الفصل 1
*📚قصص||روايات||منوعة📚*
_*بإدارة 📚قصص||روايات||منوعة📚*_🧡
*❴📖❵اكذوبة حب*
*❴🔢❵الـــبـــــــــــ❴الاول❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:قناة:*
*📚قصص||روايات||منوعة📚*
*❴📚❵↵القناة:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*https://whatsapp.com/channel/0029VaNMcGuHFxP9VtPQOm2A*
*📚قصص||روايات||منوعة📚*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *يمان سعيد* 🧡
➖➖➖➖➖➖➖➖➖
*❴📝❵↵تـنـسـيـق:قناة:*
*📚قصص||روايات||منوعة📚*
https://whatsapp.com/channel/0029VaNMcGuHFxP9VtPQOm2A
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
📚كتب ||روايات|| منوعة📚:

#أكذوبة_حب_بقلم_نسمات_الليل
الجزء الأول:
هدوووء فظيع .... بطابق سُفلي ..... وريحة غريبة ... بكاريدور صغير ... قدام باب أبيض .... واقفة وعم ترجف وفي مين ماسكة من اكتافها وداكيها ع صدرو ..... كانت عم تسمع الخطوات وراها عم تقرب ناح الباب .... ودقات قلبا عم تتسارع .... كز على كتافا الشخص اللي ماسكا وهمس بصوت خفيف .....
-غالية ثواني ورح ينفتح هالباب ... لازم تكوني قوية ... وصوتك ما يطلع لو شو ما صار ... والا اذا حدا سمع منصير بخبر كان ... انا عملت مليون اتصال لاقدر فوتك ... وعديني تضلي قوية .....
هزت غالية براسا كذا مرة انو مفهوم .... ووصل الشب اللي وراهن .... لابس مريول ابيض .... فتح الباب .... وقبل ما يفوتو حكا الشب ....
-استاذ كميل رجاءا بلا صوت ... اهلو بيوصلو بأي وقت ......
-كميل: ولا يهمك .....
كان الحديث عبارة عن ثانتين بس غالية حستن كتير طوال وهيي عم تراقب شق الباب المفتوح .... فتح الشب الباب ع وسعو وفات .... ولحقو كميل حاضن غالية .... كان في كمية برادات كبيرة ..... سحب الممرض واحد منن وشال الشرشف عن وج الميت .... وبعّد لورا شوي .... قربت غالية ودموعا محصورة واهاتا مكتومة .... وهبطت عالارض بأقل من ثانية ..... وعيونا فاضو دموع .... قرب كميل ووطا حدها وهداها ..... صارت تمسح دموعا بقوة لتقدر تشوفو .... قربت ايدا شوي شوي ناح وجو ... بس ما قدرت توصل ... بعدتا فورا ..... وصرخت صرخة من الصميم ......
-غالية: ااااااااااااااااااااااااااااااااااااااااه ...................
فورا كميل رفعا من اكتافا وجرها وراه ......... والممرض عم يركض وراهن ويسكر الباب .... وهيي عم تحاول تقاوم لترجع .... وكميل شادد عليها بقوة لتمشي .....
-كميل: جرصتينا .... اهدييي ... ها هوي الوعد .... يلا ضهري عالسريع .....
-غالية: ما قدرت ... ما قدرت ..... الله يوفقك رجعني .... ما بقا رح يطلع صوتي ....
-كميل: ما عاد في وقت ... اهلو صاروا واصلين .... اطلعي بالسيارة .....
طلعت بالسيارة وهيي عم تبكي وتشهق .... بس صفنت فورا لما لمحت سيارة بتعرفا كتير منيح جايي ..... نزل منا اب وام واخ واختين عم يركضو ويتعثرو ليوصلو لجوا .......
-غالية: ليه هني اي وانا لا ........ بدي انزل ..........
-كميل(بعصبية): غاالية اهدييي ....... لا تنسي العدواة بينك وبينن .... عم تسمعي ..... بلا ذل .....
-غالية: مستعدة انذل كرمال شوفو عشر دقايق ......
-كميل: رح تنذلي عالفاضي .... ولا كإنك عشتي معن شهور وبتعرفيهن ....... يلا لازم رجعك عالبيت ... واجي اوقف حدن .... انا صاحبو الوحيد ......
