الفصل 8
*📚قصص||روايات||منوعة📚*
_*بإدارة 📚قصص||روايات||منوعة📚*_🧡
*❴📖❵اكذوبة حب*
*❴🔢❵الـــبـــــــــــ❴الثامن❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:قناة:*
*📚قصص||روايات||منوعة📚*
*❴📚❵↵القناة:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*https://whatsapp.com/channel/0029VaNMcGuHFxP9VtPQOm2A*
*📚قصص||روايات||منوعة📚*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *يمان سعيد* 🧡
➖➖➖➖➖➖➖➖➖
*❴📝❵↵تـنـسـيـق:قناة:*
*📚قصص||روايات||منوعة📚*
https://whatsapp.com/channel/0029VaNMcGuHFxP9VtPQOm2A
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
📚كتب ||روايات|| منوعة📚:
#أكذوبة_حب_بقلم_نسمات_الليل
الجزء الثامن:
-خالد: ليش انتحررررر ... بس فهمينيييي لييش انتحر .........
برمت بهدوء ورجعت خطواتا لعندو ..... دكت حالا ع شجرة .... واتنهدت ........ ثواني وابتدت تحكي ......
-غالية: في شي عم يدفعني من جوا احكيلك .... ما بعرف شو هوي .... بس رح احكي .... عمار اجا بعد بنت وصبي ... وكان بعدو في بنت وصبي .... الكبير هرب ع بكير واختفى .... وهلأ لما كملك القصة وتتعرف عهالاهل ح تعرف ليه اختار الهروب ....... ربيو هالاولاد مع اب لا مبالي ..... شخصيتو ضعيفة .... وحتى الكلمة اللازمة ما بيحكيها .... وام متسلطة ... بدها تمشي العيلة كلها ع مزاجا ...... لحد ما كبرو البنات واخدو طبع امهن .... تكبرو كتير عالرجال اللي كانت تطلبن ... بين هيدا سمين وهيدا ضعيف .... وغيرو فقير وغيرو بشع ... هاد طويل وهاد قصير .... لحد ما بطّل حدا يدق بابن ...... وحتى تعليمن ما كانو خالصينو ....... فما عاد قدام البنات وامن غير يشتغلو بالناس .... ويتحكمو بعمار واخوه همام ..... وع مشاكل ودلع .... كانت بيئة كتير صعبة عالتأقلم فيها ..... ومشاكل يومية بتخلي الابن ينام برات البيت ايام ....... لحد ما تعرف عليي عمار .... كنت بالنسبة الو الامان والحب والراحة .... كان دايما يقللي انتي مسكني وانتي حياتي .... كان دايما يهرب من اجواءن لعندي ... ليروق .... كان دايما يجي شاحب وتعبان ..... ويفل من عندي البسمة ع وجو ... ويرجع من جديد تاني يوم اسوء من قبل .... ودارت الايام ع ذات الحالة ... والحب بيني وبينو عم يكبر .... وطلبني من اهلي بعد محاولات كتيرة مع اهلو لحد ما اجا ابوه لحالو طلبني بحجة انو امو مريضة ... وللأسف مرقت علينا ... كانت حتى بزواجو بدها تتدخل وتزوجو لبنت اختا ..... وهيك لتزوجنا .... وابتدا الجحيم .... على قال وقيل .... وانا حاول اقتصر المشاكل .... وما احكي ولِت واعجن ..... لحد ما بالاخر صار يطلع الحق عليي من ورا سكوتي .... او بالاحرى ضعفي ... وانا كل الوقت ضعيفة من غير قوة .... لانو سندي ضعيف ..... حتى عالجامعة كنت روح بالزور وبعد مليون كلمة واهانة ... الجامعة اللي بيي استمر بدفع اقساطا حتى بعد زواجي .... وكان دايما يعطيني مصاري ... واشترينا انا وعمار سيارة النص بالنص .... وسجلها بإسمي .... وكل ما يشوفوني اهلو سايقتا يجن جنانن ..... كل ما روح ع جامعتي اسمع بهادل ...... لحد ما وصلت لمرحلة وعمار انقلب ١٨٠ درجة ..... من الضغط والكبت اللي بداخلو صار دايما عصبي .... ووصل بمرحلة الضرب .... ويشكك فيي لما يسمع اختو عم تلفق حكي عليي انها شافتني مع فلان وعلّان .... صار يدخن ويُسكر .... وكل سيجارة يطفيها بخصري ..... ووقتا انا كان خلص طفح الكيل بعد محاولاتي الكتيرة الفاشلة بإني صلح هالعلاقة ..... هالعلاقة اللي من الاساس كانت غلط بغلط .... اللي اساسا ما الها اسم .... بتعرف ليه ؟؟!! ... ولأول مرة ح قولا .... وبحلفلك انو ما حدا بيعرف باللي ح قولو حتى صديقتي المقربةةة وحتى اهلي .... ولا اي حدا بهالكون بيعرف غيري وغير عمار .... ودفنت معو هالسر كرمال احفظ كرامتو .........................
