طفلتي اليتيمه - *بارت50* *ليلة من فبراير* - بقلم لا اعلم فقط ناشره | روايتك

*ننشر جميع القصص والروايات*🤎🕰️ *حب 🤎🕰️* *حزن 🤎🕰️* *اكشن🤎🕰️* *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ https://whatsapp.com/channel/0029Vb5nySH77qVOUYY2kt3M *البارت50* *ليلة_من_فبراير* ☆☆ ☆ العشتهن وحدي محد مـار بيهن لذلك لحد يـسولف عليهن انعم الله اعلئ الايام شكشفت اوجوه صحيح اذني بس عاشت ايديهن ❤️ نهاوند ـ سديت التلفون وخليتة يمي شلت الصوبة وخليته بزاوية الغرفة حتئ اذا انام مندفرهه وكعدت اسولف قصص لخواتي شوي وجاعن وصبيتلهن العشة خليت المواعين يمنة بالغرفة ورجعت احجيلهن قصص .. ااه ياربي الف الحمد لله والشكرر سكف فوكانه وناس ساعدونة ورحمو بحالنة واكل عدنة وخواتي يمي شنو اريد بعد اكثر من هيج حتئ يصير طمع بس شغلة وحدة بعد ناقصتني الكة امي واشوفهه واتعرف عليهه يارب سهل امرنة وخليني التقي بامي باقرب وقت نغم ـ احبج نونة ـ ههه شذكرج هسة ـ يومية اتمنئ احجيهه الج بس التهي وانسئ ـ. فدوة لهل حلك حبيبتي صبا ـ اني همين احبج واموت عليج الحان ـ واااني همين ـ حياتي واني اموت عليجن فدوة الـ الله .. الله نطاني شلون خوات نعمة من الله يخبلن نغم ـ ياريت نبدي حياة جديدة وحلوة وننسئ كل الاذية الاتذيناهه قبل ـ انتو بس لاتحجون بيهه لاحد ولا تتذكروهه كل شوي راح تشوفون نفسكم نسيتوهه ومتجي علئ بالكم بعد نغم ـ ياريت انساهه ـ تنسي يروحي والله تنسي وتصير سوالف ـ ان شالله الحان ـ نونة اريد اروح للحمام نغم ـ هيانة الحمام يم غرفتنة كومي روحي ـ ما .. اخاف اروح وحدي نغم ـ امشي ولي كل حجاية وكالت اخاف نهاوند ـ شبيج نغم اكيد تخاف بعدهه صغيرة والبيت جديد عليهه.. كومي اني اخذج صبا ـ اني همين اجيي نغم ـ شنو هاي اشو الكل انحصر بقت عليه اني همين اجي وياجن ـ هههههه كومن يلة طلعنة خارج الغرفة للهول متنة برد ..ثلج مجرشين من البرد يلة دخلو للحمام بسرعه خاف تنشلون الجو ثلج نغم ـ خلي تدخل لحونة وصبا وبعدين اني .. ـ يلةة اتحركن.. دخلت لحونة للحمام ووكفنة نتضرهه البيت يخوف ما اعرف يمكن لان مابي بردات والظلام بكل مكان بس كلوب بالهول عدنة.. لو لان البيت جديد علينة ممتعودين نكعد لوحدنة نغم ـ الجو ثلج هنا ـ اي عادي البيت ممفروش وماكو صوبات هواي ولاتنسين حتئ بردات مابي فـ الهوئ البارد يلعب لعب دخلتهن للحمام وغسلت الهن طلعت صبا وبقت نغم بالحمام واكفين ننتضرهه سوية ثواني وصرخت صبا صباـ يمـــــــةةةةةة ـ ووولج شبيجج شنو شبيج ااحجي ـ اااكو واحد بالشباااك يباااوع عليييينة ـ كلبي وكف من الخوف اريد اتحرك مدكدر خاتلات صبا والحان بية عود اني المفروض احميهن واني مرعوبة من نفسي .. ياربي ساعدني ـ اكو واحدد واااكف برررة يباوع عليينة عيوونة تخوووف نغم ـ ووولجن خلي اطلع لاتعووفني ـ منعوفج لاتخاافين ذكري الله صباوي بسم الله الرحمن الرحيم التفت علئ الشباك كوة اباوع يمكن لو شايفة شي جان اغمئ عليه ماكو شي هاي تخيلات ـ ااني شفته وووالله العظيم شـــفتهه جان واكف يباوع من الشباك لونة اسود عيونة كباااار تخوووف ـ اااش صووتج لاتعلي حاولت اتمساك شوي جريت نفس وعدلت وكفتي... كافي صبا محد واكف يم الشباك انتي تتخيلين لان ظلمة محد يكدر يدخل هنا الا يدخل من الباب الخارجية يلة يجي يم الشباك نغم ـ شبيجن خليتني اطلع اركض من الحمام الحان ـ صبا شافت واحد اسود بالشباك ـ عزا يمةةة نهاوند ـ ماكو شي بس لان ضلمة تتهيئ امشن امشن ادخلن جوة بالغرفة وكافي لغوة زايدة نغم. ـ اوكفييي اريد اغسل ايدي ـ فضيهه عااد يلة ـ نونة اخااف لاتعوفين ايدي ـ كافي صبا لاتضلين تباوعين علئ الشباك وتخوفين روحج كلشي ماكوو واالله ماكو شي لميتهن ودندخل الغرفة وسمعنة صوت طبة كلش قوية بالمطبخ .. صبا ـ سمعتييي نونةة سمعتيي ـ اخذتهن وركضت جوة للغرفة.. لا ماسمعت شي اكعدن هنا ولاتضلن تتخيلن نغم ـ اني سمعت اكو شي بالمطخ وكع عبالك كتب وكعت ـ شفتي مو اكلكم تتخيلون وين عدنة كتب اصلا المطبخ فارغ كلشي مابي عفية. كعددن هنا وكافي حجي لخاطر الله التمن خواتي يمي ولزكن بية الدمعه وكفت بطرف عيني من الرعب والخوف بس اذا اخاف كدام خواتي راح يبقن يصيحن ويتراجفن واخاف يصير بيهن شي ياربي شوكت يطلع الصبح الباب مقفولة كمت اركض خليت عليهه جنطة الهدوم الجبيرة حتئ لاتنفتح .. نغم ـ انتي همين خايفة مثلنة ـ أ انـ اني.. لا اابد صبا ـ اني ميتة خوف نونة شفتة بعيني واكف ـ كافي بجي حبيباتي فدوة. كافي بجي نغم ـ ما اكدر اسكت ميتة. خوف ـ شنو شبيجن نسيتن من بقينة الليل كلة بالشارع لوحدنة بعز الظلمة والخوف والرعب جان ممكن اي واحد يجي علينة يبوكنه ويقتلنة شو شيسوي بينة ومنكدر ندافع عن روحنة اسكتن وكعدن اروحلجن فدوة هسة علئ الاقل عدنة سكف فوك راسنة وباب مقفولة صبا ـ بس والله اني شفت واحد واكف يم الشباك ـ كافي لغوة صبا لاتخوفين بالحان ونغم اسكتي دكلج ماشفتي شي انتي متخيلة نغم ـ بس اني من المغرب سمعت طكطة بالهول ـ كامن يتخيلن ياامغرب انوب ؟ اني ماسمعت شي الحان ـ حظنيني نونة لاتعوفيني ـ كمزت بحضني وختلت خطية كلش خايفة هالطفلة صبا ـ هسة يطلع الشبح مال بيت عمو ناصر جاي ويانه ـ اهوو بطلو هالسيرة هسة لاتضلون تحجون كلشي ماكو مو كاعدة وياجن اشو كلشي مسمعت ولاشفت شي نامن انتن تعبانات واكيد دتتخيلن صبا ـ عزااا سمعتوو ـ كلبي وكف جريت نفس وقريت المعوذات وشكو اية حافظتهه قريتهه من الخوف اباوع علئ خواتي مديعجبني مو علئ بعضهن .. شبيجن خايفات هاي بزازين نغم ـ قابل البزونة جوة البيت تفتر غير هية بررة بالشارع ـ يجوز اكو شباك مكسور ودخلت منه.. البيت اليوم كعدنة بي ماشفناه زين نغم ـ البزونة متمشي هيج هذا عبالك واحد برة بالهول ديفتر نونة ولج خاف حرامي ـ اجتي ولزكت بية خرب حظي اني جبيرتهن ومرعوبة من الخوف وهذني محتميات بية ياربي انطيني القوة والله راح انهار من هالمصايب.. خاف صدك حرامي وشافنة بس بنات ويريد يقتلنة. عليت صوتي بالحجي بس كوة. يطلع الصوت .. قابل شنو عدنة يبوكة والله ماعدنة شي بس المسواك حتئ فلوس ماعدنة.. نغم ـ عفية خابري علئ بيت خاله كليلهم يمكن حرامي دخل علينة ـ ولج عيب اخابرهم يمكن هسة نامو صبا ـ هذا لو حرامي لو شبح؟ ـ ااخمدي عااد وكافي حجيي كلمة بيهه خير متعرفين تحجين كافي عاد لحونة لاتخافين صبا تتشاقة وياج حبيبتي كعدو بمكانكم ولا تضلون تخوفون بروحكم اصلا انتن تتهيئن ماكو شي الباب مقفولة بالسركي كافي تخافن الله يخليجن كافي اهدئو وسكتو واكعدو بمكانكم ياربي كلبي واكف من الخوف بس ماكدر احجي كدامهن كمت اقراة ايات قرئانية بصوت عالي انوب الطكطة زادت مانقصت حضنت خواتي وكعدت كلش مرهقة وتعبانة صارلي جم يوم مانايمة اتمنئ هسة اخلي راسي وانام وارتاح خواتي يتراجفن واني همين ياربي ليش مكتوب علينة التعب عفية ربي مو دتشوفنه بس بنات صغار ابعد هالامور التخوف عنة والله تعبت شوي هدائن خواتي بحضني ثواني وطفت الكهرباء كملت خرب حظي .. نغم ـ وين الضوة ـ اوكفي لاتخبصيني جان هنا يميي قبل لانكوم الحان ـ عفية ووين الضوة كمت اخاف ـ ولجن صبررن لاتخبصنيي خلوني اندل دربي.. علئ ضوة الصوبة واتلمس اجتي بيدي الجداحة راسا علكتهه دورت التورج ماكو وين ولة جان يم فراشي اني بيدي حاطته يم راسي ضليت ادور وافر براسي التفتت شفته يم البردة عجيب هذا شوداه هناك.. رحت امشي علئ كيفي مرعوبة لا يطلعلي شي من البردة .. اخذته وشغلتة ورجعت اركض يم خواتي نغم ـ منو شاله منا ووداه هناك صبا. ـ مو اني والله العظيم الحان ـ ولا اني والله معليه ـ مو جنتي حاطته يم فراشج ليش ودتيي هناك ـ ما ادري يمكن شلته وية الصوبة وما انتبهت ـ لا نونة قبل لا نطلع للحمام جان يمنة ـ كافي نغم لاتلحين قابل راح تعرفين اكثر مني دكلج اني وديتة بيدي هناك يلة نامو وكافي حجي عاد ترة انسطرت صبا ـ ساعه بيش هسة ـ باوعت للتلفون شفتهه ساعه 12 الاربع صار نص الليل يلة نامو حبابات الحان ـ لو باقين ابيت مريم ومرح جان هسة دنتفرج علئ التلفزيون ومنخاف من شي ـ ادبر تلفزيون حبيبتي بس خلي اشتغل وكلشي يهون تمددن خواتي واني يمهن ماعرف اوصف شعوري بهالحظتهه اتمنئ تطلع هالامور كلهه تهيئات ومابي شي البيت متت تعب صارلي يومين اكثر منايمة عدل .. خليت راسي علئ المخدة احسة راح ينفجر من الوجع نامو حبابات لاتخافون ان شالله ماكو شي مر تقريبا ساعه كلشي ماكو بديت اطمئن الحمد لله هذا كلة اوهام الحان نامت وصبا ونغم دتغفي يمي ستوهه شكلت عيني وسمعت طشت المي اليم الحمام عبالك احد دياخذ منة مي او يلعب بالمي نغم ـ دتسمعين نونة ـ من الخوف راح كلبنة يوكف يالله نغم ترجف وخلت راسهه جوة البطانية التورج بدة يخف الضوة مالته اريد اتحرك من مكاني وادور الشموع وين بس ما اكدر اكوم من الرعب