت الكف من ايدا وانصدمو
علي بصدمة:😳😳😳ليش هيك
لورا بخوف:مافيها شي خلص لا تخاف بعالجا بعالجا
علي:لك كيف مابخاف ليكي كيف ايدك مزرقة ومورمة فكي الربطة عنها
لورا:لا مافيني هيك رح يمشي بايدي مو شايف انو مو ماشي ولا نقطة برا الربطة
علي:ازا ضلت هيك رح يصيبك شي فكيها شوي
لورا:مافيني خلص مارح يصير شي
لبست الكف وراحت وهوي واقف بيطلع فيها
علي:خايف يصيبك شي وانتي عم تطمنيني الكزب بعيونك يالورا وهلشي خطير
راح قعد جنب فرح وعينو ع لورا مسكت ايدا وخبتا وهي بترجف وعشوي رح تطق
لورا بقلبا:مافيها شي رح عالجا بس نجيب كرم اهدي وخلص
قعدو ومرق الوقت وصار عصر ومشيو بطريقن
فرح:قربنا نوصل علمشفى بس المشكلة كيف رح نفوت
يامن:المرا لماضية اخدونا من فوق المبنى ودخلونا بلطيارة مابنعرف ازا في باب
فرح:اكيف في مافي مشفى مافيها بواب بس كيف بنفتحن
علي:فتحة لبواب سهلة بس بدي شي حديدة زغيرة وانا بفتحو ازا شفتو حديدة عطوني ياها
الكل ماشي وعينو بل ارض
زيد:هي بتصير
علي:مم لا هي بتنكسر فورا
يامن:خود هي
علي:هاتا اي هي بتنفع
شافو المشفى من بعيد. والكل وقف وبيطلع فيها
كنان:وصلنا
فرح:وصلنا بس هون بلش الخطر
كنان:كيف
فرح:الارض يلي حولي المشفى كلا الغام
الكل:شوو
فرح:اي كلا ملغمة والالغام مارح يبينو بس عرفنا من زمان اانن مابينفجرو بقوة شي بسيط بس فيهن مادة بتحرق متل مي الاسيد
علي بقلق:صعبة كتير بلكي نفجرت ع واحد منا شو نعمل.فرح:مابعرف
عبادة:خلونا نوصل لعند الارض الملغمة وبعدين نتصرف
مشيو ساعة كمان والشمس ع وشك تغيب. ووصلو عل ارض كانت المشفى بنص والدائرة كبيرة وتراب احمر ونضيف ومافيه لو حجرة
مازن:هل كلاب اخدين حزرن كيف ملغمين هلمكان وكانو نضيف ومافيه شي
فرح:كاسي هي البنت مو منيحة مع انو عمرا صغير بس الحقارة بدما ابوها معلما كل هل شغل وهوي ككل فترا بزورا. بس في مستودع قريب من المشفى هداك مافيه شي وجنب المشفئ مافي الغام
يامن:ايواا يعني لازم نوصل عل نستودع
فرح:اي
يامن:وهي الشمس رح تغيب ازا قربنا هلق. مابنستفاد شي لازم يكون في ضو لنعرف طريقنا
لورا بهدوء:لو هلق بكون انا بخطر شو تعملو
علي باستغراب:كيف يعني
لورا:يعني لو هلق. بصير بين الحيا والموت بتنقزوني
علي:اي طبعا انتي وحدة منا ومستحيل نتركك اجرنا ع اجرك
لورا:احكو كلكن شو تعملو
ارثر:انا سوف اهتم بكِ ولم اتخلا عنك مهما حدث
سعد:وانا بنقزك انتي منا لورا وسدقيني مافينا. عفراقك
محمد وزيد:ونحنا
يامن:كمان انا بس شو مناسبة علحكي
لورا:فرح تعي شوي عطرف
راحو والكل يراقب باستغراب
فرح:شبك
لورا بهمس:.......
فرح:وبلكي صارشي
لورا:مابصير. شي بس لازم نعمل هل مخاطرة موافقة
فرح بتفكير:موافقة
رجعو والكل ناطرن يحكو
لورا:لساعتكن ع كلامكن
تيم بنفرزة:انتي شبك والله مارح نتركك بس عشو عم تلمحي
لورا بابتسامة:انا بخطر كبير
الكل:....؟؟؟
لورا:ركدو
ركدت بل ارض الملغمة بسرعة كبيرة وهي مغمضة والكل مصدوم
تيم بصريخ:وقفييي
ركد وراها وركدت فرح وعلي بس شاف فرح راحت ركد وقلبو بين اجريه
يامن:امشو يلا
الكل صار بل ارض الملغمة وبيركدو باسرع مايمكن ومابيعرفو عشو عم يدعسو
لورا بصوت عالي:طلعتوو بتحبوني
تيم بصريخ:بس نوصل رح موتك
لورا بضحكة:بتحداك تسابقني
تيم:موافق
ركدت باسرع ماتقدر وتيم ضحك ونسي انن بخطر وصار جنبا
لورا بضحكة:من يوم يومك بتسابقني
تيم:انتي مجنونة
ضحكت وركدو باقصى سرعة والكل وراهن
سعد بصريخ:والله يالورا ازا صرلي شي رح موتك
لورا:اركدد ولا تطلع وراك
مازن:كناان شو حاسس
كنان بضحكة:مبسوط اول مرا بفوت بهل مخاطرة
ركدو كلن وعبادة وعلي وفرح جنب بعض بيركدوو
عبادة:هلبنت بس ننوصل رح موتا
فرح بضحكة:مع اني عوشك موت بس مبسوطة
علي:ازا صابك شي رح تاكلي قتلة
ضحكت من قلبا والكل بيركد لوصلت لورا وتيم علمستودع وهنن فارطين وفرح وعبادة وعلي وصلو والكل وقف وعم ياخدو نفس
فرطو من الضحك فرح ولورا والكل بيطلع فيهن
سعد:انتو مجانين لعما بقلبكن كان متنا
فرح بضحكة:ماصرلك شي تطمن
قرب علي ومسك ادن فرح ولورا وهوي بجرن
علي:والله لازمكن قتل للصبح كيف هيك بتركدو ماخفتي انتي وياها يصرلكن شي
لورا بوجع:ههه تروك ادني قطعتا يخربيتك
علي:مجانين
تركن وقعدو كلن بل ارض
كنان:انا نبسطت بهل شغلة
يامن:شعور حلو 😹
الكل بلش يضحك. وهنن بيتزكرو كيف ركدو وكانو رح يموتو
تيم:مجننونة
لورا:شكرا 😊
عبادة:وهلق شو بنعمل
فرح:بننطر لبكرا الصبح وبندخل علمشفى وبنطلعو لرفيقكن ونربيها للتافها كاسي
لورا:خسارة فيها هل اسم كتير بشعة مين يلي عطاها هل اسم الراقي
فرح:شفتيا انتي كيف شكلا متل طنجرة مطعوجة
لورا بقرف:شفتا يخربيتا شو حقيرة وتافها وكزابة
فرح:يعع ووسخة وعيونا متل عيون السحلية😹
لورا:ولسا شفافا عاملتلن نفخ وتقول قارصتا نحلة😹
فرح:لا وشفتي كيف خصرا نحيف بكف بنيما بل فرشة شهرين😹
لورا:اي وطويلة متل عامود الكهربا😹😹😹
فرح:وغبية ودائما مبتسمة. وسنانا يلي بيقطعو الرزق باينين😹😹
لورا:ااخ بطني😹😹
الكل:😳😳😳
علي:يخربيتكن ماتركتو ستر مخبى عليها اخدتو كل زنوبا
فرح ولورا:🤷♀🤷♀🤷♀
ارثر:اتذكر كرم عندما قالت لورا انها كاذبة كان يدافع عنها ويقول انها بريئة وتريد المساعدة لهذا اخذته من الممكن تزوجو ونحن ذاهبين لسرقة كرم من تلك السافلة😹
يامن بضحكة:هوي ماكان بيعرف ووكلنا للحظة سدقناها ومعك حق بخاف تجوزتو بلغصب😹
سعد فرط ضحك:تخيلو مستر غضبان اخرتو يتجوز وبنت تغصبو علجيزة وكان كل وقتو بعيط علينا ومو عاجبو شي وربي لاشمت فيه طول عمري😹😹
ضحكو كلن وقضو هل ليلة وهنن بيحكو وبيضحكو وبعدين نامو عل ارض وبقيو علي ويامن وكنان فايقين
تاني يوم((((
كانو كلن واقفين ومسلحين وعلي بيمشي قدامن
علي بجدية:هلمرا مو لغم ولا شخص ولا شخصين هلمرا جيش كامل كرم بخطر ويمكن صابو شي لاسمح الله والله اعلم شو عملت بس رح نفوت ورح نخلص كل الناس من جوا ونطلعن والحراس رح يكونو كتار ولازم نحاول ماننصاب وبس تشوفو سلاح مرمي بل ارض خدو لان اسلحتنا قربت تخلص لورا وفرح انتو بتروحو تدورو علبنت وتمسكوها وتعملولا اللازم. تمام
فرح ولورا:تمام
علي:نحنا الشباب بنتصرف بلباقي بس تيم وعبادة روحو دورو ع كرم واي حدا بشوفو بنادي علينا لنحميه وكونو حذرين جاهزين للحربالكل:جاهزين
علي بابتسامة:يلا
مشيو كلن ولفو حول المشفى وشافو باب قرب علي من القفل ودخل الحديدة بهدوء وصار يحركا والكل ناطر يفتح طق طقة لتعلن فتح الباب وجهزو حالن لاي هجوم
علي:رح افتح
مسك المسكة وفتح الباب والكل موجه الاسلحة وفتحو ماكان في حدا مشيو وبهل وقت اشتغل ضو احمر
يامن:جهاز الانذار. اشتغل رح يجو
مشيو بلكردور الابيض وكلن ورا بعض
ــــٓــــــٓــــــٓــــــٓــ.