-خالد: ليه سكتي ...... عم اسمع ...........
غمضت غالية عيونا واخدت نفس طويل ...... وقعدت عالارض ........ رجعت اطلعت بعيون خالد المتسائلة لتعرف الحقيقة المجهولة .......
-غالية: ما فيي احكي ... ضميري ح يضل يوجعني اذا حكيت ........ هالسر رح يندفن معي ............. بس رح كمل القصة ...........
سكتت شوي .... وهوي ما حب انو يأصر ليعرف السر كرمال يسمع باقي القصة بدون ما تجن وتقرر تروح .... تركها تحكي وبراسو انو بعدين بيضغط عليها ليعرف هالسر .....
-غالية: بوقتا انا ما عاد اتحملت اكتر ... وطلبت الطلاق واكيد رفض ... ووصلت بيناتنا للمحاكم ..... كان بحبني بشكل مش طبيعي بس مش قادر يحافظ عليي ولا يحسسني بالامان .... ولا قادر انو يحط حد لاهلو .... كان اضعف مما بتتخايل .......... بوقتا ما بخفي عليك ذليتو كتيير ..... بس بالاخر لما ضل مُصر ع عدم الطلاق هددتو افشي هالسر .... مع انو كان مستحيل افشيه بس كان مجرد تهديد .... ونجح .... وبوقتا طلق دغري ...... واهلو تفاجأو كيف بهالسرعة طلق ... لانو من الاساس ما عاشو معنا تفاصيل المحاكم ومشاكلنا ...... وبدل ما هوي يزتلي مهري ..... مع انو ما بحقلي كوني انا اللي طلبت الطلاق .... بس انا للي زتيتلو مصاري ..... بيوم الطلاق تخانق مع اختو هلا ووصلت لحدها وما عاد حكو سوا ...... وعلا اختو التانية صارت تتصل فيني وتسمعني حكي طالع نازل ... وانا قلن تركتلكن ياه شو بعد بدكن ....... كانت حرقة بقلبا كيف اخدت السيارة .... ولريح حالي ..... حملت حالي ورحت لعندن .... كان قاعد عمار مع علا ..... حملت كمية مصاري بقيمة حق السيارة كلها .... وزتيتن بوجو .... وقلتلو هاد حق السيارة لحتى ما ضل تقول سيارتي ...... واخدتا غالية مني ..... كان بدو يحكي شي .... ما سمحتلو ....
ومشيت .......... وما عاد شفتو لحد ما انتحر ....... انتحر بسبب المشاكل بينو وبين اهلو .... ولانو قبل بيومين خسر شغلو وقلعو المعلم تبعو .... حس حالو بلا اهل وخسر مرتو وخسر شغلو .... وهاداك السر كان كابت ع نفسو .... فحس حياتو بلا قيمة ..... وانتحر .... هاد تحليلي اكيد ........ بوقتا كل الكره اتجاهو اختفى ورحت منهارة عالمستشفى ..... بالنهاية كنت حبو بيوم من الايام .... وبعرف انو ما كان قادر يعمل شي ... وكل شي تصرفو من ورا ضعفو ............. مش اكتر .............
-خالد: شو هداك السر ......... ؟
-غالية: ..................
-خالد: ما بتوثقي فيي ..... ؟
-غالية: بترجاك ما تضغط عليي ...... بترجاك ...........
-خالد: بس انا حللت ........ ويمكن عرفت ..........
-غالية: ..............
-خالد: ما كان رجال ؟ ...........
-غالية: انا لهلأ عذراء ........
غمض عيونو .... وكز عليهن .... متل اللي كان ناطر تنفي هالشي ............. كز ع ايديه بقوة كبيرة .... وهوي عم يتخايل كمية العذاب اللي عاشتو ..... وكمية الضغط النفسي اللي عاشو عمار ............. وكملت غالية حكي ......
-غالية: بكل مرة يحاول يقرب .... في شي يبعدو .... وحتى هاي اهلو سرقوها منو .... ومع هيك ضليت معو ٦ شهور ..........
-خالد: ..............
-غالية: صدقتني ؟ .......
-خالد: وبعد انتحارو ..... لهلأ .... انتي شو ؟؟؟ ....