يارب هذا حلم يارب هذا كلة كذب احنة دنتخيل نغم ـ خابريهم عفية نونة ـ كافي لاتبجين اسكتي لايكعدن البنات ـ عفيةراح كلبي يوكف من الخوف ـ راح تصير ساعه وحدة نص الليل مترهم اخابر احد .. انتي بس نامي وهسة يطلع الصبح خلصنة الليل كلة نسمع اصوات بالمطبخ بالهول بالحمام اغفئ واكعد فازة علئ صوت شي يتحرك بالهول اخر شي اغمئ عليه من التعب ونمت ما اعرف شلون طلع النهار علينة كعدت من النوم خواتي مو يمي طالعات برة الغرفة اصواتهن مبين ديلعبن كمت من مكاني راسي راح ينفجر شفت التورج هابط شحنة راسا خليتة علئ الكهرباء وحضرت شموع وجداحه يمه طلعت برة الغرفة لكيت خواتي مطلعات خبز وياكلن خطية جوعانات.. ها ولجن شوكت كعدتن نغم. ـ صار ساعع من كعدنة ـ ليش ماكعدتني اسويلجن ريوك ـ اني ماخليتهن يكعدنج ـ ليش خطية جوعانات ـ مو انتي جنتي كلش تعبانة البارحة ـ حبيبتي .. ها ولج صبا اشو طالعه بالطرمة وتلعبين مو خبصتيني البارحة خايفة. من الشباك ـ والله شفته جان اسود وهنا واكف ـ راحت تركض يم الشباك دتشوفني وين واكف هالشي اليخوف .. الحمد لله من خلصنة اول ليلة ولو ليلة كشرة مرت علينة بس الحمد لله مرت سلامات اخذت الصوبة وترستهه نفط وشغلته سويت عليهه جاي ورديت طفيتهه طلعت جبن وكعدنة نتريك .. اخذت فرة بالبيت اتمعنت بيه ماكو شي لا اكو باب مفتوح ولا شباك مكسور لعد شنو صار البارحه شنو هاي الاصوات السمعناهه بالبيت ان شالله ماكو شي مسحت البيت ورتبت الاغراض النطونياهة شفتن يابنات شفتن البيت شكد حلو ومابي شي نغم ـ ليش عايفة الطباخ والقنينة هنا خلي نطبخ عليهن ـ لا هذا طباخ ياسر عيب ناخذة عندي الصوبة اشتغل عليهه ـ ترة تلفونج ديدك جوة ـ روحي جيبي حبابة راحت تركض ورجعت ـ هاي عمة كميلة ـ اهوو ..ماريد احجي وياهه هسة عوفيهه ادك بعدين اجاوبهه تعالن ادخلن جوة الجو بارد صبا ـ خلينة نلعب بعد وكت الشمس حلوة ـ مو تطلعن برة ترة اضربجن ـ اي ردت ادخل جوة بالغرفة بس كلبي ما انطاني اعوفهن جبت جرجف وفرشته برة علئ الشمس وكعدنة نتشمس كاعدات خواتي يلعبن واني يمهن باب البيت الخارجي مو كلش مرتفعه تقريبا بطولي انشمرت علينة طوبة من الشارع اخذنهه خواتي يريدن يلعبن بيهه.. لالا جيبنهه عيب مالت الناس هاي الحان ـ عوفيهه خلي نلعب بيهه ـ لا ميصير حبيبتي اان شالله من يصير عندي فلوس اشتريلكم وحدة اخذتهه وردت افتح الباب حتئ ارجعهه وشفت ولد يمكن عمرة عشر سنين متسلق علئ الباب وطفر علينة.. هاي شنــــو شلون هيج تطفرر علينة مو عيب متستحي الولد ـ يمةةةة منووو انتوو ـ وووجع ولك شبييك ليش تعيطط ـ يعني انتو بشر؟ ـ شبيك حباب عاقل مخبل انت ـ منوو انتو وشوكت اجيتو هنا ـ انت المنو شلون هيج تكمز علئ البيوت ـ اجيت اخذ الطوبة ما ادري بيكم انتو كعدتو بهالبيت ـ بعد ميصير هيج تطفر ياحباب من تريدوهه دكو الباب واحنة ننطيهه الكم الولد ـ زين انتو شوكت كعدتو بهذا البيت نغم. ـ البارحه اجينة شنو ماشفتونة ـ وشلون نمتو بالليل ماخفتو نهاوند ـ شنو هالحجي ليش نخاف عود ـ يمـــــة هذا البيت محد يقبل ياجرة ترة لان مسكون بي جني ياهو اليكعد بي يعوفة ورة يومين ميطول اكثر ـ عاطن خواتي و طفرن يمي من الخوف ااش اسكتن .. لعد اذا مسكون ياحباب ليش طافر علئ البيت شنو متخاف من الجني ـ لا بالنهار منخاف اني واصدقائي نطفر عادي بس بالليل زلمة اليجي هنا كلهم يخافون ـ لاتضل تجذب قابل الجني ينهزم بالنهار ويرجع بالليل البارحة نمنة بي ماكو شي صبا ـ ااني شفتة البــ ـ خليت ايدي علئ حلكهه وسديته ... ـ كيفكم اني العلية كلتلكم ماعندي مصلحة اجذب عليكم انطوني الطوبة عفية خلي اروح ـ اخذهه ولاتكمز بعد هيج.. اخذ الطوبة وراح الولد بس كلماته بقت ترن باذني معقولة هالبيت مسكون اشو شكلة حلو ومرتب وبنائة جديد كل شوي اضحك وية خواتي واصنف عليهن لان خايفات اريد شوي اقلل من توترهن بس بالواقع اني خايفة اكثر منهن دخلت للغرفة واخذت التلفون لكيت خاله ام اميل متصلة علية اربع مرات عزا شكد عيب راسا دكيت عليهه .. واعتذرت منهه لان ماجاوبتهه ـ عادي خاله ردت بس اطمن عليكم شلونكم شلونهه ليلتكم الاولئ بهالبيت خو ماخفتن لان وحدجن ـ تنهدت من كالت شلونهه ليلتكم بخير خاله الحمد لله ـ خو ماكو شي ـ لا ماكو شي خاله.. ـ والله مكانكم خالي ابيتنا فقدناكم ـ والله احنة همين.. خاله عفية لينا ماشافتلي هاي المرية حتئ اشتغل ـ تقصدين ام محمد غير.. ـ اي هية ـ اي خابرتهه قبل شوي علمود هالسالفة. وكالت لينا هاليومين تفرغ وتجي عليج تاخذج الهه وتتفاهمن ـ ياريت بسرعه خاله اريد اشتغل ـ حقج والله الشهر يركض ركض والايجارات مينلحك عليهه هسة ارد اخابرهه واكد عليهه ـ رحم الله والديج خاله ـ ووالديج بنتي ..