الفصل 5
*📚قصص||روايات||منوعة📚*
_*بإدارة 📚قصص||روايات||منوعة📚*_🧡
*❴📖❵اكذوبة حب*
*❴🔢❵الـــبـــــــــــ❴الخامس❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:قناة:*
*📚قصص||روايات||منوعة📚*
*❴📚❵↵القناة:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*https://whatsapp.com/channel/0029VaNMcGuHFxP9VtPQOm2A*
*📚قصص||روايات||منوعة📚*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *يمان سعيد* 🧡
➖➖➖➖➖➖➖➖➖
*❴📝❵↵تـنـسـيـق:قناة:*
*📚قصص||روايات||منوعة📚*
https://whatsapp.com/channel/0029VaNMcGuHFxP9VtPQOm2A
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
📚كتب ||روايات|| منوعة📚:
الجزء الخامس:
-غالية: مبارح ... مرقت عالمخفر وسحبتا .... خلص بكفي هالقد ... همام ضحية .....
-فاتن: ليه ما خبرتيني ؟؟!!
-غالية: مانو مهم ... بعرف ما ح ينذلو ولا رح يحكوني .... ولا قادرين يدفعو الاضرار ... بلا ما ضيع مستقبل الصبي .... كل يوم الو بالسجن ... ح يضيع مستقبلو فيه ....
-فاتن: رح يقولو انك استسلمتي ......
-غالية: يقولو اللي بدن ياه ... مانا فارقة معي ... نحن مانا بحرب ...... يلا انا لازم سكر منحكي ..... طلي المسا .....
-فاتن: انشالله .... باي ......
-كميل: شو قالت ؟! ...
-فاتن: ما بدا ضيعلو مستقبلو ..... وقال هيي مانا بحرب .....
-كميل: بس هني فاتحين حرب .... وهيي لازم تحارب ......
-فاتن: عم تشوفن ؟؟ او تزورن ؟؟ ...
-كميل: لا دخيلك ... لشو ؟؟ .. كنت روح كرمال صاحبي ... وهلأ صاحبي راح ... ما عاد عتب عند طريقن ....... الي من يوم الدفن ما شفتن ... الا مرة وحدة شفت اخواتو البنات عند المقبرة ......
-فاتن: دخلك خيو المسافر شو كان اسمو اجا ع دفن خيو ؟؟!! ....
-كميل: غسان ؟؟! ... اي اكيد اجا .... شفتو بس وقت الدفن .... بس بعتقد رجع سافر ... عندو عيلة ما في يتركا ....
-فاتن: معقول ما جابن معو ؟؟ ...
-كميل: مستحيل ... هوي بيعرف اهلو ....... اساسا هوي الوحيد اللي طلع من هالقرف وفل من ١٠ سنين ومن وقتا ما اجا عالبلد ولا دعسا .....
-فاتن: كانت تقللي هيك غالية ... بس كنت استغرب انو معقول حتى ما بيحكيهن ....
-كميل: ابداا .... اتخانق مشكلة كبيرة معن وقامت القيامة بينو وبين اهلو عالاخر .... عصب ومش بس تركلن البيت .... حتى ترك البلد ... واتزوج برا .... وما بيتواصل معن ... عندو بس صاحب هون الروح بالروح ما حدا غيرو بيعرف رقمو او حتى هوي بأي بلد ... عن طريقو كان يبعت لاهلو مصاري .... وعن طريقو عرف بوفاة عمار .....
-فاتن: وكيف كان اللقاء بعد عشر سنين ؟! ....
-كميل: ما بعرف ... بس وقت الدفن شفتن متل الاغراب .....
-فاتن: انت حكيت معو شي ؟؟
-كميل: انا انصدمت بس شفتو ... مغير كتيير .... عزيتو وهوي اتذكرني ... قللي بس جملة وحدة ما غيرا .... "انتحاروا كسرني من جوا كان لازم انتشلو معي من هالقرف ... فكرت بأنانية ورحت وتركتن كلن ... انا هربت .. وهوي انتحر ...."
-فاتن: وكيف رجع سافر ... وترك همام ... اللي ممكن يمر بالأسوء ؟؟!!
-كميل: ما بعرف .... اساسا هيي كل العلة بالام وبناتا ... الشباب متل بيهن .... ابو غسان ضعيف كتير قدام مرتو .....
-فاتن: ييي خلصنا لف عالسيرة ... ما في شي نحكيه يفرفح القلب ....
-كميل: هههه ع قولتك ....
_____________________________
في اليوم التالي .............
كانت غالية ماسكة اوراق وملبكة فيهن بالشركة .... وفجأة بتفوت بباسم اللي حامل فنجان قهوة سخن وبيوقع كلو عليها وعالاوراق ..... وبتصرخ صوووت من جوووااات قلبااااااا ......
-غالية: يااااا الللللله ............
-باسم: يي يي شو صرلك .... انتبهيي ... اتركي هالاوراق من ايدك ... لك روقي كلو حرق بسيط .....
-غالية: اخ يا ربي ... بنفس المكاااان ... ذااات المكان يا الله ... لسا ما طاب ... يا ربي دخيلك .....
-باسم: اقعدي هون .... لك هالقد ما عندك قدرة تحمل ؟؟!! ....
-غالية: مبارح انكبت النسكافيه بذات الطريقة وذات المكان ...... اخ يا بطني ......
انلمو الموظفين عليهن ..... وركض خالد من بعيد ...... بعد موظفين من قدامو واطلع عليها .... كان وجو احمر ..... اطلعت فيه غالية .... بعيونا العسلية ... اللي كانو كلن دموع ... كان مبين اديشا موجوعة ...... وبهاللحظة هوي حس احساس غريب ..... احساس ما حدا حس فيه غيرو ....... يمكن كان بيشبه الندم ......... قرب منها فورا ..... ومسك ايدا .....
