الفصل 6
*📚قصص||روايات||منوعة📚*
_*بإدارة 📚قصص||روايات||منوعة📚*_🧡
*❴📖❵اكذوبة حب*
*❴🔢❵الـــبـــــــــــ❴السادس❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:قناة:*
*📚قصص||روايات||منوعة📚*
*❴📚❵↵القناة:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*https://whatsapp.com/channel/0029VaNMcGuHFxP9VtPQOm2A*
*📚قصص||روايات||منوعة📚*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *يمان سعيد* 🧡
➖➖➖➖➖➖➖➖➖
*❴📝❵↵تـنـسـيـق:قناة:*
*📚قصص||روايات||منوعة📚*
https://whatsapp.com/channel/0029VaNMcGuHFxP9VtPQOm2A
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
📚كتب ||روايات|| منوعة📚:
#أكذوبة_حب_بقلم_نسمات_الليل
الجزء السادس:
-غالية: شو صاير ؟؟؟ ...
-ماجدة: ولا شي ... انضربت الكهربا بالشركة .....
-غالية: اووف ... خي ..... فكرت صاير شي خطير ......
نزل باسم وجمع الموظفين .... وحكا .....
-باسم: انتو معكن اجازة اليوم ... لنجيب عمال يصلحو حالة الكهربا هاي ....
الكل بانت عليه الفرحة انو اجا نهار اجازة ببلاش ..... وانحطت ايد ع كتف غالية .... برمت ضهرا فورا ....... ولقت خالد .......
-خالد: بما انو صار هيك ... شو رأيك نتروق سوا .... يعني اذا ما عندك مانع .......
ابتسمت ... ومشيت معو ... بدون ما تحس ع حالا ليه وافقت ... وكيف وافقت .... وهوي بذات الوقت ما حس ليه طلب هالطلب المفاجئ بدون ما يحس ......
____________________________
كانو عالطريق بالسيارة سوا رايحين ع شي مكان رايق يتروقو فيه ... واندق تلفونو ..... بطرف عينا لمحت غالية اسم "سيلين" ...... وهوي مسكو فورا وتلبك وسكر الخط ........ صف السيارة ونزل ...... ابتسملا وحكا .....
-خالد: فوتي اختاري طاولة مناسبة وطلبي اللي بدك ياه .... رح اعمل اتصال سريع وارجع ......
هزت براسا وفاتت .... قعدت ع طاولة بمكان منزوي ... واجا الجرسون ......
-الجرسون: شو بتحبي تطلبي ..... ؟
-غالية: مش هلأ ... ناطرة حدا .........
مسكت تلفونا وصارت تلعب فيه .... وترجع تتأفف ... مضى دقايق ولسا خالد ما رجع .... قامت وطلعت لبرا تشوفو ... وصلت عن اخر جملة .....
-خالد: وحياتكن كلو رح يتصلح ... صدقوني .... الموضوع ما ح يمرق ع خير .... انا لازم سكر .... عندي اجتماع ضروري ....
بس وطا تلفونو وهوي بارم ضهرو .... ركضت لجوا فورا وقعدت عالطاولة وهيي عم تفكر بالاتصال والمتصل ........ اجا من بعيد مبتسم ... وقرب قعد مقابيلا ......
-خالد: بعتذر عالتأخير ... بس كان اتصال ضروري .......
-غالية: ولا يهمك .......
طلبو واكلو بصمت ... غالية مشغول بالا .... وخالد عم يفكر بالاتصال ....... طلب الحساب وهني لساتن ولا حرف ..... ومشيو عالسيارة ..... كانت متوقعة انو يوصلها عالبيت ... بس استغربت انو صف سيارتو قريب من شط البحر ....
-غالية: توقعت عالبيت .....
-خالد: النهار لسا بأولو .... يلا انزلي .......
نزلو من السيارة وتمشو شوي .... وقعدو ع شط البحر .... صفنت هيي بالموج وشعرا عم يطير ... وهوي صافن فيها .... بس بنظرات مش مفهومة ... لحد ما نطق ......
-خالد: بتحبيه ؟! .....
-غالية(عقدت حواجبها): نعم ؟! ....
-خالد: لعمار .... هداك اليوم غلطتي وناديتيني باسمو ......
بلعت بريقا ورجعت صفنت بالبحر ......
-غالية: ابدا ..............
-خالد: ..............
-غالية: كان مجرد اعتياد ع لفظ اسمو .... طلع بالغلط .....
-خالد: رح اسأل السؤال بطريقة تانية ..... كنتي بتحبيه ؟؟؟ ....
-غالية: كتييييير .........