محتاجين شي ؟ ـ لا شكرا كلشي عندي ـ لا تطلعين برة البيت وحدج اخاف اتيهين بعدج متعرفين المنطقة ومتندلين اذا تحتاجين شي خابرينة ياخذنج البنات يدلنج ـ ان شالله خاله .. خلصت المكالمة وسديتة دقايق اندكت الباب طلعت دشوف سمعت صوت خواتي يهوسن عمو ياسر اجئ .. طلعت اركض ووفتحتلة الباب بقئ واكف برة ماقبل يدخل.. هلو ياسر ـ هلو نهاوند اشلونكم ـ بخير الحمد لله الحان ـ عموو البارحة طفر علينة حرامي ـ اااش ياسر ـ شنو حرامي صبا ـ ياحرامي بابا هذا شبح لونة اسود ياسر ـ شنو القصة نهاوند فهميني ـ ماكو شي بس البنات يتخيلن نغم ـ ليش تضمين عليه والله عمو ما جنة نتخيل البارحة كومة اصوات بالبيت ـ البيت فارغ وهنة يخوفن بروحهن لاتهتم نغم ـ شبيج نونة احجي ليش متحجين ـ صكيت سناني وخنزرت عليهن.. كاافي عاد اسكتن.. ياسر ـ خطية مبين خايفات ـ عادي بيت جديد عليهن ومنطقة جديدة تعرف من بغداد اجينة لهنا يعني مو سهل علينة هيج نننتقل هالمسافة يعني عادي لازم يخافن ـ هاي جبت الكم اشويا اغراض ووهذا كلن نفط للصوبة ـ يا شكرا .. بس لاتعب نفسك اني ادبر حالي ـ ميخالف بين مدبرين نفسج وتعتمدين علئ روحج اني موجود ـ الله يحفظك .. كلمة شكر بحقك قليلة ـ لا شنو هالحجي احنة اخوة ان شالله .. يلة محتاجين شي قبل لا اروح ـ لاسلامتك.. سلم علينة وراح ياسر نغم ـ ليش ما خليتينة نحجي لعمو ياسر ـ شتحجين اوهام وتخيلات ميكفي وكفو ويانه وسندونة جان هسة احنة بالشارع لو ما همة وبعدين شنو معنئ حجيجن و ليش اصلا تحجن هيج سوالف طايحات الحظ متستحن اتلكيتن الولد من الباب علئ هالحجي صبا. ـ ليش هو انتي خليتينة نحجي شي ـ انجبي شتريدين تحجين بعد اسمعن هالبيت لو بي واحد ميت ودافني جوة الكاشي همين ما اطلع منة عفتهن واخذت الغراض ودخلت بالبيت صبا ـ يعني اليوم همين راح نبات هنا والله مرعوبة وخايفة الحان ـ حتئ اني ـ الف مرة كللت كلشي ماكو كولو بسم الله الرحمن الرحيم وكلشي متسمعون.. وينج نغم اخذي الطشت خلي جوة الحنفية حتئ ينترس دخلت ادور علئ تلفوني مالكيتة ولجن بنات وين تلفوني نغم ـ بالغرفة انتي حطيتي جوة قبل شوي ـ وينة وين حاطاتة ماكو انخبصنة اني وخواتيي اندور علئ التلفون مابقيت مكان مادورت بي عجيييب ووين ولة وووين راااح نغم ـ اخاف برة عايفتة ـ وين برة اني حطيته هنا يم الصوبة بأيدي خليتةة ووين راح طلعت نغم ادورة ورة ماكو فص ملح وذاب .. ردينة كلنة ندور بالغرفة ماكو كعدت تعبانة وطالعه روحي وين صار صبا ـ اسمعن اسمعنن التلفون ديدك ـ طلعنة نركض كليتنة سوية اندور مين الصوت .. نغم ـ الصوت جاي من المطبخ ـ ركضت علئ المطبخ لكيت التلفون مشمور يم البلوعه مال السنك .. المكان فارغ لان ماعدنة سنك بس هذا شجابة هنا سانتيم ويوكع ابطن هالبلوعه.. رحت اخذت التلفون من الكاع اريد اشوف منو اتصل عليه.. ماكو احد متصل ولا رساله لعد شلون دك هذا؟ نغم ـ شنو نهاوند منو دك عليج ـ محد ـ شلون محد مو جان يدك ستوة ـ ها ..اي .. هاي عمة كميلة لاتخلون ابالكم يلة امشو جوة بالغرفة دخلت الطشت يم الحمام بنات منو محصورة خلي تروح للحمام صبا ـ شلون اذا نحصرنة باليل ـ لاتشربون مي هواي يعني اشربو شوي مو هواي .. اجئ الليل واجتي بلاوية خطرت ابالي لعبة العبهه وية خواتي يلة بنات منو حافضة سورة الحمدو او اي سورة ثانية .. الحافظة وتقرالي هواي باجر اشتريلهه جبس ونستلة كعدن خواتي يقرن ويتنافسن بيناتهن بس كل تفكيري برة الغرفة نفس الاصوات رجعت اللعب بالمي والمشي بالبيبت احس راح اتخربط من الاسمعه همست صبا بصوت ناصي صبا ـ دتسمعون الحان ـ اريد امــي ارريد اميي ـ حضنتهه قوي حتئ لا تخاف اكثر ـ كافي حبيبتي لاتبجين اقري سورة الفاتحه حتئ متخافين التمن. خواتي يمي ويبجن مرعوبات من النسمعه صار الدك علئ حايط البيت عبالك احد بالهول ويدك علئ حايط الغرفة الحان ـ هذا الوحش راح يجي علينة و ياكلنة ـ كلشي ماكو بس اسكتو .. كمت ماعرف اقرة قران من الخوف والارتباك والرعب اباوع الساعه صارت بالتسعه بالليل كلنة منشتهي ناكل من الخوف ثواني وسمعت