الفصل 2
*📚قصص||روايات||منوعة📚*
_*بإدارة 📚قصص||روايات||منوعة📚*_🧡
*❴📖❵اكذوبة حب*
*❴🔢❵الـــبـــــــــــ❴الثاني❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:قناة:*
*📚قصص||روايات||منوعة📚*
*❴📚❵↵القناة:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*https://whatsapp.com/channel/0029VaNMcGuHFxP9VtPQOm2A*
*📚قصص||روايات||منوعة📚*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *يمان سعيد* 🧡
➖➖➖➖➖➖➖➖➖
*❴📝❵↵تـنـسـيـق:قناة:*
*📚قصص||روايات||منوعة📚*
https://whatsapp.com/channel/0029VaNMcGuHFxP9VtPQOm2A
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
📚كتب ||روايات|| منوعة📚:
.. ما بعرف ليه ... قلبي مردد ......
-فاتن: بلشت لوم حالي لاني السبب بتعارفكن .....
-غالية: لا مش انتي السبب ... كان لقاءنا وتعارفنا صدفة ....
-فاتن: لو اننا مش من نفس الحي ولمحك جاي لعندي ما كان شافك .....
-غالية: طيب بلا هالحكي ... خلص ح اجي ........ تعودت اتغلب ع مخاوفي .. وهلأ ما رح اتراجع عن هالقاعدة ......
-فاتن: هاي هيي غالية اللي بعرفا ...... طيب يلا امشي .. في وسعة معنا بالسيارة .....
-غالية: لا انتي امشي معي ... سيارتي معي ....
عالطريق بعد ما ودعت غالية أهلا .... كانت كل ما تقرب خطوة من هديك الضيعة يزيد خوفا ... ورجفتا ... من شي ما بتعرفو ... احساس نابع من جوا ... ما عم تفهمو او تعرف سببو .... وصلت والذكريات عم تقتحمها ..... صفت السيارة ورجليها عم يرجفو .... وتحمد ربها انها ما التقت بحدا من اهل عمار ..... ونزلو ع بيت فاتن .... وفاتو قعدو بغرفتا .....
-غالية: شو اشتقت لنقعد نكنكن بهالغرفة ... مضى شهر ونص .....
-فاتن: وانا اشتقت تجي لعندي ....
-غالية: قولك لو بعدو عايش كان حاول يرجعلي .... ؟
-فاتن: خلص بكفي انسي ... انتو طلقتو من شهرين و١٠ ايام ... وكان معروف علاقتكن ميؤوس منها ......
تحدثو كتير ... وفاتن عم تحاول تنسيها عمار والماضي .... لحد ما قامو ياكلو مع اهلها لفاتن ....... فجأة ..... سمعو صوت تكسير وصراخ برا .... وانتفض الكل من مكانو ............
الجزء الثاني:
ركضو لبرا ... وصرخت فاتن .....
-فاتن: غااالية سيااارتك .......
ركضت غالية ناح سيارتها .... وطل من وراها شب ماسك حديدة كبيرة وعم يكسر ازاز السيارة ... ويعمل خطوط اكس عليها ..... كان عم يقرب بيها لفاتن كرمال يوقفو ... بس غالية حطت ايدا ع كتفو ووقفتو ..... حملت تلفونا بهدوء وبدون ما حدا ينتبه بلشت تصور فيديو ........ وقربت شوي شوي ناح الشب اللي الحقد عم ينقط من عيونو ... وعم يضرب بوحشية كبيرة ....... بس وقف وصار يطلع بعيونا بكره .. ضحكت ضحكة سخرية .....
-غالية: شو همام .... ؟ ليك بعد في الدواليب لازم تنفسن .... وفيك تفك الابواب ... لسا ما قضيت عليها ....... بدا لسا كتير .....
-همام: رح دمرك غالية رح دمرك ...... كل حياتي كنت اوقف مكتف ومقهور انا وعم شوف اهلي شو عم يعملو فيكي .... بس هالمرة لقيت معن حق .... وانا رح كمل اللي هني ابتدووو فيييه ست غالية ...... هالسيارة خيي اشترالك ياها بالوقت اللي كلنا كنا بحاجة الها ومن ورا انانيتك اخدتيها من بعد الطلاق .... استغليتي خيي كرمال سيارة وكم قرش .... وما رح اسمحلك تتهني فيها ... يا .... مطلقة .......
-غالية: رح فرجيك هالمطلقة شو فيها تعمل فيك .... وتعمل بأهلك اللي عبولك براسك تجي تعمل اللي عملتو بس لمحوني اجيت ... ع فكرة هيدا بزيد تعجرفي وانانيتي اني كل هالقد تاركة بقلوبكن جزء كبير ..... بالوقت اللي انتو ما شي بحياتي ........ اضرب بعد ....... ليزيد الدفع ... ويزيد الدين ..... انت تغيرت كتيير ......