-خالد: قومي معي عالمستشفى .....
-غالية: مانو مهم ... خلص هلأ بروق ... معي مرهم جبتو معي ... رح ادهن منو وبيمشي الحال ....
-باسم: انا بعتذر ... قومي مع خالد ... روحو عالمستشفى ... عطيتكن اجازة .....
-غالية: عنجد ما في داعي ....
نكشتا ماجدة وهمست ناح ادنا ....
-ماجدة: لك حاجتك دلال ... قومي ... للي صحلك ما صح لغيرك ....
زورتا غالية ... ووقفت ..... ومشيت مع خالد لعند سيارتو ......
بالسيارة ....
-غالية: عم عذبك معي .....
-خالد: حاسس اني السبب باللي صار .... ما بعرف شو حاسس ... بس حرق فوق حرق صعب .... ما تهكلي هم هلأ منوصل ..... وبخف الوجع ....
-غالية: ما بكره شي اد ما بكره الحرق ...... انا من الاشخاص اللي ما بتتحملو .....
-خالد: هيي دايما الاشياء اللي منخاف منا بتصير معنا .....
-غالية: لااا ... قصدي ما بخاف منو ... انا بس بكرهو ..... وكل شي بوجع انا بتغلب عليه .....
وصلو عالمستشفى واخدوها عالطوارئ .... وضل ناطر خالد برا وهوي يسمع صراخا ويراقبا من ورا البرداية .... لحد ما رجع الدكتور .....
-الدكتور: حالتا مانا صعبة ابدا ... بس المشكلة انو الحرقين ع بعض وما
في فترة بيناتن ... اشرنالا الجلد ورح اكتبلا هلأ ع مرهم .. ومسكن اذا وجعا الحرق ... وبعد جمعة لازم ترجع لانو بكون الجلد عمل طبقة بيضا لازم نرجع نإشرها ..... وانشالله فترة وبيرجع كل شي طبيعي ....
-خالد: هالقد صعبة ....
-الدكتور: لا ما كتير ... بس هيي ما عندا قدرة تحمل ... كيف لتشوف الحروق من الدرجة الاولى والثانية ... شو بصير فيها .....
-خالد: يعطيك العافية دكتور ......
طلعها خالد من المستشفى ....... فتحلا باب السيارة وطلعت .....
-خالد: الحمدلله عالسلامة ....
-غالية: الله يسلمك ... شو بكره المشافي ... طلعولي روحي .....
راقبا وهيي عم تقول الجملة وتبعد شعرا الطويل عن عيونا لورا ادانها وابتسم .....
-خالد: رح نمرق نجيب الادوية ... وحطك بالبيت ....
-غالية: ما في داعي تعذب حالك ... خلص خدني لمطرح ما واصل وبقول لبيي يجي وراي ....
-خالد: لا ما فيها عذاب .... ولا شي ... بعدين بلكي بريح شوي ضميري اني السبب .... وجع الضمير صعب .....
اطلع فيها هوي وعم يسوق وصفن لما هيي حكت ....
-غالية: اي ... صعب كتييير ..... وخصوصي اذا ما كان الموضوع بسيط متل حرق .....
-خالد: ع شو وجعك ضميرك قبل ....
-غالية: لا ... ما شي مهم ......
-خالد: ........... ع فوقا .... انا كنت عم راقبك من ورا البرداية .... واثار فضولي دوائر صغيرة حمرا كتيير ع خصرك .... شو هدول ؟! ...
-غالية: ااه ... (تلبكت بالحكي وكملت) ... ولا شي وحمة صغيرة بس انفعل او اضايق بتصير حمرا .....
-خالد: ما شكلا هيك ....... قصدي خلص ولا شي ... بس فيكي تقيليلي ما بدي قللك ....
-غالية: اصبح ما بدي قللك .....
-خالد: هههه بسيطة .... نازل ع هالصيدلية ... استنيني .....
نزل عالسريع ورجع طلع ..... وهيي عم تراقبو وتراقب تفاصيلو .... ما عادت شافتو عمار متل قبل ابدا ... لما اتعرفت عليه وشافت شخصيتو ... وصارت تشوفو اكتر صارت تشوف الفرق الكبيير بينو وبين عمار .... هيي كانت اول نظرة واول حركة ... بعدين لاحظت الفرق ............ اطلع فيها وحرك راسو ....
-خالد: في شي ؟! ...
-غالية: لا ابدا .....
عدلت حالا وصفنت بالطريق ......
-خالد: من وين طريق بيتك ... ؟ وين ساكنة .....
-غالية: خلص عمار ما في .... بعتذر بقصد خالد ما في داعي تعذب حالك ... باخد تكسي .....
عقد حواجبو خالد .... اطلع فيها بطرف عينو وشافا كيف تلبكت ..... كز ايديه عالدركسيون .... ورجع حكا ....
-خالد: من وين الطريق ؟؟!!! ... حتى انا اكتر شي بعصبني انو قول ما فيها عذاب وتضلي تعيدي وتكرري انو ما تعذب حالك .....
اشرتلو عالطريق الفرعي وابتسمت .....
-غالية: ههه اصبح طلع في شي مشترك بيناتنا .....
-خالد: اي .........
-غالية: تمام ... هون .... وصلنا .........
-خالد: حلو بيتكن .......
-غالية: تسلم .........
راقب تفاصيل البيت ... وتركا قدام الباب ومشي ........
بعد مرور عدة ايام ................
وصلت غالية عالشركة الصبح بكير ولقت ضجة كبيرة ... وموظفين رايحين وجايين ..... قلبا قبضا ومشيت ع مهلا .....
يتبع ......