ساق حوالي الربع ساعة .... بصمت ... وصوت دموع بس ..... دموعا الها .... كانت صافنة بالطرقات وعقلا واقف ... ما عم يفكر بشي ... غير ذكريات .... بس مش اي ذكريات ... كانت ذكريات مؤلمة ........... كان كميل حدها عم يحاول يضل قوي ... من لما سمع بخبر وفاة صاحبو وهوي مقلوب فوقاني تحتاني ....بس الشب بضل قوي ...وبنظرو هاي هيي الدني ... وكلنا ع هالطريق .... بس رغم كل صمودو وقوتو .... هربت دمعة من عينو .... اد ما يحاول يكابر .... هاد صديق الطفولة .. المراهقة ... الوعي ..... الرشد .. والكبر ..... وصل وصف السيارة .... نزلت من غير صوت .... ووقفت ناح شباكو .....
-غالية: بتشكرك كميل ....من كل قلبي ... انت الوحيد اللي كنت معي ... كلن كانو ضدي ... اهلي واهلو ... والدني كلها .........
-كميل: ما رح اتركا حسرة بقلبك تشوفيه ..... وبتعرفي انا الوحيد اللي بعرف كل شي ..... يلا اتأخرت .... انتبهي ع حالك .....
-غالية: الله معك ..... كمييييل ...استنا ...... بس تروح قللو لعمّار اني (اختنق صوتا وطلعت الكلمة مع بحة) بحبو كتير ... قللو يوفي بوعدو وياخدني لعندو .....
ابتسم كميل بصعوبة وهز براسو وفل ..... فاتت ع بيت اهلا وعيونا مورمين .... وقعدت بأرض البيت وهيي تشهق بصوت عالي وتبكي اكتر .... تصرخ واختا تهديها .... وبيها ساكت ولا حرف ..... وامها عم تدعي ......
-غالية: راااااح ...... رااااااح الغالي يا عبير ..... راااح ......
-عبير: روقي ....روقي اختي ..... قومي معي .... عالحمام غسلي وجك .....
اخدتا اختا وفاتو ... وتأفف بيها ....
-ابو غالية: انا هالوضع ابدا مانو عاجبني .... بتخللي بنتك تضبط حالا .....
-ام غالية: روق عالبنت .... مانو سهل اللي صار .... كلنا انقهرنا ....
-ابو غالية: نحن انقهرنا ع شبابو وعالخبز والملح اللي بيناتنا ...وخلص انتهى كل شي .... بس هيي اللي عم تعملو ما بقول الواحد انو من شهر تركتو .... (كز ع اسنانو) .. مش بس تركتو ... ذلتو ... وهانتو .... ومسحت فيه الاراضي ......
-ام غالية: شو هوي قليل اللي عملو فيها .....
-ابو غالية: ما هاااد االي عم بحكيه .... انو رغم كل شي هيي هسترت .....
-ام غالية: لا حول ولا قوة الا بالله العلي العظيم .........
____بعد مرور اسبوعين________
اندق باب بيت اهل غ
الية ... وفتحت عبير ......
-عبير: اهلين فاتن .....
-فاتن: كيف صارت ....؟
-عبير: تحسنت الحمدلله .... تعي ليكا بالغرفة ....
سلمت فاتن رفيقة غالية الوحيدة ع ابو وام غالية ... وفاتت هيي وعبير ع غرفتا .... قربت فاتن من غالية وقعدت حدها عالتخت .... رفعت الحرام عنها ... وبس شافتا غالية انتفضت من مكانا وقعدت فورا .....
-غالية: احكيلي كل شيييي .... كيف الوضع .... ؟
-فاتن: ولا شي عادي .... متل كل بيت .....
-غالية: فااااتن .... لا تجدبيها عليي .....
-فاتن: لا تتزأوريني عبير .... بدي احكي .... بتعرفيني ما بخبي عنها شي ..... امو طول العزا عم تضرب راسا وتقول الله يلحقها فيه ... الله ينتقم منا ... ما تركت دعوة ما دعتا .... ولا ااه ما طلعتا .... حالتن لا يُرثى لها ... واخواتو البنات ما تركو شي عليكي الا وحكوه للناس اللي جايي تعزي .... طالعوكي شيطانة ......
-عبير: اوف هالقد اللؤم ... ما عندن شغلة وعملة الا اختي ... وابنن مات .... يفكرو فيه ... يبكو عليه .... هاد همن ؟ ...
-فاتن: وهني وعم يدفنوه صارت تطلع بإبنا همام وتقلو انشالله بتدفنا الها متل ما عم تدفن خيك .....
-غالية: لك يا رييييت ... يا رييت بيدفنوني متلو لروح لعندو .....