-خالد: لو بالفعل حبيتيه ... ما نسيتيه ... او ما كان جوابك قبل شوي "ابدا" .....
-غالية: لا صدقني ... ع اد المحبة بيبدا الكره .... المواقف والمشاكل بتعمل جفى وبُعد .... والاهم بتعمل نسيان للحب وللاشيا الحلوة ....
-خالد: الاشيا الحلوة ما بتنتسى ........
-غالية: حبيت من قبل ؟ ... او هلأ عم تحب ؟ ....
-خالد: لا ....
-غالية: لكن ما ح تفهم عليي ......
-خالد: ..............
____________________________
بمطعم صغير .....
-كميل: ايي .... كيف عم تقضي ايامك ؟ ....
-فاتن: ولا شي ... زهق ...... بابا مش قبلان اشتغل ... كإني اتخرجت لبروز شهادتي .....
-كميل: اي هيك اغلب الابهات .....
-فاتن: اي قللي .... ليه طلبت تشوفني ؟ ......
-كميل: اشتقتلك ..... !
-فاتن: ..............
-كميل: فاتن انا حابب نتقرب من بعض اكتر ... ونتعرف ع بعض اكتر ... من زمان وانا حابب اخطي هالخطوة بس ما عم بتجرأ كرمال جامعتك .... بس هلأ ما عاد في حاجز ....
-فاتن: اي مش غلط .....
-كميل(مبتسم): مش غلط شو ؟؟ ....
-فاتن: نتعرف ع بعض .....
ابتسم وقرب ايديه عالطاولة ...... ورجع أشر للجرسون .....
-كميل: تاكلي ديسّير ؟؟ ...
-فاتن: مناكل ......
_______________________________
-غالية: عشت معو قصة حب خرافية ..... كان اوقات يماطل ليطلبني .... وما كنت اعرف السبب ... لبعدين عرفت انو اهلو ما كان بدن ياني .... بس مشي الحال وطلبني وتزوجنا .... ويا ريت ما تزوجنا ...... من اول نهار نسفت كل شي مضى ... كل الايام الحلوة ما عاد انعصرت براسي ... ما عاد اتذكرتا .... صرت حس انها كانت مجرد حلم ..... ست شهور ونص نفس المعاناة لحد ما كرهتو عالاخر .... وطلبت الطلاق .... وطلقنا فورا ....... وانا فرحت ... وكنت عم عيش طبيعي .... لحد ما انهرت وتجدد كل الحب لما سمعت خبر وفاتو .......
-خالد: ماااااات ؟؟؟؟ .......
-غالية: هه .... انتحر .... بعد شهر من انفصالنا ......
-خالد: هوي اللي ضجت الدنيا فيه انو رمى حالو عن الجبل ؟؟؟ ....
-غالية:
اي هوي ......
مسحت دمعة هاربة .... وبرمت وجا ........
-خالد: البكا مش عيب ......
-غالية: البكا ضعف .... وانا ما بحب كون ضعيفة ..... بس خانتني الدمعة ......... انا صح كنت خلص كرهتو ... بس لما سمعت خبر انتحارو ... جنيت وهسترت ..... نسيت كل العذاب والمعاناة وتذكرت بس اني كنت حبو ...... وبعد فترة بس اتأقلمت ع موتو .... تذكرت كل العذاب وتجدد الكره .........
-خالد: بستغرب شو ممكن يكون هالعذاب ........
-غالية: نحن فتنا بموضوع عم حاول ما افتحو ولا بأي شكل ... وبلا ما نغمق اكتر ... رجاءا غيّر عالسيرة ........
-خالد: بعتذر ..... اتدخلت بقصص ما الي علاقة فيها .......
-غالية: ولا يهمك ......
-خالد: جد بعتذر انو .......
برمت راسا لعندو ... وعقدت حواجبا .... وقبل ما تنطق ..... فقع من الضحك .......
-خالد: ههههههه .... بحب شوف هالنظرة بس تعصبي ...... بعرفك بتكرهي كترة الاعتذار .....
-غالية: مجنون ...... ههههه .......
كانو عم يضحكو ...... لحد ما التقت عيونن سوا ..... وبلشت تخف الضحكة شوي شوي .... وعيونن عم تلمع .... وبهالمرة بالذات كانو مجردين من كل شي ... وعيونن عم تحكي شي مختلف عن المرات السابقة ....... لحد ما ضل سانتي واحد بيناتن ........... وانتفضت غالية من مكانا ووقفت .......
-غالية: تأخرنا .......