-خرق امني في حدا دخل علمشفى
-امشو
طلعو واخدو شي عشرين مسلح وراحو باتجاه الابواب
ــــٓــــــٓــــــٓــ.
يامن:صوت خطوات اجا حدا
قربت لورا ووقفت عطرف جنب علي ورفعت الرشاش والكل ماشي
-وقفوو مكانكن
مالحقو يحكو شي وكانت لورا ضاربة رشاش عليهن ليوقعو كلن ميتين
تيم:كفوو ابوس ربك شو قوية
لورا بضحكة:شكرا
اخدو زيد ومحمد وارثر اسلحة الحراس ومشيو. لوصلو عنص المشفى اطلعو. لفوق شافو الحراس بكل الطوابق وناطرينن بلش القواص بيناتن والكل تخبى وعم يقوصو عبعض والمشفى قلبت خراب
فرح:لوراا رح عد للتلاتة وفورا ركدي باتجاه المختبر الكبير
لورا:يلا
يتبع...
الجزء السابع
~الكاتبة:فاطمة الزهراء~
فرح:لوراا رح عد للتلاتة وفورا ركدي باتجاه المختبر الكبير
لورا:يلا
فرح 123
ركدو لورا وفرح علمختبر وراحو بل كردور وهنن بدورو ع كرم وكاسي
فرح:هلحقيرة وينا
لورا:لما جابتنا دخلتنا بكردور بدوخ مابعرف وينا
فرح:خلينا ندور غرفة غرفة
صارو يفتحو غرفة غرفة وكانو كلن فاضيين ومافيهن حدا
لورا:لك وينو كرم ياربيي
فرح:فكري برايك وين بكون
لورا:مابعرف المرا الماضية لقينا كنان باول مختبر شفناه.
اطلعو ببعض وراحت لورا تركد علمختبر يلي لقيو فيه كنان فتحت الباب لتفوت كان مسكر اطلعت. من الشباك لزغير شافت شخص متصطح ومغطى
لورا:في جوا حدا اكيد كرم
فرح:بعدي عن الباب رح قوص لينفتح
بعدت وقوصت طلقة لينفتح الباب فاتو. لجوا وقربو علشخص. وبعدت عن وشو الغطى. هي فرحانة بس اتلاشت فرحتا وقت شافت شخص مشوه وشو. ومو باينين ملامحو بعدت وهي بترجف
لورا بصدمة:هاد مو كرم سدقيني
فرح:..
لورا بصريخ:فرح هاد مو كرم سدقيني.
فرح:اي اي امشي ندور
طلعو لبرا. ومنظر الشب ماعم يروح من بالا
فرح:مابظن انها بلطابق هاد بجوز طلعت ع اخر طابق من فوق
لورا:هلق نحنا بلطابق الارضي وبتعرفي هون بلحجرات في كتير اشخاص وبعرف وين هلمكان لازم نتصرف ونطالعن
فرح بتفكير:لا لا مابظن هلق فينا نطلعن القواص برا كتير وشفتي رفيقك مو متزكرك يعني اكيد مارح يوسقو فينا وبجوز يطلعو ويموتو بس نخلص. عليهن للحراس بنفتحلن
لورا:بجوز كرم هنيك بلحجرات لازم نشوف
فرح:امشي
ركدو هي وياها وضربت طلقة علباب فتحوه ودخلو كان عتمة قربت لورا علحجرات ولمستن كان في. شخص جوا
صارت تلمس كل حجرة وتطلع عوشهن وبتدور عكرم راحت عطرف التاني وفرح عند الباب
فرح:لقيتيه
لورا بخوف:لا مالقيتو
وصلت علنص ولمست الحجرة لتشع ضو وشافت كرم جواتا
لورا بصدمة:كرمم فرح هاد هوي تعي
قربو وراحت لورا سحبت المسكة تبع حجرتو وفتحت مسكوه وسحبو الابرا من ضهرو ووقع عل ارض
لورا بخوف:كرمم فيق كرم اصحى
فرح:ليش ماعم يفيق
لورا:بدنا مي تيم رشينا عوشو مي وفاق
ركدت فرح علطاولات ومالقيت مي اطلعت حوليها لتشوف ورا الباب خزانة. فتحتا ولقيت بوشا قنينة مي اخدتا وركدت
فرح:خدي رشي عوشو
رشو عليه مي وماكان يفيق
لورا برجفة:ياربي كرمم اصحى
صبت كل المي عوشو وفاق
كرم بوجع:ااخ راسي اااخ
لورا بفرح:كرم اطلع فيني انا لورا نحنا اجينا
اطلع فيهن وهوي موجوع ومستغرب
كرم:وين انا
لورا:لقيتك كرم قوم الكل اجا لنرجعك معنا يلا
كرم باستغراب:مين انتي
لورا:لا ياكرم لتكون ناسيني انا لورا وبكون رفيقتك ورفقاتنا اجو لينقزوك من بنت خطفتك
كرم:شو
فرح:لورا اتصرفي لازم نخبرن انو لقيناه
لورا:قوم معي لازم نطلع
بعد عنها وقام وهوي ماسك راسو وموجوع
كرم:ماني متزكر شي
لورا:سدقني انا رفيقتك امشي نروح هلق بيجو
فرح:كرم نحنا عم نساعدك ولازم نطلع سامع صوت لقواص هدول بدن يقتلونا
كرم:..
مسكتو من ايدو ومشيو وهوي عم يحاول ييتزكر ومو قادر
فرح:وهلق لوين بنروح
لورا بحقد:بندور عهديك يلي مابتتسما كرم انت منيح
كرم:اي اي
لورا:ليك انا رح اعطيك هاد المسدس تمام وبس تشوف حدا جاي فورا قتلو
كرم:تمام مين ماكان
لورا:اي اي امشو
طلعو لبرا ورجعو جنب المختبر وهنن شايفين كيف القواص حامي ومستحيل يقدرو يطلعو
لورا بقلق:شو نعمل وين نروح
فرح:هلق كرم مو متزكر شي خليكي معو وانا رح دور علتافها كاسي
لورا:لا مابتروحي لحالك اجري ع اجرك
فرح:مارح يصير شي وبعدين ليكني مسلحة انتي اتصرفي بكرم وانا رح روح
لورا:انتبهي عحالك
فرح:ماشي
ركدت فرح عل اصنصير وهي منزلة راسها وسكرت بسرعة وقلبا بدق بسرعةفرح:وهلق رح اجيكي. انطريني
كبست علطابق الاخير. وطلعت لفوق
!ــــٓــــــٓــــــٓــ
مازن بوجع:ااخ
زيد بخوف:تصاوبت
مازن:لا بس جرحتني االرصاصة
زيد:خلص ارتاح
لورا بصوت عالي:انا لقييت كرمم
كنان:ويين
لورا:بعدين بحكيلكن شو بعمل
كنان:خليكي بمكانك.
يامن:هي لورا لقيت كرم شو لازم نساوي
كنان:مابعرف لرصاص خلص من عندي
يامن:انا عندي رصاص ستنى اعطيك
فتح شنتو واطلع جواتا وكام في مشطين رصاص وخمس قنابل
يامن بحماس:في قنابل
كنان:صار وقتن
يامن:اي
طلعو القنابل واخد كنان تنين ويامن تنين واستعدو. ليرموهن
يامن بصريخ:شبااااب
الكل:شبك
يامن:رح ارمي قنبلة الكل يتخبى
مالحق يكمل كلامو الا كنان فاتحا وزتا لفوق وتنفجر والمشفى تكسر حيطانو والقزاز بلش يرتمي بكل مكان والغبرا عبت لمكان
كنان:هلق في غبرا لازم نطلع علدرج هنن مو شايفينا
يامن:انا رايح وانت خود سلاحي وقوص يلي بتشوفو عايش
كنان:ماشي
اخد يامن القنبلات الاربعة ومسدس بخصرو وطلع علدرج. كانو نازلين شبين من فوق قوصن ومشي رما القنبلة علدرج لبعيد وانفجرت. وطلع نفس الشي بيقتل يلي بشوفن والشباب لحقوه يركدو وصلو لعندو والكل عم يمشي زت اخر قنبلة والشباب بقوصو وصارو ب اخر طابق والكل ميت
يامن:خلصنا منن وين لورا وكرم
كنان:هنن تحت قلتلا تضل وماتطلع
زيد:رح روح ناديلا
علي:ارثر وسعد ومحمد. وزيد جيبو لورا وكرم وبعدين الحقونا. نحنا داخلين ندور ع يلي اسما كاسي
سعد:تمام
وقفو علي ويلي معو دخلو عباب وباب ورا باب وماكان في حدا فتحو ودخلو لجوا ليشوفو غرفة اخيرة ومافي باب تاني
-اهلا وسهلا
الكل صار يتلفت. وهنن سامعين صوت بنت وماكان في حدا
-انا هون
اطلعو عيمينن ليشوف. كاسي واقفة بتطلع عليهن وفي بيناتن قزاز وهي واقفة بطرف وهنن بطرف
كاسي:لا تحاولو تكسرو لقزاز مستحيل ينكسر وبتعرفو مين عندي
عبادة:ياحقيرةرح اقتلك. قوص طلقتين علقزاز وماصابو شي
كاسي:ولو قلبي اهدى شوف مين معي
بعدت لتفتل كرسي وراها والكل انصدم
علي:فرحح😳
كاسي:هي البنوتة الحلوة كانت جاية تقتلني رفيقتكن هي
علي بصريخ:ياواطية ازا بتقربي ع اختي بدي موتك
كاسي بضحكة:لا مارح قرب عليها ووعد مارح المسا
عبادة:ليش هيك عم تعملي شو مستفادة
كاسي:ولا شي بس عم نكبر اكتر واكتر وبنصير اشهر الاطباء
كنان:ليش كان بدك ياني وبعدين اخدتي كرم
كاسي بضحكة:ههه كنون قلبي شتقتلك عفكرة اول شي اخدتك لانك متحول وبتعرف شو يعني متحول يعني التجارب مشيت عليك وع جسمك صرلنا سنين بنحاول بلناس وماكانو يزبطو ولا فيروس ولا تجربة تمشي عل بني ادمين بس انا كنت محتاجة دم منك. بتعرف ليش
كنان بحقد:ليش
كاسي:لان دمك صار في اكبر فيروس بيمشي عل ناس وممكن بشكل كبير نقدر نحول اي شخص
كنان:ليش اخدتي كرم
كاسي:بعد ما ضربتك ابرا لترجع طبيعي ازا بتتزكر سحبت منك دم. اي انا بعازة هلدم. لان صار فيه دم انسان ودم حيوان واختلطو مع بعض وصار ممكن نقدر نطور العالم
يامن:انتي تافها كتير انتي مريضة
كاسي:مو انا المريضة انتو المريضين ولازمكن علاج لازم تحدثو تفكيركن انا عم جيب الناس وبسحب دمن وببيعو وبجرب عليهن الف تجربة ولهلق مازبط معي شي وكرم لو بتعرفو انو هوي دمو مميز وممكن بشكل كبير يتحول لاكبر اشياء مخيفة. وكنت بعرف انكن رح تجو لترجعوه ابي بدو يرفع راسو فيني وبدو كون اشهر طبيبة بس هوي مابحبني. ولا بيهتم فيني لان ماعملت يلي هوي ماعملو درسني واهتم فيني لصير شي كبير بس فشلت احلامو
كنان:انتي غلطانة كتير ولسا فيكي تصلحي غلطك ازا طلعتي فرح هي مو زنبا
كاسي:انت لازم تتشكرني لاني رجعتك طبيعي وفرح هي اختو للشب هداك. مارح طلعا بس رح ساوي شي احسن
علي بصريخ:ازا لمستيها رح موتك لا تقربي عليها
قربت ع فرح وهي مربطة ومسكريلا تما مسكت ابرا كانت علطاولة جنبا وعلي بيطلع ومصدوم
علي بصريخ:ياكلبةةة لا تقربي منا
كاسي بضحكة:دمك ياكنان رح يختلط بدم هلحلوة وبتعرف شو رح تصير
كنان بهمس:رح تصير متلي.
كاسي:رح تصير متلك رح تتحول
عبادة بقلبو:لازم اتصرف قبل ماتعمل شي فيها
ركد لبرا وراح عمكان جنب الباب
عبادة:هون هي واقفة بس منوين فاتت وين الباب
ضرب بايدو علحيط وهوي معصب واطلع علحيط باستغراب
عبادة:في شي هون
صار يضرب باصبعتو علحيط وكانو الحيط من خشب
وقف عند الباب وهوي باشر لكنان
عبادة بهمس:كنااان تعا
اطلع فيه كنان وهوي اشرلو ومشي بهدوء وطلع
كنان:رح تحولا لفرح هي الحقيرة
عبادة:مارح نسمحلا ليك في هون حيط من خشب وبظن رح ينفتح بسرعة لازم نكسرو بس بدنا ننتبه ما نازي فرح والحراس يلي جوا مالازم نخليهن يلحقو يضربونا الا بكون خلصنا عليهن
كنان:تمام
بعدو شوي لبعيد وهجمو علحيط لينكسر وبفوتو. خبط عل ارض وكاسي بتوقععلي بصدمة:عبادة كيف دخلتو
ركد لبرا وفاتو كلن علي هجم علحارس ومازن قوص عليهن ليلتفتو ع فرح وكاسي يلي واقعة ودايخة الا شوي من اثر الضربا
علي بخوف:فرح انتي منيحة
فكوها وقامت وهي بتبكي
فرح ببكى:اخي هي الكلبة كان بدا تحولني
علي:ياقلبي ماصار شي
عبادة بعصبية:ياحقيرة كيف بتقربي منا
مسكا من شعرا ورفعا صفقا كف ووقعت بل ارض
كاسي بعصبية:حقير بدي موتك
قامت وهي ماسكة الابرا واجت لتضربو مسكا من ايدا وسحبا منا
عبادة بهمس:هلق بنشوف كيف رح تحوليني
شك الابرا بنص رقبتا وسحبا لتشرط رقبتا وتوقع كاسي وهي بتنزف والدم شلال من رقبتا
عبادة:هي جزات يلي بقرب منا
علي:انتي منيحة عملتلك شي.
فرح ببكى:لا ماعملت .
كنان:خلونا نروح مشي الحال لازم نخلص الناس ونروح
نزلو لتحت وهنن بدورو ع لورا وكرم وسعد
كنان:وينن هدول
مازن:بجوز راحو يخلصو الناس بلحجرات يلي حكيتو عنن
كنان:خلينا نروح
ركدو بلكردور لوصلو علباب شافوه مضروب طلقة اطلعو ماكان في حدا
يامن:وهلق لازم نتصرف بهدول الناس عبادة وفرح تعو معي لنصحيهن وكنان ومازن وعلي وتيم دورو عليهن
فرح:يلا عسريع
راحو كنان ويلي معو لبرا وهنن بلشو ينزلو الشباب من هلبلور وبصحوهن
ــــٓــــــــٓــــــٓــــٓــــــٓــ.
زيد برجاء:لورا مشان الله فتحي وكلشي رح يكون منيح بس فتحيلنا
لورا بتعب:زيد انا منيحة لا تخبروهن
زيد ببكى:وربي مانك منيحة افتحي الباب وانا مارح خبرن بس فتحي
ارثر:لورا انتي ليست بخير ارجوكِ لا تفعلي هذا
سعد:فتحي الباب مافيككي تسكري علينا
لورا بوجع:مافيني شي
كانت متصطحة قدام باب الغرفة وسعد وارثر ومحمد وزيد حابستن بلمختبر وكرم جنبا بيطلع باستغراب ومو فهمان شي
سعد:هي مارح تفتح لازم نخبر الشباب ليجو يساعدوها
ارثر:لنخلع الباب
صارو يدفشو بلباب وهي عوشك تدوخ وقامت لتركد ووقعت مغمة عليها
كرم بخوف:هي يابنت شبك نمتي اصحي
سعد بصريخ:كرم افتحلنا الباب هي مانا منيحة. رح تموت
كرم برجفة:مابعرفكن بدكن تقتلوها
سعد بعصبية:كرم افتح نحنا رفقاتك عسريع
اطلع كرم ع لورا بخوف ولاح ببالو طيفا ومسك راسو بوجع
كرم بالم:ااااه لورا لورا ااااااخ راسي يامن
كان عم يتوجع وهوي ماسك راسو وعم يتزكر كلشي
سعد بصريخ:كرممممم
انتفض وقت سمعو بصرخ واطلع بلورا وشافا مغمة عليها ووشها متل الاموات
كرم برعبة:لورااا شبك
زيد:كرم افتحح
قام فتح الباب وكلن ركدو ع لورا
سعد بخوف:لورا فيقي
زيد ببكى:لا تتركينا مشان الله سعد روح ناديلن
سعد بعجل:يلا
راح يركد وزيد ماسك ايدا وبيطلع عليها كيف مورمة وزرقة والشي الاسود اكل ايدها لعند الربطة
ارثر بعيون مدمعة:لورا هيا اصحي انتي قوية فقط انهضي ولا تتركينا ارجوكِ💔
كرم:هي. شبا ليش هيك صارت راسي عم يوجعني وماني فهمان شي
. محمد:مابنعرف بس نحنا كنا عم ندور عليك وع لورا انت. كنت قاعد. برا وهي. بلمختبر ماسكة ايدا وعشوي رح تطق حاولنا نعرف شبا بس هي قفلت علينا الباب وماخلتنا نطلع لان كنا بدنا نقول ل علي ويامن وعبادة💔
كرم:هي منيحة امشو نطلعا برا
حملا كرم وراحو يمشو وهي بين اديه شبه ميتة وشفافا زرق ووشا اصفر
ــــٓــــــٓــــــٓــ.
سعد ببكى:وهلق هي عم تموت
علي بصدمة:كزاب مستحيل هلشي
ركدو كلن.وهنن مصدومين من يلي حكاه سعد شافو كرم حامل باديه لورا
تيم بخوف:لورا شبك ليش هيك صاير معا شباا
زيد ببكى:هي رح تموت ليكو. ايدا كيف
كشف عن ايدا علي والكل انصدم
علي بخوف:شو نعمل لازم نفكلا الربطة
فكلا الربطة عن ايدا وهي نايمة مو حاسة عليهن ويلي بايدا مشي لوصل لزنودا بثواني
زيد بصدمة:شو هاااد😳
علي بخوف:هي رح تتحول ازا بقي عم يمشي هاد انا بعرف من زمان بس لازم نعالجا هي رح تتحول ازا وصل ع قلبا
كنان:لووورااا💔قومي مشان الله وربي ماعد زعلك ولا بتجاهلك قومي واصحي
دمعو عيون تيم وضما وهوي عشوي رح بكي
علي:مو وقت البكى لازم نتصرف
مسحو دموعن وحملا تيم ودخلو علمختبر
علي:حطا علتخت.