-غالية: قررت اوقف ع اجريي وكمل ... صح اتأخرت لاخدت هالقرار .... بس بالنهاية وقفت من جديد ... وبلشت شغل بعدا ..... من بعد ما قررت اني انسى شي اسمو علاقة او زواج .... وشيلن من قاموس حياتي ........ لحد ما شفتك ..... اول نظرة .... شفتك شبهو كتييييير ..... ومع الوقت صرت شوف الفرق وعدم التوافق بيناتكن .... القوة اللي فيك ما شفتا فيه .... اللمعة والهيبة والثقافة ..... وكتير اشيا .... وبوقتا بلشت اتراجع عن قراري ..... ولا اراديا فكر فيك بكل اوقاتي ..... رغم اني قاومت كتير بالبداية ........
كانت لسا عم تحكي وهيي عم تبكي ودموعا شلال ع خدودا .... لما قرب فجأة منها ..... وحط ايدو ع ظهرا .... وسحبا بقوة لناح صدرو ....... وهمس ........
-خالد: خلص ... لا بقى تحكي .... لا بقى تبكي ......
رفعت ايديها وشدت عليه بقوة ...... وهمست ناح ادنو .....
-غالية: رغم كل شي حكيتو .... وتكذيبك الي ..... لسا بحس بالامان معك .... وهلأ عم حس اني بين ايديك مستحيل انكسر او .... او ..........
-خالد: هششش .... لا بقى تبكي .... روقي ...... ما كنت حابب اعرف كمية العذاب اللي عشتيه ..... بس خلص هاد ماضي .... بوعدك كل شي يتغير ......... ورح نسيكي كل شي ........
دق تلفون خالد بهاللحظة حدو عالارض .... ولمحتو غالية ...... بعدت عنو شوي ...... اخدو وطفاه ... وركز بعيونا ....
-غالية: خالد مين سيلين ؟؟ .............
الجزء التاسع:
-خالد: سيلين اختي ..........
كإنو ما فكر ابدا قبل ما يجاوب .... او حتى ما تلبك ..... وهيي وطت راسا ... بس جواتا كان في شي عم ينكر اللي حكاه ...... بس فضلت تصدق ............ ورجع اندق التلفون مرة تانية .... وطفاه .... ما نطر انو تسألو غالية عن السبب .... جاوبا بسرعة .......
-خالد: انا ومعك بحب انفصل عن العالم الخارجي .... وضل معك وبس ........
غمرتو ..... واخدت نفس طويييل .... وكإنها عم تشيل كل الحمل عن ضهرا بين ايديه ..... وبنفس الوقت في ثغرة .... في شي مانو مفهوم بالنسبة الها .... يمكن خوف .... يمكن عدم ثقة .... يمكن شي تاني .... شي مانو محدد ...... بعدت عنو فجأة ....
-غالية: ما فيني .... ما فيني ............
///قبل أن أطلب منك الرّحيل .....
وددت لو أخبرتك .....
ليتك جئت قبل أن يغرق قلبي بهذه الظّلمة الحالكة ......
ليتك جئت أيّام كنت بقلب نقيّ صاف يصلح لمشاركتك هذا الحب .....
كيف ستحتملني بشكّ وهلع وحزن وألف خيبة ......
ما كنت لتحتمل .......
وددت لو أخبرتك ليتك جئت قبل هذا !....، وأنا في ذروة الانطلاق والصفاء والموضوعية .../// مقتبس
-غالية: ما بقدر .... خلص فل ..... ما فيني ارجع حب من جديد وضحي من جديد ... جوات قلبي شي مانو مفهوم ..... شي بيشبه الخوف ......
رفع ايدو ناح شعراتا ...... وركز بعيونا .......
-خالد: ما كنت ناوي حبك .... بس حبيتك بدون ما فكر .... بدون وعي او ادراك ..... عطيني فرصة انتشلك من الماضي ..... ونسيكي عمار ...........
غمرها بقوة .... وهيي غمضت عيونا بطمأنينة ....... ترددت بإنها ترفع ايديها وتغمرو ... بس رفعتن وحاوطتو ..... ودكت راسا ع كتفو ..... وهمست .....
-غالية: خالد .........
-خالد: عيونو ........
-غالية: لا تجرحني ..........
غمض عيونو بألم ..... وكز ع ضهرا ليقربا من حضنو اكتر .... اقتحمت ذكرياتو مخيلتو ...... وتمنى لو فيه يغير الماضي وما تكون سيلين بحياتو ..... تخيل ادي ممكن يكون الحمل كبير عليها بس تعرف ..... كيف ح يخبرا .... او حتى