-همام: بدك من بعد ما قتلتي خيي ضل همام القديم ... عم تحلمي كتير .....
-غالية: ما قتلتو .... هوي انتحر ... بس انتو مش عم تتقلبو الفكرة انكن السبب بانتحارو ... وما لقيتو افضل مني توقعو اللوم عليه ....... نحن طلقنا من شهر وبالتراضي والتفاهم .... والسيارة انا وياه دفعنا حقها وسجلها بإسمي ... ومع هيك لما طلقت زتيتلو حقها كااااامل بوجووو .... وبوجود اختك علا .....
-همام: اختي علا ؟؟؟ .......
-غالية: لقووي يضحكو عليك من ورا حقدن ... شيل هالغباشة عن عيونك .... وشووف منييح ....
-همام: رح اعمل المستحيل لانتقملو .... عم تفهمي .......
حكا هالكلمة وفل .... دقت للشرطة ... ساعة وكانو شاحطينو عالمخفر ... وامو عم تصرخ وراه ..... وغالية عم تسمعا من جوا من المكتب ......
-الله ينتقم منها ... اخدت الاول وجاي تقضي عالتاني ....
اطلعت غالية بالمسؤول ... وحكت ....
-غالية: ما رح اتراجع عن الشكوى لو شو ما صار ... وتكاليف السيارة بدا توصلني كاملة .... وهالفيديو دليل ... لاني متأكدة ح ينكر ........ بالاذن ......
طلعت لبرا ... ومجرد ما لمحتها امو لهمام بلشت تصرخ عليها ....... وتحكي شروي غروي .... لحد ما سكتتها غالية .......
-غالية: هشششش .... ما تسمعيني صوتك ..... وحدة محلك لازم تنتبه ع ابنا وتحترمني ليطلع .... السيارة غالية كتيير ... ما رح تنتهي القصة بألف أو ألفين .... بدا دولارات .... هاي الدولارات اللي حتى ريحتها ما واصلتلكن .... اسمعي منيح ... اذا بدك ابنك يطلع بهالتكة ... وبلا ما يدفع قرش واحد .... بدكن تركعو ... تركعو كلكن عند اجري ... (كزت ع اسنانا) ... مش بس اجري ... عند صرمااايتييي .... شو فهمتييي ؟؟؟؟ ......
-ام همام: رح تدفعي حق هالحكي غالي .... غالي كتتيرر .... ودم ابني عمار ما رح يروح هدر .......
-غالية: اعلى ما بخيلك اركبيه .... اكلو الدود ولساتك بتحاربي .... من بعد ما كان عم يستقوي عليي شفتو بأضع
ف حالاتو .... بااااارد .... وما قادر يتحرك .... كان بينشفق عليه ..... ليه صفنتي هيك ... اي اي رحت وشفتو بالمستشفى ... انشالله مفكرة انو اذا انتي منعتيني شوفو ما بقدر شوفو ... لااا بالعكس شفتو .... وقفت هيك مقابيلو بفوقية وكان فيني اضربو وهوي مجرد جثة هامدة .... كان ولا شي .....
-ام همام: الله ينتقم منك .... الله لا يهنيكي بحياتك .... لك ابني ما صرلو اربعين يوم ميت وانتي عم تحتفلي ......
تركتا تحكي مع حالا وفلت .... كانت فاتن ناطرتا بالتكسي ... طلعت حدها عم ترجف ومشيو .......
-غالية: ما توقعت كون بهالجرأة والقوة ... ما توقعت يجي يوم واوقف بوجن بهالصلابة .... من بعد ما كنت هشة وضعيفة ... يهينوني واسكت .... طلع عمار مصدر ضعفي ... ولما فل استرديت كل قوتي ... كان هوي اللي مسكتني ... او بالاحرى حبي الو اللي كان يخليني اسكت لخفف مشاكلو .......... لك فاتن طلع مني حكي انا ما بحب يطلع .... كنت عم استلذ بكل استفزاز بستفزها ياه ..... بكره اني وصلت لهالمرحلة ولهالحقد ... بس هني اجبروني ......
-فاتن: خلص لا بقى ترجفي ........... قطعت .....
-غالية: لو تشوفي عيونا لما قلتلا اني شفتو بأضعف حالاتو ........
-فاتن: كيف قلتيلا ... هيك رح تجيبي مشاكل لكميل .....
-غالية: شو رح يعرفن انو كميل ساعدني .... هني بيعرفو انو انا اقرب عالمستشفى بالوقت اللي هني من ضيعتن عليها بتاخد نص ساعة ..... كنت بلحق اترجى كميل وياخدني وشوفو وارجع بلا ما يحسو .......
-فاتن: وهمام شو قال ..... او شو عمل .....