حطوا عسرير وهنن واقفين بيطلو ع ايدا وكيف عم يمشي شوي شوي وبشكل واضح
علي بتوتر:عم يمشي لازم نوقفو
تيم:ياربييي شو لازم نعمل
عبادة:نحنا اجينا وكل الناس طلعناهن بس... شبا لورا
علي بحزن:لورا رح تتحول هاد فيروس بايدا ومابعرف وينا فرح
عبادة بصدمة:تتحول كييف فرح وراي هلق بتجي هي والشباب والبنات
اجو دفعة كبيرة من الشباب وصبايا ووقفو ودخلت فرح ويامن اطلعو ب لورا كيف متصطحة والكل حوليها
يامن باستغراب:شبكن هيك واقفين
سعد ببكى:يامن لورا رح تتحول في شي ببايدا عم بمشي بسرعة
فرح بصدمة:شوو😳
قربو منها وشافو ايدا كيف سودا كلياتا ومورمة
فرح:هي هي هاد فيروس من ايمتا
علي:من زمان هلق مو وقت الحكي شو لازم نعمل
فرح بخوف:مابعرف مابعمري شفت هيك شي والرئيس ماكان يعلمنا كيف نعالج بس كيف بنقاتل وعلسلاحتيم بكسرة:ازا صرلا شي بموت💔
مازن:اهدئ رح تكون منيحة
كانو الشباب والبنات واقفين وبيطلعو قربت بنت من بيناتن ودخلت لجوا
-انا اسمي ريم وبكون دكتورة شبا البنت
مازن بخوف:مابعرف شوفيها
قربت ريم من لورا واطلعت بايدها وهي بتفحصها بعيونا انتبهت علشي يلي بيمشي عمهلو وعشوي رح يوصل كتفا
ريم:هاد فيروس بس كيف صار معا هيك
مازن:مو وقت نقلك فيكي تساعديها
ريم بهدوء:اي فيني بس ازا غلطت غلطة رح تموت.
تيم برجاء:مشان الله اتصرفي قبل ليصير فيها شي.
ريم:لمشكلة لساعتني ماني متخرجة انا طالبة ازا غلطت. رح..
مازن:مادخلتي هي المهنة. لحتى بس تتخرجي تكوني طبيبة الطب بقلبك. ورح تساعديها انتي بارادتك وشطارتك رح تقدري بس انتي وسقي بحالك
اطلعت فيه واخدت نفس واطلعت بفرح
ريم:لازمني كتير غراض وهلق فورا
فرح:شو لازمك عسريع بنجيبو
ريم:بدي سحابات ابر وبدي كفوف وبدي كمان مقص بخاف اعتازو ومطاطة بتكون قوية وجيبولي ابرا **** وبس
عباذة:امشي ندور
ركدو عبادة وفرح ولحقن كنان والكل مشي باتجاه ليدورو علغراض وهي وقفت قدام الادوية يلي عطرف
ريم بتفكير:مستحيل افشل انا رح ساعدا
اخدت ابر وطلعت الكل لبرا وقعدت ناطرا يجو مرق ربع ساعة وجابولا لغراض كلن وسكرت الباب والتفتت عليها
ريم بقلبا:مابعرفك ولاول مرا رح ساوي هيك بس وعد رح حاول كل جهدي
عبت ابرا وقربت ضربتا عند كتفا بلمكان يلي قرب يوصلو الفيروس وجابت المطاطة وشدتا ع ايدا بكل قوة وفتحت سحاب ابرا وشكتو بايدا وهي مدققة بكل تفصيل بتساويه صارت بتسحب دم اسود من ايدا بهدوء وتحطو بقنينة دوا. كبيرة. الكل واقف برا عم يطلعو كيف عم تسحب دم وخايفين
فرح بخوف:ياربي تكون منيحة ياربي ياربي 💔
علي ضمها:اهدي قلبي مارح يصرلا شي
ــــٓــــــٓــــــٓــ
ريم بهمس:ياربي مابكون غلطت.
صار الشي الاسود يقل وهي بتسحب وتحط بلقنينة لوصل عند كوعا وربطت المطاطة وطلعت لعندن
ريم:مابعرف زمرة دما بس لازما دم لاني عم بسحب الدم من ايدا وهاد كلو ازا قرب من قلبا بصير شي مو منيح لهيك مين بيعرف زمرة دما
اطلعو كلن بتيم وهوي صافن بل ارض غمض عيونو وهوي عم يحاول يتزكر
تيم بهمس:ياربيي انا متاكد اني بعرف متاكد
تيم بصوت عالي:اي تزكرت زمرة دما Aسلبي
ريم:مين منكن زمرة دمو هيك
الكل اطلع ببعض.