-فاتن: لا تحكي هيك بعيد الشر ................... ليه عم تبتسمي .......؟
-غالية: حاسة بشي غريب جواتي ... يمكن فرحة ... يا رب والله انا مش من الناس اللي بتشمت .... بس انت ما بتنسى حدا .... كانو عم ياخدوه مني ليضل الن ...اخدتو منن لتفرجيهن انو هوي لا لغالية ولا الكن ... انو كل محاربتكن لتاخدوه .. انا بلحظة اخدتو لفرجيكن انو حتى هلأ هوي مش الكن .... ع اد الظلم الي ظلموني ياه .....
-فاتن: واختو علا عم تضرب بحالا كيف مات وهوي متخانق معا .... الهن شهر بنفس البيت وما بيحكو مع بعض ..... وعم تلومك .....
-عبير: هني من ايدن ... كانو انانيين ... وحسرتن كلها لانن ما هنوه بآخر ايام حياتو ......
-فاتن: غالية بشو صفنتي ؟ ...
-غالية: رغم كل شي لساتني بحبو ... هوي حبي الاول ... بس الظروف كانت اقوى منا .... وعقلي كان اقوى من قلبي .....
فاتت لعندن ام غالية ... وقالتلن انو الغدا جاهز .... اتجمعو حول الطاولة ....
-فاتن: غالية حددو يوم حفل التخرج .... ب ١٧ الشهر الجاي ....
-غالية: مش رايحة .....
ترق ابو غالية الملعقة بقوة وصرخ .....
-ابو غالية: ح تروووحي .... الك اسبوعين حابسة حالك وانا ساكت عم قول بكرا بتنسى ... وصعبة عليها كان في بينن خبز وملح ....... بس بكفي هالقد .... من هاللحظة بتشلحي هالاسود وبترجعي غالية القوية وبتكملي حياتك .... لتفرجي الكل انك قوية وحياتك مش واقفة ع حدا ..... انا ما بسمح لحدا يقول عن بنتي ضعيفة .... ربيتك انتي واختك كل شبر بنذر .... لشوفكن بأعلى المراتب ... مش لتتبكوكو ع حدا وتحبسو حالكن .....
-غالية: بس .....
-ابو غالية: بلا بسسس ... كانو شايفين حالن عليكي وهني جايين من الحقالي والدخان والبقر .... وكل واحد منن واصل لصف خامس وتارك .........
-غالية: الشغل مش عيب .... ونحن مش غنايا ولا منتصرف بفوقية ... وضعنا صح احسن منن ... بس متوسطين الحال .....
-ام عبير: من غيرة البنات منك عبّو براس اخوهن وامن لصار اللي صار .... ولولا المصاري اللي بيبعتا ابنن الن من برا البلد ... ابنن اللي هاجج منن ومتزوج برا ... كانو هلأ عم يشحدو اللقمة ...... الوحيد اللي اتعلم وكان واعي وبعّد عن هالقرف .....
-ابو غالية: استغفر الله العظيم .... نحن ما منفكر هيك ... عم بضطر احكي شي ما بحب احكيه ... ولا بحب اتصرفو .. من ورا تصرفاتك .... بعمرنا ما تكبرنا ع حدا ... بس انتي اجبرتيني ...... مش نحن اللي عملنا الفرق بيناتنا ... هني اللي عملو الفرق ...... هني بتصرفاتن حسسونا انو هني اقل مننا ......
بعد فترة ......... بيوم حفلة التخرج ....... كانت غالية حاملة شهادتها بلباس التخرج .... واهلا مقابيلا فخورين فيها .... خريجة علاقات عامة أد الدنيا .... انتهت الحفلة ... وقربت فاتن منها بلباسها التخرج كمان ......
-فاتن: تعي معي عالبيت ... الك زمان ما جيتي ... مناكل سوا ومنحتفل .....
-غالية: ما بدي .... ما بدي فوت ع هديك الضيعة ... بعدين اليوم اربعين عمار ... كيف شائت الصدف اتخرج بيوم اربعينو .... كان واعدني يعملي حفلة كبيرة .... بس راح .....
-فاتن: اوعى ... اوعى تبكيييي .... اليوم يوم الفرح .... خلص انتو من الاساس كنتو تاركين وما ح يعمل حفلة ... انسييي .....
-غالية: بس يمكن كنا رجعنا ...... !!
-فاتن: كاااان عندك ااامل ؟؟؟؟؟ ..... فظيعة انتي ......
-غالية: لا ... بس كان ممكن قلبي يضعف ......
-فاتن: اسكتي وامشي معي ... يلا انا بسأل بيك ... ما بقول لا .....
-غالية: لا خلص ما بدي .... ما تأصري كتير ....
-فاتن: ليه ؟ ... خوف من اهلو ؟ ... او المواجهة ؟ ... او خايفة تتجدد الذكريات بهديك الضيعة .... ؟
-غالية: ولا وحدة ..