القنينة وكعت بالمطبخ صوتهه كلش عالي وية وكعت القنينة الباب اندكت كليتنة عطنة سوية بس دكة. مو طبيعية لا دكة قوية عبالك احد يريد يدخل علينة نغم. ـ خاااابريي عموو ياااسرر خااابري ـ بدون تردد جريت التلفون واتصلت بعدة مارد علية وطفت الكهرباء اريد اكوم اجيب التورج رجلي متساعدني زحفت زحوف حتئ اجيبة اول ما شغلتة ورد عليه ياسر ـ الو ها نهاوند نغم ـ عاااااااا البررردة انفتحتتت ـ بسم الله الرحمن الرحيمممم بسمم الله ياسر ـ نهااوند شنوو القصة شبيييكم ـ الحكنةة ياسرر الحكنةةة ـ جااي لاتسدين التلفونن ولاتفتحين الباب لاحد جايكم هسة طلعت من البيــت ـ خلص رصيدي من دة احجي وية ياسر اليوم مو مثل البارحه شنو ديصير بالبيت ياربي دخيلك الشباك مال غرفتة كل شوي يندك وشباك الهول همين راخ ننحلط اني وخواتي من الرعب كمت اصرخ يارب ارحمنة بسم الله الرحمن الرحيــــم رن عليه ياسر وراسا شلتة ـ شنو صاير فهمني احد بالباب واكفلكم ـ ماعرف شكلك بس عفية لاتتاخر الكهربا طفت وميتين رعب كمزت علية صبا وختلت راسهه بحضني وج شبيج صبا ـ اكوووو واحد يبااوع عليةة بالحاايط ـ حجت هيج وعاطن البنات راسا كمت ابجي بعد ما اكدر اتحمل الحكنةة االله يخلييك ياسر ـ جاي والله جاي لاتخاافين هسة راح اوصل ـ مدسمع ياسر شنو ديحجي كل تركيزي بالبيت والغرفة البردة صارت تتحرك عبالك اكو هوئ عالي القنينة كل شوي تنضرب الباب تندك ووتركع بشكل مرعب الشبابيك تندك ماعرف شلون ما اغمئ علينة من الخوف بس الله لطف بينة واجتي الكهربا حسيت ربي يريد ينقذنة بهالثواني ماسمعت صوت بعد جريت خواتي وطلعت من الغرفة فتحت الباب الخارجية وطلعت بالشارع كلنة طلعنة حفاي حتئ التلفون وكع مني جوة عفتة وطلعت اركض ابتعدت عن البيت ورحنة علئ السايد الثاني طبكت يمنة سيارة لايتاتهه عاليية مكدرت اشوف منو لزمت خواتي وابتعدت ونزل ياسر يركض ـ ها بنات شنو صاير ـ بس شفناه انهاريت بالبجي خواتي ركضن عليه وحضننه شال الحان وحضن خواتي واني وكفت قريب منة ـ شنو صاير فهموني الحان ـ البيت بي وحش ماريد ارجع للبيت عفية عمو ياسر لاترجعنة الله يخليك والله اخاف صبا ـ عمو لاتعووفنة الله يخليك راح يموتونة ـ شنو وحش فهميني نهاوند ـ ما اعرف شنو اكلك بس البيت مو طبيعي بي اشياء تخوف ـ كافي كافي اهدئو .. وين تلفونج شكد دكيت عليج ليش متشيلي ـ وكع مني جوة بالبيت بس اجتي الكهرباء طلعنة نركض اني واخواتي بالشارع من الخوف .. ـ اصعدن بالسيارة لاتخافن هسة اشوف تلفونج وين واجيبة واقفل الباب ـ قبل لانصعد السيارة طلع رجال من بيت الجيران المقابيل بيتنة.. الجيران ـ ها خوية سمعنة صوت طلعنة نشوف شكو خو ماكو شي ياسر ـ لا والله ماكو شي بس البنات خايفات شوي الجيران ـ هاا انتو هذا البيت؟ ـ اي ـ انت اخوهن؟ ـ لـ لا لا اني .. كرايبهن ـ وين ابوهن امهن ماعدهن احد؟ ـ ليش صاير شي ـ.شلون بنات صغار تخليهم يسكنون بهالبيت لوحدهن ـ يعني ضروف وحكمت يكعدن ـ مو علئ الضروف .. بس البيت مسكون المنطقة. كلهه تدري بي مسكون ـ مسكون ؟ نهاوند ـ متت بدمي من. هيج حجة راسا كمت ابجي والله الزمن لطمني اتلطم شراح يشوفني بعد الجيران ـ لا تستهزء ترة جديات احجي وياك من اشتريت بيتنة همين مثلك ماصدكت هالحجي بس اثبتتلي الايام هالبيت بي شي دائما نص الليل شخص اسود يوكف هناك ونسمع ركض وضرب وتركع متدري مين جاي تدري ياهو اليجي يكعد بي ميطول يومين ويشرد بس واحد قبل خمس سنين اجئ كعد بي هو واخو وضلو اسبوع كامل تالي واحد مات مندري شلون مات والثاني اتخبل فقد عقلة ـ خواتي يسمعن ويتراجفن ويبجن بالسيارة الجيران ـ بلة ابيش اجرتو؟ ياسر ـ 70 بالشهر ـ وين اكو بيت ب70 الف بالشهر ما سألت نفسك ليش رخيص وهو بيت كامل مو خرابا يمعود الحمد لله علئ سلامة بنات عمك ربك ستر ما صار بيهن شي ـ بس اصحاب البيت ماحجو شي ـ اكيد مايحجون اهم شي يريدون فلوس بس انت لو جاي وسأئل قبل لا تدفع فلوس كان كلنالك وماضمينة عليك ـ الله الحافظ .. هسة اكو اغراض بالبيت اروح اجيبهن نهاوند ـ وين تروح ياسر جايز من نفسك ماريدهن خليهن لباجر الجيران ـ لاتخاف محد يبوك ولا يفكر يدخل هالبيت .. لا تدخلة يا اخوية بهالوكت سدو البيبان وباجر تعالو ـ راح ياسر والسايق حتئ يسد الباب الداخلية والخارجية .. طلع وبايدة التلفون مالتي دموعي مانشفت من الرعب والهبطة الاكلناهه صبا ـ مو كلتلج كولي العمو