برم راسو ولام حالو ..... ما كان لازم يضعف مقابيل عيونا ... ولا يكسر الحواجز بهالسرعة ... ابتسم ووقف فورا .... ووصلا ع بيتا بصمت وفل ........ فاتت عالبيت وعقلا مشوش ....
-عبير: شو صاير معك اختي ؟! .........
-غالية: .............
-عبير: الوووو ... يا هووو ..... عم بحكي معك .......
-غالية: نعم ... شو في ؟! ....
-عبير: شو صاير معك ؟ ......
-غالية: ولا شي .... انا فايتة اخد دوش سريع .......
___________________________
بعد ساعة ...... بكافيه صغير .... كان خالد عم يلعب بالملعقة بكاسة الشاي هوي وصافن ....
-خالد: عم بغرق .......
-باسم: انتي واعي ع حالك شو عم تحكييي ؟؟؟؟ .....
-خالد: مش بإيدييي ... اول مرة بحس هالاحساس ....... عم حاول ما اغرق .... بس عم بغرق .....
-باسم: خالد اوعى ع حااااالك .... انت بالذات ما لازم تحب ......
-خالد: غالية شخص غريب ... ومختلف .... اول مرة بشوف شخص متلا ..... بأقل من شهرين خلتني حس احساس ما حسيتو ب ٣٢ سنة .......
-باسم: خالد انت عم تفكر بالمستقبل .... ؟ ... عم تفكر اذا كملت بهالمشاااعر لوين ح توصل ؟؟؟ ....
-خالد: لوين ؟؟ .. اكيد للزواج ......
-باسم: هههه .... ههه ... يعني عنجد ضحكتني يا رجل .......
-خالد(بعصبية): باااااسم ......
-باسم: ومرتك وابنك ؟؟؟!!! .... شو ح تعمل فيهن ؟؟؟ .... هااا ... قللي .......
الجزء السابع:
-خالد: ................
-باسم: ليه سكتت ؟ ... خالد شكلك نسيت انو انت بالذات ما بحقللك الحب لانك مزوج .......
-خالد: ح طلق ......
-باسم: وعدا عن هيك غالية بالذات صعب تتزوجا ...... شكلك عم تنسى !! ... او يمكن ....
-خالد(قاطعو): ما في يمكن ... الاكيد منو اني لما كون معا عم بتجرد من كل شييي ... كل شيي ... مرتي وابني وعيلتي واهلي وبلدي وناسي ..... كل شييي عم بنسااااه ..... مع انو بكون عم حاول قاوم .... بس دايما عم بفشل .........
-باسم: نحن كان عنا هدف ... وبعدنا بربع الطريق مش نصو ..... شو صرلك ؟! ... ما ح تكمل ..... ؟
-خالد: اكيد ما ح كمل ... من لما انحرقت بسببي وبعدا بسببك ...... تغير كل شي .... في شي جواتي ما بعرف اوصفو .... بس اللي بعرفو انو لازم اشحط فرامات .... وابتدي اخد قرارات .....
-باسم: وسيلين ؟! .... والمجتمع ؟ .. واهلك ؟ ... والاهم حالك ؟؟ .....
-خالد: لازم حط النقط عالحروف ......
-باسم: ضربت الكهربا بالشركة لتقضي معا نهار .... وقلت انك ح تتكفل بكل التكاليف وانا كنت معك ... بس ما عرفت انو رح ترجعلي من هاللقاء بهالحالة .......
-خالد: ولا انا عرفت هيك رح يصير ......
______________________________
في اليوم التالي ....... وعيت غالية ع صوت فاتن بالبيت ... فتحت عيونا مع فوتت فاتن لعندا عالغرفة .... سكرت وراها وقعدت مقابيلا ......
-فاتن: صباح الخير ..... بعدك نايمة ؟؟ ما في شغل ....
-غالية: صباح النور .... اليوم الاحد .......... عطلة .......
-فاتن: ...............
-غالية: عيونك عم يضوو !! ... احكي ....
-فاتن: احم احم ..... بسرعة بتفهميني ......
-غالية: احكي يا بنت .....
-فاتن: انا وكميل .........
-غالية(قاطعتا بغمرة): حبيبة قلبييي ... فرحتلكن كتيير ....
-فاتن: طيب تركيني كمل .....
-غالية: عيونك كملو .... كميل ما في منو .... ايي خبرنييي كيف وايمتا وليش وشو صار ؟؟ ....
-فاتن: هههه ... قبل ما احكي شي ... انتي كيفك ؟ .. بعيونك في حزن .... قالتلي عبير الك من مبارح من لما رجعتي من الشغل مانك آكلة وطول الوقت صافنة .......
-غالية: