الفصل 3
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵* *المتحولون.tt* 💙🖇️
*❴🔢❵☟الـــبـــــــــــ❴3️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
لورا بضحكة:ههههه😹
ابتسم مازن وهوي سامع ضحكتا والكل مشي وفاتو بلغابة كنان اول شي وكلن وراه
بعد ساعة//
سعد:سامع صوت انا 🙄
ارثر:انا ايضاً
سعد:معقول ديب 😰
كنان بهدوء:لا مو ديب امشو ولا تطلعو وراكن
مشيو وشافو كوخ جنب شجرة كبيرة
كنان:رح فوت شوفيه وبجي
مازن:جاي معك
كرم:وانا معكن
علي:وانا
فاتولجوا والكل واقف ناطرينن مرق ربع ساعة ومارجعو
سعد بخوف:انا خايف حاسسني قلبي في شي ملاحقنا
محمد بلع ريقو:سعد لا تخوفني وسكوت
سعد:ماعم خوفك في شي متاكد
كلن وقفو وهنن بيطلعو. حوليهن والشجر كثيف مو باين عليهن شي
لورا:في شي هنيك
زيد:وقفو جنب الكوخ ولا تبعدو
الكل وقف وهنن ميتين رعبة
لورا برعب:لك في شي هنييك
سعد:خلونا نفوت بلكوخ
زيد:لا تتحركو هلق بيجو
عبادة:وينن هدول ما اجو
سعد:اووف منك مابنعرف والله خايف انا
لورا بقلبا:شو هداك الشي متاكدة لازم شوف هلشي شو
مشيت خطوتين جنب الشجرة
زيد:تعي لهون لا تبعدي
لورا:ماني مبعدة بس بدي شوف هلشي
قربت علشجرة من الطرف التاني وشافت شي عالق فيها والعشب اكلو اكل
لورا بهمس:شخص
مدت ايدا وبعدت. العشب ليبان راس شخص صارت تبعد العشب عنو لطلع شخص كامل بس وشو غريب ومخيف
لورا:تعو شوفة لقيت حدا
فتح عينو الشخص واطلع فيها وصار يشم متل الكلب ووقف بثواني وهجم عليها
لورا بصريخ:بعددد عنييي ساعدونيييي
ركد ارثر وعبادة لعندا والشي فوقا وبدو ياكلا وهي ساندتو ضربو عبادة بغصن شجرة. والتفت عليه والشخص وهجم على عبادة
سعد برعب:خلونا نفووت نناديلن
ركدو محمد وسعد وزيد لينادولن ويامن قرب وصار يبعد الشي عن عبادة
يامن بصريخ:ياواااطي بعددد عنو
مسكو من رقبتو وصار يرجعو والشي بيناتن ماسك عبادة وبدو ياكلو من رقبتو
عبادة بغضب:حقييير
مسك اديه لتنين وعكسن وطقو والشي بصرخ بصوات مخيفة
لورا بهمس:معقول هاد ماشية عليه التجربة
مسكو يامن من رقبتو وفتلا وصار راسو باديه وجسمو صار بل ارض
ارثر:ماهذاا يا الهيي انه وحش
زتو لراس الشخص وبهل اثناء بيطلعو. كنان ويلي معو
مازن بخوف:شو صارر
يامن بهدوء:مابعرف هاد الشي هجم ع لورا ومتل مو شايف قتلناه
كرم:صرلكن شي
عبادة:لا بس كان رح ياكلنا🙂
اطلع كنان بلورا يلي واقفة وصافنة بجسم الشخص وعم تفكر قرب ووقف قداما
كنان:لا تطلعي
لورا:هاد شخص بس كيف كان بدو ياكلنا معقول متحول
كنان:مابعرف
مازن:لازم نرجع مالقينا شي جوا
مشيو ورجعو جنب القارب وقعدو بتعب
اطلعت ع ايدا شافت نص كفا صاير بخوف وتقول عم تحترق
لورا بقلبا:شو رح يصير لازم نطلع بسرعة من هون
سعد:انا ماعد ضل هون لو بتخرب الدنيا خلونا نروح هلق
زيد:اي وانا بقول هيك
كنان:ازا رحنا مارح نلاقي شي ساعات ويمكن ايام وما اكلتو شي
محمد:هداك الشي كان بدو يقتلنا وانت مفكر نضل هون مستحيل
اطلع عليه كنان وهوي عابس ومحمد سكت وقلبو بيرجف قرب علي من لورا وحكا
علي بهمس:فرجيني ايدك
عطتو ايدا وهي ساكتة. صار يتامل ايدا وتركا
علي:انتي دكتورة بتعرفي شو هلشي
لورا:لا
علي:عكلن لازمك علاج هاد عم يكبر
لورا:لا تقلن مشان مايخافو وبس نطلع بعالجو
علي:مرات بشوف فيكي اختي لزغيرة
لورا بابتسامة:اعتبرني اختك ازا هلشي بريحك
علي:اول ما شفناكي كنا كرهانينك وبدنا نقتلك بتسدقي
لورا بضحكة:اي بسدق شي صار وانتهى
زيد:يعني رح ننام هون
مازن:مافي غير هلحل
يامن:بنضل هون بس لازم نجهز حالنا بكرا لازم ندور عشي يتاكل لنضل بقوتنا ازا ضلينا بلا اكل بنموت
كنان:انا رايح دور عشي خليكن هون
مازن:دير بالك عحالك
مشي وراح بلغابة ولورا بتطلع فيه
سعد:هلكنان كتير طيب مسكين كيف شكلو هيك
مازن:بس نطلع لورا بتعالجو مو هيك لورا
لورا:اي طبعا بس خلونا نطلع
محمد:شكلو بخوف كتير 😰
لورا بقلبا:ياترا وينو تيم وشو صار فيه معقول ماحطوه بلغابة. لوين اخدوه ياريت فيني للاقيه وبقلو ماقصدي اعمل هيك وكنت بدي خلصو من هلشغل وابعدو عن الخطر
مرق ساعات وصار العصر وكنان مارجع
مازن:ليش لهلق مارجع
زيد:بجوز هجم عليه شي وقتلو
لورا:لا مابظن هلق بيجي
شوي واجا كنان وهوي حاطط بورقة شجر كبييرة. ومعبئ موز حطن بل ارض وهوي ساكت
سعد بفرح:ياااي
قعدو كلن وصارو ياكلو وكنان قعد جنب المي وهوي ساكت قامت لورا اخدت كم موزة وقعدت جنبو
لورا:خود
كنان:...
لورا:شبك
كنان:ولا شي
اطلعت على ايدو لقيتا مجروحة والدم بسيل منها
لورا:كيف نجرحت
كنان: ....
مسكت ايدو وهي بتطلع بلجرح
لورا:قرب
قربتو من المي وصارت تغسل الدم وهوي ساكت وبيطلع فيها مسكت كنزتا من جوا وشقتا وربطتلو الجرح
لورا:عم يوجعك
كنان:لا
سكتت وهوي بيطلع علبحر وقامت حطت الموز عورقة الشجر وقعدو كلن وهنن تعبانين لصار المسا والقمر الوحيد يلي مضوي عتمتنزيد:مو جايني النوم
علي:ولا انا
سعد:بتعرفو
الكل:...
سعد:لك سالوني شو 🧐
الكل:شو
سعد:مشتاق لستي
زيدبضحكة:ستك ليش لسا عايشة😹
سعد:اي مافيها علة انا عايش عندا اهلي ميتين من زمان
زيد:كيف ماتو
سعد:مابعرف بتضل تقلي انو ماتو وماتحكيلي كيف
الكل:...
سعد:مين عندو اهل
ارثر:انا لدي عائلة لكن لا يهتمون بي
سعد:ليش
ارثر:لا اعلم اشتاق لهم كثيراً
سعد:لا تشتاق لحدا مابدو ياك
ارثر:لقد كانو يصرخون بوجهي طوال اليوم وكنت عندما احزن ابتعد ولكن اين المفر يعلمون انني لا استطيع على فراقهم
سعد:لو كنت مكانك ماعتبرتن اهلي بنوب
زيد:الاهل شي مافيك تبعد عنو انا عشت بميتم ومابعرف اهلي مين
سعد:مزون انت ماعندك اهل
مازن بهدوء:لا
سعد:وينن
مازن:مابعرف
سعد:طيب وين كنت عايش
مازن:مع مرتي
الكل:😳😳😳
سعد بصدمة:انت متزوج😳
مازن:اي كنت
سعد:ماكنا نعرف ووينا مرتك
مازن:توفت
زيد:الله يرحما كيف
مازن بهدوء:انقتلت قدامي
سعد:ياحرام مين عمل هيك
مازن:ماعبالي افتح هلموضوع سكرو عليه
الكل:...
///تاني يوم((((
سعد:عسريع خلونا نمشي
مازن:جيبو الموز بلكي عتزناه
لورا:اكيد مارح نخليهن لنموت من الجوع
ركبو بلقارب وضلو يمشو بلبحر وماكان في شي وماعد يعرفو وين يروحو
كنان:كلو مي وين بدي اتوجه
سعد:ضعنا
كنان:اي كانو
مازن:امشي عكس جهة الشمس
يتبع...