ياسر اليوم ليش ماقبلتي تحجين ـ صعد ياسر السيارة وسمعهة تحجي .. شنو عمو شتريديهه تحجيلي ـ كعدن يسولفن اله علئ الولد الطفر علمود طوبته شحجئ وشنو كال حتئ عن اصوات البارحه همين حجن اله اخذنة لبيت خاله ام اميل متت خجل اتمنيت الله ياخذني اني وخواتي بيوم واحد ولا هالمواقف الانحط بيهه الدنية ظلمة ويمكن نايمين هسة طلع اميل وفتح الباب .. ـ ها ولك ياسر شبيك شصاير ـ دخلنة. اول شي وبعدين نحجيلك ـ دخلنة للبيت والتمو علينة حتئ خاله جانت نايمة خطية كعدت واجتي علينة ام اميل ـ ها ياستار اشصاير ياسر ـ طلع هالبيت بي سالفة لذالك هيج ايجارة رخيص ـ كعدن خواتي يسولفن ووياسر همين بس اني ماحجيت ولا كلمة احس طاقتي خلصت لا بية اسمع بعد ولا بية احجي نغم وصبا يحجن شنو صار بالبيت وشنو شافن واني مثل الشريط الفلم وينعاد كدامي دكات كلبي صارت سريعه حسيت نفسي متخربطة وفقدت التوازن حجت ويايه خاله ام اميل التفتت عليهه ردت اجاوبهه بس بعد ما ادري شنو صار وراهه كوة فتحت عيني اسمع صوت خواتي يبجن بصوت عالي وخاله والبنات يسكتوهن كلهم واكفين علئ راسي وملتمين فوكاية حسيت علئ نفسي نايمة علئ القنفة ياسر ـ انتي دتسمعيني اميل ـ شصاير بهاالبنية يمعود خاف يصير بيهه شي ونروح بالرجلين ياسر ـ اني اروح بالرجلين انت معليك.. نهاوند انتي زينة ـ حضنني خواتي وضلن يبجن .. ما بية شي لاتخافن.. ام اميل ـ الله لا ينطي اصحاب البيت ماعدهم لا ذمة ولا ضمير شوف من الخوف شصار بيهن فاقدات خطية وحتئ طالعات حفاي ياسر ـ بعد ماكو رجعه لهذاك البيت اميل ـ باجر ندورلهم علئ بيت ثاني ونسأل عنة بيت بيت حتئ لا تطلعنة هالمصايب اشلي ـ عزا الله يساعدكم… اني من يمي خفت .. شلون. بقيتو يومين وليلة بي ـ اول يوم مو هيج بس اصوات مشي ومي ينلعب بي .. حاولت اهدئ خواتي واكول بلكي الله اوهام بس اليوم لا مرعب لا بقت قنينة باب تندك بعصبية اصوات برة عبالك ناس يحجون صبا ـ لالا اصوات تخوف كلش تخوف واني شفت شبح اسود والبردة عبالك هوئ يلعب بيهه وبعدين طلع عيون بالسكف نورة ـ ياااعذرااا انقذيييناا.. كافي عفية راح انجلط من الخوف ام اميل ـ ناس ماتحلل تخبزتهه روحو باجر عليهم شوفو يرجعولكم الايجار وجيبو غراض البنات وياكم كومي خاله روحي لغرفة الضيوف انتي وخواتج ونامو وارتاحو ليلة عصيبة مرت عليكم اشلي ماما اخذيهن للبنات يرتاحن خطية ـ ركضت الحان علئ خاله ام اميل وحضنتهه وتبجي هالطفلة كاسرة ضهري هواي ناقصة حنان وفوك القهر خايفة ومرعوبة خاله حضنتهه وكعدتهه بحضنهه وكامت تسولف وياهه وتضحك ـ اذا انطيج نستلة بعد متخافين ـ اي ـ اتفقنة .. اشلي روحي جيبي باكيت النساتل من الثلاجه وانطي للبنات هنة شجاعات بعد ميخافن هذاك البيت راح ولئ هسة هنة يمنة مو حبيباتي ـ بقت تهداء بيهن خاله والبنات ماقصرو ابد الي تجيب نساتل والي تكعد تسولف وياهن شلون اجازي هالناس ما ادري اشكرك ربي خليتهم بطريقي طول عمري اشكرك وما اوفيك كمت اني وخواتي للحمام غسلت رجلينة من وصخ الشارع واخذونة للغرفة الضيوف وجابو فرشنة وشغلو الهيتر والتلفزيون والاضوية معتلكة نامن خواتي علئ فرشهن وهنة يتفرجن علئ التلفزيون يكلبن علئ الكارتون احس صارت بية حاله نفسية من الخوف كل شوي عيني علئ البردة لو اتخيل احد راح يدك الشباك طفت الكهرباء ومتنة من الرعب دخلت علينة نورة بيدهه لايت وطفت الهيتر ونطتنة اللايت دقايق واميل راح شغل المولدة من التعب والارهاق خليت راسي علئ المخدة اني وخواتي نمنة للصبح كعدنة متاخرين تقريبا ساعه 11 الصبح بقيت كاعدة بمكاني ماحابة اكوم حايرة وين راح اروح وشلون اذا كعدنة ابيت مثل هذاك البيت التجربة جانت قاسية ومرعبة الله لا يعيدهه وينج يا يمة شوفي بنتح شصار بيهه اشلي ـ كاعدين يابنات ـ دكت الباب اشلي وكلتله تعالي دخلي ـ هلاو صباح الخير ـ صباح النور ـ يلة كومو حتئ نتريك امي ماقبلت تتريك تنتضركم ـ يا صدك ليش ـ هية تحب اللمة يلة كومو ـ اخذت خواتي وغسلت الهن وعدلتهن ورحنة اتريكنة سوية ام اميل ـ راحو ياسر واميل يحجون وية اصحاب البيت بس ماقبلو يرجعون الايجار ـ الله ينتقم منهم مشكولين الذمة ـ اي والله.. لا تشيلين هم تفرج ـ ان شالله يارب ـ خطية لمو كل اغراضكم وجابوهن خلوهن ابيت ياسر بس الملابس جابوهن الكم هنا ـ باوعت لكيت الجنطة مالتنة يم باب الغرفة ..ماعرف شلون اشكركم ـ بس ارتاحو ومنريد شي الله يسهل الكم ـ ربي يخليح ياخاله.. مرة الايام والولد خطية ضلو يدورون علئ بيوت اسعارهه مناسبة الي بس كل الايجارات غالية مر اكثر من اسبوع واني ابيت خالة ام. اميل مرتاحه و مامرتاحة هنا مرتاحه لان ماخايفين اني وخواتي وبنص عائلة كاعدين بس ممرتاحه لان احس نفسي صرت كلش ثكيلة عليهم.. ــــــــــــــــــــــــــــــــــــــــــــــــــــ ارشد ـ شنو ذنبهه بنتي حتئ اطلكووهه هذا مو عدل ابو سيف شلون تاخذون بنتي بذنب بنات عمهه شلون حجي هذاا ابو سيف ـ اني اكلك شلون لان المهزومات يصيرن بنات عمهه شك المنشار مو غريبات عنهه ومن بيتكمم انهزمن مو من بيت ابووهن والفضيحة لا وحدة ولا اثنين لا اااااربعهةة المهزومات ـ واحنة شنو ذنبنةة ببنات اخوية ـ طبعاا ذنبكم اذا تخلون العيبة بوجه الجبيرة فهي تربيتكم ترة لان الاعرفة البنية تيتمت من هية وصغيرة وربت بيناتكم بنصكم ام محمد ـ وانت تعاقبنة لان انهزمت بنت عمهه يعني بنتي شعليهه مو حرام علييكم تكسرون بختهه بعدهه عروس ماصارلهه شهررر من اخذتوهه ترجعوهه علينة بيااا ذنب ابو سيف ـ ذنبكم ما لميتو عرضكم من الشارع بس العتب موو عليكم العتب علئ الناااس التخاف تحجي وتضمضم للشين سواييته الخايسة بحجة منريد مشاكل قبل يووومين يلةة عرفت انتو شامرين بنات اخوكم بالشارع من قبل سنين والعالم مرجعتهن الكم ارشد ـ لـ لـ لا منو كلك ام محمد ـ منو كلك شنوو كذبب هالحجييي ماكووووو هيج شي البنات هنةة انهززمن من بيتنةة ابو سيف ـ وبعد اااتعس سالفتكم اذا بنات صغاار ماكادرين عليهن ولا كادرين تلموهن ياعمي المصيبة لا وحدة ولا اثنين هذني اربع بنات وشاردات لو وحددددة نسكت ونكول الذنب من البنية غلطت وتتحمل غلطهه لان زوجتووهه لبيت ابو فلاح نكوول اخذت طبعهـــم يا ابو محمدد موو ارشد ـ قسمة. وصارت ـ ياقسمة متكلي .. مناسبين بيت ابو فلاح وناطين بنت اخوكم الهم هووو هذاا مستوااكم تنطون عرضكم للماعدهم عررض وشرفف الكل يعرف ابو فلاح وخيستة مادري بياا عقل اجيت وخطبت من عدكم ما استحيتو من نفسكم من نطيتوهم بنت اخووكم اليتيمة بس ااااااخ من الناااس المنااافقة كلهه هالوادم مسؤلةةة وبيوم الدين اطالبهممم لان ماحجوو الحقيقية بس هسةةة من فاحت ريحتكمم وخيستكمم يلة كام يطلع الحجي ووطالماا انتوو تقبلوون بهيج نسب وووصخ مستحيلل اني اقبل بييكم وببنتكم مصايبكم كثررت وريحتهه طلعت البنية طلعت معيوبة وحبلت من صديقهه وانهزمت وياه خواتهه الصغار ليش اخذتهن معناهه انتو عايفين بنات اخوكم علئ حل شعرهن يمشن واالله واعلم شمسويات بناتكم ارشد. ـ لااا حددددك لهناا ابو سيف لاتتجاوز علئ بنااتي ـ هذا مو بس كلامي صرتو علج بحلوك العالم الشغلة بيهه أأأن وجبيررة همين لان هالاربعه انهزمن سوية ووالغلط منكم انتوو عمامهنن ماعرفتو تلموهن شلون نتقبل بنتكم تحمل اسمنة وابني يخلف منهه احفادي وبنات عمهن هيج حالهن شكول للعالم خوال احفادي ميعرفون يربون العرك دساس بوية بنتكم يمكم وابني يمي اامشي ووووولك سيف كداامي كميلة ـ يبووو جانت عايزة والتمت ام محمد ـ ااالله لاينطيييج يامنااال عساااهاا بححضج وبختججج حووبة. بنااتي منال ـ امشي ولي ولج حوبة بناتي ام حلك الاعوج اني شعلية ـ وتنكررررين لج كل هالمصايب وفضيحتنة بالمنطققة من وراااج اانتي لو مماذية البنااات وممزوجتهه لهذا الخصي جااان ما اجانة هالحجيي بس اانتي اااااخ منج لاا اليوم لازمم ابرد كلبيي بيييج ـ اكلي نعل بنت الكلببب لو بيج خير جان اخذتيهن يمج مو جنهن جيس زباااله تعامليهن منااافقةةة علئ الاقل ااني مو منافقة ووحجااية وجهييين مثلج كميلة ـ يابة كعدو عيب تتكافشن انتن كبار.. لا هذني مخبلات اذا ابقئ بنصهن يكفشني وياهن خلي اروح لبيتي واسد بابي علية واخابر نهاوند اسولفلهه هالمضروبة راحت وكالت عدولي لاتقبل تجاوبني ولا تراسلني خلي اشوف شبيهه ــــــــــــــــــــــــــــــــــــــــــــــــــــــــ نهاوند. ـ طول فترة هالاسبوع كميلة ادك عليه موتتني وسطرتني ابد مبية حيل اجاوبهه هاي تريد تسولف واني مالي خلك روحي كميلة ـ ولج جاوبي ضامتلج سالفة تعجبج ـ شنو عمة ـ اي صلوات واخيرا جاوبتيني راح اتصل مبية اكتبلج ـ دكت عليه وشلته سولفتلي كل الصار وية جيداء اي عمة مو كل اصابعج سوة اكو ناس يتقبلون وضع جيداء ويكولون شعليهه بس يجوز ابو زوجهه من البداية مارايدهه ولكاهه حجة ـ يبوو لو تسمعين كلامة وبساميرة لعمامج اسكتي وخليهه خوب ناااصر لا عين تشوف ولا اذن تسمع سااكت ولافتح حلكة وتالي ام. محمد لزمت منال وذييج الكتلة التعبجج حتئ جيداء وخواتهه همين نزلن وتمالخن وية دعاء وامههه ـ يستاهلون كلهم السووه بينة مو قليل الله لايوفقهم علئ سوايتهم والله يدمرهم مثل مادمرونة ـ ليش احسج تعبانة .. شنو صاير شي ـ لا ماكو شي بس من الشغل تعابنة ـ بعدج تخدمين بالبيوت ـ لعد شسوي اكو غيرهه حتئ نعيش ـ حقج الحياة صعبة والله.. اكلج يلة روحي كبت عيطة ثانية خلي اشوف شكو واجي اخابرج ـ اي باي .. مالي خلكهه حتئ لو تتصل بعد ماجاوبهه ان شالله تطلع حوبتي اني وخواتي بيهم واحد واحد .. ام اميل ـ نونةة تعاالي خاله ـ اي خاله اجيت .. ذبيت التلفون وطلعت اركض نعم خالة اميل ـ لكينة بيت سعرة 150 الف بالشهر ـ 150 ياسر. ـ اذا علئ الايجار لا تشيلين همة احنة نساعدج بين ما تشتغلين ـ زين وين هنا يمكم ـ لا والله مو هنا بعيد شوي ـ بقيت ساكتة وحايرة خايفة ومرعوبة تتكرر هالتجربة مرة ثانية ماعرف شنو اكللهم ام اميل ـ انت مافاهم البنية اني فاهمتهه .. البنات مصدومات من البيت الكعدن بي صار عدهن ردة فعل ويخافن من كلشي واكيد يخافن يروحن لاي بيت لوحدهن.. شوفولهن من المنطقة قريب علينة اميل ـ شكد دورنة هنا ماكو بيوت للاايجار ـ يعني معقولة ماكو ولا بيييت بهالمنطقة ياسر ـ اكو بيوت بس من يعرفون بس بنات وهيج اعمارهن ميقبلون ياجرون ـ لعد شلون لا اني ما اقبل بعد يبتعدن عني خطية ما انسة شلون اجني وجهن مخطوف وحالتهن حالة اميل ـ اي بس مو مال يضل هنا يمنة ياسر ـ لو ترهم اخذهن لبيتي ماقصر ادري بيك متضايق منهن ام اميل ـ يا ياسر تاهت ولكيناهه من زمان اريد اكلك واكول يجوز ميقبل ـ شنو خاله كولي ـ بيتك اقسمة بينك وبينهن واليسأل من المنطقة نكول اجرنة وكاعدات بفلوسهن حتئ لا تجي حجاية اميل ـ راح يضلن يمنة علئ هالحجي ام اميل ـ اي ابني خلي يضلن اني رايدتهن يضلن ميخالف خطية ماعدهن احد ياسر ـ والله خوش فكرة خاله من باجر اقسم البيت ام اميل ـ عرس اختك مابقاله شي لازم تروح وتكون بجانبهه ـ والبيت والبنات شلون ـ باقيات يمي لاتخاف عليهن والبيت سلمة لاميل هو يجيب عمال يشتغلون بي نهاوند. ـ غرفة وحمام تكفينة والله منريد شي بس نريد احد يحمينة والله ميتة خوف من ذاك اليوم ياسر. ـ خلص عاشت ايدج خاله علئ هالحل باجر اطلع عامل حتئ يجيب المواد واخلي اميل يوكف بالبيت واني اروح لسنجار يكمل عرس اختي وارجع ونكعد سوية نهاوند ـ راح يقسم البيت مالته لخاطرنة اني وخواتي مصدكت الاسمعه ربي يكثر من امثالك يا ياسر الله يحفظك ـ الفرحة الي بعيونج كافية عليية ام اميل ـ لو ادري هيج تفرحون جان من البداية اقترحت عليكم هالسالفة بس جنت شاكة ماراح ترضه ياسرـ اقتراحاتج كلهه تخبل مثلج ياخاله.. ـ رجعت الضحكة والابتسامة النة حسيت بامان قبل لا اكعد بالبيت الايام كمت انامهه مرتاحه راح ياسر لسنجار واميل كمل البيت مر اكثر من اسبوعين يلة رجع من سنجار ابد مافكرت اسأل عن دين ياسر لان كل اعتقادي هو مسلم اسمة ياسر واختة زينب ويتزوجون ويطلكون مثلنة علاقتي صارت كلش قوية ابيت خاله ام اميل .. حتئ اميل همين شوي بدة يرتاحلي مو مثل قبل متخوف مني ماقبلت خاله نروح لبيت ياسر ونكعد بي لوحدنة قبل لايجي صار اليوم الموعود واجئ ياسر من سنجار واخذني اني و اخواتي للبيت دخلنة علئ كراج صغير وكدامنة بابين باب الاستقبال وباب المطبخ ياسر ـ المطبخ الكم شوفي هذا ودرج وصحيات جوة الدرج واكو فوك غرفة هية غرفتي سابقا ـ وانت وين ـ اني الاستقبال وعندي بيهه صحيات وهنا خليت مطبخي ـ قاطع الهول بسندوج بنل مثل غرفتنة الي ابغداد.. زين ثلاجتك وطباخك وغراضك ـ خليهن يمكم بس نقلت غرفتي هنا بالقاطع واذا احتاج شي اكيد ماراح تعزو عليه ـ يا صدك تحجي عيوني الك اخوية الغالي ـ ربي يحفظج تعالو فوك اشوفكم غرفتكم ـ صعدنة فوك كلنة سوية غرفة صغيرة ودرج داخلي دخلنة الغرفة بيهه ملابسنة وغراضنة وشباك صغير طلاكة وحدة وبردة انتبهت اكوو صورة بناية حلوة بنص مساحه جبيرة من الخضار منضر طبيعي يخبل .. الله شكد حلوة هاي الصورة ـ هذا معبدنة .. معبد لالش ـ معبد لالش شنو؟ ـ معبد خاص بينة احنة الايزيدية ـ يعني شنو ايزيدية مدفتهم ـ دين.. حاله حال الدين الاسلامي والمسيحي ـ يعني انت مو مسلم! ـ لا ..اني أيزيدي ..مو مسلم ووللحكاية بقية…… 🥀