-غالية: فاتن همام عمرو ٢٠ سنة .... يعني لساتو صغير ... بمشوه ع زوقن ... وهوي ولا ع بالو .... هني عم يحقنوه حقد وكراهية .... هوي مش هيك .....
-فاتن: مزالك بتعرفي هالحكي ليه ناقعتيه بهالسجن ....
-غالية: عقاب لاهلو مش الو ... للاسف كان ضحية ... مش اكتر ..... تماما متل عمار ... كان كمان ضحيتن .... كان عمرو ٢٧ سنة وبيضحكو عليه ... فما بالك باللي اصغر منو ......
-فاتن: انسي خلص ...... يلا وصلنا ... انزلي ....
-غالية: لا انزلي لحالك ... خليني روح عالبيت ... بكون اهلي مشغول بالن عليي ... وبكرا عندي مقابلة عمل ..... لازم نام بكير ......
-فاتن: اووه بهالسرعة ..... حلو والله .... يلا بخاطرك ........
بعد مرور عدة ايام .........................
بشركة نصّار للنسيج ........ كانت غالية قاعدة ورا مكتبها بعد ما استلمت ادارة الشؤون العامة ... فينا نقول بالاضافة لعلاماتا العالية وشطارتها ... الواسطة لعبت دور بتوظيفا بهالسرعة وبهالمنصب ..... صاحب الشركة طلال نصار اللي مستلم ادارتها ابنو باسم نصار ..... كان صحبة مع بيها لغالية بأيام الشباب ..... وباتصال من ابو غالية لطلال بيك كانت غالية صارت مستلمة منصبها تحت مقابلة شكلية ......
كانت غالية مشغولة بأوراقها بالوقت اللي باسم قاعد بمكتبو فوق وعم يراقبها بحقد وسكرتيرتو عم تتغمالو .... الشركة كانت صغيرة طابق واحد مكاتبو كلها ازاز والموظفين برا ... وغرفة بأعلى الطابق من ازاز للمدير باسم ....
-السكرتيرة رهف: ع اساس تسلمني الي الادارة بعد ما تفل ريتا للتتزوج .... رحتو عطيتوه لهاي للي ما صرلا كم يوم متخرجة .............. شو حبيبي بشو صافن .....
-باسم: رهف سكتي ... انا كل قصص هالواسطات ما بطيقا ...... بتعرفي شو يعني بنتو ل ثائر عبدالله ؟؟؟ .... هيدا اللي عندو بنتين ومش شايف غيرن .....
-رهف: اي بعرفو ... هاي اللي بنتو تزوجت واحد فقير منتوف ..... اللي انتحر من فترة وضجت الدنيا فيه ......
-باسم: لا وضعو كان منيح ... اهلو اللي منتوفين ...... ليكي كيف ما ضاينت معو سنة .... كان فكرها تتحمل او يقولو الناس بيت العبدلله ما بيهمن الطبقية ..... شفتي هاي الشكيلات بكرها ......
-رهف: خلص حبيبي لا تفكر فيها كتير ... ما بتستاهل .......... عندك مقابلة بعد ٥ دقايق مع اللي ح يستلم قسم المحاسبة ......
-باسم: اي خاالد ... هاد صاحبي .....
-رهف: خالد عبود ؟؟ ....... ما سبق وعرفتني عليه .....
-باسم: ما صار صدفة .... بس يجي بتدخليه فورا ......
-رهف: بأمرك .....
_______________________________
انفتح باب مكتب غالية بقوة ودخلت صبية مسرعة .....
-غالية: ع مهلك ماجدة .... شو فيي ؟؟ ...
-ماجدة: بشرفك شوفييي هالشب .... ييي ييي لو بيتوظف عنا ..... بضمنلك عرسي قريب ........ لك وين عم تطلعي .... ليكووو هووونيكك ... حد كرسي وائل .....
-غالية: دخيلك يا ماجدة ... لك مين قللك الزواج شي شغلة ...... روحي ع شغلك ....
-ماجدة: اوف منك غالية اوف .....
رجعت تشتغل من جديد .... بهدوء ..... كانت غالية من النوع اللي بكرس حياتو لدرسو وهلأ لشغلو .... هيي مانا من الاشخاص الفضولين .... رغم انو مكتبها من ازاز بس رغم هيك ما بتعرف مين فات وضهر عالشركة لانو دايما راسا بوراقا او بالكومبيوتر ........ بعد تعب كبير ... رفعت راسا .. وسندت ضهرا لترتاح شوي .... ولمحت
باسم والشب اللي حكت عنو ماجدة نازلين عن الدرج ومتوجهين لعندا .... انفتح الباب وطل باسم .....
-باسم: ست غالية بحب عرفك ع موظفنا الجديد خالد عبود ....
طل خالد من ورا باسم وقرب مد ايدو للسلام ......... وانصدمت غالية .....
يتبع ..