الجزء الثالث
~الكاتبة:فاطمة الزهراء~
مشي كنان بلقارب وضل ساعات وهنن بهل قارب ومو عرفانين وين يروحو
لورا:ياربي ووين صرنا
مد ايدو عبادة بلمي وشاف انو رايحين مع المي
عبادة:لازم نمشي عكس المي دائما
مازن:هيك لازم نمشي مع المي لان ازا رحنا عكس رح نطول
عبادة:ازا مشيت مع المي رح تروح بلشلالات
مازن:مافي شلالات هون وينن
عبادة:تصطفلو
مشي كنان بلقارب لشافو ضباب كبييير قدامن
سعد:ازا فتنا فيه مستحيل نعيش
زيد:وانا بتفق معو رح نموت.
مازن:اي صح وقربنا منو كتير لازم نلف ونرجع
صار كنان يجرف بلعكس وماكان يتحرك القارب وماشي باتجاه الضباب
كنان:ماعم اقدر لف بلقارب في شي عم يسحبنا
لورا بخوف:شو هوي
عبادة بهدوء:الشلال
سعد بصدمة:يعني رح نموووت 😳
محمد برعب:ياربي احميني كلو منك مازن قاللك عبادة انو رح يصير هيك وانت ماسمعت منو 😭
مازن بنفرزة:وانا شو عرفني انو في شلالات هون ماكان في غير المي
محمد:ازا متت خطيتي برقبتك 😭
سعد:حاج تنوح متل النسوان لازم نلف باي طريقة
قربو من الضباب والمي عم تسحبن وهنن بحاولو يلفو وماكانو يقدرو
سعد بصريخ:لك رح نوووقععععع
محمد:ياااااا اللللللله
قربو من الضباب وراحو واقعين من فوق الشلال هنن والقارب
الكل صار بصرخ ووقفت قلوبن وخبطو بلمي وماضللن حس
سعد بصريخ:ساعدوني ساعدوني مابعرف اسبح
قرب منو علي وهوي عم يسبح ومسكو ورفعو وطلعو علحجر
سعد برعب:مامتناا وربي مامتنا 😯😯
علي:وينن ماضل حدا باين
سعد بصوت عالي:لوووورااااا مازززن كرمممم ارثر وينكن
شافو زيد وعبادة عم يطلعو من البحر علحجر وعم ياخدو نفس
زيد بتعب:وين الكل
سعد بصريخ:نحنا هون وين كنان ومازن وكرم
زيد:كررررممم
صارو يصرخو وشافو مازن بيطلع وبعدو كرم وارثر
مازن بارهاق:وين كنان ويامن
سعد:ماطلعو وحتئ لورا ماطلعت معقول ماتو
-لا مامتت
انتفض سعد وشاف فوقو يامن واقف بهدوء
سعد بفرح:يمون عايش وين لورا شفتا
يامن:لا ماشفت حدا. وينو محمد
مازن:محمددد وينك محمدددد انا رح فوت دور بلمي
غاص مازن ولحقو كرم ويامن وهنن بيسبحو وبدورو ازا في حدا شافو كرم وسحبو. لفوق وطلعو لبرا كان غرقان وشفافو زرق
كرم بخوف:محمد فيق محمدد
طلعو كلن وقربو ع محمد وصارو يحاولو يطلعو المي قلبوه عبطنو وصار يسعل وياخد نفس وعشوي رح يموت
محمد:كككححح كحح كحح
مازن:شوي شوي انت منيح
هز راسو ب لا وهوي بيسعل. بقوة وعيونو مدمعة
كرم:تنفس عمهلك اضبط نفسك شوي
محمد بتعب:كنت رح موت مابعرف اسبح انا
مازن:ماصابك شي الحمدلله
تصطح وصار يرتاح وهنن وقفو عم يطلعو حوليهن ليشوفو لورا وكنان بس ماكان الهن اثر
سعد بحزن:وينن💔
مازن:هلق بيطلعو ماصابن شي
ــــٓــــــٓــــــٓــــــٓــ.
كان عم يصحيا وهيي كل جسما مجرح وشفافا مزرقين
كنان:ليكي قومي هييي قومي لا تموتي.
صار يهزا بقوة. ومو عرفان شو يعمل اطلع ع تما واخد نفس ومسك تما وصار يعملا تنفس اصطناعي وماكان يفيد. قلبا ع بطنا وهي صارت تنزل من تما المي وتسعل بقوة قعدا وهي تسعل
كنان:اتنفسي منيح لا تسعلي كتير بينجرح حلقك
لورا بتعب:شو صار
كنان:ماصار شي بس وقعنا من فوق
تصطحت عل ارض وهي فارطة من التعب وكل جسما بينزف.