سعد:انا مابعرف
فرح:انا انا زمرة دمي هيك
ريم:تعي معي لازم اسحب دم منك لايدا مشان مابصيبا شي. بس لازمني. ابرا سيروم والخرطوم لزغير يلي معو
عباذة:شفت سيروم فوق رح جيبو
راح جابو وقعدت فرح وهي خايفة قربت ريم شكت الابرا بايدا وبلشت تسحب دم بكيس السيروم. بعد شوي قامت. فرح وعلي ساندا والكل طلع لبرا
علي بخوف:انتي منيحة
فرح:اي اي لا تخاف
ــــٓــــــٓــ
ريم:وهلق بلش الجد
حطت الابرا فوق كوعا ولزقتا بلزيقة وبلشت تسحب دم اسود والدم يلي بلكيس تبع السيروم بياخد مطرحو. لصار الاسود بس بكفا. شكت السحاب بكفا وصارت تسحب عمهلا لرجعت ايدا طبيعية. وضربتا ابرا بايدا وبعدت
ريم:بتمنى مابكون غلطت بشي
راحت لعندن
تيم بقلق:كيفا شو صار تحسنت
ريم:اي عملت يلي عليي والباقي ع رب العالمين
كنان:يعني رح تكون منيحة
ريم:بنقول ان شاء الله انا يلي عملتو مافي ولا دكتور عملو وهلشي خطير اخترت هلطريقة. لان مافي غيرا بخاف ايدا تنشل او طريقتي غلط
مازن:انا واسق بعلاجك ومتاكد رح تكون منيحة باذن الله
ريم:...
الكل قعد بمكانو وريم كل شوي تفوت لعندا وتطمن ع ايدا سحبت السيروم وقعدو ناطرينا تصحئ.
بعد تلت ساعات///
فتحت عيونا والرؤية مغبشة رفعت ايدا بثقل وهي دايخة اطلعت حوليها شافت حالا عسرير بلمختبر والكل قاعد
لورا بتعب:فرحح
سمعو صوتا وركدو لعندا كلن
تيم بخوف:انتي منيحة شو حاسة ايدك بتوجعك
ريم:فيكي تحركيا
لورا بارهاق:انا منيحة. مين انتي
ريم:انا طلعت من ايدك الفيروس بكون دكتورة تقريبا هلق فيكي تحركي ايدك
رفعت ايدا واصابعا مخشبين حاولت تحركا ماكانت قدرانة
ريم:حركي اصبعتك
صارت تشد ع ايدا لتحركو تنين من اصابعا
لورا بوجع:حاسة فوقا جبل بتوجعني
ريم:مو مشكلة بتطيب حاسة بوجع بمكان تاني
لورا:لا بس ايدي وكتفي
اطلعت بتيم وهوي صافن فيها ومازن وعلي وفرح. كلن بيطلعو وساكتين
لورا:اسفة. 😔
الكل:...
لورا:ماقصدي خبي عليكن بس ماتوقعت وصل لهون فكرت رح يضل يمشي عمهلو وانا عندي وقت لنرجع كرم وبعدين بتعالج وكنت بدي وقفو ليصير عندي وقت اكبر واكبر بس ربطتي لايدي خربت كلشي💔
ريم:مو مشكلة انتي انتبهي عحالك وضلي مرتاحة
لورا:ماشي
قرب تيم وضما بحزن وخوف
لورا:ماقصدي تيم والله
تيم بحب:مو مشكلة خلص هلق انتي منيحة وكلشي تمام
باسا من راسا وهي ضاممتو ومبتسمة
لورا:لهلق نحنا هون ليش ماطلعتوعلي:مو مرضتي وريم ساعدتك كنتي تعبانة وقلنا بننطرك لترتاحي
لورا:شكرا الك انا بكون لورا
ريم بابتسامة:اهلين لورا وانا ريم
ابتسمتلا ورفعت نظرا لتشوفو بيطلع فيها بس نظرات كلا خوف وقلق ابتسمت بخفة.
لورا:شو استاز كنان خفت علي
كنان:كلنا خفنا عليكي كيف صرتي
لورا:منيحة
علي:وهلق لازم نطلع من هون بس كيف
زيد:ازا في طيارة فينا نروح فيها
يامن:رح روح شوف
راح يامن عصطح المشفى واطلع كان في طيارة مروحية نزل لعندن وخبرن
زيد:انا وارثر رح نتصرف فيها لازم ناخد دفعة اول شي لان كلنا مابتوسعنا
يامن:فيها تحمل 20 شخص
زيد:اي فيا. لكن يلا انقسمو
فرح:هلق خدن لعند الرئيس ع بر الامان ومن هنيك بعدين الكل بيرجع عبيتو
علي
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```