كنان:هيي اصحي ليش نمتي هيي قومي
كانت غميانة وهوي حملا بين اديه واجا ليمشي اطلع ع رقبتا شاف جرح كبير عم ينزف بلع ريقو ومشي شوي ووقف حطا عل ارض وبعد عنا
كنان:سيطر عحالك بعد عنا خلص
قعد بعيد وهوي بيطلع عرقبتا بنظرات غريبة وقرب بهدوء ورفعا لعندو انقضى عرقبتا بقوة وهي مو حاسة وعم يمنع حالو ومو قادر
-طيب شو اسمك
-حاج تتقاوا ع بنت
-تركني ياحيوان
-جرب وقلي ازا طيبلاح ببالو طيفا وضحكتا وهوي غارز سنانو برقبتا وعم يسيطر عحالو.
كنان بقلبو:لا تعملا لا تعملا انت مانك هيك
دمعت عينو وهوي مو قادر يبعد قام وهوي كازز ع سنانو واطلع برقبتا كانو معلمين سنانو بشكل كبير وعم تنزف
كنان بهمس:مو بايدي سامحيني
بعد عنا وراح يمشي لبعيد وقعد وهوي براقبا
بعد نص ساعة
فاقت وكل جسما بوجعا اطلعت ع ايدا كان الشي بكفا صاير كبير شدت ع قبضة ايدا واطلعت حوليها شافتو قاعد وبيطلع فيها نظرات غريبة قامت لعندو وهي بتعرج وقعدت قدامو
لورا:وينن
كنان بهدوء:مابعرف
لورا:ااخ كل جسمي بيوجعني
كنان:...
لورا بالم:رقبتي حاسستا رح تنقطع
سكت واطلع ع رقبتا وهوي شايف مكان سنانو معلمين وزاح نظرو عنها وهوي حاسس بشعور غريب
لورا:دورت عليهن ليكون صابن شي
كنان:لا مادورت
قامت بتعب وهوي براقبا بهدوء
لورا:امشي خلينا ندور
قام وهي مشيت وشافت الدم عتيابا وع اجريها واديها
لورا:ستنئ بدي غسل اديي
راحت علمي وغسلت وشا واديها وحطت مي عرقبتا
لورا بوجع:اااخ
صارت تغسلا ووقفت جنبو وهوي بيطلع عرقبتا كيف رجعت تنزف بلع ريقو ومشي قداما
لورا:معقول صابن شي
كنان:...
لورا:نحنا وين هلق
كنان:...
لورا:ليش ماعم ترد عليي
كنان:...
لورا بعصبية:كنااان شبك
رجع لعندا بعصبية ومسكا من دقنا بقوة وهوي معصب
كنان:قلتلك من قبل صوتك يزعجني كتير سكتي بكفي تحكي
لورا بوجع:تركني عم توجعني
كنان:بلعي لسانك وحاج تسمعيني هلصوت. كلشي فيكي زاعجني
اطلع بعيونا وهي واقفة بين اديه وعيونا مدمعة اجت عينو ع رقبتا وشافا كيف مورمة ونازفة
كنان بغضب:غسلي
لورا بوجع:شو
كنان بصوت عالي:غسلي رقبتك
نتر وشا وهي حطت ايدا ع رقبتا وشافت دم بايدا اطلعت فيه بوجع وراحت غسلت رقبتا ورجعت
لورا:...
كنان:...
لورا بعيون مدمعة:ماكنت شايفتا
كنان بغضب مكتوم:مابسيطر عحالي قلتلك من قبل انتبهي
لورا بحزن:خلص ماصار شي.
كنان:مبلا صار كنت رح اقتلك من شوي
لورا:...
كنان بعصبية:كنتي بين اديي ورقبتك كلا دم ماعد اقدر سيطر عحالي كنت رح موتك فهمااانةةة
عيونو صارو بخوفو وهي بتطلع فيه وخايفة تحكي حطت ايدا عرقبتا وشافتا لسا بتنزف اطلعت فيه كيف صافن بايدا يلي معباية دم وخبتا ورا ضهرا
لورا:اسفة
كنان:...
لورا:رح غسل
راحت غسلت وهي كاتمة دموعا من الوجع وكل جروحا عم تحرقا وهوي واقف وصافن فيها. رفعت كنزتا وصارت تمسح رقبتا وبانت عليه بطنا وهوي صافن فيها. قربت لعندو وهي خايفة
لورا:مشي الحال
مشي قداما وهي وراه وكل شوي بتمسح رقبتا من الدم وكنزتا صارت حمرا
لورا بصوت عالي:سعدددد زيييد وينكن
ــــٓــــــٓــــــٓــــــٓــ.
مازن:لوووورااا وينكك كناان
كرم:كناااااننن
كانو عم يمشو وسمعو صوتا وهي بتعيط
سعد بفرح:هاد مو صوتا
ركدو كلن وشافوهن جايين. وهي شافتن وقربت انتبهو ع كنزتا كيف معباية دم
سعد بخوف:شو صاير معك ليش هيك كنزتك كلا دم
لورا:مافي شي نجرحت بس
مازن:فكرنا صابكن شي
كمان:لا
زيد:وهلق كلنا هون شو نعمل وين نروح
محمد:القارب ماباين وينو اكيد تكسر
علي:شفتو انا مكسور علحجر
ارثر:يالا حظنا السيء وماذا سنفعل الان
سعد:بنشوف هلغابة. شو هيي واينا وحش رح نلاقي وبس 🙂
عبادة:باينتا غابة موحشة بس الشجر مانو يابس يعني بجوز نلاقي فيها شجر وشي فواكه ناكل
يامن بهدوء:معو حق خلونا نمشي
مشيو بلغابة وهنن بيطلعو علشجر يلي مابيعرفوه شو هوي. كانو بيمشو ورا بعض لوقت ماسمعو صوت سعد وهوي بيحكي
سعد:ليكو هنيك في بيت 🤩🤩🤩
محمد:ياااي واخيرا
ركدو محمد وسعد علبيت وهنن لحقوهن
مازن:انتبهو لايكون في شي بلبيت
محمد:لك شو بدو يكون باينتو مهجور
سعد:ولانو مهجور لازم نخاف بس هلبيت شو عم يعمل بلغابة هي
زيد:بكون عم يرقص 😑🙄يعني ااكيد حدا كان هون وبجوز في ناس تانين
سعد:كنون يلا حبيب فوت اول شي انت القوي 😁😁
فتحو الباب يلي كان بضربة رح ينكسر دخلو كان بيت عادي كبير وكلو غبرا ومهجور كلن عم يطلعو ليشوفو شو فيه هلبيت
كنان:في صوت
سعد:اي والله في صوت معقول في ناس هون
كنان:رح شوف
لحق مصدر الصوت عوحدة من الغرف وفتح الباب شوي شوي ووراه الكل بيطلعو
الكل: 😳😳😳😳😳😳😳
محمد بجنون:لا لا لااا😳😳😳😳
رجع لورا وبلش يستفرغ من هول المنظر يلي قدامن
لورا كانت بتطلع وحطت ايدا عتما وهي مصعوقة وسعد مصدوم كان في شخص عم ياكل شخص تاني وكان فاتح بطنو وعم ياكل اعضائو
يامن بصدمة:شو هاد
مازن:خلونا نطلع فورا
اجا كنان ليسكر الباب وانتبه الشخص عليهن وزت من ايدو وركد عليهن وهوي بيطالع اصوات غريبة
محمد برعب:زومبي متاكد هاد زومبي مشان الله مسكوني رح مووت
سكر الباب كنان. وقفلو والشخص بيضرب بكل قوة واصوات متل الحيوانات بطالع. والكل واقف ومصدومينلورا بخوف:لااازمم نطللععع
انهارت بل ارض ومنظر كيف كان بياكل من بطنو مابروح من راسا
كرم:اهدي وقومي
لورا برجفة:كك ككان عم يا..
كنان قاطعها:ماكان بيعمل شي وانسي شو شفتي خلينا نطلع
عبادة:انا بقول نضل بهاد البيت. لبكرا ازا طلعنا لوين بنروح عل اقل هون في غرف.
مازن:عبادة معو حق
سعد: عبادة لما بتقرر تحكي بكون الوقت مو مناسب بدك نضل هون وهلشي موجود مستحيييل
محمد:انا مابضل لك سامعين كيف عم يخبط علباب ورح يكسرو رح يقتلنا وبجوز في اكتر
مازن:بنضل بغرفة وحدة مع بعض ونقفل لازم نقضي هليلة هون مجبورين
يامن:اول شي نتفقد المكان
كرم:امشو
مشيو كلن وصارو يفتحو غرفة غرفة وبسكروها لفاتو علمطبخ وشافو البراد معفن فيه الاكل
سعد:ليكو في معلبات
زيد:كتيير منيح جيب كلشي
اخدو طنجرة وصارو يحطو المعلبات ولورا بتطلع علمطبخ بتمعن لشافت سكاكين كتار اطلعت فيهن كيف ملتهين. جابت قماشة من الارض وشدتا ع اجرا اليمين وحطت السكاكين لزغار كلن بشكل دائري والكبار ع خصرا
علي باستغراب:شو عم تعملي
لورا:عم اخد شي لنحمي حالنا فيه
علي:عطيني تنين
عطتو تنين وخباهن وطلعو من المطبخ
زيد:هي الغرفة بابا قوي خللونا نفوت هون
فاتو كلن ع غرفة كبيرة وقفلو الباب وقعدو بل ارض
سعد باستغراب:لوري شو هاد يلي ع اجرك
لورا:سكاكين
سعد بصدمة:بدك تقتلينا😳
لورا:لا جبتن لاحمي حالي فيهن بلكي شفنا شي عطريقنا
سعد:مممم
محمد:شو يلي شفناه من شوي
لورا:...
سعد:وعم ياكل ومبسوط يخربيتو لعبلي نفسي
محمد بحزن:معقول رح نموت💔
زيد:اشبك محمد انت اقوا واحد فينا بضربة ممكن تهد الحيط وخايف شبك يازلمة ولو
محمد:شو فائدة قوة الجسم وبقلبي في خوف كبير مابدي موت 😔
يامن:محدا رح يصيبو شي نحنا رح ننتبه وبلكي نرجع علمدينة. ونشتكي عهدوك الناس وتنتهي هلقصة
عبادة بهدوء:شكلا مارح تنتهي هلشغلة الا بموتنا
يامن:...
لورا:هدول المعلبات مو خربانين
زيد:خليني شوفن
مسك بايدو وحدة وهوي بيطلع بتمعن وماكان شايف التاريخ
زيد:ما الها تاريخ انتهاء
لورا:كلشي االو تاريخ زتلي وحدة
عطاها وحدة وهي بلشت تدقق منيح فيها لشافت تاريخ الانتهاء
لورا:بنقدر ناكلا مابتنتهي صلاحيتا لل2025
فتحت العلبة المرتديلا واخدت سكين من ع اجرا وصارت تاكل بهدوء. والكل بيطلع فيها انتبهت عليهن وحكت
لورا باستغراب:شوفي
سعد:كيف الك نفس تاكلي بعد هلشوفة يلي شفناها
لورا:شو بعمل مابموت من جوعي مشان هلشي
محمد:كل مابتزكر كيف كان بياكل بتلعب نفسي يععع
سعد:انا بوقف شعر بدني وقت اتزكر كيف كان
لورا بقرف:دخيل الله سكتو قرفتوني ماعد بدي
حطت العلبة علطاولة وقامت علتخت قعدت
عبادة:عم يروح الضو وهلق بتعتم. الدنيا لازم نسكر منيح ونام
يامن:تعا معي
قامو وسحبو خزانة قدام الباب وقعدو
سعد:رح نام علتخت انا ومادخلني
لورا:بالله انا رح نام هون
سعد:وانا بدي نام علتخت قومي نزلي عل ارض يلا لشوف
لورا بنفرزة:ماحزرت انت شب فيك تنام عل ارض انا مابتكسر مشانك
مسكا من شعرا وهوي بيجرا لتحت وهيي مسكتو من شعرو وعم تهزو بقوة
لورا بصريخ:تروك شعري ياتافه
سعد بوجع:لك عملتي فيني ارتجاج تركيي شعريي
زيد:😹😹
الكل براقب ومحمد وزيد فارطين من الضحك وارثر بشجع فيهن
ارثر بتشجيع:هيا يالورا اقتلي هذا الشاب الغبي انه مزعج جداً وانا لا احبه
لورا بوجع:تكرم عينك
سعد بالم:ستني ازا مابشيلك شعرك تركيني يااخطبوط ااخ
لورا بعصبية:انا اخطبوط ياوش البقرا تركني عم قلك
زيد:😹😹😹اخ بطني
محمد بضحكة:عندك ياه لروش موتيه😹😹😹كفوو
كان عبادة كاتم ضحكتو ويامن مبتسم وهوي براقب هلمشهد وكنان ومازن وكرم براقبو بصمت
علي:ولاك سعد من كل عقلك عم تضرب بنت بعد عنا
سعد بوجع:لك هي مو بنت هي مشعوذة سااحرةة جنية
لورا بعصبية:انا مشعوذة ياخفاش ياغراب النحس يافارة مشوهة ستنى بفرجيك كيف بتغلط علي
قام علي ومسك سعد عنها وهي بتهز راسو بقوة وماسكتو من شعرو وهوي بجرا من شعرا😹
علي بعصبية:ياحيوان تركا هي بنت وانت جحش زلمة تركا لشوف
سعد:هي بل اول خليها تتركني
لورا:انت تروك شعري وبتركك
سعد:مع بعض خيتو
لورا:موافقة
سعد:1 ..2 ...3 ..
تركو بعض وهي بلشت تزبط شعرا وهوي بيفرك راسو وبيزورا 😹
سعد:برضو رح نام علتخت
لورا بغضب:ماحزرت 😠
الكل:🤦♂🤦♂🤦♂🤦♂
مازن:سعد تعا لهون
سعد:لا مابد..
مازن بعصبية:عم قلك تعا لهون عيب عليك
سعد:هي يلي بلشت
كنان:سكتو في صوت برا
نطو لورا وسعد ومسكو بعض وهنن بيطلعو علباب بخوف انتبه عليهن علي ورفع حاجبو
علي:مو كنتو بتتقاتلو قبل شوي بشوفكن ماسكين بعض. وكانو ماصار شي
لورا وسعد:فعللا ماصار شي 😰
زيد:شو هلصوت
يامن بهدوء:الباب مسكر لا تعملو صوت مشان محدا يحس علينا ازا في حدا براسكتو كلن وبعدين راح الصوت تصطحت لورا علتخت. وسعد بيزور فيها وهي بتضحك
سعد بزعل:اي اي خلوني نام عل ارض معلييش
لورا:😹😹😹😹😹خلص ابو السوس تعا نام هون عطارف التخت
سعد بسعادة:ماشي😻
نط وتصطح عطرف التخت وهي متغطية بلحرام وحست شي ع اجرا بيتحرك رجف قلبا رفعت الحرام لتشوف صرصور ع اجرا
لورا:عاااااااااااااااااااااااااا
صرخت صوت سمعو كل البيت ونطت من التخت وهي بترجف وتتحرك. وتنفض شعرا وكان. حاسة جسما بيمشي فيه الف صرصور
سعد:شبا هي😹في بشعرك قملة يعني
لورا بصريخ:لك صرصور ع اجري كان ع اجريي
سعد. نط وكان جنبا وهوي بينفض تيابو
كرم بعصبية:مشان صرصور اخربتو الدنيا لعماا ولوو
مسك الحرام ورفعو ليطلعو منو شي عشر صراصير وهي واقفة ومصدومة
سعد ولورا:😳😳😳😳
لورا ببكئ:كنت علتخت وفي الف صرصور يااا امييييي 😭😭
قامت وتربعت علطاولة وهي بتبكي وتطلع حوليها
لورا ببكى:والله ماعد نام خلونا نروح
مازن:اووف منكن ولاد
سعد:كلو منك انتي ناديتيلي لنام علنخت 🥺
لورا ببكئ:اه ياحقير مو نتفت شعري لتنام علتخت وهلق بتحط الحق علي تفو عليك
مرقت هليلة نص الشباب نامو عل ارض ولورا قاعدة علطاولة وتطلع حوليها وماغفيت عينها سعد نام بين مازن وكرم وكلن. بكل مكان بل ارض وضل فايق عبادة وكنان ولورا
لورا:بالله عبود في شي حوليي جوا الطاولة
عبادة:لا
لورا:منيح بدي اسالك انت ليش بتضل ساكت وماتحكي غير كم كلمة
عبادة بهدوء:مابحب الحكي الزايد
لورا:مممم
اطلعت ع كنان يلي كان براقبا بصمت وزاحت نظرا عنو وهي متلبكة
عبادة:شو يلي ع رقبتك
لورا:وين
عبادة:شفتو من زمان جرح او عضة
اطلع عبادة ع كنان ولورا وحكا
عبادة:هوي يلي عمل هيك
لورا:لا هي من الوقعة من الشلال انضربت عحجرة وصارت هيك
عبادة: ..
سكتو وعبادة تصطح وغفي. وهي نعست وماتقدر تنزل
كنان:نامي هنيك مافي شي
لورا بنعس:لا مابدي
كنان:خلص انا فايق ومارح يجيكي شي
اطلعت فيه ونزلت عل ارض وفورا نامت من التعب
شرد فيها كيف ملامحا بتجنن وبيضة بس الجروح بكل جسما اطلع برقبتا شاف كيف زرقة ومورمة مكان ماعضا وقرب عليها بهدوء حط ايدو علجرح. وبعد شوي بعد عنها وتصطح
ــــٓــــــٓــــــٓــــــٓــ.
تاني يوم.
مازن:يلا فيقووو خلونا نطلع نشوف شوفي برا
فاقو كلن وقعدو وهنن تعبانين. من نومة الارض
ارثر:انها اسوء ليلة علئ الاطلاق
سعد:معو حق
كرم:وهلق وين نروح
مازن:نطلع نتفقد البيت وازا مافيه شي بنضل
محمد:وهداك الشي
مازن بتفكير:بنتصرف معو او ننهيه
محمد:...
قام يامن وعبادة وحركو الخزانة عن الباب وفتحو شوي شوي وماكان في حدا برا
نزلو علطابق الارضي ودورو بكل مكان ماكان في شي بخوف
محمد:وهلق شو نساوي بهداك الشي
كنان:انا بتصرف معو
مشي كنان والكل وراه وراحو علغرفة كان الوضع هادي ومافي خبط اطلع فيهن وهنن رجعو ل ورا وفتح الباب عمهلو اطلع بلغرفة ماكان في حدا فجأة جهم عليه من ورا الباب الشخص وصار بدو يعضو وكنان ماسكو وعم يحاول يفكلو رقبتو
قرب علي وطلع سكين من خصرو
علي:اسبت مكانك كنان
حاول يسبت ووقفو وقرب علي قطع راس الشي وكنان بيطلع بهدوء
كنان:شكرا علمساعدة
علي:العفو
سكرو الباب وقفلو وراحو. لبرا مشيو حول البيت وكان في بل ارض باب وبودي لتحت
علي:تعو شوفو
قرب الكل وهنن بيطلعو علباب
كنان:رح فوت شوف ازا فيه شي
ارثر:هل انت متاكد
كنان:اي
زيد:بفوت نص وبضل نص برا
سعد:انا بضل برا
لورا:وانا
محمد:وانا
زيد:وانا🙂
مازن:انا وكرم وكنان وعلي فايتين وانتو ضلو برا
عبادة:بدي اجي معكن
ارثر:انا سابقى في الخارج
يامن:بدي روح انا
مازن:بضلو لحالن هدول
سعد:انا وزيد ومحمد ولورا وارثر بنضل مابيجينا شي دام في ضو بس انتو نتبهو عحالكن خدو هاد البيل شفتو بلبيت وجبتو
مازن:ماشي
نزلو من الباب علسلم وراحو ولورا وسعد وزيد ومحمد قعدو جنب الباب وناطرين
ــــٓــــــٓــــــٓــ.
كانو داخلين ومو شايفين شي شغل البيل كرم ومشيو مع بعض. كان مكان كبير قربو كان في ماتور وحوليه اشرطة. وحبال كهربا قرب علي وهوي بيطلع ع صورة بنت حملا وابتسم بخفة قامو. وصارو يطلعو
مازن:بجوز يشتغل هاد ماتور الكهربا خلينا نجرب
علي:انا بعرف بهل شغلات
قرب وكرم بيشعلو بل بيل وصار يشتغل فيه وهنن حوليه
مشي يامن وبعد عنن وهوي بيتفحص المكان ومستغرب
يامن بهمس:ياترا شو هلمكان
قرب من حيط حديد وعليه تياب مغطى شوفي وراه مشي شوي واطلع شاف شوفة مابتسدق رجف قلبو من المنظر كانت مرا معلقة من اديها وشكلا برعب. ومن رقبتا رايح نصا. قرب عليها ورفع راسا فجأة فتحت عيونا وصرخت بوشو لينتفض ويركد لعندن
يامن بخوف:في بنت هيك
مازن:بنت؟وين
يامن وهوي بياخد نفس:كان شكلا مخيف متل هداك الزلمة يلي لقيناه بلبيتعلي:كرم اضربلي هنيك بلضو
اطلع وشغل كبسة ليطلع صوت من الماتور وبيشتغلو الضوا
علي بفرح:اشتغل
كنان:في صوت صراخ
عبادة:لك ركدووووو
اطلعو وراهن وشافو ناس راكدين لعندن انصدمو وصارو يركدو وهنن وراهن
يامن بصريخ:فوت علباب افتحو
علي:مابيفتح خليك راكد
صارو يركدو وهنن بصرخو عبعض ومو شايفين قدامن وفاتو بكردور كلو غرف ووراهن الاشخاص بيركدو واشكالن بتخوف
كرم بعصبية:لك مين هدووول
كنان:لا توقف اركد هلق بيمسكك
ركد كرم يلي كان اخر واحد. ووراه واحد منن بيركد وبدو يمسكو. وصل مازن ع طريق مسدود وعم يحاول يفتح الباب وماكان بيفتح
مازن بصريخ:كناان ماعم يفتح الباب
ركد كنان باقصئ سرعتو ودفش الباب وفاتو وضل كرم
علي بصريخ:استعجللل فوت
كرم:افتااح الباب
ركد بسرعة كبيرة ووقع عند الباب قرب علي وسحبو واجو الاشخاص
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```